الرجل مع العولمه اصبح مثل الدجاجه

[مقراط]

الفاضل ستار والافاضل المشرفين

اخواني الاعضاء القربين الى قلبي

اخواتي العضوات الله يوفقكن

اخواني المارين غير المسجلين الله يوفقكم

السلام عليكم ورحمه الله وبركاته

الله يحييكم والدتي الله يحفظها اللي هي والدة الجميع عنده خويتم يبيله تعديل

عقب صلاة العصر لهدا اليوم الاحد الموافق 8+3+ 1429 رحت يم سوق الدهب اللي قريب من

بيتنا العامر دخلت احدى محلات الدهب ماشاء الله المحل كبير الله يرزق راعيه الخير اينما كان

فيه حول 8 ثمان نسوان يتكلمن مع الباعه عن امور الدهب وماادرك ماالدهب

قعدت اناظر واسأل نفسي ؟؟؟؟؟؟

وين رجاجيل النسوان اللي بالمحل وراءهم مايجون معهن ؟؟؟؟

وين غيرة الرجاجيل تاركين نسوانهم يتكلمن مع الباعه ؟؟؟

قلت النسوان اللي بالمحل محسوبين على رجاجيلهن وتاركينهن بدون محرم؟؟؟

كل النسوان اللي بالمحل امانه على رجاجيلهن وماهنا احد يراعيهن ؟؟؟؟

نهاية الموضوع

كل ماشوهد بالمحل كونت في نظري

ان الرجل مع العولمه اصبح مثل الدجاجه اكل بالبيت ولايهمه وضع زوجته ولا وضع عياله

ومضه

من اسباب حوسة العلاقه الزوجيه هو ترك الزوجه تهيم في دوامه الاسواق بدون محرم

الباعه اشد خطرا على النسوان وعلى العلاقه الزوجيه

تصبحون على خير ياهل الخير يازين النوم مع الراحه النفسيه اللهم لك الحمد والشكر

[ساري بليل]

كل ماشوهد بالمحل كونت في نظري
ان الرجل مع العولمه اصبح مثل الدجاجه اكل بالبيت ولايهمه وضع زوجته ولا وضع عياله

كل الازواج كل الازواج والا بعضهم مقراط (ekaj)
ومضه

من اسباب حوسة العلاقه الزوجيه هو ترك الزوجه تهيم في دوامه الاسواق بدون محرم
الباعه اشد خطرا على النسوان وعلى العلاقه الزوجيه
تصبحون على خير ياهل الخير يازين النوم مع الراحه النفسيه اللهم لك الحمد والشكر


مقراط حبيبي ليه ما شمرت عن ذرعانك ونصحت هؤلاء النسوة في زمن العولمة

الله يقاك من كل شر ويخليك ذخرا لولدة الجميع

[طايل]

عليكم السلام ورحمة الله وبركاته

مقراط حبيب الملايين

الله الله لا اوصيك بوالدة الجميع حفظها الله من كل سوء واحسن خاتمتها وخاتمتنا

..........

بس الله يهديك ما وضحت دجاج وطني والا مستورد

[دفءالمشاعر]

اخي مقراط كيف حالك عساك بخير
وكيفهالوالده وعساك صلحت خويتمها والله نفسي ابوسها مع راسي وقولها عزالله انك جبتي رجال ينشد به الظهر ويرفع به الراس

مقراط احمدربك على الغيره الموجوده بقلبك احمده والله يزقك الزوجه الصالحه يارب العالمين

[&دلع انثى&]

سلملي على امك وبشر عسى اتصلح خاتمها
قعدت اناظر واسأل نفسي ؟؟؟؟؟؟

غض البصر ياشيخ الله يصلحك <<< ترا امزح


ان الرجل مع العولمه اصبح مثل الدجاجه


حشاكم والله مو دجاج ,, رجال قبل العولمه وبعدها وع طول,,
وعن الحريم اللي لوحدهم بالسوق
اقولك ان اصابعك مو سوا ,, بعضهم صحيح تروح لوحدها بس مااحد يتجرا عليها لانها محترمه في لبسها وفي كلامها وفي مشيتها
والمغازليين نفسهم يقولوا ,, احنا مانعاكس الا اللي نشوفها تبغى المعاكسه وعارضه نفسها,, اما المحترمه نحترمها ونحطها فوق روسنا ,,
يعطيك العافيه على غيرتك

