المساعد الشخصي الرقمي

مشاهدة النسخة كاملة : لـــــــــــغــــز جــــديــــــد & حله المبدع السامري57


سهم المنايا
30-09-04, 12:39 PM
اتمنا توفقون في حل اللغز
وحبينا نشغل تفكيركم شوي بحله

يقول اللغز


انشدك عن رجل صغير(ن)وجبار=يرسي اليا كبرت عليه الشدايد
يجمع بنات فيهن صغار وكبار=ولا شفت زوله مارجيت الفوايد

جهام
30-09-04, 01:51 PM
شكرا سهم المنايا على هالغز وصح لسانك

الاجابة والله اعلم انه مجلس الامن

أحمد السكران
30-09-04, 02:59 PM
اتوقع انه الجوال



والبنات هي الارقام





مع العلم انني لم احل ولا لغز في حياتي الا واحد




لكن اللقافة الله يكفينا شرها

سهم المنايا
30-09-04, 05:50 PM
هلابك اخوي جهام وصح بدنك

ومجلس الامن مالك لوه ياقلبي

سهم المنايا
30-09-04, 05:55 PM
هلابك اخوي احمد السكران مراحب

الجوال والارقام مالك لوه

ليش لقافه وانا اخوك بالعكس

كثير من الناس ومن الذين لهم خبره باالغز

يرمعون ويخطون

وفيك الخير ومراحب فيك

كاتم الونة
02-10-04, 05:52 AM
أخي الفاضل...الشاعر.....سهم المنايا.....سلمه الله

صح لسانك...وتسلم يمينك على اللغز...


يامرحبـا تـرحـيـبت الـبـن وبــهـــار
...................................لسـهم المنـايا والـلغـوز الجدايد

شاهدت لغـزك وأصبح الفكر محتار
.................................والحــر مثـلك مـاهرً بـاالفـرايـــد

فكرت في المفتاح وأسنانه أكثار
.................................وهو صغير الحـجم يرسي وكايد

أن كان حلي صح لك شكري الحار
................................وكانه خطاء ف أنا بلاشك عايـد
.................................................. .......بأذن الله

......وسلامتك...أخوك المحب........

سهم المنايا
02-10-04, 03:38 PM
هلا ومرحبا الاخ الشاعر كاتم الونه

وصح بدنك وهلابك


يامرحبا اعداد ماهلت امطار=بالشاعر كاتم الونه والقصايد
ياكاتم الونه ياصايغ الاشعار=الرمعه زينه بس حلها كايد
ياكاتم الونه تركد بالمسار=خلك على هذه الرمعات وزايد
ياكاتم الونه ترا الشاعر صبار=وانت محسوب(ن) من شعار الفرايد
وسلامتك اخوي العزيز الشاعر كاتم الونه

قطري يحب القصيم
03-10-04, 06:42 AM
أعتقد انه عجل السياره
أو
العفريت (رافع العجل)

والله اعلم

سهم المنايا
03-10-04, 02:56 PM
قطري يحب القصيم

الرمعه زينه بس مالك لوه

كاتم الونة
03-10-04, 04:30 PM
لاهنت أخوي......سهم المنايا......

ورمعه جديده...ومجرد محاوله....


أمـس العصر عزمتِ باخذ لي مشوار
..........................................يم الغرابي وسمعته باالجرايد

حصلت لي صندوق عند أهل الغيار
........................................صندوق عده للظروف الشدايـد

,.,.,.,.,.,.,.,.,.,.,.,.,.,.,.,.,,صندوق العده.,.,.,.,..,,

سهم المنايا
03-10-04, 10:25 PM
عساك ماتحتاجله وقت الاسفار=وعساك ماجبته معاك وانت عايد
ارمع رمعات قطري وشغل فكار=اقرب رمعه رمعت قطري وكايد

هلابك اخوي العزيز والغالي

شاعرنا كاتم الونه صندوق العده عساك ماتحتاج له

انت والسامعين ومالك لوه وهلابك مليون

كاتم الونة
04-10-04, 01:38 AM
(qq21)لاهنت أخوي ,.,.سهم المنايا

رمعه جديده..,..محاوله

لاثارت الدنياء هبايب مع أغبار
..............وأيضا المطر يضرب علينا ورعايد

أوصيك باالطنب الذي مابعد طار
..............يجمــع عـقـد فيـهـن كـبـار وولايــد
...............................

