قبل حكمي استمع مني نصايح

[نـداء الاْ لـم]

قلت فيها واقصدك انته ياصالح=بس كافي لاتكثر في الكلام
قبل حكمي استمع مني نصايح=قول طيب:قول اوكي او تمام
مستحيل انك تكون انسان ناجح=دام طبعك ليس من طبع الكرام
ناكر المعروف خاسر موبرابح=وخاين اصحابه ابد ماله مقام
وانت في عيني انا انسان طايح=اكتشفت يوم واجهت المهام
كنت اظنك قبل صاحب عقل راجح=كنت اظنك تستحق الاحترام
يوم عاملتك بطيبي والتسامح=ما هقيت انك من الناس اللئام
وما دريت انك من الاخلاق كادح=لين زاحت عنك الايام اللثام
يومها كل المخفى صار واضح=والوضوح اللي عقب فضحك ظلام
يابشاعةقلب مايملك ملامح=للوفافي وقت الاهوال الجسام
فوق جرحي جرح من غدار ذابح=يوم انا كنت انتظر حتى ابتسام
يوم ساره دمها في الارض سايح=والقدر خبا لها حادث صدام
اختلقت الشك فيني والفضايح=ومن ورايا جاتني منك الشتام
واتهمتوني ادور عن مصالح=ومنكم ماشفت بي اي اهتمام
خذتو اسمي يوم بدلتو لوايح=في غيابي كان ذلك الاستلام
بكتب الحكم النهائي في صوافح=وابدء التنفيذ قبل الانتقام
فيك حلم اليوم بنسى هم بارح=واسألك يارب تحقيق المرام
واجعل الايمان في كل الجوارح=واكفني من شر اولاد الحرام

[كبرياااااااااء]

ندااااء الالم صح لسااانك قصيده رااائعه تستحق الايشاد بهاااا

تقبلي مروري


اختك



كبرياااااااااااااء

[ذي القلمين]

اللهم امين
الله يكفيك شر اولاد الحرام
انتي وجميع المسلمات
وشكرا علي هذه الرائعه

ذي القلمين,,

[ولـــــه]

الله الله الله الله ..

رائــعه .. بمعنــى الكلمــه ..

أبدعت في .. نظمـكـ ..

صح لسانكـ وصح بوحـكـ

دمت بخيــر ..:)

[نـداء الاْ لـم]

كبرياااء الاخت الفاضله

لكِ التحيه بالعبير متواصله

والشكر عبر الحروف الماثله

ابعث بها اليكِ وبصوره عاجله

[نـداء الاْ لـم]

اخي العزيز/الولـــــه

اشكر مرورك الجميل

والغير عادي

وتقبل التحيه هديه

[نـداء الاْ لـم]

ذي القلمين

اشكرك على المرور الجميل

ودمت بود

[سكري]

نداء الألم
اولاً حياك في قصيمي نت وخصوصاً في الخيمه الشعبيه
وثانيا / كل عام وانت بخير
نداء الألم
تسلم بل نقول صح السانك
نص جميل
نص على طريقة الكبار في تسلسل الافكار في النص
معنى واضح
ومفرده جميله
حبكه شاعر له نظره خاصه فيه وطريق يسير عليه لكي يصل الى مبتغاه في الشعر

لكن اخوي دعنا نتحاور من خلال هذه الابيات تحاور ونقاش اخوي بعيد عن اي زعل

وانت في عيني انا انسان طايح=اكتشفت يوم واجهت المهام

انت في (عيني انا)
اعتقد انك كررت الخصوصيه ( (عيني) حرف اليا هنا تعود لك وتدل عليك وكررت (انا) مره اخرى) مما يقلل من سبك البيت وهذا خلل يحسب ضد الشاعر هو ليسا خلل في الوزن انما يحسب خلل عدم مقدره في سبك الشطر على الوجه المطلوب
لو قلت ( وانت في عيني هنا انسان طايح ) اتوقع انك تصل الى المعنى ويكون الشطر سليم وتتخلص من اي مداخله من اي متلقي


وهنا انت تقول

فوق جرحي جرح من غدار ذابح=يوم انا كنت انتظر حتى ابتسام

هنا تعود وتقع في نفس الخطاؤ وتكرار الخصوصيه ( انا) خصوصيه تعود لك (و كنت) تأكيد اخر لك وهذا التكرار في الخصوصيه هنا في نفس العجز قلل من جزالت النص
وتأكد اخي العزيز انني هنا من اجل لجميع من اجل الكل ونستفيد من بعض انا استفيد منك وانت تستفيد مني بعيد عن اي مشاحنات

اخوك بدر يتمنى لك اقامه ممتع في خيمة قصمي نت
وحياك الله والمنتدى للجميع

[نـداء الاْ لـم]

اخي سكري اشكرك عهلى المورور الغير عادي

ولاكن انا معدله بالقصيده كلامك صح وبعض الابيات انا بدلتهاا ليش

انا اعلمك ليش

لانو في القصيده في اكثر من بيتين انا شايلتهم لانو مذكور اسم الموقع الى موجهه له انا القصيده



ولا حبيت اذكره هنا بالمنتدى

اشكرك على الاهتماام


وشكرا