** روايــة سعودية أعــجــبــتــنــي**

[غلا قحطان]

الجـــــــزء الأول ..

قبل القصه راح اكتب تعريف بسيط جدا لشخصيات ..


عايلة ابو سعود

عياله سعود عمره30 متزوج بنت عمه ناصر وعنده ولد واحد عمره سنه ونص تقريبا(سالم )

بدر عمره 28 توه راجع من برا وحاصل على الماجستير في ادارة الاعمال

عبدالله عمره24 يدرس برا وبيرجع على نهاية السنه

نوف ..اختهم الكبيره من البنات تعرف اخوانها من غير مايتكلمون متزوجه وعندها ولد واحد( احمد)

ريوف..عمرها21 بالسنه الثالثه من الجامعه

ريم عمرها 19 اول سنه بالجامعه )


عايلة ابو خالد..

عياله خالد عمره 28 وانسان مختلف والكل يعرف هالشئ دائما قوي بأفكاره واختياراته وصريح ومحبوب

يشتغل بشركتهم والاهم انه حنون على اهله وهذي ميزه فيه

نوف..زوجة سعود )


(عايلة بو سلطان ..

سلطان ..عمره 27 يحب ريوف بنت عمه وتقريبا الكل يعرف انها له يشتغل بالشركه وهو انسان مثقف وواعي وطيب

رغد..عمرها 22 تدرس مع ريوف وهي توأمها وكاتمة اسرارها

عبدالله ..عمره 24 وهو شاعر مبدع واغلب الوقت بعالم ثاني قليل مايطلع مع اهله )

وشخصيات نتعرف عليها من خلا ل القصه


14 / 12 / 1423 هـ يوم له ذكرى جميلة عند عائلة بو سعود

ففي هذا اليوم قام كل البيت على صوت سعو وهو يصارخ بأعلى صوته ينادي امه ..

اللي جت مسكينه تسرع من الخوف لحد ماوصلت غرفته وحصلته عند بابه

سعود ...يمه لحقي على امل تعبانه شكلها بتولد الحين شسوي

الام قرب السياره وخلي خواتك يساعدونك ونزلوها تحت وانا بجيب عباتي يالله بسرعه

وراحت ام سعود لغرفتها تاخذ عباتها ..

وسعودي ينادي خواته ..ريوف ..ريم تعالوا بسرعه

وطلعوا خواته من غرافهم وراحوا صوب غرفة سعود وساعدوه ونزلوا امل الي مسكينه كان مره تعبانه

ركبت امل وام سعود مع سعود وراحوا للمستشفى وسعود ماعاد يشوف دربه مع كل صرخه لحبيبة قلبه امل يحس وده

يطير حتى يوصل للمستشفى ..

والحمد لله سهل عليهم وصلوا للمستشفى ودخلت امل غرفة الولاده وتم سعود رايح راد وامه تحاول تهديه

وبعد ثلاث ساعة ..طلعت الممرضه وبشرت سعود انه جاه ولد وسعود من غير تفكير صار يقول .. صرت ابو سالم ..

سالم الصغير شرف

وراح وحضن امه وبعدها بنص ساعه حضن سعود ولده الي من غير شعوره بمجرد ماحضنه نزلت دموعه ..

سعود ..آه يابدر لو احكي لك من اليوم لبكرا عن احساسي ذاك اليوم وفرحتي مااقدر لكن هذا اليوم له اهميه عند امنا

وابونا وكل العايله وعقبالك بدر ان شاء الله قريب نشيل ولدك


بدر ..لا وين عقبالك انا توني راد من برا ومحتاج وقت وبعدين الزواج يبي له استعداد وتهيئ وانا توني ماتهياءت


سعود ..اي استعداد ياشيخ عمرك 28 سنه استح على وجهك واخذت الماجستير ووظيفه وتوظفت وشتبي بعد


بدر ..الموضوع التهيئ النفسي للزواج


سعود ..بدر لاتطبق دراستك علي.. ابوك محضر لك مفاجأه الليله ويا خوفي من الليله وش بيكون فيها


بدر ..سعود خير لاتقول الوالد بيخطب لي


سعود ..بدر انت عارف ان الوالد مابيخطب لك لان خطيبتك معروفه وهي تنتظرك

بدر ..خطيبتي ..معروفه ..منهي ..؟؟


وقبل مايرد سعود دخل ابو سعود وقاموا العيال لابوهم الي توهم كانوا معه بالشركه


وجلس وتموا يسولفون لحد ماقال ابو سعود ..

ها يا بدر متى بتحدد اليوم اللي يكون كل شئ رسمي بينك وبين بنت عمك


بدر من قوة الصدمه صار يناظر ابوه واخوه


ابو سعود ..وراء ماترد يابدر


بدر ..اي بنت عم يايبه طال عمرك


ابو سعود ..وش هالحكي يابدر ..رغد بنت عمك اللي الكل يعرف انها لك من سنين


بدر ..بس يايبه انا رغد عمري ماشفتها الا يوم كانت صغيره


ابو سعود ..بدر اشوفك جبت مع شهادتك طبايع الغرب ومن متى بناتنا يكشفن على عيال عمهم


بدر ..لا طال عمرك ماهو هذا القصد انا اقصد رغد صغيره ولافكرت فيها زوجه


ابو سعود ..اسمعني وانا ابوك انت رجال وماعليك قصور وبنت عمك شيخة الحريم وتقدم لها رجال ماينردون

لكن أبو نواف ردهم عشان يشري قرب ولد اخوه ورضى اخوه العود

بنت عمك القريب والبعيد يعرف انها لك لاتهدم مابنيت بسنين عشان كلام الكتب الي قريته باامريكا

ياابوك انا علمتك وانت قرر واذا تبي رضى ابوك اشر بنت عمك

وقام بو سعود وراح لغرفته ..ولقى ام سعود توها مخلصه من صلاة الوتر وجلس عندها

ابو سعود ..ياام سعود بدر شكله بيسود وجهي قدام اخوي

ام سعود..افا والله ليه خير ان شاء الله

ابو سعود..شكله ماهو رايد بنت عمه

ام سعود..رغد كامله والكامل وجه الله وين بيلاقي مثلها

وبعدين مافيه مكان ما قلت فيه انها مرت ولدي خل عنك

انا بفهم بدر وان شاء الله مابيكون الا الخير قم نم يابو سعود ولا لك الا العلم الطيب

ابو سعود ..ان شاء الله ..ربك كريم

وبمكان ثاني من بيت بو سعود كان سعود وبدر سعود ..بدر ليه ساكت

بدر ..افكر بهالمصيبه

سعود ..لاحول ولاقوة الا بالله صارت مصيبه يابدر انا اخوك قولي ليه ماتبي رغد فيه احد ثاني ببالك ..؟؟

بدر ..لا مافيه لكن من رغد الله يخليك من اكثر من تسع سنين ماسمعت الظاهر صوتها وشلون اتزوجها

سعود ..والله صدق ابوي يوم قال جبت طبايع الغرب اعنبوك من متى انا نكلم بنات عمنا

بدر ..ياسعود افهمني انا عمري ماسمعت شئ عن رغد حتى مااعرف هي كم عمرها وايش تدرس

سعود ..ماهي مشكله ناد ريم او ريوف ويقولون لك

بدر ..يعني حليتها يالفالح سعود كل انسان له وجهة نظر يعني على الاقل يمكن انا ابي اتزوج وحده بيضاء وهي سمراء

سعود ..ياتفهك ياشيخ

بدر ..انا اقول مثال لكن ليه تحرموني من الأختيار او حتى التفكير بصفات زوجتي ليه يختارونها لي

سعود ..بدر كلامك منطقي لكن هذي عاداتنا انا عندك اخذت امل بنت عمي ناصر وشوفنا عايشين ومبسوطين

بدر ..الله يهنيكم لكن نجاح زواجك مايعني ان زواجي ينجح لازم يكون فيه اختيار مني وبعدين قبول حتى على الاقل

احس بهذا الزواج

سعود ..بدر لاتطولها وهي قصيره فكر زين وتذكر ان بنت عمك ردت رجال كثير لان عمي كان واثق ان رغد لبدر

ولاتنسى ان سلطان خاطب ريوف وان فيه اعمال وشراكه بين عماني كلهم لاتهدم كل شئ

بدر ..سعود قصدك ان رفضي ممكن يسبب مشاكل بين الاخوان لا عماني فاهمين ولا بيصير شئ

سعود ..اذا انت متعلم وانا وعيال عمك عمانك الكبار مثل ابوك عايشين على العادات والتقاليد

والكلمه الي يقولها الرجال يعتبرونها عهد عليه واعلان برسمية هالزواج وابوك قالها كثير اما مزح او جد ..

بدر ..خير ان شاء الله انا بروح انام والله يكتب الي فيه الخير

سعود ..وين مابعد سهرنا مع سالم الصغير

بدر ..والله ماني رايق له اسهر معه لحالك هههههههههههه

سعود ..بكرا تتمنى ولدي يسليك

بدر ..اشبع فيه ..تصبح على خير

سعود ..وانت من اهله ..

راح سعود لبيته الي بنفس سور اهله وهو مجمع سكني بناه ابوه فيه ثلاث فلل من غير البيت الكبير

لسعود وبدر وسلطان الي بعده يدرس باامريكا ..

دخل سعود وحصل امل وولدها سالم بحضنها تغني له ..

سعود ..الله لايحرمني من الصوت وصاحبه ان شاء الله

استحت امل ..ولامنك يابو سالم

وراح سعود وشال ولده الي بدا يرفع يدينه من شاف ابوه


وتم سعود سهران مع زوجته لحد الساعه ثلاث بعدها راحوا ينامون عشان بكرا الجمعه ورارهم صلاة ..

وبعالم ثاني كان بدر يفكر بالموضوع اللي غير كل مخططاته كان مقرر يتم سنه او اكثر وبعدها يقرر يتزوج

لكن ابو سعود خلى بدر يعيد حساباته ..

وظل بدر يفكر لحد ماقرر انه يروح يسولف مع خواته ويعرف منهم بعض صفات رغد

بغرفة ريم كانت ريوف وريم سهرانات مع بعض وسمعوا احد يطق الباب ..

ريم ..مين

بدر ..انا بدر اقدر ادخل

ريم قامت وفتحت البلب ..ياحيا الله اخوي نورت غرفتي

بدر ..الله وشحلاة كلامك يابخته ..

ريوف ..منهو اللي يابخته

بدر ..يابخت سلطان بريوف والله

استحت ريوف ونزلت راسها

ريم ..ياحبي لاختي تستحي ..ادخل بدر تفضل

تم بدر عند خواته ويسولفون وفجأه رن تيلفون ريوف ..

ريوف ..هلا والله بام احمد عاش من سمع صوتك

ام احمد ..عاشت ايامك الغاليه ..شلونكم وشلون امي وابوي

ريوف بالف خير ..

ام احمد ..وسلطان شلونه

ريوف ..عندي بدر وريم بحط عالسبكر وكلميهم

ام احمد ..ياحيا الله اخواني والله جمعتكم حلوه تعال بدر خذني

بدر...ههههههه لاماني ناقص ابو احمد ....بشري الغاليه شلونك وشلون احمد وابوه

ام بدر ..بخير ياوجه الخير ..اجل وين سعود عنكم...

ريم ..سعود نايم بالعسل هههههههههه

ريوف وام احمد ...هههههههههههههههههه

بدر رفع عينه على اخته وصار يناظر فيها ..

ريم ..شفيك عادي هو دايم يقول هالكلمه ونقولها له

ابتسم بدر ..لا بس استغربت الكلمه

ام احمد ..بدر متى نبدأ نستعد ان شاء الله

ريم وريوف ..ايه صدق متى بدر بتقرر زواجك

بدر ..اذا الله اراد ان شاء الله ..نوف بكرا بتصل عليك ابيك بسالفه

نوف ..ان شاء الله اتصل بي الصبح يكون احمد نايم

بدر ان شاء الله ..تصبحين على خير

الكل ..وانت من اهل الخير

طلع بدر وراح لغرفته وهو يقول بينه وبين نفسه الظاهر العروس بعد مجهزه ماناقص الا المعرس

وصك على نفسه ودخل ينام

والساعه عشر الصبح صحى بدر واخذ له دش ولبس وقبل مايطلع قال خليني اتصل بنوف اكيد صاحيه

وفعلا ردت عليه

نوف ..هلا والله بدر شلونك

بدر ..بخير الحمد لله انتم شلونكم

نوف بخير ونعمه ولله الحمد ..

بدر ..نوف انا مابلف ولاادور انا بقول لك الموضوع مباشره

نوف ..سم يااخوي تفضل

بدر ..نوف انتي اقرب خواتي لنا كلنا تعرفينا اكثر من غيرنا نوف انا ماابي اتزوج رغد

نوف ..ساكته ..وبعدين قالت ..ليه يابدر ..؟؟

بدر..اعرف قصدك مافيه احد في بالي لكن رغد لا ....ماابي اتزوج بهالطريقه ليه يختارون عني

نوف ..طيب يابدر انت شلون تبي تختار زوجتك

بدر ..مو هذا موضوعنا

نوف ..لا يابدر او اقول يا استاذ بدر ..اذا انت شايف ان بنت عمك اللي حتى ماسألت هي فيها من صفاتك الي تطلبها

ماتناسبك ...!!! فكر كثير ..وراح تتوصل لنتيجه وحده

مجتمعنا هذي طريقتهم بالزواج الاهل الي يخطبون لعيالهم صح بعض الناس الصدف تلعب دور وتخلي الولد يختار زوجته

لكن هذا استثناء ماهو قاعده

بدر..نوف طيب انا راح اسوي اللي انتم تبون

نوف ..لا يابدر لاتغالط نفسك بيدك ترفض لكن خايف من تبعات الرفض

بدر..خلاص نوف توقعت انك تفهميني

نوف ..بدر انا فاهمتك زين لكن رفضك راح يجرح ناس كثير اولهم ابوك الي ماراح يكون قد كلمته

بدر ..خير ان شاء الله مع السلامه نوف

نوف ..مع السلامه

نزل بدر تحت وسلم على امه وبوه الي كانوا يفطرون بالصاله ..

ام سعود ..افطر يابدر بعد الفطور ابيك بسالفه

بدر..يمه مستعجل ونأجل السالفه لليل

بدر ..تأمرون بشئ

ام سعودوابو سعود..سلامتك يالغالي

طلع بدر من البيت وتم طول الوقت يفكر بكلام ابوه وسعود ونوف ..ولارجع للبيت الا الساعه تسع بالليل

بدر ..السلام عليكم

كل العايله ..وعليكم السلام

سعود..بدر ليه قافل جوالك تعبت اتصل فيك

بدر ..انتهت البطاريه

ام سعود ..بدر تعال ابيك بسالفه

بدر ..مايحتاج الغاليه انا موافق واليوم اللي تامرون فيه انا جاهز بس بشرط

سعود عرف ان بدر وافق من غير قناعه لخاطر ابوه وامه

ابو سعود ..خير ياولدي سمعنا شرطك

بدر ..اشوفها قبل الملكه

ابو سعود ..وليه تشوفها عشان عقب تقول ماتبيها وتفشلني عند الله وخلقه

ام سعود..ياولدي بنت عمك كامله والكامل الله

بدر ..هذا حقي والدين عطاني اياه

ابو سعود ..ان شاء الله واخوي مابيرد لي طلب وانا اخوه الكبير

بدر..تصبحون على خير

الكل ..وانت من اهله

قام سعود مع بدر ..؟؟؟[

[حسن خليل]

شكراً لكِ أختي غلا قحطان على طرح هذه الرواية الجميلة

لكن ما هو عنوان هذه الرواية أختي؟

وبانتظار التكملة

تقبلي احترامي وتقديري

[غلا قحطان]

ألأخ الفاضل حسن خليل
يشرفني أنك أول من رد على هذه الرواية
وهي بعنوان بتوحشني

أحترامي

[غلا قحطان]

ألأخ الفاضل حسن خليل
يشرفني أنك أول من رد على هذه الرواية
وهي بعنوان بتوحشني

تقبل فائق أحترامي

[غلا قحطان]

(qq152)الجزء الثاني ..

بغرفة بدر..

سعود..مقتنع يابدر بقرارك ..؟؟

بدر..ماهو مهم على قولة نوف اذا ماتزوجت رغد بتزوج غيرها بنفس الطريقه خلينا نخلص ونفتك

سعود..بدر بنت عمك ماهي رخيصه حتى تقول هالكلام

بدر..وانا ماقلت شئ كل حقوقها بتاخذها وغير كذا ماعندي

سعود..وش تقصد يابدر ؟؟

بدر ..ولاشئ لو سمحت سعود خلني لحالي برتاح ..

سعود ..ولايهمك ارتاح يالمعرس هههههههههههه(a14)

بدر ..بايخه مره اطلع وسكر الباب بعدك

سعود ..ايه طيب بايخه ..

طلع سعود وترك بدر مع نفسه وللاسف توصل بدر لقناعه انه بيعطي بنت عمه كل حقوقها

الا الحب مستحيل يحبها مستحيل تكون ترجمة حلمه لواقع عن طريق رغد

ماهي الانسانه الي تمناها زوجه ابدا ..

وبدر انسان طيب وحبوب لكنه يكابر بمشاعره ولاهو بسهوله يبين حبه او يبين انه ضعيف ,,

نام بدر وهالقناعه مسيطره عليه

وبغرفة ريوف كانت ريم تسمع كلام خواتها اللي من قال بدر قراره راحت ريوف تكلم نوف وتقول

لها لان نوف خبرتها عن الكلام الي قاله بدر ..وحطت ريوف السبيكر وتموا يسولفون مع بعض

ريم ..والله اخوك هذا مايقدر النعمه والا رغد وش ناقصها زين وخفة دم وعلم

نوف ..انا اعرف رغد عشان كذا ماكان ودي تروح بعيد ابيها لبدر وربي بتعجبه الله يهديه

ريوف ..والله لو انكم جاهلين ببدر بدر حجر مايلين ولايهمه لاخفت دم ولا حب ياعيني يارغد

كل هالدلال والرومانسيه بتكون بالهواء

ريم وبوجه حزين ..بتنصدم بااخونا الاستاذ بدر

نوف ..بس انتي وياها والله بدر رجال مافيه مثله مع انه احيانا ينرفز

ريم ..نوف ..انتي وين رجلك جالسه تهذرين هههههههههه

ريوف ...هههههههههههههههههه عيب ريمه

نوف ..الشرهه على الي جالسه وتاركه رجلها وتسولف معكم يالله مع السلامه

ريم ..نوف خلاص نمزح تعالي بكرا اشتقنا لحمود

نوف ..ايه انعدلي ههههههههه ان شاء الله مع السلامه ..

البنات ..مع السلامه

ريم وبأبتسامه خبيثه ..ريوف مااشتقتي لسلطان ..؟؟(q47)

ريوفوالصدمه على وجهها من السؤال المفاجئ ..(qq173)

اعنبوك انتي ماتستحين هو انا شفته عشان اشتاق له

ريم..علي هالكلام ريوف اعرف انك تموتين عليه ههههههه

ريوف ..طيب امووت عليه واشتقت له موووت وش عندك

ريم .. هههههههههه ماعندي شئ خلينا نكلم رغوده شرأيك..؟؟

ريوف ..الحين ..؟؟

ريم ..ايه بكرا عندكم اف واكيد هي صاحيه الحين

ريوف طيب ندق على الجوال وبعدين اذا صاحيه ننزل تحت اوكي..

(تخاف يرد سلطان ولايتركها بعدين لانه جريئ ويحب يسولف مع بنات عمه اذا صادف ورد عليهم )

ريم ..طيب يالله اتصلي

وتتصل ريوف ويدق جوال رغد ولا احد شاله

وتنزل ريم وريوف عند التلفزيون ويخلون جوالاتهم بالغرفه

ويحصلون بدر طالع من المطبخ معه كاس عصير ..

ريم من الخوف ..بدر مانمت ؟؟(qq152)

بدر وبأبتسامه ..لانايم بس اشرب عصير ..وش السؤال الغبي (q41)

ريوف ..ههههههههههههههه مسكينه

ويرن التيلفون وترتفع عين بدر تلقائيا على الساعه ويروح ويشوف الرقم ماعرفه

بدر ...الووو

المتصل ..لحظة صمت ..السلام عليكم

بدر ..وعليكم السلام والرحمه

المتصل ..عفوا أقدر اكلم ريوف

بدر ..لحظه

ويناظر بدر ريوف ويعطيها السماعه

وشكله واضح انه ماهو راضي عن المكالمه لان الساعه كانت عالواحده

ريوف ..مين .؟؟

بدر ..مااعرف كلمي وقولي لي ..!!

ريوف ..شافت الرقم وقالت هلا والله رغوده

بدر عرف منو رغوده اكيد بنت عمه لكن استغرب من اتصالها بهالوقت

وتم واقف عند الباب بمكانه ومع كأس العصير وسمع اخته

ريوف ..اتصلت على جوالك مارديتي لاني ماتوقعتك نايمه قلت اسألك عن الاختبار (qq152)

(تكذب عشان بدر واقف والا هي بتسولف )

رغد..لا عيوني مانمت بس كنت عند عبدالله ورجعت وشفت رقمك اكثر من مره واتصلت مارديتي

قلت اتصل على البيت بس من اللي رد علي سعود عندكم للحين (هي شاكه انه بدر بس تتأكد) (q48)

ريوف وهي تحاول تخفي ابتسامتها ..لا هذا بدر مو سعود

رغد سكتت ..وضحكت ريوف ماقدرت..

بدر على باله قالت رغد شئ عنه وضحكت ريوف..

وقال .. تصبحون على خير ..

طلع بدر وظلوا البنات يسولفون شوي وعقب سكروا وراحوا ينامون

الساعه وحده الظهر في بيت ابو سعود ..

دخل سعود وزوجته وولده اللي اخذته ريم وجلست تلعب معه

ودخل ابو سعود وبدر وسلم بدر على امل زوجة سعود ..

بدر ..هلا ام سالم شلونك

امل ..بخير الله يسلمك شلونك انت

بدر ..الحمد لله بخير ..ولف بدر على سالم واخذه بحضنه الا امه داخله للصاله وشافته

ام سعود ..عقبالك ماتشيل ولدك يمه

الكل ..امين ..وبدر يحاول ان يتصنع ابتسامه

ابو سعود ..هايابدر يوم الاربعاء نروح لبيت عمك كلمته ووافق انك تشوف رغد

بدر ..اللي تامر فيه يصير يبه

ابو سعود ..كفوا اولدي اجل نتكل على الله يوم الاربعاء

تجهزي ياام سعود انتي والبنات وقولي لنوف بعد

بدر ..ليه يبه نروح كلنا انا وانت نشوف البنت ونرجع

ابو سعود وبدأ يعصب ..

يوم الاربعاء بنخطب رسمي بوجود كل عمانك والا ناوي تشوف البنت وتهون

بدر ..لا مابهون وبصوت واطي لو تكون شمال واللي ابي يمين

ابو سعود ..شقلت ؟؟

بدر..سلامتك صار اللي تامر به طال عمرك

وفي بيت ابو سلطان الكل مجتمع بعد الغداء ابو سلطان وام سلطان ورغد وسلطان

وعبدالله كان طالع معزوم على الغداء

ابو سلطان ..يوم الاربعاء كل اخواني بيجون عندنا

ام سلطان ..حياهم الله البيت بيتهم

ابو سلطان ..رغد ابوي عمك سالم بيجي يخطب رسمي وش قلتي

رغد ..استحت وهي تموت على بدر قالت الشور لك يبه

سلطان ..رغد هالموضوع مافيه مستحى اذا موافقه قولي

ابو سلطان ..موافقه رغد من غير ماتقول بس الله هديه بدر طالب يشوفها قبل

ام سلطان ماعجبها الكلام ..افا والله ليه بيشوفها وعقب يتركها

خافت رغد معقوله يسويها بدر ويفضحها ويقولون شافها ولد عمها وتركها

وقطع تفكيرها سلطان

سلطان ..حقه يمه مانقدر نمنعه

ام سلطان ..وليه ماشفت اخته انت مادامه حق

سلطان ..يمه الله يطول بعمرك انا ريوف اعرفها زين مايحتاج اشوفها

(سلطان كان جريئ واذا اتصل يسلم على بنات عمه وشاف ريوف بالصدفه اكثر من مره )

ابو سلطان ..تجهزي يابوي يوم الاربعاء ولانبي لبس هالايام فاهمتني ابوي

رغد ..ان شاء الله يبه

وقام ابو سلطان يرتاح وراحت معه ام سلطان وظل سلطان ورغد بالصاله

ورغد متعوده تسولف مع سلطان لانه طيب ويسمع لاخته

حس سلطان ان رغد خافت من طلب بدر

سلطان ..رغودده لو لف الدنيا مابيحصل مثلك صدقيني

رغد.بأبتسامه باهته ...عشاني اختك تقول كذا

سلطان ..لا لانك اجمل بنات العايله زين وعقل وعلم يحمد ربه ..ان الله رزقه برغوده

تطمنت رغد من كلام اخوها ..وطلعت غرفتها وكل تفكيرها بيوم الاربعاء اليوم الي تشوف فيه

حبيب عمرها بدر

وبسرعه جاء يوم الاربعاء وفي بيت ابو سلطان الكل مشغول ومرتبك الدخون والقهوه والشاي

والحلويات ورغد بحاله ثانيه

لانها مو بس خطبتها لا هي غير عن كل بنات العايله هي الوحيده الي طلب خطيبها يشوفها..

وفي بيت ابو سعود الكل كان جاهز وبدر ولا هامه ولا كأنه رايح يخطب

لانه اعتبر زواجه واجب مجبر ينفذه ولا اعطى نفسه فرصه يحس بالفرحه او حتى الخوف ..

وصل عمهم ابو خالد وراحوا كلهم لبيت ابو سلطان ..

وبعد مادخلوا الحريم والرجال راحوا للمجلس وقام سلطان واخوه بواجب ضيوفهم

دخل سلطان واشر لبدر بعد ماطلب منه ابوه انه يطلع معه عشان يشوف اخته ..

سلطان..تفضل بدر للمجلس الثاني ودقيقه وتجي رغد

بدر.وتوه يحس بالارتباك والخجل من سلطان ...اسف ياسلطان لكن انت انسان متعلم و.

سلطان ..قاطع بدر يااخوي حقك ولافيها شئ تفضل ارتاح

ودخل بدر وطلع سلطان ونادى رغد اللي كانت بتموت من الخوف ومعها البنات كانوا يحاولون

يهدونها وصلت عند الباب وقالت لها ريم

ريم ..اقري المعوذات لا يعطيك عين اخوي ههههههه

رغد ماتدري تضحك على ريم والا تصيح من الخوف توكلت على الله ودخلت

رغد ..السلام عليكم

[... بنت الجنوب ...]

http://abeermahmoud2006.jeeran.com/519-Thanks.gif

[حياه بلا احلام]

مشكو رة


غلاي

بس لا تتاخرين علينا

دايما قصصك موووووووووت حلوه والله اني رحت فيها

[غلا قحطان]

تسلمين حبيبتي بنت الجنوب على مرورك العذب
لك من كل الود

[غلا قحطان]

هلا بالغلا كله
وش دعوى ياعالجوني لا الله يخليك لا تروحين فيها منو يتابعني إذا رحتي فيها(a14)
ومشكووووووره على هالطلة المتميزه
دمت كما تحبين

[غلا قحطان]

الجزء الثالث ..لعيونكم ..

لما سمع بدر صوتها رفع راسه ووقف ..وعليكم السلام والرحمه


جلست رغد مقابل بدر مثل ماقال لها سلطان لان سلطان يعرف أخته ما راح ترفع راسها رأسها


بدر وبكل برود ..كيفك رغد ..؟؟


رغد وبصوت واطي وهي بتموت من سمعت صوته ..تمام


بدر ..يكلمها عشان ترفع راسها لكن ما فيه أمل ..بخاطره والله مشكله


سلطان ..رغوده ارفعي راسك خلي الرجال يشوفك ههههه


بدر وبعين قويه ولا حتى ابتسامه ..كيف الدراسة رغد ؟؟


رغد و بتموت من الحياء ..ماشي الحال ورفعت راسها ثانيه بعدين قامت واستأذنت وطلعت


وأول ما طلعت لقت البنات مجتمعين عند الباب وارتمت بحضن ريوف وبدت تصيح


ريوف وهي تضحك ..رغد منتي صاحيه اجل يوم زواجك بتموتين هههههههههههههههههه


وكل البنات يضحكون عليها وطلعت غرفتها هي وريوف بس


بغرفة رغد كانت بتطير من الفرح شافت بدر أخيرا ثلاث سنوات ما شفته كان يرجع بأجازة أسبوع ولا أشوفه

أخيرا أخيرا


ريوف وحاسه بفرحة رغد وقلبها يتقطع عليها ..رغوده ها شرايك بأخوي ..؟؟


رغد ساكته ومبتسمه ..بدنيا ثانيه ما فيها غير بدر


والكلمات القليله اللي قالها والنظرات الجامده اللي ناظرها فيها


ريوف بابتسامه ..تخبين عني أصلا عيونك فاضحتك مهما حاولت


رغد وكأنها صحت من حلم ..أنتي الوحيدة اللي تعرف أني امووت فيه


وتساليني وش رايي فيه انا اليوم اسعد انسانه بالدنيا


اليوم يا ريوف ابدأ ابني حلمي طول هالسنوات بالواقع


يالله يا ريوف تتذكرين لما أقولك بسوي اذا تزوجت وبسوي وأعمل وبحول حياة بدرلجنه


اليوم أنا حسيت بالسعادة وصدقيني كل الحب اللي بداخلي بهديه لبدر ..الانسان الي حبيته وحلمت فيه


ريوف ..الله الله وين بدر يسمع


ريوف..وبخاطرها تقول لو تدرين انه رافض الله يعينك يا رغد على اخوي


وتمت ريوف ورغد بالغرفه تحكي لها عن فرحتها وريوف تتألم على حال بنت عمها


وبمكان ثاني من البيت الكل كان يهني بدر وهو وكأنهم يهنونه على أي شئ تافه ما يعني له ..


سعود والابتسامة على وجهه ..ها يا لمعرس تغير رأيك بعد ما شفتها ..؟؟


رغم إن رغد كانت أجمل بمليون مره مما تصورها بدر لكنه ما اعترف بهالشئ


وقال بدر وكل البرود على وجهه مستحيل تقدر تحدد موقفه من تعابير وجهه ..حبيت أسوي شئ يبين إني


ساهمت باختياري وإلا شفتها أو لا ما تفرق عندي


سعود وبكل خيبة أمل ..أقول مالت عليك يا شيخ والله أنا فرحان أكثر منك ابتسم... مره وحده الواحد يعرس


بدر ..بس الشرع حلل له أربع ..!!!!!


سعود وعيونه تتلفت خاف احد سمعه ..عنبوك توك ما أعرست اسكت لا يسمعك عمي والله يطردك


بدر ...يا شيخ روح أنت ربي راحمني لأنه حلل أربع على الأقل يختار الواحد له زوجه منهم


سعود ..من جدك تحكي بدر ..


بدر ..بنت عمك حقوقها بتاخذها كامله وبتعيش مكرمه في بيتي


سعود ..وبيتها ..


بدر..طيب في بيتها المهم فكونا يالله نمشي مليت من كثر ما يباركون لي


سعود..أقول مالت عليك يا شيخ ما أنت كفوا احد يعبرك خلني أروح لخالد ابرك ..وقام عنه


رجع الكل بعد ما تقرر أن الملكة تكون بعد ما تنتهي رغد اختباراتها بعد شهرين ويكون بدر جهز البيت


وبعد الملكه بثلاث اسابيع يكون الزواج


وبكذا يكون بدر ما يقدر يشوف رغد ولا يكلمها إلا بعد الاختبارات يعني بعد الملكة ..


وأول ما دخلوا البيت الا التليفون يرن ..ويشيله بدر


بدر وعرف انه نواف ..هلا والله بأخوي


نواف..الف مبروك المعرس


بدر ..بسم الله العالم كله داري بعرسي تونا ما أعرسنا يا شيخ خلينا نتهنى


نواف ..ههههههههههه أنا بعرس هنا وبجيبها معي


بدر ..والله تكون فكيت عمرك ..وبصوت واطي وارتحت من التدبيسه اللي تنتظرك هنا


نواف ..ههههههههههههههههههههههه يا حليلك يا بدر وهقوك برغيد


بدر ..هي هي احترم نفسك


نواف ..توها تدبيسه هههههههه والحين احترم نفسك


بدر ..أقول كلم أمك ابرك لك وخليني بحالي


اعطى بدر أمه سماعة التليفون..


طلع بدر لغرفته يحاول يتذكر كل اللي صار من وقت ما دخلت رغد لحد هالوقت


لكنه للأسف اقنع نفسه وكابر إعجابه برغد وقال :


رغد مستحيل تكون الزوجة اللي حلمت فيها طول عمري ..رغد عمري ما رسمت صورتها بخيالي


ليه يا رب أنا حظي كذا


كنت احلم أني أعيش لحظة زواجي وفرحتي واختياري


رغد والله ما أتذكرها اللي اعرفه انها وحده من بنات عمي وإحنا صغار يقولون بتزوجها


والله أنا نسيت بس هالشياب من ينسيهم هالعادات القديمة اللي تذبح أحلامنا بلحظه ..


ظل بدر معصب على أهله لحد ما نام ..


بالطرف الآخر رغد كانت عايشه بأحلامه تتخيل كل ثانيه ممكن تجمعها مع بدر ..


اللي حبته من هي صغيره والكل يقول رغد لبدر


تربت على هالشئ ولا فكرت بغيره ولأنها تشوفه أكثر منه باعتبار إنها بنت يعني تشوفه بالمزرعة أحيانا

أو بالبيت مع الشباك كانت تعرفه لكن من ثلاث سنوات ما شافته وبينها وبين نفسها تقول والله يا بدر مثل ما

أنت وسيم وشخصيتك حلووه يحس الواحد إذا شافه بهيبه بدر طويل وجسمه حلو

وبشرته حنطي وما شاء الله عليه كله على بعض حلوو ..وبدت تشوف الأغراض اللي كانت تشتريها وتقول كل

مره حلمي وصبر ومعاناتي

كلها بتعيشها معي يا بدر وفتحت الصنودق الصغير وبدت تستعرض كل الأشياء اللي خبتها من مراهقتها من

الوقت اللي بدأ بدر يكون حلم مؤكد لها ..

كانت بكل مره تسافر أو تطلع لسوق تشتري أشياء كثيرة ولا تنسى بدر لكن بشكل مختلف من أغراض

الصنودق

أحجار محفور عليها كلمات مختلفه مثل ..أنت عمري ..وبرضو أخشاب محروق عليها أبيات شعر ..شموع

على شكل كلمات تحمل معاني عاشتها رغد مثل اشتقت لك ..احبك..وأغراض كثيره كثيره

تمت رغد تتذكر كل أحزانها بغياب بدر وأخيرا ابتسمت وقالت أخيرا تحقق الحلم ..

وبغرفة ريوف ..

ريم ..والله رغد تهبل اليوم ماشاء الله عليها بيضاء وطولها حلوو وجسمها يهبل وعيونها وشعرها والله أخوك

مو كفوا يستاهل وحده مثل هالشيون اللي نشوفهم

ريوف ..الحين أنتي شفيك على بدر

ريم ..قاهرني على ايش شايف نفسه ولا كأنه فرحان بزواجه

وربي لو هو خطيبي كان تحطمت واضح انه ما يبي رغد

ريوف ..بكرا يحبها

ريم ...هههههههههههههههههههههه والله حلوه نكتتك بدر يحب مستحيل

ريوف اقول يالله اطلعي خليني انام

ريم ..واحلمي بحبيب القلب سلطانوه

ريوف وتأخذ المخده وترميه على الريم اللي طلعت بسرعه وهي تضحك ..


مرت الأيام والبنات مشغولين بالاختبارات وبدر ما بين دوامه وتأثيث البيت ..

انتهت الاختبارات وتمت ملكة بدر ورغد وكانت رائعة

كانت رغد لابسه فستان فيروزي ناعم وحلوو وشعرها كستنائي لنصف ظهرها وعيونها مشاء الله تخلي الواحد

يغرق فيه لكن يا خسارة اللي قدامها حجر ما يلين

جلس بدر مع رغد عشر دقايق لبسها الشبكه وصور معها وطلع

بعدها رغد كانت هذي أحلى لحظات عمرها ولا حست بشي لان بدر فعلا ما قصر كان يبتسم لكن كل اتله
عارفين إن هذا تمثيل إلا المسكينة رغد ..

بعدها اتصل بدر برغد مرتين وكانت معظم المكالمه عن التأثيث والسفر وقليل ما كانت تتكلم معه عن نفسها

او مره فرح قلبها وقال لها كلمه حلوه

ولا تتعدى عشر دقايق لكن اللي الكل مستغرب منه إن بدر من الملكه ما راح بيت عمه ولا شاف زوجته

والكل كان مستغرب ولما جت نوف عند أهلها قالت لها أمها وإنها خايفه من تصرفات بدر لان البنت مالها ذنب

عيب اللي يسويه وقالت نوف إنها بتكلم بدر وتتفاهم معه ..

وقتها بدر بغرفته وماسك جواله بيدق على رغد يسألها عن لون احد الغرف بالبيت وتوه بيعمل اتصال إلا

وتستأذن نوف وتدخل

وبعد السلام قالت نوف ..بدر ليه ما رحت تشوف رغد..؟؟

بدر ..مو لازم زوجنا بعد عشر أيام

نوف ..بدر أنت مو صغير والكل مستغرب ليه ما تروح لهم ..

وبعدين البنت مالها ذنب من حقها تعيش فترة خطوبتها مثل كل البنات

بعدين ما سألت نفسك عمي وإخوانها و ش راح يقولون..؟؟

بدر وعصب والجوال بيده عمل اتصال من غير ما يحس ردت رغد بعد ما شافت رقم أنت عمري وكانت مسجله

رقم بدر باسم أنت عمري

بدر ..نوف أنتي تعرفين إني وافقت على هالزواج عشان خاطر أبوي وعماني وإلا أنا ما ني موافق خلاص

مو كفايه نفذت لكم كل اللي تبون لا تطالبوني بشئ ثاني ..

أنا قلت لك أنا مااااابي رغد ولا أبي اظلمها معي وأنتم ما فهمتوني لا تطلبون مني شئ ما اقدر عليه
..
سمعت رغد هالكلام ولا قدرت تتحمل قفلت الاتصال وبكذا بدر ما حس ولا عرف إن رغد سمعت كلامه

نوف ..بدر لا تضحك على نفسك وتكون بدر المظلوم أنت رجال واتخذت هالقرار

ولا تنسى انك قلت رغد بتاخذ كل حقوقها

ومن حقها انك تروح لها وتشوفها مثل ما يسوي كل العيال بعايلتنا ..فكر بكلامي بدر

وطلعت نوف وهي فعلا معصبه كثير من بدر لان عمره ما كان كذا

صح هو صعب لكنه ما يقصر بواجباته تجاه أي احد وهذي بتصير زوجته ..وظل بدر يفكر بكلامها

وبعدين اتصل برغد وكانت بحالة انهيار من الصياح وضياع حلمها

وتم بدر لحد الليل يتصل برغد ولا ترد وبعد التعب قررت ترد عليه ..

[حسن خليل]

أشكركِ جزيل الشكر أختي غلا قحطان على طرح الجزء الثاني والثالث المشوّقين

وبانتظار الجزء القادم

تقبلي فائق احترامي وتقديري

[غلا قحطان]

حسن خليل
تتسلم أخوي على الإطراء العذب
نورت الصفحة بوجودك
دمت بحفظ الرحمن

[غلا قحطان]

الجزء الرابع


رغد وصوتها كله حزن وتعبت من كثر الصياح ..الووو


بدروهو معصب ..اخيرا وينك


رغد ..وعليكم السلام


بدر استحى ..آسف السلام عليكم..و شلونك رغد..


رغد يذبحني ويسأل (تقول بخاطرها) ..تمام


بدر حس أن صوت رغد مو طبيعي ..رغد شفيه صوتك تعبانه ..؟؟


رغد (ما تلاحظ إلا الحزن ليه ما حسيت بفرحتي لما سمعت صوتك أول مره) ..لا توني صاحيه


بدر وحس إن رغد تغيرت عليه لكن قال خليني أقول لها الخبر و أفرحها


بدر ..رغد بكرا بمر عليكم واجلس معك اووكي


لحظة صمت عرفت رغد الطلب اللي ما يقدر يسويه لها الدرجه شوفتي شئ مستحيل يا بدر بعدها ..


رغد ..بدر بقولك شئ و يا ليت تفهمني


بدر..تفضلي رغد


رغد..ما بقى على زواجنا إلا عشر أيام و جيتك الحين ما تصلح يعني تأخرت كثير


استحى بدر من كلام رغد وحاول يبرر موقفه لكنها غيرت الموضوع بسرعه وبعدها استأذنت منه وقفلت


ورجعت تصيح وتسأل نفسها وين جتها هالقوه تكلمه كذا ..لكن صدمتها فيه غيرتها 180 درجه


حست بشئ جمد مشاعرها أعطاها قسوة عمرها ما حست نفسها ممكن تكون صادره منها ..

خلاص رغد بعد الكلام اللي سمعته حست إن حبها لبدر طوال هالسنوات بدا يحترق


بدأ يتبخر ..تسأل نفسها أنا غبيه كيف أوهمت نفسي أن بدر يحبني وانه ينتظر أللحظه اللي نجتمع في بيت واحد


يا لله يا رغد كان الحب عامي على قلبك ما كنتي تشوفي بدر إلا بصوره طبق الأصل عن مشاعرك ..


وظلت رغد تبكي وتلوم نفسها وتلوم بدر لأنه وافق على زواجهم تقول بخاطرها لو رفض أفضل


يذبحني مره وحده أحسن من انه كل يوم يعذبني واالله حرام حرام يا بدر ..



مرت العشر أيام بسرعة بالنسبه لبدر كانت عاديه كل التوتر بسبب الضغط بتجهيز البيت ومستلزمات الزواج


أما رغد كانت تتمنى أنها تموت ولا تشوف الحب يعلن وفاته بدل استمراره وتتويجه أمام الكل ..


ولا بقى إلا يوم على زواج بدر والكل مشغول يرتب لزواج والعروس انذبحت فرحتها قبل الزواج بعشر أيام


ويوم العرس رغد رغم الحزن لكنها خايفه كيف تعيش مع واحد ما يبيها رافضها مجبور عليها


وسيطر الحزن عليها وحاولوا البنات يهدونها على بالهم أنها عروس و متوترة


ما دروا أنها تتمنى تموت ولا تنزف لبدر لكن ما تقدر تقول لا والكل وصلته بطاقات الدعوة


لبست رغد وكانت أحلى عروس بفستانها ونعومتها الكل كان يحسد بدر عليها كانت أميره من الأحلام


بجمالها الساحر لولا لمحة الحزن اللي خيمة عليها


جاء وقت الزفة واشتغلت الموسيقى ووقفت رغد على أول الدرج وبدأ الشعر اللي كاتبه أخوها سلطان


كل أخوانها شعراء ماشاء الله عليهم لكن عبدالله ما احد يغلبه بالشعر لكن فضل أن أخوه الكبير هو يكتب


قصيدة أخته ..


وبدت عيونها تدمع لما سمعت صوت أخوها


أما ريوف كان قلبها يدق من سمعت صوت سلطان ..نزلت رغد ووصلت للكوشه


والكل انبهر بجمالها كانت فعلا رائعة الأبيض جنان عليها وغير كذا حلاة عيونها بالدموع تذبح


الكل سلم عليها أهلها وصديقاتها وناس كثير ما عرفتهم


وبعد السلام جاء وقت زفة الرجال دخل بدر وعمه أبو سلطان وسلطان عبدالله وأبو سعود وأبو خالد ..


ووصلوا عندها ووقفت لهم وسلم عليها بدر وباس جبينها وسلمت على أخوها وأبوها وعمها


وبعد نص ساعة نزلت مع بدر وكانت ترتجف مسكها بدر وحس بيدها باردة وترتجف وتوقع انه شئ طبيعي


لأنها عروس ما يعرف أنها خايفه منه من الإنسان اللي حبته ولد عمها اللي انتظرته سنين


وطلعوا وتوجهوا بغرفة التصوير


وأخذت لهم المصوره كم صوره وطلبت منهم كم حركه وترت بدر وزادت ألم رغد


الكل كان مبسوط لكن خوات بدر كانوا خايفين إن بدر يجرح رغد لكن بدر حاول على قد ما يقدر يكون طبيعي


لكن ما قدر يوضح انه مبسوط ..بعد كذا توجهوا لبيتهم ولما وصلوا نزل بدر ودخل مع رغد اللي جلست على


لكرسي بالغرفة وبدر تم واقف يناظر فيها مبهور بجمالها لكنه مستغرب من الحزن اللي على وجهها


قرب بدر وجلس قريب منها حس إنها بعدت عنه ورفع راسه لها


وقال بدر ويحاول يتصنع ابتسامه ..مبروك رغد


رغد ساكته لكنها متخذه قرارها وتنتظر الوقت المناسب


بدر استغرب لان وجهها ما كان يدل إنها مستحيه واضح إنها سرحانة ..رغد شفيك ..؟؟


رغد رفعت رأسها و أنصدم بدر من جمال عيونها اللي أول مره يشوفها بهالقرب


وصايره أحلى وهي مليانه دموع


رغد..بدر أنا بتكلم وياليت تسمعني لحد ما انتهي ..


بدر!! وكل الذهول على وجهه ..تفضلي عيوني..


رغد بينها وبين نفسها عيوني ياااااه تأخرت كثير يا بدر


رغد وكل الحزن على وجهها ..بدر أنا يمكن مو الأنسانه اللي حلمت فيها ولا اللي تمنيت ترتبط فيها


لكن هذي عادات أجبرتني وأجبرتك إننا نطبقها


لكن أنا زوجتك الحين وكل حقوقك بتأخذها لحد ما...وسكتت


بدر وهو بحالة ذهول كان متوقع رغد موافقه لكنه أنصدم أنها تقول انجبرنا


بدر..من قال انجبرنا ..؟ أنتي مجبورة ..؟؟ يا ليت توضحين ..


