يبي يعرس عطوه حلول

[سعفة الماءالاول]

واحد يبي يعرس علي مرتو ويبى حل عشانها قشرا وشرانيه وهى ام عياله ومايبي يعلمها الا بعد العرس يخاف يصير
فيه شي وما يتهنا بالعرس ابي اقتراحات حلوه وجذريه ومافيه مانع رومانسيه بس تخلي باقي ايامه عسليه
هههه كني شاعر المهم الرجال يحترى عجلوا عليه وناوى يعزمنا يعنى فيه عشاء
يخليكم ربي

[شكولاته]

رفعت ضغطي وبس دامها ما هي عاجبته ومنكدة علية لية اتزوجها من البداية(qq88)

[القصـ حزن ـيمي]

يارجال يطلق

مع اني مادري وش جاب الموووضوع فيذا

[نانا]

(qq20) اللي بيفكر يتجوز مره ثانيه هيك بتعمل فيه ام عيله ويستاهل وانتم يا شباب لا تعطوه مساعده لانه في عزومة عشا

[سعفة الماءالاول]

عجوز العروس خلاص الرجال معه عيال يبي ياخذ واحده ثانيه المطلوب كيف يقولها انا تزوجت بس


ياحزن ربي يحولها لفرح شلون يطلق ام عياله الشرع محلله اربع والموضوع وين اوديه نزل ماعاد يمدى


نانا ليه الحسد خلي الرجال يعرس لو كل رجل اخذ اكثر من زوجه مابقي فيه عوانس المساعده زينه

الزبده الي هالحين ماحد عطاني فكره واحده شلون يعلم زوجته انه اعرس شدو الهمه شوى يعنى خويى مايعرس

عطونى افكار وبسرعه الرجال منهبل وكل بعد ساعه يتصل هاه شفت لي دبره


يخليكم ربي

[القصـ حزن ـيمي]

سعفه ياقلبي

عليك بس لازم الواحد يتجدد ولا شلون


ولا يهمك نبي نجيب لنا سطح من الي عند الخبيب ونحلمه معنا ولا يهمك انت (vv)

[القصيميه]

على فكره انا من طرف مرتووووو ترا تقولك يا سعفه (qq21)

اذا مواعدك بعشاء انا اعطيك حق عشائين وكل ما زاد ازود

وفيه مفاجاه محظرتها له مرته اذا صمم على العرس تبي تصك عليه غرفه مع طراطيع قويه المفعول لمين

يندفق عقله ويصير فاقد الصلاحيه للزواج لانه يبي يصير نص لفه !! (a11)(a11)

[بنت اهلي]

اقول سعفه ليت من صنــــــــــك على هالموضوع
حنا نحاول نخمد الثوره اللي بالعام وانت تجي بالسوالف وتشعله
اقعد عاقل وارجعلك توقيعك
<<تهاوش ترى
ت.ح.ي.ا.ت.ي

[نانا]

القصيميه: انا معك على طول الخط واللي يتزوج الثانيه يصير فيه اكثر من هيك (q8) وبعدين يعمل هيك (qq151)



واسمعو يا رجال يللي عيونكم زايغه (qq33)

[الغندوره]

طيب بنقول لك بس تعزمنا...؟؟

اول قل ليش بيعرس عليه ؟؟ .........وإذا كان سبب مقنع قلت لك

اخاف تقعد تدعي علي مرته.... واروح بالباي باي (q104)

[مستغرب]

يا رجل

يدخل عليها ويقول تراني معرس

وينفخ صدره على قدام ويفرد ايديه على ورى

ويباعد بين ارجوله ..... وينفخ خشمه شوي ... ويطير عيونه على فوق

وبأذن الله راح نتعشى عشاء دسم .

والا يعطيني رقم بيته اتفاهم مع السحليه هذي

[نانا]

يا مستغرب تراه ان سمع كلامك بتكون نهايته قربت

[شــادن]

ههههههههههههه

يازينكم وانتو ساكتين

ــــــــــــــــــــــــــــــــــــــــــــــــــ ــــــــــــــــــــ

انا عندي الحل (w99)

شوف اول شى يجيها ويسلم
ويقولها تعالي شوي الغرفه

ثم يتكلم معها من غير وجود الا ولاد

ويقولها

يامره الشرع حلل اربع
انتي معي والا لا
وانا تزوجت عليك
عاد يذكر لها كيف تم الزواج وش اهو سبب الزواج (w99)

وتنتهي السالفه (q77)

[Emey5]

.....

أولا : لازم سبب مقنع يخليه يتزوج عليه .. من وجه نضري الشرانيه موبب سبب

بعدين ما تفطن يتزوج عليه ألا يوم جاه عيال .. وش ذنبهم !!!


ثانيا :تخيل نفسك داخل على ام عيالك وتلقاه متزوجه عليك .. كيف تكون نفسيتك !! <<< لا تفهم غلط .. حط نفسك مكانه ..


ثالثا : إذا كانت السالفه فيها رومنسيه .. ليه ما يخليها لمرته .. وعلى ذمتى راح تتغير وتكون أحسن من اللي تمنيته ..


وبالأخير فكر زين قبل ما تحط نفسك بمشكله .. لأن الزواج من الثانيه موب سهل .. ألا زيادة مشاكل .. ويمكن تكون الأولى أرحم .. مهما كان هي أم العيال << راحمه الأم من جد

هذا الكلام موجه لأي واحد يبي يعرس على مرته موب بس اللي تقول عنه ..


أختـــــــــــــــــــ حفره ـــــــــــــــــــــكم

...

