*&* اللي ودها تضبط معها اللقيمات ... وتصير تمام... تسير علينا هنا >>>>> *&*

[بنت نجد]

بسم الله الرحمن الرحيم
السلام عليكم ورحمة الله وبركاته

معي لكن ياغاليات ... طريقتين لعمل اللقيمات ... الطريقتين طبعاً مجربتهن ... وكل وحدة احلى من الثانية ..
واتمنى ياحبيباتي تنجح معكن اللقيمات وتنتهي المعاناة ..
لأن اغلب الحريم يشتكن من أن لقيماتهن يدخلهن الزيت ...
وابغى من كل وحدة تجربهن تدعي لي في ظهر الغيب ..
وبعد تعلمني النتيجة .... مهاما كانت :)

يالله نشوف المقادير وطريقة العمل ...

الطريقة الأولى ....

المقادير ......

1 كأس لبن .
1 كأس ماء .
2 كاس دقيق .
ذرة ملـــــح .
2 ملعقة أكل سكر .
2/1 1 ملعقة صغيرة خميرة فورية ..
بيضة .

الطريقة ....

نخلط اللبن والماء والدقيق والسكر والملح والخميرة .. ونعجنهم سوا .. ونتركهم ساعة كاملة ...
بعد الساعة نجيب البيضة ونحطها على العجينة .. ونعجن العجينة مرة ثانية ..
نترك العجينة تتخمر لمدة ساعة ونص ..
بعدين نولع على الزيت ونحاول نحرك العجينة بس بشويش ..
ثم نقطع العجينة لكور صغيرة ونسقطها بالزيت لين تحمر ..
بعدها نشيلها من الزيت ونحطها على ورق ماص لين تبرد شوي ..
ثم نسقيها بالشيرة ( سكر + ماء + قرفة مطحونة )

وعليكم بألف عافية ...
جربوها تراهاااا روووووعة

&

الطريقة الثانية ...


المقادير ....

3 كأس دقيق .
2 بيضة .
2 ملعقة صغيرة خميرة فورية .
6 ملعقة كبيرة حليب بودرة .
ذرة ملح .
بيالة إلا شوي زيت .
2/1 2 كأس ماء .. ويمكن نحتاج لزيادة .

الطريقة ....

تعجن كل المقادير جيداً .. ثم نتركها في مكان دافي علشان تخمر لمدة ساعة .. بعد الساعة نقوم ونخلط العجينة مرة ثانية .. ثم نتركها تتخمر لمدة ساعة ونصف ...
بعدها نسوي اللقيمات في زيت عميق وحار ...

وعليكم بالعافية ....

ملاحظة .....

ضروري الزيت يكون عميق وحار .. وزيت خاص باللقيمات بس ..
إذا بغينا نحط اللقيمات بالزيت لازم نقصر على النار .. وبعد مانخلص من تسقيط اللقيمات بالزيت نقوي على النار ..
مع التحريك المستمر لين نشوف اللقيمات محمرة وماتغلي في الزيت ...
طبعاً والباقي عليكم :)

أتمنى أنها تعجبكم ...
وجربوها وعلى ضمانتي ....

حفظكم الله
أختكم
بنت نجد

[jwaher4]

شكرا وجزلك الله كل الخير اختي بنت نجد
وبنجرب الطريقة وإن شاء الله تضبط معانا

[ثنوى]

(qq2)(qq2)

يسلموووووووو

اختي اللقيمات عقده عند اغلبنا

[بنت نجد]

شكرا وجزلك الله كل الخير اختي بنت نجد
وبنجرب الطريقة وإن شاء الله تضبط معانا

وجزاك الله بالجنة ياغالية ..
وبإذن الله تجربينها وتعجبك ..
بس هاه ..
لاتنسيني من طيب دعواتك .. :)
وشكراً لحضورك ..

حفظك الله
محبتك
بنت نجد

[بنت نجد]

(qq2)(qq2)
يسلموووووووو
اختي اللقيمات عقده عند اغلبنا

الله يسلمك ياقمر ...
وبإذن الله مع هالطريقتين ماراح تكون عقدة :)
وشكراً لحضوركِ ..

حفظكِ الله
محبتك
بنت نجد

[اليمامه]

هلاعمري بنت نجد

انا دائما اسوي الطريقه الثانيه بس احط سكر ومااحط بيض وتضبط


والشيره نفس طريقتك بس ازيد ليمون اسود اخرمه ومااطحنه


والفرفه بعد مااطحنها وفعلا روعه




وتسلم ايديك ياالغاليه(qq142)

[بنت نجد]

هلاعمري بنت نجد
انا دائما اسوي الطريقه الثانيه بس احط سكر ومااحط بيض وتضبط
والشيره نفس طريقتك بس ازيد ليمون اسود اخرمه ومااطحنه
والفرفه بعد مااطحنها وفعلا روعه
وتسلم ايديك ياالغاليه(qq142)

هلا عيوني .. اليمامة
حلو والله ماقلتي ياغالية ..
وشيرتك اكيد بتطلع رووعة لأن فيها ليمون اسود ..
احس بيطلع طعمها شي ...
وتسلمين ياغالية ..
والف شكر لطيب حضورك ..

