راقي في المطبخ000الرجاء الهدووووووء [الأرشيف]

مشاهدة النسخة كاملة : راقي في المطبخ000الرجاء الهدووووووء

راقي قول وفعل

11-10-04, 10:08 PM

السلام عليكم ورحمة الله وبركاته

بعدما دخل راقي عالم الديكور وتدخل في غير عالمه

هاهو يعاود الدخول في مكان آخر لايمت له بصلة إلا الأكل

يعني أنا ما أعرف أطبخ

يعني أنا أعرف آكل وبس<<<<===متوحش على غفلة00

هذا الموضوع يا أحبائي خليط بين الأسئلة ومواقف عجيبة مع أمهر طباخي العالمين جميعا0000الوالدة وأختي

فأنا سوف أطرح الموقف وأختمه بسؤال0000

وبالمناسبة كل المواقف حقيقية وأحكيها كما حصلت بالضبط دون زيادة ولا نقص0000

إذا كان هذا يناسب القسم قولوا لي وإذا مايناسب قولوا علشان احذفه 000000000000

أنتظركم ياحبايب قلبي0000000000000

النايفه

12-10-04, 12:34 AM

وش دعوى يارئيس الحزب
انت على روسنا اقلط باي مكااان
بس الافضل انك تكتبه في منتدى السوالف وسعة الصدر

انتظر موضوعك

اختك
النايفه

دلع عيني دلع

12-10-04, 02:54 AM

راقي مو مهم هنا هناك المهم

اكتب لنا سوالف ست الحبايب واختك

يامتوحش على غفله >>>> تخوف هالكلمه (oo)

( وين مشرفاتنا يردون على راقي)

لك اعذب تحياتي

دلع

بنت نجد

12-10-04, 11:04 AM

بسم الله الرحمن الرحيم

السلام عليكم ورحمة الله وبركاته

مناسب ونص ياراقينا .. :)

إلا هذي الساعة الخراشة .. قصدي المباركة اللي تشرف فيها بمطبخنا المتواضع :o <<< متعوب على كلمة متواضع (qq76)

المهم يا أوخيي ....

حط كل المواقف اللي صارت للوالدة والأخت الله يحفظهن ويخليك لهن ويخليهن لك .. وبإذن الله بنشاركك هنا ونحط بعد مواقفنا :)

وننتظرك بالمواقف .. بس مهيب مواقف السيارات لأ ..مواقف المطابخ :o

والله يحفظك

أختك

بنت نجد

شـــــاهه

12-10-04, 03:55 PM

الغندوره

12-10-04, 09:36 PM

إيه اشوى ...............

حطيت موضوعك هنا ولاحوست الكودو حقتي ...........

يالله قل الي عندك .......

هجمة مرتده

12-10-04, 09:41 PM

يابوي أنت مشرف وتشاور ؟!!

مُـتابـــــــع

راقي قول وفعل

12-10-04, 10:31 PM

طيب

قبل ما أبدأ

أقول لأخي الحبييييييييييييييب هجووووووووومي مشرف مثل الأعضاء بالضبط ولكن في القسم الأدبي أحاول أنظم أموره وأخدم رواده وهذا باختصار دوري

0000000000000000000000000000

المهم

أنا أذكر المواقف الان علشان حبايبنا مايزعلون وأنا شايفهم متشوقين كثير<<<صدق نفسه00

الأول :

أخذت أختي والوالدة وقلت خليني أوريهم حلا عاجبني في سوبرماركت الدانوب بشارع الأربعين

المهم اشتريت (تشيز كيك)

بس بصراحة يجنن هذا الحلا

وأنا أشتريته لهم علشان ياكلونه وينبسطون معي

لأن صاحبكم راقي أحيان في بعض الليالي يتعشى ( تشيز كيك) <<<<===قوة فجعة000

المهم أشتريناه وتوجهنا للكورنيش<<<<===أنا طيب أمشي أهلي مب زي بعض الشباب مقرود000

ويوم وصلنا ذاقته الوالدة وأختي 000وعجبهممممممممممممممممم

أنا أستغليت الفرصة وقلت: شفتم كيف الحلا على أصوله00000

قالت الوالدة هذا بسيييييييييييييط وسهل ونعرف نسويه بس وش درانا إنه يعجبك<<<<<===قمة الثقة

