خدود البناااات >>> يانااااااس ما اقدر اقاوم

[بنت السليم]

السلام عليكم ورحمة الله وبركاته

يالله انك تحييهم كلهم

اقول ياجماعه كيف علاقتكم بخدود البنات؟ << هذا سؤال!!

اذكر يوم كنا صغار كان خالي لازم يجيب لنا بعد صلاة الجمعه خدود البنات وذاك البيض اللي وسطه لعبه ( كندر )

عاد مدري عنكم منتشره هـ ( الظاهره ) عندكم ولالا

واللي تقول ايــــه فأنا اجزم مليون بالميه انها تقرب لي

<< اقول انهجــــي

المهم هذي طريقه خدودالبناتhttp://www.eqla3.com/vb/images/icons/icon43.gif ( مع اني مدري وش وجه الشبه بينها وبيننا (wtg))

المقاديـــــــــــــــر

12 ملعقه حليب نيدو

1 ملعقة بكنق بودر

شوي فنيلا

4 ملاعق طحين

3ملاعق سكر مطحون

بيضتين

بيالة : ماء , حليب , زيت

شيره


الطريقة:

تخلطون كل المقادير مع بعض وتحطونها بالفرن واذا خلصت حطوا عليها الشيره والحمد لله

.....

شوفوا اذا كنتوا تبون ( خدود الأولاد ) علموني عشان احط طريقة الكليجـــــا(a14)


وهذي خدود البنات ( اللي مايعرفونها )

http://manar777.jeeran.com/حلاوى.JPG

[بونواف]

الشيف (qq52) اسماء

والله حتى خدود البنات لها طريقه عمل !!!!!

والله احسب انها ماتصلح الا في المصانع فقط (qq173)

عموما بخلي ام نواف تسويها واذا ماعرفت بخليتس تعلمينها زين (qq109)



والكليجا مالها داعي القصمان كلهم يعرفونها وانا ماحبها (q27)



اسماء والله سؤال مهم ووالله ان ام نواف مشغلتني به وانتي ماقد ( تطرقتي) <<ياااالله طلعت .... تدرين وشو ..


الحليب السائل المركز دايم اجيبه بالدرزن وانت ماقد استخدمتيه .. ليش؟؟


يعني له بديل!! لأني احب اقاطعه بس ماله بديل ..<<< قهر والله




افيدينا افادك الله(qq102)

[musk_rose]

تصدقين حتى انا ماأدري انها تتصلح في البيت >>>>هذا من السنع اللي فيني
الف شكر لك
يعطيك الله الف عافيه

[هجمة مرتده]

الموضوع خطير من وسيعه الصدر


عاد انا ما تمسك معي خدود البنات إلا اذا مسكت خط !!!!!!!!!!


شوفوا اذا كنتوا تبون ( خدود الأولاد ) علموني عشان احط طريقة الكليجـــــا

ههههههههه حلوه منك

اسماء انتم (((( تموتون )))))) بشيء اسمه كليجا

يمكن لانها تذكركم بخدود الاولاد ههههه وش رايك



يالله (q56)

[الصويب]

تسلم يديك

[أم أديم]

هههههههههههههههههههههههههههههه
ههههههههههههههههههههههههههههههههههه
ههههههههههههههههههههههه الله يغربل شيطانتس اسومه


والله انك رهيييييييييييبه



تصدقين اني ولهانه عليتس مررررررررره



الحمدلله على السلامة وين هفيت له ضيقتي صدورنا:(



بس الوصفة رهييييييييبه(q59)



واحسن شي خدود العيال ههههههههههههههههههههههههههههههههه



الله يرج ابليستس (qq76)

[سماره]

مين مايحب خدود البنات

[بنت السليم]

ابـــو نـــواف

((والله احسب انها ماتصلح الا في المصانع فقط))

لا عاد مهيب صايره زي الي بالمصانع لا بالشكل ولا بالطعم بس تقدر تقول بنت عمها


((عموما بخلي ام نواف تسويها واذا ماعرفت بخليتس تعلمينها زين))

اعلمها !! اقول بس امسحها قبل لا تقراها ,, لأن فيها اهاااانه كبييييره بحقها(qq)


