لابد اذم زوجتي علشان اخذ ثانية ليه

[صقر نجد]

السلام عليكم
الموضوع اني ابي اتزوج ثانية وبصراحه الاهل لا قلت ابي اتزوج ثانية قالو ليش بسم الله على ام فلان هي مقصرة معك
تدور الغثاء لنفسك وبصراحه الواحد وده بزوجة ثانية بس راحم ذا المسكينة من كلام الناس
يعني لابد نخليها مقصرة أو مريضة علشان يوافقون بصراحة المجتمع ينظر للزوجة الاولى انها هي السبب
في جميع الاحوال
وذا كان الشخص يبي زوجة ثانية والاهل ما راح يدورن له الا اذا كذب وذم زوجته او قال الصدق وتغيرت نظرة الاهل وتعاملهم معها كيف يتزوج ،،،
[ طيب وين الحل ،،،

[نايف المنصور]

وذا كان الشخص يبي زوجة ثانية والاهل ما راح يدورن له الا اذا كذب وذم زوجته او قال الصدق وتغيرت نظرة الاهل وتعاملهم معها
اخوى صقر نجد ما تشوف ان فيه تناقض فى كلامك المنقول اعلاه فتقول ان اهلك لن يبحثوا لك عن زوجه الا اذا كذبت وذميت الاوله يعنى هى ما تستاهل الذم وترجع وتقول تقول لهم الصدق فتتغير نظرتهم لها يعنى هى ما تعاملك معامله حلوه.
امل التوضيح ليزول الالتباس.

[صمت]

انتبه ياخوي لاتذم زوجتك حتى لو كانت مقصره لاتجعل مصيبتها مصيبتين زواجك عليها +نظرة الناس لها
وتذكر العشره اللي بينكم ماتهون الا على كافر واذا قدرت تغير عيوبها حاول فيها وألغي فكرة الزوجه الثانيه

[صقر نجد]

المنصور الكلام واضح ما فيه لبس المقصد تبي زوجة ثانية وظروفك زينة يتم البحث لك عن طريق الاهل افضل بدون معرفة الاسباب لان غالب الاهل ليش وش فيها زوجتك واساله مالها اخر وبعض الرجال جلسنا معهم لما تسأله ليش تزوجت الثانية يكب عشاه عندك يعني يذم في الزوجة الاوله حتى لما يخطب ويسألونه اهل الثانية خذ كلام انها مريضه و بارده ما تقوم ببيتها .

اخت حيوية يعطيك العافية

[من بقايا الامس]

المعروف من غير ماتذمها
من يوم تتزوج عليها يبدأ الكلام ولغط النساء
يأكلوها بكلامهم والسنتهم ..

اللي تقول ماتزوج عليها الا شاف منها شيء
واللي تقول اكيد مقصرة في حقة ولا ماتزوج عليها
واللي تقول ماتهتم في نفسها وماهي نظيفة في بيتها


هالمسكينة تلقاها من مين ولا من مين ..!!

[صقر نجد]

الله يعين على هالدنيا بخير

[حسن خليل]

أخي صقر نجد

أتوقع في الغالب إذا كان أقارب الزوجة لا يحبون زوجته الأولى أو لا يطيقون وجودها في البيت لأي سبب كان سيذمونها.

أما إذا كانت علاقاتها معهم جيدة فسيدافعو عنها ولن يذموها.

ولكم احترامي وتقديري

[صقر نجد]

اخ حسن مع كثرة نسبة العنوسة و البنات ماليات البيوت الا تلقها تتشرط وما تبي تكون الثانية
وقالو المسيار حل ومشاكله اكثر من حسناته

ربي يوفقك يا حسن

[حسن خليل]

اخ حسن مع كثرة نسبة العنوسة و البنات ماليات البيوت الا تلقها تتشرط وما تبي تكون الثانية
وقالو المسيار حل ومشاكله اكثر من حسناته

ربي يوفقك يا حسن

أخي الفاضل صقر

فعلاً مشكلة أنك تجد بعض الفتيات تشترط شروطاً كثيرة من الصعب تحقيقها لدى نسبة من الشباب.

وربي يوفقك يا صقر