المساعد الشخصي الرقمي

مشاهدة النسخة كاملة : مثل ماتواعدنا هِنا .. نتواعد هِناك 10/10/1428هـ


مدمن شاهي
21-10-07, 10:15 PM
صباح العيد المليان حلاو بقر .. وكل عام وانتم بخــير

كيفكم ياحلوين .. ؟

لاتقولون : والله طيبين بس العيد أتعبنا .. أتحداكم .. أقسم بالله ماتجون مثل ماجاني من كرف .. والله ياني أنكرفت كرف الويل .. وكنت أتمنى لحظتها أني صرت متزوج مثل ولد خالتي : علي ، مابلا يامر وينهى وحاطن رجل على رجل وماعاد ينادونه علي زي العيد الماضي ، صاروا ينادونه ( أبو صالح ) .. ودي ينادوني ( أبو صعفق ) بس أصير زيّه مع شلّة دفاتر العايلة وافتكّ من هالشلّه اللي حدّهم بطاقة أحوال ورخصة قيادة منتهيه صلاحيتها من عام الفيل ! (a26)

عاد النوم عندي تلخبط وصرت أمشي على توقيت قرنتش الساحلي ... أرقد العصر ثم أقوم المغرب وارقد بعد العشا ثم في توالي الليل أصحى واجلس أفرفر في الشوارع أدوّر لي على " تسالي " عشان آخذ لي بطاطس بالكتشب وعصير كوكتيل حاطين فيه تفاح خايس . (q81)

[ مدخل ]
كيف الحال ؟ << واضح أن عندي شي بقوله بس قاعدن اسايسكم لين تركدون !

تخيلوا معي أن الدنيا من دون حريم ؟ .. والله البلشه .. شلون بنعرس ويجونا بزران !
طيب تخيلوا أن ماعندنا مطعم ماما نوره .. شلون بناكل شورما ثومها زايد !
صدز والله ياجماعه .. تخيلوا أن منتخب السعودية لونهم زهري .. أحس أن الجمهور بيتلطّم من الحيا !
تخيلوا أن راشد زين .. هو مُجرد تخيّل .. ضنكم بيقدر يتأقلم معنا والا يبي له سبع سنين عشان يحس بأنه ولدن ذرب !
طيب تخيلوا أن الانترنت مافيه منتديات .. والله البلشه .. بنصير نسولف أربعه وعشرين ساعه على " الشات " ونقعد نحش في المسعولين على الخاص ! (a26)

[ معبر جِمال ]
خويي صالح قلت له تعرف ( >>>>>) .. قال ( وش >>>>> ) .. انفجرت ضحك على كلمة ( وش >>>>> ) وتذكّرت سالفة ذاك القروي اللي مهرّب له كم قطعة حشيش مُخدّر ويوم وصل عند نقطة التفتيش قال له العسكري : وش اسمك .. من الروعة الضعيّف قال ( وش حشيشه ) !

[ تمليحه ]
قبل أكتب الموضوع مسكت ورد وجلست أنتفها ورقة ورقة .. أنتف ورقة واقول ( ماراح يقرشعونه ) وانتف ثانيه واقول ( راح يقرشعونه ) ليييين نتفت آخر ورقة وصرخت بأعلى صوتي ( ماااااراح يقرشعونه ) ! (a26)

[ تصريح ]

يوم ان الابداع يتمخطر .. ويوم ان الامتاع يتمردح .. ويوم أني أنا أقولها بالفم المليان ( كلام يقوطر عسل ) .. فأنا أعني ( >>>>>>>>>) .. !

شفت ( راشد ) فتح موقع لبيع الخردوات .. وشفت ( سالم ) طقّ له دليل مواقع مافيه إلا سبعة مواقع لبيع أدوات التجميل وموقعين سياسية شنكرتها مدينة الملك عبدالعزيز بشنكارين وقفّلتها بالشمع الاحمر .. بعدها بصراحة مسكت على دربكة أموري مثلهم .. جيزي جيز هالعالم .. بس عندنا ( الوضع غير ) واللمسات الإبداعية ( لها طعم ) والكتابة ( بذوق وفن ) والتمخطر والتسحبل له ( فايدة ولذّه فريده ) .. !

