(( الدمعة الحمراء ))

[مسلط]

بسم الله الرحمن الرحيم

في زمن ( السديري ) الجميل رحمه الله كان يكتب عن زمنٍ مضى أجمل وأجمل رغم بساطته الا ان به من " المراجل " ماجعلته يتسيّد على ما مرّ بعده من أزمنه فخُلد ذكره إلى الآن فيكفي ان نتذكرهم ونتمنى أن نكون معهم في وقتهم الطيب ذاك ...

ونحن في زمننا ( والذي نتمنى ان يكون جميل ) وتسعد الاجيال بتذكره من بعدنا نقرأ في ما كتبه السديري رحمه الله عن هذا الزمن بكل مافيه من " هيبه " و " طيبه " و " وقار " انه زمن الحب العفّيف .. الطاهر .. البريء

كتب السديري عن وفاء " البدوي " وشيمته .. عن شرف الحب وعهوده التي تربط البدوي العاشق بها إلى موته .. كتب عن عشق " بنت الرجال " وطهارتها ونظافة عرضها .. كتب السديري حتى سقطت آخر دمعاته .. دمعته الحمراء فكانت هي ( شيمة و وافي )

فما هي ( الدمعه الحمراء ) في عرف البدوي ؟

في مقدمة كتاب السديري فُسّرت هذه الدمعه انها آخر الدموع البيضاء او الزرقاء كما يسميها اهل الباديه .. وحين تكون العين مجبره على البكاء بعد انتهاء دمعها فأنها لا تجد سوى الدموع الحمراء .. لكنها دمعه واحده فقط او اثنتين وبعدها ينتهي كل شي فلن يكون هناك عين بعد هذه الدمعه .. إذاً هي نهاية العين .. ونهاية الانسان نفسه نعم هي نهايته .. ونهاية معاناته أيً كانت مسبباتها و ابلغ ما قالته العرب عن العين ومائُها قول مجنون بني عامر ..

جفت مدامع عين الجسم حين بكـى
وإن بالدمع عينُ الروحِ تنسكب

وليس الذي يجري من العين ماؤها
ولكنها نفــسُ تــذوبُ وتقطـــرُ

ولعل من يقرأ دمعة السديري الحمراء يعتقد انها احداث خيالية صاغها فكر المؤلف او يصل لأبعد من ذلك فيقول انها احداث وقعت لأحدٍ ما رواها للسديري فدونها لنا .. الا ان القارئ حتماً سيستشف الحقيقة خلف السطور وبينها و حول القوافي ومعانيها و سيرى نور اليقين من معاناة " وافي " و " شيمة " المعتمه ليصل لمعاناة السديري نفسها .. ولعل اكبر دليل على ذلك .. ما ذكره مقدم الكتاب الشاعر / طلال السعيد عن إشارة الأمير السديري لمكان قبر " وافي " بطل المعاناة في احدى القصائد ولو زرت هذا المكان .. ستجد قبر الأمير نفسه حالياً لم اقصد من هذه المشاركه ذكر احداث هذه المأساة التي دونها السديري وختمها بدمعته الحمراء .. لأن اغلبنا قد حظي بقراءتها ولن افسد على البقية لذة قراءة هذه الدمعه الرائعه ... وحتى من لم يقرأها بالتأكيد يعرف من هم رمزي العشق الطاهر والعرض الابيض ( شيمة ووافي ) فقد خلّد السديري ذكرهم كما كان مع عنتر وعبلة وقيس وليلي .. إلى بقية العشاق وشخصياً لا استطيع حصى مرات قراءتي لها فقد أثرت في تكويني العاطفي لأبعد حد .. إذاً اعتبر هذه المشاركه مجرد ( استدارة كحيلة في ميدان قوافي الأمير الرحبه ) فقط السديري .. بحر شعري مازلنا نغوص في أعماقه إلى الآن .. وكم من الدرر والنفائس في هذا اليم المهيب .. فقد ابدع الامير في رواية احداث القصة بأبيات شعرية خالدة على لسان حال ابطالها .. فيقول الأمير رحمه الله في أول لقاء للوافي بشيمة .. لقاء الطهر بالبراءة ..