الطنب..الوتد..المنساب,,وألله اعلم..

وافرتحياتي وتقديري...محبك(qq16)

سهم المنايا
08-10-04, 01:24 AM
يامرحبا ترحيبت معزب الدار=واعداد ماصاغت حروف الجرايد
ياكاتم الونه تقبل الاعذار=كنت طريح فراش وجوني عوايد
ادري تراني مطول برد الاشعار=بس الذي مثلك يعرف العوايد
والرمعه صارت ابعد شويه بمتار=خلك على طاروق العده وزايد

هلابك اخوي الشاعر كاتم الونه

العذر والسموحه على التأخير بالرد

وهلابك مليون

كاتم الونة
08-10-04, 07:01 AM
أخي الكريم......الف الف الف لاباس عليك

أسئل ألله العظيم رب العرش العظيم أن يشفيك..آمين

سـلامـتـك يامكرم الضيف والجار

.......................................وعسى المرض ياخوك ماهوب كايد

ياألله يالرحمن يالـنـافع الضار

.....................................جعـل المرض عن صاحبي اليوم بـايـد

مابيننا ياخوان شرهات وأعذار

....................................راقـي بـطـيـبـك دايـم الـدوم . رايـــد

وسلامتك يامكرم الضيف والجار

....................................وبرجــعتـك المنـتـدى الـيـوم يـعـايـد
(qq57)
.,.,.,.,لاباس طهور أن شاءألله......أخوك المحب.................

شــادن
08-10-04, 08:46 AM
أخي إن سألت علي الظنون

وبوح المودة وسر الإخاء

يبوح لك الدهر كل الشجون

ومعنى الزهور لعطر الشذا

أخي أنت مني كنور العيون

وروح المودة في ليل العناء

وعقلا ذو حزم في كل الشئون

رفيقا يعين الشدة والرخاء

أخي كن كريما علي يمون

ودود النفس من نفسي سواء

صادق صدوق في زمان خئون

يواري سواتي بتوت الرضا

الزاحف
08-10-04, 01:34 PM
سهم المنايا مافصرت على اللغز المليان

واستلم هالرمعه سلمك الله


( سير مكينة السياره )

السير

محمد اديهم
08-10-04, 09:16 PM
[اللة وعلم انة البوس

محمد العنزي

سهم المنايا
09-10-04, 09:58 AM
يامرحبا ياطير من نسل الاحرار=حرآ على جول الحباري طرايد
يامرحبا ياذيب دواس الاخطار=يمشي بعيد ولا مشى بالهوايد
ياكاتم الونه لك عندي مقدار=قدرك كبير وبالمحبه وسايد
اطلب ولي العرش علام الاسرار=يرحم شيبان(ن) علموك العوايد

اخوي كاتم الونه لاتوفيك حقك جميع العبارات
والكلمات ولاتوفي بالتعبير عني
الف شكر اخوي على كلماتك الطيبة
واطلب من ربي لايوريك سوء او مكروه
تقبل تحياتي الصادقة
اخوك سهم المنايا

سهم المنايا
09-10-04, 10:00 AM
هلابك اخوي الزاحف مراحب

وسير ماكينة السياره مالك لوه يالغالي

وحياك ربي

سهم المنايا
09-10-04, 10:02 AM
هلابك يامحمد اديهم

والله اني مدري وش رمعتك وش تعني

بس على العموم مالك لوه وخيرها بغيرها

هلابك محمد العنزي

الزاحف
10-10-04, 10:53 PM
سهم المنايا

استلم سلمك الله من كل مكروه

بلف الهواء في اطارات السياره


( الأبره )

رامز
11-10-04, 08:23 AM
يمكن يكون ( المنصب ) أي القاعدة الحديدية التي يوضع عليها القدر أثناء الطبخ .

