استاذ رومانسية
13-12-07, 12:50 AM
صباحكم عسل
صباحكم ورد
صباحكم جوري
صباحكم فلفل (مهران)
وكل واحد ياخذ صباحيه وحده يتصبح بها ويترك الطمع
وليعذرنى التماسيح انى كشفت اسرارهم امام السحالى اللى مايصدقون على الله يسمعون
شئ محزن عن تمساح...
اليوم الله مير يسلمكم جبت لكم قصه نايف التمساح يوم وصل عمره 19سنه وتقوم
تضرب براسه فكرة السفرات مع الشباب يعنى بدون العائله الشباب بندر وعبد الله بعد
ما اقنعوه..
طنت براسه فكرة السفر لخارج السعوديه _بس المشكله كيف يقنع ابوه يطلع له جواز
سفر
ياذا البلشه لا وابوه رجال معقد ولا هو راعى مشيات الشايب ..
يقولون له الشباب في الجامعه بندر وعبد الله هاه ترانا بنطلع العطله هذى دبر نفسك مع
ابوك والا شوف واسطه من الجوازات منين ياحسره؟؟
هو فهد ولد عمى جندى اول وراكينه خفارات على الباب والضباط ماعرف ولا واحد ولا
قد شفتهم غير عند الاشارات ...:)
بس مالها والله الا الشويب(a26)
قام نايف اليوم وصلى الفجر مع المسلمين جماعه دايم يقوم بالقوه ويصلى
بالمقلط ...ابوه يقول بخاطره ياصلاتى على النبى نايف تعقل وصار رجال ........وينه
وين المرجله (a14)
نايف ماهو عندك يابو الشباب يبغى جواز سفر وعلى مصر
جاء وتقهوى وافطر(d) نايف مع امه وابوه !!!بس عويناته ان فيه ان في الموضوع
نايف ماهى عوايده......!!!!!!!!!!
نايف عن اذنكم ابروح الجامعه امه تقوله تفضل ياوليدى بس انتبه السيارات امش على
مهلك ..ان شاء الله يمه ..الولد صاير مؤدب دائم شايفتنى ورع يمه ههههههايه ورع
ونص (q104)
في المحاضره ماهو يم الدكتور كيف يكمل ويرستك بقية الخطه ويمشيها على الشايب
الاقشر ..:)
عبد الله وبندر يقابلونه بعد المحاضره هاه نايف ويش سويت مع ابوك النشبه نايف
يقولهم يومين ثلاث واردلكم ...
اليوم الثالث طبعا ولا فؤض فاته كلها في المسجد وبجنب ابوه وعلى الغداء يقول لابوه
يبه رحت مصر قبل كذا ((والله ماهو وقتها يانايف بس ويش يسوى المسيكين ماجاء
مجال ))
ابوه يقوله رحتلها يوم جدك الله يرحمه كان مرضان
نايف كيف مصر يقولون روعه؟؟؟ابوه يقول ياوليدى كنا مشغولين من الفندق
للمستشفى ومن المستشفى للفندق كثر منها الفنادق ياشايب الرحمن والله اتك ساكن في
برج سفينكس قدام نادى الزمالك ههههههههه.....
نايف يقول والله يبه الشباب يقولون روعه السنه اللى فاتت راحولها بس الله يهديهم
ماقالولى شباب عاقلين كثر منها ...........
لاكن يقولون مصر فيها مناظر حلوه واخذنا المركب في النيل وشفنا فندق ام كلثوم
وشفنا فيلا محمد عبد الوهاب _وكمان شفنا قصر مركز قيادة الثوره ايام جمال عبد
الناصر ياحظهوا .....الولد قلب سياسي ...
لاوشافوا قلعة صلاح الدين اللى مثل فيها عادل امام .. رساله الى الوالى ...قلب تاريخ
هالمره
بس اللشئ اللى يوسع الصدر الاهرامات يقولون شئ خيال ...هالمره اثرى الولد ..