وقتها أنا بغيت أطير من الفرحة

قلت خلاص بكرة أبغى مثله بالضبط

قالت أختي ما عندنا بعض المقادير كيف تبغانا نسويه.؟؟؟

سألتهم طبعا وش المقادير الناقصة وفكرت هي وأمي وأنا على نياتي أحسبهن يدرون بالسالفة

كتبت المقادير وما رجعت البيت إلا شااااااااااريهن كل أبوهن

واليوم الثاني جالس أمني نفسي بالسعد والهنا

وشوي إلا أختي والوالدة جايبين أكلة غريبة

شكلها نفس الشكل اللي في الدانوب لكن 000000والله مدري وش أقول

يوم جينا نقطع بالسكين أنقطع معانا الجزء اللي فوق عبارة عن بوريه فراولة وجبن وكيك 000

لكن الطبقة اللي تحت 00000طلعت صبة وخلطة سمنت

والله ما انقطعت بالسكين حاولت الاستعانة بصديق بدون فايدة

طبعا أنا قلت لهم والله كنت داري أنكم مستحيل تعرفون تسوون مثله

قالوا الحقيقة حنا ما ندري وش السالفة بس شفنا الشكل والطعم وقلنا من روسنا مقادير متوقعة وطلعت كذا

يعني بالعربي جربوا في راقي المسكين

أنا تقطع قلبي ورحت سألتهم بالدانوب هذا كيف مقاديره؟؟

راح يبربر علي بسوالف ما أعرفها وقلت له طيب ما قصرت ومشيت0000

والسؤال وش هي مقادير التشيز كيك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[line]

الشغلة الثانية

تعرفون كلكم البسبوسة اللي عند الطازج

أنا تعجبني كثيررررررررررررررررر

المهم أشتريت وحدة وجبتها لأمي بالبيت وقلت لها هي وأختي :

تعرفون تسوون مثلها

قالوا وااااااااااااااااااااااااااااااااااه طبعا

بسيطة

أي وحدة تعرف تسوي

قلت : وبنفس ذا الطعم ؟؟؟؟

لأني خايف من تجاربهم الفاشلة

قالوا أكيد

وقالوا بعد اشتري لنا حليب مركز محلى نستله

وسميد

وخلي الباقي علينا

قلت متأكدييييييييييييييييييييييييييين؟؟؟

قالوا وش فيك منت واثق

قلت لا أبد إنتم أهل للثقة وتاريخكم مشرف وجيد0000000000000

واشتريت طلبهم

وبعد ما خلصوا

وطبخوا

وتعبوا

واجتهدوا

طلع الحلا

حطب وعليه شيره

أتحد كائن حي ياكلهم دون استعمال ( النجر ) أو (الهاون) لطحن البسبوسة السعيدة

السؤال

اللي بالله تعرف تسوي مثل بسبوسة الطازج تعلمننننننننننننننننننننننننننننننننننن؟؟؟؟؟

هذي موقفين وسؤالين

وأنا أنتظركم00000

والحمدلله الوالدة ماتعرف بالنت شي

لو شافت هالكلام كان جوعتني أسبوع00000000000000000000

أنتظركم يالغالين،،،

دلع عيني دلع

12-10-04, 10:59 PM

هههههههههههههههههههه

هههههههههههههههههههه

مازال الضحك مستمر

هههههههههههههه

هههههههههههه

الله يوسع صدرك ياراقي وانا اشوف لمن بغيت

شيز كيك من نفس الفرع قالي مافي ؟؟؟ شكلك خلصته

شوف اخوي انا عندي طريقه شيز كيك والله تطلع حلوه مررررره

بس لازم تبرد كم ساعه واذا ليله افضل بكتبها لك بس الان بطلع شوي وراجعه

والطبقه اللي طلعت صبه عاادي دايما تصير بأحسن العائلات 0000

اما البسبوسه فوالله انك صادق تجنن خصوصا اذا معاها اسبيرسو

يطلع حالي ومر ياااااااااااالله رررروعه00 بكلم بنت اختي واخذ طريقتها

تقول انها تضبط معاها ( خليهم يجربون فيك انت وش خسران )

