سؤالي عن امتدادات الصور

[هبه]

السلام عليكم ورحمة الله وبركاته

ابي اسألكم عن امتدادات الصور : ( psd ، jbg ، gif )

وش سالفتهن ومتى نختار كل وحده منهم لما نبي نحفظ صوره

ــــــــــــــــــــــــــــــــــــ

السؤال الثاني :

عندي صوره اشتغلت عليها بالفوتوشوب وجيت ابي احفظها بامتداد jbg

طلع لي في مربع الحفظ تنبيه انه بعض تنسيق الصوره ماراح يتم حفظه

وفعلا طلعت لي الصوره كبيره مره وانا كنت مصغرته لانه حجمها كبير


ولما جربت احفظها بامتداد psd ماطلع التنبيه بس يطلع لي حجم الصوره كبير

اكبر من 200 كيلو بايت وموقع جيران عارفين ماقدر احمل عليه صوره

حجمها اكبر من 200 كيلو بايت


وشكرا لكم مقدما

ودمتم بخير

[فلته]

وعليكم السلام ورحمة الله وبركاته

أهلا فيك يا هبه وإن شاء الله أقدر أفيدك
وأتمنى ممن عنده/عندها تعليق أو إضافه
إنه ما يحرمونا من معرفتها وينورونا (qq151)

أول شي كل صوره ولها إمتداد يا هبه
jpg-gif-bmp-tif-psd-wmf-psp
وهذي صور إما تكون ثابته أو متحركه

وبالنسبة للإمتداد psd فهذه الخاصية تعطيك
الفرصه في الفوتوشوب بأن تحفظي العمل
بكل تفاصيله حتى تقدري تعدلي عليه إذا
فتحتيه المره الثانيه وتحصلي مثلا إنك تقدري
تعدلي على الكتابه إن وجد أو الشفافيات
وهكذا مع باقي التعديلات

بإختصار شديد إذا عندك عمل ماخلصتي منه
ولازم تقفلي الفوتوشوب إحفظيه بالإمتداد هذا
ومتى مافتحتيه المره الثانه تبي تشوفي إنه
موجود كانك ماقفلتيه أبداً وبيرجع لك كل شغلك.

إمتداد jpg هذا لحفظ الصوره بحجم أقل وجوده
عاليه وما يحفظ لك التعديلات بس الصوره كما هي
في شكلها الأخير

إمتداد gif هذا إذا كانت الصوره متحركه لازم تكون
بنفس هالإمتداد وبالفوتوشوب نستعمل برنامج:
Adobe Image Ready

هذا كان جواب سؤالك الأول أما سؤالك الثاني
فجوابه ومن خلال معرفتي البسيطه بالفوتوشوب
إننا إذا حفظنا الملف بإمتداد jpg راح يكون أصغر
بكثير لكن جربي إمتداد jpeg وإن شاء الله بيضبط

تحياتي لك ومثل ما قلت أتمنى من باقي الأعضاء
اللي عنده/عندها أي إضافات أو تعديل لكلامي
إنهم ما يبخلوا علينا والله يجيب اللي فيه الخير

أخوكم
فـلـتـه

[فلته]

السلام عليكم ورحمة الله وبركاته

طبعاً يا هبه والكلام للجميع ردي الأول كنت أتفلسف فيه
من واقع خبرتي البسيطه ومعرفتي اللي على قدي في
مثل هذه الإمتدادات وبعد ما رديت عليك قلت أبحث وأتأكد
علشان ما أضيع أحد وأكون متأكد من جوابي (qq77)

هذا خلاصة بحثي وراح نلاحظ إن مافيه فرق كثير عن كل
الكلام اللي أنا قلته لكن فيه إضافات عن إمتدادات أخرى:

ما الفرق بين GIF و JPG و PSD ؟


الصور التي تجدها على المواقع على شبكة الانترنت هي عبارة عن بيانات مضغوطة، وفي العادة، تكون الصورة الواحدة منها مصغرة، واذا أردت مشاهدتها بالحجم الكبير، عليك أن تضعط عليها بالماوس• وهناك طرق عدة لضغط البيانات في الصور وما يعرف بالنسق أو الهيئة Format فكل شركة أو هيئة تصمم طريقة خاصة بها بالنسبة الى الصور• يمكنك التعرف على الفرق بين هيئة ال GIF و JPG و PSD و BMP .. وغيرها من الهيئات الخاصة للصور.
هناك نسقان معروفان ومنتشران بكثرة في الصور التي على شبكة الإنترنت وهما النسق •GIF والنسق JPEG وتستطيع بسهولة ويسر أن تفتح وتشاهد الصور التي تكون بأحد هذين النسقين، كما أن كلا من المتصفحين نت سكايب ومايكروسوفت اكسبلورر، قادر على فتح هذه الصور لمشاهدتها• وكما ذكرنا، فان كل نسق من هذين النسقين يتم ضغط البيانات فيه بهدف تقليص المساحة التي يحتلانها في ذاكرة الكمبيوتر، ولكن النسق JPEG يحتوي على معلومات اللون أكثر من GIF ولهذا السبب، يستخدم عادة للصور التي يكون فيها اللون أو ظلال اللونين الرمادي والأسود ذات أهمية كبيرة•

إن النسق GIF يحتوي على معلومات خاصة باللون أقل من النسق JPEG ولكنه أفضل لعرض الخطوط الحادة ولهذا السبب يستخدم بكثرة في النصوص والشعارات الصغيرة والأيقونات والأزرار والخطوط، كما أنه من الممكن اعداد صور الحركة Animation بالنسق GIF وهو ما لا يمكن انجازه بواسطة JPEG.