والله نفسي اروح مصر
بدأت تنكشف الخطه والبروتوكول الذى كلف نايف الشئ الكثير من جهد وتركيز وقومات
الفجارى والاحترام المصطنع امام الشايب الموقر؟؟؟؟
الشايب تغدا ياوليدى تغدا !!!!!!!!!
ابشوف ردود افعالكم اذا كانت جيده ساكمل القصه واذا لم تكن ساتقبلها بكل حب .......
لانى بصراحه رجل ديومقراطى والا اقولكم ليبرالى والا راسمالى _راس مالى ريالين
هذى منين جت الاخيره على طاري ريالين يقول الشاعر :::
واحالى من اللى راس ماله ريالين = واكثر ربوعه كلهم يطلبونه
اللى ثلاث آلاف واللى ثلا ثين = ولياء حل ذكره كلهم يلعنونه
تقبلوا تحياتى
الجزء الثاني
سلام وكل عام وانتم بخير
انا شفت ردود الافعال مش ولابد ولاكن علشان خوطر اللى ردوا ابكمل القصه
ايضا الشغله فيها عناد واللى عاجبته القصه يقرا ويرد مافيه شئ بلاش
وشهو حقه انا اتعب نفسي وآلف وكل شوى وانا رايح للارشيف حقي ...
واللى ماهى عاجبته القصه يتفضل يلم قشه ويدق ريوس واذا مايعرف
انا بقوله يروح للجهه اليمنى اعلى الصفحه يجد ايطار مكتوب فيه للخلف
يدوس عليه وراح يجد نفسه في المكان اللى جاء منه ......... وريح تودى ماتجيب
ولاتشوفه عينى بعد اليوم ههههههه مفهوم !!!نرجع حق محور حديثنا
نايف قفلت معه وحس ان ابوه رافض الفكره بتاتا البته (حلوه ذي )كمان بتاتا البته ( ماهى حلوه
هالمره)
لاكن هين والله لالين راسك ياشايب الرحمن .
بقي نايف ماسك اعصابه ومحافظ على الصلاه وادب مع اخوانه واخلاق مثل العسل
وذاك اليوم رجع فاتح ابوه في الموضوع مباشره _يبه ابي اطلع جواز سفر وبسافر مع العيال
ابوه يقوله اقلب وجهك والله لو تطلع من الديره انى لحش رجليك اللى تقول رجلين خبل (تحطيم على
كيف كيفك )
نايف قفلت معه بقوه المره ذى وخاصه ان الاجازه قربت ويقول بخاطره والله مالى عن العجيز
هي اللى بتلين راس الشايب الاقشر ..
نايف يقول لامه :يمه بالله عليك خلى ابوى يطلع لى جواز سفر .الشباب كلهم يسافرون غير انا
يعنى مانى زيهم يعنى مانى رجال ياسبحان الله يمه هههههه(ماحولك مرجله بس استريح)
يمه الله يرحم جدى _امه تقوله جدك مابعد مات _يغلط ويقول ان شاء الله يموت _قصدي اذا
مات ...
نايف كسر خاطر امه وكمان اقنعها بالفكره ..
ضغطت ام نايف على ابو نايف بطريقتها الخاصه (كيف لاتسالونى )مادري ؟؟؟هذى اسرار بيوت
ماقولها!! بس اكيد استخدمت معه الحصار الاقتصادى هههههههه(a26) (a26)
لين ماطلع ابو نايف الجواز ****
نايف مبسوط ويدق على الشباب ترى الجواز جاهز بالله لاتاخرونا (يلعن ام الثقه)
تقابلوا بعدها الشباب ويتشاورون نسافر بالطياره والا العباره السريعه
نايف يقول الطياره اريح واسرع وانا بصراحه اخاف من العباره تغرق وياكلنا الحوت (والله ماظنى
الحوت له نفس فيك انت وجهك)
عبد الله يقول والله العباره رحله بحريه حلوه وكمان نقدر ناخذ السياره معنا..
بندر هذا منتهى وبايعها يقول اللى تشوفونه لو على حمار اعرج والا ان شاء الله على رجولنا انا
رايح مصر رايح ..
