خبز العدس ... بطريقتي الخاصة

[بنت السليم]

السلام عليكم ورحمة الله وبركاته

كيف الحال والأحوال والعيال؟

ان شالله تمام

اول شي بقولكم سالفتي

هذا الله يسلمكم كنت قاعده بالبيت وزهقانه وطاقه تسبدي والكمبيوتر مهوب راضي يشتغل

مدري وش بوه(tt)

المهم فتحت التلفزيون عالمجد وكان فيه ذاك البرنامج اللي اسمه اطايب

وكان يسوي صينية خضار ويوم خلص منها قال

( وهالصينيه توكل مع خبز العدس ) بس ماقال وشلون نسوي هالخبز

المهم قعدت افكر واعصر هالدميجه لين طلعت لي طريقه

خذت كاس عدس اصفر مسلوق + بيضه + بقسماط + ملعقة طحين

خلطتهم مع بعض وصبيت عليهم كاس ماء وعجنتهم

وفردت العجينه وقطعتها ودخلتها بالفرن

ويوم خلصت...










طلع طعمها يحوم التســــــــــــــــــبد وما تنبلع:cl:

الحين وبعد هالهذره ذي كلها



ياليت تعطوني طريقة عمل ( خبز العدس )



شوفوا اي واحد او وحده يدخل لازم يجبر بخاطري :(

على الأقل يقول

..(والله ما اعرف طريقته)..

^
^
عادي حطوا نسخ ولصق اهم شي لا تصفطونن:(

[بونواف]

خذت كاس عدس اصفر مسلوق + بيضه + بقسماط + ملعقة طحين

خلطتهم مع بعض وصبيت عليهم كاس ماء وعجنتهم

وفردت العجينه وقطعتها ودخلتها بالفرن

ويوم خلصت...










طلع طعمها يحوم التســــــــــــــــــبد وما تنبلع:cl:

:(




هههههههههههههههههههههههههههههههه (a16)



رجعت اسماء ورجعت الطهبله والخبال (a26)(a22)


الله يوسع صدرك بالعافيه بخلي ام نواف تسويها واخليها تعلمك يا مطهبله(a27)

[بنت نجد]

بسم الله الرحمن الرحيم

السلام عليكم ورحمة الله وبركاته

هلا والله وغلا بسمسومتنا الغالية ....(q70)
والله ياقلبي ودي اخدمك .. بس تصدقين أول مرة اسمع بخبز العدس (q77)
<<<< استحت لأنها ماتعرف
بس ابشري ياغالية .. بدور لك لين القاه .. وإذا لقيته بتله مع عتراه واجبيه لك (q12)
كم سمسومه عندنا ..

والله يحفظك
أختك
بنت نجد

[دلع عيني دلع]

هلا بك عمشا00 قصدي اسماء (q72)

والله اني ماقد تشرفت بمعرفه هالصنف المذكور اعلاه

لكن بحاول ابحث واذا طلع معي شي بخبرك

لك ارق تحياتي

دلــــــــــــــــع >>>>>> شفتي وش حليلي ماصفتك

[بنت السليم]

الحين وانا مسهله عليكم واقول لكم حطوا نسخ ولصق ما جاني الا ثلاث ردود :(



ابـــو نـــواف



الله يوسع صدرك بالعافيه بخلي ام نواف تسويها واخليها تعلمك يا مطهبله
وش اللي تسويها!!

