ادخل .... وامدحهاااااا ...........

[اللهم اني كنت من الظالمين]

السلام عليكم ورحمة الله وبركاته


هلا وغلا بخواني وخواتي

اليوم جتني فكره قلت خلينا نكسر الروتين شوي



ونشعل الحميه .... بس بدون مانعود لايام الجاهليه



طبعن ابي الكل يشارك

ومالكم بطويله بدخل بالموضوع

وهو

الكل يحط قصيدة مدح بقبيلته او بقبيلة الحبايب (a14)

وطبعن مناسبة القصيدة مايحتاج اذكركم بس مدح وثنااااء وبس



بس الرجااااااااااااااااااااء من الكل

ان تقتصر القصائد فقط على المدح
بدون التجريح باي قبيله ثانيه

وبشوف اذواقكم

وهالله هالله ياالربع بالاخلاق الحلوه

بيضوا الوجه وشاركوا ولا تفشلوني (qq152)


طبعن ببدأ انا

بس عشان ماتقولون ان فيني عصبية قبليه (a26)

ببدأ بمدح كل القبايل

قصيده في وصف القبائل للشاعر / فيصل الرياحي البقمي



قبأيـلٍ تسكـن بشـبـه الجـزيـره = جزيـرةٍ تبهـر عريـضـه كبـيـره

والكـل منهـم لـه منـازل وديـره = من ساحل الأحمر ليا ساحـل عمـان

--------
منهم"عتيبـه"نـع ـم والله عتـيـبـه = قبيلـةٍ بـيـن القبـايـل عريـبـه

أمجادهـم تعـرف ولاهـي غريـبـه = ليا حل طار المجـد يطـرون عتبـان

--------
ومنهم بني الحارث هل المذهب الزين = كسابة القاله علـى العسـر و الليـن

تاريخهـم معـروف ماهـم غبيـيـن = وا لنعم يإبن الحارث طيـور حـوران

--------
ومنهـم "سبيع"ونعـم بسبيـع دايـم = تاريخهم يشهد لتهم فـي القـدا يـم

نقـول حـق ولا نحـب ا لظـلايـم = يستاهلـون المـدح والنعـم سبعـان

--------
و"غامد" ونعم بغامـد اهـل الشكالـه = قيـف شجيـع كـامـلات خصـالـه

الطيـب فيهـم والكـرم والبسـالـه = الاّ وفي وقـت المحاضيـر شجعـان

--------
و"قحطان" ساس الأصل نعـم القبيلـه = أفعالهـم مـن غيرهـم مستحيـلـه

بالطيب عـدو كـل عيطـاء طويلـه = وا لنعـم والله ياصناديـد قحـطـان

--------
والنعم "با الاشراف" نسـل الصحابـه = الديـن فيهـم وا لسخـاء واللبابـه

والعرف والمعـروف شـدوا ركابـه = والنصح والارشاد عن كـل عصيـان

--------
وأولاد وائــل نـعـم والله قبيـلـه = أهـل الفعايـل والعمـوق الاصيـلـه

منهـم ملـوك يكسبـون ا لنفيـلـه = اسم(عنزه) في قمـة المجـد عنـوان

--------
و" شمر" ليـا عـدت فعـول النحايـا = وا لنعـم والله يـارجـال ا لطنـايـا

حمأيـة القالـه سـهـوم المنـايـا = نقولهـا فـي حقهـم سـر وإعـلان

--------
والنعـم "للعجمـان" مافيـه معـروف = قول وفعل ما تنفـع نقـاط وحـروف

مجـدٍ تعـلا كنـه سهيـل مشيـوف = دليلنـا فـي مدحهـم فعـل راكــان

--------
و"مطير" حمران النواظر هـل الجـود = تاريخهم من قبـل واضـح و معـدود

مجـدٍ مثبتـة براهـيـن وشـهـود = ماينجحـد مجـد وأهاليـه مـطـران

--------
ونعمٍ "بحرب" ليا طرا طاري الأمـداح = أهل ا لموا قف كـل ماصـاح صيـاح

حرابهـم بالنـوم ماهـوب يـرتـاح = من ضيمهم مايمـرح الليـل سهـران

--------
و "سليم" أهل مجد مسجـل بالاسطـار = ذربين أهـل قالـه وبالعـرف شعـار

وأظن هرج ا لصدق مايقبـل إ نكـار = أخذ الأدب والعرف من روس سِلمان

--------
وجمع "الدواسر" ما بهـم قـول قايـل = دوسـر جمـل يشتـال كـل الثقايـل

باسمـه تسمـوا والفعايـل دلايــل = غـدران مـوت ماتحلـى بـغـدران

--------
و"بني تميـم" اللـي فخرهـم مقيمـي = ود ليلنا قول ابـن صقيـه ا لتميمـي

يدري بهم مـن كـان قلبـه فهيمـي = أ خبارهم شاعـت لحضـر وبـدوان

--------
وأيضا "بني خالـد" عـذاب العنيـدي = جو من سلالة "خالد ابـن الوليـدي"

قـول محقـق مانقـول ا لسـريـدي = نقرأ ونبحث لين نـدري بمـا كـان
--------
و"زهران" جن الحرب يـوم الحرايـب = اللـي طعنهـم يـودع ا لـدم رايـب