سهم المنايا
12-10-04, 12:11 AM
هلابك الزاحف ومالك لوه

الرمعه بعيده شوي

مراحب اخوي الزاحف

سهم المنايا
12-10-04, 12:25 AM
رامز هلابك ومالك لوه وخيرها بغيرها

تقبل تحياتي

oaj
12-10-04, 07:25 AM
مهب الدخان

رامز
12-10-04, 08:32 AM
هل هو المرساة التي تثبت السفن

سهم المنايا
12-10-04, 06:10 PM
قطيم هلابك اخوي يامرحبا

الدخان مالك لوه يالغالي

سهم المنايا
12-10-04, 06:17 PM
رامز ياقلبي مالك لوه ماهو المرساة

اللي تثبت السفين ومرحبا فيك

وخلكم حول السياره

oaj
12-10-04, 06:25 PM
مهب الدبل

سهم المنايا
13-10-04, 03:31 AM
هلابك اخوي قطيم

الدبل مالك لوه ياعيوني

محمد اديهم
13-10-04, 04:02 AM
الحل واللة اعلم................( الفيوز) او ( مغيط الفلوس) (الدبوس)



ولك من اخوك محمد اديهم العنزي كل الشكر والتقدير


اخي سهم المنايا

بدور المطيري
13-10-04, 04:27 AM
هذه أول مشاركة لي حبيت أجرب حظي في حل اللغز
أعتقد والله أعلم أنه ( الشيك )

وشكرا .

سهم المنايا
13-10-04, 05:27 AM
هلابك اخوي الغالي محمد اديهم

الفيوز مغيط الفلوس الدبوس

مالك لوه ياقلبي وهلابك اخو عزيز وغالي

وخيرها بغيرها وخلو الرمعات حول السياره

والله يوفقكم

سهم المنايا
13-10-04, 05:30 AM
هلابك ويامرحبا بالاخت بدور المطيري

مالك لوه اخت بدور الرمعه بعيده واجد

خلكم حول السياره دورو ابحثو فكفكو سياراتك

عسى تلقون الحل

ومرحبا مره ثانيه بالاخت بدور

abu_fahad9
13-10-04, 02:42 PM
i think it is al-aspir

سهم المنايا
13-10-04, 04:53 PM
تصدقون يااخون اكبر غلطه غلطوها اهلي ماخلوني اكمل دراسه

حتى احصل على شهادة الصف السادس ليتني اقل حاجه خلوني اخذ

الشهادة --------- يعني العربي يالله ويالله ليتني اعرف انجليزي



الله فضلنا باللغه يامسلمين= مثل مافضل شهر صومه على الشهور
ومثل مافضل ليلة القدربالدين= فضلنا في لغة رسوله من عصور
ماعرف اقول الانجلش لوحرفين=جود مورننغ معناها حول الصبح والنور
جود نايت في لغتنه تعني على وين= يعني خلك معانا في جو وسرور
كلن يباها في حياته على الزين=وهذا خوينه ضيع الصف والدور

كاتم الونة
14-10-04, 04:47 PM
اليوم نهار وباكرعزالله نهـــار..........نهـار للصـايم عظـيم الفوايد

القير ياطيبه على الجيبVXR..........فيه النمر أحجام بارد وكايد

,.,.,.,.,.,.,.,.,.,.,.,.,.,.,.,.,.,.,.,.,.,.,.,.,. ,.,.,.,.,.,.,.,.,.

جاء في بالي القير.,,. وهي مجرد رمعه......

كل عام وأنتم بخير جعلنا الله واياكم من صوامه وقوامه

,.,.,.,.,.,أخوك المحب,.,,.,كاتم الونه.................
(qq19)(qq19)(qq19)(qq19)(qq19)(qq19)(qq19)(qq19)(q q19)(qq19)(qq19)(qq19)(qq19)(qq19)(qq19)(qq19)

السامري-57
15-10-04, 12:55 AM
عذرا

السامري-57
15-10-04, 01:06 AM
السلام عليكم ورحمة الله وبركاته
يا أخي الحبيب
اريد ان ارمع هذهي الرمعه
وانشا الله ان تكون في محلها

الحل هو

الرجل هو (المسمار) والبنات هن (الصواميل والوردات)



وكل عام وانتم بخير ومبروك عليكم جيعاْ هذا الشهر الفضيل
جعلنا الله من صوامه وقوامه اللهم آمين

سهم المنايا
15-10-04, 03:47 AM
ياكاتم الونه ياصايغ الاشعار=انااشهد انك في هوى الشعر مايل
انا اشهدان الجيب حلو(ن) للاسفار=مالك لوه في رمعت الغير قايل