[@ملكة الورود@]

اول شئ دف حشى كل ذا توقيع خذيتي الصفحه كلها



البركان الثاير والله اعتمد الرد هههههههههه

وعليكم السلام

مقراط توك مابعد شفت شئ من دجاج اليوم ههههههههه اقصد بعض رجال اليوم

[المهاجر]

ما سمعت المثل اللي يقول

العنز ترعى والتيس بالدار

هؤلاء ينطبق عليهم هالمثل

وسلمي لي على اميمتك والله يحفظها لك

[رواسي**]

وعليكم السلام ورحمة الله وبركاته

أخي الفاضل مقراط

الله يسعدك ووفقك دنيا وأخرة..ويخلي لك ميمتك ويبلغها فيك وفي عيالك

إذا كان الرجل الذي يترك زوجتة تذهب لسوق وهو مهوب معها دجاجة..عجل

الله المستعان 90% من رجال اليوم دجاج..

طيب ويش رايك في الزوج الذي يقترح على زوجتة الذهاب إلى السوق أو زيارة

إحد الأقارب أو الجلوس على النت..إذا قالت له أنا متملله خل نطلع أنا وياك..

ما هو المسمى المناسب لهذا الزوج..

[سنى البدر]

الفاضل ستار والافاضل المشرفين

اخواني الاعضاء القربين الى قلبي

اخواتي العضوات الله يوفقكن

اخواني المارين غير المسجلين الله يوفقكم

السلام عليكم ورحمه الله وبركاته



لما شفت الخطاب الرسمي ...... ضاق صدري (qq115)

قلت أكيد مقراط بيترك المنتدى

تبي الصدق أخوي مقراط أنا ما أحب الرجال اللي يتبع حرمته في السوق

لأن أغلبهم لهم مأرب آخرى وما قصدهم الدين

والمرأة المحتشمة في لبسها وكلامها تجبر الباعة والمتسوقين على أحترامها

وجهة نظر لها مؤيد ومعارض

[شموخ بدوية]

وعليكم السلام ورحمة الله وبركاته


أخي الفاضل مقراط

الله يسعدك ووفقك دنيا وأخرة..ويخلي لك ميمتك ويبلغها فيك وفي عيالك

إذا كان الرجل الذي يترك زوجتة تذهب لسوق وهو مهوب معها دجاجة..عجل

الله المستعان 90% من رجال اليوم دجاج..

(q81) (q81) (q81) (q81) معك انا في هذه النقطة وربي انك صادقة........

طيب ويش رايك في الزوج الذي يقترح على زوجتة الذهاب إلى السوق أو زيارة

إحد الأقارب أو الجلوس على النت..إذا قالت له أنا متملله خل نطلع أنا وياك..

ما هو المسمى المناسب لهذا الزوج..


نسميه دجاجة صقعة(a26) (a26)

دمتم بود

[رأي الحكيم]

عليك السلام أخي مقراط
لكل شخص وظروفه صحيح أغلب الناس يترك أهله بالسوق حتى ولو لم يكن مشغول لكن رد الأخت (( دلع أنثى )) كفى ووفى

[تكفون قلبي لاتجرحونه:(]

مادامت محترمه نفسها ومحتشمه محد بيتجرأ عليها

وانا اشوف ان كل الرجال مايحبون السوق واذا راحوا معنا للسوق ينكدون علينا ومايخلونا ناخذ راحتنا لانهم يملون من الانتظار

[... بنت الجنوب ...]