هبت لهـم مـن كـل طيـب هبايـب = وا لنعـم والله يارجاجيـل زهــران

--------
و"عسير" عسرين علـى كـل طمـاع = سباعٍ تعشي سبـاع الأقـذال بسبـاع

السيـف بيديهـم مخلـد ومـطـواع = ورمـاه ليـا رد النظـر لام نيشـان

--------
و"شهران" مشهورين والجـد شاهـر = الكـل منهـم فـا لمهمـات مـاهـر

طيب ليا عـدوا هـل الطيـب ظاهـر = معـروف مايطويـه بعـد ونسـيـان

--------
و"بالقرن" قرن الموت شرابـة الـدم = حرابهـم يسقونـه الصبـر والسـم

في رؤسهم شيمـه وعـادات ولـزم = ما ينحصـي تعريفهـم عبـر قيفـان

--------
وأيضا "بنـي مالـك" ذكرنـا فخرهـم = الطيب طـوع يـد ينهـم ماعسرهـم

ليا ماجت أمواج البحر مـن بحرهـم = بحر يكز الموج مـن غيـر جيـلان

--------
والنعم "بالأحمـر" علـى كـل حالـي = في كـل صعبـات اللـوازم رجالـي

شوامـخ ماهـم بـجـرف هيـالـي = كسبان ياحايز علـى المـدح كسبـان

--------
و"شمران" ليا شمر عن الساعد الثوب = حرابهم يقفـي مـذ لـل ومرعـوب

كم كدروا يوم الكـدر كـل مشـروب = ياهل الوفاء محد جحد فعـل شمـران

--------
والنعم"بالأسمـر " ليـا حـل طــاري = شمعة فخرهـم ماذرتهـا ا لـذواري

يروون صفحـات القنـا و الشبـاري = ويوردون ا لسيف لاصـار عطشـان

--------
وصبيان"يام" أهـل العمـوق العريقـة = ستر ا لظعـن يـوم الايـادي طليقـة

ما تختفي عن عيـن عاقـل حقيقـة = يام ا لحرايب يوم سوقـات الاظعـان

--------
والنعم والله فـي رجـال"ا لشـرارت" = الطيب له فيهـم مـواري وأمـارات

أهل ا لمراجل يـوم الأيـام عسـرات = الكل منهم يجلـب ا لـروح قربـان

--------
أيضا" بني هاجر" كفـوف الأسـودي = يثبت لهم في كـل عليـاء وجـودي

قول عليه الفعـل الأبيـض شهـودي = وا لصـدق قايـد للمعانـي وقبطـان

--------
ونذكر " بلي" بلواء على كل عاصـي = ليا جاء نهار فيه شيـب ا لنواصـي

رجالهم ينطـح خشـوم ا لرصاصـي = ليا طار ستر ا لوجه عن دعج الأعيان

--------
وأيضا "جهينه" عزوة باسهـم بـاس = نطاحة ا لغاره علـى قـب الأفـراس

أمجادهم من يوم خلقوا علـى سـاس = بيت جويـد مـا نخلـع فيـه بيبـان

--------
وأيضا"السهول" لهم مواقف وتشجيـع = يطوعـون ا لـضـد لازام تطـويـع

ويقال عنهـم ا نهـم حلـف لسبيـع = ذولا وذولا نعـم وافـيـن الأفـنـان

