المساعد الشخصي الرقمي

مشاهدة النسخة كاملة : كل واحد يعلمنا عن عيدهم .. من الصبح الى الليل...


أستاذ قلق
11-10-07, 01:42 AM
http://www.qassimy.com/nu/cardsm/1.gif





بسم الله الرحمن الرحيم
السلام عليكم ورحمة الله وبركاته

كل واحد يعلمنا عن عيدهم يعني في صباح العيد وش تبي تسوي

انا بعد صلاة العيد وهذا معروف نجتمع عند الوالده والاخوان ونعايدهم ونتقهوى وبعدها نروح للاستراحه واللى سنويا نجتمع فيها يالله لك الحمد
ونجلس بها الى الظهر وبعدها ناخذ لنا قيلوله عقب ها الشروخه تلاقي الواحد يالله يشيل راسه من الصداع
وثم العصر نرجع نستقبل اللى يعايدونا من الاقارب والعقارب قصدي الجيران وغيرهم
واليوم الثاني كلن يشوف طريقه اللى يسافر واللى يجلس

يالله علمونا عنكم

سيف عبدالله
11-10-07, 01:47 AM
بعدين ارد عليك انشا الله يوم العيد

!*x الْعطْاْx*!
11-10-07, 01:48 AM
هلا بك استاذنا
عيدك مبارك مرة ثانية


اكيد
صلاة العيد

وبعدها الاجتماع

ومن ثم الزيارات
بالليل اكيد الاستراحة الخاصة بالعائلة
وثانى عيد عاد
خنبقه منا واللى مناك

أستاذ قلق
11-10-07, 01:51 AM
سيف انشالله
العطاء ونت بخير ...

ترى نيسنا نقول الجريش

النجديه
11-10-07, 04:21 AM
كل عام وانت بخير ياخوي

وعيدكم مبارك :)

طبعا عيدنا في بيت جدتي نصلي العيد ثم تجتمع الحموله كلها في بيتها ونتعيد , بعد صلاة الظهر يروحون الضيوف

عاد اللي ياخذ قيلوله واللي يجلس يستقبل المهنئين بالعيد وعني انا اسحبها نومه الى صلاة العشاء ومع ذلك انام واصحى

والمهنئين يجون مدري متى ينامون هالناس (a14)هههههههههه

بعد كذا ثاني ايام العيد فيه اجتماع احنا وعمامي او تقريبا الحموله كلها مجتمعه في استراحه وبس

smile
11-10-07, 04:29 AM
نجتمع في الإستراحه من بعد صلاة العيد
ومافيه فرق عن الايام العاديه إلا اننا ناكل الرز الصبح
وبعدين نروح نهجول ونعيد على الأهل والاقارب ونرجع لإستراحتنا ونكمل
وإذا جا العشاء نتعشى وحنا متسد حين من التعب

الناااعسة
11-10-07, 04:46 AM
يسلموووو على الموضوع الرائع

برنامجنا يوم العيد

اذا ذاع العيد انطلقنا لديرة

ثم قمنا افجر وصلينا والي يروح يصلي يروح وانا مالحق عليهم ينحاشون ويخلونن

ويخلون عندي المبزرة

واذا جو نتقهوى مع خالي لين يجهز العيد ثم ننطلق بيت جدي

ونوزع عيدياتنا الي يوزع فلوس والي يوزع العاب والي يوزع خرابيط

المهم

العجز يقعدن يتقهون

وحنا نروح نتمشى لان جو المزرعه خيااال

واحيانا نطلع من سبع الصبح ولا عاد نقدر ندخل البيت بسبب الرجال الي يجون ويجلسون في ظل جدار المسجد

قدام البيت

والله يامرة تقل حراميه والله راقين على السلم من خلف البيت على شان نتسلق سور البيت ونقدر ندخله

خخخخخخخخخخخخخخخ

وتشققت ثياب العيد

ثم يجيبون العيد ويكون مثل ماقالو رز وجريش وقرصان

ناكل الي ناكل ونتوكل على الله ننام

وتروح امي وتخليين مع خالاتي وبنات خالاتي

ثم يجون الجماعه من الرياض ويقومونن يقولون قومي يابنات شوفو ال فلان جو

واذا جا اليل هبال بنات
ومسابقات

وحركات وانا الي اقدم المسابقات

بس والله ياهن يبلشن عجايز الرياض

هههههههههههههـ

ماعندهم تفاهم تجاوب لو السؤال موب لها

واذا جاء الليل الي ينام في الخيمه والي ينام في البيت

وثاني يوم يجونن اهل الرياض ثانيه ناس ثانين

وسذا لين خامس يوم بالعيد


>> ياكثر هرجس ابس طسي

<< اصلا خلصت

يمال الثانكيو على الموضوع الزين

Asatir
11-10-07, 06:10 AM
طبعا حنا نطلع صواني مفاطيح بالشارع..وهالسنة عند جيراننا نروح الصبح
وبالعصر نفرفر نسلم وبالليل عند خوالي
وثاني العيد نجتمع عند أهلي بس عايلتنا بأستراحة نسوي برنامج ترفيهي
من العايديــــــــــــــن..كلياتكم

Asatir
11-10-07, 06:13 AM
الناعســــــــة..
يازين عيدكم..المزرعة له جو ثاني..