انا زوجي لو اموت مايخليني بروحي ودائم تصير هوشه بينه وبين البياعين اذا احد منهم كلمني

صرت اكره السوق وبقوه (q78)

[وليد الشرقيه]

هلا وغلا

حبيب قلبي


المفروض غير والواقع غير

ياعزيزي وش فيها اذا ساومت عن حاجه تشتريها

اكيد المحل فيه اكثر من وحده يعني الوضع عادي

[اميرة نفسي]

هالا والله فيك مقراط وب موضوعك المهم

صدقت والله بكلامك انا معك بكل نقطه قلتها لكني اعتب بعد على الحريم الي يروحن من دون رجل
بصراحه انا مستحيل اروح السوق الحالي لازم زوجي يكون معي اخذ الي يعجبني وهو الي يحاسب ويكلم الي يبيع
ويسأله عن السعر والحمد لله صوتي ما يسمعه رجال لأن صوت المرأه عوره


ومشكور على الموضوع

[البرحيه]

القهر لا صار الدجاجه معها وجوده كعدمه هذا بنظري هو من دجاج العولمه ابائع يدلعها ويجيب لها الجزمه وتكاسر وووو والدجاجه واقف لا يتكلم ....... ولا يخليها ويروح يدور بنات يرقمهن ويغازلهن هنا صار ماله داعي روحة الدجاجه مع زوجته السوووووووووووق

[مجنون في هواك]

انا زوجي لو اموت مايخليني بروحي ودائم تصير هوشه بينه وبين البياعين اذا احد منهم كلمني

صرت اكره السوق وبقوه (q78)
هذا الفحل بلغيه سلامي وشواقي الحاره

هيك الرجال ولا بلا

[فتاةمن زمن الحب]

وش فيها يا مقراط...ها1
تظن ان رجالنا فاضيين للخروج معنا كل ما نبي نخرج..

[صدى الحنين]

وعليكم السلام ورحمة الله وبركاتة

الله يخلي لك أميمتك ويرزقك برها إن شاء الله ... أشكرك أخوي مقراط على غيرتك على بنات المسلمين الله يوفقك
بس لو قلت في طرحك بعض الرجال لإن والله فيه رجال صالحين وغيورين على زوجاتهم ...
أسأل المولى عز وجل أن يرزقك الزوجة الصالحة إلي تبر بوالدتك يااااااارب

أختك
صدى الحنين

[عذبه الروح]

انا الحمد لله بعد ما صار زوجي دجاجه

ولا صار دجاجه بخبركم
مقرطوه سلملي على الغاليه الله يحفظها يارب

[... بنت الجنوب ...]

هذا الفحل بلغيه سلامي وشواقي الحاره

هيك الرجال ولا بلا


يبلغ السلام (gfp)

[حسن خليل]

أشكرك أخي مقراط على طرح هذا الموضوع الهادف.

مرافقة الرجل لزوجته إلى السوق ضرورية أو إذا كان لديها أبناء كبار يمكن أن يرافقها أحدهم.

ولكم احترامي وتقديري.

[مقراط]

مقراط حبيبي ليه ما شمرت عن ذرعانك ونصحت هؤلاء النسوة في زمن العولمة

الله يقاك من كل شر ويخليك ذخرا لولدة الجميع
ساري

السلام عليكم ورحمه الله وبركاته

الله يحييك والله ودي اقول لهن شئ

وبعدين قلت والله مب مسؤول عنهن

اسال المولى عز وجل ان يديم عليك الصحه والعافيه

ياربي يوفقك

[مقراط]

عليكم السلام ورحمة الله وبركاته

مقراط حبيب الملايين

الله الله لا اوصيك بوالدة الجميع حفظها الله من كل سوء واحسن خاتمتها وخاتمتنا

..........

بس الله يهديك ما وضحت دجاج وطني والا مستورد
بركان

السلام عليكم ورحمه الله وبركاته

الله يسلمك الدجاج اللي اقصده وطني اما الدجاج الاجنبي ميت قبل ولادتي

اسال المولى عز وجل ان يحمي اهلك من كل شر وان يجعل ابناءك افضل ابناء الديره

[ربشه]

الرجال مو لازم يطلع مع زوجته للسوق لان السوق كله فتن ونساء متبرجات تطلع مع اخواتها او مع صديقاتها وتلتزم حشمتها

[مقراط]