رغد وندمت لأنها قالت مجبوره ..ما يحتاج ندخل بتفاصيل اللي عندي شئ واحد


إن مصيري ارتبط فيك من صغري الرفض كان شبه مستحيل


لكن تقدر تقول أنا برمجت نفسي على هالشئ من سنوات لكن أنت وباعتبار إني .. بنت عمك

واعرف عمي مثل أبوي هذا قرار اتخذوه من زمان ..

فا مااادري يمكن أو أكيد تكون رافض هالزواج ..


سكت بدر ولما حس أن رغد بدت عيونها تدمع


قال (مو قته دموع الحين بعدين بفضح نفسي وأقول لها إني رافض) غير الموضوع وعدت الليله على خير ..


رغد بينها وبين نفسها وهي تتأمل بدر وهو نايم جنبها ..آه يا بدر حرمتني من فرحة أحلى ليله بعمري


وخليتي اكذب وأقول أني مجبوره مثلك


سامحني حبك بعروقي لكن كرامتي أهم من كل شئ من كل شئ وبدت تصيح ..


من بكرا صحى بدر ولا حصل رغد جنبه وطلع من الغرفة وحصل رغد نايمه على الكنبه


ظل عشر دقايق يتأملها كان واضح أنها كانت تصيح قبل ما تغفى عينها ..


وشعرها كان على أكتافها وقف بدر وقرب عندها وحط أيده عليها


بدر وبكل هدوء ..رغد رغد قومي عيوني نامي داخل


رغد فتحت عيونها وابتسمت


بدر انهار على ابتسامتها لكنها تذكرت فجأة كل شئ وتغيرت تعبيرات وجهها اللي أجبرت بدر يبتعد عنها


بدر ..رغد ليه نايمه هنا ..؟؟


رغد ..ما قدرت أنام قلت أتفرج على التلفزيون وغفيت


وبينها وبين نفسها تقول وشلون أنام وأنت جنبي حبيب عمري لكنك بعيد بقلبك


بدر ..ادخلي نامي وأنا اصحيك ..بعد ساعة عشان موعد الطياره ..


رغد..لا لا خلاص بأخذ لي شور عشان نروح لبيت عمي نسلم عليهم


ودخلت رغد للحمام وظل بدر بالصاله يفكر بكل شئ صار و الأحداث اللي متتابعة


الحين رغد زوجته على سنة الله ورسوله سواء قدام الناس أو في بيتهم هي زوجته وهو زوجها


والحب مو لازم المهم الاحترام بعلاقتهم ببعض ..كان هذا أخر شئ توصل له بدر واستبعد الحب نهائيا من
حساباته


وبعد ما جهزت رغد وجهز بدر طلعوا يسلمون على بيت ابو سعود وبعدين بيت بو سلطان


عشان رحلتهم لايطاليا العصر على أساس شهر العسل ..


دخلوا بيت بو سعود ..


بدر ورغد..السلام عليكم


أم سعود ..وعليكم السلام حيا الله المعاريس


وسلم بدر على أمه وحب راسها ورغد سلمت على خالتها وجلسوا مع بعض


لحد ما وصلت ريم وريوف اللي حضنت رغد وهي فرحانه ..


بدر ..خلاص ذبحتي البنيه اتركيها


ريم ..يا حليلك يا بدر تغار هههههههههههه


بدر..بايخه ريموه بس والله عورتي البنت ..


رغد حست أن بدر بدأ يجرحها بكلامه وشفيها لو ابتسم على كلمة ريم ليه غيرته على زوجته صايرة شئ بايخ


ريم وهي تناظر بدر ..ها رغد شلون بدر معك لا يكون طفشك


رغد ..وهي تبتسم لا بدر ولد عمي ما فيه مثله


ريم وبابتسامه ..اووووووووووووووووه والله اخوي منتب سهل

بدر حس الموقف يحتاج تمثيل كثير قال .. أقول أنا بطلع اسلم على سعود وأبوي وارجع وطلع


ريم..والله بدر ما يستحي غريبة طلع هههههههههه


أم سعود..ريموه أنتي ما تستحين وش هالكلام عيب


ريم ..آسفين الغاليه رغد قومي راضي رجلك يالله فرصه


ريوف ورغد...هههههههههههههههه لا


رغد ..خالتي تأمريني بشئ بطلع اسلم على عمي وأروح اسلم على أخواني وأبوي وبعدها نروح للمطار


أم سعود ..بحفظ الله يا بنتي


طلعت رغد وعند الباب صادفت نوف وأمل زوجة سعود سلمت على أمل


ولما جت تسلم على نوف ارتمت بحضنها لأنها عارفه إنها هي اللي تدري عن بدر وحست آمل برغد


نوف ..رغوده حبيبتي شفيك


رغد..لا ما فيني شئ بس فرحانه لأني شفتك


نوف حست بشئ غريب برغد وقالت لها


نوف ..رغد بدر ضايقك بشئ


رغد ..لا أبدا


نوف ..رغد بدر صعب شوي لكن مع الأيام تتعودين عليه


وبهالحظه دخل بدر وحس إن رغد تمسح دموعها شافته نوف وحبت تغير الموضوع


نوف ..هارغد حطي اخوي بعيونك


رغد ..لا توصيني أنا... وصيه هو علي


بدر..ما يحتاج رغد أنتي بعيوني أنتي بنت عمي قبل ما تكوني زوجتي


نوف انقهرت من بدر ما لقى رد أحسن من هذا


نوف الله يوفقكم يا رب وسلم بدر ورغد وطلعوا ومسكت نوف بدر


نوف ..بدر رغد صغيره ما يحتاج أوصيك الكلمة الحلوة تفرح الكبير فما بالك بعروس وصغيره


بدر يأشر على عيونه ويقول من عيوني


نوف ..خليها من قلبك وهي تبتسم


بدر ..صعبه من قلبي صعبه ..يالله مع السلامه


نوف بينها وبين نفسها بذبحه هالولد ودخلت على أمها وخواتها وجلست معهم ..


طلع سعود من بيته وركب مع بدر ورغد يوصلهم للمطار .. ..

[حياه بلا احلام]

مشكورة

غلا

على التكملة حنا بالانتظار

[غلا قحطان]

مرحبا بك ياعاجوني
تسلمين ياقلبي على تواصلك
ولك مني طوق ياسميني وألف ورده و وره

[غلا قحطان]

الجزء الخامس

نوف. وتحاول تكون هاديه ...رغوده حبيبتي أنتي زوجة بدر اللي حبيتيه طول عمرك وأنتي الوحيدة اللي

تقدرين تقربيه منك


حاولي رغد بدر جامد اعرفه وصعب يوضح بسهوله ردود فعله لكن لكل إنسان نقطة ضعف

حاولي تعرفيها ببدر


رغد ..والدمعة بعينها ..صعب نووف


نوف ..رغد حاولي عيوني


رغد وخافت يدخل بدر ولا تقدر تقاوم دموعها ..نوف بسكر الحين وإذا رجعت يصير خير ..


نوف ..الله يوفقك حبيبتي وعيشي أيامك اللي ما بتتكرر رغد


رغد ..إن شاء الله ..سلمي على كل أهلي ..


نوف..إن شاء الله يوصل حبيبتي مع السلامه


رغد..مع السلامه


وقفلت.. رغد وتمت تفكر بكلام نوف وقالت أخليه يحبني شلون واهو مجبور مجبور

رافضني وهو عمره ما شافني


والحين واضح انه رافضني اكثر واكثر ..


..وقطع تفكير رغد بدر


بدر من غير أي تعبير على وجهه .. انتهيتوا من الأسرار يعني ..نطلع نتمشى


رغد وبدأت تصير مثله من غير أي تعبير ..انتهينا ..طيب دقايق وأجهز


بدر..يا لله بسرعة


رغد..عشر دقايق


ومرت الأسبوعين على بدر ورغد عاديه جدا لكنها من غير ذكريات عرسان جداد وكأنهم عيال عم وبس


مواقف كثيرة مرت عليهم أحيانا يسيطر عليها الغضب الكبوت بداخل كل واحد فيه


لكن المشكلة أنهم ما يقدرون يفرغون هذا الغضب فيه حواجز بينهم تمنع الدمعة أو حتى الكلمة الصريحة


لكن من بين المواقف الكثيره

ظل موقف واحد بذهن بدر لما كانوا بمطعم وابتعد عنها يكلم واحد ...واحد ثاني ظل يأشر لرغد


وخافت وراحت لبدر ومسكت يده ..التفت بدر عليها


بدر وباستغراب ..رغد فيه شئ ..؟؟


رغد وواضح إنها خايفه ..وهي ماسكه يده بقوه لا تتركني بدر لحالي


بدر ركز انتباهه عليها ..رغد وشفيك ؟؟


رغد ..ولا شئ بس لا تتركني


حس بدر إن رغد خايفه وظل ماسك يدها حتى بالسياره ورغد حست براحه كبيره لقرب بدر حتى لو بعيد بقلبه


بدر رجال وولد عمها معه تحس بالأمان حتى لو ما يحبها


لان بدر رجل يفخر فيه أبوه وعمانه وإخوانه ما عليه كلام


لكن عيبه مكابرة مشاعره وتفسير المواقف على حسب هواه ..


بالرياض وتحديدا بالمزرعة

.
..صارت أحداث كثيرة ..بين ريوف وسلطان


أول يوم سلطان كان داخل ومعصب عليهم لأنهم تأخروا بالقهوه ودخل المطبخ وينادي نوف


إلا ريوف بوجهه بالمطبخ


رفعت شالها وتغطت بسرعه وهو رجع على وراء وقال ...


سلطان والابتسامة على وجهه ..العذر منك الغاليه لكن وين قهوتنا طولتوا ..؟؟


ريوف ما قدرت تحكي من الحياء


نوف تداركت الموقف ..سلطان القهوة أخذها عبدالله من الباب الثاني يعني ماتدري ....ههههههههه


سلطان ..افا يا بنت العم ما هو سلطان اللي يتحجج عشان يشوف خطيبته صح


ريوف ماتت من الحياء وضربت نوف وتقول لها اسكتي


نوف ..نمزح سلطان.. ونعم والله فيه ولد عمي


سلطان ..والنعم بحالك يالله بروح عن اذنكم


ريوف ..نوف ليه تقولين كذا احرجتيني


نوف ..خليني اعلمكم حركات والله جامدين تطفشون ههههههههههههههه شوفي جولييت هناك بروح لها


وأمل كانت تكلم بجوالها واضح إنها تكلم سعود ..راحت نوف وقالت أمل خليني اكلمه


ابتسمت أمل وقالت تفضلي


نوف ..يا اخوي ما مليت منها أربع وعشرين ساعة مقابلها


سعود..هههههههههههههههه أحبها والله أحبها


نوف ..الله يديم عليكم المحبة اخوي بس عاد يكفي أحسن شئ خذها وارجعوا البيت


سعود..يا ليت


نوف ..استح عيب عليك هههههههههههه


سعود..سلمي على حبيبتي نوفا ..


نوف ..إن شاء الله


نوف ..يسلم عليك الحبيب


أمل ..الله يسلمه يا رب


أمل وسعود لهم تقريبا سنتين ومع هذا الحب يزيد كل يوم عن الثاني بينهم


ومن المواقف اللي صارت هو الموقف الأهم لريم لكن مع من صار خلينا نشوف


باليوم الرابع تقريبا الكل مشى من المزرعة ما بقى غير سعود وأمل وخواته


وبيت بو خالد ..جلسوا يعدلون المزرعة ...وريم كانت لابسه تنوره جينز مفتحه من الجوانب


وقميص ابيض ومن التعب رفعت شعرها والخصل كانت على وجهها وفتحت باب المجلس اللي نايم فيه


ولد أخوها سالم وتوقعت إن ما فيه غير أمل


ريم ويا لله تمشي ..اعنبوكم تعبت أبي أروح أنام بسرعة وتدخل لنص المجلس


أمل وهي تضحك ..ريموه اطلعي


وتلتفت ريم إلا وجهها بوجه خالد ولد عمها جالس على لكنبه وهو منزل راسه لكنه لمحها وشافها


ريم سكتت بعدين طلعت بسرعه ..


أمل ..والله إنها رهيبه هالبنت


خالد وهو يناظر الباب ..وحلوه ..


أمل ..هههههههههههههه هااااه يالحبيب هذا وهي لمحه


خالد..ما تحتاج أكثر منها ماشاء الله عليها بأي سنه هي


أمل انبسطت لان خالد يسأل عن ريم وقامت جلست قريب منه


أمل وهي مبتسمة ..ريم بمستوى ثالث الحين لكنها اكبر بكثير من سنها


خالد وهو رافع حاجبه ..أمول كأنك صرتي خطابه


أمل..هههههههههههههههه مامنك فايده


خالد..باليوم اللي بتزوج بقول اخطبوا لي اوكي اموول


أمل ..اوكي حبيبي


وطلع خالد وريم في باله أسلوبها وجمالها انطبع في باله وتم يفكر فيها كثير وتوصل لقرار

بنعرفه مع الأحداث ..


ويوم الخميس المغرب كان موعد وصول طيارة رغد وبدر والكل كانوا مجتمعين في بيت ابر سعود ومسوين

عزيمة صغيره لهم


وبالسيارة قال لهم سعود..


سعود..بدر الأهل مجتمعين بالبيت ومسوين لك بارتي هههههههههههههه


بدر..هههههههههههههههه حلوه لكن هذا وقته الواحد تعبان وبيرتاح


سعود..كلها ساعتين وترد بيتك وترتاح


بدر..يعني أنا لي كلام ثاني لكن أول نروح البيت ونبدل ونجي لكم


سعود..صار ولا يهمك


وصل سعود بدر ورغد لبيتهم ورجع للبيت وقال لهم إنهم بيجون بعد ساعه


رغد نست بدر وكانت مبسوطة إنها بتشوف أمها وإخوانها وبنات عمها وأخذت شور وجلست تعمل مكياجها


وبدر جهز وظل ينتظرها لحد ما انتهت وكانت ناعمة وحلوو شكلها مره


وصل بدر ودخل مجلس الرجال ورغد دخلت عند الحريم اللي استقبلوها بكلووووووووووووووووووووووش


حضنت أمها وصاحت هي وأمها وحاولوا البنات يهدونها وعقب تموا يسولفون


بعدين جلسوا يرقصون وانبسطوا


لكن نوف ما راح ترتاح إلا إذا كلمت رغد وبعد مع مشى اغلب الموجودين ولا بقى إلا رغد وأمل دخل عليهم

سعود وبدر وأبو سعود

جلسوا يسولفون ولما قال بدر ..يا لله رغد مشينا والله تعبان وبنام


أم سعود..الله يعطيكم العافية ما قصرتوا يا وليدي


نوف وبعينها نظرة رجاء ..بدر دقايق أبي رغد بكلمتين..؟؟


بدر وهو يناظر نوف نظرات لها ألف معنى ..نوف بعدين


نوف..بدور حبيبي بس خمس دقايق


بدر..رغد استعجلي


وطلعت رغد ونوف للمجلس وقالت لها نوف ..رغد أبي اعرف الموضوع شفيك.؟؟؟


كنتي بتموتين من الفرحة وفجأة تغيرتي ..ليه ايش اللي صار


رغد منزله راسها و حست نوف أنها تصيح قربت عندها ورفعت راسها وشافت كل الحزن بعيونها


نوف..رغد تكلمي أنا مثل أختك


رغد وترتمي بحضن نوف وهي تقول..يكرهني ما يحبني


نوف تجمدت من كلام رغد معقوله بدر يوصل لهالدرجه يجرح بنت عمه الرقيقة وبشهر العسل معقوله قال لها


نوف. وهي خايفه من الاجابه ..هو قال لك ؟؟؟


رغد وهي تصيح ..لا ما قال لي مباشره لكن كل شئ واضح


نوف ما فهمت قصد رغد ..رغد قولي بسرعة


نوف .. أقول رغود حبيبتي الحين ما ينفع الكلام بكرا راح أكون عندك


وفجأة يدخل بدر اللي شاف رغد وواضح شكلها أنها صايحه وقف يناظرهم وعقب قال


بدر..ممكن احد يفهمني الموضوع

[غلا قحطان]

الجزء السابع

وقرر أبو سعود أنهم يطلعون للمزرعة وطبعا مع كل إخوانه واتصل فيهم وعزمهم بالمزرعة

لكن طلع قبلهم هو وعيالهم بيوم حتى ينظفون المزرعة ويستعدون ..


وصلوا للمزرعة على الساعة عشر الصباح ..وريم على طول ..


ريم..يمه بروح بطلع أتمشى وانتم نظفوا


أم سعود..ريموه عيب عليك تونا واصلين


ريم ..يمه عندك الخدامات ينظفون.. بااي


ام سعود..الله يهدي هالبنت ويعين اللي بيتزوجها


أمل..إلا يا خالتي يا سعد اللي بياخذها والله ريم ما شاء الله عليها


ريوف..وش قصدك أخت أمل


رغد وهي تضحك ..اللي بيأخذك يا ريووف أمه داعيه له والله


أمل..ايووووه خلاص مالنا كلام أكيد عارفه إن أمه داعيه له مو أخوها


استحت ريووف ..خلاص أمول روحي شوفي ولدك


أمل..لا خليه مع أبوه


المهم مر اليوم بسرعة وهم مبسوطين ومرتاحين وعالساعه11 دخلت أم سعود تنام وأبو سعود

ولا ظل غير البنات ..

نوف ..أمل ترى احمد بالغرفة نايم الله يخليك إذا نام ولدك ادخلي مالي خلق يصحى


أمل..لا كلمني سعود يقول انه نام يا قلبي بيجيبه الحين


ريم وهي تضحك ..سعود بيجي الحين يحط ولده ويأخذ أمه


الكل..هههههههههههههههههههههههه


رغد..للحين بنفس المكان أمل


أمل..إلى بكرا بنفس المكان


ريووف ..الله يديم عليكم السعادة


الكل..آمين


وصل سعود ..وطلعت معه أمل وراحوا لنفس المكان اللي يجلسون فيه من سنتين


كان سعود يسهر مع أمل ساعات طويلة وهم مبسوطين ومرتاحين ..


طلع سعود وأمل ,,ورغد سافرت مع أحلامها الماضية يا لله كم حلمت إنها بيوم تكون مثل سعود وأمل تمنت

بدر يكلمها


أو يحاول انه يسأل عنها لكنه من صل وهو يعاملها بشكل بارد ولا كأنهم توهم متزوجين انتبهت نوف لرغد

وغمزت لريووف بعينها


وطلعت وطلعت وراءها ريوف


ريوف ..نعم


نوف..اسمعي بطلع أنا ورغد نتمشى بعد ربع ساعة بالتحديد تتصلين علي وتقولين احمد صحى


ريوف..ليه


نوف..بحاول أخليها تجلس مع أخوك البارد


ريوف..والله كاسره خاطري رغد


نوف..آه وش أقول أنا أحسها يوم بتقول تعبت.. لان بدر ولا خطوه قدام


ريوف ..الله يستر يا لله اطلعوا


رجعوا وجلسوا شوي
نوف..رغد تعالي نطلع نتمشى


رغد..الحين


نوف..ما فيه احد الكل نايم


لرغد ..اوكي يالله


ريم..بطلع معكم


ريووف وتمسك ريم ..لا أبيك بسالفة


ريم بكل حماس..يا لله قولي


نوف,ورغد..هههههههههههههههههه


طلعت رغد ونوف وتمشوا لحد ماوصلوا للخيمة اللي فيها بدر كان يتفرج على التلفزيون


نوف...تعالي نشوف بدر أخاف نايم وكل شئ شغال


رغد وهي خايفه من رد فعله ..أخاف عنده احد


نوف..لا سعود نايم بالعسل على قولته


رغد وبابتسامه حزينة ..الله يهنيهم


دخلت رغد ونوف وتفاجأ بدر فيهم


بدر..هلا والله ما نمتوا


نوف..إحنا بالمزرعة يا بدر من ينام الحين


بدر وهو مستغرب ..وإذا بالمزرعة ؟؟


نوف..يعني السهرة توها تبدأ


بدر..إلا سعود وينه..؟؟


نوف..سعود نايم بالعسل هههههههههه


بدر..نوف وش سالفة ها الكلمة كل ما سألت احد عنه قالها


نوف..هذي من ذكريات المزرعة


بدر وبدأ ينسجم معهم بالسوالف ..سمعينا ..(ويتكلم مع نوف ولا كأن رغد موجوده (


نوف..الله يسلمك أول ما تزوج سعود نوف كان مبسوط وكان يجلس مع أمل بالليل تحت شجرة الليمون

ويسهرون


بالساعات ومره وهو راجع صادفه أبوي وقاله وينك فيه...

وأبوي يومها معصب وسألنا عنه ولا قلنا خفنا منه وقال سعود بكل فرح نايم بالعسل أبوي بيومها كلنا سمعنا

ضحكته


كان شكل سعود فعلا مبسوط والى يومك هذا إذا طلعنا للمزرعة لازم يسهرون بنفس المكان

وصارت الكلمة ما تفارق سعود ..وسلامتك


بدر..سرحان ما توقع أن أخوه لها الدرجه يحب زوجته صح سعود من النوع اللي يعيش إحساسه ولا يحاول
يخبي مشاعره لكن ما توقع ابد انه بهالرومانسيه

وبعد فترة انتبه أنه سرحان وقال... الله يسعدهم إن شاء الله


نوف..ويسعدكم وفجأة يدق جوالها وترد


ريوف..يا لله عدت الربع ساعة


نوف..خلاص لا تطلعينه للنور وأنا راجعه الحين


قفلت ووقفت بتروح


رغد..شفيك نوف..؟؟


نوف وعلى بالها مستعجله ..احمد صحى برجع له


وقفت رغد


نوف..وين بترجعين ..؟؟


رغد..ايه برجع معك..


بدر..خليك رغد اجلسي معي ( وأخيرا طلعت الكلمة (


نوف..هههههههههههه يا لله أخليكم تنامون بالعسل مثل سعود


رغد احمر وجهها وانتبهت نوف وقالت..بدر رغد تخاف من الظلام اذا ما بترجعها اتصل فيني


بدر وعصب على نوف ..تطمني ورحي لولدك يا لله


نوف.. ما اقصد بس يالله تصبح على خير


بدر ..وأنتي من أهله


بدر..رغد اجلسي


لحظة صمت مرت عليهم

..
بدر..رغد احكي لي عن المزرعة وذكرياتها معكم أنا شايف الكل يحبها لكن ما أشوف فيها شئ مختلف


رغد..بخاطرها تقول احكي لك عن حلمي فيك وأنا فيها أو عن تصوري للحظات اللي اقضيها معك


رغد..ذكرياتنا هنا حلوه فيها الشئ اللي ما نقدر نقوله بالكلام لأنه إحساس وفيها مواقف حلوه مالها أي علاقة

بالمكان


لكن بالأشخاص والظروف والأحلام وكل شئ


بدر..مثل


رغد..جمعت الأهل وقلوبهم وحده شوفت عماني مجتمعين جلستنا إحنا البنات وخصوصا ببداية


زواج نوف وأمل


بدر وبدأ ينشد لكلام رغد ..وش معنى ببداية زواجهم ..؟؟


رغد وحست أنها تتكلم من غير قيود لأول مره مع بدر ..لأنها فتره حلوه أول بنتين يتزوجون وأزواجهم كانوا

معنا مواقف حلوه وسهرات أحلى أنا و ريوف وأمل وريم ونوف وأحيانا بنات عمتي إذا كانوا موجودين

بالرياض يعني لكل شخص ذكريات حلوه هنا


بدر..وأنتي ..؟؟


رغد..أنا ..


بدر..شو تعني لك ها المزرعة بالضبط ..؟؟


رغد. وطلعت الكلمة من قلبها من غير ما تسيطر عليها ...

المزرعة بالنسبة لرغد كانت تعني حلم رائع ..وسكتت


بدر وهو رافع حاجبه ..كانت ؟؟


رغد..لامو كانت لكن أول غير والحين غير


بدر..وايش اللي تغير


ودها تقول له حلمي انهار وقلبي أنجرح ودها تقول بهالمكان بكيت لما سافرت هنا حلمت فيك وهنا شكيت

للشجر والرمل والحجر منك


هنا الكل كان يقول إذا أمل حالها كذا مع سعود أجل رغد اللي تمووت على بدر وكلها رومانسيه وش بتسوي

..أقولك أني وتحديدا إذا كنت بالمزرعة اشتاق اسمع صوتك وفعلا اسمعه وأنت ما تعرف أقولك إن اغلب

اتصالات ريووف تكون بطلب مني ..


رغد وانتبهت إن بدر ينتظر أجابه ..فرق كنت صغيره لكن الحين أنا مو صغيره وتصرفاتي محسوبة يعني لازم


أراعي أشياء كثيرة


مثل ما راعتها نوف وأمل ..


بدر وحس بشعور مختلف ..رغد أنتي زوجتي صح.؟؟


رغد,,وهي مستغربه صح


بدر..خلاص رغد خليك صغيره خليك على طبيعتك لا تراعين احد بتصرفاتك لأنك صرتي زوجتي


رغد ساكته وعينها على التلفزيون تسمع صوت محمد عبده وهو يغني أغنيتها


رغد..ومن غير ما تحس بدر ارفع الصوت


استغرب بدر ورفع الصوت


وسمع محمد عبده يقول


رحت يم الطبيب اللي يداوي الجروحي..
..........
...........
قال طبك مع الي ولعك واشتقى بك


بدر..رغد أنتي تحبين هالاغنيه


رغد...تعجبني كثير


رغد..بدر أخاف يرجع سعود وأنا موجودة خليني ارجع


بدر..لا برسل له مسج


رغد..شتقول له


بدر وبعد ما انتهى من كتابة المسج قراه على رغد اللي ماتت من الحياء


سعود الله يهنيك بالعسل لو سمحت تأخر لان العسل عندي بالخيمة


لاحظ بدر وجهه رغد اللي تغير لونه من الحياء وابتسم لأنها فعلا تستحي منه


مرت الليلة حلوه على أمل وعاديه جدا على رغد ورجعوا البنات وبعد السهر ناموا ولا حست رغد

إلا بجوالها يدق وردت والكل انتبه لها


رغد..هلا والله بها الصباح اللي سمعت فيه صوتك


الكل مستغرب هذي رغد اللي يعرفونها لكن معقوله تكلم بدر


رغد..شلونك حبيبي


ريم عدلت جلستها رغد تقول لبدر حبيبي معجزه

[حياه بلا احلام]

شكرا

خيتو على التكملة يلا يلا انا بنطرك

[حسن خليل]

ألف شكر أختي غلا قحطان على طرح الجزئين المشوّقين السادس والسابع

والله يعطيك العافية

[غلا قحطان]

أشكرك حبيبتي عالجوني على متابعتك الدائمة
والشكر موصول للأخ حسن خليل


ولكن أحب اوضح أن الجزء السادس سقط سهوا
فأرجو المعذرة(qq152) (qq152)

[غلا قحطان]

الجزء السادس

نوف..سلامتك الغالي موضوع حريم


بدر وهو رافع حاجبه ومعصب ..وموضوع الحريم يستاهل تبكي رغد..!!


رغد وهي منزله راسها .. لا بدر ما بكيت ولا شئ

بدر وبصوت حاد ..ماني أعمى.. أشوف


نوف وهي تغمز لبدر..لا اخوي بس رغد شوي تعبانه وتبي ترتاح


فهم بدر قصد نوف وسكت عن رغد وقال يمكن تعبانه أو فيها شئ أو ضغط نفسي


لان هالفتره تعتبر مرحله جديدة عليها



بدر..يالله نروح نرتاح اجل رغد


وطلع هو ورغد لبيتهم ووصلوا وناموا ولا حتى تكلموا كلمه وحده رغد تقول بنفسها حتى ما كلف نفسه يحاول

أو حتى يلطف الجوو


وبدر يقول ما راح أزيدها اللي فيها كافيه خليها ترتاح احسن ,,يعني كل واحد صار يفسر الموضوع على كيفه


وفي بيت أبو سعود وبالتحديد في غرفة ريم

..
ريم كانت سرحانة بولد العم خالد اللي انحرجت منه بالمزرعة


ريم بنت طيبوبه وحلوه ومرحه ولسانها طويل شوي


لكن قلبها ابيض وتصدق الكل وهذا عيبها وفجأة يرن جوالها ما عرفت الرقم قالت ما برد خليه


لكن الاتصال تكرر أكثر من ثلاث مرات


خافت ريم وقالت برد أشوف من


ريم..الووو


المتصله..السلام عليكم


ريم..وعليكم السلام ..من معي ..؟؟


المتصله..والله مالك خاتمه نسيتي أيام السباحة يا الشينه


ريم. وابتسمت ..هلا والله ببنت خالتي لمووووووو


لمى..زين عرفتيني


ريم..أعرفك بس استغربت الرقم منو رقمه ..؟؟


لمى..رقم اخوي مشعل جوالي استقبال بس


ريم..اهااا طيب حبيبتي شلون خالتي وخواتك


لمى..الحمد لله ..انتم شخباركم


ريم..تمام اليوم وصل بدر ورغد ( بكل حسن نيه تقولها(


لحظة صمت من لمى وبعدها قالت


لمى وتحاول يكون صوتها طبيعي ..الحمد الله على سلامتهم إن شاء الله مبسوطين


ريم..الله يسلمك إن شاء الله يا رب الله يهنيهم


لمى ..رغد بنت عمك تعرف بدر


ريم..لا ما تعرفه ولد الجيران هو


لمى..هههههههههههههههه لا اقصد متزوجين عن حب


ريم ترددت لكنها قالت


الحب بعد الزواج يا حلوه


لمى...أحيانا يكون قبل بين عيال العم أو الخال مثلا


ريم.....امممممممممم يمكن لكن رغوده من عمرها وهي تحب بدر


لمى وهي منقهره..وبدر ..؟؟


ريم ..بدر مستحيل احد يعرف مشاعره


لمى بينها وبين نفسها تعلميني في بدر ..وأنا من ذبحني غيره


لمى ريم أنا ما اقدر أطول لأنه تليفون مشعل أكلمك وقت ثاني وان شاء الله قريب راح أجي عندك ..

سلمي على خالتي وريوف


ريم..يوصل ..وسلمي على الأهل باي


ريم استغربت بالبداية مكالمة ندى لكنها قالت والله فيها الخير اتصلت تسأل مو مثلي


ما تدري المسكينة عن غرض لمى..


أما لمى هي كبر من ريم لكن علاقتها مو لها القد كذا لكنها لفترة قوة علاقتها بريم حتى توصل لبدر


ومن ثلاث سنوات انقطعت عن ريم إلا بالمناسبات


وهذا كان بعد ماسافر بدر آخر مره بعد تحديدا ما طلعوا مع بعض لاستراحة خالتهم موضي

لمى انقطعت عن ريم


ولمى كانت تسعى لأنها توصل لبدر اللي بنظرها انه حطمها وخانها وهدم مستقبلها قبل ما ينبني ..


أما ريووف بغرفتها تحلم بسلطان اللي حبته من هي طفله وكبر هالحب مع الأيام


لحد ما صارت ريووف تعرف سلطان وأسلوبه ممثل ما تعرف رغد بدر ..


يوم الجمعة

وكالعاده الكل يجتمعون عيال بو سعود وبناته عنده بعد الصلاة .....

وهالشئ تعرفه رغد لكذا صحت من بدري واستعدت


وصحت بدر على الساعة 11 اللي استغرب لأنه حصلها كأنها القمر وهي مبتسمة

رغد....بدر اصحي يالله حتى تلحق على الصلاة وعقب نروح بيت عمي


بدر...وهو يحاول يخفي ابتسامته .... إن شاء الله


اخذ دش بدر ولبس ولما طلع لقي رغد ومعها الدخون استغرب وظل يناظرها


رغد....فيه شئ بدر


بدر..لا سلامتك ماشاء الله ومحضره الدخون والفطور


رغد وهي تعطيه الدخون ....متعوده بدر


بدر..يعني كنتي ببيت عمي أنتي اللي تسوين كل شئ


رغد..لا الله يطول بعمر أمي لكني كنت أحب اصحى واحضر أخواني وأدخنهم للصلاة


سكت بدر وفطر وتدخن وقال لرغد..باقي وقت خلينا نروح لبيت أبوي واطلع معهم للصلاة


رغد..اللي تشوفه يالله


وصل بدر رغد إلا أبوه وسعود طالعين سلم عليهم وراحوا للصلاة ورغد دخلت وحصلت الكل وسلمت عليهم


وبعد ربع ساعة مسكتها نوف وأخذتها لغرفه لحالهم


نوف..رغوده اسمعيني ما فيه وقت ..ولا نبي دموع بعدين وش يخلصنا من بدر


رغد وهي مبتسمة ..طيب تأمرين أمر أنتي


نوف..رغد أنتي تحبين بدر مهما حاولتي تخبين والحين هذا اللي يهمنا العبي بهالورقه واكسبي بدر


حاولي بكل الطرق بالدلال بالزعل او التجاهل لحد ما تكسبيه ويحبك


رغد.....نوف صعب بدر واضح انه ما يحبني


نوف..رغد حبيبتي اللي يهمنا انه ما يحب غيرك


رغد وباهتمام ..شلون عرفتي يمكن يحب غيري ..؟؟


نوف ..عرفت وبس اخوي واعرفه وثقي أن بدر ما يحب احد ولا في باله أي احد


رغد لا تضيعين بدر منك ادري اخوي حجر ما يلين لكن رغد أنا اعرف بدر أكثر منك صدقيني التغير

واضح حاولي ولا تستسلمي


رغد..نوف بدر حطم حلمي من وأنا مراهقة الكل ما عنده غير بدر لرغد ورغد لبدر لدرجة إني حسيت انه ملكي
ومستحيل أفكر بواحد غيره مرت سنين عمري وأنا أتخيل اللحظة اللي نجتمع فيها حبيت بدر من كل قلبي


كان بحلمي بليلي ونهاري كنت اكلمه واسمع منه بأحلامي آه يا نوف بدر حطم حلم سنين بلحظه


نوف..والله فاهمه يا عمري لكن هو يجهل الانسانه اللي تزوجها ما يعرف عنها إلا اسمها بنت عمه

خليه يشوف رغد الحقيقة الحنونة الطيبة مو رغد القوية الباردة اللي طلعت بعد الزواج حاولي تكوني طبيعيه

حتى ما تخسرين حبك


رغد وهي ساكته

نوف..رغد أنتي تحبين بدر...؟؟


رغد وهي منزله رأسها ..ليه تسالين وأنتي تعرفين الاجابه


نوف ..أبي اسمعها منك


رغد..بدر مو بس ولد عمي وإلا زوجي هو حياتي وعمري وحبيبي


وعلى آخر كلمه فتح بدر الباب وسمع كلمة حبيبي


وقف بدر مكانه وعينه على رغد وعينها عليه وشوي وكسرت رغد النظرة ونزلت عينها ووجهها احمر


نوف راحت لبدر وابتسمت وطلعت وتركته مع رغد اللي ظلت منزله راسها تقدم بدر ورفع راسها


بدر..منهو حبيبك وهو مبتسم


رغد..نزلت راسها وتركته وطلعت من الغرفة وقررت انها ما تتنازل عن بدر مهما كان


بدر ظل يفكر بكلمة حبيب ويقول معقول حبتني بالأسبوعين وعلاقتنا كانت جامدة أو كانت تحبني من قبل


وبعد ما عجز قال بكرا الأيام تظهر كل شئ ...<<<<<<<<<<( يابردك ياشيخ (


أما رغد فرحت لان بدر سمع الكلمة لكنها بعد تفكير ندمت عليها كثير وكانت كل مره تقنع نفسها أنها تحاول

تقرب من بدر


تتذكر كلامه اللي سمعته وتقول لنفسها بدر يكرهني ليه أذل نفسي خليني أحفظ باقي كرامتي وهذي حياة رغد

متذبذبة مابين حبها وكرامتها


اجتمعت العائلة كالعادة وسوالف وضحك مع بعض حتى رغد وأمل اللي كانوا متغطين بشالتهم

وفجأة قالت ريم

ريم..يبه طلبتك قول تم ..

أبو سعود..تم يا بنت بو سعود آمري


سعود..يبه بنتك بكرا تنصدم بالواقع إذا تزوجت ولا دلعها زوجها


ريم تناظر سعود بنظره كلها دلع ..منو هذا اللي ما يدلع ريم حبيبة أبوها وهي تبتسم وتناظر أبوها


بدر..يا واثقة يا بنت أبوك حاسبي على نفسك


ابو سعود..خلو البنيه تقول طلبها سمي أمي آمري


ريم..بنطلع للمزرعة ثلاث أيام

أبو سعود..نطلع وأنا سالم أبو سعود


ريم ..وتقوم تحب رأس أبوها الله يخليك لي يا رب


بدر..الغالي ثلاث أيام لا أنا ما بطلع بعد أذنك


سعود..ويبتسم لبدر جربتها وأنت عزوبي لكن غير وأنت متزوج هههههههههههههههههه


نوف..إيه والله اسألني أنا وخصوصا المكالمات


أمل وهي تمسك نوف


نوف..ما بسكت يا أمول ....أفضحك يا سعود هههههههههه


سعود..يا حلوه ما هي فضيحه أمل حلالي تعرفين شو يعني حلالي


ريوف..ههههههههههههههههه مساكين سكتهم


ريم..نوف قولي خليني اضحك شوي


سعود..يعني بتقول نكته هي ؟؟


ريوف ..ريم لا تستغبين أنت أول وحده تعرف كل شئ


ريم..يسم الله علي قولي مشاء الله


بدر..انا ما اعرف علموني


نوف..لا بدر بالتجربه أحسن نطلع وجرب


رغد ساكته وهي تناظر بدر تشوف تعابير وجهه كيف تغيرت بعد كلام نوف


ام سعود وهي حاسة ان رغد ما هي طبيعيه من ليلة الزواج ..رغد


رغد وبصوت واطي ..سمي خالتي


ام سعود..ليه ساكتة ما قلتي شئ وش رأيك بالطلعة للمزرعة


رغد..خالتي أنتي تعرفين رغد تموت على المزرعة والنوم فيها والسهر


ام سعود..ايه والله انك صادقه يا بنتي أنت بنتي وأعرفك


ابوسعود..عاد رغد كلنا نعرف حبها للمزرعة


بدر ..وش سالفة المزرعة الكل يحبها


نوف..لنا فيها ذكريات بس أنت حرمت عمرك وسافرت بس يمديك الحين بس جرب أنت


بدر وبعد تفكير ..شورك وهداية الله نطلع ونجرب


ابتسمت رغد ما توقعت بدر يوافق بهالسهوله لكن كلام إخوانه وفرحتهم بالروحة شجعه


سعود..أمل
امل ..سم
سعود..سم الله عدوك عيوني


ريم..احم ..احم ..


سعود..هههههههههههه شقلنا أنتي واقفة لنا على الوحدة


الكل....ههههههههههههههههههههه


سعود..سالم وينه


ريوف وهي عينها على أمل ...الله يخليكم خذوا ولدكم معكم مو تخلونه بغرفتي ما يخليني أنام


ريم..وتحلم


ريوف..ريموه قلبي وجهك عني والله بيجي يوم وتشوفين مني شئ


بدر..والله إنكم رايقين ما تتعبون أنتي وإياها .رغد بطلع للمجلس وأبي شاهي بشوف المباراة الله لا يهينك


ريم..وليه بالمجلس أنا بجيب لك الشاهي ..وهي تبتسم


ام سعود..ريموه إن ماسكتي قمت أنا عليك الحين اعنبو بليسك ما خليتي احد بحاله


ريم..يمه خلاص بسكت


بدر..أنتي اللي جايبته لنفسك تستاهلين يالله رغد لا تطولين بالشاهي وطلع


نوف..رغود قولي للشغاله تسوي له


رغد..لا أنا بروح اسوي له


سعود..أمول أبي شاهي هههههههههههههه


استحت رغد وطلعت


أمل..سعود أحرجت البنت ناسي أنها عروس توها

سعود..يا شيخه رغد مثل أختي وبعدين ليه تستحي هو زوجها


ابو سعود..تحسب الناس كلهم مثلك ما تحشم احد


سعود..افا والله بو سعود عصب آسفين والله حقك علي اعرف شلون أراضيك


سعود..أمل صحي سالم الصغير عشان الوالد يرضى


الكل..ههههههههههههههههههههههه

[غلا قحطان]

الجزء الثامن

رغد...وأمي وأبوي شلونهم

الكل تحطم بعد الكلمة إلا ريوف اللي عرفت انه حبيبي القلب


سلطان ..رغووده إحنا بالطريق تأمرين على شئ


رغد..سلامتك حبيبي توصلون بالسلامة


سلطان..ولا احد من اللي عندك يحتاج شئ


رغد..هههههههههههههه من تقصد بالضبط


سلطان ...أنتي عارفه


رغد...بنات تأمرون على شئ من سلطان ..وعينها على ريووف


ريووف وبصوت واطي..... سلامته خليه هو يوصل بس


رغد هههههههههههه..تقول سلامتك


سلطان ..الله يسلمها


ريم وكالعادة تدخل بنص الكلام ..أنا أبي جالكسي ..


سلطان سمعها ..ههههههههههه للحين هي والجالكسي


رغد..الله يعين زوجها عليها


ريم..يحمد ربه ويشكره


رغد..يالله مع السلامه حياتي


نوف وبصوت عالي ..رغيده


رغد اخترعت ..بسم الله شفيك..؟؟


نوف..ليه ما تقولين لأخوي حبيبي مثل سلطان


ريم..ايه والله حارمته من الكلام الحلوو


امل..انتم وش دراكم إنها حارمته


استحت رغد لأنها تعرف إن أمل أكيد شافت المسج وعلى بالها هي وبدر قمه بالرومانسيه


ريوف..يالله خلو البنت بحالها احرجتوها ..


على أذان الظهر وصل خالد اخو أمل وأهله ووصل سلطان وجلسوا كل الرجال برا أمام جلست الحريم


وطلعوا البنات يسلمون على عمانهم


ابو سلطان..هلا والله بالغاليه


رغد..هلا بك يبه شلونك


ابو سلطان..الحمد لله أنتي شلونك بشريني عنك


رغد..أنا الحمد لله بخير يبه


ابو سلطان..بدر شرايك اخذها معي أسبوع


بدر..وأنا وين أروح هالاسبوع


سعود..ارجع بيت اهلك


بدر..بشرط ..؟؟


الكل قال..شوووووووووووووووو


ورغد كل انتباهها مع بدر


بدر.. وهو مبتسم .......ترجع معي سعود لبيت أهلي ..ههههههههه


سعود..عمي خل بنتك ببيت رجلها أحسن لها


الكل...ههههههههههههههههههه


سلطان وفجأه ..وين ريم ..


الكل...؟؟؟؟؟؟؟؟


ريم وهي خايفه ..نعم سلطان


سلطان ..هذا طلبك


الكل يناظر الكيس وخصوصا خالد ولا احد يعرف إلا البنات اللي ميتين على شكل ريم من الضحك


سعود..وايش الطلب على حد علمي ريوف خطيبتك ما هي ريم


ريوف ماتت بمكانها من كلمة سعود اللي يقول الكلمة ولا يهمه بأحد طالما الكل يعرف إنها خطيبته بعدين سعود


يعرف أن سلطان يحب ريووف وهي تحبه


سلطان..صح يا أبو سالم لكن ريم بنت عمي وأختي بعد


بدر..زين وايش هالكيس


رغد..انا بقول هالكيس فيه جالكسي


سعود..ههههههههههههههههههههه فضحتينا


ريم وهي مستحيه ..ما توقعته صدق


خالد كان ساكت ولا قال شئ ظل يناظر ريم أي متغطيه لكن صوتها كان ماخذ خالد بعالم ثاني


يا لله شو هالانسانه لي أربع سنوات تقريبا ما شفتها بس اسمع كلام أمل عنها ولا تخيلتها كذا ابدا ابدا


ابو سعود..ريمه تعالي عندي


ريم..إن شاء الله جلست عند أبوها


ابو سعود..وريني هالجالكسي خليني أشوفه عشان نشرطه كرتون كل ليله على زوجك


الكل..ههههههههههههههههههههههه


ريم..افا يابو سعود تتريق على ريما الغاليه


ابو سعود..لا والله دامك تحبينه نشرطه عليه كل ليله يجيب لك منه


خالد..يا عمي شرط سهل هذا ندور غيره بناتنا مو بعلبة جالكسي


ابو سعود..كفوا ولد اخوي والله


ريم استحت وقامت ودخلت مع البنات ..


ومرت أيام المزرعة بسرعة ورجعوا لحياتهم سعود وحياته الحلوة مع أمل ورغد هي وبدر عايشين


بروتين ممل ونوف ما تقصر معهم


بدأت الدراسة ورجعت رغد تكمل دراستها باقي لها آخر سنه وكان وقتها روتيني جدا مع أنها تكره الروتين

لكن بدر فرض هالنظام على حياتهم كان يصحى لدوام ويرجع على أذان العصر بعدها يتغداء وينام

وعلى المغرب يصحى ويطلع يصلي بالمسجد ويروح عند أبوه بالمجلس وإخوانه بعدها يرجع للبيت يجلس

ساعة او أحيانا تكون رغد في بيت أبوه يجلس معهم ويطلع على الساعة عشر يرجع ويجلس ساعة أو

ساعتين بعدين ينام رغد دائما مميزه ومتفوقة لكذا قالت خليني اشغل نفسي بالدراسة أحسن من إني انتظر

إنسان يكرهني رغد كانت تعطي وتوفر لبدر كل شئ ما كان يحصل شئ ينتقدها عليه وبدر ما كان يقصر عليها

لكن اللي ناقصهم الحب والحنان ..


مرت شهور على زواجهم ولا أي تغير صار بحياتهم كأنهم أشخاص مجبورين على الزواج بدر ما كان يعنيه

هالشئ لكن رغد اللي تشوف حلمها يذبل كل يوم وتتحسر عليه ..


وبيوم كانت الخالة وبناتها اللي هم لمى ومها معزومين عند آم سعود ومن الطبيعي إن رغد تكون موجودة رغد

ما كانت تعرف أي شئ عن لمى

لكن كانت تسمع بمها أختها لان كل البنات يتكلمون عنها إنها حبوبه وطيبه لكن رغد حست بشي من كلام

نوف إن لمى جريئه وهي ما يعجبها هالاسلوب تشوقت رغد تشوف لمى من كلام البنات لكن كانت مشتاقه اكثر

لمها ..