وصل فيهم المطاف انهم يسافرون بالطياره >>>>وكالعاده ماحصلوا حجز على السعوديه(qq1) وحجزوا
على المصريه ..
جالسين قبل الرحله بيومين ويقولون لنايف الشباب بندر وعبد الله هاه ضبط نفسك دق الجنز ونظاره
شمسيه وخلها فله ..
قرب موعد الرحله وعلى المطار نايف يسحب شنطته وكريعاته مثل كريعات الحمار الوالد(z)
في
المطار !!ماهو مصدق انه بيروح لمصر _(مسيكين كيف لو بيروح لباريس ويتمشى بالشانزلزيه )
طلعوا الطياره وجاء مقعد نايف قدام شوئ عن زملاءه
وتعدى من جنبه المضيفه بنت حلوه ويطالع فيها ويقول بخاطره ياذا الوناسه اللى هذا اولها كيف
تاليها ياخسارة عمرى اللى راح يازين الحريه زيناه (اي حريه يالداشر مادرى عنك الشويب
الاقشر)...
بقى مطير عيونه في المضيفه شوى وتجيه وتقوله(عاوز خدمه ياباشا) يقولها لا
بس صار يقرقع بخاطره سؤال حلوه يقرقع !!!!ايش معنا قالتلى كذا انا بس ؟اكيد انى
مزيون !!!!!!!!!كثر منها بنواظيرك تقول بومه ...
بدات الافكار تضرب براس نايف يمنة ويسره ويقول ......تفوووووو عليك ياجواهر بنت عمى انت
وسلاقينك تقول بسكليت اربع وعشرين ..(a26) غاثينى فيها نجوزك جواهر _نجوزك جواهر !!
انا ابغى مثل هذى والا بلاش ؟؟؟مثل هذى وين نلقاها وبعدين انت ويش زين وجهك (q81) تقول
قوطى بيبس مدعوس ههههههههههه(a14)
ايش رايكم نوقف والا نكمل ؟؟؟؟
صباحكم ورد
صباحكم جوري
صباحكم فلفل (مهران)
وكل واحد ياخذ صباحيه وحده يتصبح بها ويترك الطمع
وليعذرنى التماسيح انى كشفت اسرارهم امام السحالى اللى مايصدقون على الله يسمعون
شئ محزن عن تمساح...
اليوم الله مير يسلمكم جبت لكم قصه نايف التمساح يوم وصل عمره 19سنه وتقوم
تضرب براسه فكرة السفرات مع الشباب يعنى بدون العائله الشباب بندر وعبد الله بعد
ما اقنعوه..
طنت براسه فكرة السفر لخارج السعوديه _بس المشكله كيف يقنع ابوه يطلع له جواز
سفر
ياذا البلشه لا وابوه رجال معقد ولا هو راعى مشيات الشايب ..
يقولون له الشباب في الجامعه بندر وعبد الله هاه ترانا بنطلع العطله هذى دبر نفسك مع
ابوك والا شوف واسطه من الجوازات منين ياحسره؟؟
هو فهد ولد عمى جندى اول وراكينه خفارات على الباب والضباط ماعرف ولا واحد ولا
قد شفتهم غير عند الاشارات ...:)
بس مالها والله الا الشويب(a26)
قام نايف اليوم وصلى الفجر مع المسلمين جماعه دايم يقوم بالقوه ويصلى
بالمقلط ...ابوه يقول بخاطره ياصلاتى على النبى نايف تعقل وصار رجال ........وينه
وين المرجله (a14)
نايف ماهو عندك يابو الشباب يبغى جواز سفر وعلى مصر
جاء وتقهوى وافطر(d) نايف مع امه وابوه !!!بس عويناته ان فيه ان في الموضوع
نايف ماهى عوايده......!!!!!!!!!!