هلابك اخوي الغالي وشاعرنا كاتم الونه

كل عام وانت بخير وعساك انت والاخوان من صوامه وقوامه

سهم المنايا
15-10-04, 03:51 AM
هلابك اخوي السامري ومرحبا

كل عام وانت بخير ومبروك عليك الشهر الفضيل

والرمعه المسمار والوردات والصواميل

مالك لوه يالغالي

السامري-57
15-10-04, 11:55 PM
«®°·.¸.•°°·.¸¸.•°°·.¸.•°®»اخي الحبيب سهم المنايا
مساك الله بالخير
وأستلم الرمعه ............

مفتاح السياره«®°·.¸.•°°·.¸¸.•°°·.¸.•°®»

سهم المنايا
16-10-04, 05:30 AM
حياك الله اخوي السامري

المفتاح مالك لوه

سالم بن عبيد
16-10-04, 10:31 AM
الله اعلم انه مسمار الهوب ويرسي عليه الجنط والبلوط

السامري-57
16-10-04, 10:58 PM
~*¤ô§ô¤*~*¤ô§ô¤*~
يا أخي الحبيب
سهم المنايا أستلم
طبلون السياره~*¤ô§ô¤*~*¤ô§ô¤*~

سهم المنايا
17-10-04, 05:13 AM
سالم بن عبيد حياك ربي ومرحبابك

ومالك لوه وخيرها بغيرها

سهم المنايا
17-10-04, 05:14 AM
هلابك اخوي الغالي السامري

ومالك لوه ياعيوني

السامري-57
17-10-04, 08:55 PM
مساكم الله بالخير جميعاْ
وياخوي سهم المنايا استلم الرمعه
جعلني مبكيك
الجلنط
والفرامل والفحمات
والاقمشه
وتراي فككت السياره علشانك

سهم المنايا
18-10-04, 02:26 AM
يامرحبا اخوي السامري وهلابك اخو عزيز وغالي


والله انك ضحكتني يالسامري على تفكيك السياره

شوف وانا اخوك انت صحيح فككت السياره تشليح

انت قريب من الحل وتفتر حوله تراك يوم تجي الفرامل والقماشات

تصير بجنبه تبي اكثر من التوضيح بعد يالله ورني همتك وافضخ اللغز وريحنا

يعني شغل مخك

الزاحف
18-10-04, 02:47 AM
اتمنا توفقون في حل اللغز
وحبينا نشغل تفكيركم شوي بحله

يقول اللغز


انشدك عن رجل صغير(ن)وجبار=يرسي اليا كبرت عليه الشدايد
يجمع بنات فيهن صغار وكبار=ولا شفت زوله مارجيت الفوايد



سهم المنايا فكري اليوم محتار= حيرتني بالغز والغز كايد
الياي لاشدوه مسمار مسمار = ولاالمساعد لاركب بالحدايد

سهم المنايا
18-10-04, 04:11 AM
والله يالزاحف مدري وش اقول لك

يعني باقي لك شوي وترمع اللغز

تصدق اول بقيت اقول لك صح لسانك واللغز عندك

على العموم صح لسانك وافضل واقرب رمعه رمعتك

السامري-57
18-10-04, 07:57 PM
السلام عليكم ورحمة الله وبركاته
مساكم الله بالخير
يابناخي استلم
( السست ).......

سهم المنايا
19-10-04, 04:07 AM
السامري الحين اقول لك صح لسانك

بالفعل هو السنتر والسست

وصح لسانك اخوي السامري

وريحتنه والله واللغز عندك

السامري-57
19-10-04, 09:01 PM
الحمد لله الذي هداني على حله
ويعطيك العافيه اخوي سهم المنايا
على اللغز الجميل
والله انه في محله

مـجـرم رومنسـي
22-10-04, 02:00 AM
السلام عليكم


فالحقيقة جيت ابي احل الغز لقته صعب ثم لقيت تحول المواضيع الى شعر

يعني ضاع الموضوع

المهم

الله يسلمكم جميعا ماني عارفه


تحياتي لك اخي سهم المنايا

كاتم الونة
02-06-06, 06:45 PM
ينقل للقسم الجديد

كاتم الونة
03-06-06, 12:27 AM
اللغز محلول

مغلق