--------
وأيضا "الظفير" أهل الظفر والمدايـح = يوم الثميـدي مثـل وبـل الروايـح

ارجـال مافيهـم غمـوز وقـدايـح = منهم زبون أهل لمقاصيـر "نومـان"

--------
وسفيان من قبل النبـوه لهـم بيـت = صحيح لاأ ز ل بكلامـي ولاأخطيـت

قريت في كتـب التواريـخ وأوحيـت = سفيان سلسلة العريب ابـن سفيـان

--------
و"طويرق " أهل الشيمـه المستديمـه = وأهل الوفاء وأهـل اليديـن الكريمـه

للجـار عـز وللمـعـادي هزيـمـه = أقولهـا مانـي بـراعـي تـلـوان

--------
و"هذيل" أهل غيره ومذهـب وجيـره = وميزاتهـم مـن غيـر هـذا كثيـره

وليـا قـدح للحـرب قـادح ذخيـره = تلقـى مقاديـم الرياجيـل هــذلان

--------
و"قريش" مجـد قريـش كـل درابـه = قوم الرسول وقوم بعـض الصحابـه

ومجد تعـدى الهاشمـي وشنبابـه = اللي من قلـوب البشـر زال الأدران

--------
و"ثقيف" مـا يحتـاج نذكـر فخرهـم = ما دام "ابن يوسف"على طول منهـم

يكفيهـم "الحجـاج" مجـد شهـرهـم = بالكتب والتاريـخ فـي كـل ديـوان

--------
و "بني رشيد" مـن القبائـل يعـدون = ليا جت مجـالات المواقـف يبـدون

يبنـون بنيـان الفخـر مايـهـدون = واللي نقدهم مامعـه علـم بخصـان

--------
ونذكر "بنـي مـره " ونعـم آل مـره = للجـار عـز واللمـعـادي مـضـره

واليـوم فـي نعمـه وسـره وقـره = بين الثلاث اللي خذتهـم بالأحصـان

--------
و"أكلب" هل الطالات وأهل النواميـس = إمسيسـن بدوحـة المجـد تسيـس

كلامنـا مابـه مجـامـل وتلبـيـس = والقول لاسلم الغـوى والخطـاء زان

--------
والمعـذره يـا واسعيـن المعـرفـه = إن غاب عن تفكيري أحـد ماعرفـه

للشعـر تصريـف وللهرج صـرفـه = ولاينتجـازى الناسـي إلا بغـفـران



وسلامتكم


والعذر والسموحه من اي قبيله ماذكرت يجي ولدها ويذكرها يله وروني شطارتكم

[اللهم اني كنت من الظالمين]

إذا ماشلت أسم الخالدي في البطاقه
يكفي سلم الخوالد يسر في عروقي


وإذا كان حب القبيله ساس الرفاقه
تأكد حب الخوالد في أقصا خفوقـي


أعشقهم وكل عشق يعشق عشاقـه
وأنا من زود عشقي تعديت الحقوقي


والله لو كان للحب مواقف وملاقـه
عز الله لأقلط على الصعبه شفوقـي

وإذا كان لطيب يلزم تثبيت العلاقـه
عز الله الطيب في الخوالد مخلوقي

[‏"‏" غلا ابوها ""]