عندنا ( ميدان ) أكتب فيه اللي تبغى .. وعندنا توقيت على الساعة ( 9.5 ) مساءً بتوقيت القراوى فيه كل اخبار اليوم مع قسم سياسي متشرشف بشرشف الـ ( شطحات ) المتنيّله بخراطيش الدفاع المدني ..ولحقون الجّوال لهم مساحة للتمرطح هناكـ .. ولشغلات الكمبيوتر وطقطقتها من طرف الماوس إلى آخر الكيبورد حطينا لهم قسمن وش كبره كبر راس كل عضو براسه خنبقة حاسب .. وأيضاً لأصحاب الشعر والدراهم والاقتصاد والإقلاع والوناسة والرياضة من نصروايين وهلاليين .. كلّن له قسم وكلّن له مساحة يحلو فيها ( مُحياه ) للكتابة وتبادل الخبرات والإستأناس بالتبطّح بـ " >>>>>" . :)

أخيراً .. دعوة لِكُل من في يده صِبغةُ جمال .. لإكمال جماله معنا هُناك ..

صحيح .. هناك .. كلامنا يقوطر عسـل .

من هُنا تكون الدعسة بالخشم للولوج متبرطحاُ هُناكـ :


[ شُكر ]
أشكر المسؤولين عن المنتدى بفتح المجال لي بطرح هذا الموضوع ، وهُنا وهُناك فالقلب واحِدُ ومُدمن شاهي لن يزول بمُجرد حلول موقع خاص فيه بل الشرف له بأن يكون أحد أعضاء هذا الميدان المُبارك :)

مُحبكم : مدمن شاهي . :)

لميا
22-10-07, 08:06 AM
يا ثقالة دم بعض اعضاء هلقسم
وربي ما كذب اللي قال عنكم قسم النكد وانا ازيد عليها وثقالة الدم
ناس غريبة ما تعرف تفرح او تنبسط !!


مدمن شاهي
دائما متميز
الا وراك سادح هلموضوع العسل في قسم النكد وثقالة دمه << وجه معرفط من التعصيب

بس تعرف تعيش وتاكل غيرها (a14)

كنت ابغى اعلق على بعض الاشياء اللي ضحكتني وقريت رد وسد نفسي (qq167)

لميا
22-10-07, 02:24 PM
8

8

ملاحظه ردي السابق يوم ان الموضوع كان في قسم الحوار الفكري
بس علشان محد يزعل :)

!*x الْعطْاْx*!
22-10-07, 05:05 PM
ياهلا وغلا وكل عام وانت بخير
... ياخوى روق وتعال فيذا كل يوم ... لو موضوعك عن مانشستر يونايتد ...!!!
تحية لك ...
بس بنى وبينك لو يصير معك كرت زي حقون !!! الكروت أخاف تنكرف من مخاويـك
عاد تخيل صائر ميد 24 * 24 كرف ...!!! تقبل الميانة الزايدة برحابة صدر

منير أكبر خان
22-10-07, 07:55 PM
أسلوب رايق ... وقلم جميل ... شكرا لإبداعك ....

رومانيا
22-10-07, 11:35 PM
صدز والله ياجماعه .. تخيلوا أن منتخب السعودية لونهم زهري .. أحس أن الجمهور بيتلطّم من الحيا !


هههههههههههههههههههه
حلوه اكثر شي عجبني
وتشكرااااااات مدمن شاهي

أبونديم
23-10-07, 12:32 AM
سالفة ذاك القروي اللي مهرّب له كم قطعة حشيش مُخدّر ويوم وصل عند نقطة التفتيش قال له العسكري : وش اسمك .. من الروعة الضعيّف قال ( وش حشيشه ) !

خخخخخخخخخخخخخخخخ

ذكرتني بسالفة القروي اللي اخذ من ربعه 500ريال بيجيب حشيش

وهو ماشي في الطريق شاف تفتيش طلع الخمس ميه ورماها على الارض وقال مالي ومال المشاكل

حياك يامدمن ولا تقطع

النجديه
23-10-07, 01:26 AM
تسلم يديك على هالابداع ياخوي

يعطيك العافيه

مدمن شاهي
27-10-07, 07:47 AM
يا ثقالة دم بعض اعضاء هلقسم
وربي ما كذب اللي قال عنكم قسم النكد وانا ازيد عليها وثقالة الدم
ناس غريبة ما تعرف تفرح او تنبسط !!


مدمن شاهي
دائما متميز
الا وراك سادح هلموضوع العسل في قسم النكد وثقالة دمه << وجه معرفط من التعصيب

بس تعرف تعيش وتاكل غيرها (a14)

كنت ابغى اعلق على بعض الاشياء اللي ضحكتني وقريت رد وسد نفسي (qq167)

ماعليك منه ذاك الطقوع السابع - الله يكرمك -

كلمتين وتهوشه وتخليه يدربح دربه ! (a26)

- - -

أذكر أن ماضوعي فيه رابط الموقع (a26)

معتّق العود
27-10-07, 11:20 AM
لا جديد !!!!!!!!!!!!!


بل كالعادة !!!!!!!!!!!!!!!






ابداع X ابداع