ويوم الخميس المغرب وصلت الخاله وجلسوا كلهم مع بعض وانبسطوا وخصوصا رغد انبسطت على مها

لأنها مؤدبه وكلامها موزون مو مثل لمى اللي ترمي الكلام حتى ما تحشم أمها وخالتها

رغد حاولت قد ماتقدر تتجنب لمى لكن لمى كانت تسعى انها تتكلم مع رغد

لمى وبنظرة دلع..رغد شرأيك بولد خالتي ..؟؟


رغد..وبأبتسامه ..ولد خالتك ولدي عمي مافيه مثله


لمى وانقهرت منها..والله يوم زواجكم كان شوي شكله تعبان ان شاء الله الحين مرتاح ..


نوف..اكيد مرتاح ومن ما يرتاح وهو يصبح بهالوجه كل يوم


لمى شافت نوف دخلت بالموضوع عرفت إنها خلاص لازم تأجل تحطيمها لرغد وقت ثاني وطلعت الخاله

وبناتها ورغد تقول


سبحان الله خوات لكن وحده شمال وحده جنوب فرق كبير لكن لمى ظلت في بال رغد مهما حاولت تتجاهل

ضنونها ..


أما ريوف تقررت ملكتها بالاجازه بعد شهرين

ويكون وقتها مر سبع شهور على زواج رغد وبدر ..من غير ما يصير الشئ اللي يفرح ام سعود وهو حمل

رغد لكن ام سعود ما كانت تقول شئ تقول الله يسعدهم

وقبل الملكة بشهر صار شئ ممكن يدمر العايله بكبرها وهذا كان في استراحة ابوسلطان الكل كان موجود

دخل بدر بالمطبخ ورغد كانت مشغولة وسألها

بدر..رغد وين المفتاح الي أعطيتك بالبيت

رغد..بشنطتي الحين اجيبه لك

بدر..لا وين الشنطه

علمته مكانها وراح بدر وفتح الشنطه وشاف علبه غريبه فتحها وكانت الصدمة اللي هزته ولا قدر يتحكم

بنفسه ولاغضبه


بدر..وبصوت عالي ..رغد..رغد


الكل طلع من المطبخ ..


بدر..ممكن اعرف هذي وش تسوي بشنطتك


رغد..سكتت ولا عرفت شو ترد هي ما قالت له إنها تاخذ وتقوله الله ما كتب شئ وهي تعرف انه يتمنى ولد

نوف..بدر اذكر الله واجل الموضوع بعدين


بدر..وبصوت عالي لا الحين تقولي شو قصدها بهالحركه رغد تكلمي


سمع سلطان وخالد الصوت وعرف سلطان إن بدر يكلم رغد ودخل ووصل عند رغد وحس إنها فعلا خايفه


قربه منه وحط أيده على كتفها


سلطان..بدر شو الموضوع


بدر..اسأل أختك


سلطان ...رغووده حبيبتي وش الموضوع


رغد خلاص ما عادت قادره انهارت وبدت تصيح


استغرب سلطان والتفت بالله احد يفهمني الموضوع


بدر..أختك تاخذ حبوب منع حمل من غير ما اعرف سبع شهور وكل ما اسألها تقول الله ما كتب شئ ممكن

تفسر لي هالشئ


سلطان..بدر يا اخوي هالموضوع ما يناقش بهالشكل


بدر..بدء يتمالك نفسه وسكت التفت سلطان على نوف


سلطان ..نوف الله لا يهينك خذي رغووده داخل


طلعوا البنا ت ولا ظل غير بدر وسلطان


سلطان ..بدر ..يا اخوي هدي نفسك ولا راح يكون الا الخير رغد بعد إذنك انا بااخذها للبيت


بدروهو معصب ..ليه


سلطان..بدر أنت ما تعرف رغد اللي صار اليوم راح يتعبها كثير وراح تنهار ولا بتنام وهي كذا أختي واعرفها

وأنت لازم ترتاح بعيد عنها


بدر..من بيرجعها للبيت ..


عبدالله بيرجعها


بدر..اوكي وانا طالع بعد بلغ الوالد


سلطان.بدر انتبه لنفسك ولا راح يكون إلا الخير

[غلا قحطان]

فليعذرني الأخ حسن خليل على طرح الجزئين السادس والثامن
لسقوط الجزء السادس ولتسلسل الأحداث
ولكم مني جزيل الشكر

[حياه بلا احلام]

ثانكس


غلا

[غلا قحطان]

الجزء التاسع

طلع بدر وألف فكره وفكره برأسه ليه رغد تسوي كذا أكيد تنتظر الوقت حتى تتطلق مني او تحب غيري


او او بعدين تعوذ من الشيطان ورجع للبيت وهو حالته مو أصعب من رغد اللي ما توقعت بدر ممكن يرفع

صوته عليها

وقدام الكل وظلت منهاره لحد ما نامت وعبدالله ما تركها ظل يحاول يهديها وقالت له


رغد...وهي تصيح عبدالله هو ما يحبني ما يحبني ..


عبدالله ويمسح على رأسها ..حبيبتي رغوده نامي ولا تقولين شئ وأنتي معصبه بكرا كل شئ ينحل


جلس عبدالله بالبيت مع رغد لأنه يحب أخته بشكل خيالي وزياده على كذا عبدالله إنسان حساس جدا

أما بالاستراحة الكل تكدر مزاجه بها الليله

ابوسعود.لا حول ولاقوة الا بالله


ابوسلطان..لا تتضايق يا أخوك بكرا نراضيهم ( يحاول يهدي أخوه وقلبه مع بنته رغوده وحيدته (

ابو خالد..من تراضي بدر عنيد ورغد اعند منه الله يهديهم

ابوسعود.ايه والله صدقت يا اخوي هو عنيد وهي عنيده


خالد وبكل صمود كالعاده ..عمي يا ليت تسمحون لي أقول شئ

الكل..تفضل

خالد..أنا بصراحة عندي رأي وأتمنى تسمعوني رغد وبدر لهم سبع شهور عايشين مع بعض مهما كان لابد

فيها لحظات حلوه

ابوسلطان..يا أبوك ما فهمت وش تقصد


خالد..اللي اقصده انه ما احد يراضيهم على بعض وملكت سلطان تتم على موعدها وهم أكيد بيقررون مصيرهم
ابوسعود..نخليهم شهر يا أبوك ما يصير الناس بيقولون كلام كثير ما صار

سعود..ايه يبه شهر ولا علينا من الناس بدر ورغد لازم يعرفون قيمة بعض ويقررون

لكن بشرط نقبل قرارهم وش ما كان

ابو سلطان.وش رايك يا أبو خالد

ابوخالد..خلوهم لين ما يردهم الشوق لبعض

خالد..ايوووووووووووووووه أبوي وش هالكلام الحلو

الكل..ههههههههههههههههههههههههه

وظلت رغد ببيت أبوها تغيرت كثير صارت منعزلة ما تتكلم إلا قليل

سلطان وعبدالله يحاولون وأمها من تشوفها ما تقدر تمسك دموعها تحس إنها فعلا فقدت بنتها من يوم تزوجت

رغد الابتسامة صارت شئ غريب ما تعرفه كل وقتها سرحانة وتفكر بأحلامها اللي تدمرت

ظلت رغد تعاتب نفسها وتقول إنها غلطانة بعدين ترجع تقول لا أنا مو غلطان بدر ما يحبي ما يحبي

وهذي حياتها ساعة تعاتب نفسها وساعة تلوم بدر..

ولا احد يعرف إنها طلعت إلا عمانها وهي ساكته وبدر ساكت كان تسأل عنه...بنات عمها بشكل غير مباشر

وأحيانا ما تتحكم بمشاعرها وتبدأ تصيح وهي تكلمهم وهم يحاولون معها لكن ومع هذا كرامتها أهم عندها

وهو كان يعرف أخبارها من عند أهله .......وبيوم اتصلت أمل برغد

أمل..شلونك رغد وشلون عمي والأهل كلهم

رغد ..بخير أنتي شلونك وسالم وابوه كيفهم

امل..تمام الحمد لله

امل..رغووده

رغد..سمي

امل..ما اشتقتي له ..؟؟

رغد.......

أمل..رغد انا اعرف انك تحبينه وتموتين عليه حرام اللي تسوين بنفسك

رغد..ساكته ولا عادت قادر وبدت تصيح حست أمل فيها

امل..رغد دموعك دليل حبك ليه البعد طيب

رغد..امل بدر خلاص انتهى من حياتي

امل..رغووده الكل يعرف إن بدر هو حياتك) لكني أنا دمار حياته ولا أرضى أكون السبب بتعاسته لأني أحبه

تقول هالكلام بخاطره(

رغد..أمل الله يخليك غيري الموضوع

أمل..ولا يهمك لكن بقولك إن بدر عادي ولا هامه الموضوع لكن كلنا نعرف إن بدر يكابر وبداخله يحترق

رغد وبتغير الموضوع ..شخبار عروسنا ريوف

أمل...هههههه تغيرين الموضوع طيب بتشوفين مها بعد يومين

رغد..ان شاء الله

وتموا يسولفون وبعدها قفلت وتذكرت ريوف تمنت إنها معها بهالوقت وندمت لان الفرحة ماهي كامله

حتى بعيون سلطان تشوفها في شئ مهزوز بالعايله كلها مهما حاولوا يدارونه سلطان وعبدالله رغد اختهم

وبدر ولد عمهم بين نارين عايشين وبدر ما صار يقدر يجلس مع عمه كثير يشوف العتب بعيونه

وهذا شئ ما يقدر يتحمله ..ورجعت لغرفتها رغد رجعت لذكرياتها رجعت لدموعها رجعت للصندوق

اللي رفضت تأخذه لما تزوجت رغم إنها قررت بأحلامها أول شئ ينتقل لبيتها الصندوق الغريب اللي الكل يجهل

شفيه بدت تشوف اللي بداخله وتبكي على اللي صار لها

أما بدر فكان طبيعي جدا عند أهله ولا كأنه كان عنده زوجه وطلعت

لكن من يرجع للبيت يبدأيتذكر رغد بكل مكان بالبيت لها ذكرى لها لمسه رغد عايشه بالبيت حتى لو هي بعيده

صح حياتهم كانت روتينيه لكن هالروتين يحتاج نظام

كان يرجع ويحصل كل شئ منظف ومرتب كان يحس انه فيه إنسانه تنتظره وانه مسؤل

انه يتواجد بالبيت اغلب وقته لأنه حق لها وحق عليه

من طلعت رغد وبدر ما ينام إلا إذا شاف الصور وتأمل براءة رغد يقول بخاطره هالبراءه ليه ترفضني

أكيد فيه سبب معقوله ..بعدين يقول اعوذ بالله من الشيطان الرجيم وينام وينسى وسوسة الشيطان اللي يصور

له اشياء كثيره ..

وبيوم الملكة الكل كان مشغول بالتجهيزات والترتيب إلا قلبين كانوا خايفين من اللقاء رغد وبدر

بدر وبأعتبار انه اخو العروس أكيد انه بيدخل ورغد بما إنها أخت المعرس أكيد بتكون موجوده وقريبه منه

بدر خايف من نفسه أما رغد خايفه من دموعها اللي دائما تخونها دائما


وصلوا المعازيم ومعهم لمى بنت الخاله وجلست تسولف مع ريم

لمى ..وين رغد اجل..؟؟

ريم..بتجي مع أهلها أنتي ناسيه إنها أخت المعرس

لمى ..ايه صح وبخاطرها تتمنى تشوفها وتذبحها وكانت مخططه لأشياء كثيرة تعملها تحرق فيها قلبها

ولمى ماتعرف ان رغد زعلانه وعند اهلها ..

وصلت رغد واهلها وكانت رائعه بهدوء جمالها اللي استفز لمى اللي ما خلت شئ ماحطته بوجهها

نوف بأبتسامه ..الله شو هالزين رغووده ( رغد لابسه فستان اسود هادي لكنه رائع وكانت رغد تتميز دائما اذا

لبست الاسود لانها بيضاء والاسود لايق عليها (

رغد..عيونك حبيبتي اللي تشوف الزين

لمى. وبنظرة حقد ...كيفك رغد..

رغد..تمام أنتي شلونك

لمى..عايشه الحمد لله

نوف راحت تشوف أختها وظلت رغد مع لمى اللي قالت لها ..كيف الزواج رغد. مع الدراسه .؟؟

رغد..تعب لكن الله يسرها والحمد لله انتهى هالترم على خير

لمى..وبدر كيفه يالله بدر لازم احد يكون فاهمه لأنه صعب تحددين مشاعره

رغد من سمعت كلام لمى سكتت وعرفت لمى إنها أصابت الهدف لكن رغد حاولت تدارك الموقف وقالت

رغد..وما يفهم بدر إلا انا

لمى..وبابتسامه خبيثه ......اتمنى وراحت وتركت رغد بتمووت من كلامها

وتسأل نفسها شلون عرفت بدر شلون

قد توصل لتحديد مشاعره وليه هالنظره اللي كلها خبث هالانسانه من اول مره شفتها حسيتها تتعمد توصل لي

رساله معينه

انها تعرف بدر لكن كيف وهي علاقتها مع البنات مو لحد كذا وفجأه قالت معقوله تكون تكلم بدر بعدين طردت

الفكره قبل ما تسيطر عليها

بدر مهما كان ماعنده هالحركات ومع مين بنت خالته لا لا أكيد هي إنسانه مريضه ..وعلى هالحال ظلت رغد

تفكر بكلام لمى

تمت الملكه ونزلت ريوف اللي كانت ميته من الخوف لكنها رائعة بجمالها وجات اللحظه اللي بيدخلون فيها

طبعا رغد تحمد ربها لأنها تتغطى عن سعود حتى ما تشوف بدر ويشوفها

دخلوا ورغد دقات قلبها تتعدى العروس من خوفها شافت بدر ونزلت دمعه من عينها حست فيها نوف..

نوف..دمعة فرح لاخوك او دمعة حزن لفراق غالي

رغد..........

.نوف..الله يهديكم

ريم..رغووده روحي سلمي على أخوك

رغد..لاما ابي

لمى..يمكن بدر يزعل ......وبصوت واطي ما سمعه الا رغد ..أنا اعرفه

ريم..لا اخوي ما يزعل من هالزين

لمى وقتها ودها تذبح ريم وبعدت عنهم وقالت بروح اسلم على ريوف

الكل استغرب موقفها لكن متعودين لمى ما تهتم بكلام الناس ولا تعرف العيب رغد وقتها انقهرت منها لأنها

شبه متغطيه

سلمت على ريوف وباركت لسعود وبدر اللي كلمته كلمتين وضحكت وهالضحكه ذبحت رغد واستفزتها وراحت

تسلم على اخوها

وسعود أشرت له أمل بسرعة وطلع على طول من غير ما يحس فيه بدر اللي كان يسولف مع سلطان

سلطان والابتسامة ماليه وجهه ..هل والله رغوود سعود طلع افتشي

رغد ماتت ما عرفت انه طلع والا ما كنت جات أما بدر ما قدر يطلع حتى ما يثير الشكوك حولهم

وفتشت رغد ولمحة حزن سيطرت على وجهه بدر تذكر هالوجه البريء

رغد وهي فرحانه لآخوها ..الف مبروك سلطان حبيبي الله يوفقك

سلطان ..الله يخليك ويبارك فيك

رغد. وتحضن ريووف ...مبروك ريوف حبيبتي وأخيرا صرتي زوجة اخوي صدق

ريووف وجهها احمر ..الله يبارك فيك

رغد..سلطان ريووف غاليه علي كثير حطها بعيونك

وفجأة

بدر..مبروك رغد


رغد من سمعت صوته حست رجولها بتخونها

...وتلتفت على بدر وهي تعرف إنها إذا جات عينها بعينه راح تدمع حاولت بكل ماتقدر

رغد..الله يبارك بعمرك

بدر..شلونك رغد

رغد..الحمد لله ماشئ حالي

بدر..ان شاء الله دوم

ما قدرت رغد ولفت بتمشي ومسكها ببدر بهالحظه عيون كثيره تراقب هالحركه

بدر..انتظري مني اتصال بالليل ضروري

رغد ..تغير لون وجهها ولمى توقعت بدر قال كلمه حلوه غيرت لونها وخلتها تخجل لكن ما تعرف إن هالاثنين

حالتهم صعبه

رغد..ان شاء الله

أمل وتحاول تبتسم ..كيف اللقاء من بعد الفراق..؟؟

رغد والدموع بعينها ..يذبح ..يذبح

نوف..حبيبتي رغووده ما بيصير الا الخير هونيها ما نبي دموع ترا بصيح معك

ريم..والله أنا اذا جلست اكثر معكم بصيح ليه هالعذاب وانتي تحبينه ليه

راحت ريم ورغد تعبت من هالتفكير وراحت تجلس بعيد

وطلع بدر وابوه وعمه وطلع سلطان وجلس مع ريووف نص ساعه وبعدها طلع لمجلس الرجال

وكانت سعادته ما تنوصف لحظتها ريوف الانسانه الرقيقه الطيبه الهاديه صارت زوجته ..

الانسانه اللي ملكت قلبه ومشاعره الانسانه اللي كبر حبها معه بكل ثانيه بحياته اليوم صارت زوجته واخيرا..

اما رغد فكانت بعالم بدر هايمه تسترجع حلمها من سنوات

يالله توقعت زواجها من بدر بدايه مرحله جديده من السعاده توقعت بدر بينتشلها من خوفها ويحتضن حبها له

لكن بدر دمر رغد برفضه لها

ذبحها لانه تزوجها من غير قناعه رغم انها كانت تحلم بالحب معه ظلت رغد تفكر

ولاحست الا بخالتها ام سعود...رغد بنيتي والله انه لك وحشه يالغاليه

رغد وهي منزله رأسها ..تسلمين خالتي

ام سعود..رغووده بنيتي ولدي واعرفه أكثر من غيره والله انه ندمان على اللي صار لو ما نطق ..

رغد. ما عرفت وشترد على خالتها ...............

ام سعود..الله يجمع شملكم ويهديكم

وراحت ام سعود والحزن مالي وجهها لما شافت بدر اللي مهما كابر وحاول يخبي يبان عليه

انتهت الملكه على خير بشوق ولهفه كان فيه قلبين ينتظرون انتهاء الملكة اللي هم سلطان وريوف

حتى تتم او تبدأ رحلة المكالمات وقلبين بخوف وقلق كانوا ينتظرون انتهاء الملكة بدر ورغد

بدر طول الوقت يفكر برغد ويقول خلاص لازم نحط نهاية لهذي المشكله

وفي بيت بدر ..

سعود ويناظر بدر بعالم ثاني .....بدر وين وصلت ..؟؟

بدر وبصوت محبط ....وين أوصل من شهر وانا أوصل لنفس النقطة وارجع أعيد من جديد

سعود..حاول تتعدى النقطة

بدر..وهذا اللي بيصير اليوم

سعود..اليوم أي اليوم خلاص اليوم

بدر..لا ما اقدر أتحمل أكثر أنت تعرف انه بعد عشر أيام عمتي احتمال بتوصل ولاله داعي زيادة الكلام

لازم انهي الموضوع

سعود..الله يهديكم ويعينكم

بدر..الحين مابتروح بيتك انت ..؟؟

سعود..افا والله تطردني

بدر..يا اخي خلينا نخلص من هالمشكله

سعود..انا بروح لبيت الوالد اخذ أمل وأنت يا بدر مهما كان لا تطلع ولا تسوق سيارة وأنت معصب أوعدني

بدر..اوعدك

سعود..فمان الله

بدر..الله معك

بدر مسك جواله وتردد كثير قبل ما يتصل برغد لكنه قرر ونفذ على طول

رغد وهي جالسه مع سلطان وامها

ام سلطان ..يا لله انا تعبت بروح أنام

سلطان..تسلمين الغاليه الله يعطيك العافيه تعبناك اليله

ام سلطان ودموعها بعيونها ..اليوم أغلى يوم بعمري يوم ملكة ولدي الغالي سلطان

عبدالله..الغاليه دموعك غاليه ما بتزوج حتى ما اشوفها

رغد وهي تبتسم لرقة عبدالله اخوها

سلطان..ايووووووووووووووووووه عبدالله

ام سلطان...يا زينها من دموع اذا دموعي فرحه بعيالي

وفجأة يرن جوال رغد شافت الرقم وتغير لونها وارتبكت واستأذنت منهم

ام سلطان ..من اللي متصل هالوقت ..؟؟

سلطان ..واضحه يا ام سلطان من ارتباكها تعرفين..؟؟

ام سلطان وبدهشه ..بدر؟؟

سلطان..اتوقع

ام سلطان ..الله يهديهم وراحت تنام

عبدالله.. يا اخي بدر إنسان غريب جدا

سلطان..شلون غريب ..

عبدالله ..بدر ما شاء الله عليه رجال ما عليه كلام لكن اللي محيرني تصرفه مع رغد

سلطان..عبدالله لا تلومه ماهو قليل إن زوجته تسوي هالشئ من غير علمه

يعني بمعنى غير مباشر رافضته صح

عبدالله..سلطان..أنا معك لكن الأسلوب لازم يكون ارقى من كذا هو إنسان متعلم ولابهالشكل تتعالج الأمور

سلطان..عبدالله أقول لك شئ

عبدالله ..تفضل

سلطان..انا اليوم تزوجت

عبدالله..ههههههههههههههههههههههه طيب مبروك

سلطان..الله يبارك فيك لكن خلينا من بدر ورغد خلني أعيش الحب والفرحة

عبد الله..الله يديمها عليك يا رب

سلطان..عقبالك إن شاء الله

عبدالله....إذا الله أراد كل شئ بيصر يا لله أخليك مع أحلامك تصبح على خير

سلطان..وأنت من أهل الخير ..

وطلع عبدالله وترك سلطان يبدأ أول مكالمة
مع أمل عمره وحياته ريووف

وصلت رغد لغرفتها وقفلت الباب وجلست على السرير وردت

رغد وقلبها يدق بقوه ....الوو

[غلا قحطان]

عالجوني
تسلمين ياقلبي على متابعتك المتميزه

[حياه بلا احلام]

لا تبطين علي غلاي

[غلا قحطان]

الجزء العاشر

بدر ومن سمع صوتها سكت..بعدين قال ....هلا رغد

رغد..آهلين

بدر..شلونك

رغد..تمام

لحظة صمت بينهم كانت ممكن تذبحهم لكن بدر قدر يسيطر على غضبه

بدر..رغد اعتقد شهر مده كافيه حتى نريح أعصابنا ونناقش موضوعنا

رغد...................

بدر...رغد اللي صار يحتاج تفسير ممكن اسمعه منك ....؟؟

رغد وتحاول تكون هاديه .....ما عندي شئ أقوله

بدر ..رغد شلون ما عندك أنتي مو طفله حتى تسوين شئ من غير سبب وأنا واثق إن فيه سبب

وكبير و مهم عندك خلاك تسوين كذا

رغد....بدر اللي عندي قلته ..

بدر..وبدأ يفقد أعصابه ..وأنتي قلتي شئ أصلا

رغد..بدر رجاء لا ترفع صوتك أنا قلت لك ما عندي شئ أقوله وأنا صادقه والي يعجبك سويه

بدر وبصوت هادي .....تبين الطلاق

لما قال الكلمة رغد نزلت دمعتها وحطت أيدها على قلبها وبدت ترتجف من قوة الكلمة

تتطلق من بدر تعيش من غيره بعيد عنه مستحيل تموووت حتى لو ما يحبها هي تموت عليه

حتى لو جرحها مازالت تنتظر الأمل منه مازالت تتوقع إن بدر ممكن يتغير ويحبها

بدر وبصوت حاد جدا ....رغد طلاق ما بطلق إلا إذا عرفت السبب أما إذا غرضك من هذا التصرف الطلاق

أنا واثق أن له دافع

رغد إذا أنتي مثل ما قلتي انجبرتي معناته أنتي مخططه لكل هذا قبل الزواج

وطالما مخططه ليه ما حاولتي تقاومين وترفضين ..

أو يمكن مخططه لشئ ثاني بعد الطلاق ..

ندم بدر على هذي الكلمة

رغد..شئ ثاني وش تقصد؟؟؟؟

بدر..والله أنتي أبخص بنفسك

رغد..بدر عن التجريح كفايه اللي صار منك لحد الحين

بدر..رغد أسألك بالله أنا قصرت عليك بحق من حقوقك

لرغد..لا

بدر..اجل ليه هالكلام

رغد..بدر أنا استأذن منك ممكن بقفل

بدر..لا ما بتقفلين إلا إذا قلتي لي من الشخص اللي بتتزوجينه بعد الطلاق

وبدر عرف انه إذا استفز رغد بتتكلم واستخدم هالطريقه رغم إنها سيئة لكنه مضطر يحس أنها الطريقة اللي

تخلي رغد تنطق وتتكلم

رغد..بدر أنت تعرف معنى كلامك أنت تهين نفسك قبلي قبل ما تكون زوجي أنت ولد عمي

عيب هالكلام يا ولد العم

بدر وحاول يكون طبيعي رغم انه ندم على هالاسلوب....خلينا من المثاليات وقولي لي ليه ما كنتي تبين ولد

مني او تخافين يربطك ويبعدك عن اللي تبينه

رغد..وفقدت أعصابها وقاطعت بدر....بس خلاص أهنتني بما فيه الكفاية أيه أنا ما أبي ولد منك ولا أبي شي

يربطني فيك أبي تطلقني الحين ارمي يمين الطلاق واذبح باقي الأمل بداخلي

دمرتني قبل زواجي بأيام واليوم جاي تكمل

بدر أنا ما جبرتك ولا راح أجبرك ترتبط فيني أنت حر بنفسك وإذا كلام الناس يهمك وتخاف يقولون طلق بنت

عمه اللي تنتظره سنين تزوج وخليني عند أهلي أنا بعد هالتجربه مستحيل أفكر اكررها

العذاب اللي عشته معك مستحيل اكرر ه

وقلت لنوف مستحيل اقدر أغيرك مستحيل لكن نوف هي كانت تصبرني سبع شهور وكل ثانيه ينهار جزء من

حلمي خلاص خلاص طلقني


بدر فعلا خاف على رغد لأنها منهارة ولا فهم معنى كلامها لكن توصل لشئ واحد

ان نوف تعرف

بدر وبسرعة ..آسف رغد أنتي ارتاحي وبعدين يصير خير مع السلامة وقفل الخط بسرعة

قفلت رغد وانهارت على سريرها وهي تبكي حبها اللي ضاع وجرحها ودمر وحطم أمل كان باقي عندها

أما بدر على طول قفل واتصل علو جوال أخته نوف لأنه يعرف إنها عندهم بتنام

بدر..نوف لا تنامين دقايق وأنا عندك

نوف..خير بدر شفيك

بدر..الحين أقولك بااي

نوف..تسكر وتقول للبنات الله يستر

ريوف ..خير وش فيه بدر

نوف ..علمي علمك

وصل بدر وجلس هو ونوف بالمجلس

بدر..نوف أنا كلمت رغد من شوي حاولت معها أنها تبرر لي موقفها لكن ما كان عندها إلا كلمه وحده ما عندي

شئ أقوله

نوف وكانت منسجمة مع بدر ..ايوه وبعدين

بدر..اضطريت أني استفزها وأقول إنها تحب واحد ثاني

نوف وحطت يدها على رأسها ..بدر أنت صاحي

بدر..نوف انتم مو حاسين فيني أنا أموت أتعذب كيف أعيش مع زوجتي سبع شهور وهي ترفضني

ترفض ولد مني

أنا لو أنها ناقشتني كلمتني يمكن لكن أنها تعمل هالشئ من دون علمي وتكذب تقول الله ما كتب شئ هذا اللي

يذبحني ....ما قدرت حسيت إني فقدت الأمل بأني اعرف السبب واضطريت استخدم هالاسلوب

نوف....

بدر..نوف رغد قالت كلام وهي منهارة ما فهمت منه إلا انك تعرفين ليه هي تتصرف كذا

نوف باستغراب ..أنا

بدر..تقول إني دمرت حلمها قبل الزواج بأيام ما اعرف ايش تقصد

نوف تقول بخاطرها لازم أقول له ....بدر أنت تزوجت رغد لكن مو رغد اللي نعرفها رغد اللي تشع حب

وتهدي الحنان رغد اللي الابتسامة ما تفارق وجهها رغد اللي تعطي من غير حساب

رغد اللي تزوجتها رغد المجروحة من الإنسان اللي عاشت مراهقتها وهي تحلم فيه اللي حلمت انه راح

يهديها السعادة ...بدر رغد تموت على التراب اللي تمشي عليه

بدر...ومليون علامة استفهام على وجهه....... تحبني أنا ..؟؟

نوف..كانت تحبك لكن مازالت هذي بعلم الغيب بدر اقرب وحده لرغد ريوف اسألها عن حلم رغد فيك كيف

كانت تحكي عنك وكيف تسأل عنك اسألها عن تخطيطها للمزرعة وكيف راح تسهر معك وكيف راح تشوفك

رغد يا بدر عاشت وهي ما تشوف بالدنيا حبيب غيرك لما خطبتها كانت ورده مفتحه لكن قبل الزواج تغيرت

الكل لاحظ لكن توقعوا لأنها عروس ولا احد كان عارف ايش فيها

يمكن أنت ما قدرت تحسسها بالحب ولا حست منك إلا بالصدود والجفاء كل اللي قالته رغد انك ما تحبها

وشلون عرفت ما قالت لكنها تقول انك حطمت ودمرت حلمها حاولت أقنعها تكسبك لكن بكل مره أشوفها احس

إنها متحطمة وفاقده الأمل بحبك لها وأحاول أقنعها وتقتنع

لكن أنت تحطم هالامل بنظره خاليه من أي مشاعر بدر أنت مو مقصر بشئ وهي تقوله لنا لكنك ما تعطي إلا

من باب الواجب مو لأنك تحب رغد

بدر ..وهو منصدم من كلام نوف...نوف الحين اللي يهمني انك تقولي لها أني ما قصدت الكلام اللي قلته

رغد بنت عمي وأنا واثق فيها وبتربية عمي لكن ما قدرت أسيطر على أعصابي ..اعتذري منها

نوف..بدر بسالك سؤال ممكن

بدر..تفضلي..

نوف..أنت باقي على رغد يعني عندك استعداد تصلح اللي بينكم

بدر وبعد لحظات صمت..نوف أنا تزوجت رغد وأنا مازلت مقتنع أنها مو الانسانه اللي تمنيتها لكن هذا ما يعني

إني كنت أو عامل حسابي إني بطلقها لا والله

لكن أنا اللي يهمني اعرف هي ليه سوت كذا ليه الرفض يعني السبب و بس ..

وطلع بدر ورجع لبيته اللي عاش سبع شهور فيها مع إنسانه هو اللي جرحها هو ضيع حلمها

رغم انه ما كان يقصد كان يتوقع انه مو مقصر

رغد تطلب حب هو ما يقدر يعطيها هالحب لكنه بالأخير يرجع لنفس النقطة ويبحث لها عن سبب

فشلت محاولة بدر في انه يتوصل لسبب اللي من اجله رفضته رغد ورفضت إنها تحمل ابنه بالوقت هذا ما عاد

يشوف حس إن الدنيا سوداء قدام عيونه مو لأنه يحب رغد وفقدها لا

لأنه اهتزت صورته قدام نفسه وقدام إخوانه وعيال عمه ما هي سهله عنده انه ينرفض من زوجته اللي عاش

سبع شهور معها وبالأخير لام نفسه قال ما كان المفروض إني اعصب بالمزرعة قدام الكل المفروض ملكت

أعصابي لكنه رجع يعطي نفسه مبررات لتصرفه وانه اضطر لأنه في بداية تكيفه مع رغد

أو بمعنى اقرب للواقع هو ببداية ( المحاولة ) لتكيف لكنها هدمت كل شئ

تم بدر يلوم نفسه ويرجع يدافع لحد ما حس انه خلاص مو عارف يتوصل لحل ولا صار شايف إلا حل واحد

هو الطلاق وقرر انه الصباح يعلن هالخبر ..

يوم الجمعة الصباح متعودين يلتقون الرجال بعد الصلاة في بيت أخوهم العود أبو سالم يجلسون ساعة وأحيانا

يتغدون مع بعض إلا هالاسبوع بدر فضل انه ما يجتمع لأنه مستحي من عمه ولأنه تعبان

والتعب واضح على وجهه ولا حب انه يحرج أبوه بقراره قدام الكل اعتذر من أبوه وقال انه معزوم على

الغداءعند واحد من ربعه ..

وفي مجلس أبو سالم

أبو سالم ..أبو سلطان

ابو سلطان ..لبيه يا اخوي

ابو سعود..يا اخوي هونها وتهون وهالموضوع بينحل قريب

ابو سلطان ..إن شاء الله لكن جلست البنت عندي والله ما هي عاجبتني فأمساك بمعروف أو تسريح بإحسان

ابوسعود..لا تقول هالكلام يا اخوي هذا طيش شباب وبينحل

ابو خالد..يا إخواني لازم تتدخلون انتم تعرفون بدر عنيد ورغد اعند منه وإذا تركناهم بيكابرون ويعاندون

بعض

ابو سلطان..صدقت يا اخوي

سعود..يبه

ابو سعود..نعم يا ابوك

سعود..أنا توقعنا إن حل خالد بينفع لكن للأسف ما ناسب الحل مع بدر ورغد لان الكرامة أهم عندهم من أي

حب أو شوق

لكن قدامنا حل واحد اللي هو انك أنت وعمي تضغطون عليهم لحد ما يرجعون ونعتبرها محاوله أخيره لكن

بشرط إننا نرضى بقرارهم بعد كذا ولانضغط عليهم شرايكم ..

الكل ساكت وخالد وسلطان وعبدالله متفقين على هالحل مع سعود من قبل

ابو سلطان..شرايك يا اخوي

ابوسعود..والله ما اعرف شقول لكن بنجرب هالحل ونجبرهم ونشوف بعدها

ابو خالد..الله يهديهم

الكل ...امين ..

ابو خالد..ان شاء الله بكرا الفجر نمشي للمزرعة

الكل..إن شاء الله

وطلعوا الكل بعد ما اتفقوا إنهم يجبرون رغد وبدر أنهم يرجعون لبعض وكل شئ بيتم بالمزرعة اللي بيجلسون

فيها يومين

********************

[غلا قحطان]

مو معقولة ياعالجوني أنتي المتابعة الوحيدة
والله اني تضايقت
بس تستاهلين(a26)

[حياه بلا احلام]

مو معقولة ياعالجوني أنتي المتابعة الوحيدة
والله اني تضايقت
بس تستاهلين(a26)



يعني مو مالي عينك (qq167) (qq167)

[غلا قحطان]

عــــــــــــــــالجوني (z)
ليش معصبة ترا قلنا تستاهاين

وماليه عيني ونص كم عالجوني عندي(qq75)

[غلا قحطان]

الجزء الحادي عشر

خالد وبدأ الكلام مع بدر ....ها أبو سالم كيف حياة العزوبية من جديد..؟؟

بدر..ويناظره من طرف عينه والله الحياة كلها هم ..

خالد..افا والله يا اخوي الشرع حلل لك اربع تزوج ثانيه

بدر وبابتسامه من غير أي إحساس ....مالت عليك هذا وهي بنت عمك

خالد من غير أي تعبير .....مو تستاهل انك تتزوج عليها ..؟؟

بدر وعرف قصد خالد.......خالد قول وش عندك اختصر الموضوع ماله داعي هالمقدمات

خالد..ههههههه فطين ولد العم

بدر..إذا على رغد أنسى الموضوع مالي خلق أتناقش فيه

خالد..لا بنتناقش وأنت بدر ولد سالم

بدر..خالد رجاء الموضوع يخصني

خالد يقاطعه ..لاما يخصك يخص أبوك اللي هو عمي وعمي أبو سلطان ويخص بنت عمي

بدر بنت عمك معلقه لاهي مطلقه ولاهي مزوجه وبعدين المشاكل تنحل مو أنت في بيتك وهي

عند أبوها لازم احد يتقدم منكم وينهي الموضوع وبعدين وعمي قالها فاامساك بمعروف أو تسريح بااحسان

بدر تفاجئ..متى قال ..؟؟

خالد ..بدر هذي بنته وكلنا نعرف إن رغد حبيبة عمي ولا بيرضى عن اللي صار ويسكت إلا احترام لأخوه

الكبير

إذا أنت عايف طلق وخل البنت تروح بحالها إذا أنت شايف أن حياتك معها مستحيله ماله داعي كل هذا

بدر..أنت شايف إن الطلاق هو الحل

خالد ويبي يعرف بدر ايش قراره ......الطلاق راح يسكت ناس بدت تحكي عن البنت اللي رجعت لبيت أهلها بعد

شهور زواج من ولد عمها

الطلاق ينهي الحساسيه بين الإخوان ويعطي سلطان فرصه وأختك انهم يحددون مصيرهم اللي ارتبط بموقفكم

بدر..سلطان وريوف مالهم خص سووا الملكة وإحنا مبتعدين عن بعض

خالد..صح لكن سواها عمي حتى ما يحسس أخوه أن اللي صار بيفرق بينهم لكن الفرحة ناقصة كلنا شفناها

بعيون عماني

بعيون سلطان كيف يفرحون وأختهم بهالحال أنت قولي عبدالله من أكثر من شهر ولا شفنا ولا سمعنا عن

مواضيعه ولا قصيده

طلعنا أكثر من مره وكل ما قلنا سمعنا قصيده يقول ما كتبت ولا راح اكتب ودمعتها على خدها صح ما كان

يقولها قدامك لكن فرحته ناقصه

سلطان اللي ملك وبيوم ملكته قالها الفرحة ناقصة لكن الله كريم ..

بدر.. خالد ادري إن عبدالله وسلطان يجاملوني كثير لكن رغد غلطانة بعد

يعني مهما كان حاولوا تكونوا بموقفي صعب إني أنسى اللي صار بسهوله خالد افهم أرجوك

خالد..على عيني يا بدر بس مو كذا ولا بهالطريقه أنت الرجل واللي المفروض تسيطر على نفسك

صوتك الكل سمعه ولو عمي ما يقدر أبوك وإلا ما كان سكت

وهو يسمع صوتك وعلى مين على بنته اللي تسوى عيونه حتى لو كانت غلطانه

أسلوبك مع احترامي لك كان خطأ بدر المشاكل الخاصة نناقشها بالبيت مو قدام الكل

بدر.....................

خالد..بدر بيدك حلين مالهم ثالث أما انك ترجع بنت عمك وتحاول تحل اللي بينكم بأسلوبك اللي نعرفه أو تطلقها

بدر وبعد دقايق صمت ....أنا أمس بصراحة قررت أطلق لكن فكرت وتوصلت أن الطلاق صعب هي بنت عمي

ولا أرضى عليها وغير كذا أنا ما تزوجت عشان أطلق والمشكلة رجوعنا لبعض أصعب

ما أرضى على نفسي أعيش مع وحده رافضتني

خالد..لكن رغد موافقة ترجع وبعدها انتم تحددون مصيركم

خالد..وكل الدهشة على وجهه ..موافقة

خالد..موافقه هذا كلام البنات اليوم إنها وافقت

بدر وبعد لحظة صمت ..توكلنا على الله وأنا موافق

خالد......هههههههههههههههه

بدر..خير إن شاء الله قلت شيء يضحك

خالد..محضر لك محاضره حتى أقنعك لكن والله انك ولد سالم كفوا ولد العم

ابتسم بدر وقال ولا يهمك الحين بروح واكلم عمي


..
دخل بدر وخالد وتعمد خالد يرسم على وجهه الحزن حتى يقنع سلطان وسعود وعبدالله اللي ينتظرونهم على

جمر

بدر وخالد..السلام عليكم

الكل..وعليكم السلام ورحمة الله وبركاته

ابو سالم..خالد

خالد..سم عمي

ابو سالم..انا ودي مره تمشي معنا ما توصل بعدنا

الكل..هههههههههههههههه

سعود..بعدين ما يصير خالد

بدر..عمي منصور

ابو سلطان ..سمي يا أبوك

بدر..سم الله عدوك والله يا عمي أنا خجلان منك لكن أنا حسبت ولدك وان شاء الله انك بتعذرني

ابو سلطان..خير يا ولدي قل اللي بخاطرك

بدر..والله يا عمي أنا ادري إني أخطيت بحق رغد لكن بعد أذنك إن شاء الله أني بعوضها إذا سمحت أنها ترد

لبيتي

الكل تفاجأ وخصوصا أبو سالم اللي بكلام بدر حس أن جبل انزاح على صدره

ابو سلطان..والله يا ولدي أنت غالي ولد اخوي وهي بنت عمك والله يلعن الشيطان لكن أنا ما بقول كلمتي إلا

بعد ما سأل رغد ..

ابو خالد..يا خوي البنت موجوده اسألها

ابو سالم..والله يا خوي فرحنا واسألها

ابو سلطان ..سلطان ناد أختك وأنا بطلع لها

سلطان ......ان شاء الله

راح سلطان ونادا رغد وصادفته نوف وعرفت السالفة وراحت رغد عند أبوها

ابو سلطان..رغوده حبيبتي ولد عمك طلبك ترجعين له

يا أبوي أنا ما بجبرك على شي ما تبينه لكن يا بنتي بدر نعرفه وولد عمك وارجعي يا بنتي البنت مالها إلا بيت

رجلها وبدر من خيرة الرجال وهذا الشيطان الله يبعدك عن وسوسته

رغد..اللي تشوفه أبوي بمصلحتي اسويه

أبو سلطان..كفوا بنتي والله

أبو سلطان ..بدر ..بدر

طلع بدر..سم عمــ ..........وسكت لما شاف رغد

ابو سلطان ..هذي زوجتك والله يهديكم وطلع عنهم

بدر وهي يتأمل رغد......شلونك رغد..

رغد تتذكر كلام ريوف ارجعي رغد اللي نعرف رغد الحقيقيه

ورفعت رأسها وأحلى ابتسامه على وجهها ..الحمد لله أنت كيفك

بدر ضاع مع ابتسامتها معقوله هذي رغد اللي كانت مكشره واللي تبكي وتصرخ بالتليفون

بدر..تمام وظل ساكت ويتأمل وجهها وكأنه أول مره يشوفها

استحت رغد وقالت..أنا راجعه تآمر على شئ

بدر..سلامتك بس بشريهم خليهم يفرحون

رغد وبأحلى ابتسامه إن شاء الله

رجعت رغد وحصلت نوف

نوف..حلووو الحب صح

ابتسمت رغد

ريوف ..وش عندكم وسكتت لما شافة ابتسامة رغد

ريوف ..احلفي ... تصالحتي معه؟؟

رغد..والله

ريوف وبأعلى صوتها ريم أمل وراحت حضنت رغد

ريم وهي تسرع ........وش عندكم ؟؟

ريوف..تصالحوا خلاص

ريم..كلووووووووووووووووووووووووووووووووووووووووووو وووش

طلعوا الحريم كلهم ..شفيكم

ريم..مبروك رغد رجعت لبدر

وراحت رغد وارتمت بحضن أمها وبدت تبكي هي و إياها وأم سعود وأم خالد

والحمد لله رجعت الراحة لهم من بعد التعب والخوف


مرت أيام المزرعة بسلام الكل مبسوط ومرتاح ورغد تفكر وتقول لنفسها ليه أضحي ببدر اللي حبيته من

صغري أنا لازم أسوي المستحيل و أخليه يحبني ..

أما بدر كان يبحث عن الأسلوب اللي يعاقب فيه رغد وتوصل لأسلوب تأكد انه بيعاقبها أقسى عقاب شافته

بحياتها ..

بوقت الرجعة للبيت الكل توجه لسيارته إلا رغد ظلت حايره وين تركب مع بدر أو مع أهلها

وبدر تعمد انه ما يقول لها شئ وتركها بحيرتها حاولت تتأخر لحد ما يقول بدر شئ

لكنه للأسف ولا قال ولا كلمه بكل هدوء كان يركب الأغراض مع سعود أخوه

لكن رغد ابتسمت وقالت من الحين يا بدر راح ابدأ انتظر أول مفاجأتي ..

أرسلت مسج له على جواله كتبت فيه

" بدر ارجع مع أهلي عشان اخذ أغراضي أو أنام عندهم أو ..أقولك يا ليت تكتب لي شو تحب اوكي انتظرك "

وبسرعة راحت للغرفة المظللة لان الكل طلع لكنها بتشوف رد فعل بدر وهو يقرأ المسج وفعلا وقف بدر وشاف

المسج

رغد..يا ربيه ولا هزه جامد ولا تغير شئ فيه ..أخيرا شبه ابتسامه وبلحظه خافت رغد لأنها سمعت بدر يكلم

ريوف ويسأل عنها

ريوف..رغد اعتقد داخل

وبسرعة رغد طلعت وجلست على الكراسي ولفت وجهها على الجهة الثانية( على بالها سرحانه (

بدر..احم ..احم

رغد وبابتسامه ......وقفت هلا بدر

بدر..يا لله رغد تعالي معي ونروح لبيت عمي تأخذي أغراضك

رغد..اوكي

طلع بدر ورغد طلعت وركبت مع بدر ولا كلمه بينهم صمت ممل فجأة رغد

رغد..بدر معليش اسمع مسجل

بدر..الاشرطه عندك اختاري اللي تحبين

وظلت رغد تقلب بالاشرطه لحد ما حصلت شريط ابتسمت وقالت الحمد لله إني متغطيه ما يشوفني

ضحكت على نفسها وقالت أنا كذا أسلوبي وحياتي عشتها على الحب والصدق والحنان ليه اخبي مشاعري

بشوف وش بيسوي

وعادت الشريط من الأول وشغلته بدر يحاول يعرف الاغنيه لان رغد ظلت تعيد وتقدم لحد ما حصلتها لكنه

عجز وفجأة

شيرين ..

بتوحشني...... .وأنا وياك

وكل يوم بشوفه معاك بيوحشني

وكل ثانيه مش وياك .......بتذبحني

وكل ليله بعيشها معاك تفرحني تخوفني وتجرحني ....

واخاف بكرا يفوت عمري وانا لسى ...بتوحشني .......

بتوعدني مافيش بكرا مافيش بعده مافيش ولالحظه من غير وترجع ثاني تتأخر وتوحشني ..