ماقدرت اطلع قبل لا ارد ولي عوده >>>> دلع

فوفي

13-10-04, 01:35 AM

هههههههههههههههههه

موتني من الضحك

اخوي راقي انا عندي طريقة التشيز كيك

المقادير
الخلطه الاولى
1-بسكويت شاهي
4- ملاعق زبده
نصف علبة قشطه

الخلطه الثانيه
2- زبادي
1- حليب مركز نستله كبير
2- دريم ويب
1- بيضه

الخلطه الثالثه
1- كريمه
1- كاس ماء
2 ملعقه كبيره كاكاو بودره او بدال الكاكاو ربع كاس فيمتو

الطريقه

نخلط الخلطه الاولى حتى تصبح مثل العجين
ونرصها بالصينيه
ثم نخلط الخلطه الثانيه بالمظراب الكهربائي
ونضع الخلطه على الصينيه فوق الخلطه الاولى
وندخلها الفرن لمدة نصف ساعه
ثم ندخلها الثلاجه

ونضع بالقدر الخلطه الثالثه
ونضع اولا الكريمه والماء واذا غلت نضع الكاكاو ونخليه يغلي مرة اخرى لمده خمس دقائق

ملاحظه
لا نضع الخلطه الثالثه على الصينه الا بعد ماتكون الصينيه بارده

وبالهناء والعافيه

فوفي

بنت اهلي

13-10-04, 01:46 AM

هههههههههههههههههههههههههههههههههههه

هههههههههههههههههههههههههههههههههه

خبـــــــــــــل رخصه واستمااااره

كمل اللله يعافيك وش بعد ؟

خل نضحــــــــك

راقي قول وفعل

13-10-04, 01:30 PM

دلع 00000وفوفي <<<<<<<=====بنات مثقفات وفاهمات

بنت أهلي<<<<<<=====فالحة في الضحك وتوزيع التهم وهي ما تدري وين الله موديها لو إنها تفهم زين كان كتبت طريقة البسبوسة او التشيز كيك لكن مسكينة أكبر طبخة تعرف تسويها

ساندوتش بالمربى أو بالجبن وإذا الجبن بعلبة ما تعرف تفتحها تخليه مربى وبس

وبعد تحطه بالفرن عشان يسخن وبنفس الوقت عشان تحس إنها استعملت الفرن وسوت طبخة زي الناس0000

الله لا يبتلينا بس00000

ŘǻŶąŅ~ •●∫

13-10-04, 01:37 PM

راقي بالمطبخ (q74)

تبين اساعدك (hjh)

بس ما اعرف الا اقشر البصل

واكسر البيض

واحرك المرقه (q74)

راقي قول وفعل

13-10-04, 01:40 PM

زين إذا تعرف هالشغلات هذي

يالله أنت سوهن وأنا بأشوف واحد يعرف يسوي شغلات ثانية ونتساعد الله يعين00000000<<<<===على نياته مسكين

دلع عيني دلع

13-10-04, 03:53 PM

عدنااااااااا

راقي بكتب لك طريقتين للشيز وانت اختار وعلى فكره كلهن يضبطن

تشيز كيك ( بالفرن )

2 بسكويت شاي مطحون - اصبع زبده - ( يفرك البسكويت والزبده + ملعقه ماء ويوضع

في صينيه ( اللي تنفتح من جنب ) مع الضغط قليلا

بعد هذا ياسيدي نجيب حليب نستله مركز كبير 1 - 1 قشطه - 1 بيضه - 1 قشطه خفق

ذره فانيلا - ملعقه بيكنج بودر - 1 جبنه فيلادلفيا -- نخلطها زين الين تفقد الذاكره

ونضعها عالبسكويت ( ناخذ شوي من الخلطه انفه الذكر >>>> مدري من وين جت

المهم ناخذ شوي ونخلط معه شوي بودره شوكولاته ونصبه على الخليط اللي في

الصينيه ونمرر الشوكه بشكل سريع تتكون مثل الخطوط ) نضع الصينيه بحمام مائي لمده

ساعه تقريبا او ساعه وربع بالفرن

بعد مانطلعا من الفر ن نخليها تبرد وبعدين ندخلها الثلاجه لمده ليله افضل ثم نضع عليها