جيتك وأنا عن كل أهلك أتغبا
جيتك وحاديني من الود حـــادي

من كل خلق الله لك القلب حبــا
ومن شانكم يازين تعبت جـوادي

وخليتها بالكــود يمـك تخبــــا
تاطا الوعر هو والسهل بالأيادي

وينشد هُنا ايضا ..

قبل امس جيت أطلب ودادك وصديت
وش فيـك للقلـب المعــذب تغيضــــي

عـــز الله اني بالمــوده تمـــــاديت
ومن سبتــك يازيـن قلبـي مريضـــي

أوقف بجــاه الي فرض حجة البيت
أبيــك ترحمنـي وعنـدي تريضـــــي

شف عبرتي يازين عقب التنـاهيت
شـف دمعـة من فـوق عينـي تفيضي

لـولاك ما تعبت نفسـي ولا جيـــت
غثني بفضل إرضاك وأرحم جضيضي

يبدع السديري في الابيات ويبدع في وصف الشرف في ذلك الزمن الجميل فيقول بلسان الوافي ...

يابنت أنا جيتك على الرجل حافي
مع قفـرة يضيـع فيها الدليلــه

بالله ياراع الثمــان الرهــافــــــي
نبي لي اسمك ياعنود الجميله

فترد شيمه وهنا اجزم انها شيمة السديري نفسها فيقول فيها ..

جيـت المكـان اللي به الزيـن وافيــــت
صافي الجبين وسيد تلعات الارقـاب

جيتــه وهليــت العبـايـر وونيـــــت
وقفـت به والدمـع يمطـر وسكّـــــاب

وأصيح بأعلى الصوت عقب التناهيت
وبقيـت أدوج فيه ليـن الشفق غــاب

ولا لقيـت الا الجـــوازي مصــانيـــــت
وتركتهن من شـان وضــاح الأنيــاب

وعـويــت من جــور العنــا ثم ونيـــت
ولجلج صداها بين شعبان وهضـــاب

على الحبيـب اللي لشـوفـه تشـافيت
اللي من أسبابه شعر عارضي شاب

لله در الأمير كيف هي مشاعره ؟ وكم هو رائع احساسه هذا ماكان من الوافي فكيف صاغ الامير ما أحست به شيمه لنقرأ ما ابدعه على لسان حالها ...

ان غاب وافي كل شيء معه غـــاب
والـروح من بين الضمــايــر سلبها

وان كان شفته فزت والنوم لي طاب
وفرحات قلبي صاحبي هو سببها

العيـن في بعـده عن النــوم حــراب
وقربه دوى عيني وبعده غضبــها

قلبي يحبـه لو نحـى يـم الاجنــــاب
تفداه روحي ... لو حبيبي نهبــها

لا زال الامير يبدع من قوافيه ويكيل ولازالت قلوبنا معه تبكي و دموعنا تسيل فلنقترب لنرى المزيد من هذا الحب العفّ وابداعات السديري ..

شيمه ...

يا وافي العـراف صديت عنــا
وأنا عليك دموع عيني تجــارن

يا ما سهر طرفي ويا ما تمنا
والقلب تاق بضامري عقب ماون

وافي ...

عليك ياشيمـه دموعـي جـرنـــا
وعويت لين أن الضواري تعاون

عويت وسحمان الضواري عونا
وعلى ونين القلب جن يتعـــادن

شيمه ...

ما جور يا وافي لعلك تهنـا
قلبي ضحك لك قبل مايضحك السن

ليتك قريب الدار وأبوك منا
وليتك ولـد عمي وأزورك بــــلا من

وافي ... انا شليت هذا البيت............

عليك قلبي بالضمايـر معنـا
وسهوم نجلك صوبني ولا أخطن

قمة الابداع هذه الحوار الذي انشده الشاعر وكيف ؟ على لسان آخرين ومن خلال الأحداث استوقفتني ابيات السديري في " الرجم " ولأني أعشق الرجوم والوقوف بها كان لابد لي ان أقف عند ابياته .. فيقول الامير بلسان شيمه ..