نايف عن اذنكم ابروح الجامعه امه تقوله تفضل ياوليدى بس انتبه السيارات امش على
مهلك ..ان شاء الله يمه ..الولد صاير مؤدب دائم شايفتنى ورع يمه ههههههايه ورع
ونص (q104)
في المحاضره ماهو يم الدكتور كيف يكمل ويرستك بقية الخطه ويمشيها على الشايب
الاقشر ..:)
عبد الله وبندر يقابلونه بعد المحاضره هاه نايف ويش سويت مع ابوك النشبه نايف
يقولهم يومين ثلاث واردلكم ...
اليوم الثالث طبعا ولا فؤض فاته كلها في المسجد وبجنب ابوه وعلى الغداء يقول لابوه
يبه رحت مصر قبل كذا ((والله ماهو وقتها يانايف بس ويش يسوى المسيكين ماجاء
مجال ))
ابوه يقوله رحتلها يوم جدك الله يرحمه كان مرضان
نايف كيف مصر يقولون روعه؟؟؟ابوه يقول ياوليدى كنا مشغولين من الفندق
للمستشفى ومن المستشفى للفندق كثر منها الفنادق ياشايب الرحمن والله اتك ساكن في
برج سفينكس قدام نادى الزمالك ههههههههه.....
نايف يقول والله يبه الشباب يقولون روعه السنه اللى فاتت راحولها بس الله يهديهم
ماقالولى شباب عاقلين كثر منها ...........
لاكن يقولون مصر فيها مناظر حلوه واخذنا المركب في النيل وشفنا فندق ام كلثوم
وشفنا فيلا محمد عبد الوهاب _وكمان شفنا قصر مركز قيادة الثوره ايام جمال عبد
الناصر ياحظهوا .....الولد قلب سياسي ...
لاوشافوا قلعة صلاح الدين اللى مثل فيها عادل امام .. رساله الى الوالى ...قلب تاريخ
هالمره
بس اللشئ اللى يوسع الصدر الاهرامات يقولون شئ خيال ...هالمره اثرى الولد ..
والله نفسي اروح مصر
بدأت تنكشف الخطه والبروتوكول الذى كلف نايف الشئ الكثير من جهد وتركيز وقومات
الفجارى والاحترام المصطنع امام الشايب الموقر؟؟؟؟
الشايب تغدا ياوليدى تغدا !!!!!!!!!
ابشوف ردود افعالكم اذا كانت جيده ساكمل القصه واذا لم تكن ساتقبلها بكل حب .......
لانى بصراحه رجل ديومقراطى والا اقولكم ليبرالى والا راسمالى _راس مالى ريالين
هذى منين جت الاخيره على طاري ريالين يقول الشاعر :::
واحالى من اللى راس ماله ريالين = واكثر ربوعه كلهم يطلبونه
اللى ثلاث آلاف واللى ثلا ثين = ولياء حل ذكره كلهم يلعنونه
تقبلوا تحياتى
الجزء الثاني
سلام وكل عام وانتم بخير
انا شفت ردود الافعال مش ولابد ولاكن علشان خوطر اللى ردوا ابكمل القصه
ايضا الشغله فيها عناد واللى عاجبته القصه يقرا ويرد مافيه شئ بلاش
وشهو حقه انا اتعب نفسي وآلف وكل شوى وانا رايح للارشيف حقي ...
واللى ماهى عاجبته القصه يتفضل يلم قشه ويدق ريوس واذا مايعرف
انا بقوله يروح للجهه اليمنى اعلى الصفحه يجد ايطار مكتوب فيه للخلف
يدوس عليه وراح يجد نفسه في المكان اللى جاء منه ......... وريح تودى ماتجيب
ولاتشوفه عينى بعد اليوم ههههههه مفهوم !!!نرجع حق محور حديثنا
نايف قفلت معه وحس ان ابوه رافض الفكره بتاتا البته (حلوه ذي )كمان بتاتا البته ( ماهى حلوه
هالمره)
لاكن هين والله لالين راسك ياشايب الرحمن .