((والكليجا مالها داعي القصمان كلهم يعرفونها وانا ماحبها)) (q27)

ايه ابرك لا تحبها ,,

<<< الوجه اللي ماد لسانه رافع ضغطها :md:



((الحليب السائل المركز دايم اجيبه بالدرزن وانت ماقد استخدمتيه .. ليش؟؟))

والله مدري اذا كان له بديل ولالا

ولأن اخوي مايحبه ابــــد ولا يواطنه فأنا ما استخدمه

وقل لأم نواف الله لا يهينها لا تسوي حلا فيه حليب نستله

<<< خلاص وخروا عنها حلت المشكلة الحين


.......................

مـــســـك روز

اسمتس يذكرني بوحده رافعه ضغطي

بس لا تخافين مهوب انتي


((تصدقين حتى انا ماأدري انها تتصلح في البيت >>>>هذا من السنع اللي فيني))

مثل ما قلت لأبو نواف مهيب طالعه زي خدود البنات بالضبط

ويعطيك العافيه عـ المرور


.......................

هـــجـــمـــة مـــرتـــدة

يالله انك تحيي ابو مدحت

((عاد انا ما تمسك معي خدود البنات إلا اذا مسكت خط !!!!!!!!!))!

:md: :md: :md:

تقصد خــــط الرياض (qq)



((اسماء انتم (((( تموتون )))))) بشيء اسمه كليجا

يمكن لانها تذكركم بخدود الاولاد ههههه وش رايك))

امممممممم تذكرنا بخدود الأولاد ,, يمكــــــــــــــن(qq)


اقول هجمه ما يذكرك ذا برزدنت ايفل >>>>>>>> (q56)

اللــــــــــــــه يرحمتس يا ايام المتوسطة


.......................

الـــصـــويــــب

الف شكر لك.. وإن شالله اعجبتك الطريقه

.......................

قـــصـــيـــمــــيــــة


هلا والله حياتس الله قصمصم

<< لاعمرتس تدلعين

((هههههههههههههههههههههههههههههه
ههههههههههههههههههههههههههههههههههه
ههههههههههههههههههههههه الله يغربل شيطانتس اسومه ))

دووووم هالضحكة ان شالله بس على ايش اللي يشوفتس يحسبن قايله نكته


((تصدقين اني ولهانه عليتس مررررررررره))

ياعمري يا قصمصم والله حتى انا ولهانتن عليكم بس وش تقولين لاصار الواحد حايمتن تسبده

من بعض الأعضاء :(


والحمد لله ان الطريقه اعجبتك


.......................

ســـمـــارة

والله انتس صادزه مين اللي ما يحبها !!!

اقول شوفي اول رد قاعد يسب الكليجا حسبي الله على عدوه (g)

[بنت نجد]

بسم الله الرحمن الرحيم
السلام عليكم ورحمة الله وبركاته

والله أنك خيطرة يا سمسومه ....
طريقة رووووعة .. تردين أني اموووت بخدودنا
وبإذن الله بجربه واعلمك النتيجه (aqwa)
وتسلمين ياغالية على هالطريقة الحلوة ..
وقولي آمين ... وبقووووووووووة
اضحك الله سنكِ في الدراين ..
والله أني فطست ضحك الله لا يحرمك الضحكة ياعمري (q75)

&

أبو نواااااااااااااااااااااااااف
عندي لك طريقة عن الحليب المركز ...
بس بشرط ...
تدعون لي في ظهر الغيب ..
هذا شرطي ..
وابشر باللي يسرك ويسر أم نواف ....
يالله هنا الطريقة ...

المقادير .....

كأس حليب بودرة
كأس سكر
نصف كأس ماء
قليل من الفانيليا

الطريقة...

نضع جميع المقادير في خلاط العصير ونخلطهم خمس أو عشر دقائق لين يثقل الخليط ويذوب السكر ... بعدها يستخدم..والأفضل يبرد شوي بالثلاجة ..

وعليكم بالعافية

&

حفظكم الله
أختكم
بنت نجد

[سيف العداله]

تشكرات كثيرات (qq73)