باي فيلينق بالنكهه المطلوبه ونرجعها الثلاجه ثم نفك الصينيه ونضعها بطبق التقديم

الحمام المائي ( نضع ماء مغلي في صينيه الى النصف تقريبا ونضع فيها الصينيه

المراد طبخها وندخلها الفرن وخلاص

الباي فيلينق( لتزيين الكيك او الشيز وياتي بعده نكهات احلى نكهه عندي التوت والفراوله)

راقي طعم هالشيز مررره حلو ويدوخ بس يارب يضبط مع اختك واي سؤال

انقر الكيبورد وترى الشرح كثير بس هو سهل يعني اذا ماضبط ياويل اختك

وبالهناء والعافيه

دلع >>>>> تعبت من الكتابه وبس تتخيل الشيز وهي تكتب يارب فيه عند الدانوب اليوم

راقي قول وفعل

13-10-04, 07:52 PM

أهلا دلع 0000

الكمية اللي عند دانوب الأربعين محجوزة كلها اليوم0000000

يعني دوري فرع ثاني0000

الحقيقة إني أعتقد إني أنا اللي راح أسوي الطبخة

والصاعق واعدني بمساعدة في تقشير البصل00000

وبأجرب000

إذا ضبطت بآخذ الطبخة وأحطها عند الدانوب وأقول إذا جاكم أحد من قصيمي نت عطووووه بلاااااش

وإذا خربت ما علي لوم لأن أمي وأختي مب فالحات فيها كيف أنا ؟؟؟؟

ويعطيك العافية على الوصفة السحرية مقدما0000

دلع عيني دلع

14-10-04, 03:42 AM

راقي 00 سويت لهم قلق ابي شيز قالو بكرى (g) لاتقول محجوز بكرى بعد ههههههه

وانتبه ترى مافيه بصل بالطبخه بس اقولك انت اشتغل وخلي الصاعق يشغل الخلاط

وطيع شوري سوي الشيز انت واي سؤال دلع تجيب بالحااااااااال >>>>> متامله تروح الدانوب وتقول انا من

قصيمي نت 000 المهم هذي الطريقه الثانيه ( بارد 00 يعني من غير فرن )

1 باوند كيك انا افضل السنبله تقطع شرائح ثم توضع بصينيه الشيز ( اللي تفتح من الجنب )

تضغط الشرائح جيدااااا 00 نضع بالخلاط - 1 جيلي ليمون - نصف كوب سكر ( ممكن زيادته ) -

4 ظرف دريم ويب - ربع كوب حليب سائل - تخلط ثم تضاف للكيك 00 تبرد لمده ليله او اقل

ثم يوضع على الوجه باي فيلينق فراوله او توت او 000الخ - وتبرد ثم تفك الصينيه

ونضع الشيز بطبق التقديم مع تجميله بحبات الفراوله الطازج وكريمه بيضاء على

الأطراف بشكل ورد 000 (qq40)

الباوند كيك ( كيك اسفنجي بعده نكهات فانيليا- او مكس مع الشوكولاته يوجد

في السوبرماركت بقسم المبرد وخلص )

هذا شغله اخف واسهل بس الأول اطعم ولك الاختيار وصحتين سلف (qq52)

دلع >>>>>> متى يجي العصر مشتهيه شيز

دلوعة اهلي

14-10-04, 06:04 AM

هههههههههههههههههههه
الله يرجك
كثر لنا من السواليف هذي
خلنا نضحك

راقي قول وفعل

14-10-04, 01:13 PM

للأسف يادلع أنا حااااااااااجز كل رمضان من الدانوب000لا وبعد العشرة ايام الأولى بالعيد0000000000000

إذا مرة لازم 00000ممكن أرسل لك نص قطعة<<<<===كريم مررررة

وبما أنك بنت طيبة وماقصرتي في الوصفات والطبخات والحركات بأعلن عن مكرمة ملكية وهي أنني بأعطيك قطعة كاملة<<<<<<<<===== رجل وفي 0000

وبالنسبة لك يادلوعة أهلي:

أولا حياك الله في موضوعك ونورتي 000

ثانيا ترا ممنوع الضحك بتاتا<<<<<====أرجو الاستفادة من كلمة بتاتا

لأن الغرض من الموضوع إني ودي أعرف طريقة التشيز والبسبوسة0000

والمشكلة ولا وحدة من الشيفات عرفت لبسبوسة الطازج للأسف<<<===(الشيفات) احنمال تكون جمع شيف وإحتمال تكون جمع شيفة00000000000

وأنا أنتظر البسبوسة00000000000بشرط نفس بسبوسة الطازج00000

صبا نجد

15-10-04, 12:29 AM

حيا الله الأخ العزيز راقي
الشهر عليك مبارك
مشكور على المواقف اللي ما تنحسد عليها <<<<رحمتك والله
طريقة الشيز اللي ذكرتها دلع رهيبه مره
أما بالنسبه من البسبوسه راح اكتب لك طريقتها مع العلم أن الحقوق محفوظه للشيف الغاليه بنت نجد
<<<<<<<<<<حصلنا عليها بطريقه خاصه
طريقتها يا طويل العمر :

المقادير :
كاس سميد0
كاس حليب بودرة0
ثلاثة ارباع الكاس سكر 0
اربع ملاعق زيت 0
علبتين قشطة0
ملعقة بيكنج بودر0

( الطريقة )00

توضع جميع المقادير في الخلاط ثم توضع في صينية في الفرن من تحت حتى تنضج .....ثم تحمر من فوق وبعد ان تستوي اخرجيها من الفرن وتكونين محضره شيرة ولكنها مثل النستله ........كالتالي :

مقاديرالشيرة :

3ملاعق حليب جاف + 3فناجين قهوة سكر + ماء يغطي الكمية ونضعها على النار حتى تصبح ثقيلة مثل الشيرة العادية واضعها على البسبوسه الحارة واقطعها فورا000

حفظك الله من كل سوء
صبا نجد

دلع عيني دلع

15-10-04, 02:07 AM

والله يأنا اكتشفت انك كريم مرررررررررره نص قطعه

لا وبعد المكرمه قطعه !!!!!! اقول الله يكثر خير الدااانوب

سلملم

دلع >>>>>>> ماكله شيز ومبسوطه(oo)

فوفي

15-10-04, 04:44 AM

اللحين انا تعبانه
وجالسه اكتب لك طريقة التشيز
وبالاخير تعطي دلع نص قطعه
وانا ماتعطيني
طيب مره ثانيه ماراح اعطيك وصفات (q104)

عقد الياسمين

15-10-04, 04:52 PM

عندي طريقتين للتشيز كيك

واحدة بالفرن والثانية بالثلاجة

سأعود

بنت نجد

15-10-04, 08:59 PM

ههههههههه ربي يوسع صدرك بالعافية
والله ضحكت من قلب
فائق تقديري واحترامي

دوووم ياغالية ضحتك .. :)
والله يجعلك ممن يضحكون يوم الدين ..
وتسلمين ياقلبي على هالطلة العسل ..
قولي آمين ..
الله لا يحرمنا منك ..

حفظكِ الله
محبتكِ
بنت نجد

بنت نجد

15-10-04, 09:07 PM

بسم الله الرحمن الرحيم
السلام عليكم ورحمة الله وبركاته

حيا الله مشرفنا راقي (adf)
أنا عندي كل الطرق بس الحين بعطيك طريقة بسبوسة الطازج ..
وتراها على ضمانتي ..
متأكدة أنها بتعجبك .. لأن كل من ذاقها انهبل عليها ..
الله يا أخوي .. يموووت فيها مووووت هي الحلى المرغوب عنده ..
شكلي طولت بالسوالف ..
بس ودي تدري أنها بسبوسة الطازج السنعة :)

وهذي مقاديرها وطريقتها ...

المقادير ....

2 علبة قشطة
2 ملئ علبة القشطة حليب بودرة
2 ملئ علبة القشطة سكر خشن
2 ملئ علبة القشطة سميد
1 ملئ علبة القشطة زيت .. ولو يكون أقل يكون افضل
1 ملعقة شاي فانيليا

الطريقة ....