سلملي على امك وبشر عسى اتصلح خاتمها


غض البصر ياشيخ الله يصلحك <<< ترا امزح



حشاكم والله مو دجاج ,, رجال قبل العولمه وبعدها وع طول,,
وعن الحريم اللي لوحدهم بالسوق
اقولك ان اصابعك مو سوا ,, بعضهم صحيح تروح لوحدها بس مااحد يتجرا عليها لانها محترمه في لبسها وفي كلامها وفي مشيتها
والمغازليين نفسهم يقولوا ,, احنا مانعاكس الا اللي نشوفها تبغى المعاكسه وعارضه نفسها,, اما المحترمه نحترمها ونحطها فوق روسنا ,,
يعطيك العافيه على غيرتك
انثى
السلام عليكم ورحمه الله وبركاته

الله يسلمك انا ماقلت عن الغزل شئ

انا اللي اقوله مايصح على الرجاجيل ترك نسوانهم بالسوق بدون محرم

لان صوت المراءه عوره ولايجوز تكلم الباعه ولاتجادله في شئ الانه مو محرم لها

ومضه

لاتقولون ان الامطار تأخرت

تراها تأخرت بسبب اعمالنا

لاحول ولاقوه الا بالله

[مقراط]

اخي مقراط كيف حالك عساك بخير
وكيفهالوالده وعساك صلحت خويتمها والله نفسي ابوسها مع راسي وقولها عزالله انك جبتي رجال ينشد به الظهر ويرفع به الراس

مقراط احمدربك على الغيره الموجوده بقلبك احمده والله يزقك الزوجه الصالحه يارب العالمين
دفء

السلام عليكم ورحمه الله وبركاته

الله يسلمك خويتم الوالده صلح اصبح جميل لان يد والدتي الله يحفظها

حلوه

وشكرا على كلامك الجميل لانك انسانه كلك طيب ومعدنك احلى من الدهب

واسأل المولى عز وجل ان يديم عليك الصحه والعافيه

وان يجعل ابناءك افضل ابناء الديره يارب

ولاتنسين تقرين صورة الكهف من يوم الجمعه فهي نور عليك

[مقراط]

اول شئ دف حشى كل ذا توقيع خذيتي الصفحه كلها



البركان الثاير والله اعتمد الرد هههههههههه

وعليكم السلام

مقراط توك مابعد شفت شئ من دجاج اليوم ههههههههه اقصد بعض رجال اليوم
ملكه

السلام عليكم ورحمه الله وبركاته

الله يسلمك للاسف من تالي الدجاج كثر وسمن

ياربي يوفقك

[مقراط]

ما سمعت المثل اللي يقول

العنز ترعى والتيس بالدار

هؤلاء ينطبق عليهم هالمثل

وسلمي لي على اميمتك والله يحفظها لك



المهاجر القريب الى قلبي

السلام عليكم ورحمه الله وبركاته

شكرا الله يحييك على مرورك

اسال المولى عز وجل ان يرزق الخير اينما كنت

[ملح وقبله]

أولاً يا مقراط وراك انقلبت مصري عقبي وش الدهب وما الدهب ؟؟؟ والا الذال خربانه عندك

بس صراحه اعجبتني سالفة بيتكم العامر والخويتم اللي يبي له تعديل ولا تهون العولمه ههههههههههههههههههه

سلم لي على والدة الجميع والله يخليها لك ويخليك لها

[من بقايا الامس]

لو تدري عن العلاقات
اللي بين الباعة
وهالمسنترات في الأسواق
قصص تشيب الراس ..


اقولها من جلسة بسيطة مع يماني مايسوى ريال مقطع .. ماخلى ولا بقى يوصف السعوديات بأبشع الأوصاف .


همسه شعرية //
تعدو الذئاب على من لاكلاب له
وتتقي صولة المستأسد الضاري

[مقراط]

نسمه

السلام عليكم ورحمه الله وبركاته

الله يسلمك نسميه الله يحيك دجاجه سرحانه

الحمد لله والشكر

الظاهر الحين بوه سرحان عند بعض الرجاجيل

الحمد لله والشكر


ياربي يوفقك

[الغلباء]