حفظكِ الله
محبتكِ
بنت نجد

[دلع عيني دلع]

تسلمين يأحلى بنت نجد http://smilies.sofrayt.com/fsc/diadem.gif

وتم الحفظ بس مدري متى

يتم العمل ( انا واللقيمات مو حبايب)

مشكوره ياقلبي
http://smilies.sofrayt.com/fsc/swing2.gif
دلع

[تــــــالا]

مشكورة بنت نجد

بياله إلا شوي يعني ثلاث أرباع ؟
الله يقدرنا و تضبط معانا

[بنت نجد]

تسلمين يأحلى بنت نجد http://smilies.sofrayt.com/fsc/diadem.gif
وتم الحفظ بس مدري متى
يتم العمل ( انا واللقيمات مو حبايب)
مشكوره ياقلبي
http://smilies.sofrayt.com/fsc/swing2.gif
دلع


الله يسلمك يادلوعتنا الغالية ..
وبإذن الله العمل ياعزيزتي يكون اليوم (asd)
سويها للأهل ياغالية ... واحتسبي الأجر
وعلميني النتيجة .. زين :)
ومشكورة ياعسل على حضورك العسل ..

حفظكِ الله
محبتكِ
بنت نجد

[بنت نجد]

مشكورة بنت نجد
بياله إلا شوي يعني ثلاث أرباع ؟
الله يقدرنا و تضبط معانا

هلا حبيبتي .. تالا
والعفو ياعزيزتي ..
وبالنسبة للبيالة تقدرين تقولين ثلاثة أرباع أو تزيد شوي :)
وبإذن الله تضبط معك ياالحبيبة ..
وترى الطريقة الأولى روووعة بعد .. واللبن مو باين فيها .. :)
الف شكر ياعسل على طلتك العسل ..

حفظكِ الله
محبتكِ
بنت نجد

[شـــــاهه]

يسلموو الايادي

بعلم زوجة اخوي عن الطريقة

توها تشتكي لي من كم يوم

تقول ان اللقيمات تطرى بعد فترة بسيطة وهى تحبها مقرمشة

اما انا فبصراحة ماعمرى قليتها ولااعتقد بسويها

لانى اخاف من الزيوت اللي تغلي

لكن عملت حفظ للموضوع

وربي يعطيكِ العافية يا اغلى نجدية

فائق تقديري واحترامي

اختك

[سيف العداله]

الله يسلمك على هالطبخات والمجهود


والله يقومك بالسلامه

(qq174)

[دانة القصيم]

مشكووووووووووووووووره حبيبتي وايد ..

يعطيج ألف عافيه..لكن عندي سؤال :

ابيج اذا ماعليج كلافة تعطيني طريقة لقيمات التاوه البر؟؟ اذا كنتي تعرفينها

ابي طريقه مضبوطة لها؟؟

أختج : دندونه.

[musk_rose]

ياقلبي يا بنت نجد
الله يجزاك الف خير
ويعطيك العافيه وترجعين لنا بالسلامه

[المقهوره]

يسلموووووووووووووووووا ويعطيك الف عافيه والله يبرد على قلبك

[بنت نجد]

يسلموو الايادي
بعلم زوجة اخوي عن الطريقة
توها تشتكي لي من كم يوم
تقول ان اللقيمات تطرى بعد فترة بسيطة وهى تحبها مقرمشة
اما انا فبصراحة ماعمرى قليتها ولااعتقد بسويها
لانى اخاف من الزيوت اللي تغلي
لكن عملت حفظ للموضوع
وربي يعطيكِ العافية يا اغلى نجدية
فائق تقديري واحترامي

اختك

الله يسلمك ياحبيبتي شاهه..
واكيد إنك علمتي زوجة أخوك عن الطريقة بس عساها اعجبتها :)
وترى سبب أن القيمات تطري هو الزيت الحار .. تحمر اللقيمات قبل ماتستوي من جوه .... وهذا اللي يخليها تصير طريه ..
وياعمري إجل تخافين من الزيت اللي يغلي ,,
بإذن الله ياغالية مايكون إلا الزين ..
قبل ماتقلين الشي سمي بالله واستودعيه نفسك ..
وبإذن الله بتصيرين محفوظة من الحي القيوم ..
عمري شاهه ..
تسلمين والله على هالطلة الحلوة ...

حفظكِ الله
محبتكِ
بنت نجد

[بنت نجد]

الله يسلمك على هالطبخات والمجهود
والله يقومك بالسلامه

(qq174)


والله يسلمك ياسيفنا العادل ..
والله يجزاك بالجنة لطيب دعواتك ..
ومشكور على هالطلة الطيبة ..

حفظك الله
أختك
بنت نجد

[بنت نجد]

مشكووووووووووووووووره حبيبتي وايد ..
يعطيج ألف عافيه..لكن عندي سؤال :
ابيج اذا ماعليج كلافة تعطيني طريقة لقيمات التاوه البر؟؟ اذا كنتي تعرفينها
ابي طريقه مضبوطة لها؟؟

أختج : دندونه.


العفوووووو ياحبيبتي .. دندونه
وسؤالك ياعمري له سؤال ..
كيف لقيمات .. وتكون في التاوة ؟!
عمري ..
ياليت توضحين الطلب ..
بصراحة أول مرة اسمع عن لقيمات في التاوة ..
انتظر توضيحك لطلبكِ ياقمر :)
ومشكورة ياعسل ..

حفظكِ الله
محبتكِ
بنت نجد

[بنت نجد]

ياقلبي يا بنت نجد
الله يجزاك الف خير
ويعطيك العافيه وترجعين لنا بالسلامه

هلا وغلا بمسكنا الحبيبة ..
والله يجزاك بالجنة ياقمر ..
دعواتك طيبه .. وحضورك طيب ..
الف شكر لك ياغالية ..

حفظكِ الله
محبتكِ
بنت نجد

[بنت نجد]

يسلموووووووووووووووووا ويعطيك الف عافيه والله يبرد على قلبك


الله يسلمك يا الغالية ..
واللهم آمــــــــــــين ..
ومشكورة ياحلوة على هالطلة العسل ..

حفظكِ الله
محبتكِ
بنت نجد