يارجم ... ويـن اللـي بنــاك وشيــدك
يـارجــــم ياليتـــك علـي تجيــــب

يارجم ... ياليتـك بظـــلك تظلنــــي
الى أوجست من عقب الفراق لهيب

حبيب بنـاك العـام يارجــم وانتحــــا
ما أنســاه لو أن الغــراب يشيــب

يارجم ... ماشفت الوفا كاسب الثنـا
حليـف النــدا سفـر الحجــاج نجيب

يارجم ... أنا ويـاك في مهمه الفــلا
والكـل منـا ... بالفيـــاح غـريـــب

يارجم أنا أحبك على شان صاحبي
بعيد وهو وســط الفــواد قـريــب

يسهب السديري في وصف المأساة وهذه الابيات تخفي الكثير بين سطورها يبكي فيها السديري بحسره لبكاء وافي فيقول ...

أنا عفت نجــد وصاحبي بين حيهــا
ولا ذكر محبوب جفـا دار صـاحبـه

ولكن حبيبي حيـل دونـي ودونــــه
وحبل الرجا مني قطع كف جاذبه

وأنا أوجست قلبي بين كفين طاير
بثومة فوادي شـارعـات مخـالبـه

أنا عفـت نجـد وحبها يسكن الحشا
وفيها عزيز الجــار قلبي يداعبه

رعـا الله من حبـه تمكن بضـامــري
ولو مـت روحي دايـم عند جــانبه

الى أن قال ...

أنا اقفيت عن دنيا بها الكيد والشقا
وخليت غـالٍ مت من شان واجبه

ثم يقول :

يازهرة في نجد قلبي عشقها
يمشي لها بالود عجل ومطواع

ومن وين ماراحت مشى القلب معها
قلبي على زين الحجاجين مهراع

هل الأمير هو وافي ؟ والوافي هو نفسه الأمير ؟ ..اختلطت الأمور و لم نعد نعلم أيهم كان العاشق
لكن نحن على يقين انهم ان كانوا شخصين .. فأنهم بقلبٍ واحد هنا بعد موت الشيمه هل كان العهد للوافي ام أنه عهد الامير نفسه ؟

ياقبـر ماتنفاجلي وأنت مسمــوح
تنفاجلي سـاعه وأنا منك راضـي

نبـي نــوادع غـاليٍ فيـك مملـوح
حبه بقلبي دامي الجــرح ماضــي

عاف الحياة وعلق الروح بالـروح
وقلبي عليه من المعاليق جــاضي

وأتعبت من فرقاه نوح باثر نوح
والقلب ذاب وباقي الصبـر قـاضي

ياقبر أبي أعاهدك ياقبر ماروح
الين ماتــابـس عيونـي مغـــاضي

عليه قلبي .. بالمعـاليق مجــروح
وعلى نصايب قبره الدمع فاضي

هنا نصل للدمعة الحمراء التي ذكرناها قبلاً فنرى تفسير السديري لها في هذه الابيات بلسان الوافي .. هي آخر ماقاله وافي وآخر دمعاته ودمعات الأمير ...

خلوا جريــح القلب .. ينـوح عـاليه
وخلـوه يلحـق غــايته منتهـــــاها

وخلــوه ينثر من عيونه .. عبـاريه
حتـى تفيـض عبرته .. كـل مــــاها

مرحوم يللي .. ماسلا القلب ناسيه
وعيني بكت فرقاه وأمطر سماها

مصـورٍ بالقلـب .. زوله وطـــاريــه
وروحي من اسبابه تدانت خطــاها

ان مت .. حطـوا غـالي عند غاليه
حتى المطـر يسقي ثـراي وثــراها

يابوي لا تلحق غلامك .. مشـاريه
حبه بـرا حـالي وروحـي طــــواها

عزي لمن مثلي .. يصفق بيــاديه
وبالقبـر عينه غــاب عنها ضيــاها

لوهو ليا ناديت .. يسمع منــاديه
جـريـت ونــات ٍ يـزلـزل صــــــداها

عاف الحياة وراح روحي تباريه
واقفـت به الدنيـا ودارت رحـــــاها

يظل الوافي يصارع سكرات عشقه فينشد السديري ...