واعمل ايه ماليش غيرك....... بيوحشني

بترسم لي حجات اكبر وعود اكثر والقى نفسي من غيرك ..وتوحشني

رغد بينها وبين نفسها تقول يا ربيه أنا مجنونه وش سويتت بدر التفت عليها من غير أي تعبير بوجهه

وظل يناظرها وهي لفت وجهها عنه رجع يسوق بدر وفجأة

رن جوال بدر ورفعه

بدر..هلا والله بناعم الصوت

رغد..خلاص كل إحساسها عنده تبي تسمع كل كلمه يقولها منو ناعم الصوت عيني عينك

بدر..تمام كل شئ تمام تطمني وطمني اللي عندك خلاص عاد مو كل ساعة تتصلون

بدر..ههههههههههههههههههههههههه يالله الله معك عيوني


تعمد بدر يلعب بأعصاب رغد وخصوصا بعد ما تأكد من نوف إنها تحبه وبعد صمت خمس دقايق حست رغد

إنها بتنفجر

بدر..تسلم عليك نوف نسيت اتصلت تتطمن على الوضع

رغد يا لله يا أعصابك بدري ..الله يسلمها

وصل بدر لبيتهم بعد ما اخذ أغراض رغد من بيت عمها وهالمره قررت تأخذ الصنودق معها

لكن قبل ما يوصل لبيته قال الله يعيني ويعينك يا رغد هذا بداية العقاب

بدر..رغد أنا بوقف عند الصيدليه الحين

رغد..طيب بس ليه

بدر..بشتري لك حبوب اللي كنتي تستخدميها يا ليت تقولي لي اسمها

رغد والعالم توقف عندها ..وطلعت الكلمة عفويه رد فعل ما قدرت تتحكم فيه ..ليه

بدر..بينه وبين نفسه أنا وش سويت شكل البنت من صوتها بتموت الحين..لازم رغد لحد ما تستقر أمورنا

رغد..تقول بخاطرها تستقر او لحد ما تقنع الكل انك ما قدرت تتكيف معي

لكن هين يا بدر أنا لك لا تتوقع أن رغد المستسلمه للحزن اللي رجعت لك لا يا بدر

أنا رجعت لأني برجع حبي ببني حلمي اللي انهار جزء كبير منه ولا تتوقع بسهوله بتخلى عن امالي

وقالت له رغد اسم الحبوب وأخذها ..وأول ما دخلت رغد للبيت وقفت تتأمل وتتذكر ونزلت دمعه من عينها

حاولت تداريها

لكن بدر حس فيها ولا حب يحرجها ورن تيلفون البيت

بدر..هلا والله ريوف

ريوف..بدر وين رغد

بدر..شسالفتك أنتي وأختك اليوم توكم تاركين بعض مالكم ساعتين

ريوف..بدر بتطمن عليها يا أخي ما فيها شئ

بدر.. قالوا لك متوحش بأكلها

ريوف..ههههههههههههه بدر لا تزعل والله من فرحتنا فيكم

بدر..زين خلاص رغد معك باي

ورغد..كانت تسمع الكلام ومبتسمة أخذت من بدر السماعة وكلمت ريوف

رغد..هلا والله حبيبتي

ريوف..هلا بك عيوني شلونك

رغد..تمام ..وعينها على بدر تشوف وش يسوي لكنه شغل التلفزيون وجلس يعني بيسمع المكالمه

ريوف..مبسوطه رغوده

رغد..وأنتي شرايك أنتي تعرفيني أكثر قولي

ريوف..اممممممممممم مبسوطة صح

رغد..ههههههههه كثير كثير

ريوف..اوكي أخليك اجل الحين لا يذبحني بدر

رغد..حرام عليك ما يذبح وبعدين ريوف حبيبتي ما فيه احد يقول لها شئ

عرف بدر إن الكلام عنه ويقول بينه وبين نفسه وش سالفتها البنت مو طبيعيه اليوم الظاهر بدلوها أهلها

بوحدة ثانيه

رغد..اوكي حبيبتي سلمي على الكل بااي

سكرت رغد وفجأه قالت ..بدر

بدر وهو يناظر المباراة ..نعم

رغد..بخاطرها عبرني التفت ..بسوي لي قهوة اسوي لك معي

بدر..التفت عليها ..الحين ؟؟

رغد..تناظر الساعة طيب تونا الساعة عشر

بدر..البيت فاضي لكن بتصل بالسواق يجيب لنا أغراض لكن انتظري اجل تقريبا ساعة لحد ما توصل

رغد..مو مشكله أنا بطلع اتحمم وأغير فيما يوصل

وقامت بتمشي والتفتت عليه ..ومن بيطلع شنطتي أنا ما اقدر

بدر..أول مره يناظر رغد من فوق لتحت وهالنظره أحرجت رغد ..

ابتسم بعد عناء وقال انا بطلعها الحين

رغد..ثانكس وراحت

بعد ما اختفت ضحك بدر عليها هذي شفيها مو معقوله فرحانة إنها رجعت ا ويمكن ....!!!

مرت الليلة على بدر ورغد على خير حاولت رغد تكون طبيعيه مع بدر وفعلا نجحت

لان بدر ظل يفكر كثير بهالتغيير عليها

لكنه استسلم لنوم كالعادة لأنه جامد ودائما ما يهمه ويقول كل شئ بوقته يبان ..

الصبح الساعة سبع طبعا يوم السبت الكل عنده دوامات صحت رغد من بدري وأخذت لها شور سريع

ونزلت وحضرت فطور بسيط

ورجعت للغرفة تصحي بدر لكنه حصلته صاحي..

رغد..صباح الخير

بدر..ومستغرب من هالنشاط صباح النور

رغد..توني طلعت اصحيك لكن الظاهر انك تحب شغلك كثير

بدر..وتعمد يحرجها تعودت شهر ولا احد يصحيني

سكتت رغد لكنها رفعت راسها وابتسمت له أحلى ابتسامه وقالت ..ولا يهمك من بكرا ما بيصحيك غيري

ظل يتأملها بدر ويقول بخاطره أما مجنونه او بدلوها ما هي رغد اللي عشت معها سبع شهور

رغد..الفطور جاهز انتظرك ..وطلعت من الغرفه

نزلت وجلست تنتظر وفجأة قالت بتصل بريوف أكيد صاحية الحين

رغد..صباح الورد والياسمين

ريوف..الله الله صباح الحب رغووده شو هالنشاط

رغد..ههههههههه شلونك ريوف

ريوف..وربي انبسطت لما سمعت صوتك

رغد..كل يوم بصبح عليك

ريوف..أخاف يغار بدر ههههههه

رغد..يا ليت الله يسمع منك

ريوف..رغوده شفيك اليوم ما أنتي صاحيه

ودخل بدر واستغرب من تكلم على الصبح

رغد..وربي صاحيه وبكامل قواي العقلية الحين يالله لو سمحتي قفلي الخط

ريوف..رغيده من المتصل الحين

رغد..ههههههههههه حبيبتي خلاص بنفطر كنت أتسلى فيك لحد ما ينزل بدر

ريوف..هههههههه الله يأخذك تلعبين علي لكن يالله روحي الله يهنيكم ..سلمي عليه

رغد..ويهنيك.. باي

رغد..تسلم عليك ريوف

بدر..الله يسلمك ويااها

بدر.رغد أنا ما برجع الا على الساعة ثلاث إذا حابه تروحين لأهلي روحي أحسن من جلستك لحالك

رغد..اممممممم لا ما بروح اليوم بجلس عندي كم شغله

بدر..براحتك ..يالله تأمرين بشئ

رغد..سلامتك الله معك

[غلا قحطان]

عالجوني هذا الجزء لعيونك(qq116)

بس وش حسيتي لما قريتي

(((تعمد بدر يلعب بأعصاب رغد وخصوصا بعد ما تأكد من نوف إنها تحبه )))

أنابصراحه مررررره أنقهرت (q85)

والتماسيح مكشوفه أساليبهم صح(qq168)

[حياه بلا احلام]

عالجوني هذا الجزء لعيونك(qq116)

بس وش حسيتي لما قريتي

(((تعمد بدر يلعب بأعصاب رغد وخصوصا بعد ما تأكد من نوف إنها تحبه )))

أنابصراحه مررررره أنقهرت (q85)

والتماسيح مكشوفه أساليبهم صح(qq168)


شوفي خيتي

غلا

انا انقهر من القصص الي زي كذه

والله بدر هذا شكلي بوريه شغله عدل
لعب باعصابي لين ما دوخني

[حسن خليل]

شكراً لكِ على طرح الجزء الحادي عشر

[غلا قحطان]

الجزء الثاني عشر

وطلع بدر وبدت مهمة رغد بتحويل بيتها

راحت للغرفة ومسكت الصندوق وبدأت تفرغه وتختار كل شئ بمكان مناسب له

..وعلى الساعة ثنتين كانت رغد خلاص انتهت كل شئ وتحممت وبدلت ملابسها

وجهزت الغداء وكل شئ وتنتظر بدر وفجأة دخلت عليها ريم وريوف..السلام عليكم

رغد..وعليكم السلام

ريم..وااااااااااااااااااااو شو هالريحه شو هالتغيير

رغد وبأبتسامه ..واضح؟؟

ريوف..الأعمى يشوف أكيد بيلاحظ الفرق

ريم..رغوده والله يا بخته فيك اخوي

رغد وبصوت واطي ..ويا بختي فيه

ريوف..هههههههههههههه سمعنا

رغد ..المهم الحين قولوا لي تتوقعون يزعل لأني غيرت بالبيت كذا

ريم ..لا طبعا لأنك ما غيرتي شي أنتي أضفتي عليه وبعدين يحمد ربه وربي كذا البيت أحلى

ريوف..مع الورد وريحة الشموع والنور الهادي البيت أريح يحسسك بالهدوء واسترخاء

ريوف..رغد لا تخافين ولا تتوقعين انه يتكلم لكن إن شاء الله

استأذنت ريم وريوف ورجعوا للبيت قبل ما يوصل بدر

الساعة ثلاث وعشر وصل بدر رغد ما حست فيه كانت متمددة على الكنبه وبيدها مجله و سرحانه

دخل بدر وأول شئ لفت انتباهه وحس فيه الريحه الرائعة اللي امتلئ البيت منها دخل بدر الصاله

ولا حست عليه رغد ..وقف مبهور بالشكل اللي مثل ما هو لكن فيه لمسات بسيطه

غيرت البيت كثير و الإضافات الحلوة الشموع بكل مكان والورد المجفف

والدببة والتحف الرائعة والأغرب إنها كلها عليها كتابات حتى على الصور والنور الهادي أجمل

وغير كذا شكل رغد اللي فعلا كانت رائعة بشكلها الهادي ولبسها البسيط

بدر..السلام عليكم

ولا حست رغد..ابتسم بدر وتقدم عندها وحست عليه

رغد..هلا بدر ما حسيت فيك

بدر وبابتسامه .......شكل الجووو بالبيت أخذك لبعيد

رغد بنفسها الحمد لله لاحظ وابتسم يالله اخيرا

بدر..يعطيك العافية رغد كذا البيت أريح بكثير وارتمى على الكنبه وقال ..فعلا يريح بعد التعب

رغد وبتطير من الفرحة ..يعطيك العافية يا رب ..تحب تتغداء او تتحمم أول

بدر..من اللي سوا الغداء ؟؟

رغد..أنا سويته.. ليه..؟؟

بدر..مجرد سؤال ماشاء الله سويتي كل هذا وبعد غداء والله ما قصرتي ..بتحمم أول واتغداء

طلع بدر وبكل مكان يمر من عنده يشوف لمسه لرغد ووصل لغرفة النوم المفاجأة

دخل ..ووقف مبهور

الغرفة ظلام ما فيها غير نور شموع بسيطة وريحه الورد ماليه الغرفة وغير كذا برواز يحمل صورتهم بيوم

زواجهم

وصوره رائعة خياليه لرغد وهي بلبس البحر لونه احمر شكلها فعلا خيالي كأنها حقيقية

وهي خلفية بحر مو حقيقه

ضحك بدر..وقال الحين أنا بنام من هالجمال والله

تحمم بدر ونزل وحصل الأكل جاهز ..وتغداء وطلع ينام والساعة تقريبا ست صحى ونزل ولا حصل رغد

توقع إنها في بيت أهله وراح صلى المغرب وراح لهم دخل وحصل أمه وخواته ورغد

بدر..السلام عليكم

الكل..وعليكم السلام

ام سعود..شلونك بدر أبوي تعال عندي هنا

ريم..احم احم يمه بدر تزوج خلاص وأنا ..حرام عليكم

رغد..ريمووه مافيه احد اخذ الحنان كثرك بالعايله

ريم ..أقول يا بنت عبدالله الحين أنا اللي أخذت الحنان اجل أنتي ايش أخذتي

ام سعود..بدت الحرب بينهم

ريوف..ريم رغد فكونا الله يخليكم من هالسالفه

رغد..بشرط

ريوف..قولي

وبدر مبسوط أول مره يشوف رغد طبيعيه وتحكي بحريه

رغد..تقدمين لي اعتذار بالجامعه

ريم وريوف..ليييييييييييييييه

رغد..ما ابي ادرس هاالترم

بدر..حرام رغد هذا آخر مستوى

رغد..لأنه آخر مستوى بعتذر لأنه يحتاج تركيز وانا بصراحه مالي خلق

ام سعود..والله يا بنتي سوي اللي يريحك

رغد..هاريوف شقلتي

ريوف..اوكي

ريم..بدر

بدر..ايوه

ريم وحبت تعرف لان بدر كان واضح انه مرتاح .....شكلك ماشبعت نوم .؟؟

بدروهو مبتسم ..لا والله اليوم نمت نومه كذا ويأشر بيده

ريوف..وش معنى ..؟؟

بدر..أسباب كثيره ..المهم ما احد بيتكرم ويعمل لنا شاهي ؟؟

رغد وبأبتسامه ...من عيوني وقامت

ريوف..رغوده اخوي يشرب الشاهي سكر زياده

رغد..ههههههههههههه أولا احد قال لك اني مالي الا دقيقه متزوجه اخوك

الكل..هههههههههههه

ريم..وثانيا ..؟؟

رغد..لو كان السكر قليل فيه ناس كلهم على بعضهم سكر ينفعون يحركون البياله ويكون احلى شئ

ريم..ومن هالناس اكيد انا

رغد..اقول ياحلوه الحقوق محفوظه

ريم..طيب عرفنا انك السكر وثالثا ..؟؟

رغد.والله عطيتك وجهه خلاص حلى هو وطلعت للمطبخ

ريم..هههههههههههههههه هين يارغيده تشوفين

ام سعود..الله يسخر لكم يارب الله هذي رغد كني مضيعتها ورجعت هذي رغد اللي نعرفها

بدر..يقول بخاطره الكل لاحظ التغيير مو انا يعني رغد هذي شخصيتها الحقيقية

والحزن والنكد والهم قناع كانت لابسته لكن ايش الاسباب

وتذكر كيف حطم فرحتها أمس لما طلب اسم الحبوب ومع هذا حافظت على هدوءها وبالعكس

غريبة هالانسانه توقعت أني أعاقبها بهالطلب لكن اثر العقاب ما طال الا دقايق بس

بعد ما رجعت رغد وجلست دق التيلفون وشال بدر السماعه

بدر..الوووو

المتصله..مساء الخير

بدر..مساء النور

المتصله ..اهلين بدر ..؟؟

بدر..هلا أختي من معي ..؟؟؟؟

المتصله ..يحق لك ما تعرفني لأننا ما نشوفكم إلا بالاعياد وصوتي لازم تنساه

معك لمى بنت خالتك

بدر وكان ناسي لمى لأنها ماتعني له شئ.....هلا لمى شلونك وشلون خالتي والعيال

الكل كان يسمع المكالمه ويعتبرونها عاديه الا رغد اللي تذكرت لمى بملكت سلطان

كيف سلمت على بدر وبعيونها حب واضح

وضح التغير على رغد ولا احد لاحظه

بدر..سلمي على الأهل لمى معك ريم

بدر لاحظ رغد لكن قال انا ما سويت شئ يزعلها ليش كذا تغيرت غريبه ..

بدر..تسلم عليكم لمى

ام سعود..الله يسلمها ابوي والله ودي أعزمهم عندنا هالاسبوع

ريوف...لايمه مالي خلق

ام سعود..مو لازم اختي وبشوفها لك او مالك خلق مو لازم

رغد..طيب خالتي اعزميهم واحنا تحت امرك امري

ام سعود ..ما تقصرين يا بنت عبد الله

بدر..الا سعود وينه ما شفته اليوم

ريوف ...صح غريبه ولاحتى نوف

ام سعود..اتصل فيني وقال انه بيروح لبيت عمه الغداء عندهم

وقال امل بتجلس لليل وهو عنده كم مشوار

بدر..ريم خلصينا يكفي كلام

ريوف..رغد بطلع للمشغل تروحين معي

رغد..والله اذا اخذنا الموافقه ماعندي مانع

ابتسم بدر وعرف قصدها ..اوكي انا طالع ولاتتأخرون ارسلي لي مسج اذا رجعتي

طلع بدر وقالت رغد بصوت واطي لريوف يعني لا تتصلين لكن هين يا بدر بتصل عناد

ريوف..اقول شوي شوي على اخوي

رغد..قومي يالله اخوك بيذبحني ناقصه عمر من بروده

طلعت رغد وريوف وريم للمشغل وبالسياره

ريم..تصدقون لمى مو بالعاده تكلمني غريبه

ريوف..والله حتى انا استغربت

ريم..اتصلت علي قبل هالمره ولاطولت لكن ما ادري ما ارتاح له

رغد..وربي ولا انا أحس هالانسانه مو قادره اتقبلها

ريوف..اصلا لمى عينها قويه ولاتستحي من احد وخالتي ساكته لها

ريم..الله يهديها

الكل ..امين

بالمشغل ..رغد..بنات عجبني هالفستان شرايكم

ريم..الله جنان بيطلع عليك

ريوف..رغوده بدر مابيوافق

رغد..ليه

ريم..صح بدر ما يحب الفستان العاري مره هذي مشكلتنا معه دائما

رغد..والله مالي شغل حلوو الفستان

ريم..رغد بدر عصبي ولا راح يعجبه

رغد..بقوله اليوم

ريوف.ما بيوافق لا تفشلين عمرك

رغد..نحاول

ريم..الله يوفقك

رجعوا البنات على الساعه تسع وترددت رغد تتصل او ترسل مسج

لكن قالت برسل له مسج لكن مختلف

كتبت فيه ..بدر..انا في بيتنا الحين حبيت اطمنك عمري وترددت تكتب عمري لكن تشجعت وأرسلتها

و أنصدم بدر من الكلمه عمري من رغد قويه والله وقال برد عليها

" اوكي انا ساعه مع سعود وراجع "

شافتها رغد وقالت ..مالت علي قلت الحين بيكتب شئ يفرحني مو عاده يابدر

رجع بدر على الساعه عشر وزياده وحصل رغد بالصاله رافعه شعرها ونازله خصل على وجهها

وببجامه ابيض بأحمر استغرب وقال اول مره شكلها يكون كذا عفوي

صح عاش معها سبع شهور لكن ما فيها العفويه اللي يشوفها

كانت رغد دائما رسميه معه وهو نفس الشئ وكأنهم يعملون واجبات مطلوبه

ماتحركها اي مشاعر صادقه منهم

بدر..مساء الخير

رغد..اهلين مساء النور

بدر..كيف الطلعه اليوم

رغد..ماشي حالها ..تعشيت

بدر..الحمد لله

رغد..بالعافيه

بدر..الله يعافيك وأنتي

رغد..ماني مشتهيه الحين شئ

رغد..بدر

بدر..وكان مركز عليها لاول مره من رجعت له ..ايوه

رغد..زواج سلطان وريوف بعد شهر ونص تقريبا وابي افصل

بدر..امري اللي تبينه انا حاضر

رغد..مو هنا المشكله

بدر..بأهتمام اجل وين ؟؟

رغد..وبأبتسامه ساحره..بصراحه فيك انت

بدر..انا شلون .؟؟

رغد..اليوم شفت فستان حلوووو وربي عجبني وبخاطري

بدر..وين المشكله فصليه

رغد..المشكله انت

البنات صدموني قالوا انك مابترضى لانه عاري

بدر..وبيده انسي الموضوع عاري لا

رغد..طيب اسمعني

بدر..ليش اسمع وهو عاري

رغد وبحركه عفويه قامت وقربت عنده قالت ..الله يخليك بقولك

بدر..حركتها خلته يوافق ل يسمعها لأنها اربكته

رغد وقفت قباله وقالت بقولك شلون عاري بس لا تقاطني خلني اكمل اوكي

بدر..اوكي قولي

رغد ..وتأشر وهو يبتسم ويقول بيده لا

رغد..بدر بعمل له شال الله يخليك والله حلوو

بدر..رغد قلت لا

رغد..طيب اقولك شئ لحظه وراحت تركض لدرج

وكأنها مو مع بدر اللي عاشت معه سبع شهور بشكل ممل وروتيني

طلعت الغرفة ولبست فستان سهره لونه اسود تقريبا قريب من ناحيه القصه للفستان اللي بتخيطه

ونزلت بدر لما شافها نازله خلاص تجمد مكانه شو هالحلاوه رغم ان شعرها مرفوع بشكل عشوائي

لكن شكلها كان يأخذ العقل

رغد..شفت هالفستان بدر تقريبا نفسه

بدر..يعني هذا عادي مو عاري بنظرك..؟؟

رغد..لا ما اقصد كذا الحين ظهري نصه طالع لكن بعمل للفستان شال هذا اول شئ

بدر..حتى لو عملتي الشال ما يكون على طول الوقت عليك

رغد..صح نسيت ورفعت يده وفكت شعرها ونزل على أكتافها كأنها شلال

بدر..عفوية الحركة أعجبته وشكلها كذا كان رايق

رغد..شوف شعري يغطي ظهري يعني خلاص وافق ما تسوى تعبي ولبسي للفستان الله يخليك بدر

أسلوبها معه اللي ما تعود عليه ابدا اجبره ......طيب موافق لكن بشال وشعرك ما ترفعيه

رغد..موافقه تسلم يا قلبي وراحت لغرفتها وعلى الدرج استوعبت الكلمه ياقلبي ..

ههههههههههه مسكين بدر بيقول شفيها مو صاحيه

اما ريووف فكانت حياتها بعد الملكة حلووه وهاديه سلطان شخصيته حلووه لأنه إنسان متفهم

والأجمل انه حنون حتى عبدالله اخوه دائما قريبين من رغد أختهم ويخافون عليها

لكذا سلطان تعامله مع ريوف كان يغلب عليه الحنان والحب سلطان كان يزورهم من فتره لفتره

ويجلس مع زوجته اما مكالماتهم ما كانت تنتهي ابدا تمتد لساعات وكأنهم عايشين بعالم مافيه غيرهم ..

بعد ما رجعت رغد لبدر بثلاث أيام تقريبا بدت تحس بالفراغ البنات الدراسه فرضت عليهم نظام معين

وخلتهم بالوقت اللي تكون رغد فاضيه تكون عند أمها او عند بيت عمها ناصر وأمل مشغولة مع ولدها وبيتها

قالت بتصل بنوف أشوف أخبارها

رغد..السلام عليكم

نوف ..وعليكم السلام هلا والله رغود

رغد..هلا حبيبتي شلونك وشلون احمد وابو احمد

نوف..بخير الحمد لله انتم شلونكم

رغد..الحمد لله تمام

نوف..طمنيني كيف الحبيب معك

رغد...الحبيب ساعه يبتسم وبعدين يندم ويرجع يعصب

نوف....ههههههههههههههه لا والله اخوي حبيب وطيب

رغد....ههههههههههههه اكيد اخوك

نوف..لا والله طيب انتي قولي مو حبيب وطيب ..؟؟

رغد.....لا والله الكذب خيبه

نوف.....ههههههههههههههه وينه الحين

رغد..نايم

نوف..وانتي ليه ماتنامين

رغد..مالي خلق بعدين اسهر بالليل لحالي

نوف...اقول لك شئ ..

رغد..قولي

نوف...بدر يموت على شئ اسمه أفلام رعب هاتي لك من عند بيت سعود وربي يسهر معك هههههه

رغد..والله ذكرتيني بس المشكلة أنا أخاف

نوف..يا شيخه تمثيل تخافين من ايش

رغد..بشوف بسويها يالله أروح اخطط باي

نوف......ههههههههههههه لا تسهرين اخوي كثير بااي

وفعلا اتصلت بأمل وطلبت منها فلم لكن أمل قالت : ما عندي شئ إلا فلم واحد وقديم شوي

الأفلام كلها بالخيمة وتحطمت رغد لكن أمل أقنعتها وأخذت الفلم منها وبالليل على الساعة 12 دخل بدر

وهي توها مشغله الفلم ..

بدر..هلا رغد

رغد..آهلين

بدر..وعينه على الشاشة ..رغد ما شفتي هالفلم من قبل

رغد..لا

بدر ..غريبه

رغد ..لأنه رعب وأنا أخاف

بدر وبابتسامه ..تخافين ..؟؟

رغد..ايه

بدر..بس الفلم ما يخوف

رغد..نشوف بتنام ...؟؟

بدر ويقول خليني أشوف شلون تخاف.. لا بشوف الفلم معك لكن بشرط ..؟؟

رغد تقول بخاطرها والله نوف تعرف إخوانها أكثر من غيرها...آمر

بدر..أنا ما أحب أشوف الأفلام الا بالظلام

رغد..طيب بس الابجوره بخليها

بدر ..اوكي

وجلس بدر مع رغد وانسجم مع الفلم مع انه شافه قبل

أما رغد كانت خايفه فعلا من الفلم والتفت بدر فجأه عليها

وحصلها منزله راسها لان الفلم فيه صوره تخوف كثير

بدر..هههههههههههههههههههههههههههههههه

رغد انتبهت على ضحكته صح سمعتها كثير لكن هنا في بيتها ولا فيه غيرها كانت صدمه لرغد

رغد ومن فرحتها بضحكته ولأنها عصبت من الفلم قامت وشغلت النور وبدر مازال مبتسم ووقف الفلم

بدر..شفيك

رغد..ما أبي أشوفه يخووف

بدر..روحي نامي ههههههههه

رغد..لا والله ما بنام لحالي أخاف

بدر..بكمل الفلم

رغد..طيب بروح عند البنات

بدر..رغد شوفي الساعة كم وين تروحين

رغد ..طيب خلاص بروح أشوف لي شئ اسويه

بدر..لا تعالي خلاص اجلسي جنبي هنا ولا تطفين النور

رغد..لا ما أبي خلاص والله ما بنام أسبوع من الخوف

بدر ومازال مبتسم ....تعالي رغد واسمعي الكلام

رغد..وبصوت واطي..استاهل

بدر.. ههههههههههه طيب خلاص ما بشوف الفلم لكن أبي عصير بعدين ننام

رغد...من عيوني وطلعت

وظل بدر يفكر برغد وعفويتها الرائعة اللي غيرت البيت كله لأنها أعطته حياة جديدة ومختلفه ..

مر الأسبوع بشكل محير جدا لبدر ومتعب كثير لرغد

رغد تحاول وبدر يكابر إحساسه ويوم الأربعاء يوم زيارة الخاله عندهم والكل يتجهز وأولهم رغد

اللي حاسة إن هالزياره تحمل كثير لها ..

[غلا قحطان]

عالجوني
الأخ الفاضل حسن خليل
كل الشكر أقدمه لكم على متابعتكم
دمتم بحفظ الله

[حسن خليل]

عالجوني
الأخ الفاضل حسن خليل
كل الشكر أقدمه لكم على متابعتكم
دمتم بحفظ الله

هذا واجبنا أختي الفاضلة غلا قحطان

وشكراً ألف على طرح الجزء الثاني عشر المشوّق

لكِ فائق احترامي وتقديري

[حياه بلا احلام]

يلا يلا

انا بنطرك لا تتأخرين

[غلا قحطان]

الجزء الثالث عشر

يوم الأربعاء وبعد ما وصلت الخاله وبناتها طلعوا البنات برا بالحديقة وفجأة قالت لمى

لمى ..مها..( مها أختها عمرها 19 تختلف عن ندى 180 درجه) أكيد فيه شئ وحشك في بيت خالتي

مها وتغير وجهها لأنها تعرف قصد أختها تقصد نواف اللي تحبه مها حب صامت

لكن أختها عرفت بحبه بلحظة ضعف من مها

ريم..أكيد وحشتها أنا

مها..والله كلكم وحشتوني

ريم..عن أذنكم بشوف وين ريوف وراحت عنهم

رغد تحاول تكون طبيعيه معهم .....مها أنتي ترسمين صح

مها وبأبتسامه صافيه ..ايه ارسم

لمى ..تصدقين رغد قلت لها ترسم صوره لبدر بهديها له بذكرى ميلاده لكنها قالت لازم صوره له

رغد وهي تغلي من لمى .....ولا يهمك بدر بعيوني صورته إذا حابه تعطي احد يرسمه عيوني لك

انقهرت لمى من رد رغد وقالت ..بتمشى لحالي شوي عن إذنكم

ولان رغد تعرف بدر موجود بحديقة بيتها توقعة لمى تشوفه وراحت من وراء تشوف

وصلت لمى وشافت بدر وابتسمت وتطمنت ان الكل مشغول في بيت خالتها وراحت لعنده

لمى ..اهلين بدر

بدر تضايق منها لأنها كاشفه وتحكي بدلال واضح وقف بدر..اهلين لمى شلونك

لمى ..بشوفتك بألف خير

بدر..عن اذنك

وبالوقت هذا رغد تسمع الحوار وهي بتموت من لمى

لمى ......بدر ما اشتقت لي..؟؟

هنا انصدمت رغد

بدر ورافع حاجبه ....اشتاق لك ..؟؟لمى أنتي ما تفهمين

لمى وتتصنع الضعف ....اللي افهمه شئ واحد إني احبك

بدر..وأنا اعتبرك أخت واحترمك لأنك بنت خالتي وكفاية

أنا انسان متزوج ورجاء انتهينا

لمى .....متزوج بتقنعني انك تحب رغد

بدر..لمى حياتي ملكي أنا رجاء ارجعي للبنات أحسن لك

لمى ..بدر انا احبك وقلت لك قبل ثلاث سنوات اذا تتذكر بالاستراحة لكنك رفضت حبي وترفضه الحين

حرام عليك أنا مستعدة أكون زوجه ثانيه بس أنت وافق ارجووك

رغد..تطلع وهي تصفق أبدعتي لمى وين خالتي تشوفك وأنتي تعرضين نفسك سلعه للبيع وبشكل رخيص

بدر ..تفاجأ برغد ..خلاص رغد

رغد..لامو خلاص في بيتي وتعمل كذا ما احترمت احد ولا قدرت احد

لمى وفقدت أعصابها ......ايه أحبه وأحبه واللي عندك قوليه

رغد..انا الحين راضيه أقولها لك ومستعده أقولها للعالم كله إذا هو يحبك حلال عليك إن شاء الله يتزوجك الليله
لمى وانقهرت من رد رغد اكثر ..يحبني ايه أنتي أصلا غايره مني لأني أحلى منك وهو ما يحبك

واضح ما يحتاج تمثلون الكل يعرف انه ما يحبك

بدر وبصوت عالي ..لمى خلاااص قلت لك أنتي مثل ريوف ونوف وريم

رجاء ارجعي لا الحين اوريك الشغل الصح

لمى وخافت من بدر لأنه خلاص صوته ارتفع ..خلاص ما يهمني المهم انك ما تحبها ما تحبها ما تحبها

وراحت تركض با اتجاه بيت خالتها

بدر..لا حول ولا قوة الا بالله ..التفت على رغد ولا شاف الا دموع غطت وجهها وراحت داخل لغرفتها

وراح وراءها بدر

حصلها مرتميه على السرير وتصيح بشكل يقطع القلب جلس بدر قريب

بدر..رغد أنا ما اعرف منين سمعتي لكن لمى ما تعني لي صدقيني

رغد ومن بين دموعها ....اعرف سمعت كل شئ

بدر..طيب ليه تصيحين اجل

رغد تمت تصيح لحد ما سمعوا احد يدق الباب

بدر ..ايوه مين

نوف..انا نوف بدر


بدر وفتح الباب ودخلت نوف اللي تفاجأت من شكل رغد وهي تصيح ومنهاره

نوف..شفيكم..؟؟

وراحت لرغد وحضنتها وتمت رغد تصيح بشكل يعور القلب طلع بدر لكنه وقف قريب يبي يعرف ليه رغد

منهاره كذا

قالت رغد اللي صار لنوف..

نوف..طيب أنتي سمعتي بدر انه ما يحبها ويعدها مثل أخته ليه معصبه وزعلانه

رغد..زعلانه لأنها تقولها بثقة ما يحبك زعلانه لان الكل يعرف انه ما يحبني

نوف بدر ما يحبني يكرهني وبيطلقني

نوف..رغوده حبيبتي شفيك خليها تقول اللي تقوله من القهر

رغد..لامو من القهر كانت واثقه الحين الكل يعرف انه ما يحبني ولا هو مبسوط معي

بدر ودخل فجأه للغرفة .......ومن قال هالكلام ..؟؟

سكتت رغد ما توقعته سمع كلامها واضح انه معصب

بدر..سعادتي ما يقررها غيري يا رغد لا لمى ولا أي شخص سعادتي أو حبي أنا اللي اقرره

اذكري الله وقومي عندهم وانسي اللي صار ولا اعتقد وحده مثل لمى تأثر عليك بكلامها السخيف

رغد..ما اقدر أروح بنام اتركوني

نوف..اللي يريحك حبيبتي لكن لا تحطين ببالك

وسعادتكم ما توصلون لها مره وحده تحتاجون وقت

طلعت نوف وسحبت بدر معها

نوف وودها تبح بدر ... ..بدر أسألك بالله من رجعت لرغد قلت لها كلمه حلوه أنا عمري ما حسيت إنها زوجتك

بدر..........

نوف..أنت مو صغير حتى أعلمك او أفهمك

أنا أعرفك أنت اخوي أنت صح ما تقصر مع رغد بشئ ولا بحق من حقوقها لكنك

تعطيها كل شئ لكن عندها أنت ما تعطيها شئ تدري ليه لأنك تفقد عطاءك إحساسك الصادق

حاول تنسى اللي صار لا يصير قلبك اسود

رغد غلطت اوكي ما اختلفنا لكن لا تتوقع إن أسلوبك كان صح العقاب مو كذا يا بدر

البنت تحبك وأنت أول واحد حاس بهالشئ

اذا فعلا ما تحبها ولا قدرت تتكيف معها لا تعذبها انفصل عنها بالمعروف

بدر..نوف خلاص أرجوك اللي فيني كافيني

نوف وانقهرت من بدر ..الكلام معك ضايع حتى دموعها ما هزتك ولا حركت فيك شعره ..باي

طلعت نوف وتركت بدر حاير يفكر باللي صار كلام نوف وكلام لمى وانهيار رغد

وهل فعلا الكل يشوفه مو مبسوط رغم انه مرتاح بحياته مع رغد هي ما تقصر معه بشئ وهو يرتاح بوجودها

أخيرا قرر بدر انه يراضي رغد ويطلعون يتعشون برا

وبعد المحاولة مع رغد وبعد ما هدأت وافقت تطلع مع بدر

وطلعوا كانت الطلعة هاديه تكلمت فيها عيون رغد ونقلت كل الحب والعتب لبدر

اللي حاول يتجاهل هالرساله رغم ان قلبه بدأ ينبض لها ..


يوم الأحد تقرر موعد رجعت نواف أخوهم الصغير عمره 24 بعد ما أنهى دراسته

وحصل على شهادته في مجال الاقتصاد

رجع نواف والكل مبسوط برجعته في بيت بو سعود

سعود..نواف ما قلت لي شرايك بسالم

سلطان ..ولد ابوه والله استنساخ منك يا سعود حتى الابتسامة

سعود..ههههههههههه عاد ابتسامتي تذبح صح

بدر..سعود انت مين معطيك مقلب بنفسك

ريم..والله سعود أحلى إخواني

سعود..هههههههههههههههههههههههههههه كفوا الريم والله

رغد..وبصوت واطي ..يبي لها كف ريمووه وبدر ما ملئ عينها

ريم..أنا سمعت احد يقول يبي لي كف والصوت اعرفه

ريوف..ريم والله إخواني كلهم حلوين كل واحد له ميزه

نوف..أقول انتم وإخوانكم والله شيخكم احمد

سعود..روحي أنتي واحمد الشيخ سالم بن سعود ولدي


نواف ..أقول أنت ويااها ذبحتونا بعيالكم

بدر..سعود عندي لك خبر

سعود..خير ان شاء الله

بدر..بسافر

رغد..شهقة وتسأل وين بيروح ما قال لي

نوف..بدر وين بتروح وليه

ريم..بسافر معك

ريوف..اعنبوكم زوجته ما سألت كثركم

ريم..زوجته أكيد تدري يا فالحه

رغد..لا والله توني اعرف

بدر..ههههه طيب خلوني أكمل

سعود..قول يالله

بدر..وبروح لمكه تخاويني

رغد وبكل عفويه ...وآنا بدر بروح معك..؟؟

بدر وبابتسامه ..أكيد أنتي معي

انبسطت رغد أول مره ما يفشلني

امل..لا ما بيروح أنا داخله دورة كمبيوتر ما اقدر أروح

نواف طيب خليه ياخذ أجازه منكم ويرتاح هههههههه

امل..ليه وش قالوا لك يرتاح منا ....سعود بتروح؟؟

سعود..والله ما هي شينه لكن بصراحة أسبوع من غير سالم وأمه ما اقدر عليه

الكل .واااااااااااااااااااااااااااااااو

نواف ..الحين أنت طالع أجازه يا بدر سعود بيكون شغل إذا هو معك

سعود..خسك الله يا نوافوه أنا شغل الله يشغلك بوحدة ما تخليك تنام الليل من كثر كلامها

الكل...ههههههههههه

نواف..حرام سعود استغفر الله

بدر..يا لله يا جماعه أنا بروح يا لله رغد مشينا

بدر ورغد..تصبحون على خير

الكل..وانت من اهل الخير

وبعدهم طلع سعود وأمل ولا ظل غير البنات مع نواف بعد ما طلعت نوف لبيتها

نواف..أقول كيف بدر مبسوط بحياته

ريوف..نقول ان شاء الله بدر صعب الواحد يعرف اذا مبسوط او لا

نواف ..أنا أحسه تغير عن أول

أول من اكلمه معصب لكن الحين تغير حتى كلامه تغير

ريم وتدخل عرض بالسالفه ......نواف متى بتتزوج

نواف ..توني حرام عليك ما امداني ارتاح

ريم..عندي لك عروس قمر

نواف تحمس..من هي

ريوف..يالخيانه ليه ما قلتي لي

ريم..تعرفينها أنتي

ريوف ونواف ..مين

ريم..مها بنت خالتي

ريووف..الله عليك مها فنانه والله

نواف..من مها أنا أتذكرها صغيره كم عمرها

ريم..مها عمرها الحين 19 أول سنه بالجامعه فنون جميله رسامه درجه أولى

سلطان..أخت لمى صح (الكل يعرف لمى لأنها ما تستحي ولا تحشم احد)

ريوف..صح لكن عكسها مها قلبها ابيض ما تعرف حركات لمى

نواف وبأبتسامه ......حلوه

ريم..قمر

نواف..يالله نروح نخطبها

ريم وريوف..هههههههههههههه

ريم ..صدق نواف مها طيبه لا تضيعها

نواف ..يصير خير ..بااي تصبحون عل خير


يوم الاثنين الساعه عشره الصباح نزلت ريم ولا حصلت احد الا الشغاله سألتها عن أمها قالت أنها راحت عند

ام سلطان

طلعت ريم للجامعة عندها محاضره على الساعه 11 وهي طالعه صادفتها امل ..

امل ....ريم ما رحتي للجامعه

ريم..الحين رايحه ليه

امل..ريم متى محاضرتك

ريم..11

امل ..اوكي حبيبتي اطلبك

ريم..امري

امل..حطي سالم عند أمي لان عندي موعد بالمستشفى وسعود يالله يوصل على وقت الموعد

ريم..اوكي يالله وينه

امل..ثواني

أخت ريم سالم وكان نايم وراحت لبيت عمها

لكن اللي صار أن فيه سيارة ظلت تلاحق سيارة ريم من مكان لمكان وريم ما انتبهت لها

وصلت ريم ولان سالم نايم نزلت تعطيه ام خالد ولا انتبهت على السيارة اللي واقفة قريبه منها

وتوها بتدق الجرس الا يطلع خالد

ريم تفاجأت فيه

ريم..السلام عليكم

خالد ..وعينه على السيارة اللي واقفه ....ادخلي

ريم استغربت من رده والتفت بشكل عفوي تشوف شو يناظر

خالد وهو واصل حده ..قلت ادخلي

دخلت ريم وخالد راح يشوف السيارة والشباب من شافوه رايح لهم راحوا بسرعه

ورجع خالد وريم توها بتطلع

خالد..وبنظره كلها نااار .....ما كان المفروض تنزلين وهم وراك

ريم..ومن غير ما تلتفت عليه..ما انتبهت لأحد

خالد..ما انتبهتي..!!

ريم..عن إذنك

خالد......شوفي ريم المفروض انك أصلا ما تطلعي

ريم وعصبت من أسلوب خالد ونظراته المستفزة وكأنها عامله جريمة قاطعته.....المفروض أبوي اللي له الحق

فيه

وطلعت وطلع خالد ونزل عن الشباك وقال......ريم عدلي أسلوبك هالمره بكيفي أمشيها لك

ريم..ولا ردت عليه وابتعد وراحت ريم للجامعة وهي معصبه منه

معقوله هذا خالد اللي أقول انه مختلف ومتفهم

يالله ما توقعته كذا وظلت معصبه ولا ارتاحت الا لما وصلت للجامعة وقالت لعبير صديقتها كل شئ

عبير....ههههههههه يا قوي عينك رديتي عليه

ريم..عبير أنا والله ما انتبهت لسيارة بعدين لو تشوفين شلون يناظرني

عبير....ريم انا أشوف انه تصرف طبيعي منه بااعتبار انه ولد عمك

ريم..يا شيخه بلا هم خلينا نروح للمحاضره

[غلا قحطان]

الف شكر اخي حسن خليل على
روعةشخصك ..,
واناقة قلمك ..,
ورقي كلماتك ..,
دام لي حظورك ..,
أحـترامي وتقديري ..,

[غلا قحطان]

عالجوني
يسعدني تواجدك الدائم ومتابعتك الفعالة
والمعذرة لسوء الفهم الذي حصل
لك كل الشكر

[غلا قحطان]

الجزء الرابع عشر ..


مرت الأيام سريعة وبدر تأجلت سفرته لمكه

وبيوم الجمعه الكل كان موجود إلا سعود كان نايم لأنه سهران ونواف عنده شباب بالمجلس

كل البنات موجودين وبدر ورغد

رن جوال ريوف وكان قريب من رغد شافت الرقم وابتسمت لأنها عرفته

رغد..ريوف برد الله يخليك

ريوف وهي مستحيه لان بدر جالس أكيد عرف من المتصل

ريوف ..بابتسامه وجهها كأنه طماطه ..ردي

ردت رغد ولا تكلمت
سلطان..هلا وغلا عيوني

رغد..هههههههه هلا فيك

سلطان..ههههههههههههههههههههه رغوده زين ما قلت شئ ثاني

رغد..شلونك سلطان

سلطان..يسرك الحال بشريني عنك وعن بدر

رغد..الحمد لله تمام..أمي وأبوي شلونهم

سلطان..الحمد لله وينك ما تجين

رغد..وتناظر بدر ما عندي احد يجيبني ....لما شافته رفع حاجبه ..ههههههههههههههه امزح يمه خفت

سلطان ..عندك بدر

رغد..ايه

سلطان..حطي سبيكر

سلطان ..مساء الخيرات ابو سالم

بدر..هلا مساء النور سلطان شلونك

سلطان..الحين ما تقول لي ليه تخوف أختي ترى هي رقيه ما تستحمل هههههههه

بدر..لا تخاف أختك بعيوني وبعدين ما بتكون احرص مني عليها أنت خلي بالك من ناس ثانيين

ريوف استحت منهم وطلعت... وطلعت ريم معها وضحك بدر


بدر..أقول سلطان أحرجنا البنت الله يخسك

سلطان..والله انت زوجتك اللي احرجتوها وينها ريووف

بدر..هههههههه ما عندك احد طلعت

سلطان..افا والله

بدر..سلطان عندي لك اقتراح

سلطان..سمعنا

بدر..أجل زواجك لإجازة العيد

سلطان..رغد

رغد..ايوه

سلطان ..اذبحيه الله يخليك

رغد..بسم الله عليه اذبحه عشان زواجكم إن شاء الله يتأجل سنه

سلطان ..خليه ينفعك

بدر..طبعا بنفعها مو انا زوجها

سلطان.....والله أقول مالت عليك أنت وزوجتك عطوني زوجتي

رغد....سلطان حبيبي زوجتك تشوفها بيوم الزواج خلاص ما فيه حتى مكالمات

سلطان.....رغيده أشوف صرتي المتحدثة الرسمية باسم زوجك

بدر.....هههههههههههههههههههههااي سلطان

رغد...والمتحدثه عن ريوف بعد

سلطان..عطيني زوجتي وروحي له ينفعك

رغود..سلطان زعلت خلاص الحين ريوف تراضيك ههههههههه

سلطان ..ايه تراضيني مو زوجتي صح يا بدر

بدر..حلوو الكلام صح كل واحد تراضيه زوجته وينتهي الموضوع

سلطان..ههههههههه طيب يالله مع السلامة وعطوا ريوف الجوال بتصل فيها

بدر..مع السلامه

رغد وهي جالسه بمكانها ....ريوووف


بدر..لو شو ما صار ما بترجع بعد ما احرجناها قومي عطيها

رغد..مالي خلق أقوم

بدر ويناظرها بطرف عينه .... ..وليه إن شاء الله

رغد..والله ودي أنام

بدر..نامي

رغد..أقولك مالي خلق أقوم ولا أتحرك

بدر..نامي هنا

رغد..هنا؟؟

بدر ..ايه هنا غرفتي فوق تعالي ننام لنا ساعة حتى أنا بنام

رغد.. يعني بقوم حتى أروح للغرفة

بدر وهو واقف ويناظرها بابتسامه .....شرايك أشيلك

رغد استحت وقالت لا بقوم يالله وطلعت لغرفة بدر القديمة بدر نام على السرير

ورغد كانت بالحمام وهي راجعه فتحت درج معين

وأخذت منه علبة الكريم اللي دائما بدر يحطها بهالدرج

بدر..وبصوت عالي..رغد

خافت رغد..شفيك خوفتني

بدر ولأول مره يقولها ..بسم الله عليك لكن شلون عرفتي مكان الكريم وكأنك متعوده

رغد انقلب وجهها صار لونه احمرر وسكتت

بدر وبأبتسامه ......دخلتي غرفتي قبل صح

ابتسمت رغد..كثير

بدر ورافع حاجبه ..بعد كثير !!!!...هالكلام بعد او قبل الزواج

رغد..بصراحة قبل

ابتسم بدر طيب خلينا ننام الحين وبعدين يصير خير الظاهر أشياء كثيرة ما كنت اعرفها

وتم يفكر هذا يأكد محبة رغد له قبل الزواج بدليل إنها تعرف غرفته وأغراضه واماكنها


بدر تغير كثيرا وبدأ يحس بالاستقرار مع رغد

لكن للأسف بكل مره يرجع يقنع نفسه انه مو مرتاح معها وإنها ترفضه مهما حاولت تقنعه بتصرفات

هذا بدر صعب المزاج وتفكيره كذا يعني كل اللي تعمله رغد من كل قلبها هو يعتبره تمثيل وبداخلها رافضته ..