السلام عليكم ورحمة اله وبركاتة

يارب لا يارب لا يارب لا

يااخوان على عهد الرسول صلى الله عليه وسلم كانت خديجة رضي الله عنها لها تجارة وتعمل فيها وتنافس التجار فيها ولا انكر عليها هذا الشي الرسول صلى الله عليه وسلم لما تزوجها عمل لها في تجارتها ومسئلت المحرم دائما تطرح فقط في السفر او في الحج او في اشياء اخرى حتى فيه بعض الاحاديث ذكرة ان المراءة البالغه من العمر او اللي سبق لها زواج وطلقة تستطيع الزواج بدون موافقة وليها. وانا مب المقصد أني ما اؤيد وجود الزوج مع زوجته لاكن عندي ملاحظة ان الكثير من النساء لاتستحب مرافقة زوجها للسوق لأن بعض الازواج يقلبها تغزل وبصبصه بالحريم الرايحه والجايه يخلي زوجته ماتقدر تركز على التسوق تلاقيها بس تدوره لاخشة محل طلع للمحل اللي بعده والتصريفه ادورك ولا شفة شي حلو اعجبني وبالاخير تلاقيها تقرر خلاص توبه مب طالعه معه للسوق طلع نخل براسه من كثر ماتلاحقه وبالاخير ليه يعني الحرمه مافيها ثقه لهذي الدرجه يا اخي المراءة هي امي واختي وكل شي والانسان الواثق في نفسه وفي اهل ماراح يتبادر لذهنه اشياء سيئة عن اهله وانا كلي ثقه في اهلي الحمد لله متى ماكان الانسان ايمانه صادق يعجز الشيطان من الانتصار عليه
وبالتوفيق للجميع

[مقراط]

نسميه دجاجة صقعة(a26) (a26)

دمتم بود
شموخ

السلام عليكم ورحمه الله وبركاته

الله يجزاك بالخير وشكرا على مرورك

ياربي يوفقك

[مقراط]

لما شفت الخطاب الرسمي ...... ضاق صدري (qq115)

قلت أكيد مقراط بيترك المنتدى

تبي الصدق أخوي مقراط أنا ما أحب الرجال اللي يتبع حرمته في السوق

لأن أغلبهم لهم مأرب آخرى وما قصدهم الدين

والمرأة المحتشمة في لبسها وكلامها تجبر الباعة والمتسوقين على أحترامها

وجهة نظر لها مؤيد ومعارض


البدر

السلام عليكم ورحمه الله وبركاته

الله يسلمك ضروري ينزل الرجل مع اهله عشان لايكون هناك مضايقه من الباعه

ياربي يوفقك وان المنتدى ابقعد فيه لين يجيني باند

[الفراعنة]

بس فيه نسوان مسترجله ماتعطي زوجها فرصة في الكلام مع الباعه
من اين المشكلة من الزوج الهدر او الزوجه الملقوفة المسترجله

[مقراط]

مادامت محترمه نفسها ومحتشمه محد بيتجرأ عليها

وانا اشوف ان كل الرجال مايحبون السوق واذا راحوا معنا للسوق ينكدون علينا ومايخلونا ناخذ راحتنا لانهم يملون من الانتظار
تكفون

السلام عليكم ورحمة الله وبركاته

الله يسلمك وش تاخدون راحتكم في السوق

حشى هم منتزه

ياحسسسسسسسسسسسسسسستي

[مرتاح لك]

يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "

أخي الحبيب إلى القلب مقراط حفظك ربي ورعاك
وعليكم السلام ورحمة الله وبركاته وبعد :
أسأل الله العظيم رب العرش الكريم أن يطيل بعمر والدتك على طاعته، وأن يرزقك البر فيها، ويجعلك وإياها من السعداء في الدارين.

أخي الحبيب موضوع في الصميم، فكثيراً من الأزواج هداهم الله يتساهلون في هذا الأمر، ويتركون الحبل على الغارب، لكن هناك من النساء من تفرض احترام الغير لها بحشمتها، وهناك العكس، فهؤلاء الباعة يتمادون بكلمات بذيئة، وألفاظ ساذجة لأن المجال مفتوح أمامهم دون النهر والتوبيخ من قبل المرأة التي تتعرض لمثل تلك المضايقات، وأنا أوافقك الرأي بأن هناك أزواج مهملون ليس لديهم غيرة، لكن أن يوصف الزوج بالدجاجة فهذا شيء مؤسف، فالله سبحانه وتعالى أكرمه (ولقد كرمنا بني آدم)، أشكرك مرة أخرى على هذا الطرح، سائلاً المولى أن يستر عوراتنا ويآمن روعاتنا في الدارين، ويهب لنا من أزواجنا وذرياتنا ووالدينا قرّة أعين في الدنيا والآخر، وأن يصلح ذات بيننا ويؤلف بين قلوبنا ويجعلنا من السعداء في الدارين .. وتقبلوا خالص تحياتي وتقديري.،،،