البـراء
11-10-07, 08:52 AM
شوكرااا خيو على موضوعك الرائع

بالنسبه لعيدنا

نصلي العيد وبعد الصلاة نروح لعيد عماني الي 10 الصباح
وبعدها نروح لعيد خوالي الي 12 الظهر
وبعدها الكل يطس الي بيته
هذا لنا حنا يالرجال اما الحريم عيدهم من بعد صلاة العيد الي اخر الليل

وثاني العيد وثالث العيد يكون فيه اجتماع في مزرعه او استراحه او ما فيه اجتماع على حسب نفسية الشيبان
اهم شي صيام الست
ربي يتقبل من الجميع

سيمار
11-10-07, 11:28 AM
ترى نيسنا نقول الجريش

ههه اهم شي وياحلو هالعادة عساها ماتنقطع


ممممم نظامي بالعيد انه من الصباح يبدا عيدنا والاجتماع باستراحة الين صلاة الظهر بعد كذا نومه لين نرتاح شوي
وفي الليل اجتماعنا عند اهل زوجي لكن في بيت خالتي مو استراحة
وثاني يوم نطلع الشرقية الين الخميس او الجمعة ان شاءالله
ينعاد علينا وعليكم بصحة وسلامة
وموضوع حلو

هاويـــالشعرــــــــة
11-10-07, 04:01 PM
حنّـــا عيدنا غير طبعا يختلف من دولة لي دولة(qq152):

اول عيد:

نقوم من الصبح نصلي وبعدها نتجهز وننزل تحت وياخواتي نعيد على امي وننطر ابويا يجي من المسجد

وبعدها نروح بيت خالة ابووي وعقب بيت خال ابووي وبعدها بيت جدي الاول وعقب بيت جدي الثاني ونقعد نستقبل
الضيووف لي مايدوور الرااس(a26)

والمغرب نطلع مع الاهل كلهم

وثاني العيد:
نروح نتغدى بيت عمتي وبعدا المغرب نطلع مع ابوي
وثالث العيد نفس الشي بس بيت خالتي ....:)

8
8
<<<<وايد تهذر هالانسانة معلي(a14)(a26)

ومن عـــواده انشالله

الماسه حساسه
12-10-07, 05:37 AM
كل عام وانتم بخير
اجل عيدنا احنا
اول شي الليل كله سهرانين ونستعد حق الظيوف
بعدين نصلي العيد ونبداء انا واخواني نعايد ابوي وامي
وبعدين ننام طبعا احنا البنات والعيال يروحون لم عيد الحاره هم وابوي وامي
وبعدين العصر نقوم نستعد ونبداء نستقبل عمامي والضيوف
والايام الباقيه يكون مسايير وطلعات

الــــجــحــوده
12-10-07, 07:42 AM
بسم الله
<< فسرت كمومه تحسبه بتااكل

عيدنا طبعن بالقصيم مسقط دمايجنا
نطب ببيت جدي قبل العيد طبعا الي هو امس همن لاصلينا العيد ندرعم للقصر لاننا كثيرين ماشاء الله http://www.cheesebuerger.de/images/midi/frech/a036.gif
ومتعودين ناخذ هالقصر كل سنه
نجلس لين الظهر
وبعدها نرجع لمزرعة خوالي ونجلس عندهم لين اليل وسههههههر وفله حجاااااج انا وبنااات خالاتي
وااااااااااااااااااااي وناااااااااااااااصه http://www.cheesebuerger.de/images/midi/frech/d025.gif

أستاذ قلق
13-10-07, 05:31 PM
يعطيكم العافيه
والى عيد اللحم

سيف عبدالله
13-10-07, 05:44 PM
ابى اوفى بوعدى لك يا استاذ قلق

ايه صح 00انت وشتبى خلنى الروح اقرا والرجع

ابشرك انى رجعت وعرفت وش تبى

1_طش 0000 بعد صلاة العيد نجتمع بالشارع كل الجيران

2_طش 000 بعدين يتعايدون وسلام ومطخ يعنى امبه امبه

3_طش 000 وبعدين كلن يجيب عيده مغير تشوف ظرب صيانى

المفاطيح ويتعيدون الناس ترى كله فى الشارع

حنا طبعنا اهل حايل نتعيد بالشارع

4_طش 0000 فى اليل نتجمع فى بيت كبير العا ئله اللى هو

عمى 000وبس

أستاذ قلق
13-10-07, 06:04 PM
خوش عيد
الله يهنيكم ....
ومشكور على المشاركه

أبونديم
14-10-07, 02:36 AM
هلا ابوقلق

عيدي كالعادة افتح باب المزرعة من اول يوم الى اخر العيد

استقبل المهنئين لي بالعيد ولااتحرك ابد وهذي دله تروح وابريدز شاهي يجي

.:./ღ/ شيطوووووووونــه /ღ/.:.
14-10-07, 10:04 AM
تهئ تهئ انا قضيت العيد بالبيت مع الزكمة والمناديل


يالله اهم شئ الاخلاق وحب الوطن >>>>>>>> على قولت خالتي ام اديم ههههه


وكل عام وانت بخير

مقراط
14-10-07, 02:42 PM
استاذ

السلام عليكم ورحمه الله وبركاته

كل عام وانت بخير


الله يوفقك

نازي (عشقي فهد)
14-10-07, 04:23 PM
وعليكم السلام
عيدك مبارك اخوي
طاف العيد اليوم ثالث هههههههه
بس توني اشوف الموضوع
انا اول يوم العيد قعدت من صبح وتسبحت ورحت بيت يدتي وسلمت عليها وعلى خالاتي وتغديت معاهم ورجعت البيت والليل رحت سينما السيف مع خالتي
واليوم الثاني رحت مسرحيه الحاسه السادسه وايد حلوه مع خالتي وبنت خالتي
واليوم باروح الكويت

مشكوور اخوي على الموضوع
وايد حلووووو