والمغرب الكل موجود العيال والبنات قالت ام سعود ...وين سالم يا أمل

امل..نايم يا خالتي

ام سعود..الحين عندي ثلاث عيال ولا عندنا إلا حفيد واحد

سكت بدر ورغد نزلت رأسها وريوف ما تمنت ان أمها قالت هالكلام

لان تعرف إن أساس مشكلة بدر ورغد هالموضوع

نواف.....الحمد لله إني مو متزوج ...الحبايب أنت وياه الكلام موجه لكم

سعود.....ولا يهمك الغاليه إن شاء الله كل سنه حفيد جديد

ابوسعود...والله ما نبي كل سنه

نواف.....ههههههههههههههههههه أبوي الله يطول بعمرك مو لازم أحفاد ما نكفي إحنا

ابوسعود..تكفون بس الصغار حياة كل بيت

رغد حست إنها ما تقدر تجلس أكثر قامت بهدوء وطلعت وطلعت معها أمل

امل......شفيك رغد

رغد..ولا شئ

امل ..أحسك متضايقه

رغد.....زين فيه احد حس فيني

امل ..رغد حبيبتي ليه هالكلام أنتي تعرفين غلاتك عند عمي ومرت عمي والبنات

رغد..اعرف والله لكن أنتي تعرفين من اقصد

امل....ما تغير

رغد.....حاولت يا أمل.... تنازلت كثير

أمل....رغد تكلمي بصراحة حتى اقدر أساعدك

رغد ..ونزلت دموعها تعبت يا أمل صح أنا مالي إلا ثلاث أسابيع راجعه له

لكن ضغطت على نفسي كثير والله يا أمل إني اسكت وانتم تشوفون ما يجلس بالبيت إلا وقت النوم

و أوقات متفرقة قليله عمري ما سمعت منه كلمه حلوه ولا حتى بالغلط

أمل.....رغد حبيبتي أنتي تحبين بدر والي أنا أشوفه انك رجعتي رغد اللي نعرف

لكن أنتي مره حسستي بدر بالحب بطريقه غير الاهتمام

رغد.......ما فهمت شتقصدين ..؟؟

أمل.....اللي اقصده رغد أن الكلمة الحلوة اللي تتمنين تسمعينها منه أنتي قلتيها له

رغد.....

أمل..رغد خذيها نصيحة من أختك أعطي بدر كل شئ تتمنيه منه لا تترددين بكلمه صادقه

عطيه إحساسك مثل ماهو من غير أي اختيار وانتقاء ومراعاة وصدقيني الرسالة راح توصل له بشكل أو بأخر

لكن أعطي بدر إحساسك

رغد.....الله كريم ادعي لي

أمل ..الله يوفقك تعالي ما قلت لك وش صار بين ريم وخالد اخوي ..

ودخلت ريم وريوف وريوف ما تدري عن اللي صار قالت.......و.ش صار بينهم

امل .....قولي أنتي يا ريم

ريم ....والله ما احد عكر مزاجي من الصبح إلا أخوك

أمل اتصلت على خالد من غير ما احد ينتبه لأنها قالت له ريم ما تعصب وترد كذا إلا إذا أنت غلطان

وحبت تقنعه لان ريم بتقول اللي صار ..

رد خالد بالبداية ما فهم شئ لكن انتبه بالأخير وسمع ريم اللي قالت اللي صار بالضبط

ريووف.....ريمووه شو هالرد ما تستحين

ريم وبصوت شوي حاد .....لا حبيبتي ما بستحي ليه أنا ماسويت شئ غلط

أمل..طيب ريم هو أكيد عصب لأنه شاف السيارة

ريم..على عيني يعصب وأنا ما زعلت من هالشئ لكن أسلوبه وهو يكلمني

ولا نظرته وكأنه أنا اللي قايله لهم تعالوا وراي

لا حبيبتي أنا ما برضى أي شخص ينظر لي هالنظره حتى لو هو أخوك مع احترامي لك وله

رغد..الحين انتم ليه مكبرين الموضوع ما صار شئ

ريم....والله أنا صراحة منقهره منه

امل.....ههههههههههههههه وأخيرا حصلت احد يقهرك

ريوف.....هههههههههههههه أمل المشكلة إنها ما قصرت خذت حقها

أمل قطعت الاتصال وشوي ويتصل خالد قالت أمل الطيب عند ذكره

ريم تعمدت تجلس بتسمع وبعد ما سلم خالد على أمل

خالد.....والله بنت عمك هذي صدق إنها بنت سالم

امل....أهم شئ انك فهمت مثل ما قلت لك

خالد.....فهمت وصدقيني نظرتي على قولها ما تعمدتها عموما حصل خير هي عندك

امل.....ايه

خالد.....زين اسأليها للحين معصبه

امل.....ريم يقول خالد للحين معصبه

استغربت ريم وريوف ورغد لكن بالنهاية هذا خالد وكل شئ متوقع منه

ريم وبصوت واطي.....لا

امل.....تقول لا

خالد.....زين قولي لها كل يوم تمر بسالم عشان ألاقي احد اعصب عليه

امل....هههههههههههههههههههههه

ريم عرفت انه قال شئ عنها ما قالته أمل ففضلت إنها تسكت وتطلع من عندهم


نرجع لخالد الشخصية المختلفة بالعائلة كلها واللي الكل متعود عليه وأسلوبه صريح لدرجه خياليه

يعرف كيف يكسب أبوه وعمانه رغم ان أفكاره متحرره عن العادات اللي متمسكين فيها أهله ..

بيوم كان الكل بمجلس ابو خالد

ابو سعود..ها ياابو خالد متى بتفرح بولدك

ابو خالد..الله يهديه اذا تقدر عليه أقنعه

ابو سعود..خالد الحين أنت وراء ما تكمل نص دينك وتعرس

خالد..الله يطول بعمرك يا عمي العرس شر لابد منه

الكل..ههههههههههههههههه

سعود..يا أخي لا تكون متشائم الزواج استقرار

خالد..طيب اوكي لكن الزواج هم والله اتحدي واحد منكم يقول لا

مسؤليه والالتزام تغير جذري بحياتك

ابو سلطان..يا ابوي بتجلس عزابي طول عمرك

خالد..لا إن شاء الله قريب بعرس وبتفرحون

ابو سعود..ان شاء الله أنت اشر وإحنا مستعدين نخطب لك

نواف....وأنا يبه أبي تخطب لي بس مو من السعوديه

ابو سعود وتغير وجهه ..اجل منين ؟؟

نواف وهو يحاول يداري ضحكته ..من الديرة اللي كنت عندهم

ابوسعود..خسك الله كانك بتعرس منهم

نواف..أعرست وخصلت

ابو خالد..نواف وراء ما تترك ابوك بحاله

نواف ....هههههههه والله عمي فاهمني امزح معه ..ولا يهمك يالغالي

بنات السعوديه ما فيه مثلهم تاج على رأسي

ابو سعود والابتسامة على وجهه..كفوا بولدي

بدر..الحين انا بمشي للشباب بالاستراحة تخاونيي

طلع الشباب ولا بقى غير الإخوان وبعد العشاء الكل راح على بيته ..


وفي بيت بو سعود ريم ماسكه التيلفون وتكلم صديقتها عبير

ريم..عبير مليت أنتي شو تعملين ..؟؟

عبير ..أنا على النت يا قلبي

ريم..ما تملين منه والله ما اتحمل اجلس عشر دقايق

عبير..ريم النت وسيله اكتب من خلاله اللي ما اقدر أقوله أو اعبر فيه بحياتي

أنتي تعرفين إني عايشه مع جدتي بعد وفاة أمي وأبوي وخالي في بيته مع زوجته وعياله

ولا عندي حتى احد اسولف معه جدتي الله يرفع عنها على طول نايمه من الادويه وأنا جالسه كذا

ريم..طيب حبيبتي أنتي وش تكتبين بالنت

عبير..انا اكتب خواطر وأشارك ببعض المواضيع

ريم..طيب كيف النت الكل ينقله ويكتب باسمه يعني ما يحفظ لك حقك

وأنتي من خلال اللي اطلعت عليه ما شاء الله مميزه

عبير..ما يهمني صدقيني المهم أني اكتب أن احد يقرأ إحساسي ولا يظل حبيس بداخلي

ريم..تصدقين ولد عمي شاعر درجه أولى عليه كتابات تأخذ العقل وأسلوبه جنان

عبير..أيهم اخو رغد او نوف..

ريم..اخو رغد عبدالله واعتقد انه يكتب بالنت لكن ما اعرف بأي منتدى

عبير..حاولي تعرفين بشوف كتاباته

ريم..بسأل رغد وأقولك

عبير ..اوكي أنا بطلع أصلي وأنام شوي تأمرين بشئ الغاليه

ريم..سلامتك عيوني باي

عبير ..باي

حزنت ريم على حال صديقتها الروح بالروح تحس إنها بخير ونعمه عايشه مع أهلها أمها وأبوها وإخوانها

حمدت ربها على هالنعمه وراحت تصلي وحصلت بالغرفة ريوف رغد وامل

ريم..السلام علييكم

الكل..وعليكم السلام

ريم..اعترفوا وش عندكم بالغرفة جالسين

امل..نحش فيك

ريم..ما تقدرين ..بخلي سعود يتزوج عليك

رغد..هههههههههه والله تخوفين ريم

أمل..مسكينه أنتي ريمووه حبيبي ما يقدر لأنه يحبني

ريوف..ايووووه يا واثقه

أمل..طبعا حبيبتي الله لا يحرمني منه قولوا آمين

الكل..آمين

ريم..تصدقين ريوف كنت اكلم عبير وضاق صدري عليها

رغد..عبير ما غيرها صديقتك

ريوف..شفيها

ريم..كسرت خاطري والله هالبنت طيبه لكن نصيبها دائما لحالها حتى إذا مرضت ما عندها احد

امل..طيب هي من زمان ماجت عندنا ليه

ريم..جدتها تعبانه ولا تقدر تتركها بالجامعة تجلس على أعصابها كل ساعة تتصل تتطمن عليها

رغد..والله أنا حبيتها من أول ما جلست معها شكلها بنت أصول و متربية

ريوف..مسكينه والله تكسر الخاطر لكن زين إن عندها نت على الأقل تضيع وقت

ريم..توها تقول هي تشارك بمنتدى وماخذ وقتها

رغد..اي منتدى خلينا نشوف كتاباتها

ريم..إلا بسالك عبدالله بأي منتدى يكتب ..

الكل وعلى وجه علامة استفهام من سؤال ريم

ريم..شفيكم بسم الله كنت اسولف معها لأنها تكتب خواطر

وتكلمنا على الشعر وذكرت قصايد عبد الله اللي شفتها عندك

وقلت لها عليها سألتني عن المنتدى ولا عرفت اسمه

رغد سرحت بعيد بعدين ابتسمت وقالت ما اعرفه لكن بحاول اعرفه منه إلا هي بأي منتدى تشارك

ريم..قالت لها اسم المنتدى

ظلوا البنات يتكلمون عن زواج ريوف اللي باقي عليه شهر بس بعد الاختبارات بأسبوع زواجها

وهي لأنها تدريب تنتهي قبل بداية الاختبارات يعني عندها فتره ترتاح فيها ...

وفجاه دق جوال أمل وردت

..امل..مساء الورد هلا والله با اخوي وحبيبي شلونك

خالد..هلا بالقاطعة اللي ما تسأل
أمل..حرام أنا كل ما أكون عندكم أنت مو موجود قولي خالد لا تكون تزوجت وإحنا ما ندري

خاالد..ههههههههههههههههههههههه والله ما هي بشينه

امل..صدق خالد خلاص عاد فرحنا خلني أصير عمه

خالد..أن شاء الله قريب

امل..صدق..؟؟

ريم عورها قلبها من كلام أمل يعني خالد وافق على الزواج

خالد..صدق بس لا تشتغلين خطابه أنا اللي بختار

امل..شلون تختار من الشارع

خالد..كيفي المهم من اختيار

امل..خالد عندي لك وحده قمر وربي قمر

خالد..اللي بقلبي قمر

امل..وشهقة وقالت من اللي بقلبك قول الله يخليك

خالد..ههههههه لا تحاولين امووول

امل...خاااااااااااااالد

خالد..أمل نسيتيني ليه اتصلت عليك شوفي أبيك تمري على بيتنا بكرا إذا تقدرين

امل..ليه ؟؟

خالد ..بطلع مع الوالد للمزرعة من الصبح تعالي عند أمي لا تجلس بروحها

أمل.وتكلم البنات ...بنات كلكم عندي في بيت أهلي بكرا

خالد..أنتي وينك.؟؟

أمل..في بيت عمي

خالد..ما علينا اوكي بكرا امل

أمل..اوكي سلم على أهلي

خالد..يوصل ..باي

امل..باي..

قالت لهم أمل اللي صار مع خالد والكل كان يعلق إلا ريم اللي أمل حست فيها

لكن سكتت قالت اخوي واعرفه ما بيعمل إلا اللي براسه ليه أعشم البنت بشئ وأنا ما ادري عنه ..

ظلت ريم تفكر بخالد وتسأل نفسها يا ترى اهتمامي فيه إعجاب او شئ ثاني ..
خالد دائما يثير اسأله ببالي أتمنى احصل لها أجابه

وغير كذا وسامته تخليني غصب أفكر فيه ..

ريم تعبت من كثر ما تفكر بخالد بالأخير قالت يا ريم لا تتأملي شئ

خالد مختلف من زمان وهو يقول ما بأخذ إلا من اختياري يعني انسي الموضوع ..

طلعت ريم من غرفة ريوف ونزلت تحت عند نواف..

ريم..آهلين أخي العزيز

نواف ولا رفع رأسه ..هلا

ريم حست نواف واصله معه وقربت عنده.. نواف

نواف وبنفس الوضع ..نعم

ريم..فيك شئ تعبان..؟؟

نواف..ههههههههههههههههههههههههههههههههههااااي

ريم..حرام عليك والله خوفتني

نواف..هههههههههههههههااي والله انك خبله ريم

ريم..اضحك وأنا أقول بجلس مع اخوي حبيبي ماانت كفوا وقامت عنه

نواف..ريم حلفتك بالله ارجعي والله امزح

ريم..وهي تبتسم المشكلة أني احبك

نواف..احم احم أصلا اعرف انك تحبيني

ريم..طيب نواف بطلب منك طلب ..؟؟

نواف..وهو يفكر قولي لكن ما اضمن أني أنفذه

ريم..نواف اقنع أهلي إننا نطلع للثمامه ونأخذ لنا شاليهات هناك

نواف..الله يالثمامه والله اشتقت لأيام السهر ذكرتيني بطلع مع الشباب للمخيم

ريم..نواف أنا أقولك عشان تطلع

نواف ..زين اسمعي شرايك نطلع للمخيم أحسن من الشاليهات

ريم..طيب حلووو لكن اقنع أمي وأبوي

نواف مو انتي تحبيني..؟؟

ريم باستغراب..ايه

نواف..هههههههههههاي كلهم مثلك ما يرفضون لي طلب

ريم..هههههههههههه أمووت على الثقة أنا

نواف..طبعا أنا نواف ..المهم أنا طالع وبكرا إن شاء الله أقنعهم باي

ريم..باي

[غلا قحطان]

الجزء الخامس عشر ..


ومن بكرا مثل ما وعدت أمل أخوها راحت الظهر بيت أهلها واتفقت مع البنات إنهم يروحون عندها

لكنهم قالوا عشان رغد بيروحون لها العصر ..

رغد ما قالت لبدر شئ عن الروحة لبيت عمها لكن اتصلت عليها ريم تسألها إذا بتروح ينتظروها العصر

وإذا ما بتروح يروحون يتغدون بعد الجامعة عند أمل رغد قالت بسأل بدر وارد عليك ..

والحين رغد لها شهر من رجعت لبدر ولا عمرها بيوم اتصلت فيه معظم تواصلهم عن طريق المسجات

لكن هالمره قالت بتصل فيه تقول بنفسها والله اشتقت لصوته واتصلت

بدر كان مشغول بالشركة وقطع عليه صوت الجوال أخذه واستغرب هذي رغد

وكان مخزن رقمها باسم( البيت 2 (

بدر..الووو

رغد..آهلين بدر

بدر..هلا رغد

رغد..يعطيك العافية لا أكون أزعجتك

بدر..الله يعافيك لا ابدا امري

رغد بخاطري بينهي المكالمة بسرعة امووت واعرف لها الدرجه أنا إنسانه ما أُطاق ..سلامتك بس حبيت اخذ

إذنك

بروح مع البنات عند أمل بيت أهلها

بدر..بيت عمي ..؟؟

رغد..إيه لان خالتي ما عندها احد عمي وخالد طالعين للمزررعه

بدر ..ايه صح اوكي طيب لكن ..وسكت كان بيقول هالموضوع كان ممكن تأجليه لحد ما ارجع

لكن غير رايه وحس انه يجرحها كذا

رغد..خير بدر فيه شئ

بدر..لا ما فيه شئ متى بتروحين

رغد..بروح مع البنات العصر هو ينتظروني

بدر..اوكي مو مشكله

رغد..طيب انا ما اطول عليك يالله بااي

بدر..باي

سكرت رغد من بدر وهي مبسوط اول مره تحس انه هادي ومرتاح يمكن

المهم اتصلت بالبنات وبلغتهم وبعدها بساعه تقريبا قالت أنا ما أرسلت لبدر ولا مره مسج حلوو

كله كلام رسمي بكتب له الحين مسج ويا ليت هالمسج يوصل اللي بخاطري

" اشتقت لك مثل طفل فقد صدر حنون ..اشتقت لك مثل البحر لا صارت امواجه جنون ""

وصل المسج لبدر وظل عشر دقايق يقرأه ويقول معقول رغد تحمل لي هالحب تردد يرسل لها او لا

لكن دخل عليه واحد ونسى بدر موضوع المسج

والعصر طلعت معهم

وبدر حس إنها فرصه يضمن إن رغد برا البيت قال ما راح أنام أتمنى مره وحده أشوف البيت وكل ركن فيه

براحتي

أول شئ طلع للصاله اللي فوق واخذ صورة طفل وجلس يتأمل فيها يالله هالبراءه بالأطفال

وسرح بعيد يتخيل ولده بين يديه ويلعب معه

بدأ يبتسم تخيله معه بالبيت يبكي ويضحك لكن آه يا رغد جرحتيني بالشئ اللي عملتيه ترك الصورة

وبدأ ينتقل من ركن لركن وخصوصا التحف المحفور عليها كلام

أول بيت قراه كان ..
ارسل حروفي يمك اليوم واقرأ ..تلقى كثر أشواق هالعالم اشتقت

غيرك اليا غاب فرقاه بشرى..وطيفك اليا غاب لحظه تضايقت

( لشاعره عذايب )

وظل يفكر بدر يا ترى الصدفة او هي اختارت البيت أو قبل أو بعد أو أو اسأله كثيرة بباله

تجاوزها لدبدوب حامل لوحه من الخشب مكتوب عليها ..

أحبك كلمه ماتكفي واعشقك واهواك ..غلاك يزود في اللحظه وقربك لي يداويني

(لشاعره جواهر السديري)

واستمر بدر على هالحال يتأمل الشموع والورود والتحف والصورة

وكل شئ يحس فيه شئ مشترك مع غيره يجمعهم

شئ واحد الحب بكل ركن بالبيت فيه كم هائل من الحب بدر لما حس انه انجرف مع إحساسه قال لا هذا تهيئ


رغد مثلها مثل خواتي تحب الحركات اللي كذا حاول يقنع نفسه وراح لسعود بالخيمه ..

بالخيمه ما فيه إلا سعود وولده سالم نايم عنده ..

بدر..السلام عليكم

سعود..وعليكم السلام

بدر..سالم عندك

سعود..والله جلس يصيح لحد ما جابته أمه وخلته معي

بدر..والله ولدك هذا مدلع

سعود..طبعا ولد سعود لازم يتدلع وبعدين نشوف ولدك

بدر..آه

سعود..افا والله سلامتك يا اخوي من الآه

بدر..خليها على الله

سعود..بدر أكلمك بصراحة ولا تعصب

بدر..وبأبتسامه ما راح اعصب قول

سعود...انت مرتاح مع رغد..؟؟

بدر..عادي

سعود..يا بدر كفاية خلاص أعطي مشاعرك الحرية إنها تترجم لردود فعل

ليه تقيد نفسك بالتعبير الخالي من اي مشاعر

بدر..هههه كل هذا فيني

سعود..بدر شوف أنت تزوجت رغد وأنت مو مقتنع أبدا وصارت بينكم مشاكل

لكن يا بدر اللي أشوفه انك مازلت مو متقبل

بدر..وبكل هدوء ..شوف سعود رغد بنت عمي صح وزوجتي لاهي مقصره معي ولا انا

لكن حياتي أشوفها عاديه لكن تقريبا مرتاح

لكن كنت أتوقع حياتي تكون أجمل من كذا

سعود..لازم تكون مو الحياة اللي توقعتها بدر أنت باني بينك وبينها حاجز كبير صعب أنها تتجاوزه بسهوله

اعطي نفسك وبنت عمك مساحه من غير حواجز حتى تتقربون من بعض

صعب يا يدر ان طرف يعطي والثاني يصد مهما كان بيجي يوم وتمل البنت منك

بدر..والله يا اخوي ما اعرف

سعود..احكي يا بدر قول اللي بخاطرك أنا أخوك وصدقني بترتاح اذا تكلمت

بدر..والله يا سعود أحس علاقتي مع رغد متذبذبه ساعات أحس إني مرتاح معها وأتمنى أحسسها بهالشئ

لكن فجأة أتذكر تصرفها والي صار بالمزرعه وارجع اقول لا لا

سعود..بدر أنسى اللي صار غلطه منها يمكن ماحبت تقول لك هالشئ اختلق لها أعذار وعيش حياتك

بعدين لا تنسى ان رغد بنت وزوجه مثل أي زوجه لازم تهتم فيها وتحسسها بهالشئ

بدر أنت زوجتك تعرف الكل هنا ومتعوده عليهم إلا أنت اللي المفروض تكون اقرب لها من الكل

بدر لا تضيع أيام عمرك بسبب غلطه يمكن ما كان لها اي دافع يمكن كانت خوف من المستقبل عدم استقرار

ولا تنسى ان رغد ما عندها خوات وخالتي ام سلطان كبيره بالسن وتذكر انك أنت اللي ما كلمتها

ولا جلست معها بأيام الملكه بدر اذا تبي نصيحتي لا تضيع ايامك بسبب غلطه

يا اخوي ما فيه اجمل من انك تقول الشئ اللي تحسه لا تحبس مشاعرك بداخلك والله تتعب

ومع الأيام راح تعرف إذا هي عملت هالشئ لسبب او لا لكن ما يعني ان تكون بحالة ترقب

تتنتظر لحد ماتعرف السبب وتضيع أيام عمرك

بدر..تعرف سعود أنا فعلا لازم أعيش حياتي

سعود..هههههههههه ايوه كذا انت تمام


وفي بيت العم بو خالد كانوا البنات كلهم هناك ..مجتمعين ومبسوطين وخصوصا ان سالم الصغير مع ابوه

مرتاحين من ازعاجه ..

رغد..والله اني ولهانه على عبدالله من زمان ماجلست معه

ريم..الحين اخوك وولد عمي الموقر ليه ما يجي ويتشرف بزيارتك

رغد..هههههههههههههه إن شاء الله بيشرفني قريبا جدا

ريوف..سبحانه الله عبدالله استنساخ عن عمي بكل شئ حتى بصوته

ريم..حتى ناس فيه من عمي بعد..هههههههههههه

امل..ههههههههههه ريوف الا شخبار سلطان أي أحلى قبل الخطبة او بعد

ريوف ..والله حبيبتي بكل الحالتين حلووو

رغد..وااااااو وينك يا سلطان تسمع وتشوف

ريم..يا شيخه سامع كل شئ وعارف هههههههههه

امل..هههههههههههههههههههوالله يا ريم انتي الله يعين زوجك عليك

ريم..يحمد ربه ويشكره إني أنا وافقت عليه يعني ميزته بموافقتي

رغد..أقول حلوه الثقة لكن مو دايم

امل..رغوده شلون بدر معك ..؟؟

رغد..سكتت تقول بخاطره لا تسألوني وتذبحوني

امل..سوري رغدوه اذا ضايقتك

ريوف..لا رغد ما تزعل أكيد تفكر فيه

ريم..يا أختي لا تفكرين فيه اخوي ما ينفع معه إلا انك ما تعطيه وجه

ريوف..ريمووه لو سمحتي استكي أنتي ونصايحك

رغد و بابتسامه من غير نفس باهته ..أخبار بدر يا عزيزات انه ما تقدم ولا خطوه

الكل سكت لأنهم يعرفون شكثر رغد تضغط على نفسها وتجامل وتضحك عنده

رغد..مجرد تغيير بسيطه

الكل...شووووووو؟؟

رغد..صرت اذا كلمته يرفع عينه لثانيه يناظرني

ريم ..سكتت هههههههههههههههههههههههههههههههههه

رغد..والله يا ريم شئ يضحك أخوك بصراحة جبل ما يهزه شئ لكن.....

الكل خاف من سكوتها بعدين رغد وبابتسامه ..احبه

الكل..ايووووووووووووووووووووووه

امل..راح يحبك لكن اصبري عليه

رغد..اتمنى

وفجاه سمعوا احد يدق الباب وراحت الشغاله تشوف مين الكل استغرب منو جاي لهم

نوف..مالت عليكم يالشييون تجتمعون ولا تقلون لي

قامت امل..هلا والله

نوف..لا تسلمين تشوفون أنتي ورغود إن ما خليت أخواني يأخذون عليك سوريات يهبلووون

ريم..هههههههههههههههههههه وانا بساعدك

ريوف..نوف انا مالي دخل أنا أختك حبيبتك

نوف..لو أختي قلتي لي أجي معكم انبسط مو بالبيت كني خبله اكلم حمود كنه يفهم

الكل..ههههههههههههههههههههههههه

سلمت نوف عليهم وجلسوا مع بعض وفجأة صار شئ ما فيه أحد توقعه الكل أنصدم منه وخصوصا رغد

دق جوالها وكان عند نوف ..

رغد ..مين

نوف.. ما اعرف لكن مكتوب .......أنت عمري

رغد كانت تشرب عصير وشرقت فيه .كح كح

امل ..بسم الله عليك شفيك

رغد وصوتها راح ...بدر

الكل استغرب ..ريوف ..طيب

رغد..اول مره يعملها ويتصل

الكل رحم رغد يالله أول مره يتصل فيها معقوله نوف ..طيب ردي لا يقطعه رغد وبصوت مبحوح ...الوو

بدر..هلا والله رغد

رغد وكل علامات الدهشة على وجهها والكل يراقبها ..آهلين بدر

بدر..ها شلونك... الجمعه حلووه

رغد وخلاص ودها تسأله أنت بدر...أكيد حلوه مادام كل بنات عمي فيه

بدر..بس ما كأنك طولتوا الساعة حول تسع

رغد..والله عدى الوقت من غير ما نحس فيه

بدر..طيب انا جاي لك الحين اوكي

رغد وخلاص جلست على الكرسي والكل يتابعها بنظراته ويشوفه وجهها شلون تغيير بعد كلام بدر

رغد..اوكي

بدر..يالله سلمي عليهم بااي

رغد..باي

نوف ..شفيك رغوده ..؟

رغد بعالم ثاني بدر اتصل وبيجي هو يأخذني ليه معقوله اشتاق لي أو فقد وجودي بالبيت

صح هي تروح بيت أهلها لكن هم كل أسبوع يجتمعون في بيت احد عمانهم يعني بدر يكون معها

أو إذا طلعت ما تطول ساعة أو اقل ومعظم وقتها في بيت عمها عند البنات

أول مره تطلع من العصر إلى تسع بعدين انتبهت على صرخت ريم

رغد..وجع شفيك خوفتيني

ريم..هههههههه سوري أنتي سافرتي مع الحبيب

ريوف وهي خايفه رغد ..تكلمي شفيك مره وحده سكتي

رغد..والله اعذروني أول مره يعملها بدر ما عمره اتصل من رجعت له ولا بعد لو تعرفون ليه متصل

الكل..ليه

رغد..بصراحه انجاز عظيم منه

ريم ..قولي بسرعه

رغد..بيجي يأخذنا ..!!

نوف..هههههههههههههههههههههه والله رغوده

امل..اكيد اشتاق

رغد..لا عاد قويه اشتاق لكن غريب هالانسان عليه طلعات غريبه

ريوف..بدر ما فيه مثله والله انه طيب وحبوب

رغد..وبصوت واطي ..وهذي مشكلتي معه

نوف..هههههههههههههههههههههه سمعتك لكن قولي يارب

رغد..يارب


وصل بدر وطلعت رغد والبنات قالوا بيرجعون مع امل ..ونوف زوجها بيمر عليها عند عمها

ركبت رغد السياره ..السلام عليكم

بدر..عليكم السلام

بدر..البنات مابيجون معنا

رغد..لا بيروحون مع امل

بدر..اوكي طيب شرايك أجل بمر على سلطان عندي كم شغله

رغد..وهي مبسوطه ..اوكي خليني أشوف امي بس إن شاء الله ما تكون نامت

بدر..ان شاء الله

وصلوا لبيت ابوسلطان لكن للاسف حصلت أمها وأبوها نايمين سلمت على سلطان

سلطان..هلا والله بنور البيت

رغد..هلا فيك حبيبي شلونك

سلطان..الحمد لله

رغد..يا خسارة أمي وأبوي ناموا

سلطان..يالله مره ثانيه تعالي لهم بكرا قولي لي إذا فيه ناس ما يرضون ..ههههههه

بدر..ههههههههههههههه فهمتك حرام عليك لا تظلمني

رغد..طيب عبدالله وينه

سلطان..توه عندي لكن طلع لغرفته

رغد..اوكي عن إذنك بروح أشوفه

طلعت رغد لاخوها عبدالله اللي ما يجلس بغرفته إلا على صوت الموسيقى الهاديه

رغد..مساء الخير

عبدالله بابتسامته الرائعة..مساء الفل والنور لأحلى الخوات

رغد..هلا عبدالله شلونك

عبدالله ..مثل ما أنتي شايفه الصبح بالشركه وباقي الوقت مع الشباب او عالنت

رغد..للحين تكتب بالمنتديات

عبدالله..منتدى واحد بس اكتب فيه والباقي اطلع عليها ما أشارك

رغد..ايوه صح عبدالله ابي موقع.....بشوف كتابات وحده

عبدالله من عيوني

فتح الموقع وقال شو اسم البنت

رغد..حياة بلا حياة

عبدالله ..اف اف شو هالاسم المتشاءم

رغد..مسكينه

عبدالله ..وبعد ما طلع مواضيعها فتح صفحه لموضوع بقسم الخواطر اسمه ..ويأخذني الحنين اليك

وطلبت رغد من عبدالله يقرأها بصوته ..

عندما تشتد بي رياح الحزن

ابحث عن بقعة ارض تحتويني

بقعة ارض اتنفس الفرح فوقها

بقعة ارض انزف الحزن عليها

عندها اتذكر..فيأخذني الحنين اليك

عندما أجلس وحدي اقلب كتاب العمر

اتجول في صفحات الامس

واقرأ سطور تاريخك العظيم بي

عندها اتذكرك فيأخذني الحنين اليك

عبدالله ما كمل الخاطرة والتفت على رغد..

رغد تعرفين الكاتبة شخصيا او معرفة نت

رغد..عبدالله أنا من متى استخدم نت أنا عرفها لكن مو مره هي صديقة ريم لكني أشوفها أحيانا

عبدالله..طيب ليه متحمسه تشوفي كتاباتها

رغد وحست إنها أصابت الهدف..لأنها بصراحة ظروفها مختلفه وأسلوبها وحياتها

عبدالله وبكل اهتمام كيف ..قالت له رغد قصة عبير

عبدالله ..ما استغرب الاسم الحين حياة بلا حياة

رغد..الله يرزقها ويسعدها مسكينه

وفجأة سمعت صوت سلطان وطلعت له وطلعت من بيت أهلها وتركت عبدالله يقرأ عبير وحروفها

عبدالله بدأ يقرأ مشاركاتها وردودها إنسانه فعلا مختلفة محترمه لها تقدير واحترام من كل الموجودين

وغير كذا انسانه واعيه ومميزه بحضورها بأغلب المواضيع وان كانت اغلب مشاركاتها بقسم الخواطر

قرر عبدالله انه يشارك بنفس المنتدى لكن راح يغير اسمه لان الكل يعرف منهو العطاء بأغلب المنتديات

قرر انه يشارك بأسم مخالف لاسم عبير سجل بأسم أمل الحياة ..

وبدأ أولى مشاركاته قصيده يجاري فيها أهم شعراء المنتدى

وكان التصفيق من المشاركين رائع لانه شاعر مبدع ..

قدر نواف انه يقنع أمه وأبوه بطلعت المخيم وتحدد الموعد يوم الأربعاء الظهر طبعا مع كل عمانهم وعيالهم

طلعوا الكل بعد ما اقنعت ريم خالتها ان مها تطلع معهم وكانت خايفه لمى تجي

لكن لمى من عرفت ان نوف وصلها خبر بكل اللي صار وهي مالها وجه تدخل بيت خالتها ابدا ..

وصلوا للمخيم والجوو كان حلوو وكان اليوم ولا احلى منه

البنات مبسوطين مسجل ورقص والشباب مبسوطين قصايد وسوالف ولعب ..

وبالليل وقت النوم وقت الرعب بالنسبة لريم ..ريم تموت على البر لكنها تخاف من شئ اسمه نوم بالخيام

متعودين كل مره نواف او احد من إخوانها يقرب لها السيارة وتنام فيها

اتصلت على نواف وكان سهران مع عيال عمه وإخوانه بعد ما ناموا الشياب

نواف..هلا والله بهالصوت

سعود..ما عقلت للحين

نواف..هههههههههههههههههه عقلت هذي ريمووه

خالد انتبه لاسم ريم وظل يراقب كلام نواف

نواف..نعم ..نعم عيدي عمتي ريم

ريم..نواف الله يخليك والله تعبانه ناموا كلهم يالله قرب السياره

نواف ..نامي بالخيمة

بدر وسعود..هههههههههههههههههههههه

سلطان ..للحين نفس المشكله

خالد..أي مشكله( كان قليل ما يطلع وينام يطلع وبالليل يرجع للبيت )

سعود..هذي ريموه أختي لو تمووت ما تنام بالخيمة لو تجلس طول الليل صاحيه

بدر...هههههههههه حرام نواف قوم قرب لها سيارتي

نواف لا خليها هي اللي تبي تطلع للبر خليها تتحمل

سعود..لا صدق الحين بتتصل فيني او في بدر

أرسلت مسج لهم بدر وسعود وضحكوا كلهم منه

نواف ..منها ..؟؟

بدر..ايه

نواف.وش كاتبه

سعود..عندكم عشر دقايق إذا ما قربتوا لي سيارة بقول لحريمكم إنكم شايفين لكم غيرهم

الكل..ههههههههههههههههههه

نواف ..ايووه الحين الدور علي اسمعوا المسج

وفتح المسج وسكت الكل ينتظره لكنه قام وقال..بروح اقرب السيارة حرام مسكينه

الكل...ههههههههههههههههههه

سعود..تعال وش قالت لك سببت لك رعب

نواف وهو يمشي يقرأ المسج "" نواف صدق مها معي مسكينه وإذا ما نمت بتظل سهرانه يالله عاد ""

هو من شاف اسم مها قال لا عاد هذي اللي مخططين إنها العروس بتقول مالت عليه هذا وهو أخوها

وقرب نواف السياره لريم وبنت خالتها ونامت أما بالخيمه رغد ما قدرت تنام وحست بريوف تتكلم

وعرفت انها تكلم سلطان راحت لها وقالت..

رغد....ريوف تأكدي من سلطان اذا بدر صاحي

ريوف....صاحي توه يكلمه

رغد..اوكي

راحت رغد وطلعت جوالها وقررت ترسل له رساله وكتبت فيها

"" هلا بدر ...كيف الجوو عندك ان شاء الله مبسوط""

وصل المسج لبدر استغرب لكن رد عليها " حلوو وانتم كيف ..وبعدين غريبه مانمتي للحين""

" شوي وبنام لكن قلت أشوفك مبسوط ومرتاح""

""رغد شرايك بتصل احسن من سوالف المسجات ""

""لا خلاص انا اعرف انك ما تحب تسولف بالجوال""

""الظاهر كل شئ عني تعرفيه""

""طبعا مو زوجي..""

""وقبل ما أكون زوجك ..؟؟"" هنا تعمد بدر يحرجها

"" تصبح على خير عمري ""

ضحك بدر على رغد لأنها حاولت توصل الاجابه بشكل غير مباشر

" تلاقي الخير يارب ..على إن الاجابه ما وصلت للحين..""

ابتسمت رغد ونامت مرتاحه

والصبح صار الشئ اللي ولا احد تخيله او تصوره

سلطان صحى بدري واخذ موافقه عمه انه يتمشى مع زوجته شوي اللي هي ريووف

لما صحوا كل العيال ..ابوسعود..سعود

سعود..سم طال عمرك

ابوسعود..قول لريوف سلطان بيجلس معها شوي

الكل سكت وتم يطالع سلطان اللي يبتسم ويقول ..خلاص أخذنا الموافقة من عمي

بدر..هههههههه طيب باقي الموافقة الأصعب ...وافقت ؟؟

سلطان..ما قلت لها شئ بدر حبيبي أنت أقنعها

بدر..يا سلطان شلون أقنعها الله يهديك إحنا بالبر وتوها صاحيه وأكيد ما عملت حسابها

سلطان..أنا هذا اللي أبيه

سعود...سلطان..اسمع قل لأختك تقنعها وأنا بقول لزوجتي مالي خلق أنا الحين أحاول مع احد

كلم سلطان رغد اللي ماتت من الضحك على طلب أخوها

وسعود قال لأمل أما ريوف

ريوف....ا لا لا انتم مجانين اطلع له وزواجي بعد عشرين يوم بهالشكل أخاف يهون بعدين

رغد..ههههههههههههههه ريوف أنتي قمر

ريم..روحي أنتي وياها تطلع بجلابيه ومن غير تصليح ولا شئ

امل ..ريم تعرفين وش ودي فيه

ريم..ايش..

امل..اخلي خالد اخوي يسمعك كم كلمه يعلمك شلون تتكلمين يا أختي إذا كلامك ما يفيد اسكتي

ريم سكتت لما سمعت اسم خالد بعدين قالت ..أقول اتصلي عليه يجي يسمعني كم كلمه

أقول خالد أخوك ليه رعب يعني ..

امل..لا بس ريم روحي شوفي وين خالتي

ريم..لا بسمع وش تقولون

رغد..ريوف حبيبتي أنتي وربي كذا حلوه

ريووف لا

امل..يا غبيه وربي إحساس حلووو

رغد..الظاهر مالها الا رجالها وطلعت

راحت لنوف وقالت لها السالفه كلها ضحكت نوف وقالت ..والله ريوف ما عندها سالفه احد يحصل له ويقول لا

رغد..طيب أقنعيها

نوف..أقول اتصلي على سلطان وعطيني اكلمه

رغد بكل استغراب ليه..

نوف..اتصلي وتسمعين

اتصلت وكلمت نوف سلطان وبعد السلام

نوف..سلطان اسمعني ريوف ما وافقت ولا بتوافق لكن إذا بتشوفها لازم تغامر موافق

سلطان.. هههههههههههه حرب داخلين شلون أغامر

نوف..ريوف الحين بالخيمه الصغيرة ولا عندها إلا ريم بطلعها وأنت ادخل ونكون حطيناها قدام الأمر الواقع

سلطان عجبته الفكره لكن قال..نوف أخاف تزعل

نوف..طيب حلووووو راضيها

سلطان..ههههههههههههههههههه والله أنتي سوالف يا نوف موافق نفذي

نوف..اوكي اذا عطيتك دقه ادخل من الباب الخلفي اوكي

سلطان والابتسامة على وجهه ..اوكي

وفعلا طلعت نوف ريم ودخل سلطان وكانت ريوف تفكر ولابسه جلابيه لونها عشبي ورافعا شعرها

ونازله منه خصل وجهها على طبيعه ما فيه غير الواقي من الشمس ..

سلطان..احم السلام

ريوف ..وكأن احد كاب عليها مويه باردة ما قدرت ترد ولا تستوعب أصلا انه معها بنفس الخيمه

سلطان..ريوف

ريوف ..ونزلت راسها ولا ردت عليه

سلطان..افا والله الغالية ما هي معطيتنا وجه

وريوف تغلي بداخلها والله لاوريك يا رغد سويتيا ..ظلمتها.. هذا كله تخطيط نوف

سلطان..وجلست قريب من ريوف لكنها بعدت عنه ..سلطان..هههههههههههههههه لهالدرجه ريوف زعلانه

سلطان..عيوني حسيت إني مشتاق ولهان عليك صح باقي اقل من شهر

لكن تمنيت أشوفك اليوم ليه تحرميني من هالوجه

وبكلام سلطان الحلو رضت ريووف وجلست معه تقريبا ساعة إلا ربع وبعددها طلع ودخلت عليها رغد ونوف

نوف...ريوووف

ريوف..وجع خرعتيني

رغد..عجبك المقلب الحلووو

ريوف..مردوده يا رغد تشوفين كل أسرارك عندي ان ما فضحتك عند بدر

رغد..ما بيصدق

ريوف..ههههههههه حبيبتي عندي الادله والمناديل

رغد..هههههههههه الله يخسك والله مو انا نوف اللي خططت لكل شئ

نوف..تعالوا وش سالفة المناديل

ريوف..سر بينا

وتدخل امل وريم..امل ..بنات بطلع مع اخوي وسعودي من بيطلع

الكل ..لا ما بنطلع

ريم..لاما بروح اجل

امل..ليه..؟؟

ريم..اروح لحالي ارز وجهي

امل..ههههههههههه لو انا وحبيبي بس يمكن لكن خالد معنا

ريم.....ههههههههه طيب بس اشتري اللي أبي

ررغد..جالكسي

ريم..ههههههههههههه وبجيب لك

طلعت ريم وأمل وراحوا يشترون أغراض وكانت طول الوقت تسولف مع سعود لان سعود حبيب وعادي عنده

اما خالد كان يحكي لكن أكثر الوقت يسمع كلام ريم

بعد ماطلعوا كلهم ظلت ريوف ومها ورغد يسولفون

ونواف اخذ سيارته لكن تفاجأ بورقه وتفاجئ أكثر لما شاف اللي فيها

فيها رسمه رائعه لطفله حاضنه دبدوب وشكلها فعلا جذاب والتوقيع مها نواف تأكد إنها مها بنت خالته

لأنها كانت مع رغد لكن السؤال اللي ظل بباله هل هالحركه مقصوده أو نست الورقه ..

مرت الأيام حلوه عليهم انبسطوا كثير فيها ..

00000000000

[&أبوخالد&]

تقبلي مروري
الحقيقة قريت القصه كامله كله ضربه وحده
أنتظر الباقي
الجنوبي 070

[حياه بلا احلام]

مشكورة غلاي


انا بنطرك

[غلا قحطان]

الجنوبي
يسعدني مرورك
واتمنى ان القصة اعجبتك
دمت كما تحب

[غلا قحطان]

الجزء السادس عشر


بدت الاختبارات والكل مشغول ريوف وريم ورغد حست إنها فقدتهم بأيام الاختبارات

لكن ريوف خلصت قبل لكنها مشغوله بزواجها

ويوم الخميس موعد استلام فستانها وفستان رغد أما أمل ونوف وريم فساتينهم بمشغل ثاني

لكذا قررت رغد انها تتجرأ وتطلب من بدر يوديهم للمشغل ..دخلت عليه وهو يقرأ الجريده ..

رغد..احم بدر

بدرر..ورفع راسه ايوه

رغد..اليوم موعد استلام فستاني اناوريوف

بدر..ابتسم ..طيب

رغد..السواق مشغول وش رأيك تودينا

بدر..اوكي لكن لا تطولون علي

رغد..من عيوني خمس دقايق ونكون جاهزين

بدر..يالله

راحت رغد لريوف وطلعوا مع بعض للمشغل

لكن للأسف ريوف فستانها يحتاج تعديل بسيط أما رغد فستانها تمام

رغد..ريوف ما أبي بدر يشوف فستاني

ريوف..ليه يعني ههههههههههههه رغوده بتعمليها له مفاجأه بيوم الزواج

رغد..يا شيخه أنا فقدت الأمل منه أخاف ما يوافق إذا شافه عاري مره

ريوف..أقولك أنا بأخذه عندي وأنتي قولي يحتاج تعديل

رغد..حبيبتي أصلا أنتي اللي فاهمتني

اتفقت رغد وريوف وطلعوا لبدر

بدر وبابتسامه ....بشروا خلصتوا من المشاورير

ريوف..هههه للأسف لا

بدر..افا وأنتي رغد

رغد..ولا أنا

بدر..والله مشكله انتم الله يعينكم

بدر..أقول احنا قريبين من صحارى وش رايكم نتمشئ شوي

رغد..وتناظر بدر ..والله ما نقول لا

نزلوا لصحارى وتمشوا واشتروا لهم كم غرض وبدر كان مبسوط أول مره يكون مع رغد بمشوار كذا

طلعوا من صحارى ورجعوا على البيت ريووف راحت للبيت أما رغد وبدر قرروا أنهم يطلعون يتمشون

وهذا الشئ حير رغد كثير معقوله بدر مو طبيعي اليوم ..

