تعالوا يا عرايسنا عسب الله يبارك لكم بسرعة ترى بيفوتكم ...........

[عاشقة الحب]

السلام عليكم ورحمة الله وبركاته

شخباركم يا آنسااااااات و يا عرايس؟

المهم


تذكرت ربيعتي الغالية لما ملجت شو سوت؟


تعالوا بخبركم ...................



اول شي لما عرست استلمت 20000 و اللي هو المهر ...........

اتصلت فيني وقالت: تعالي بنظهر قلت: انا مب ريلج انتي عروووس اظهري وياه مب وياي؟

قالت: لا ابغي اظهر مع ربيعتي نور

المهم مرت علي و أنا ع بالي بنسير سنتر ولا عازمتني ع مطعم كله افكر ف بطني خخخخخخخخخخخخخخخخ

المهم دخلنا ع منطقة سكنية اول مرة اسير لها

وقفت سيارتها وكانت تدق باب البيوت و تعطي كل من يفتح باب البيت ظرف

ها الظرف فيه 500 درهم و كان المجموع 5000 ل 10 بيوت

ردينا بيتها وانا مستغربة من اللي سوته مع انه عادي

بس قلتلها شو بلاج ؟؟؟؟؟ (انا كان قصدي من السؤال ليش اختارت ها الوقت بالذات؟)

قالت: انا جي سويت عسب الله يباركلي ولان الله عطاني ريال زين
وهاي ال 5000 شوية مب واااااااااااايد ع الزهبة اللي باخذها و المهر..........

المهم فديتها قلبها طيييييب وااايد



المهم ردينا بيتها وطبعا ربيعتي عندها سيارة التيما
المهم لما وصلنا البيت

شفنا سيارتها المفضلة اللي تموت عليهااااا



واللي هي اللكزس هاي كل ما تشوف لكزس بالشارع تصرخ و تزاعج

اهم شي فكتنا من ازعاجها خخخخخخخخخ

هاي السيارة هي تمووووووووووووت عليها وإذا اقولكم تتخبل ع اللكزس

المهم جان يخبرها ان السيارة هدية لها

هي عاد صاحت سوت فلم الهندي

وبعد جم يوم سار و اشترى لها بيت عند بيت امها

مع انها كانت بتسكن مع اهله ف حجرة و حمام بس
حتى انا نازعتها قلتلها شو حجرة وحدة ما تكفي لج؟

سبحان الله الله عطاها بيت لا و دورين بعد

وعاد هي بعد صاااااحت مستوية ياهل تصيح ع كل شي خخخخخ

الله يحفظها من الحسد

بعد فترة زاد لها من قيمة الزهبة كانت زهبتها 70000
ويوم جيكت حسابها شافت 100000 زاد لها 30000

وبعد فترة اشترالها شبكة تخبببببببببببببببببببل ودبلتها ولا ارووووووووع
مع انها اتفقت ع شبكة سعرها يكون معقوووووووول



خلاصة الموضوع:
يا عرايسنا الحلوات الأمورات ابدو حياتكم بصدقة لوجه الله

لا تقولون ما عندنا ما شاء الله الله يخلي الزهبة و المهر

وشوفوا كيف الله كافأها ؟ سبحان الله الله يوفقها يااااااارب............

ودعواتكن لي ولها بالتوفيق ...........
----------------
منقوووول
الكلام بالاماراتي واي حد ما يفهم اي كلمة يخبرني ولا يستحي ترا عادي ما فيها شي صح نحنا عرب وخليجين بس بعض الكلمات تختلف وما نفهمها
تقبلو تحياتي
اختكم عاشقة الحب

[أخت القمر]

مع ان بعض الكلمات مافهمتهن لكن صدقتي

ولو نتصدق بكل وقت وليس بداية الزواج فقط كان عشنا بسعاده لان اللي يرضي ربه ربه يرضيه

وجزاكِ الله خير

[عاشقة الحب]

لو قلتي حقي شو الكلمات من اعيوني بقولج معناهم
ايه والله صدقتي من يرضي ربه ربه يرضي
اسعدني مرورج
وجزاج الله الف خير
وربي يعطيج الف عافية ويسعدج

[وليد الشرقيه]

____________________________

[وليد الشرقيه]

جزاه الله خير شكل البنت طيبه


,,,, او عارفه ان زوجها

بيعوضها اكثر من اللي صرفت

هههههههههها امزح معك

تسلمي اختي

[عاشقة الحب]

لا البنت كريمة وتبي ترضي ربها
هههههههههههههههه
ربي يسعدك
جزاك الله الف خير
تسلم على المرور

[من بقايا الامس]

بيني وبينك مافهمت شي ..!!
(z)


ياليت ترجمان يساعدنا
وان شاء الله له دعوه طيبة
في ظهر الغيب .

[عاشقة الحب]

ههههههههههههه
معقولة ولا شي
اوكي خلاص بكتبها بطريقة تفهمها وبرسلها لك على الخاص........... واعذرني اذا تاخرت
ان شاء الله طيبة وترضي ربنا
اسعدني مرورك

[حسن خليل]

أشكركِ أختي عاشقة الحب على طرح هذه القصة الهادفة.

بالتأكيد أن هذه الزوجة تحب الخير للناس وتريد أن تتصدق لوجه الله عز وجل من مالها الخاص.

وهذا يعود بالنفع عليها أولاًَ ومن ثم على زوجها وأسرتها في النهاية، وصدق رسول الله صلى الله عليه وسلم حين قال: ما نقص مال من صدقة.

مع احترامي وتقديري

[عاشقة الحب]

العفو................ الحمدلله انه اللي يقرا الموضوع يستفاد
ادعولي
عليه الصلاة والسلام
اسعدني مرورك
ربي يرزقك من نعيمة ويسعدك ويوفقك دنيا واخره

[عاشقة الحب]

وين الردود
؟؟؟؟؟؟؟؟؟؟