نخلط القشطة والسكر والحليب والزيت والفانيليا ..
بعدها نضيف السميد .. ونعجنها زين ..
بعدين نحطها بصينية مدهونة وندخلها الفرن ..
واهم شي مايكون الفرن حار مرة .. يعني نقصر على النار ..
وبعد ماتستوي نسقيها بشيرة بس مقدار بيالة وحدة .. لا تزيد عن هالكمية ..

وبس ..
تراها سهلة مرة
ومقاديرها متوفرة
وطعمها حلو مـــــــرة

وبالعافية عليك مقداماً ياراقينا

حفظك الله
أختك
بنت نجد

بنت نجد

15-10-04, 09:13 PM

أما بالنسبه من البسبوسه راح اكتب لك طريقتها مع العلم أن الحقوق محفوظه للشيف الغاليه بنت نجد
<<<<<<<<<<حصلنا عليها بطريقه خاصه
صبا نجد

ياملا الجنة ياصبا نجدنا الغالية ..
تسلمين والله على نشرك لحقوقي ..
والله لا يحرمني منك ..
قولي عاد آمين :)

حفظكِ الله من كل سوء
محبتكِ
بنت نجد

بنت نجد

15-10-04, 10:49 PM

الشيفات) احنمال تكون جمع شيف وإحتمال تكون جمع شيفة00000000000

افا يا راقي (qq)
توني انتبه لكلمة شيفات ..:cl:
يعني شينات ..(a16)
شكلي بسحب البسبوسة حقتي :o
يالله ...
اسحب كلمتك وإلا بسحب بسبوستي (e)
واصرف النظر عن التيشز كيك :p

ورغم هذا ..
الله يحفظك بحفظه
أختك
الطباخة .. بنت نجد
<<< ماراح تقول شيف مرة ثانية تخاف تقول شيفه (q15)

بنت اهلي

16-10-04, 02:16 AM

ههههههههههههههههههههههههههههه

ههههههههههههههههههههههه

راقي وش اخبارك انت والمطبخ؟؟

والله اني راحمتك

اذا بغيت مساعده قلي (qq4)

<<مالقى الا انتي ؟؟

النايفه

16-10-04, 10:51 PM

صرااحه مواقف مضحكه تنحسد عليها ياراقي ولد ام راقي

واذا تبي طريقتهم كلهم ماعليك الا انك تقراء الردود اللي فوق <<<تكلفتي ماجبتي جديد(q71)

ومشكوووورين يابنات منتدانا على هيك وصفاات(a99)

وترااي بانتظارك عقد الياسمين لاتقطعييين <<<خايفه يخلص رمضان وهي ماجابت الوصفه(g)

اختكم
النايفه

راقي قول وفعل

17-10-04, 12:46 AM

اللحين انا تعبانه
وجالسه اكتب لك طريقة التشيز
وبالاخير تعطي دلع نص قطعه
وانا ماتعطيني
طيب مره ثانيه ماراح اعطيك وصفات (q104)

لاااااااااااااااااااااايافوفي000

أنا أعطينها قطعة

لكن الصينية كلها عندي وبين أيديك خذي اللي ودك00000000000

لأنك ما قصرتي معي ولأنك عضوة صالحة في الحزب اللي سينطلق قرررررررررريبا بإذن الله000

ودمت بخير00000

راقي قول وفعل

17-10-04, 12:52 AM

افا يا راقي (qq)
توني انتبه لكلمة شيفات ..:cl:
يعني شينات ..(a16)
شكلي بسحب البسبوسة حقتي :o
يالله ...
اسحب كلمتك وإلا بسحب بسبوستي (e)
واصرف النظر عن التيشز كيك :p

ورغم هذا ..
الله يحفظك بحفظه
أختك
الطباخة .. بنت نجد
<<< ماراح تقول شيف مرة ثانية تخاف تقول شيفه (q15)

أهلا مشرفتنا بنت نجد

أنا سحبت كلمتي علطول00000000000

وإنتي وأخواتي الباقيات ماقصرتم وخاصة اللي أعطوني الوصفات0000000000000

الله يعطيكم العافية جميع

كل أبوكم الله يخليكم ويوفقكم 00<<<<====مسكين محد ساعده قبل كذا000000000000