عسى مايكون الطريقه اللي كتبتها

طيب قل لها تحط سكر عشان تصير حومت التسبد على اصولها

<<<ماقالت انها حطت سكر عشان ما تعرفون انها رفله(a14)

وتراي انتظر طريقة ام نواف عجل الله يعافيك


..........
بـــنـــت نـــجـــد




والله ياقلبي ودي اخدمك .. بس تصدقين أول مرة اسمع بخبز العدس
<<<< استحت لأنها ماتعرف

افااااا , ما تعرفين

لا لا ما هقيتتس كذا

<<(qq)

واللي يرحم والديتس بنت نجد اول ما تلقين الطريقه ( تليه من عتراه(a14) ) وجيبيه

والله مدري وش بي اول مره اصير حنانه << النون الاولى فوقها شده

<<علينااا يا اسما اول مره(asd)

.........
دلـــع عـــيـــنــــي دلـــع


يا حبيلتس والله انتس ازين من غيرتس

مدري وش بيضرهم اذا حطوا نسخ ولصق ولا اقتبسوا من وحده من هالمشاركات



لكن بحاول ابحث واذا طلع معي شي بخبرك
ههههههههههههههههههههه

بتحاولين تبحثين !!!

ايه هيــــن

<< هذا جزاها ترد عليتس انتِ ووجهتس:md:

امزح دلع لا تصدقين خبري بتس زبده ولا

[هبه]

وكالعاده هبه تابع ردود أسماء

وهي ميته ضحك

الله يوسع صدرك بالرضا والعافيه زي ماتوسعين صدورنا

الا اقول أسماء ورى ماتاخذين لك لفه على قسم السواليف وتوسعة الصدر

في ذاك حرب قائمه علينا حنا يالبنات روحي ياحبيلك افزعي معنا عطيهم

كم رد جامد يجمد الدم بعروقهم وخلينا نضحك عليهم شوي

[رامز]

أفا يا أسماء جدتي الله يرحمها كانت تسوى خبز العدس ومقاديرتس خطأ ، بدل ملعقة طحين كاس طحين وتعجنينه مع البيض والماء وتفردين العجينة وبعدين تجيبين كاس العدس المسلوق وتاخذين العدس حبة حبة وتلصقينها فوق العجينة وتدخلينها بالفرن وإذا ما أعجبتس ارميها بالزبالة .

[بنت السليم]

هــبــة

وانتِ شغلتس تجين وتقرين الردود

على الاقل قولي والله ما اعرف الطريقه همين قولي مت ضحك من الردود

<< لا تشرهين عليها توها متهاوشه مع اخوها



في ذاك حرب قائمه علينا حنا يالبنات روحي ياحبيلك افزعي معنا عطيهم
والله يا حبيتي اخاف انكبتس وانقلب عليكم يا البنات(qq)

ولا يغرتس طول لساني يا هبه ترى هالأمور تشوفينن ذروووق(g)

.......

رامـــز

هلا عمي ابو ماجد

تصدق وانا اقرا ردك اقول والله شيبانا مهوب سهلين

واستانست بعد قلت اثري طباخه وانا مدري لان المقادير نفسها تقريبا

وفي النهايه طلعت تلعب علي :(

بس ولو حلوه ذي حبه حبه:o

[هجمة مرتده]

إلا العدس وشو ؟؟؟

[هجمة مرتده]

والله يا عليتس توقيع بعد يا اسماء

اقول اخلطي هاللي بتوقيعتس لعله يطلع لس اللي تبين

[بنت السليم]

إلا العدس وشو ؟؟؟
هو ذاك اللي في ردودك المسكته بالسياسي:rolleyes:

<<:cl:


اقول اخلطي هاللي بتوقيعتس لعله يطلع لس اللي تبين
فكـــره

بس تهقى ينفع(e)





اقول يا جماعه وشفيكم تحسبونن امزح

ولا رد هبه

الله يوسع صدرك بالرضا والعافيه زي ماتوسعين صدورنا
ههههههههههههههههههههههههههه

ياعيني يعني انا حاطه هالموضوع لوساعة الصدر

حسبي الله على بليستس بس

[هجمة مرتده]

هو ذاك اللي في ردودك المسكته بالسياسي:rolleyes:



تأكدي اني اعتبر كلامك هذا شهاده اعتز بها

اسماء

بين عشوين كنت اقرا ردودك الموجوده في القسم السياسي

حقا ردودك تثلج الصدر وتفحم ماشاء الله

اسماء

ادري طلعت من الموضوع بس كلمهحبيت اكتبها


وخذي هالرابط تفرجي (http://www.qassimy.com/vb/showthread.php?p=203630#post203630)

[بنت السليم]

^
^
^

(q100)

اخجلت تواضعنا يا هذا

والله ياخوي انا متابعه اغلب المواضيع والردود اللي هناك

صراحه الواحد يدخل ويحمد ربه انه عرف الطريق الصحيح بهالزمن ( زمن الفتن )

بس بعد ما وصفني واحد من الاعضاء بالخارجيه مدري التكفيريه << كلهم واحد ماهنا فرق

حامت تسبدي من المنتدى بكبره , ما اقول الا حسبي الله عليه شايف التكفير لعبة:(


على كل حال يا هجمة

قل لأم مدحت (qq) اذا كانت تعرف طريقة خبز العدس تقول لنا

[مـنذر]

(qq24)

انتي لهالحين مالقيتي طريقه حلوة

[سماره]

سلمت يداك روعه الطريقه

[بنت السليم]

مـــنـــذر

شفت شلووون ولا احد جاب لي الطريقه :(

.............

ســـمـــارة

اي روعه !! انتِ يا تطنزين او تجاملين او ماقريت الطريقه

واللي يرحم والديتس اذا عرفتِ طريقتها جيبيها لي

[سيف العداله]

تشكرات كثيرات شيف اسماء (qq73)

[بنت الرعد]

هههههههههههههههههههههههه

اختي عمشا

السلام عليكم ورحمة الله وبركاته


عندي طريقة وحده لخبز العدس الأصفر والطريقة الثانية هي طريقة لكبار طباخين اميركا <<<<ههههههههه

بس الثانية استبدلي طحين الذرة بطحين العدس الأصفر وجربي

الأولى

نعمل عجينة- الجباتي الهنديه- كوبين طحين عادي وملح وماي دافي وتعجن وتترك الى ان ترتاح وتكور الى دوائر صغيره
تفرد كل دائرة الى رقائق وتفرد عليها - حمسة العدس الأصفر بالبصل والبهارات والخ... على حسب الرغبه..ثم تؤخذ دائرة عجينة أخرى وترق وتوضع على حشوة الأولى وتقفل بحيث تبلل الأطراف ثم تكبس جيدا باطراف الأصابع

بعد ذلك تقلى في زيت او زبده متوسطة الحراره حتى تتحمر من الجهتين - ان رغبتي في وضع البيكنغ بودر في مرحلة العجن فهذا افضل-

8
8

هذه الطريقة أخذتها من كتاب اشتريته من مكتبة جرير لمحطة - bbc- الأنجليزيه وترجمته
وممكن استبدالها بحشوة البطاطس الهنديه



الطريقة الأمريكية
لم اجربها الىالآن

2 كوب طحين ابيض- 2 كوب ذرة ( هنا ممكن ان تستبدليه بالعدس الأصفر المطحون) ويسمى في قطر هذا الطحين الأصفر ( بطحين النخي) والنخي هو حبات الحمص اليابس اللذي يسلق في ماء بعد نقعه ليله كامله<<<<زيادة معلومات

اكوب طحين جبن- ( ممكن بارمزان أو جبن جاف اي نوعية تفضلينها )- زيت أو دهن سوسج( نقانق أو شحم هههههه
ملح - بيكنغ بودر
ممكن قليه في اي مقلاة او خبزه بالفرن....

اسفه جدا لأن الطريقة الثانية خذتها على عجل من برنامج - اوبرا وينفري ( الله ياخذها )


وارجوا الإستفادة اختي واذا عندج أي سؤال انا حاضرة



بنت الرعـــــــــــد

[مستغرب]

ما أعرف الطريقة