أخوكم
مرتاح لك

[ضمة وله]

والمثل الثاني يقول
يالاتحادين الله يعينكم على الهلالين
اقولها من صميم قلبي الف الف الف مبروك الفوز ببطولة الدوري
لكل هيلا لي وهلالية



http://www.albdoo.info/uploaded/2121/1149525220.jpg (http://www.albdoo.info/uploaded/2121/1149525220.jpg)

[جلطو]

كلام من ذهب

[عالي المستوى]

مقراط

ماحددت هو دجاج فرنسي او بلدي

الله يعافيهم ولا يبلانا

سلم على الوالده
وبعدين انت وش عندك قاعد تقزقز بالحريم بالمحل ولا شفت هالموضوع علثه

[!*x الْعطْاْx*!]

مقراط ماشفت شىء اجل
اللى بسوق الذهب على قولتك
اكيد جائه صادقة تتقضى وتشترى
لكن اللى طالعه هى عشان تتمشى !! وكاشخة
وش تقول عن بعلها ؟ !

الله يحفظ اميمتك وخلها تتدعى لنا بالستر والهداية والصحة

[ملح وقبله]

مبروووووك يامقراط الصوره الرمزيه والله تطورت عقبي على قولتهم منفوحه تطورت خخخخخخخخخخ

بس وش مكتوب فيها عجزت اشوف اللي مكتوب

ممكن تعطيني نبذه عنه (q30)

[@ملكة الورود@]

8

وانتي متى رحتي علشان تتطور ههههههههههه

كل يوم بحال خخخخخخخخخخخخخخخخخخخخ

الله يعافينا

[@ملكة الورود@]

مقراط عطنا جديدك

تكفى

الاعضاء قامت تبحث عن القديم

[ملح وقبله]

8

وانتي متى رحتي علشان تتطور ههههههههههه

كل يوم بحال خخخخخخخخخخخخخخخخخخخخ

الله يعافينا

كل يوم بحال ؟؟

حقيقة ً

لا نفقه كثيرا ً مما تقولين

لكن أشم رائحة حقد تنبعث من ردك

اسال الله ان يرد كيد الحاقدين في نحورهم

[ღّ تــوبا ღ]

مقراط اولا تسلم راس ام جابتك
واحيي فيك غيرتك

بس يا اخوي ترى في البيع والشـراء يجوز للمراءه الكلام مع الرجل
مدام في حدود اليع والشراء ومدام بأحترام وحشمة
ياخي مو دايم نلقى الي يروح معنا (qq89)


<-- قبل يومين راحت تشتري ذهب عرسها (q98)
ليكون شايفني هناك :rofl951:


بس تدري وش الي يفقع القلب
يوم تشوف الرجال راز نفسه وجاي طاق الشمــاغ (qq2)
والمره معه ماشيه على قولت المصريين على حل شعرها

عبايه الله اعلم بحالها ونص الوجه اذا مو بكله طالع
والعطر والمصخرهـ

خلها على ربك بس

[مقراط]

لو تدري عن العلاقات
اللي بين الباعة
وهالمسنترات في الأسواق
قصص تشيب الراس ..


اقولها من جلسة بسيطة مع يماني مايسوى ريال مقطع .. ماخلى ولا بقى يوصف السعوديات بأبشع الأوصاف .


همسه شعرية //
تعدو الذئاب على من لاكلاب له
وتتقي صولة المستأسد الضاري
بقايا القريب الى قلبي

السلام عليكم ورحمة الله وبركاته

شكرا لك على المرور الله يوفقك

[daalaaloo]

بعض الرجال مثل بيضه الدجاجه