بدر عوض / محمد الخريف / كبرياااااااااااء

[شاعر قديم]

هنا اقدم شكري للشاعر القدير بدر عوض / والشاعره الراقيه / كبرياااااء

ولكل من يفهم بالشعر / وبالذات اخوي محمد الخريف .. واحب اقوله اطلعت على قصيدتك وما اقول الا بيض الله وجهك ولله درك

اقبلوا رحيل الضيف فقد انتهت الضيافه ..
,

,

,


خلاص وصلت يابدر يالله عسى عمرك طويل
وراع الذلول الباركه عود يبا يستاقها



البارحه سقت القوافي والهدف قافً جميل
واليوم ابشعب فاطري والدار حل فراقها



يعني فمان الله يالاجواد عزمت الرحيل
قبل امس شايف لي مزونً لاح لي براقها



وديارنا دايم ربيع ولا يعيش ابها البخيل
ومن طبعنا ما نطبخ الحمسه لابان احراقها



شاعر ولكني مصنف من هل الوزن الثقيل
والشمس لاغابت لزوم يبين لك مشراقها



ياهل البيوت النادره والشعر والقول الجزيل
اعتب عليكم والروايه لاتضيع اوراقها



رسالتي مدام واصلت مايكثرها القليل
ولا يقللها الكثير اليا كربت اواساقها



والمعذره شاعر قديم وجاب جزء من الحصيل
ومدام بأخـرها عـــذر اذاً حكمت اغلاقهــــــا

[بوح القصيد]

ياهل البيوت النادره والشعر والقول الجزيل
اعتب عليكم والروايه لاتضيع اوراقها

شاعر قديم

صح لسانك وبيض الله وجهك

والذين ذكرتهم فيهم الخير والبركه وكذلك نحسبهم وانت منهم

والشعر ورواته باقون ما بقي الدهر والكل صار متذوق للشعر ويميزون بين الغث منه والسمين

صح لسانك على هذه الباذخه واتمنى ان يستمر بقائك معنا لننهل من هذه الدرر

دمت ودام رقي حرفك

اخوك

بوح القصيد

[واحــ 1ــد]

شاعر قديم ، صح السانك
نص جزل من شاعر جزل
ويستاهل بدر العوض ومحمد الخريف وكبرياء وانت مافيك حيله

[محمد الخريف]

شاعر قديم

لن نقبل رحيلك فلاتترك الساحه لاشباه الشعراء

دمت بكل الود

[سكري]

شاعر قديم
صح السانك
نص جميل ولكن لم ولن يكتمل نظم العقد الا في حضورك
نص مميز وهذا ليسا بغريب على شاعر يسبك من ذهب
شاعر يستاق الذلول اين وكيف ومتى يشاء
شاعر ابهرنا في هذا النص والذي قبله
انت فعلا شاعر مميز وجزل

[شاعر قديم]

ياهل البيوت النادره والشعر والقول الجزيل

اعتب عليكم والروايه لاتضيع اوراقها

شاعر قديم

صح لسانك وبيض الله وجهك

والذين ذكرتهم فيهم الخير والبركه وكذلك نحسبهم وانت منهم

والشعر ورواته باقون ما بقي الدهر والكل صار متذوق للشعر ويميزون بين الغث منه والسمين

صح لسانك على هذه الباذخه واتمنى ان يستمر بقائك معنا لننهل من هذه الدرر

دمت ودام رقي حرفك

اخوك


بوح القصيد



بوح القصيد

حضورك واشادتك بقصيدتي المتواضعه والتي علم الله بأنها اتت كيبورديه كما هي .يعني انك منحة هذا النص وسام التمييز لاخلا ولاعدم . عودتي فقط لشكرك انت ومن حضر بهذا المتصفح . اما الرحيل فهوا امرا لابد منه

ودي لك وخلاص التقدير

[شاعر قديم]

شاعر قديم ، صح السانك
نص جزل من شاعر جزل
ويستاهل بدر العوض ومحمد الخريف وكبرياء وانت مافيك حيله


اخوي واحــ1ـــد

كل الجزاله اراها بحضورك ورقي كلاماتك وعذوبة اطرائك

واللي ذكرت يستاهلون وانت ماعليك زود

مودتي لك وكل التقدير

[شاعر قديم]

شاعر قديم

لن نقبل رحيلك فلاتترك الساحه لاشباه الشعراء

دمت بكل الود


اخوي محمد الخريف

الرحيل لابد منه والساحه الله يعينها على مافيها . المسأله تعدت مواقع النت الى القنوات الفضائيه
لكن فالنهايه مايصح الا الصحيح .

موقع قصيمي نت كان موقع شعر اما الان وفي وضعه الحالي . اسمحلي اختلط الجزل بالهزل

وهذا لايلغي وجود شعراء مميزين وعملاقه في قصيمي نت .

تقبل مودتي وخالص التقدير

[شاعر قديم]

شاعر قديم
صح السانك
نص جميل ولكن لم ولن يكتمل نظم العقد الا في حضورك
نص مميز وهذا ليسا بغريب على شاعر يسبك من ذهب
شاعر يستاق الذلول اين وكيف ومتى يشاء
شاعر ابهرنا في هذا النص والذي قبله
انت فعلا شاعر مميز وجزل


بدر العوض

صح بدنك والله يمسيك بالخير يابدر

شهادتك اعتز فيها وسوف اضعها وسام على صدر القصيده وشاعرها


تقبل مودتي وخالص التقدير

[شاعر قديم]

عدنا للذكريات

[فهد بن زيد]

قلت/=
شاعر قديم اهلاًهلا ,, في ردّة السيف الصقيل= في جيّتك يامسهلا ,, زان الشعر باوراقها
انثـر قصـــيدك للمـلا ,, لايبتــــعد او يستقــيل = شـرواك يتـــلا مــا تــلا ,, من نجد لين إعراقها

[محمد مطلق الجربا]

من اجمل ما قرأت هذا الصباح

رغم نضرتها التشاؤميه لوضع الساحه الا انها نضره لاتخلو من الواقع

لكن حق وجدنا هنا شاعر من العيار الثقيل

لن تخلو الساحه وشرواك فيها

[شــتآت]

مااقول الا صح منطوقك شاعرنا..

وهلا بك مره اخرى..

لاعدمناك..