ان مت في جنب الحبيب أدفنوني
لعـل طيفي ... يجتمـع هو وطيفه

وازرع علينا مخضــرات الغصوني
تظـــل شيمـــه ... ويتظلل وليفـــه

وان كان يالعـراف لي ترحمـوني
اركـز على القبرين بيضــا صحيفه

اكتــب ولا بـد المــلا يشهدونــي
هذي قبور أهل العروض النظيفه

كانت هذه آخر دمعات السديري ... ( الدمعه الحمراء ) حيث كانت هي النهايه .. فهل كانت نهاية وافي فقط ؟ أم انها نهاية الأمير نفسه ونهاية معاناته التي خلدتها هذه الابيات ؟ ستظل هذه التساؤلات قائمه وسنظل نحن نتوق لزمن العفة وزمن الشيمه والوفاء . منقول وانتم سالمون والسلام .

[الــنــوخــذة]

http://www.wz63.com/up/uploads/47f6b4c6f4.gif

[النجديه]

الـــلــه الــلـــه

من طول الغيبات جاب الغنايم

تسلم يمينك على هالنقل الاكثر من رائع

الشاعر السديري شاعر لايشق له غبار رحمه الله

ويسلم ذوقك في اختيار هالشاعر المميز

يعطيك العافيه يارب

واحنا في انتظار جديدك القادم

[مسلط]

اخي الكريم النوخذة عبدالله واختي الكريمة النجدية بعد التحية شكرا لمروركم الكريم مع اطيب الامنيات والسلام

[الهنـوف]

اللــّه صح لسانه ،

يعطيك ربي العافيه ويجزآك خيرا ً .

[... بنت الجنوب ...]

الله يعطيك العافيه
http://abeermahmoud2006.jeeran.com/519-Thanks.gif

[مسلط]

اختي الكريمة الهنوف بعد التحية شكرا لمرورك الكريم والله يعافيك ويجزاك خير مع اطيب الامنيات والسلام

[مسلط]

اختي الكريمة بنت الجنوب بعد التحية شكرا لمرورك الكريم مع اطيب الامنيات والسلام

[حسن خليل]

صح لسان الشاعر والشاعرة على أبياتهما الرائعة جداً

وسلمت يداك أخي مسلط على هذا النقل المميز والموفق

والله يعطيك العافية

[مسلط]

اخي الكريم القاص حسن خليل بعد التحية شكرا لمرورك الكريم والاشد تميزا من النقل مرورك الكريم عليه ويعافيك ربي واسلم وسلم والسلام

[مسلط]

