المساعد الشخصي الرقمي

مشاهدة النسخة كاملة : كليجا القصيم

arkan-33
07-10-04, 12:01 PM
ابغي طريقه كليجا القصيم الي عليها الكلام
او اذا فيه احد يبيعها من كليجا العجز يعني كليجا القصيم الاصليه
انا من خارج القصيم
arkan-33
09-10-04, 01:06 PM
اافااااااااااااااااااااااااااااااااااااااا ليش كذا ما فيه رد
والله اموت على شي اسمه كليجا القصيم ذقتها مرتين توحمت فيها(g)
تــــــالا
10-10-04, 08:54 AM
أخوي أركان صراحة ما أعرف أسويها
بس أعرف إنها تباع في محلات الحلويات و المخابز


و إذا كنت تبغى كليجا محلي أي من عمل نساء المنطقة
فإذا كنت تعرف سوق النساء ببريدة أو جامع الملك فهد في جهته الغربية فيه سوق للنساء ( يبيع فيه نساء )
هناك يباع الكليجا المحلي بس مدري عنه و عن جودته بس أعرف إنه يباع هناك


أرجو أن أكون قد أفادتك معلوماتي(q57)
بنت نجد
10-10-04, 09:41 PM
بسم الله الرحمن الرحيم

السلام عليكم ورحمة الله وبركاته

معليش يا أخوي .. تأخرنا عليك بالرد :)

أنا اعرف للكليجا .. واسويها وتضبط ولله الحمد والمنه ..(qq116)

بس المقادير كاتبتها في دفتر خاص بالطبخات وبنوتي الله يصلحها ما أدري وين ودته فيه .. :(

بإذن الله اجيب الطريقة عن قريب ..

حفظك الله

أختك

بنت نجد
arkan-33
10-10-04, 10:26 PM
اختي المعذبه الله يكفيكي شر العذاب يارب
وشكرا على الافاده

اختي العزيزه بنت نجد الله يخلى لك البنوته
والف شكر لك
وانا بنتظار الطريقه
السنعوسي333
11-10-04, 12:02 AM
اخوي اركان
شف تر الكليجا الحائلية
ازين والذ
طع شوري تراني ماغشك
لو ذقتها مره انا واثق
تقول بطول صوتك ابي كليجا حائل مابي كليجا القصيم
وسهل تلقاها
بس ماراح اقولك لمين تقتنع انها احسن
دلع عيني دلع
11-10-04, 12:41 AM
اخوي 00 اركان

اذا كنت بجده فيه محل اسمه 00 هضيم 00 عنده كليجا

وتمور واغلب منتجات القصيم ( وهي من انتاج اسر في القصيم )

لك اعذب تحياتي

دلع
تــــــالا
11-10-04, 09:59 AM
أخوي أركان

المعذبة هذا كان من أيام زمان يوم كنت مراهقة لكن أنا أبغيرها من زمان و أنسى و أنت فكرتني
صراحة و الله تفشل راح أغير الصورة الرمزية كلها


أستفسرت لك زيادة من بعض الأخوات و قالوا لي إن اللي تبيع كليجا هناك وحدة تكنى بأم محمد و اللي تصلحه و تجيبه لها أم الخراز و يمدحون شغلها بالحيل و صراحة أنا أقول اللي سمعت أما عني و الله ما جربته
arkan-33
13-10-04, 03:06 PM
السنعوسي
كليجا حائل اول مره اسمع عنها
اسمع عن كليجا القصيم هي الي مشهور
لكن ارسل لي شوي بجربها تكسب اجر بشهر رمضان



0000000000000000000000000000000000
اختي دلع الي عند المحلات مو زي الي الي يصلحونها اهل القصيم جربت اكثر من مره
0000000000000000000000000
اختي تالا عشان ذكرتك بتغيير الاسم لازم ترسلي لي كليجا مه النقل الجماعي تراء يوصل طلبات هههههههههههه
00000000
اذا ماجبتو لي كليجا ترى بنتحر
سيف العداله
13-10-04, 05:09 PM
حدد مكانك وانا ارسل لك هديه تنكتين من احلى كليجا قصيمي :)
arkan-33
14-10-04, 12:05 PM
حدد مكانك وانا ارسل لك هديه تنكتين من احلى كليجا قصيمي :)
سيف اسم على مسما
قول وفعل والله انك احرجتني
والف الف الف الف شكر لك سيف
ما ابغي اكلف عليك كلامك هذا كئنك جايب كليجا القصيم كلها عندي




الف الف الف الف الف الف الف الف الف

«®°·.¸.•°°·.¸¸.•°°·.¸.•°®»شـــــكــــــر[«®°·.¸.•°°·.¸¸.•°°·.¸.•°®»
بنت نجد
16-10-04, 01:23 PM
بسم الله الرحمن الرحيم
السلام عليكم ورحمة الله وبركاته

أخوي اكان ..
ابشرك جبت لك طريقة عمل الكليجا ..
يعني لا تنتحر (q90)
وآسفة جداً على التأخير ..
واتمنى أن الطريقة تعجبك ..
ولا تنساني من طيب دعواتك في ظهر الغيب ..

المقادير ....

6 كأس دقيق خاص بالكليجا ( لون الدقيق يميل للأصفر ) ويكون الكيس عليه خط اخضر غامق .
2/1 2 كاس سمن نباتي ( العلالي ) .
4/3 1 كأس ماء .
3 ملاعق صغيرة بهارات تتكون من ( ليمون اسود بدون بذر + هيل + قرفة ) نطحنهم سوا .
3 فنجال سكر .
3 ملاعق صغيرة خميرة فورية .
شوي ملح .
شوي كركم .

الحشوة .....

15 ملعقة سكر ناعم + 3 ملاعق بهارات الكليجا ( ليمون اسود + قرفة + هيل )

الطريقة .....

نعجن كل المقادير ( الدقيق + السمن + الماء + السكر + الخميرة + الملح + البهارات + الكركم ) ونترك العجينة تخمر لمدة ساعة ..
بعد الساعة نقطع العجينة إلى كور بحجم البيضة ثم نحفرها مع الوسط ونحشيها بالحشوة الخاصة ( سكر + بهارات الكليجا ) .
نحط الكور بالصنيية ونضغط عليها بألة الكليجا لين يصير شكلها زي الدائرة ..
بعدها ندهن الوجه بالبيض ونخبزها بالفرن لمدة نصف ساعة ..

وعليك بالعافية يا أخوي اركان

حفظك الله
أختك
بنت نجد