أما الانسانه اللي رمزت لنفسها حياة بلا حياة فعلا كانت بلا حياة أيامها تمر من غير أي ذكرى

اليوم بكرا نسخه منه ما كانت تحلم بأي شئ

اي شئ يغير حياتها حتى بالنت كانت تشترك بمنتديات وتكتب من باب التنفيس عن المشاعر المكبوته

أحيانا تكتب الحب لكن حب نازف حب مجروح دائما تكتب الجانب السلبي لأي قصة حب

ما كانت قادرة تعيش الحب حتى بحروفها ..

لكن أمل الحياة قلب كل هذا الوضع عند عبير ..

عبدالله دخل لحياة عبير فجأة وغيرها بدلها بدأ يزرع الأمل بحياتها بشكل حلو

والأجمل انه محترم ولا تعدى حدود الأدب معها لكن كيف صار هذا..

بالبدايه بعد ما قدر عبدالله انه يتكيف مع أعضاء المنتدى وكسب إعجاب الاغلبيه بأخلاقه وجمال شعره

بدأ يكتب وبشكل مختلف عن أسلوبه بالمنتديات طرح موضوع باسم" الأمل بين رموش العين

" وكان يحمل فلسفه غريبه جميله للأمل من خلال تصوير الالتقاء والاحتضان بين رموش العين

رغم ان البعد لا يتجاوز الثواني تكلم عن الأمل بالحياة حتى بالثقة الأمل موجود

فكيف بحياة نحن حكمنا عليها بأنها شبه مستحيلة أو حزينة ..عبير تأثرت كثير بكلام عبدالله

وبدأت سلسلة الردود الرائعة بين طرفي نقيض احدهم يطلب الأمل والأخر فاقد له ..

وهكذا استمر عبدالله يكتب ويكتب لكن مالذي دفع عبدالله لهذا التصرف او الرحمة أو الشفقة

أو إحساس الشاعر او احساس اخر

بالبدايه عبدالله اندفع لتسجيل حتى يزرع الأمل بحياة إنسانه فقدته لكن بعد الاشتراك والحوار والمتابعة

أعجب بدر بعبير كثيرا أما عبير كانت تقاوم إحساس جعلها بصراع كبير

بين هذا الإحساس وبين الشئ الذي تربة عليه ..

أصبحت تنتظر لكلمات عبدالله لكل ردوده لكل حضور له لكن جعلت هذه اللهفة دفينة بقلبها لا يعلمها إلا الله

حتى ريم ما كانت تدري عنها

لكن عبدالله توقف عن الكتابة بالمنتدى وبشكل مفاجئ وهذا التوقف غير بأمور كثيره ...

اما في بيت سعود ..سعود كان سرحان ويفكر بأخوة بدر وكيف انه مصعب حياته بتقيد مشاعره

امل....سعود شفيك اليوم ما أنت طبيعي

سعود...سلامتك بس بسألك رغد كيف وضعها مع بدر

أمل ترددت تقول له أو لا لكنها بالأخير قالت......إن شاء الله أنها مرتاحة لكن يحتاجزن وقت

سعود...إن شاء الله

سكتت أمل لأنها تعرف سعود إذا ما تكلم عن الموضوع يعني ما بيقول شئ خلاص

شوي وتدخل عليهم ريم

ريم...السلام عليكم

سعود وامل.....وعليكم السلام

سعود....نور البيت والله

ريم..تسلم منور بوجودكم

ريم....وين الأخ المحترم السيد سالم لان المرسوله من الشيخه ام سعود وصلت

سعود...هههههههههههههههه خلاص ولا يهمك بنخليه يجلس عندك على طول حتى ما تتعبين

ريم.....لا الله يخليك لولدك ويخليه لكم

امل....أنتي حصلي واحد خفيف دم مثل سلوم حبيبي

ريم....إيه إن شاء الله ترى أنتي ماخذه مقلب كبير بولدك

سعود....ريمووه ترى أنتي تهينين ولدي لو سمحتي لا تجرحينه

ريم.....مع السلامة بقول لامي ما رضوا يعطوني ولدهم وراحت بتطلع

امل.....ريييييييم تعالي حرام مالي خلق أنا أجيبه

رجعت ريم وهي تضحك ما تمشون الا كذا

أخذت سالم ورجعت للبيت وهي راجعه صادفتها رغد وأخذت منها سالم ودخلت للبيت

رغد....السلام عليكم

ام سعود ....وعليكم السلام

رغد...شلونك خالتي

ام سعود..الحمد لله أنتي شلونك وبدر شلونه

رغد...الحمد لله بخير هذا سالم وصل

ام سعود...إن شاء الله عقبال ما يوصل سالم ولد بدر

رغد ..إن شاء الله ادعي لي يا خالتي

وهنا دخل بدر وسلم على أمه واخذ سالم بحضنه

ولا كان موجود غير بدر ورغد وأم سعود قالت ام سعود بتكلمهم

ام سعود.... بدر ابوي

بدر..سمي الغاليه

ام سعود...رغد بنتي اقربي عندي واسمعوا وش بقول لكم

بدر..آمري يمه تفضلي

ام سعود..انتم الحين لكم الحين حول التسع شهور متزوجين بس أنا ما أشوفكم مرتاحين

بدر..افا يمه من قال الحمد لله مرتاحين

رغد..الحمد لله خالتي مرتاحين ومبسوطين

ام سعود..بدر أنت ولدي ورغد ربيتها على يدي مثل بناتي أعرفكم إذا تمثلون أو إنكم صادقين

اسمعوني لين اخلص كلامي وعقب كييفكم

انتم قبل ما تعرسون انتم عيال عم والمفروض كل اللي صار بينكم ما يكون

بس الشيطان الله يعيذنا منه وانتم الحين متزوجين والمفروض أنكم خلاص ترضون بالمكتوب لكم

وبعدين تسع شهور يكفي نبي ولد يفرحنا ويفرحكم ويخليكم على قلب واحد أما العناد اللي فيكم اتركوه

عيب انتم الحين كبار ومتزوجين ما بغصبكم على شئ بس اللي يصير بينكم ما يرضيني ولا يرضي أمك يا رغد

إذا شفتيها تضحك ومبسوطه قلبها محروق على بنتها اللي سبحان من غيرها

ليه ... إذا بدر مقصر عليك بشئ انا مثل أمك قولي لي او قولي لامك

ما يصير يا رغد شوفي جسمك شلون صار إلى متى بتستمرون كذا

وأنت يا بدر السهر يا بوي المفروض تخففه أنت متزوج الحين

سكتت ام سعود لما حست أن رغد عيونها غرقت بالدمع أما بدر كان ساكت طوال الوقت

قامت ام سعود وقالت..الله يهديكم

ولا ظل غير بدر ورغد رغد كانت تحاول تحبس دموعها أما بدر كان مقتنع بكلام أمه

لكن كسرت خاطره رغد وقام عندها

بدر..نزل لمستوى رغد ....رغد لا تحبسي دموعك

وفعلا نزلت دموعها وحز بخاطر بدر اللي يصير بها الانسانه معقوله أنا عملت هالتغيير كله فيها

بدر...تعالي رغد نروح للبيت ويصير خير

قامت رغد وطلعت مع بدر لبيتهم دخلوا للبيت رغد هدت شوي وبدر قال بخاطره خليني أتكلم معها

بدر..رغد أبي أسألك ممكن

رغد ورفعت عينها ..تفضل

بدر....أنتي ليه تغيرتي الكل يقول انك قبل غير عن الحين أبي اعرف السبب ..؟؟

رغد تقول بخاطرها شقول لك الحين.....لاما تغيرت لكن طبيعي ببداية زواج لازم شويه تغيرات بسيطه

هم يبالغون

بدر ....لا يا رغد أنتي عشتي معي سبع شهور إنسانه ورجعتي لي إنسانه ثانيه وبصراحة الثانية أجمل

لكن اللي أبي اعرفه تغيرتي لكن رجعتي مثل ما كنتي ببداية زواجنا ليه

رغد حست أنها تعبت ونزلت دموعها وقامت وقالت....اسأل نفسك وراح تحصل الاجابه

عن إذنك تعبت خلاص حرام عليك

وهي طالعه مسكها بدر.....لا يا رغد فهميني شتقصدين

حاولت تتكلم ما قدرت دموعها أثرت بشكل كبير على بدر ابتسم وقال ....ما فيه شئ يستاهل دموعك حتى انا

اطلعي ارتاحي ويصير خير يالله ..

طلعت رغد وظل بدر للعصر وبعدين طلع ولا شاف رغد

في بيت ابو خالد .. ام خالد وابو خالد وأمل عندهم وخالد توه داخل عليهم

ام خالد..يا وليدي متى بتفرح قلبي والله هالبيت يبي عيالك يكسرونه ويلعبون فيه

خالد..ههههههههههههه يكسرونه يا ام خالد

ابوخالد..ايه يا وليدي فرح قلوبنا وريحنا

امل..خالد حبيبي خلاص عذبتنا بكون عمه تزوج

خالد..يقول بخاطره الظاهر انه آن الأوان إني أريح قلوب هالشياب

خالد..إن شاء الله تأمرون لو تبون أتزوج أربع بليله وحده

الكل..ههههههههههههههههه

ام خالد.. يعني اخطب لك وليدي..؟؟

خالد ويفكر.. الغالية أنا في بالي بنت الحلال لكن قولي بشوف من مفكره فيه الغاليه

أمل..ليه خلاص قول لنا أنت منو تبي ..؟؟

خالد..لا بعرف ذوق أمي أول

ام خالد..ما غيرها شيخة الحريم

امل.. عرفتها هههههههههههههههه

ام خالد.. أكيد بتعرفينها بسم الله عليها زين وعقل وخفة دم

خالد..هذي نادره منو هي ..؟؟

ام خالد.. ريم بنت عمك

خالد من المفاجأة ..ههههههههههههههههههههههههههههههههههههههههههههه ااي

الكل استغرب من ضحكة خالد...

ابو خالد ..خاالد ليه الضحك أمك ما قلت اسم الخادمه عشان تضحك

امل..صادق أبوي

خالد.. أسف الغالي والله مو قصدي لكن الوالدة قالت الاسم للبنت اللي اخترتها

ام خالد تناظر بخالد وأمل قامت ونطت عنده

امل..احلف خالد

خالد وبأبتسامه ..من غير حلف انا خالد ابي ريم بنت عمي

ابوخالد.. والله فرحتني وكفوا ولدي

ام خالد.. خلاص نروح الأربعاء نخطب لك

خالد...لا ..اقصد أنا أبي أمل تعرف رأي ريم أول

أمل..وبصوت واطي ..موافقة

خالد سمعها ..عن إذنكم أمل تعالي غرفتي شوي

دخلت أمل مع خالد غرفته

خالد..ليه قلتي موافقه ليه واثقه

أمل..بصراحة خالد أنا اعرف ريم أحس أنها مو رافضتك صدقني إحساس بس

خالد..أبيك تتأكدين

أمل..إذا رائي يهمك لا تقدم وريم ما بترفض صدقني

خالد..وبابتسامه ..واثقة الشيخه

أمل..والابتسامة على وجهها ..طبعا اخوي ما هو اي احد

طلعت أمل بيتها بعد ما اتفقت مع أهلها إنهم يخطبون ريم الأربعاء

رجعت أمل للبيت لكنها دخلت بيت عمها ولا حصلت احد سألت الخدامه وقالت البنات بغرفة ريوف

وام سعود راحت عند أختها

طلعت أمل عند البنات لكنها تفاجأت بشكل رغد

أمل..سلامات رغد شفيك ..؟؟

وكانت رغد نايمه على سرير ريم وشكلها مره تعبانه

ريم..من العصر وهي على هالحال حرارتها مرتفعه وصوتها مختفي والأنفلونزا شديدة عليها

أمل وبدأ الاهتمام على وجهها ..طيب وش قال الدكتور

ريوف..وبكل خيبة امل..ما وافقت تروح

امل..وشوووووووو ما راحت للمستشفى وبدر ساكت لها

ريم..ما يدري ما شافها لما طلع كانت ببداية التعب وهو معزوم اليوم وأتوقع يتأخر

أمل وفعلا عصبت على البنات ..وتتوقعون انه بيرضى عن تصرفها أو انتم ...

ريوف وباستسلام ..ما وافقت

رغد وتأشر بيدها ..لا وبصوت مبحوح ما فيني شئ لا تزعجيه

أمل..انتم ما عندكم سالفه وطلعت

رغد وتقول لريوف ..شوفيها لا تتصل الله يخليكم شوي وأقوم ما فيني شئ

وبخاطرها تقول انتم ما تعرفون شقلت له اليوم

وطلعت ريوف لأمل وحصلتها تكلم

أمل..خواتك والله ما هم صاحين البنت مرره تعبانه

نوف ..شوفي أنا زوجي الحين بيطلع للدوام بقوله يحطني عندكم وبكلم بدر اوكي

أمل..اوكي باي

ريوف..أمل بتزعل رغد

امل..تزعل ما تحس بنفسها إلى متى تداري بدر هو زوجها ومسؤول عنها

ريوف..والله حاولت لكنها حلفت ما نتصل عليه

امل ..ما علينا خلينا ندخل ولا تقولون لها شئ

دخلوا البنات وشوي وتدخل نوف وتسلم عليهم وتجلس جنب رغد

نوف..رغد حبيبتي ليه تعملي كذا بنفسك ..بدر زوجك ومسؤول عنك يا عيوني ما يصير اللي تسوينه

إلى متى وأنتي تتنازلين عن حقوقك يا رغد لا تفكرين باليوم وبس فكري ببعدين

حياتك مع بدر هي كل عمرك مو كم يوم

أمل..بروح اعمل لك عصير ليمون وطلعت من عندهم

وهي نازله سمعت صوت بدر يكلم الخدامه وتغطت ونزلت ..

بدر..هلا ام سالم وينها رغد

أمل..بغرفة ريم روح شوفها

مشى بدر بسرعة واستغربت أمل خوفه هل من باب انه زوجها أو فعلا رغد أصبحت تعني شئ لبدر

دعت لهم بالتوفيق وراحت للمطبخ ..

بدر طق باب الغرفة وفتحت له ريم ودخل ولا نطق ولا قال ولا كلمه ؟..

رغد حاولت تعدل جلستها لكنه قرب عندها

وطلعوا البنات ولا ظل غير نوف اللي مسكت رغد يدها تمنعها حتى ما تطلع

بدر..جلس على السرير وحط أيده على جبين رغد ..سلامات رغد

رغد..وصوتها ما ينسمع ..الله يسلمك

بدر..نوف الله لا يهينك هاتي عباية رغد ..

رغد..لا بدر ما فيني شئ

بدر..رجاء ما أبي نقاش وكلامنا بعدين إذا رجعنا

مسك رغد وساعدها لحد ما ركبت السيارة وفعلا كانت تعبانه ولاهي حاسه بشئ وصلوا المستشفى

والحمد لله التشخيص كان أنفلونزا حادة وأعطوها مضادات وخافض للحرارة

ورجعت للبيت بعد ما أخذت الابره الخافضه

وصلوا البيت وساعد بدر رغد لحد ما نامت على سريرها

بدر..ها رغد كيفك الحين

رغد وتحاول تبتسم ..الحمد لله أصلا قايله لكم من أول ما فيني شئ

بدر..وجلس قريب منها ..رغد اللي صار اليوم ما أبيه يتكرر رجاء أنا زوجك ومسئول منك

رغد..ما حبيت أزعجك تعب بسيط

بدر عصب ..اي بسيط وحرارتك أربعين

المهم مو هذا وقته أنا بروح أقول لهم يعملوا لك شئ تاكليه عشان العلاج

رغد.لا بدر ما أبي شئ مو مشتهيه

بدر وهو طالع ..مو بكيفك

ابتسمت رغد وهي تقول لنفسه هذي الميزة اللي فيه انه ما يحب يقصر بواجباته لكنه مقصر بمشاعره

اليومين اللي مرت على رغد وهي تعبانه كان بدر ما يطلع من البيت ويحاول يكون قريب منها

لكن باليوم اللي بدت صحة رغد تتحسن سمعت الخبر اللي زادها تعب جسمي ونفسي ..

دخل بدر لبيت أبوه ورغد كانت عندهم وسلم والكل لاحظ سكوته

بدر وبكل قوه ..يا جماعه انتم ناس مؤمنين بالله

رغد وعورها قلبها وقامت عنده لأنه من أول ما دخل حست انه يناظرها بشكل مختلف

رغد ودموعها تجمعت بعيونها..بدر..أهلي فيهم شئ

ام سعود..لا اله الا الله قول يا ولدي يالله تسمعنا خير

بدر..عبدالله صار له حادث وهو بالعنايه

رغد خلاص انهارت ونزلت دموعها ..ليه ليه يارب

حضنها بدر..استغفري الله ما يجوز هذا قضاء وقدر وان شاء الله ما فيه الا الخير

لأول مره تحس رغد بالأمان الحقيقي بحضن بدر وتحس انه فعلا واقف معها بكل مشاعره وأحاسيسه

حاول بدر يهدي رغد لكنها أصرت انها تروح تشوف أخوها وأخذها بدر للمستشفى

وأول ما وصلت حصلت كل عمانها وأخوها وخالد وسعود وأمها وراحت بسرعة وارتمت بحض أمها

وظلت تصيح بعدين راح لهم سلطان

سلطان...يا جماعه اذكروا الله إن شاء الله ما فيه الا كل خير

رغد من بين دموعها .....سلطان هذا عبدالله حب البيت كله

سلطان..الله يقومه بالسلامة تعالوا ارتاحوا انتم بالاستراحة وإذا طلع الدكتور بطمنكم

وراحت رغد مع أمها وطلع الدكتور وطمنهم وراح بدر يطمن رغد

بدر....رغد

طلعت رغد بسرعه...طمني بدر

بدر بابتسامه .....تطمني عيوني طلع الدكتور ويقول الحمد لله بكرا الصباح إذا الله أراد بيطلع من العناية

رغد...احلف

بدر ومقدر حالتها..والله العظيم

رغد..يعني ما فيه شئ ..

بدر..كسر بسيط بيده وجبروه لكنه غايب عن الوعي يقول الدكتور بكرا يتحسن إن شاء الله

رغد..الله يطمنك يا رب بروح اطنن أمي

بدر..طيب وبعدها يالله وبكرا الصبح أجيبك تشوفيه

رغد..بس

يقاطعها بدر ...رغد جلستكم مالها فايده نواف بيظل معه وسلطان بيرجع مع عمي

رغد....بدر طلبتك

بدر..ـآمري

رغد..بروح بيت أهلي اليوم

بدر..يريحك هالشئ

رغد..بكون جنب أمي الله يخليك

بد...ولا يهمك نامي الليلة عندهم

رغد..تسلم لي يا عمري وراحت لامها تطمنها

رجعت رغد بيت أهلها وظلت مع أمها اللي ما قدرت تنام من كثر خوفها على عبدالله حتى أبوها ما قدر

اما سلطان كان بالمجلس دخلت عليه رغد

..رغد......مو حلو البيت من غيره

سلطان...الحياة كلها مو حلوه من غيره

رغد..الله يشفيه يا رب

سلطان.......تعرفين رغد عبدالله رغم هدوؤه لكن له حضور بكل مكان له هاله من الحب والتميز عند الكل

رغد.....تعرف سلطان ودي اروح الحين اشوفه

سلطان......لا رغوده روحي صلي أذن الفجر وانا بروح للمسجد والصبح كلنا نروح عنده

وصلت رغد ونامت والساعة سبع دق جوالها وردت من غير ما تنتبه لرقم لأنها تعبانه كثير

رغد....الو

بدر..صباح الخير

رغد..ولاهي قادره تركز تحس انها بحلم .....هلا

بدر وحس بخووف على رغد ....رغد نايمه او تعبانه ....

استوعبت رغد لما احتد صوت بدر......لا بدر ما نمت الا بعد الفجر

بدر...زين اسمعي سلطان يقول أنهم ما صحوك لأنك نايمه تحبين أمر الحين أو تنامين

رغد..لا الحين بروح أشوف عبدالله شلونه الحين

بدر.. الحمد لله ما فيه الا كل خير اوكي كم يبي لك حتى تجهزين

رغد..بدر فطرت

بدر وبأبتسامه .....لا منو يفطرني

رغد...سامحني عيوني شرايك تجي ونفطر هنا ونطلع

وبدر بدأ قلبه يرق لها ......والله مو شينه خلاص شوي وانا عندك يالله باي

رغد.....باي

قفلت رغد وضحكت وقالت انت عمري والله

قامت رغد وأخذت لها دش سريع ولبست جلابيه ورفعت شعرها ونزلت تجهز الفطور

وصل بدر وفطروا وبعدين راحوا للمستشفى

ولما وصلوا المستشفى صادفوا سلطان عند باب الغرفة وسلم عليهم

سلطان..رغوده اسمعي لا تحضنين عبدالله تسمعين

رغد وبخوف ..ليه شفيه

سلطان..ما فيه إلا الخير لكن يده مكسوره ومجبره والثانيه عنده تمزق بالكتف حاسبي عليه

رغد.....طيب خلاص ابعد بروح أشوفه

دخلت رغد الغرفة ولا حصلت غير أمها وعبدالله أول ما شافت عبدالله نزلت دموعها وهو ابتسم لها

قربت عنده وسلمت عليه

رغد ودموعها على خدها..سلامات الغالي ما تشوف شر

عبدالله وبنفس الابتسامة الهاديه..الله يسلمك من كل شر عيوني ههههه ليه الدموع الحين ما فيني شئ

رغد ولا قدرت تحكي من الصياح ودخل بدر وسلطان وسلم على عبدالله وام سلطان وانتبه لرغد انها تصيح

بدر..رغد خلاص عيوني شوفي عبدالله ما فيه شئ قدامك

سلطان...لا تحاول ما بتسكت إلا إذا خلصت دموعها مع إنها ما تخلص أبدا

ام سلطان...خلاص يا بنتي تعوذي من إبليس هذا أخوك بخير

رغد وهي تمسح دموعها ...خلاص ما بصيح حتى الدموع حرام

سلطان.....ههههههههههههههه لا مو حرام بس دموعك غاليه صح بدر

بدر وهو يناظر رغد..صح دمعة رغد غالييه كثير كثير

سكتت رغد وظلت تتأمل عبدالله أخوها كيف هالانسان المميز بحضوره وكلامه وحتى غضبه

عبدالله إذا عصب ما يقول ولا كلمه يسكت ولا يحب يتكلم مع اي شخص معصب

لأنه يعرف إن الإنسان معرض لانفعالات كثير ممكن تكون سبب ببعض التصرفات الغير عقلانيه

عبدالله وهو مبتسم .....بدر تعال خذ زوجتك شوفها ما هي طبيعيه اليوم الظاهر تتأملني على بالها أنت

بدر.....هههههههههههههه انا من الصبح أقول مو طبيعيه

رغد وتناظر بدر من طرف عينها .....

سلطان..يمه يالله أوصلك البيت أنتي ورغد لان الشباب بيجون يشوفون عبدالله

ام سلطان ...بروح بس ترجعني العصر

سلطان..من عيوني

بدر..خالتي شرأيك تجين معنا للبيت والعصر أنا أوصلك

رغد وهي مبسوطه ..الله يخليك يمه تعالي عندنا

ام سلطان..خلاص بس أشوف ابو سلطان أول

بدر..ولا يهمك أنا بتصل فيه وأقوله يجي يتغداء عندنا

ام سلطان ..خلاص يا ولدي شورك وهداية الله

بدر..يالله مع السلامه وأشوفكم العصر


طلع بدر مع رغد وخالته ووصل لبيت أبوه ونزلت ام سلطان لبيت ابو سعود ورغد راحت لبيتها تبدل ملابسها

دخلت ام سلطان وسلمت على ام سعود والبنات

ام سعود ....بشرينا عن عبدالله

ام سلطان..والله انه تعبان شوي والدكتور مابيطلعه قبل أسبوع

ام سعود..ان شاء الله بيطلع بالسلامه

ام سلطان ..ان شاء الله

رغد..السلام عليكم وسلمت على خالتها وجلست عند البنات

ريم....رغد الحمد الله على سلامة عبدالله

رغد..الله يسلمك

رغد وتأشر على ريووف .....ليه ساكته

ريم وبصوت واطي..ما ادري من الصبح وهي كذا ساكته

رغد......ريوف ..ريوف

ريوف ومن غير نفس......نعم

رغد..افا شفيك عيوني

ريووف..ما فيني شئ

رغد..مو علي هالكلام

ريم..انا بروح أشوف أمل وأجيب سالم وطلعت وتركت رغد وريوف لحالهم

دخلت بيت سعود ولا حصلت احد وسألت الخدامة قالت لها روحي هاتي لي سالم من عند المدام

وجلست بالصاله تنتظر سالم الصغير وفجأة رن التليفون شافت الرقم وعرفته هذا رقم الخيمة أكيد سعود.

ريم...هلا والله بأخوي حبيبي والله

المتصل............

ريم...افا والله ما عجبك صوتي

خالد......هلا ريم

ريم من الروعه وقفت بمكانها وتحس بتصيح خلاص

خالد.....الوووووووو

ريم..احم الوو مين ..؟؟( على بالها ما عرفته (

خالد وبأبتسامه .......خالد

ريم..هلا خالد شلونك وشلون عمي

خالد ومبسوط ......الحمد لله انتم شلونك

ريم..بخير لحظه بنادي لك أمل

خالد......لا ريم خلاص ماله داعي إحساس ينهي إحساس

ريم ما فهمت قصده وسكتت

خالد.....ههه بااي ريم

ريم وهي ماسكه السماعة بيدها وبنفس مكانها

أمل..بسم الله الرحمن الرحيم شفيك

ريم..تناظر أمل وودها تقول أخوك مو طبيعي اليوم.......ما فيني شئ اتصل خالد أخوك

أمل وبخاطرها تقول أكيد خالد قال لها شئ البنت مو طبيعيه........طيب قفل الحين..؟؟

ريم..أيه قفل أنا بروح بيتنا تعالي رغد ومرت عمي عندنا وطلعت وضحكت أمل وراحت تتصل بخالد

في بيت ابو سعود....

رغد..ريووف ليه كذا حزينه زواجك قريب المفروض تكوني مبسوطه

ريووف..رغد أنا مبسوطه لكن اليوم ضايق خلقي شوي

رغد وهي مبتسمه .....سمعتي صوت سلطان اليوم

ريووف ......لا

رغد...عطيني جوالك

ريوف..ليه

رغد ..بتطمن على اخوي جوالي بالبيت نسيته

اعطتها ريوف الجوال واتصلت بسلطان..

سلطان..هلا والله

رغد...اسمع سلطان ريووف اليوم مزاجها مو تمام وهذي مسؤليتك يالله باي

سلطان.....ههههههههههههههههههههههههههههههااي

رغد..يالله معك ريووف

ريوف..هلا سلطان

سلطان..هلا والله بعمري

ريوف...ما عليك من كلام رغد

سلطان......ريووف زعلانه مني صح

ريوف.................

سلطان....ريووف عمري أنا عصبت لان كلامك يعصب بعد هالانتظار تقولين نأجل شهر

ريوف......خلاص سلطان ما بنأجل لكن ما كان المفروض تعصب ولا ترد

علي حرام عليك طوال أمس اتصل عليك ما ترد

سلطان........آسف حبيبتي والله كنت معصب لكذا ما حبيت أرد آسف الغالية

ريووووف سكتت ما عرفت شو تقول سلطان دائما يعترف بخطأه وهذا شئ يميزه عن الكل

انه عند الكل مستعد يقول أسف لان الخطأ خطأ مهما كان ..

أما بدر كان بالبيت وبينام وقال بتصل برغد حتى تصحيني العصر واخذ جواله واتصل وفجأة سمع

صوت رنة جوال قريبه عنده وأخيرا حصل جوال رغد لكن المفاجأة ان المكتوب

أنت عمري يتصل بك .....

بدر ظل يتأمل ويعيد الاتصال أنت عمري معقوله رغد يالله رغد لو تعرفين بشو مخزن رقمك (البيت2 (

وقال لا بغيره وبكتب الاسم اللي أحس فيه ....( الحنونه )

ترك الجوال ونام بدر ورغد ظلت ببيت عمها والعصر رجعت للبيت وصحت بدر


أما بالمستشفى ما فيه غير عبدالله ونواف اللي قرر انه ينام عنده لأنه قريب منه كثير

عبدالله .....نواف

نواف......ايوه

عبدالله......ماراح اطلع قبل أسبوع

نواف..تمر بسرعه يا شيخ

عبدالله......ما همني أنا اللي يهمني شخص ثاني

نواف وباستغراب.......منووو...؟؟

عبدالله...قصه طويله

نواف.....قول يا اخوي خلينا نعرف لكن حدد هالشخص منوو أول

عبدالله.....نواف أنا كنت اكتب قصايد وخواطر كثير من غير ما تكون موجهه لشخص معين

لكذا كل قصايدي تتناول الحب والكره والخيانة والشوق لأني أعيش إحساس الآخرين أعيش إحساس

خيالي أو لشخص أخر واكتبه لكن الشخص اللي اقصد هي الانسانه اللي اكتب لها الحين كل قصايدي

من غير قصد مني كل الحروف تنكتب لها

نواف..وبكل حماس.........عبدالله أن تحب..؟؟

عبدالله......مااعرف

نواف...والله شوقتني قول يا اخوي وضح كلامك

وقال عبدالله لنواف كل الموضوع من البداية من أول ما قالت له رغد الموضوع

الى الوقت اللي بدت تسيطرعبير على حياته

نواف.....طيب وهي تحبك......؟؟

عبدالله......نواف البنت محترمه كثير مستحيل أتجرأ وأقول لها مستحيل

نواف......يعني حب صامت

عبدالله وبابتسامه حزينة ويمكن من طرف واحد بعد..

نواف ......أسالك سؤال وتجاوبني بصراحه ...؟؟

عبدالله ...تفضل

نواف.....أنت لما قدرت تحدد مشاعرك تجاهها شو كان هدفك......؟؟

عبدالله ..فهمت قصدك نواف أنت تعرفني أكثر من غيرك تعرف إني إنسان مستقيم

ما اعرف استغل إحساس أي شخص أنا أول شئ توقعته إعجاب بفكر هالبنت

لكن اتضح لي لا إني هالبنت دخلت قلبي من أول ما سمعت اسمها

نواف هالبنت هي الانسانه اللي كتبتها قبل ما اعرفها بكل قصيده كان الخيال هو سيدها

نواف..طيب عبدالله الحين شو راح تعمل

عبدالله ....الاعتراف لها مستحيل لأني اعرف رد فعلها

نواف ..طيب أنت تعرف البنت تقدم لها واخطبها

عبدالله..لكن أنا أبيها تعرف إني خطبتها وأنا اعرف أنها عبير اللي رمزت لاسمها باسم حياة بلا حياة

نواف..عبدالله إذا تبي رائي خلي أختك تقولها كل شئ

عبدالله..اخاف من ردها

نواف..لا تخاف إذا تحبك أو على الأقل ترتاح لك ما راح يصير إلا الخير

عبدالله..خلينا من هالكلام أنا بعطيك اسم الموقع وتطبع لي كل مشاركاته بالأيام اللي مرت اوكي

نواف ..اوكي وأجيبها معي بالليل

[غلا قحطان]

عالجوني
اتمنى اني ماطولت عليك
وان شاء الله تكون استمتعت بها الجزء
دمت بحفظ الرحمن

[م.عبدالعزيز]

كل الشكر والتقدير لكي اخت غلا قحطان على جميع رواياتك التي لطالما نقلتني الى اجواء جميله عشت جزء منها و تعرفت على اجزاء اخرى او على الاقل تعايشت معها من خلال قرائتي لما تسطرينه هنا على صفحات هذا المنتدى !!
ولعلكي ترين الرقم واحد في عدد مشاركتي ولعل الشي الذي دفعني للمشاركه الاولى ما هو الا تعبير بسيط يحمل شكرا لكي على ما تقديمه من اختيارات موفقه !!

[حياه بلا احلام]

مشكورة مررررررررررره


غلاي


على الجزء

[غلا قحطان]

كل الشكر والتقدير لكي اخت غلا قحطان على جميع رواياتك التي لطالما نقلتني الى اجواء جميله عشت جزء منها و تعرفت على اجزاء اخرى او على الاقل تعايشت معها من خلال قرائتي لما تسطرينه هنا على صفحات هذا المنتدى !!
ولعلكي ترين الرقم واحد في عدد مشاركتي ولعل الشي الذي دفعني للمشاركه الاولى ما هو الا تعبير بسيط يحمل شكرا لكي على ما تقديمه من اختيارات موفقه !!



غاليتي م. عبدالعزيز
اشكــر لك تواجــدك وحســن وجمــال ردك
الذي اسعــدني كثيــراً
أشكر لك الاطراء العابق السحر ..
و أتمنى من ربي أن لا يحرمني
هذه الاطلاله ..
لي الفخر الكبير أن تتكون أولى مشاركاتك على متصفحي ..
كم انتي رائعة غاليتي
لك مني كل الحب دمت بخير

[غلا قحطان]

عالجوني
لا أعلم ماذا أكتب(qq152)
ولكني سأكتفي بكلمة شكرا لك على متابعتك الدائمة
لك أطيب التحايا

[غلا قحطان]

الجزء السابع عشر...

أما عبير بعد ما حست إن هالامل بدأ يتسرب لحياتها بلحظه خافت منه خافت من الأمل اللي ممكن يدمرها

ترددت تصارح ريم عن إحساسها لكن ريم سبقتها وسألتها بأحد مكالمتها

ريم..عبوره اذا احد قال ما أبي انهي إحساس بإحساس وش يقصد

عبير..هههههههههه ما فهمت قولي السالفة من الأول

ريم...ههههههههههههه فاهمتني

قالت ريم السالفة لعبير وحاولت عبير تشرح لريم

عبير..إذا مااني غلطانة ولد عمك يحبك

ريم وهي مو مستوعبه .....لا ما فيه أمل يحبني

عبير ..ليه ..؟؟

ريم..ما ادري

عبير.....وأنتي..؟؟

ريم.......بصراحة ارتاح له كثير ويعجبني كثيرر

عبير..قوليها ماله داعي هالكلام

ريم.....هههههههههههههه عبوره خلينا مني وقولي لي شو أخبارك

عبير..ما فيه جديد لكن

ريم...عبوره شفيك...؟؟

قالت عبير كل السالفة لريم واستغربت ريم معقوله عبير تتأثر بكلام النت

ريم..عبير انتي تعرفين نهاية هالشئ ..؟؟

عبير...ريم لا تزيدين همي هم اعرف ادري إن هالشخص ما اعني له شئ

لكن اثر علي كثير بكلامه ونقاشه وهدوءه

ريم..وبعدين ..؟؟

عبير..ريم أنا اعرف حدودي ومستحيل أتجاوزها وأنتي تثقين بهالشئ

لكن ما اقدر إني امنع نفسي من إني أتابع كل حروفه

ريم..عبير لا تبنين أي أمل على هالشخص


عبير..صدقيني ما عندي أي أمل فيه لكن شعور ما قدرت احدد ماهيته ..

ريم ..عبير بروح أشوف اخوي وأكلمك بعدين اوكي

ريم..اوكي باي

نزلت ريم لنواف اللي صحى البيت كله من صوته

ريم....شفيك نعم

نواف...ما تسمعين من الصبح أنادي

ريم....آمر وش تبي

نواف....الأوراق اللي كانت هنا وينها

ريم بنفسها تقول قالوا لك الخدامة.....ما اعرف سالت أمي؟؟

نواف....ما فيه وقت اسألي أمي وأرسلوها بيت عمي منصور باي

ريم...باي

طلع نواف لعند واحد من ربعه ينتظره ركب نواف

نواف..السموحه تأخرت عليك

عبدالعزيز....ولا يهمك يالله حرك تأخرنا عالشباب

نواف....اتصل على صقر قوله يعطيك رقم سلمان بسرعة

اتصل عبدالعزيز واخذ الرقم لكن اللي صار انه طلع ورقه من درج سيارة نواف وظل يناظرها

بعد ما سجل الرقم التفت على نواف ..

عبدالعزيز....الله عليها فنانه هالرسمه

نواف....عجبتك

عبدالعزيز.....مها عبدالعزيز رسوماتها رائعة

من ذكر اسمها نواف أنصدم صح التوقيع كان بأسم مها لكن كيف عرف اسم أبوها

نواف ومن داخله يغلي من القهر....تعرفها

عبدالعزيز.....ومن ما يعرفها

نواف خلاص وصلت معه .....شلون تعرفها

عبدالعزيز وهو إنسان طيب ما كان يقصد يستفز نواف .....الله يسلمك أنت تعرف إني أخصائي بجمعية الأطفال

المعاقين وبيوم وصلتنا شهادة تقدير كلها برسم اليد ما يقارب الخمسين شهادة للأطفال المتفوقين وهذا شئ

اسعد الجميع والطبيعي إننا نسأل من مين قالوا إنها من طالبه اسمها مها عبدالعزيز أهدتها للجمعية

بعدها صارت تهديهم لوحات وكلها تخص الطفل ..إلا ما قلت لي منين حصلت هالرسمه

نواف وارتاح بعد ما سمع كلام عبدالعزيز وحس انه فخور ببنت خالته.....من الأهل

عبدالعزيز وانحرج من نواف ...اهاااا

نواف ظل يفكر بمها اليد مختلفة عن أختها اللي هذي تصرفاتها وتفكيرها أكيد مختلفه ..


أما في بيت بدر ..رغد كانت جالسه لحالها مالها خلق تروح بيت عمها وبدر مو موجود

طفشت وهي جالسه لحالها قالت والله مليت إلي متى هالحال من تزوجته ما طلعت الا كم مره

إلى متى يعني أنا من حقي انه يجلس معي

وقامت طلعت لغرفتها وبدلت ملابسها تحاول تضيع الوقت بعدين جلست تتفرج على فلم

ورجع بدر بيأخذ أوراق وحصلها

بدر..هلا رغد

رغد..هلا

بدر..غريبه ليه جالسه بالبيت

رغد..والله مالي خلق اطلع او أروح لأحد

بدر..ليه رغد تعبانه

رغد..لا ما فيني شئ

ما اقتنع بدر بردها حس أن رغد مو طبيعيه قال بنفسها ما بطلع بجلس معها

بدر..انزين بما انه مالك خلق تطلعين ,,وبابتسامه يصير أنا اجلس معك

رغد..براحتك

بدر..لا الظاهر مزاجك مو تمام

رغد..أبي اطلع

بدر..باستغراب.....وين..؟؟

رغد..ما اعرف أبي اطلع معك

ابتسم بدر وقال ولا يهمك بعطي سعود الأوراق ونطلع

رغد..اوكي بس لا تطول

بدر..دقايق يالله أجهزي ..

طلع بدر وابتسمت رغد لنفسها أخيرا قدرت اطلب شئ من حقي

طلعت مع بدر وبالسيارة

رغد...بدر برووح للمرسى ونأخذ شاليه هناك

بدر ومو مستوعب ..للمرسى وشاليه واليوم الاثنين

رغد..طيب

بدر..طيب شمعنى المرسى ..؟؟

رغد..هادي يعجبني ..الله يخليك بدر

بدر..ولا يهمك نروح للمرسى

وصلوا واخذوا شاليه هناك وفعلا الشاليه كان رايق وهادي والأجمل أن بدر انبسط كثير مع رغد

رغد..بدر الساعة وحده تأخرنا عندك شغل الصباح

بدر..والله أنا مبسوط وبعدين عادي مو لازم دوام بكرا

رغد من فرحتها كان ودها تصيح أول مره بدر يقول مبسوط يالله فرحتها كانت ما توصف

على الساعة أربع طلعوا ورجعوا للبيت لما وصلوا ودخلوا

رغد..وبابتسامه عذبه.....شكرا بدر

بدر وبنظره لأول مره تحس رغد إن فيها إحساس .....الشكر لك أنتي لأني انبسطت كثير

وبكذا انتهت الليله عليهم وهم مرتاحين ....

أما ريوف خلاص زواجها تحدد بعد أسبوعين وكانت مشغولة كثير أما ريم مشغولة باختباراتها

ورغد طوال الوقت مشغوله مع ريوف ..

انتهت الاختبارات ولا باقي على زواج ريوف وسلطان غير يومين

وريوف خلاص أعصابها تعبت من الضغط وطوال الوقت نوف وأمل ورغد عندها

وبيوم الزواج


ريووف كانت رائعة بجمالها الرايق وريم كانت ولا أحلى أما رغد فكانت خايفه من بدر والسبب فستانها

لكنها قالت خلاص ما يقدر يقول شئ الزواج اليوم جهزت ولبست وهي نازله صادفها بدر لما شافته خافت

وبدر انبهر بشكلها كانت فاتنه مميزه ظل يتأمل شكلها وهي تبتسم وأخيرا

رغد واستحت من نظرات بدر.. ...خلاص بدر

بدر...ههههههههههههههه طيب خلاص بس يا ويلك إذا نزلتي الشال

رغد....ان شاء الله

بدر..يالله مشينا ولا تنسين اقري المعوذات على نفسك

التفت رغد له وابتسم لها وطلعوا لبيت ابو سعود

أما ريوف كانت ميته من الخوف صح هي تحب سلطان لكن فراق البيت اللي عاشت فيه 22 سنه صعب

فراق أمها وأبوها شئ ما قدرت تتخيله لحظه كيف تصحي من غير ما تشوف أمها وأبوها وتصبح عليهم

شلون ما تشوف ريم وتضحك معها بكل لحظه شلون تفقد إخوانها اللي بأي وقت تروح لهم

هالشئ كان موتر ريوف كثير لكن وصلت رغد ودخلت عندها

رغد..هلا والله بمرت اخوي واااااااااااااااااااااااو شو هالزين

ريوف وهي فرحانة بشوفت رغد......رغد بموت من الخوف

رغد....هههههههههههههه تموتين وأنتي تحققين حلمك

ريوف..أي حلم ما أبي شئ خلاص

رغد...خلاص بروح أقول لسلطان ريوف ما تبيك خلاص

ريوف..رايقه

رغد..ههههههههههه خلاص حبيبتي هالخوف شئ طبيعي لكن اخوي حبوب

ريوف..................

رغد..ريوف أقول اليوم زواجك ماله أي داعي هالخوف حاولي تهدين شوي

ريووف..طيب وين البنات

رغد..خالتي تقول ريم راح تجي مع أمل ونوف موجودة

ريوف......يا ربيه وينهم

رغد..خلاص بروح أشوفهم

وطلعت رغد تشوف البنات وصادفتها نوف..

نوف..هلا والله بهالزين

رغد..وبأبتسامه .....هلا فيك عيوني

نوف وبضحكه .....شلون وافق بدر على الفستان..؟؟

رغد...ههههههههههههه ما ادري لكن لأول مره أحس وأشوف بعيون بدر نظرة رضى وإعجاب

نوف...أقول الصدق

رغد وهي خايفه..قولي

نوف...نامي عند اهلك اليوم

رغد وتغيرت تعابير وجهها ..ليه..؟؟

نوف....ههههههههههههه أخاف على اخوي ينهبل شكلك جنان

ررغد..يالشينه خوفتيني

نوف...فاتك ريم كلمتها وصوتها واطي أقولها شفيك ولا ترد

صارت الشيخه توهقت مع أمل وجات مع خالد ولد عمي

رغد...تستاهل ريم ما يسكتها إلا خالد لأنه أجرأ منها

ودخلت نوف ورغد عند ريوف أما ريم مسكينه طول الوقت وهي تدعي على أمل اللي وهقتها

وهذا الشئ سوته امل قاصده

قالت لريم ان سعود بيوصلهم وهي تعرف سعود مشغول اللي بيوصلهم خالد أول ما عرفت ريم قالت

ريم.......ما أبي أروح

أمل وبابتسامه خبيثه......وليه عمتي ريم

ريم..بس كذا بكلم نواف يأخذني

أمل..وأقول لخالد ريم ما بترضى تركب معك

ريم..................

أمل..ريم ماله داعي كل هذا اخوي ما يعض

ريم وتقول بخاطرها شلون اركب معه هو ما يستحي لكنها وافقت لان مالها حل ثاني ولما ركبت السيارة

ريم..السلام عليكم

خالد ومبسوط وأمل أكثر تسمع كلامهم.....وعليكم السلام هلا ريم

ريم وبصوت واطي....آهلين

خالد وتعمد يحرجها...على البركة وعقبالك ان شاء الله

ريم تقول الله يخليك اسكت صوتك يوترني وأنا مو ناقصه

امل..وتبي ريم تتكلم...... ريم شرأيك بشكلي

ريم..حلو

أمل..افا بس حلو وليه كذا من غير نفس

ريم....................

خالد..الظاهر ريم زعلانه لان ريوف بتتزوج

امل....ولا يهمك ريم بكرا نعمل خطوبتك وبعده زواجك

ريم.......أمل

امل ..ايوه

ريم.....الظاهر مستعجله تبين تخلصين مني

امل...هههههه لا لو تخلصت منك هنا بحصلك في بيت ثاني قريب مني مرره

خالد فهم قصد أمل وابتسم وسكتت لأنه حس ريم منحرجه كثير أما ريم كانت تتمنى تذبح أمل لكن سكتت

وأول ما وصلوا قلت ريم لأمل.....املوه والله لأردها لك

امل....ههههههههههههههههه ما قلت شئ

ريم..اي هين ما قلتي شئ وراحت لريوف وهي منقهره من كلام أمل

دخلت ريم وشافت عبير وراحت سلمت عليها وأخذتها عند ريوف

عبير ...ألف ألف مبروك ريوف الله يوفقك

ريوف..الله يبارك فيك عقبالك

عبير ..مبروك رغد

رغد وهي تبتسم لنعومة عبير..الله يبارك بعمرك

نوف..ريوف يالله وقت الزفة

وبعد المعاناة قامت ريوف واشتغلت الموسيقى وطلعت ريوف
واشتغل شريط الشعر اللي الكل تفاجأ فيه

إلا ريوف اللي كانت تعرف وهو إهداء من عبدالله لسلطان أخوه لكن سلطان أضاف ثلاث أبيات وصف لريوف

لان عبدالله ما كتب الا بشكل عام الكل عرف إن هالصوت صوت عبدالله لان أشرطة شعره عند كل العائله

وبصوت واطي

ريم....عبوره هذا عبدالله اخو رغد اللي قلت لك عنه

عبير.....صوته حلوو وقصيدته أحسها قريبه للنفس

تمت الزفة ودخل أبو سعود وابو خالد وابو سلطان وسلطان وسعود وبدر ونواف و سلموا على العروسه

وبعدها طلع سعود ونواف وبدر راح يسلم على ام سلطان

وبعدها راحت رغد للكوشه تسلم على أخوها ..