بسم الله الرحمن الرحيم

من أجمل قصائد الأمير / محمد احمد السديري صاحب كتاب الدمعة الحمراء

شىءٍ بقلبى ياملا حايرٍ فيه
= شىءٍ تحير به العقول الفهامي

مخفيه بفوادى و لاودى ابديه
= وادور الخيرات شرقٍ وشامي

احترت به ما شفت شىءٍ يحاليه
= واليوم أنشد عنه مانى بكامي

سيلٍ حدر مع وادىٍ غير واديه
= مدرى حلالٍ ماه والا حرامي

كانه حلالٍ جايزٍ شرب صافيه
= وش حلله يامفسرين الحلامي

هاتوا تفاصيله وهاتوا معانيه
= نبى الدليل اللى عليه الكلامي

نبي دليلٍ يفهم الدرب ماشيه
= يمشي به التايه بليل الظلامي

يمشي به التايه ويقدى مواطيه
= ويشرب قراح الما ليا صار ظامي

لاشك هجسي يوم خلا مماشيه
= انه حرام ومنه زود الاثامي

احرم من الزقوم مره وحاليه
= وشربه على الضامى يزيد الهيامي

الله من قلب همومه تقزيه
= تدك به مثل الجراد التهامي

من ما جرى قامت تتله مشاحيه
= تل الرشا من فوق هدف المقامي

روابعٍ قامت تصيبه وتخطيه
= شاف الهوايل واختلاف الاسامي

ما يسمع الداعى ليا قام يدعيه
= يعوم فى بحرٍ من الهم طامي

ما ينتبه للى بصوته يناديه
= يزيد همه يوم كلٍ ينامي

يشوف وقتٍ ماعرفنا تواليه
= وقتٍ يشّيب منه ابن الفطامي

هذا زمانٍ كاثراتٍ بلاويه
= الغيم يقلب فيه عج وكتامي

يا بعد شرب الما على كبد راجيه
= ما سيل الغبرا زعوج الجهامي

انبيك يا من كلمة الحق ترضيه
= اعطيك ما ينفعك وافهم كلامي

قصرٍ يذلك لا تقابل مبانيه
= خله عسى شامخ طويله هدامي

خله عسى ما صاب اغادير يفنيه
= يودع منازلـه الطويله رجامي

لوزان مدخاله وطالت حواميه
= شيّد على الخيبه قليل الرحامي

وحىٍ يوريك المذ لـه وتغليه
= أنا أشهدأنك ميت القلب عامي

من لا يودك لا توده وترجيه
= ارفع مقامك ياعزيز المقامي

ارفع مقامك عن عدوك وتوذيه
= ويلحقك من تركت رفيقك ملامي

حق الرفيق وواجبه لاتخليه
= يلزمك مثل الوالدين الحشامي

اختر عزيز الجار والحق يعطيه
= شبلٍ على هرجٍ يقوله يحامي

مادك به عرج المذلـه وطاريه
= يسبق على فعل الفضيله شمامي

ومن قارب الاجرب بالامراض يعديه
= عدواه تسطي باللحم والعظامي

درب السلامه بيناتٍ مماشيه
= ودرب العطب يّرث عليك اللكامي

ابعد وقلبك نازح البعد يشفيه
= وتلقى عن الدار البغيضه مقامي

دارٍ بدار وداعى الذل عاصيه
= ولا تقبل الذلـه نفوس الكرامي

الذل موت حايماتٍ ضواميه
= ادخل على منزل فروض الصيامي

عن مقعد بالذل عينك تراعيه
= الموت عند الذل امان وسلامي

يرضى المذلـه من تردت هقاويه
= والذل يجفل منه قلب العصامي

والعبد لــه ربٍ عن الناس يغنيه
= ولولاه ماصاب الهدف كل رامي

منقول وأنتم سالمون وغانمون والسلام .

[غريـد]

يعطيك العافيه

[*أسيرة الذكرى*]

يعطيك العافية

كل الشكر لك

تحياتي

:)

[@ملكة الورود@]

الله عليه من زمن وافى ومن عشق صادق من دون مصالح!!؟

سلمت يمينك على اتحفنا بي هالرائعه لاخلا ء ولاعدم

جيـت المكـان اللي به الزيـن وافيــــت صافي الجبين وسيد تلعات الارقـاب

جيتــه وهليــت العبـايـر وونيـــــت
وقفـت به والدمـع يمطـر وسكّـــــاب

وأصيح بأعلى الصوت عقب التناهيت
وبقيـت أدوج فيه ليـن الشفق غــاب

ولا لقيـت الا الجـــوازي مصــانيـــــت
وتركتهن من شـان وضــاح الأنيــاب

وعـويــت من جــور العنــا ثم ونيـــت
ولجلج صداها بين شعبان وهضـــاب

[مسلط]

بسم الله الرحمن الرحيم

هذه القصيدة من أجمل قصائد الشاعر الكبير الأمير / محمد بن أحمد السديري رحمه الله صاحب كتاب ( الدمعة الحمراء ) وكتاب ( أبطال من الصحراء ).