وهناك أنساق أخرى للصور منها النسق BMP وهذه الصور هي ملفات مستخدمة في وندوز وهي في العادة ملفات كبيرة، لأنه من الممكن اختزانها من ضغط للبيانات•

وهناك أيضا النسق PSD وهي ملفات ادوبي فوتوشوب طورتها شركة أدوبي.

والنسق RGB وهو شكل معياري آخر لوصف لون الصورة وهذه الحروف الثلاثة التي يتكون منها وهي R أي اللون الأحمر و G أي اللون الأخضر و B أي اللون الأزرق•

والواقع أن هناك أكثر من مائة نسق للصور لا نستطيع الحديث عنها كلها، وهي من نتاج شركات أو هيئات مختلفة، منها مثلا:

النسق TIFF ويستخدم عادة لتبادل الصور بين أنواع البرامج وأجهزة الكمبيوتر•

وهناك أيضا PNG و EMF و DXF و CDR و WPG ولمعرفة المزيد عن أنساق الصور، إليك هذا العنوان التابع لجامعة انديانا الأميركية:

www.cica.indiana.edu/graphics/image.formats.html

[هبه]

فلته

عيني عليك بارده

ماشاء الله وش هالسرعه بالرد والتجاوب

الله يجزاك خير لاني فعلا استفدت من المعلومات القيمه

وتقريبا عرفت وش سالفة هالامتدادات

ــــــــــــــــــــــــــــــــــــــــــــــــــ ـ

جربت الطريقه اللي قلت لي اني احفظها بامتداد jpeg

لكن طلع لي نفس التنبيه في مربع الحفظ

لن يتم حفظ بعض بيانات المستند باستخدام التنسيق والاختيارت المحددين

وجزاك الله خير

[فلته]

أهلا وسهلا هبه

الحمد لله هذا من فضل ربي إنه ساعدني أساعدك
وتأكدي إني أبذل قصارى جهدي في سبيل إني
أوصل لك المعلومه ودعواتك وأنا اخوك تكفيني

طيب

الحين وفي إعتقادي الخاص مابقى إلا إننا نقول
"من له حيلة فاليحتال" هههه الله يكفينا شر هالجمله :p

فيه حركه بسيطه أقدر أفيدك فيها وإن شاء الله
ترتاحي من الموضوع هذا وتبي تفيدك على المدى
البعيد لأني تقريباً أستعملها في أغلب أعمالي هذا
إن لم تكن في جميعها

وأكيد الشرح يبي يكون بالصور حتى أوصل لك
المعلومه ولإخواننا وأخواتنا الأعضاء والزوار المهتمين
في هالموضوع وعسى الله يكتب اللي فيه الخير

أول شي عندك في الكيبورد زر إسمه PrtSc أو SysRq
وهذا طبعاً لعملية النسخ أو الطبع Print
وهذي تسوي للشاشة مثل Snapshot يعني لقطه سريعه
أو حاجه مثل كذا
تحصلين الزر في أعلى الكيبورد فوق الخانه اللي فوق
الأسهم وشوفي الصوره علشان أساعدك أكثر

http://faltaaah1.jeeran.com/keyboard01.jpg


إذا حصلتيها روحي إفتحي الفوتوشوب وإفتحي الصوره
اللي تبينها وخليك على الحجم المطلوب وبعدين إضغطي
الزر اللي قلت لك عليه. الحين الشاشه كلها نسخناها
وسوينا لها Snapshot

مثل الصوره اللي تحت

http://faltaaah1.jeeran.com/keyboard02.jpg


الحين نبي نسحب الصوره اللي نبيها فقط لاغير
علشان نحفظها بإمتداد jpg وبالحجم المطلوب

نختار أداة التقليص Crop

http://faltaaah1.jeeran.com/keyboard03.jpg

ونحدد الجزء المطلوب من الصورة فقط
ونضغط زر الفأرة اليمين ونختار Crop
مثل الصورة اللي تحت

http://faltaaah1.jeeran.com/keyboard04.jpg

بعد كذا راح تطلع لنا الصوره اللي حددناها
وبالحجم المطلوب بعد

http://faltaaah1.jeeran.com/keyboard05.jpg


الحين كل ما عليك هو حفظ الصورة بإمتداد jpg
وإفلقيني إن مانجحت هالطريقه ههههه :p

أشكرك على سعة صدرك وآسف طولت عليك بالشرح

اخوك
فـلـتـه

[هبه]

فلته

وش دعوى طولت

بالعكس الله يجزاك خير

وأنا متأكده ان شاء الله انها بتنجح

هالطريقه

دعواتي الصادقه لك بالتوفيق

[هبه]

بس علشان زياده في التأكيد

وعلشان المجهود اللي بذلته

والشرح اللي شرحته لنا

والفرحه اللي حاسه فيها اللحين

اقولك انها ضبطت معي

[فلته]

(qq158)

الحمد لله رب العالمين وحنا فرحانين لفرحك (qq165)
وما سويت إلا الواجب وأهم شي ضبطت معك

أشكرك كل الشكر على ثقتك فينا وحياك في
أي وقت يا هبه يابنت ام هبه خخخ (asj)

اخوك
فـلـتـه