حياة زوجية بس فيها سرقه

[عمـر المنسلح]

السلام عليكم ورحمة الله وبركاته

يالربع موضوعي عن قصيدة قرأتها في مجلة المختلف

وهي تحكي عن شخص يسرق راتب زوجه

ابغى رايكم في هالموضوع

مع العلم ان الشاعر غير معروف

(( حرامي الراتب ))

لي زوجة حبه يتــل المعــاليق
عرسي عليها العام باول شباطي

من روحته والزاد بالبيت ماذيق
والاميز العلم القوي والخراطي

بياض وجهه من بياض الغرانيق
وخدودها ياخوي مثل الطمــاطي

والصدر يزهابه عذاب العشاشيق
والردف زامي فوقة الخصر واطي

ومدرسه مع زين كل التخاليق
وزود على هذا تعـرف الخياطي

وجابت رويتبها وصفـقت تصفيق
تسـعة الاف كلهن بالمــغاطي

وصكت عليه بغرفته بالصناديق
وغطت على صندوقهن بالبساطي

وديتها تشري قدور واباريق
وانا انطلقت للبيت يم الشناطي

واخذت سبعة الاف معهن تلاحيق
وخليت الف وخمس معهن افراطي

عرفت وقالت عندك اليوم ماليق
والله لوتربط برجلي رباطي

وانا عرفت اني توهقت توهيق
ياالله يارب اتهديـن الصراطي

وقالت لخوها كل شي بتوثيق
وجاني حلال القوم راع النشاطي

ثمن ضربني ضربة تييبس الـريق
وقام وفرشني فرشتة للــسماطي

وقام يتوطاني بليا ترافيق
ويرجد علي ويمسحن بالبلاطي

واوجس بصدري عقب ضربه حشاريق
قمت اتنفس عقبها من اباطي

لي تسعة ايام وانا بي تشاهيق
عجزت اسولف كن فيني اصقاطي

براسي صعارير اسواة الزرانيق
ومضارب بالبطن مثل المقاطي

ولا ضاق صدري قمت اجمع طوابيق
و الى توسع قمت اجمع قــواطي

انا احمد اللة بدّل الضوق بالضيق
والهم من راسي نزل للمواطي




للحفظ (http://www.qassimy.com/nu/voicesm/1956.rm)

http://www.qassimy.com/nu/voicesm/1956.rm

[مقراط]

المنسلخ

السلام عليك ورحمه الله وبركاته

الله يسلمك انا مااحب الشعر

لان الشعراء في كل وادي يهيمون

والاوديه ياشيخ غداره

الله يحييك السارق مسروق والعقوبه تصله وتصل عياله

والمراه طال عمرك لابد احترامها سواء كان عنده راتب او ماعنده راتب

والرجل العاقل لابد ان يكون مع زوجته شفاف ويقدره

لان المعامله بالمثل

اللي يقدمه الزوج لزوجته يحصله قدامه كله خير

ياربي يوفقك

[مجرم جامعي]

شف يالبناخي يابن طواله حقيقتن احتقر اللي ياخذ راتب المره غصبن عنها وحقيقتن والله انه مايستحي على دم وجهه ياخوي هي اللي تعبت وهي اللي اشتغلت وتقوم تسرقه منها قمة القهر لكن اذا هي تبي تعطيك فهذا شين راجعن لها وماهي ملزمتن بهالشي ولكن ان بغت تعطيك الله سبحانه وتعالى يقول ( واتوا النساء صداقتهن نحله فان طبن لكم عن شيئاً منه نفساً فكلوه هنيئاً مريئاً ) .
مشكورن على انشادك لها يالبناخي وابي هديتن من اشرطتك وسلامتن تسلمك يابن طواله

[عمـر المنسلح]

حياكم ربي

مقراط (( المنسلخ )) حلوه

مجرم جامعي

انا كلي لك طال عمرك ابشر بعزك وين تبغاني اجيبهم لك

مشكوووورين على المرور

[أم أديم]

الله الله الله :) تجنننننن

تصدق عاد اخوي عمر .. ان ابواديم مدمن هالقصيده .. صح لسان الشاعر وصح لسااانك اخوي

لاعدمناك :)

[فرس حره]

بارك الله فيك
دائما مبدع بما تكتبه وتنشده
وعساك دوووم على القوه
رووووووووعه

[&دلع انثى&]

قصيده روووووعه
لو كتب فيها كم بيت غزل,, تعطيه الراتب كله وبطيب خاطر بعد<< مااحد قادر يستوعب قوة تاثير الكلمه الحلوه على المراه :sh652:

وقام يتوطاني بليا ترافيق
ويرجد علي ويمسحن بالبلاطي

واوجس بصدري عقب ضربه حشاريق
قمت اتنفس عقبها من اباطي

8
8
8
حزنت له



يعطيك العافيه على التنشيد الرائع

[شموخ بدوية]

كتيبت فأبدعت اخوووي قصيدة روعة سلمت يمينك

تقبل مروري

[المهاجر]

صح لسانك عمر

[عمـر المنسلح]

الله الله الله :) تجنننننن

تصدق عاد اخوي عمر .. ان ابواديم مدمن هالقصيده .. صح لسان الشاعر وصح لسااانك اخوي

لاعدمناك :)


مشكوووووره ام اديم على مرورك

ودام الذيب معجب بالقصيده فهذا يكفيني

[عمـر المنسلح]

[quote=فرس حره;3221929]بارك الله فيك

دائما مبدع بما تكتبه وتنشده
وعساك دوووم على القوه

رووووووووعه



الابداع مرورك

الله يقويك

الشكر لكي في مرورك

[عمـر المنسلح]

قصيده روووووعه

لو كتب فيها كم بيت غزل,, تعطيه الراتب كله وبطيب خاطر بعد<< مااحد قادر يستوعب قوة تاثير الكلمه الحلوه على المراه :sh652:

8
8
8
حزنت له




يعطيك العافيه على التنشيد الرائع



هلا بالدلع

مشكوره على مرورك

صدقتي لو كتب فيها واطربها كان قدمت عيونها له

[عمـر المنسلح]

كتيبت فأبدعت اخوووي قصيدة روعة سلمت يمينك

تقبل مروري


الله يعطيج العافية

شرفني مرورك

[عمـر المنسلح]

صح لسانك عمر




صح بدنك يابعد حيي

شرفت ياتاج راسي