يقول من عدّا على راس عالــــي
= رجمٍ طويل يدهله كل قرنــــاس

في راس مرجومٍ عسير المنالـــي
= تلعبْ به الأرياح مع كل نسْنــاس

في مهمهٍ قفرٍ من النّاس خالــــي
= يشْتاق له من حس بالقلب هوجـاس

قعدت في راسه وحيدٍ لحـالــــي
= براس الطويل ملابقه تقل حــراس

متذكرٍ في مرقبي وش غدالــــي
= وصفّقْت بالكفين ياسٍ على يــاس

أخذت أعدّ أيامها والليالـــــــي
= دنيا تقلّب ماعرفنـا لها قيــــاس

كم فرّقت مابين غالي وغالـــــي
= لو شفت منها ربح ترجع للافــلاس

يقطعك دنيا ماله أول وتالــــــي
= لو أضحكت! للغبن تقرع بالأجــراس

المستريح اللي من العقل خالــــي
= ماهو بلجات الهواجيس غطّـــاس

ماهو بمثلي مشكلاته جـــلا لــي
= أزريت أسجّلهن بحبرٍ وقرطـــاس

حملي ثقيل وشايله باحتمـالــــي
= وأصبر على مر الليالي والأتعــاس

وأرسي كما ترسي رواسي الجبالــي
= ولايشتكي ضلعٍ عليه القــدم داس

يابجاد شب النّار وادن الدلالــــي
= واحمس لنا يابجاد مايقعد الــراس

ودقّه بنجرٍ ياظريف العيالــــــي
= يجذب لنا ربعٍ على أكوار جــلاس

وزلّه إلى منّه رقد كل سالـــــي
= وخلّه يفوح وقنّن الهيل بقيـــاس

وصبّه ومدّه ياكريم السبالـــــي
= يبعد همومي يوم أشمّـه بالانفـاس

فنجال يغدي ماتصور ببالــــــي
= وروابع تضرب بها أخْماس وأسداس

لاخاب ظني بالرفيق الموالـــــي
= مالي مشاريهٍ على نـايد النــــــــاس

لعل قصرٍ مايجيله ظـلالــــــي
= ينهد من عالي مبانيه للســــاس

لاصار ماهو مدهلٍ للرجالــــــي
= وملجا لمن هو يشكي الضيم والياس

بحسناك يامنشي حقوق الخيـالــي
= ياخالق أجناس ويامفني أجنـــاس

تجعل مقره دارس العهد بــالـــي
= صحْصاح دوٍ دارسٍ مابه أونــاس

البوم في تالي هدامه يلالــــــي
= جزاك ياقصر الخنا وكر الأدنــاس

متى تربّع دارنا والمفالـــــــي
= وتخضرّ فياضٍ عقب ماهيب يبّـاس

نشوف فيها الدّيدَحان متـوالــــي
= مثل الرعاف بخصر مدقوق الألعـاس

ونمشي على البيدا سوات الزوالــي
= يشرق حماره شرقة الصبغ بالكـاس

وتكبر دفوف معبّسـات الشمالـــي
= ويبني عليهن الشحم مثل الأطعـاس

منقول وأنتم سالمون وغانمون والسلام .

[مسلط]

أختي الكريمة / غريد بعد التحية شكرا لمرورك الكريم مع أطيب الأمنيات وأنت سالمة والسلام .

[مسلط]

أختي الكريمة / أسيرة الذكرى بعد التحية شكرا لمرورك الكريم والله يعافيك مع أطيب الأمنيات وأنت سالمة والسلام .

[مسلط]

أختي الكريمة / ملكة الورد بعد التحية كل وأنتم بخير وشكرا لمرورك الكريم والله يعافيك مع أطيب الأمنيات وأنت سالمة والسلام .

[الدلفين الوردي]

الله يعطيك العافية

[مسلط]

أخي الكريم / الدلفين بعد التحية كل وأنتم بخير وشكرا لمرورك الكريم والله يعافيك مع أطيب الأمنيات وأنت سالم والسلام .

[MARISOLE]

http://gallery.7lm.com/data/media/19/fdc327ba09.gif

[brincicah]

تسلم يمينك شي رائع

[ذكريات العمر]

قصه جميله وحزينه
يعطيك العافيه

[ســـــوار]

حلو كتييييييييييييير