بقي نايف ماسك اعصابه ومحافظ على الصلاه وادب مع اخوانه واخلاق مثل العسل
وذاك اليوم رجع فاتح ابوه في الموضوع مباشره _يبه ابي اطلع جواز سفر وبسافر مع العيال
ابوه يقوله اقلب وجهك والله لو تطلع من الديره انى لحش رجليك اللى تقول رجلين خبل (تحطيم على
كيف كيفك )
نايف قفلت معه بقوه المره ذى وخاصه ان الاجازه قربت ويقول بخاطره والله مالى عن العجيز
هي اللى بتلين راس الشايب الاقشر ..
نايف يقول لامه :يمه بالله عليك خلى ابوى يطلع لى جواز سفر .الشباب كلهم يسافرون غير انا
يعنى مانى زيهم يعنى مانى رجال ياسبحان الله يمه هههههه(ماحولك مرجله بس استريح)
يمه الله يرحم جدى _امه تقوله جدك مابعد مات _يغلط ويقول ان شاء الله يموت _قصدي اذا
مات ...
نايف كسر خاطر امه وكمان اقنعها بالفكره ..
ضغطت ام نايف على ابو نايف بطريقتها الخاصه (كيف لاتسالونى )مادري ؟؟؟هذى اسرار بيوت
ماقولها!! بس اكيد استخدمت معه الحصار الاقتصادى هههههههه(a26) (a26)
لين ماطلع ابو نايف الجواز ****
نايف مبسوط ويدق على الشباب ترى الجواز جاهز بالله لاتاخرونا (يلعن ام الثقه)
تقابلوا بعدها الشباب ويتشاورون نسافر بالطياره والا العباره السريعه
نايف يقول الطياره اريح واسرع وانا بصراحه اخاف من العباره تغرق وياكلنا الحوت (والله ماظنى
الحوت له نفس فيك انت وجهك)
عبد الله يقول والله العباره رحله بحريه حلوه وكمان نقدر ناخذ السياره معنا..
بندر هذا منتهى وبايعها يقول اللى تشوفونه لو على حمار اعرج والا ان شاء الله على رجولنا انا
رايح مصر رايح ..
وصل فيهم المطاف انهم يسافرون بالطياره >>>>وكالعاده ماحصلوا حجز على السعوديه(qq1) وحجزوا
على المصريه ..
جالسين قبل الرحله بيومين ويقولون لنايف الشباب بندر وعبد الله هاه ضبط نفسك دق الجنز ونظاره
شمسيه وخلها فله ..
قرب موعد الرحله وعلى المطار نايف يسحب شنطته وكريعاته مثل كريعات الحمار الوالد(z)
في
المطار !!ماهو مصدق انه بيروح لمصر _(مسيكين كيف لو بيروح لباريس ويتمشى بالشانزلزيه )
طلعوا الطياره وجاء مقعد نايف قدام شوئ عن زملاءه
وتعدى من جنبه المضيفه بنت حلوه ويطالع فيها ويقول بخاطره ياذا الوناسه اللى هذا اولها كيف
تاليها ياخسارة عمرى اللى راح يازين الحريه زيناه (اي حريه يالداشر مادرى عنك الشويب
الاقشر)...
بقى مطير عيونه في المضيفه شوى وتجيه وتقوله(عاوز خدمه ياباشا) يقولها لا
بس صار يقرقع بخاطره سؤال حلوه يقرقع !!!!ايش معنا قالتلى كذا انا بس ؟اكيد انى
مزيون !!!!!!!!!كثر منها بنواظيرك تقول بومه ...
بدات الافكار تضرب براس نايف يمنة ويسره ويقول ......تفوووووو عليك ياجواهر بنت عمى انت
وسلاقينك تقول بسكليت اربع وعشرين ..(a26) غاثينى فيها نجوزك جواهر _نجوزك جواهر !!
انا ابغى مثل هذى والا بلاش ؟؟؟مثل هذى وين نلقاها وبعدين انت ويش زين وجهك (q81) تقول
قوطى بيبس مدعوس ههههههههههه(a14)
ايش رايكم نوقف والا نكمل ؟؟؟؟