وبطاوله ما هي بعيده كانت فيه إنسانه تحس إنها بتموت وهي تشوف بدر يبتسم لرغد وهي طالعه للكوشه

والشئ اللي خلاها تمووت

لما رفع بدر الشال لرغد وقال لها شئ وهو مقرب راسه منها بعدها طلع بدر ..وشوي طلع سلطان وريوف

وابتدوء أول لحظات تحويل الحلم لواقع حقيقي ..

انتهى الزواج والكل مبسوط ومرتاح لان ريوف وسلطان اجتمعوا أخيرا

والحب يجمعهم وهذا الشئ يزيد من روابط الأهل

وباليوم الثاني الكل اجتمعوا ببيت ابو سعود وجات عندهم ريوف وسلطان وسلموا عليهم

بعدين وصلهم نواف للمطار ..

أما ريم فقدت ريوف كثير لأنها متعوده تسهر معها وتجلس معها

امل......ريم شفيك ريوف تزوجت المفروض تفرحين لها

نوف...ريما حبيبتي ماتعودنا عليك كذا

ريم.....الله يسعدها

رغد..ويسعدني يارب

ريم.....ههههههههههههههه صح ما قلتي لي ما قال بدر شئ أمس على الفستان

امل......يا شيخه شلون يقول وشكلها جنان

نوف.....الظاهر رغوده فيه تقدم مع اخوي

رغد....أتمنى يا نوف أنا ما أقول مافيه لكن مازال متحفظ حتى على الكلام الحلو

أمل ولا يهمك بكرا يتغير

ريم......اقول عبوره بتجي عندي اليوم

رغد.....هالانسانه أحبها

امل.....حتى انا والله

نوف.....وتعمدت نوف تقول هالكلمه لان أمل قالت لها عن نية خالد......أموله أخطبيها لخالد ..؟؟

ريم انصدمت من كلمت نوف أما امل فهمت قصد نوف

امل...يا ليت لكن خالد خلاص اختار الانسانه اللي على قوله دخلت قلبه

ريم تمنت تروح وتتركهم لكنها نزلت راسها وابتسمت ورغد تناظر آمل ونوف وحست ان بينهم شئ

رغد.... .بتصل بحبيبي اخوي

ريم.......انتي هيه توه متزوجين

رغد.....هههههههههههه بسم الله اقصد عبدالله وجع

ريم.......هههههههههههههههههههه على بالي

رغد...هلا والله بأخوي وحبيبي

عبدالله.....هلا بهالصوت

رغد......لا تقول ولا كلمه

عبدالله.....افا والله

رغد......انتظرك اليوم حرام عليك اجلس عندي لو ساعه

عبدالله...من عيوني بعد المغرب امر عليك

قفلت رغد من عبدالله بعد ما اتفقت انه يكون عندها بعد المغرب

ريم....ما تسمعين الحين أقول عبير بتجي عندي ليه تعزمين اخوك

رغد......ما بيطول بعدين خذي راحتك معها بعدين اجي عندكم

ريم.....وتقصد امل ونوف.....تعلموا الذوق مو من أول ما تجي البنت وانتم على راسي

نوف...مالت عليك اصلا أنا بروح اليوم أنا وأمل للسوق

ريم .....أحسن

وبعد المغرب وصل عبدالله لبيت اخته وجلس معها وعجبه الجوو الهادي بالبيت وفجأه اتصلت ريم

وقالت لها ان عبير وصلت من بدري

رغد....اوكي طيب عبير متى بتروح

عبدالله لفت انتباهه اسم عبير وخصوصا انته بعد ما طلع من المستشفى ما شارك أبدا

لأنه قال لازم اسوي الشئ الصح

عبدالله......رغد مشغوله

رغد.....لا ريم عندها صديقتها وتقول تعالي عندنا

عبدالله .....هي البنت اللي شفتي مشاركاتها عندي

رغد وهي مستغربه .....مشاء الله تتذكرها

عبدالله ابتسم

رغد استغربت من كلمته وظلت تتأمل عبدالله


راحت رغد عند البنات بعد ما طلع عبدالله وجلست وانبسطت على عبير اللي كلامها موزون وهادي كثير

بعدها رجعت رغد لبيتها وتوها داخله اللي تسمع التيلفون يدق راحت وردت..

رغد...الوو

المتصله ....هلا رغد

رغد تحاول تعرف الصوت.....اهلين من معي

المتصله.....ماعرفتيني

هنا عرفتها رغد ....نعم لمى

لمى....حبيت اتطمن على حبيبي ما شفته من كم يوم

رغد انصدمت بكلامها

لمى....لعلمك الأسبوع الجاي بيقولك بيسافر لكن ما بيسافر بااي

رغد انصدمت من كلام لمى كانت تتوقع بدر صادق يوم قال إنها ما تعني له شي

يالله وش أسوي الحين أقوله أو اسكت

من احكي له من اشكي له تعبت من هالحال والله تعبت ظلت رغد مسكينه على هالحال

لكنها قررت تتجاهل بدر حتى يعرف قدرها وقيمتها قررت أصعب قرار أنها تعطيه كل شئ تقدم له كل شئ

لكن من غير أي إحساس

راح تجمد إحساسها تجاهه وبعد ما اتخذت هالقرار طلعت لغرفتها ونامت وهذا أول شئ أنصدم منه بدر

رغد تام قبل ما يوصل

قال أكيد تعبانه راح عندها

بدر....رغد تعبانه فيك شئ

رغد وهي معطيته ظهرها....ولا شئ بنام

استغرب بدر وطلع وتركها وبالصباح صحى وحصلها جالسه تبرد أظافرها

بدر....صباح الخير

رغد...صباح النور

بدر....مابتفطرين معي

رغد ....ما اشتهي

بدر....رغد انا بكرا مسافر لجده

رغد انصدمت حست ودها تصرخ تقول ليه حرام لكنها سكتت

بدر....رغد شفيك ليه ساكته

رغد وبعد معاناة.....تروح وترجع بالسلامه

بدر....طيب ممكن اعرف شفيك

رغد قامت بتطلع فوق.....سلامتك

بدر عصب منها لكنه قال نأجل الموضوع للعصر ويصير خير

بالعاده رغد تجلس تصلح شغلها وتجهز الغداءو لما يرجع بدر الا كل شئ جاهز لكن اليوم نامت

وعلى الساعة وحده صحت

وعملت الغداء واتصلت ببدر وقالت له إنها تعبانه وبتنام وإذا وصل الغداء بالمطبخ

استغرب بدر هذي مو طبيعيه اليوم

لكن قال يمكن تعبانه رجع ولا تغداء نام ولما صحى المغرب حصلها تحت

بدر...السلام عليكم

رغد...وعليكم السلام

بدر...ما رحتي عند أهلي اليوم

رغد...لا

بدر وصلت معه من أسلوبها معه .....طيب نروح لهم

رغد.....مالي خلق

بدر....ليه

رغد....كذا مالي خلق

بدر....رغد عدلي أسلوبك معي

رغد تضحك باستهتار ...إن شاء الله

بدر واستفزته أكثر...ما اعتقد اني قلت شئ يضحك

رغد وخلاص مهما مثلت ما تقدر قامت بتطلع....أسفه

مسكها بدر....مو حل كل ما تكلمنا طلعتي إلى متى

رغد ما قدرت نزلت دموعها

بدر.....مو حل دموعك يا رغد شفيك تكلمي

رغد...ما فيني شئ ما فيني شئ

بدر.....لا فيك توقعت انك بتسأليني حتى كم بجلس إذا سافرت لكن الموضوع مو هامك أصلا

رغد...أسبوع

بدر...اهاا يعني تعرفين عن موضوع السفر لكذا زعلانه خلاص سافري معي

رغد...ما ني زعلانه ولا أبي أسافر معك

بدر....لا زعلانه بعدين من قال لك إني بسافر ما فيه احد يعرف الا واحد من خوالي

رغد....قالت لي حبيبة القلب

بدر وعصب من كلمتها ومسكها من يدها ولفها بقوه.....من قال لك ..؟؟

رغد ودموعها ما عادت قادره تسيطر عليها .....خلاص تطلقني اذا تحبها

بدر.....رغد أنتي من تتكلمين عنه

رغد...وصارت تقول كلام ما تدري وش هو .....من غيرها حبيبتك لمى اللي من يومين ما شفتها ولا كلمتها

حرام تعذبها

بدر ما حس إلا بيده ارتفعت وعطت رغد كف جمد رغد وهز بدر من قوته

رغد من صدمه من كف يدر ....تتوقع هذي رجوله

بدر وهو خلاص واصل حده من نفسه لأنه تجرأ ورفع يده. بصوت عالي ...رغد لا تستفزيني

رغد....وهي تأشر على قلبها ...هديت الباقي من حبك هنا

وطلعت لكن مو لغرفتها لبيت عمها

[حسن خليل]

ألف شكر أختي غلا قحطان على طرح الجزء السابع عشر والمشوّق

لا عدمنا تواصلكِ في هذا القسم

لكِ مني فائق الاحترام والتقدير

[م.عبدالعزيز]

*
*
*
شكرا لك اختي غلا قحطان على هذا الجزء الاكثر من رائع
وبأنتظار باقية الاجزاء التي يمنحها تواجد مزيدا من الابداع و التألق !!
ملاحظه: لاحظت في ردك السابق استخدام الياء اللي عادة ما نستخدمه في مخاطبة المؤنث
ولكن قد يكون اليوزر اللي انا استخدمه غير واضح
م. = مهندس ولا يدل على اسم مؤنث
لك الشكر والتقدير مجددا
*
*
*

[حياه بلا احلام]

]غلاي لا تقولي شي


اهم شي انك


تكملين القصه[/COLOR](qq1)

[غلا قحطان]

حسن خليل
لك باقة ورد محمله بالشكر والعرفان على هذا التواصل الرائع
لاحرمناك أخي الكريم
ولكم فائق تقديري وإحترامي
دمت بخير

[غلا قحطان]

الأخ الكريم عبدالعزيز
الرائع هو سحر وجودك وكلماتك المشرقة
حضورك كان مميزاً وجميل
وعـــــــــذرا أخي الفاضل على اللبس الذي حصل فالخطأ غير مدرك
دائما اجد نفسي في هكذا مواقف!!!
لا أدري مالسبب..؟؟(qq152)
ونحن بإنتظار أبداعك على صفحات هذا المنتدى الشامخ
لك مني عظيم الشكر والإمتنان
لتشريفك الكريم
رعاكـ الله

[غلا قحطان]

عالجوني
مشكوووور على التواجد الرائع
ولك مني كل التحايا ولا حرمت هالتعطير بصفحاتي

[غلا قحطان]

الجزء الثامن عشر ..

طلعت رغد وراحت لبيت عمها وهي فعلا حاسه إن كل شئ انهار انتهت حياتها تحطمت وتدمرت

دخلت لبيت عمها

ولحسن الحظ ما كان موجود إلا خالتها أم سعود اللي خافت من شافت رغد منهاره وتصيح

ام سعود قامت وراحت لها....رغد أمي شفيك بدر فيه شئ

رغد...خلاص خالتي طلقوني منه تعبت تعبت

ارتاحت ام سعود صح الطلاق صعب لكن أهون من شئ ثاني جاء ببالها

ام سعود حضنت رغد رغد الللي كانت منهاره مره وحاولت تهديها

ام سعود...يا بنتي اذكري الله وما بيصير الا كل خير

رغد ومن بين دموعها....ضربني يا خالتي ضربني

ام سعود وحطت يدها على قلبها ...ضربك بدر

رغد هي نفسها مو مصدقه إن بدر ممكن يستخدم هالاسلوب أبدا

وبهالحظه نزلت ريم إلي من الصدمة وقفت مكانها

أكيد فيه احد مات تقول بخاطرها لكن ام سعود أبعدت هالتفكير بسرعه

ام سعود...ريم خذي رغد عندك ولا يدري احد عنها وخصوصا أبوك

ام سعود وتكلم رغد...روحي رغد عند ريم وأنا بروح افهم الموضوع من بدر

أخذت ريم رغد وسكتت ما قالت شئ لأنها مو فاهمه شئ

رغد من دخلت الغرفة ارتمت على السرير وبدت تصيح من جديد

حاولت ريم تهديها لكن ما قدرت رغد كانت مصدومة من تصرف بدر معها

وام سعود راح لبيت بدر وحصلت بالصالة منزل راسه للأرض وواضح انه معصب وواصل حده من الغضب

ام سعود...السلام عليكم

قامت بدر وراح يسلم على أمه لكنها صدته وقالت اجلس مكانك

بدر عرف إن أمه عرفت انه رفع يده على رغد وسكت ما قال شئ

ام سعود ...ما أنت والله بدر اللي ربيته ما أنت بدر اللي آمنك عمك على بنته ولا أنت بدر اللي ينضرب به المثل

ترفع يدك على بنت عمك افا والله أنا ما عرفت ليه رفعت يدك لكن أنا جايه بعرف فهمني أشوف يالله

بدر ساكت هو في قمة غضبه ما هو قادر يشرح ويوضح

ام سعود....أنا خليت رغد تجلس عند ريم واحمد الله إن أبوك ما هو بالبيت وإلا كان صار شئ ثاني

البنت تقول تبي تتطلق منك

بدر من سمع كلمة طلاق خلاص حس كل غضبه راح يتفجر ...تتطلق ..

ام سعود ...إيه اجل ترفع يدك عليها وتبيها تجلس تضحك لك لو سلطان رفع يده على أختك بترضى

بدر ....يا يمه الله يخليك اللي فيني كافي خلاص الموضوع بيني وبين رغد وأنا بحله

ام سعود وعصبت على بدر ....وهي خدامتك تنتظرك لين تهدى وبعدين تحل الموضوع قولي ليه ضربتها

بدر وعرف إن أمه زعلانه من تصرفه....أقولك إن بنت أختك المحترمة لمى هي السبب

أو أقول لك إن زوجتي ما تثق فيني

أو أقول أنها تعمدت تستفزني أو أقول إني رفعت يدي من غير إحساس شو أقول يمه

ام سعود وهي متفاجأه .....لمى بنت أختي

بدر وقال لامه سالفة لمى من الأول إلى لحظة ما رفع يده على رغد

وهو إلى الآن ما يعرف لمى وش قالت لرغد

أم سعود...تعال معي وكلم زوجتك ولا تكبر الموضوع وحتى لو صار حط ببالك أنا ماني راضيه عن ضربك لها

بدر...يمه اسمحي لي أنا معصب وهي معصبه الموضوع بيتعقد الحين اتركيني على الأقل ساعة لحد ما أهدى

ام سعود سكتت بعدين قالت ....أبوك ما بقوله شئ والبنت بهديها لا تتأخر وطلعت للبيت

أما بدر جلس يفكر بالي صار وكيف يقدر يحط عينه بعين رغد وكلمتها تتردد بباله تتوقع ..هذي رجوله

تتوقع هذي رجوله ...ضرب على الطاولة بقوه وصرخ....لا مو رجوله أنا غبي ..انا الغبي

أما رغد فحالها كان أصعب من بدر عمرها ما توقعت إن بدر يرفع يده وظلت تصيح

وريم تركتها لحالها حتى تقدر تفكر من غير أي تأثير

رغد حست بخوف لكن تعوذت من الشيطان وراحت توضت وصلت

ودعت الله يدلها على الخير لها ولبدر ..

بعد تقريبا ساعتين قدر بدر انه يتمالك أعصابه واتخذ قراره وراح لرغد دخل البيت ولا حصل غير أمه وريم

سلم عليهم وطلع لرغد طق الباب ودخل رغد كانت جالسه على الأرض مستنده على السرير وهي على السجادة

ودموعها على خدها

لما شافت بدر نزلت راسها وزادت دموعها انعادت اللحظة اللي رفع بدر يده عليها

لكن بدر تقدم عندها ونزل وباسها على جبينها ....آسف رغد

رغد ساكته وتقول بخاطرها الأسف كلمه مالها أي معني إذا ما فيه حب صادق منك يشفع لك أخطاءك

بدر ....رغد يا ليت تسمعيني أنا اعرف أني أخطيت عليك وخطأ كبير لكن غصب عني كلامك استفزني

ما هي سهله انك تتهميني ها الاتهام أنتي تصورتي كل شئ ببالك أنا صح ما اعرف هالحقيره اش قالت لك

لكن مهما كان لازم ما تصدقينها بكل كلمه تقولها عني

المفروض قبل ما تتصوري حسب كلامها تسأليني وبشكل مباشر

بدل ما تتعمدين انك تستفزيني ادري كلامي ما هو مقنع لك ولا هو مبرر لفعلي لكن أنا متأكد أن قلبك طيب

وبيسامح

رغد....خلاص ما فيه قلب يحس حتى يقدر يسامح وقامت وجلست على السرير

بدر ويحاول يكون هادي جدا ....رغد ممكن اعرف لمى وش قالت لك

رغد. وتحاول تمسح دموعها .....مو مهم اللي قالته المهم اللي صار بينا

بدر....رغد أرجوك أنا لازم افهم

رغد... وبسخريه .....تفهم بعد عشر شهور توك تفكر تفهم بعد ما خليت لمى تستغل رفضك لي ويصير كل هذا

تبي تفهم بدر أنا لما تزوجتك كنت اعرف انك رافضني ولا أنت حاب هالزواج من أصل

وقلتها لك قبل تزوج غيري إذا ما تبي تطلقني

لكن الحين أقولها لك وبكل ثقة أنا خلاص ما اقدر أتحمل أكثر والله ما اقدر لما أنا أخذت الحبوب من غير علمك

زعلت عصبت وتوقعت إني أرفضك يعني جربت إحساس انك تكون مرفوض مع إني ما كنت اقصد هالشئ

والله العالم لكن تعرف الأصعب انك تتزوج شخص تعرف انه رافضك ومع هذا تضغط على نفسك

وتحاول وتضحك وتضحي وتتنازل وترضى وبعد هذا كله ..اغلب تصرفاته ما فيها حتى نظرة رضى

بالله عليك منو يتحمل هالذل كله مين ..مين

بدر ويحس كلام رغد اقوي من الكف على وجهه ....رغد كلامك على عيني وراسي

لكن خلينا بالموضوع الأساسي لمى وش قالت لك

رغد....لمى قالت انك مسافر بتقول لي بس ما بتسافر وإنها اتصلت تتطمن عليك لها أيام ما سمعت صوتك

بدر وبدأ يعصب من سمع كلام رغد....وصدقتيها ..؟..

رغد....كان لازم أتأثر من كلامها وأصدقه لأنك أكدته بسفرك

بدر راح عندها....رغد شوفي أنا صح بسافر وقلت لك ما فيه احد يعرف غير خالي

كيف وصل الخبر ما يعنيني لأني واثق من نفسي و أنا قدمت سفري اليوم بدل بكرا وهذا لمصلحتي ومصلحتك

لازم نبعد عن بعض وهالسفره بوقتها

وإذا مو واثقة بكلامي أحب أقولك إن اللي بنت خالتي ما تعرفه إن خالد ولد عمي معي مسافر

وتقدري تتأكدي أنا بسافر لكن قبل ما أسافر بقول لك شئ موضوع الطلاق انسيه لأنه مستحيل واكرر أسفي لك

لكن تأكدي رغد إني إنسان أخاف الله واراعيه بكل تصرفاتي

بعد هذا كله اللي عنده زوجه مثلك تتوقعين لمى تلفت نظره

عموما أنا اتفقت مع عبدالله يمرك وعندك أسبوع ترتاحين مني صدقيني ما املك غير إني أقول ......

وسكت بعدين قال مع السلامه وراح

وعند الباب التفت وقال ..ما بتردين علي

رغد بصوت واطي ....مع السلامة

طلع بدر ورغد ظلت تبكي ما تعرف وش تسوي لكن وصل عبدالله وطلعت له وراحت عند أهلها أسبوع

على أساس بدر مسافر وبالسيارة

عبدالله....رغوده حبيبتي المشاكل بكل بيت لكن من الشخص الذكي اللي يتجازوها بأقل الأضرار

رغد.....من قال لك

عبدالله....بدر قال لي انه فيه سوء فهم بينكم وطلب مني اخفف عنك

رغد....فيه الخير والله

عبدالله....هههههههههه رغوده بنتفاهم بالموضوع بالبيت اوكي الحين انسي حبيبتي

أما في بيت ابو سعود كانت ريم وأمل ونوف عندهم واتفقت نوف وأمل انهم يلعبون بأعصاب ريم

نوف...أمل صح وش صار على البنت اللي يحبها خالد

ريم كانت تعرف انه بيخطب ..لكن يحب..!! انتبهت وبدأت تركز على الكلام

أمل....ما اعرف يا أختي ذبحني كل ما اسأله يقول بتعرفينها إذا خلاص تقررت الخطبه

أمل....طيب منين يعرفها

امل..والله ما اعرف لكن شكله يمووت عليها

أما ريم طفشت من كلامهم وقامت وطلعت

نوف...هههههههه حرام عليك أمل

أمل....الحين أنا واثقة إنها تميل لخالد هذا إذا ما كانت تحبه

نوف....صدقيني توقعتها ما تحبه

امل....وليه هالتوقع

نوف..ههههههه لأنهم من طينه وحده

امل....ههههههههههههه على قولك خليهم الله يعينهم

أما ريم ضاق صدرها من سمعت هالكلام رغم إنها حاولت على قد ما تقدر ما تبني أحلام على خالد

لكن غصب عنها أحلامها تروح له ..

أما خالد قرر انه يكلم عمه يوم الجمعة ويخطب منه ريم وريم المسكينة ما تعرف تخطيط نوف وأمل ..

أما ام سعود كانت محتارة بعد كلام بدر اللي قاله لها بعد ما نزل من رغد قال لها

بدر...يمه لمى إذا ما وقفتوها عند حدها والله إني اعرف شلون أنا أعدلها

أنا حاولت قبل وعديت الموضوع والحين تكررها لكن أنا ما بنتظرها لحد ما تحاول وتدمر لي حياتي

ام سعود ...خلاص أنا بكلم نوف ونشوف بعد أختي وش أقول لها أخاف تروح فيها

بدر..شوفوا لكم حل معها وإلا أنا بشوف وطلع

وأم سعود قالت مالي إلا نوف ما دامها هي اللي تعرف بالسالفه

قالت لها الموضوع وتضايقت نوف كثير على رغد والي ضايقها أكثر تصرف بدر

لكنها وعدت أمها إنها تنهي موضوع لمى بنفسها وفعلا طلعت من أمها واتصلت على جوال لمى

لمى وبصوت ناعم...الو

نوف...السلام عليكم

لمى....وعليكم السلام هلا نوف

نوف....لمى اسمعيني زين وافهميني أنتي حاولت محاولتين انك تدمرين حياة بدر وفشلتي

هالمره هالكلام من بدر

يقولك والله لو تقربين لزوجته انه يعرف يعدلك وأنتي عارفه من هو أبوك إذا عصب فا ابعدي عن بدر وحياته

لمى ........

نوف....أنا حذرتك لكن أحب أقول لك إن أمي عرفت الموضوع لكن احترامنا لخالتي ما قلنا لها

لكن اذا صار شئ منك ما اعرف تصرف أمي ولا بدر مع السلامه

سكرت نوف وقالت بتصل برغد أحاول اهديها واتصلت لكن جوالها مغلق قالت بتركها ترتاح وبكرا اكلمها

أما رغد حاولت ما تبين لامها إنها متضايقه وخصوصا إن سلطان وريوف بيوصلون بكرا

وحمدت ربها إن ريوف بتوصل على الأقل تجلس معها ..

يوم السبت موعد رجعت سلطان وريوف بعد ما قضوا شهر كامل كان من أجمل أيام حياتهم

وقرر بو سعود يوم السبت يجتمعون كلهم عندهم ويسون عزيمه صغيره بمناسبة رجعت ريوف وسلطان

وفعلا وصلت ريوف وسلطان والكل انبسط لكن ريوف لاحظت على رغد الحزن

ريوف....كل هذا شوق للحبيب الغايب

رغد....شوق إلا كل هذا الم من جرح الحبيب الغايب

نوف....رغوده سامحي

ريوف وهي مو فاهمه شئ ....وش صار فهموني

رغد....الحين بنرجع للبيت وأقول لك لكن أرجوكم قفلوا على الموضوع الحين

وبالبيت قالت رغد لريوف اللي صار

ريوف....رغد مو لان بدر اخوي لكن أنتي المفروض ما قلتي كذا

رغد...وتصرفه صح

ريوف....لا طبعا بدر ما فيها كلام غلطان لكن لولا كلامك ما صار كل هذا

رغد...يعني أنا الغلطانه

ريوف....لا حبيبتي لكن المفروض ما تصدقين لمى

رغد....ريوف قولي لي بدر أعطاني الثقة بحبه حتى ما صدق لمى ؟؟؟

بدر كان يقول أو يبتسم لي وبعدها أحسه يندم ريوف لو تعرفون هالقلب شكثر تحمل والله تبكون رحمه عليه

ريوف....طيب حبيبتي رغوده تكلمي ليه ساكته قولي لي اللي فيك

رغد...ما عندي شئ أقوله ما اقدر أوصف قلبي المجروح ولا إحساس الخذلان ولا الخوف

ريوف...رغد حاولي انك تفكري بهدوء حللي الموقف اللي صار بينكم

رغد...إن شاء الله اطلعي ارتاحي أنتي تعبانه ما نمتي كويس

طلعت ريوف وتركت رغد بالصاله تفكر لحد ما دخل عبدالله وجلس يسولف معها

وفي بيت ابو سعود ريم كانت تكلم عبير ...

عبير....ريم اقول لك شئ ولا تعصبين علي

ريم....الله يستر قولي

عبير...اشتقت لوجوده بالمنتدى

ريم....وجع يوجعك اسكتي فضحتينا عبير ما أنتي صاحية

عبير...ادري

ريم....ما قلنا لا تبنين أمل على وهم

عبير....ريم والله مالي خلق اكتب خلاص ولا أشارك بأي منتدى

ريم....ابرك لك اتركي النت كله

عبير....وبعدين اجلس أقابل الجدران

ريم....أقول عبير خالك ليه مايزوركم كثير

عبير...ريم أنتي تعرفين خالي مشغول دائما بشغله وزوجته إحنا آخر اهتماماتها

ريم...الله يعينك وش رأيك أزوجك نواف وتسكنين عندي

عبير....لا الله يخليك أنا بفتك منك الحين

ريم...ههههههههه هين تشوفين

عبير...شوفي ريمووه بروح أنام ابرك لي أضيع وقت

ريم....اوكي باي

نرجع لرغد وعبدالله اللي تركناهم يسولفون

عبدالله ....ليه قافله جوالك

رغد...أريح

عبدالله....بدر اتصل ويسأل عنك

رغد.........

رغوده .....نكون صرحين مع بعض

رغد...تفضل

عبدالله.....رغد كل الناس يختلفون يزعلون وأحيانا يتطلقون لكن تعرفين المشكلة ين

رغد...وين

عبدالله..ويأشر على قلبه.....هنا ايوه حبيبتي أنتي تحبين بدر مهما حاولتي تنكرين

وهالشئ يعني انك تتقبلينه مثل ما هو مو مثل ما أنتي تحبين صح السلوك الخطأ نوضحه

لكن من اللي يعرف الأسلوب الصحيح اللي يوضح للطرف الآخر الخطأ الحين أنتي مختلفة معه وقفلتي جوالك

هذا بنظري خطأ تدرين ليه

رغد ودائما تحب تسمع عبدالله لان كلامه منطقي....ليه

عبدالله...لأنك سديتي الطريق بوجهه ومنعتيه من انه إما يوضح وجهة نظره أو يعتذر

أو يمكن أنتي الغلطانة والمفروض تعتذرين رغد أنا ما اعرف اللي بينكم لكن بقول لك شئ

وهذا ينطبق على كل علاقتك مو بس زوجك إذا أنتي زعلانه او مختلفة مع شخص

لابد انك تحترميه بإعطائه الحق بتوضيح وجهة نظره

وبعدين حبيبتي إذا الموضوع له أكثر من احتمال حتى نقول من المخطي

اسمعيني امسكي ورقه وقلم واكتبي كل إحساسك من بداية المشكلة وش صار

كلامكم من البداية لنهايه اتركيها بعدها بساعات أو يوم اقري الورقة وشوفي اللي لك واللي عليك

صدقيني بتقدرين تحددين حجم خطأك وخطأه ..

رغد وتبتسم له

عبدالله....ابتسامه رضى

رغد.....والله يا بختها فيك

عبد الله.....ههههههههههه من هي

رغد.... مين ما كانت

عبدالله....رغوده يمكن ويا بختي انا فيها

رغد....يعني فيه وحده ويا بختك فيها

عبدالله ....الحين ما اقدر أقول إلا كلمه وحده لأني تعبان وبنام ....ايه فيه

رغد....مين

عبدالله ...هههههه بكرا أقول لك تصبحين على خير

طلع عبدالله وترك رغد تفكر بكلامه وقررت تسوي اللي قاله لها وكتبت الورقة وقررت تفتح جوالها

أما بجده بدر ما قدر ينام يمكن الإحساس بالذنب تجاه رغد أو إن رغد بعيده عنه

أو انه لأول مره يحس انه جرحها وبشكل كبير كان جالس على البحر ويتذكر أشياء كثيرة بحياته

من بداية زواجه وفجأة يوصله مسج

أول ما شاف المسج انبسط لأنه تقرير إن مسجاته وصلت لرغد يعني فتحت جوالها وقال بتصل عليها الحين

أما رغد من فتحت الجوال حصلت مسجين من بدر الأول يقول فيه

" يمكن ما يهمك لكن حبيت أبلغك أني وصلت" وهنا ابتسمت رغد

أما الثاني" رغد ما هو حل انك تقفلي جوالك أتمنى إني اسمع صوتك"

شوي ويتصل بدر وترددت رغد لكن بعد كلام عبدالله أخوها قررت تسمع بدر حتى لو هو الغلطان

رغد...الوو

بدر...السلام عليكم

رغد...وعليكم السلام

بدر....شلونك رغد

رغد...تمام

لحظة صمت ...بدر..ما بتقولي حتى الحمدالله على السلامه

رغد....الحمدالله على السلامه

بدر....رغد أنتي حاسه انك انظلمتي معي ..؟؟

رغد.............

بدر.....مو أنتي اللي تعاني بس انا مثلك والله يا رغد لكن يا ليت تريحني بكلمه سماح منك

رغد.....بدر أنت مدرك أنت وش سويت أنت رفعت يدك

بدر ....والله وربي يا رغد من غير إحساس ما كنت اقصد

رغد.....

بدر.....رغد ما فيه شخص معصوم من الخطأ والله سبحانه يغفر ويسامح

أنا كلمت أمي بخصوص لمى ونوف انهت الموضوع لكن أتمنى يكون فيه ثقه بينا

رغد..........

بدر....وعرف انه ما بينفع معها إلا هالاسلوب.....رغد ريحيني حرام من أمس ما نمت ولا أكلت شئ

أرجوك أحس إني تعبان مو قادر حتى أفكر

رغد وكسر خاطرها مهما كان هذا بدر الغالي ......خلاص بدر

ابتسم بدر .....شو خلاص اسكر أو سامحتيني

رغد.....يمكن أسلوبي أنا استفزك لكن هذا ما يبرر تصرفك لكن أنسى الموضوع

بدر....وربي كنت صادق بالاسم اللي اخترته لك

رغد وبأبتسامه غصب عنها طلعت .....وشو الاسم

بدر.....إذا رجعت شوفيه بجوالي

رغد....اوكي الحين خلاص يالله سكر واكل لك شئ ونام

بدر....اوكي تصبحين على خير باي

رغد....تلاقي الخير باي

بدر حس بالراحة ورغد استغربت كيف قدر يخليها تسامحه وتنسى

لكن تذكرت كلمة عبدالله اللي دائما يرددها " دائما نكره ونقرر ونرفض ولكن عند الالتقاء نتمنى النسيان

فالحب أقوى من المشاكل والعثرات لذلك عند اتخاذ القرارات المصيريه بحياتنا لنتخذها وجها لوجه "

ابتسمت رغد ونامت مرتاحه وحتى بدر مرتاح لان رغد سامحته ..

بالصباح نزلت رغد وجلست مع أمها وأبوها وهي مرتاحه تحس إنها رجعت طفله وهي بينهم

وشوي ويدخل عليهم سلطان ..

سلطان...السلام عليكم

الكل....وعليكم السلام

سلطان....والله بيتنا منور يا شيخه

رغد....ههههههه خلاص منور بناس ثانين الحين

سلطان....ههههههههههههه صح بس أنتي غير أنتي نور البيت

رغد....سلطان وين عبدالله

سلطان.....بالمجلس

لرغد...بروحه أشوفه

راحت لعبدالله اللي حيرها من أمس بكلامه ودخلت وسلمت عليه وعرف شو عندها

عبدالله ....هههه عرفت تعالي اجلسي وأقولك من هي هالانسانه

رغد وبأبتسامه ...يالله قول

عبدالله.....أول شئ هالانسانه أنتي تعرفينها

رغد.....اعرفها مين..؟؟

عبدالله ....لكن بقولك قلب إن هالانسانه احتلت مساحه كبيره من قلبي وعقلي ووقتي

لكن هالاحساس من طرف واحد اللي هو أنا

رغد...أنت تحبها وهي لا.. طيب مين هي

عبدالله....يا شيخه لا تحطميني وتقولي لا يمكن تحبني


رغد....هههههههه طيب قول مين

عبدالله .....عبير حياة بلا حياة

رغد ومن الصدمة بصوت واطي عبير....

عبدالله....إيه عبير وقال لرغد الموضوع من أوله

رغد...تصدق عبدالله بالبداية حبيت انك تعرف هالانسانه لأنها عاجبتني

لكن بعدين غيرت رائي وقلت يمكن ما تعجب البنت الطريقة رغم ثقتي بأخلاقك

عبدالله....الحين المهمه عليك رغوده أبي توصلي للبنت كل هذا يعني موافتها علي لابد قبلها تفهم الموضوع

رغد...ولا يهمك خلي كل شئ علي

ودق جوال عبدالله وابتسم وقال....ما فتحتي جوالك

رغد...فتحته بس تركته بغرفتي

عبدالله...شاطره قومي شوفي زوجك أزعجني

رغد وهي تضحك ..إن شاء الله

ومر الأسبوع بسرعة رغد كانت تكلم بدر ويكلمها لكن مهما كان رغد تحس بحاجز انبى بينهم

وتحاول وبدر يحاول انه يزيله

مع هذا رغد مهما حاولت ما تقدر تخفي وتكابر إحساس الشوق لبدر الغايب أسبوع

اللي بالنسبة لها كل يوم فيه عن سنه كانت بالبداية تحاول تكون جافه معه بااتصالاته لكنه يعرف نقطة ضعفها

ويستغلها وتنتهي المكالمه مريحة للطرفين

وتحدد موعد رجعت بدر وخالد يوم الخميس

والجمعة الموعد المعتاد ببيت ابو سعود

رغد قالت بتجي الجمعة لان بدر بيوصل بالليل متأخر وخالد قرر يخطب ريم الجمعه ..

[&أبوخالد&]

تقبلي وروري

[حياه بلا احلام]

ما قصرتي خيتي غلاي

[م.عبدالعزيز]

I would say thank you GHALA
and I really appreciate your effort
I'm sorry I don't have arabic keyboard at this time because Im away of my labtop!!
we're waiting the rest of the wonderful story.
Abdulaziz...

[غلا قحطان]

الجنوبي يسعدني مرورك
تحياتي

[غلا قحطان]

عالجوني
مشكووووور على التواصل الدائم
دمت بحفظ الرحمن

[غلا قحطان]

الأخ الفاضل عبد العزيز إمنحني هذا الشرف المتجدد
أن أجدك ضمن دوحتي دوما وابدا
لك مني كل الشكر

[غلا قحطان]

الجزء التاسع عشر

بيوم الجمعه الصباح صحت رغد بدري وهي مو قادره تحدد إحساسها

هو فرح أو خوف أو اشتياق أو توتر أو انشراح

لانها بتشوف بدر وبترجع لبيتها اللي اشتاقت لكل ركن فيه اشتاقت لمكانها

لبيتها اللي سمع ضحكتها ومسح دمعتها

او كانت خايفه من لحظة لقاءها ببدر ما تعرف هل فيه تغير بيكون سواء منها أو منه بعد اللي صار ..

أما بدر كان ماخذ على خاطره من رغد لأنها فضلت ترجع الجمعه ومع انه فضل إنها تستقبله هي ببيتهم

ومع هذا قال بنفسه لازم أتغاضى وأنسى هالشئ مهما كان اللي صار مو سهل

لكنه حتى هو مشتاق لبيته ولرغد ووجودها بحياته ..

ومع هذا كان مقرر بدر انه يغير معاملته لرغد لكن إحساسه غير التصريح اللي اقنع نفسه فيه

بدر يحاول يقاوم إحساسه برغد ويقول لنفسه انه اخطأ عليها ولازم يعوضها

ويحاول يغير معاملته معها للأحسن .

.ماهو قادر يعترف بمشاعره الحقيقه تجاها

وصلت رغد مع أهلها قبل الصلاة دخلت بيت عمها لأنها شافت عمها عند الباب وسلمت عليهم

بعدين راحت لبيتها توقعت تحصل بدر طلع لصلاة

لكنها أول ما دخلت البيت تفاجأت بالهدوء ولا كأن احد موجود

بلحظه حست انها محتاجه تشوف كل ركن تضم كل غرض بهالبيت اللي حبته لأنه جزء كبير من حلم سنين

وهي طالعه فوق

صادفت بدر اللي وواضح انه كان يفكر وسرحان ولا هو منتبه لرغد

رغد وهي بأول الدرج ....هلا بدر

بدر بأبتسامه ...هلا والله ونزل وسلم على رغد

رغد...الحمد الله على السلامه

بدر...الله يسلمك

بدر وبنظره كلها إحساس ....ما اشتقتي للبيت

رغد وتحاول ما تجي عينها بعينه ...والله كثير كثير


بدر وبأبتسامه ...بس البيت ..؟؟

رغد...البيت ما يسوى بدون أصحابه

بدر...ههههههههه أجابه غير مباشره لكن نرضى فيها لان ما فيه وقت على الصلاة باي

رغد..باي

ابتسمت وقالت بخاطرها والله وحشتني حتى وأنت قاسي يا بدر وحشتني

وحتى وأنت تضغط على نفسك حتى تقنعني بأشتياقك.

.وحشتني حتى وأنت اللي هديت الحلم وأحرقت الفرحة والله وحشتني

ابتسمت لرغد وطلعت لغرفتها وبمجرد ما دخلت للغرفه نزلت دمعتها وبصوت واطي قالت ..

كم مره بتشهدي على دموعي يا غرفتي

و في بيت ابو سعود خطب أخوه ريم لخالد منه والكل انبسط وتفاجئ بقرار خالد

لأنهم متوقيعن يتزوج من برا العايله لكن هالموقف فرحهم كثير

ووعدهم ابو سعود خير وقال بسأل البنت ولا بتلاقي أحسن من ولد عمها

والعصر في بيت ابو سعود الكل موجود البنات والعيال قال ابو سعود

ابوسعود..ريم أبوي تعالي عندي

راحت ريم وجلست جنب أبوها بدر وسعود عرفوا إن أبوهم بيقول لها الحين

ابوسعود ..ام سعود قلتي لعروسنا عن الموضوع

ريم عرفت على طول السالفة و انقهرت و شلون بترد والكل موجود الحين حست إنها ما تقدر تتقبل الموضوع

هي بنت أحلامها مع صورته شلون تتقبل الواقع شلون

ام سعود...لا والله ما قلت لها شئ

نوف....خير ابوي فرحنا

ابو سعود وهو حاضن ريم....والله ريما الغاليه خطبوها اليوم

حس ابو سعود ببنته ورفع راسها وقال.....ما احد بيغصبك على شئ لكن إذا علي يا أبوي ما بلاقي أحسن منه

ولا بتلاقين رجال يصونك ويحميك مثله

ريم وسرحت بأفكارها .....وتقول بخاطرها استاهل ما كان المفروض أفكر واحلم فيه

سعود..... ريم ما بيذبحونك هههههههه


بدر....زين قولوا لها من اللي خطبها الحين

ابو سعود....يا بنتي خالد ولد عمك خطبك اليوم فكري واستخيري وبعدين ردي علينا

ريم من الصدمة هزت راسها وجات عينها بعين نوف اللي ابتسمت وقالت إن شاء الله وطلعت لغرفتها

نواف.....الحين الكل تزوج ولا ظل غيري زوجوني

ام سعود..الساعه المباركه ابوي ابشر

سعود....هواية أمي المفضله بتدور لك المره السنعه الحين بتقول

ام سعود....أشوف يا سعود الحين ذوقي ما يعجبك

سعود..افا الغاليه من يقول

ام سعود..ايه المره السنعه والا زوجتك ما هي سنعه

سعود....دائما أمي تحرجني ههههههههه

بدر....هههههههههه تستاهل أنت اللي تجيبه لنفسك

سعود...غصب عني ما اقدر اسكت لازم أقول اللي بخاطري

نواف...الغاليه أنا زوجتي اختارتها وحده من بناتك بس ما بنصرح بالموضوع الحين

ام سعود....منهي من بناتي خليني اعرف ذوقها

سعود.....ههههههههههههه يمه نواف منهي من خواتي 24 ساعه معه ريمووه

ام سعود وهي قايمه.....عز الله اختارت لك السنعه خلها تنفعك بروح أصلي وطلعت وتركتهم يضحكون

ابوسعود....رغد ابوي

رغد..سم عمي

ابو سعود....ان شاء الله هالسنه بتكملين دراستك

رغد..إن شاء الله عمي

ابو سعود...الله يوفقك يا بنتي

نواف..والله على بالي خلصت رغد الله يعينك

نوف..الله يعين ناس على ناس يا رب

سعود..افا الأخت العزيزة شايله على أبو احمد

نوف..والله ابو احمد ما فيه مثله

سعود..أمل أنتي قايله لنوف شئ عني

نوف...ههههههههههههه دائما تشك بنفسك

بدر ..وهو طالع عن إذنك أبوي بطلع ارتاح

ابو سعود وهو يناظر نوف....الله معك أبوي

نوف وبصوت واطي .....أنا اعرف وش اسوي لا احد يناظرني كذا

طلع ابو سعود وتركهم لحالهم ..ورغد طلعت لريم ولا ظل غير نوف وأمل وسعود

وبغرفة ريم ..رغد..السلام عليكم العروس

ريم وبأبتسامه ....وعليكم السلام هلا رغد

رغد...وينك من طلعت ما عاد شفناك كل هذا حيا ء

ريم...لا والله بس تفاجأت

رغد....تبين الحق حتى انا

ريم...محتاجه أتكلم مع احد وربي أحس إني تايهه

رغد....ريم أقول لك شئ بصراحه

ريم....قولي

رغد....أنتي ترتاحين لخالد صح

ريم وسكتت فتره بعدين قالت ....ارتاح له صح لكن خايفه

رغد..من

ريم....خالد شخصيته مختلفة أفكاره أسلوبه

رغد....ريم أنا ما اعرف مشاعرك تجاهه لكن أنا ليه صابره على بدر لسبب أقوى مني حبي له

وأنتي إذا ترتاحين له او تحبيه راح تتجاوزي كل شئ وتأكدي من شئ واحد

أن خالد ما احد اثر عليه بقراره وخذيها نصيحه مني خذ من يحبك ولا تأخذ من تحب

ريم....رغد حرام عليك وربي يوجعني قلبي إذا تحكين كذا صدقيني بدر يحبك أنا واثقه

رغد....قويه يحبني ريم والي يحب يسوي اللي سواه بدر

ريم..رغد انسي اللي صار

رغد...آه يا ريم يا ليت يقدر بدر ينسيني يا ليت

ريم..حاولي

رغد....لا أنا خلاص كله أسبوع ونرجع لدراسة والي يصير يصير

أما إني ارجع اضغط على أعصابي لا

ريم..رغد تفاءلي وان شاء الله بيتغير

رغد....خلينا مني وفكري أنتي

جلست رغد مع ريم وارتاحت ريم بالكلام معها وبعدين قالت بجلس يومين بعدين أقولهم قراري

أما خالد كان حاب يعرف رد فعل ريم قال ما فيه غير أمل اتصل عليها وسلم وبعدين قال

خالد....أمل شصار عمي قال لريم

امل..ايه قال لها

خالد..اوكي صوتك ما يطمن وش صار بصراحة أمل

أمل..خالد أنا بصراحة ما توقعت رد فعلها كذا ما شفت الفرحة اللي توقعت

خالد..يعني ..؟؟

امل..والله يا اخوي ما ادري عموما لازم تأخذ وقتها بالتفكير

خالد...ما قلت لك أول خذي موافقتها

امل..خالد ليه الحين أنت معصب

خالد..لان هالشغل هذا ما يعجبني المفروض انك سمعتي كلامي وتأكدتي

امل..لهالدرجه خالد تعني لك ريم

خالد..يا أمل افهميني مهما كانت مكانتها عندي ما فيه شخص يحب انه ينرفض

أمل..تطمن اخوي

خالد..اوكي باي

امل..مع السلامه


نرجع لرغد اللي راحت للبيت وحصلت بدر بالصالة يقرأ الجريده

سلمت ولا قالت شئ

وعلى هالاسلوب مرت حياتهم لمدة شهر تقريبا

بدر رفض هالاسلوب ما عجبه أبدا

أما رغد بعد اللي صار بينهم صارت ما تقصر بشئ لكن ما تحاول تكسب بدر وتخليه يحبها فقدت الامل منه

بدر يحاول يغير أسلوبه ورغد صايره جافه معه ما تقدر تعطي أكثر خلاص ...