[القصيميه]

سعفه يا سعفه اقووول وش معنى اسمك ترا مرتوووووو سالتن عن اسمك

تبي تكتبلك شيك !!! ( مستانس اللحين ؟؟ )


(qq56)

[sherry]

تحياتي للجميع


انا بأقول لازم يعلم أم العيال ويعزمها اذا زعلت خلها تطق وتموت وبتكون جات من الله واذا مازعلت لازم هو يتمادى شوي ويزيد المشكلة برضه علشان تزعل وتطق ثم تموت وتكون برضه جات من الله

خلينا نتعشى عشلء زين (مندي)

اما اذا هو خايف(q100) لهالدرجة انا اقول لازم ما يسويها لأنه مش قدها احسن له اذا من أولها خايف ويرجف (q100)


(qq60)(qq60)(qq60)(qq60)

[النايفه]

الله من العصبيييه اللي بتجييه من الحرمه ؟؟لاوزووود على ذا شرانيه(q99)


خله ينتبه لعمره ويحافظ على بيته ويصير شراني مثلها ولاااحظ<بدون حرمه> لانه احتمال ياصل الدم للركب(mh)



ولكن لو اقتنعت بتقول كيف انا اقول : لان يمكن هي متاذيه منه وتبي تفتك منه <اهااا عشان كذا شرانيه المره>
لاتنسونا من المفااطيح

[سعفة الماءالاول]

sherry
يعطيك العافيه صراحه احلي اقتراح جانى وارجال معزم مهوب خايف بس حريص علي مشاعرها ام عياله(vv)

النايفه عجزت اعرف وش اقتراحك كل الي عرفته المفاطيح(qq40)

يخليكم ربي اثنينكم(qq57)

[فوفي]

انا اقول يعلمها ويصارحها بالموضوع
ويحاول يسايسها .. ولو انها ما فيه امل ترضى
بس يكون سوا اللي عليه
ويتوكل على اذا كان هو معزم على العرس
لازم يقولها لانها بتعرف اللحين او بعدين

[قطري يحب القصيم]

اسمع ياطويل العمر
ماعليك من سوالف الحريم
التعدد مباح وليس له شروط غير العدل...لذلك اذا متأكد انه سيعدل يستعجل بالزواج ولا يهمه شيء
المره زعلانه زعلانه . لكن من يهمه الدبس عقب مايلقى العسل

ترى اكثر الحريم ودها ان زوجها يموت ولا يتزوج عليها :( من كثر محبتها له
وبعدين سلم عليه وقل له: اذا لقى وارد الفين ايش الي يصبره على وارد الستين
كل يوم فيه تشاكيل واعطال
الله يرزقه ويرزقنا........والسلام

[سعفة الماءالاول]

هلا والله بمشرفتنا صراحه راى ممتاز وعملي مشكوره عليه(qq80)

هلا براعي قطر عسي الجيوب رخصانه عندكم ورايك رائع وعملي وسجل في النوته(qq122)


صراحه بدت تجي الاقتراحات الحلوه


يخليكم ربي(a22)

[شكولاته]

اللي خلاه شجاع لين اتزوج الثانية يكمل شجاعته ويورينا كيف يقدر يقول لام عياله
وهذا انتم يالرجال تتعذرون ان الشرع حلل اربع وما تنظرون لامور اهم في الشرع من الزواج بثنتين وثلاث واربع وحجة العوانس ذا وتر تتقنون العزف عليه وملينا من سماعه اللي عنده زود فلوس لا يتزوج ثانية يبحبح عياله وامهم او يوديها لجمعيات مساعدة الشباب على الزواج ترى العزاب كثر الهم على القلب :
وتحياااااااااااااااااااااااااااااااتيp

[سعفة الماءالاول]

عجوز جده صباح الخير
الرجل معرس معرس يمكن يبي يزيد التعداد ترى الرزق علي الله والتعدد هو الاصل في الزواج والقادر ليه مايتزوج
يخليك ربي

[مستغرب]

كنه ما اعجبك حلي يالعرجد

[رقيقة البحرين]

يقول لها........تعالي دارنا شوي....

ويقعد وياها....ويعطيه طقم ذهب حلوووو......


يوم ثاني يناديها.....ويعطيها ورده ...

يوم ثالث....يقرر ياخذها العمره......


بعد ما يرجعوا بالسلامه...يقول..ها اشرايج بالطقم؟...والعمره...عساج مبسوطه ومرتاحه.....بتقول اي...يقول بس انا ...في خاطري شي ومب عارف اشلون اقوله...بتقول شنو....يقول جذي:

والله بصراحه يا حبيبتي.....شوفة عينج ماني مقصر معاج بشي...وانا اشوفج تعبانه بعد ....وابي اريحج شوي....
بصراحه معاي واحد بالشغل حلف علي حلف الا اخذ اخته وقال بيطلق مرته اذا مااخذتها...وانا ما ادري اشلون تهورت وقلت اي حزة الحزه....مب عارف شسوي متوهق....

هي طبعا بتشيل البيت على راسه........فيقوم ويطلع ويترك البيت...ويرجع بالليل يرقد على طول...ولو حاولت تتكلم...يخرها بعينه خزة الراياييل المخيفه...ويحط صبعه على خشمه..,يقول لها هسسس ولا كلمه..ابي ارقد....


هني هو حطها جدام الامر الواقع..وانتهى الامر..وسلامتكم هههههههههه

[سعفة الماءالاول]

مستغرب ايش فيك ليه مستغرب انا احاول اجمع اكثر من حل وبعدين الرجل يشوف الي يناسبه ولسه الرجل مارسي علي
بر العرس يقول علي العيد لاتستغرب(qq4)

رقيقة البحرين تسلمى ياغاليه اقتراحك جميل علي اسمك(hyth)

يخليكم ربي(q50)