أما ريم كانت متردده بقرارها وراحت تكلم عبير وتتكلم معها بالموضوع

عبير..ريم ليه الخوف طيب مو هو الشخص اللي كنتي تتمنين

ريم..صح كنت أتمنى اني ارتبط بخالد لكن الحين أحس إني خايفه من هالارتباط كثير

المشكلة ما فيه احد قادر يفهمني خالد أسلوب حياته مختلف عني كثير وهذا اللي مخوفني

عبير....ريم خالد ما هو مختلف لكن أنتي تتوقعين الكل مثل إخوانك

لا يا ريم خالد ما هو متحرر مثل مالكل متصور أنتي قلتي لي قبل إن خالد إنسان واقعي وصريح

ما هو إنسان غامض واضح

ريم..صح لكن ما اعرف ساعة أحس إني فرحانة وساعة أخاف

عبير..ريم استخيري ربك والله يوفقك يا رب ويكتب لك الخير

ظلت ريم أيام تفكر وخالد متوتر لكن أخيرا أعلنت الموافقة والكل انبسط وارتاح خالد

وتحددت الملكه بعد نهاية هالمستوى يعني بعد تقريبا شهرين ..

وفي بيت بو سعود كل البنات موجودين ومبسوطين ريوف تحاول تشوف رغد وتكلمها

لكن رغد ما كانت معها كان عندها إحساس قوي إن فيه شئ تحس بقلبها مقبوض وكل ساعة تسال عن بدر

ويقولون ما وصل وجواله مقفل وعلى الساعة تسع دخلت نوف وهي مو عارفه شو تقول لرغد

نوف.....رغوده شرايك تنامين عند أهلي بنام عندهم أنا

رغد وعرفت إن نوف تحاول تضغط على نفسها......لا ما أبي بنام ببيتي

امل....وأنا بنام بعد

ريووف.....وشفيكم

نوف....ولاشي نبي رغد تنام هنا

رغد.....ريوف اتصلي بسلطان اسأليه عن بدر ما شافه

نوف.....بدر بالبيت

رغد واستغربت....من يقول

نوف....سعود يقوله

قامت رغد ....بروح أشوفه

مسكتها نوف.....لا رغد خليك بدر

رغد ونزلت دموعها.....أنا عارفه فيه شئ قولوا بسرعه

امل....رغد ما فيه شئ بدر تعبان معه صداع

نوف....وأنتي تعرفين هالصداع من زمان ما جاء لبدر وتعرفين كيف تكون حالته وانه ما يحب احد يكون عنده

ريووف.....نامي هنا أحسن أنا اعرف بدر إذا كان معه هالصداع وبكرا إن شاء الله يصير بخير

رغد وخلاص مو قادر ومن بين دموعها......انتم تعرفون اللي تتكلمون عنه وتعبان هناك من يكون هذا عمري

تعرفون شو يعني عمري وتركت يد نوف وطلعت بسرعه لبيتها

نوف وهي فعلا خايفه.....يا رب الله يعين هالاثنين على اللي بيجيهم

ريم....الحين رغد ما نست اللي صار شلون بتتحمل كلام بدر الحين

نوف..تعبت أنا مع هالاثنين والله هي تحبه وتموت عليه وهو مو قادر يفهم

ريوف.....رغد مهما حاولت تكون قاسيه او باردة بتعاملها مع بدر ما تقدر تخفي خوفها او حبها له

تأكدوا رغد حب بدر بقلبها راح يروض قلبه ما فيه أحد يتحمل كل هذا الا قلب صادق بحبه

دخلت رغد للبيت وكان ظلام قفلت الباب وطلعت له للغرفة

بالصاله حست بباب الغرفة مفتوح لكن الغرفة ظلام ما فيه غير نور خفيف مرره لشمعه وقفت بالصاله

بعدين قررت إنها تشغل قرآن بصوت منخفض بحيث انه يعم ذكر الله بالبيت ويحس بدر بالطمائنينه

شغلت القرآن ودخلت للغرفة بكل هدوء جلست جنب بدر اللي واضح انه مو نايم لكنه حاط أيدينه على راسه

جلست رغد وبكل خوف من ردت فعل بدر

حاولت تعمل له مساج على الرقبة والراس خفيف لكن شوي ترتخي ايد بدر بعدين ترجع تشد على راسه

وظلت تقريبا ساعتين على هالحاله

بعدها حاولت تعمل له كمادات باردة بخل التفاح ورجعت تعمل المساج

وظلت على هالحال إلى الساعة ثلاث تقريبا الفجر ودموعها على خدها لان الم بدر يعني ألمها وجعها

وبعد ما تأكدت انه نام راحت وبدلت ملابسها وحاولت تنام

لكن نزلت قبل تحت وأخذت جوالها

اللي حصلت فيه مكالمات من الكل وواضح إنهم خايفين لان بدر ما كان يحب احد يتكلم معه

او يجلس معه ويزعجه كان يحب يجلس بالظلام والهدوء والتكييف بارد مره وهو معه صداع

لكن هم نسوا إن رغد من حبها لبدر قبل الزواج كانت تعرف كل شئ عنه أخذت الجوال وطلعت تنام

وتوها مالها نص ساع الا أذن الفجر صحت وصلت

وقفت عند بدر كسر خاطرها توه قدر ينام لكن قالت لازم يصحى لصلاة وحطت أيدها على كتفه

رغد...وبصوت هادي.......بدر بدر اصحى لصلاة الفجر

بدر وحس فيها لكن الألم مازال موجود هز راسه ورغد نزلت بسرعه وعملت كأس حليب دافي لبدر وطلعت

حصلته يصلي

انتظرته وراحت جلست قريبه منه ....ما خف الالم

بدر وما يقدر حتى يقوم من مكانه حط راسه على ركبته ..

رغد...بدر حياتي قلبي أنت اشرب هالكاس دافي وقوم سريرك وان شاء الله يخف يا رب

اخذ منها الكأس وشرب شوي منه وساعدته رغد وجلست جنبه

وعملت له كمدات من جديد لحد ما نام بعدها على الساعة ست نامت

وعلى الساعه عشره الصباح صحى بدر وحس براحه لأول مره يجيه هالاحساس بعد الم الصداع

كان يجيه الصداع من فتره لفترة إذا كان ضاغط على نفسه بشكل كبير يحس بتعب كبير وصداع

لكن له أكثر من سنه ما رجع له هالصداع

التفت وحصل رغد نايمه وشكلها تعبانه ابتسم وقال بخاطر ...والله ما استاهلك وتركها تنام على راحتها

وبدل ملابسه وراح لبيت ابوه ودخل ولا حصل غير أمه وريم

بدر وهو مبتسم....السلام عليكم

الكل..وعليكم السلام

ام سعود..هلا والله أبوي شلونك الحين بشرني

ريم ...وتقول بخاطره الله يستر أول مره بدر أشوفه كذا لا يكون طلق رغد

بدر..مثل ما أنتي شايفه يالغالية مرتاح بس جووعان

ام سعود,,,ابشر أبوي ريمووه قومي هاتي فطور لاخوك

ريم ...إن شاء الله بس فيه سؤال بخاطري إجابته فيه ناس كثير تنتظرها

بدر..هههههههه الله شو هالسؤال المهم

ريم..رغد وينها لا تكون طلقتها

ام سعود..... ريمووه الله لا يقوله وش هالحكي

بدر....هههههههههههههههههههااي

ريم..أنا متأكدة أنت مو طبيعي اليوم

بدر..طبيعي ورغد نايمه

ام سعود..خير لا تكون تعبانه ما هي عادتها

بدر....ما نامت إلا متأخر وكسرت خاطري

ريم....احم احم

بدر....ههههههه فهمت قومي هاتي لي شئ أكله

ريم..وهي طالعه ..رغيده تكسر خاطره وأنا اتعب

بدر..اسمها رغد لو سمحتي

ريم..وهي تضحك ....طيب والله تطورات

[حسن خليل]

أشكركِ جزيل الشكر أختي غلا قحطان على طرح الجزء التاسع عشر المشوّق

وبانتظار الجزء القادم

تقبلي احترامي وتقديري

[حياه بلا احلام]

(a99) (a99) (a99)

(qq140) (qq140) (qq140)

[م.عبدالعزيز]

*
*
*
يعييك العافية اخت غلا .. وبانتظار بقيه الاجزاء .. ولك كل الشكر والتقدير !!
*
*
*

[غلا قحطان]

الأخ الفاضل حسن خليل
عالجوني
م . عبدالعزيز
كـــــــــــــل الشكر أقدمه لكم على كل حرف نقشتموه هنا
وعلى تواصلكم الرائع

[غلا قحطان]

الجـــزر العشرون (( الأخــــــيـر ((

صحت رغد على أذان الظهر واستغربت لأنها كانت ضابطه الساعه لكنها موقفه

توقعت انه بدر وابتسمت وصحت أخذت لها دش وصلت ولبست وراحت بيت عمها

دخلت وسلمت على الكل ولاحظت ابتسامة ريم

رغد...خير إن شاء الله شفيك

ريوف....ههههههه رغوده من اليوم وهي تقول عندي لكم مفاجأه تخص رغد

رغد....أنا ..؟؟

ريم...ايه

نوف....ريمووه ترى بهالمخده قولي وش عندك

رغد ...أقول أنا بطلع أشوف بدر واتطمن عليه

ريم.....ههههههههههههههه يا عيني روحي عند أمي بالمطبخ هو

ابتسمت رغد وطلعت وصادفها بدر عند الباب

بدر معصب ....بدري لا ارجعي نامي

رغد..تقول بخاطرها بسم الله .....الحين منو قافل الساعة

بدر...ههههههههههاي امزح معك نوم العافيه

رغد وهي مستغربه ...الله يعافيك أنت شلونك الحين

بدر..مارد ظل يناظر رغد بأبتسامه ......

رغد ووجهها صار احمر.....شفيكم اليوم بس تبتسمون ليه ما ترد

بدر ....ومسك يدها ..تسلمين رغد وجودك معي أمس كان دواء لي

رغد وحست إنها بتمووت بمكانها ولا رفعت رأسها لكن بدر رفع راسها

بدر...رغد أنتي عرفتي الاسم بجوالي

رغد وكانت ناسيه ....صح لا شو الاسم

بدر..كان ........بس بغيره بأسم ثاني اليوم

رغد...طيب شو كان

بدر...الحنونة

رغد...ولأول مره تحس إنها ملكت العالم كله ....بروح أشوف خالتي

بدر....ههههههههههههه اوكي روحي لكن اسمحي لي أقدم لك شكري بطريقتي

ورفع يدها وباسها رغد من كثر ما استحت ما عرفت شو تعمل رجعت عند البنات وأول ما دخلت

ريم....هههههههههههههههههههههههه ما قلت لكم هذي المفاجأة شوفوها

والكل ضحك لان رغد واضح عليها

نوف....رغد شفيك

ريووف....شفتي بدر

رغد.....لا بدلتوه مو بدر اللي اعرف

وكان عند الباب...بدر....لا ما بدلوه بس كان أعمى وفتح

رغد من كثر ما انصدمت انه سمعها ما قدرت تتحرك لكن بدر ما حب يحرجها أكثر تركها وطلع

والبنات مبسوطين اتصلت عبير وقالت إنها بتجي عند ريم وانبسطت ريم والكل راح لبيته

ما ظل غير رغد قالت بتروح ترتاح شوي وترجع وشافتها فرصه تكلم عبير بموضوع عبدالله ..

بعد ما ارتاحت رغد

راحت عند البنات وسلمت على عبير لكن هالمره بشكل مختلف نظرتها كانت فيه تدقيق

وتقول بخاطرها والله إنها لايقه لعبدالله

رغد....عبير كيف المنتديات معك

عبير....أضيع وقت استفيد وابني أمل واهدم أمل

رغد....وليه تهدمين

عبير.....لان حياتي الظاهر مستحيل يستمر فيها أي شئ ابنيه

ريم..عبوره خلي عنك التشاؤم

عبير وبابتسامه .....بالتفاءل ابني حياتك وبالأمل استقبلي

رغد وكملت عن عبير ....فجرك وبالحب ابدئي كل عطاءتك

عبير سكتت وريم استغربت من نظرة رغد ومن سكوت عبير

عبير وهي مستغربه ....منين عرفتي هالكلمات

ريم..اي كلمات أنتي وياها

رغد وبابتسامه ......اللي قالتها عبير وكملتها

ريم...ايوه طيب شفيها

عبير.....أنتي تستخدمي النت رغد

رغد وتعمدت تلعب بأعصاب عبير....لا

عبير..طيب وين سمعتي هالكلام

رغد.....أمل الحياة

ريم وعبير تفاجئوا من الاسم اللي قالته رغد عبير نزلت راسها وريم ما عرفت شو تقول

ريم...رغد ماله داعي هالاسلوب

رغد قامت وجلست جنب عبير ورفعت رأسها ..... هذي الكلمات لأمل الحياة اخوي عبدالله يا عبير

ريم.....شوووووووووو

عبير..أخوك رغد ..عبير لا تنزلي رأسك أنتي بنت الكل يتشرف فيها واخوي لما ابتعد عن المنتدى

كان يبحث عن مصلحتك أول شئ لأنه إنسان يراعي الله بكل تصرفاته

عبير....شلون أنا ماني فاهمه شئ

ريم..ولا انا فهموني

رغد وقالت لهم الموضوع من أوله عبير بالبدايه ما عجبها الموضوع

لكن حست بالراحة لما عرفت إن هالانسان ما بنى الأمل حتى يهده بحياتها وانبسطت أكثر انه معجب بأخلاقها

وحاب يتزوجها

قربت رغد التليفون واتصلت على بيتهم وهي تكلم بالسبيكر

رغد....هلا عبدالله

عبدالله ..هلا والله

رغد..شلونك عبداله أهلي شلونهم

بدر.تمام الحمد لله بشريني عنك الغاليه

رغد .تمام

عبدالله ...دوم يا رب

رغد ....تعرف عبدالله وحشتني قصايدك

عبدالله...كل القصايد لخاطر عيونك بس شرفينا

لرغد..لا سمعني الحين

عبدالله...ولا يهمك الغالية أنا بحياتي كم رغد هي وحده الله يخليها نور حياتنا

رغد....تسلم لي اخوي حبيبي والله

عبد الله ..

حبيبي جيت لمصافح مواعيد الفرح بيديك...

وجيت أعطي يمينك حب ما تدريبه شمالك

أشوفك وأسمعك قبل أعرفك واشتاقلك وأبيك ..

وأحس آمال عمري من عرفتك تشبه أمالك

أنا ما عشت قبل أعيش بااحساسك وقبل اجيك..

حبيبي جيتك بقلبي ولو ماجيتك جالك

أحاسيس كريمه وأنت تستاهل كرم غاليك ..

ترى لو ما أشرقت شمسك وصل رحت اتبع ظلالك

يقولون العرب "دار بلا مغليك ما تغريك" ...

وأقول انك بليا حب كنك عايش لحالك

أنا لا جيت اسولف عن شعوري قمت اسولف فيك ..

وأنا ادري رغم كل الشوق ما مريت في بالك

دريت إن الغلا مثل القدر يرضيك لو يبكيك .

.ولا ينفعك بعلوم الغلا عمك ولا خالك

مابين الحلم والواقع يصيبك حظي ويخطيك ..

متى تصبح نصيب اللي وقف بآماله إقبالك

(( للمبدع سعد آل سعود "منادي" ))

عبدالله..وسلامتك

ابتسمت رغد لعبير لما نزلت راسها لكن هالمره لأنها استحت من عبدالله

رغد..صح لسانك

عبدالله صح بدنك الغاليه

رغد...ما قلت لي هالقصيده بمن

عبدالله....هههههههه للي خذت من عقلي التفكير ومن قلبي الإحساس

رغد....الله عبدالله أقول الظاهر الوضع صعب عندك مرره

عبدالله...والله فيه وحده اسمها رغد قالت اترك كل شئ علي ولا الحين ما شفت شئ

رغد....هههههههههه إن شاء الله حبيبي لا تقلق

عبدالله....ان شاء الله

رغد..اوكي سلم لي على أهلي

عبدالله...يوصل سلمي على الكل الله معك

قفلت رغد وابتسمت لعبير وهي طالعه وقالت..والله يا عبير إذا أنتي من نصيب اخوي يا بخته

وإذا هو من نصيبك يا بختك

طلعت رغد وتركت عبير تحكي لريم اللي مو مستوعبه كل اللي صار ما تعرف تبكي فرح أو خوف أو شو

هالاحساس اللي تحسه تجاه عبدالله الإنسان اللي بناء الأمل بحياتها من جديد والي حاولت تقنع نفسها انه وهم ..

رغد راحت للبيت وظلت لحالها بغرفتها تفكر بعبدالله أخوها وبسلطان بريوف يالله بسرعة مرت الأيام

دخل بدر وحس ان رغد شكلها كانت تبكي جلس جنبها

بدر....رغد فيك شئ

رغد حست إنها قادرة تهدي الحب للكل إلا لها لإنسان اللي قبالها كل الحب يصده قلبه

ومن غير إحساس نزلت دموعها

حضنها بدر وقال..ليه ليه رغد هالدموع شفيك

رغد...ومن بين دموعها ...مالها سبب بس محتاجه ارتاح

ظل بدر معها لحد ما هدت شوي وابتسمت وقالت....غباء إن الإنسان يصيح من غير سبب

بدر وبابتسامه هالمره حنونه ...لا مو غباء بحياتنا تمر علينا ضغوط كثير ونتجاهلها

لكن تتراكم وبلحظه ما نتحملها

بدر..يالله رغد ما أبي أشوف دموعك مع إن عيونك حلوه وهي مليانه دموع

رغد من الصدمة ما رفعت رأسها معقوله هذا بدر اليوم مو طبيعي لكن بدر ما أعطاها فرصه تستوعب هالكلام

رفع راسها بيده

بدر...لكن من غير دموع أحلى يالله قومي غسلي وجهك وخلينا ننزل نجلس تحت

رغد ومن غير تركيز هزت رأسها وراحت تغسل وبدر نزل للمكتب تحت

....رغد بعد ماغسلت وبدلت ملابسها نزلت لبدر حصلته بالمكتب وقفت عند الباب تتأمل بدر

وهو ما هو داري عنها ظلت عشر دقايق وهي واقفة ولو قالوا لها اجلسي طوال اليوم بتوافق

رفع رأسه بدر فجأه وحصلها وظل هو كمان يناظرها ولا نزل عينه لكن رغد بالأخير انتبهت

لأنها مسافرة بصوره زوجها وحبيبها وولد عمها

رغد....بروح اعمل لك عصير

ابتسم بدر وعرف إنها تهرب من هالموقف لان وجها صار لونه احمر ورجع يكمل شغله

مرت الأيام ورغد بلغت عبدالله إنها قالت لعبير وإنها طلبت مده تفكر وتتخذ قرارها أما رغد كانت متوترة خايفه

وقالت مالها إلا ريوف راحت لبيت أهلها عند ريوف وقالت لها

رغد....ريوف تعرفين بعدين يومين شو يصادف

ريووف ..وتحاول تتذكر شو

رغد....ذكرى زواجنا

ريووف...صح الله وش بتسوين

رغد....خايفه

ريووف واستغربت....من شو رغد بدر تغير كثير

رغد...ريوف أنا انصدمت كثير من بدر قبل زواجي وبعد زواجي تحملت كثير

ولا أتوقع إن استهتاره بمشاعري بهاليوم راح تكون سهله يمكن تكون نقطة النهاية

ريوف....لا رغد مهما كان بدر مو قاسي أو أناني

رغد....آه يا ريووف لو أقولك إن كل تصرفات بدر والتغير اللي تشوفونه أحسه مو من قلبه

من باب الواجب بس

يبتسم لي يواسيني يهتم فيني إذا تعبت يعني بمواقف أحس الواجب هو الدافع لتصرفه لكن عمري ما حسيت

بمبادرة صادقه منه كلمه أو حتى نظره يعني لازم فيه سبب انه يقول تسلمين أو يبتسم أخاف يا ريوف أخاف

ريووف....رغد نسيتي الصنودق الصغير للحين عندي مو قلتي أول هديه بذكرى زواجكم بتكون الصندوق بكل

اللي فيه للحين حافظه لك هالصندوق عندي

رغد ..ريوف هالصندوق كنت احلم اهديه بدر وأقول له اقرأ إحساسي لكن الحين تغير كل شئ

ريوف...يعني هالصندوق ارميه

رغد وسكتت فتره بعدين قالت ....لا عطيني الصندوق وبعتبرها آخر محاوله يا تصيب او تعلن الفشل النهائي

ريوف.....رغد وربي أحس بدر يحبك

رغد...الكل قدر بدر يوصل له احاسس انه يحبني الا أنا

اقتنعت رغد إنها تعمل آخر محاوله

وبيوم الثلاثاء اللي هو يوم الذكرى لزواجهم رغد كانت خايفه ومتوتره

بدر صحى مثل العادة وطلع ورغد بدت تحضر بيتها ونفسها وكل ترتيباتها

لكن انصدمت على الساعه تقريبا ثلاث بمسج من بدر يقول

" رغد احتمال اتأخر لخمس او اكثر"

رغد لحظتها بكت حست إنها فشلت لكن قالت لا بتكمل الشئ اللي بتدت فيه وأكيد على المغرب بيوصل

وتابعت تجهيزها ..

والحين بنروح لبدر بالمكتب اللي انتهى دوامه من الساعه ثلاث

ومازال موجود للحين والساعة على سبع المغرب ....

بدر كان واضح انه مرهق وتعبان ومحتار ..

خايف من هاليوم كان متأكد إن رغد تنتظره وان اليوم ذكرى زواجهم وهذا سبب له خوف كبير

كان خايف من مشاعره وكان متردد من إحساسه ما يعرف شو يعمل أو شو يقول

خايف يقولها الحقيقة وتزعل او يسكت وتزعل

لازم يوضح وهالتوضيح أتعبه ظل بدر على هالحال لكنه على الساعه ثمان اتخذ قراره

انه يرجع البيت ويقولها كل شئ ولا فكر حتى يأخذ لها أي هديه لأنه يعرف بعد الكلام اللي بيقوله ما تقبل شئ

ولا تقبل أي هديه لكذا قرر ما يأخذ شئ ..

ريوف كانت خايفه من اللي بيصير لأنها شافت رغد وكيف هي ضاغطه على نفسها

لكنها ظلت تدعي من الله انه يحنن قلب بدر ولا يذبح هالبنت اللي حبته من عشر سنوات حب حقيقي صادق

رغد والساعة تسع بالليل ومع كل دقه لثواني الساعه تتزل دمعتها

جلست بالصاله وحضنت دبدوبها وبدت تبكي من جيديد ..

وهي مقرره اليوم تنهي هالزواج اللي ابتداء العام بنفس اليوم وفشل

تسع ونص بعد تردد دخل بدر للبيت ولا حست عليه رغد عند الباب انبهر البيت تغير فيه شئ كله ورد طبيعي

وعند الباب دبدوب صغير يحمل استاند لكن واضح إن البطاقه مو موجوده تقدم ودخل

وحصل على الطاوله باقة ورد

ابتسم ودخل بهدوء لصاله اللي أنصدم من أكثر من شئ فيها اولها اللون الأحمر اللي غلب على الصاله

وبعدين من رغد اللي تبكي ولاهي حاسه فيه والأكثر الاغنيه اللي كان صوتها عالي

يعني بطفي الشمعة وحدي

آه لو تدري بشعوري غيبتك تنهي حضوري .

.وغرفتي تنسى وجودي رغم أنها امزينه

هذي ليله في السنه

ادري لو كنت اتغلى والا ناوي تعتذر....

جيتك تسوى حياتي ياللي مابعدك عمر

انا ما زعلت عينك لو نيسيت اسأل حنيني..

بس ابكي الليله يمي لو الأماني ممكنه

هذي ليله بالسنه

كل أصحابي بقربي شفتهم إلا أنت لا ...

دمعتي تسأل عيوني وين اللي قلبه سلى

ما ابي كل الهدايا فرحتي وأنت معايا ..

صرت ادور عن وجودك في كل ورده ملونه

وهذي ليله بالسنه ..



وقف بدر مكانه وهو يسب نفسه كيف قدر يعذب رغد كيف

وفجأة انتبهت له رغد وقامت بتطلع فوق لكنه مسكها

رغد ومن بين دموعها ....خلاص كل شئ انتهى

بدر وبابتسامه....لا يا عمري كل شئ ابتداء

رفعت رغد راسها ...ابتداء ..الم جديد او دموع جديده او

قاطعها بدر....رغد والله احبك

ابتسم بدر لرغد اللي غمضت عيونها وواضح أنها مسكت بدر حتى تتمالك نفسها

رغد..تحبني ..؟؟

بدر...ايه رغد احبك صدقيني مهما حاولت إني أقاوم هالاحساس الله يشهد إني احبك

وانك الفرحة بحياتي والأمل

رغد كابرت حبك سنه كامله جمدت إحساسي سنه لكن حبك اقوي مني حنانك غلبي ملكني قلبك

احتل قلبي مها قاومت او رفضت

رغد............

بدر..رغد وربي ما بسمح بعد اليوم تزل دمعتك وأنا موجود ومسح دمعهتا

رغد. ومن بين دموعها ...بدر سنه كاملة نزلت حزن خليها اليوم دمعة فرح هذي

بدر.....حبيبي أنتي سامحيني على الألم اللي سببته لك

رغد رفعت راسها وقالت.....بدر تعال اجلس هنا واسمعني

بدر....لا رغد انسي كل اللي كان وخلينا نعيش الحياة من اللحظه هذي

رغد....لا حبي أرجوك اسمعني وجلست هي وبدر

رغد....بدر أنا من كنت صغيره كنت اسمع إن رغد لبدر وبدر لرغد عمر ما احد قال لي انه هذا ممكن مايصير

بالعكس الكل كان يأكده عمي خالتي خواتك أهلي الكل واثق من هالشئ كبر هالشئ معي بديت احلم فيك

أتصور حياتي معك وبديت أفكر بكل شئ حتى بكلامي معك انتظرك إذا تجي بيتنا من تدخل لحد ما تطلع ما كنت

تدري عني لكن قلبي يقول لي انه يعرف إني موجوده هنا الانسانه اللي بيتزوجها وأكيد يكن لها مشاعر

ولو بسيطه

بعد ما سافرت اسأل ريوف عن دموعي يالله لو العين تحكي لنطقت وقالت خلاص كفايه سبع سنين قضيتها برا

وبكل يوم ابكي فيه مليون مره أحسك بعيد بعيد ما اقدر اتطمن عليك لكن مرت الأيام والأمل بداخلي يكبر

إني أنا اللي بتزوجك وبكون الانسانه اللي تهديك السعاده وبعد الخطبة فرحتي تكفي العالم

صح خفت لما طلبت تشوفني لكن قلت حقه ولازم هالشئ وشفتك بوقتها ما حسيت ببرودت نظرتك

لأني كنت بعالمي عايشه متصوره انك مثلي أوهمت نفسي انك تحبني لكن


( وهنا وقفت رغد )



قبل الزواج بعشر أيام انصدمت كل الحب بداخلي أنجرح

حسيت إن حلم سنين من عمري تبخر لما اتصلت الظاهر بالخطأ ووقتها كنت تتكلم مع نوف

والظاهر إنها تعاتبك لأنك ما جيت عندنا بأيام الملكة ( بدر عاقد حواجبه ومركز بيسمع وش صار بعدها)

سمعت ردك اللي ذبح فرحتي اغتال بسمتي

وزرع الخوف والرفض منك بداخلي تعرف بدر وش قلت ..

نوف أنتي تعرفين إني وافقت على هالزواج عشان خاطر أبوي وعماني وإلا انا ماني موافق خلاص

مو كفايه نفذت لكم كل اللي تبون لا تطالبوني بشئ ثاني ..

انا قلت لك أنا مااااابي رغد ولا أبي اظلمها معي وأنتم ما فهمتوني لا تطلبون مني شئ ما اقدر عليه ..

( بدر نزل راسه وضرب بيده على رجله) بوقتها ما كنت اقدر ارفض او انهي الزواج

كان مستحيل احد يوافق لكذا ما كان عندي إلا الاستسلام لهذا الواقع المر اللي قلب فرحتي حزن

والتفت لبدر وقالت

لكذا قررت اخذ حبوب مو لأني ما احبك أو أرفضك أخذتها لا أخذتها لأني خايفه من حياتي معك

خايفه من رفضك لي خايفه اني .....وسكتت وقام بدر لها

بدر...لا رغد أرجوك لا تقوليها كنت مغفل ضيعنا سنه من حياتنا أنتي تتألمين وأنا اكبر احساسي تجاهك صح

أنا الغلطان

لكن لو قلتي لي من الأول كان أقولك إني ما تزوجت حتى أطلق صح رفضت المبدأ وحملتك مسؤولية رفضي

لكن رغد خلاص انسي الحين كل شئ واضح وهذي غلطه علمتنا إننا ما نخبي شئ عن بعض ونواجه بعض

مهما كانت الظروف ابتسمت رغد وقالت ...لحظه وأخذت الصندوق وجلست هي وبدر

رغد...افتح هالصندوق بدر هذا الصندوق هديتي لك سنين حبي جمعت لك من بعض ثوانيها هديه قررت تكون

هدية ذكرى زواجنا ..

ابتسم بدر واخذ الصندوق ورفع عينه لها...قبل ما افتحه أتمنى تكون حياتي معك كلها سعاده

رغد كل سنه وأنتي حبي

رغد ضاعت كل الحروف منها ما عرفت شو ترد وسكتت وبدر فتح الصندوق وتفاجئ من اللي بداخله

بدر...رغودتي هذي مناديل

رغد بأعذب ابتسامه....صح لكن افتح كل منديل

بدأ بدر يفتح المناديل ويقرأ كل منديل يحمل تاريخ وذكرى لكن اللي يجمع بينهم أنها ذكرى لبدر يوم بكت رغد

لتعبه او وقت ما سافر او وقت رجعته او حصوله على الشهاده ومع كل منديل كان بدر يبتسم

و يضحك وبعد ما انتهى

بدر وبنظره كلها مشاعر....سامحيني رغد

رغد....بدر مو قلنا ننسى خلاص ننسى

بدر.....رغودتي بسألك سؤال محيرني

رغد....اسأل عمري

بدر....رغد هالسلسال تقريبا يوميا عليك شو يعني لك

ابتسم رغد وشالت السلسال من رقبتها وأعطته بدر...

رغد....حاول تتذكر

وظل بدر يتأمل السلسال ....ما اتذكر

رغد....من أربع سنين قبل آخر سفره لك بالمزرعة أعطيت ريوف هالسلسال وقلت لها انك حصلته على الأرض

وكان لي ولان يدك ضمته صار يعني لي ولا صرت استغنى عنه

بدر وبأبتسامه ....رغد أنتي مجنونه

رغد. وبخجل ...بحبك

بدر.. والظاهر بتجننيني بحبك ...انزين ما بتخليني أعطيك هديتي

رغد وتتلفت بالغرفه....وينها

بدر...هههههههه هديتي غير

رغد....طيب

بدر...هديتي كلمه وحده وظل يتأمل رغد بعدين قال ....أحــــــبك

ابتسمت رغد واستحت ....اغلي هديه بحياتي

وبكذا ارتاح بدر لأنه أعطى مشاعره الحرية بالتعبير وريح الانسانه اللي حبته ومازالت تحبه

وانتهت الليله عليهم حلوه

وكأنها ليلة زواجهم مو الذكرى ..

بالصباح اتصلت ريوف وبشرتها رغد بتغير بدر والي صار وفرحت ريوف من كل قلبها لكن ما أمداهم يفرحون
إلا وصل لهم خبر كدرهم وبالأخص عبدالله توفت الصباح جدة عبير اللي ساكنه عندها

وأول ما وصل الخبر لريم راحت عندها وكل البنات وام سعود راحوا لها لان عبير من زمان تعرفهم ويعرفونها

وكانت عبير منهاره مو قادرة تستوعب اللي صار كيف تعيش بعد جدتها كيف وظلت عبير تعاني وتتعذب

وعبدالله يتطمن عليها من رغد ومرت أيام العزى سريعه

وانتقلت عبير لبيت خالها وهذا الشئ اللي ما كانت تتمناه أبدا

لكن ريم أصرت عليها تجي عندها العصر تغير جو

ووصلت عبير والحزن واضح على وجهها حاولت ريم ورغد وكل البنات إنهم يطلعوها من حزنها

لكن وين يقدرون هالانسانه فقدت الأمل من جديد

ريم....عبير لا تكوني متشائمه حرام عليك

وهنا دق جوال رغد ولأول مره تسويها رغد ردت من غير ما احد ينتبه

عبير ولا حست بشئ على طول قالت

...لماذا بعد الفراق ..نبحث عن صديق يفتح لنا أبوابه

عن إنسان يجيد استقبال أحزاننا في محطات قلبه ..

نثرثر له بهدوء الموتى..وربما بحماسة الثائرين ..

ننزف تفاصيل الحكاية أمامه ..ننثر علامات الاستفهام بوجهه ..

لمذا بعد الفراق ..نمتلئ بالخوف المريع

لا ننصت سوى لصوت أنيننا ولا نشم سواء رائحة الحزن المنبعثة من أعماقنا

ولا نتذوق سوى أدمع خلفتها التفاصيل النهائية لحكاية كانت جميله

لماذا بعد الفراق ..نمارس كل أنواع الموت

فنموت اختناقا

ونموت رعبا

ونموت حزنا

ونموت ندما

ونموت غربه

ونموت وحده

ونزور كل مدن النهايات ..؟؟ ( كتابات عبير بالقصة جميعا للكاتبة المبدعه شهرزاد(

التفت عبير والكل يسمع لها ..تحبون تعرفون ليه

لأني فقدت الأمان فقدت أمي وأبوي واحتضنتني جدتي ربتني علمتني

أعطتني كل شئ ما قصرت معي حتى براحتها ومن سنوات طاحت مريضه

سهرت عندها بكيت عندها وتحت رجولها كان لوجودها راحة وهيبه لوجودها

حنان ورحمه والحين ماتت ماتت ورحت عندهم لو أموت بغرفتي ما احد عرف

خاليطوال وقته بالشغل ومرته عمري ما شفتها بالبيت وعيالهم برا يدرسون

لا تطلبون مني شئ الأمل مات معا مات مات مات وبدت تبكي هنا قفلت رغد الخط

وراحت ريم واحضنت عبير اللي كانت تعاني من فقدان الأمل

طلعوا البنات وتركوا عبير مع ريم حتى تأخذ راحتها أكثر

وعلى طول اتصلت رغد بعبدالله

عبدالله ...هلا رغد طمنيني

رغد...البنت معذوره اللي صار مو سهل

عبدالله...ادري هي كيفها الحين

رغد...متكدرة متضايقه حاسه بالغربة

عبدالله...رغد كلميها

رغد..بشوو

عبدالله ...قولي لها بخطبها

رغد...عبدالله أنت صاحي

عبدالله....اكون مجنون إذا أشوفها كذا واسكت باي

رغد..عبدالله اسمعني

عبدالله...باي رغد

سكر عبدالله وابتسمت رغد وقالت الله يوفقكم لأنها تعرف عبدالله

ما يتمنى اي شخص يعزه ويحبه يتألم فكيف بالانسانه اللي اختارها قلبه وعقله

عبدالله على طول طلع لشركه وكلم أبوه وعمانه اللي عارضوه لان البنت جدتها مالها أسبوع متوفيه

عبدالله...معكم حق ادري لكن لهذا السبب انا بخطبها

ابو خالد...عبدالله أنت تعرف البنت

عبدالله...هالبنت كلمتني رغد عنها قبل واتفقت معها إني بخطبها لكن القدر إن جدتها تتوفى

ابو سلطان..طيب يا أبوي اصبر والا شرايك يا ابو سعود

ابو سعود....لا بنخطبها لها ونقول لخالها إننا نبيها ونعرفها من زمان البنت ربيتها مع بنتي

ولا أبي احد غريب يأخذها وهي يتيمه وبنت أصول ومتربية

ابو سلطان..والله يا اخوي أنت تعرف خالها زين وإذا تشوف انه ما بيأخذ على خاطره نتوكل على الله

وفعلا راحوا لخال عبير اللي ما عارض الزواج آبدا لكن اللي انصدمت عبير

كيف تتزوج وجدتها توها متوفيه رفضت

لكن ريم أقنعتها بأن عبدالله هو الأمان بعد الله ثم فقدان جدتها ووافقت بشرط أنها ماتسوي زواج

ووافق عبدالله وقال ....مو مهم الزواج أنا لو سويته بسويه لها لخاطر ادخل الفرحة بقلبها

واذا كان بيكدرها لا أنا اللي يهمني إنها تكون معي

وضغط عبدالله على عبير أنها بمدة شهر تكون جاهزة ويتزوجون لكن الغريب هنا إن عبدالله ما شاف عبير

ولما حاولت رغد انه يشوفها قال لها ..الجمال شئ رائع لكن ما خلف الجمال هو الأروع

وأنا توصلت لما خلف الجمال لما أتراجع لأرى الجمال
..
رغد....هههههههههههه عبدالله حرام عليك بتذبحني

وتزوج عبدالله وعبير وأهدى عبدالله عبير السعادة لما بناء الأمل بحياتها لغرض البناء مو الهدم

وقدم لها اسمه وحبه وقلبه وصدقه وثقته ..

وأعطته عمرها وسعادتها وحياتها كلها ملك ايده

أما ريم فرفضت إن زواجها يكون الحين وقررت انه يكون بنهاية السنة وانقهر خالد منها

لكنهم نفس الطينه وقدروا يتفقون ومرت الأيام بسرعه وتزوجت ريم وخالد وكانت الحياة حلوه

وتلاشى خوف ريم لان خالد كان مختلف بأسلوبه

لكن اسلوبه هو الصح لكذا قدر يرسم الخطوط الصحيحه لحياته مع ريم ..

باقي شخصيه كان لها تأثير كبير على حياة رغد وبدر ....لمى انخطبت وتحدد زواجها وراحت رغد لزواج

ولما طلعت تسلم عليها

لمى... لا توقعين إني تزوجت إني بتركك بحالك

رغد...أولا مبروك والله يوفقك وثانيا أنا ما خفت منك وأنتي بنت وقلت لك إذا يحبك حلال عليك


لكن بقول لك كلمه الحين أنتي بينك وبين زوجك ميثاق غليظ الله الشاهد عليه صونيه

ولا تحاولين تهدمين حياتك

نزلت رغد وتركت لمى بحالة ذهول من كلامها وشوي طلبت من مها تنادي رغد ولما وصلت لها رغد

لمى...شكرا رغد لأنك ذكرتيني ان الله شاهد علي شكرا لأنك قدرتي بكلمه تنبهيني شكرا رغد

وسامحيني لأني

رغد قاطعتها ...الله يسامح الجميع والله يوفقك

أما نواف قرر انه يكلم أمه وتخطب له مها اللي عجبته من كلام خواته وحس انها تناسبه ..

وبكذا قدر بدر يعطي رغد الحب بعد ما أعطى مشاعره الحرية وقدرت رغد تحضن السعادة بعد الصبر

وبالغرفة رغد تكلم أمها دخل بدر بيأخذ أوراق نساها وهو طالع لفت نظره حاجه على الطاوله

قرب وأخذها والتفت على رغد وقال

بدر...انسي موضوع هالحبوب أبي رغوده صغيره

ابتسمت رغد وابتسم لها بدر وطلع يكمل شغله وهو كله وله وشوق للانسانه اللي أهدته السعادة ..

[غلا قحطان]

مــــــــــا بــــــعــــد النـــــهايــه ##

بنهاية القصة أحب إن أوضح للجميع أن المحرك الأساسي هو الأحاسيس والمشاعر

بمعنى الأحداث تتطور بمساحة المشاعر

لذلك نرى هدوء بالقصه لأنها تتحرك بالاحساس وليس بالأحداث والمواقف والأزمات ..

والآن اسمحوا لي توضيح لبعض أبطال القصه ,,,

# بـدر # إنسان متعلم مثقف رجل يعتمد عليه لكن للأسف مع هذا قيد مشاعره وأحاسيسه

ولم يعطيها المساحة المطلقه لتعبير وإنما جعل اعتبارات وحواجز تتحكم بها وتقيدها ..

والنتيجة عذاب له ولزوجته وضياع من عمره سنه كامله

الشئ الثاني تجاهل كلمه الأهل بأن فلان لفلانه وهذا خطا بل لابد أن يكون لنا مواقف واضحة

وايضا الأهم من هذا انه حمل خطأ الأهل زوجته وهذا الخطأ الاكبر ..

# رغد # انسانه رقيقه صادقه بمشاعرها اعتبرها مثال رائع لشخص المحب المعطاء

الذي يضحى ويتنازل من أجل حبه طالما هذا الحب بالإطار الصحيح دينيا واجتماعيا ( الزواج )

حاولت أن توضح حبها من خلال بعض التصرفات زلكنها أغفلت نقطه مهمه لكي يصل الحب كما نشعر به

لابد أن نستخدم جميع الحواس قولا وفعلا ونظر ....الخ

ايضا رغد أخطأت لمرتين الأولى عندما حاولت أن تسكت عما سمعت من بدر ولم تواجهه

بل كتمت هذا الشئ وقد اثر كثير عليها ..

المره الثانية عندما اتخذت أسلوب الهجوم وهي لا تملك دليل من كلام لمى فكانت النتجيه غير مرضيه

لذلك ليتعلم الأزواج أن العلاج الصحيح للمشكله علاجها بالمواجهة والهدوء

واعطاء جميع الأطراف الحق بالدفاع عن نفسه ..

# سعود # شخصيه عكس بدر تماما وهذا الشئ تعمدت ان أوجده بالقصه

والفرق واضح بين علاقة سعود بزوجته وعلاقة بدر برغد رغم إن الطريقه واحده يالزواج

لكن سعود اعطى نفسه الحريه بالتعبير

بعكس بدر..

# خالد # شخيه مختلفه عن الشخصيات وهي عكس بدر فهو رفض الزواج على طريقة الآباء

وصرح بهذاالرفض بعكس بدر الذي لم يهتم وعندما أصبح الكل ينتظر موعد عودته لزواج رفض ..


# عبير # انسانه لها ظروف خاصه ذكرتها لوصل شئ واحد أن هناك فتيات فرضن احترامهن بهذه الشبكه

واستخدمنها لاغراض خاصه بهم

# عبدالله # الشخصية الحالمة والتي احترمها كثيرا تصرفاته يحركها الحب الصادق والنية الحسنه ذكرته

لأوصل مفهوم مهم وهو لا تعلن الحب لطرف الأخر إلا اذا تأكدت من هدفك من هذا الحب

وراعي الله باختيار الهدف بعدها أعلن الحب ولا يكون همسا بل بصوت عالي أمام الجميع

واجعل الله شاهدا عليه وجميع الخلق ..

بالنهايه أحببت أن اوصل شئ مهم ..الحب عطاء لكنه لابد أن يكون بجميع الحواس

الثقة بالحب وهذا الشئ مهم جدا اذا تحب شخص أعطيه الثقة لتخفف المشاكل الكثيره بسبب التذبذب

مابين الحب او الواجب .

الاختلاف لا يعني الكره بل التقرب بمحاولة الاتفاق ..


انــــــــــتـــــــهــــــت..’’’’’’’

[محمد الخريف]

غلا قحطان


مشكوره على القصه وعلى المجهود المتميز


دمتي بود

[غلا قحطان]

الرواية للكاتبة دموع السحاب

أتمنى أن تكونوا أستمتعتم بقرائتها

وسامحوني على التقصير

لكم مني أرق أحلى تحيه و باقةً من المحبة والمودة مُغلّفة بغلاف الأخوة ..

(qq140) (qq140) (qq140)

[غلا قحطان]

غلا قحطان


مشكوره على القصه وعلى المجهود المتميز


دمتي بود


محمد الخريف

أسعدني تواجدك ومرورك

لك كل الشكر سيدي ..,

دمت بحفظ الرحمن

[م.عبدالعزيز]

*
*
*
الحقيقه اعجز عن شكرك اختي الكريمه غلا على اختياراتك الهادفه و الجميله و القريبه الى الواقع .. وفي النهايه اتمنى منك التكرم باختيار روايه اخرى تزينين بها صفحات هذا المنتدى الرائع .. ونستقطع لها وقتا جميلا من اوقاتنا المليئه بالالتزامات الروتيينه .. ونرحل من خلالها بعقولنا عبر المحيطات والبحار الى وطننا الغالي واجواءه تاركين وراء ظهورنا غربة المكان ولو لعشرين دقيقه زمن قراءه كل جزء من اجزاء هذه الروايه .. كما انني اثق كل الثقه بجمال وروعه ما اخترتيه لنا وما ستختارينه لنا ان شاء الله !!

تقبلي مني الشكر الجزيل على اختياراتك ذات الذوق الرفيع والاسلوب الاروع !!

اخوك عبدالعزيز

*
*
*

[حياه بلا احلام]

مشكورة مشكورة مشكورة




صدق الاحساس كل شي



والله اني تعلمت اشياء من هالقصه

[حسن خليل]

الرواية للكاتبة دموع السحاب

أتمنى أن تكونوا أستمتعتم بقرائتها

وسامحوني على التقصير

لكم مني أرق أحلى تحيه و باقةً من المحبة والمودة مُغلّفة بغلاف الأخوة ..

(qq140) (qq140) (qq140)

كل الشكر والتقدير على هذه الرواية الجميلة.

وننتظر جديدكِ القادم إن شاء الله.

تقبلي احترامي وتقديري وامتناني لجهودك المبذولة.

[غلا قحطان]

الأخ الفاضل عبدالعزيز
أشكر لك هذا الإطراء الراقي ..
كلماتك أعتز بها .. وأقدر لك لطفك الكريم سيدي ..
أشكر لك ثقتك وأعدك بإذن الله تعالى أن أبحث عن رواية جديدة

حفظك الله من كل شر

[غلا قحطان]

عالجوني

لا أجد بين يدي الكثير من الكلمات لأبوحها لك..
يعطيك العافية ..
لك مني كل الشكر

[غلا قحطان]

حسن خليل
أسعد كثيرا لرؤية اسمك يشع في متصفحي...
كل الشكر..
على تواجدك..المتواصل..
دمت..بود.

[*أسيرة الذكرى*]

يعطيــكـ العافيــهـ ...

:)

[غلا قحطان]

أسيرة الذكرى
ويعافيك يارب
وكل عام وانتي بخير