حنا عنزه فعلنا يذكر

ماتنطفي نارنا حيه

يحق لنا نفخر ونظهر

كم قصة عنا مروية

[عبْث]

[COLOR="Red"]

--------
وأولاد وائــل نـعـم والله قبيـلـه = أهـل الفعايـل والعمـوق الاصيـلـه

منهـم ملـوك يكسبـون ا لنفيـلـه = اسم(عنزه) في قمـة المجـد عنـوان

--------



يعطيك العافيه يا اعذروني

بس يقول من لاينطق عن الهوى

...((دعوها فإنها منتنه))

[اللهم اني كنت من الظالمين]

قصيده للشاعر عبدالله العصيمي العتيبي
في مدح قبيله بني خالد

بنـي خالـد لا عدينـا القبايـل
هل الوقفات في ايـام صعيبـه

حمو بيض الحبـارى وعتوقها
وقام السيل يدرج مـع شعيبـه

وحق الجـار منهـم مايضيـع
يحمي جار الجوير اقرب قريبه

ولا صار الضيف يحشم والدخيل
نقـول المدعـي وش يدعيبـه

بني خالـد لاجاحـك المناكـب
شياطين العرب تسجـد مريبـه

سمعت من الرجاجيـل القدامـى
هل التمييز فـي الدنياالصعيبـه

يقولـون الخوالـد مـن زينهـم
نسى ربعـه ودارا قـد ربيبـه

تلقـاء رجالهـم فيهـم المـروه
لـو مـا يلقاءعمـود يبتنيـبـه

ثقيل أقدام فـي أيـام الزحـام
وكريم أنجـاه سـوق النجيبـه

[اللهم اني كنت من الظالمين]

يعطيك العافيه يا اعذروني

بس يقول من لاينطق عن الهوى

...((دعوها فإنها منتنه))



الله يعافيك يالراسي

والله ونعم فيك

بس الموضوع من باب المدح

ولا نقصد فيه الا الخير بإذن الله

ومشكووووور على مرورك الكريم ويعطيك الف عافيه

[‏"‏" غلا ابوها ""]

حنا بني خالد روس القبايل

نقبل على الهيجا سواة الشياهين

حنا الحسب وحنا النسب بالجزيرة

وان جات للسلطة ترانا سلاطين








مشكور اعذروني ع الموضوع الرائع
عرفت تختار اهنيك..

وتقبل مروري

[اللهم اني كنت من الظالمين]

غلا ابوها
تسلمين ويعطيك العافيه والله ونعم فيك
وهلا وغلا نورتي صفحتي
وعطرتيها بكلماتك الحلوه

وهلا وغلا وماعليك زود يالغلا

ولاتحرميني من مرورك المميز

[قــلــب ابــوهــا]

من يم نجد وشـرق مكـه وطيبـه
.....................لين الديار اللي جنـوب القريـات
جيت بخفوقي شوق ماينحكي بـه
...................اكبر من حروف الشعر والكتابـات
شوق(ن) ماهو شوق الحبيب لحبيبه
...................شوق (الطنايا للكرم والجمـالات)
ولو قالوا ان الـدار ماهـي قريبـه
...................بقول : يعنـي ماتهـون المسافـات
ماهـم بربعـي بالليالـي الصعيبـه
....................أجل وربـي ماحسبـت المشقـات
(شمر) ليا صك الصليـب بصليبـه
...................أهجد ياجن وأنس لاهل الطويلات
يرضخ لهم هاالطيب حشمه وهيبـه
...................ويرفع لهم بالعـز بيـرق ورايـات
ومن مرهم طرقي بياخـذ ضريبـه
...................فنجال(اشدا من خضاب الخوندات)
والموقدة تشهـد بـراس الرقيبـه
...................ومن طيبهم ما ينزلـون الطمانـات
(والشمري) من طيب راسه وطيبـه
...................به ميزة(ن) عدة حـدود المـروات
لاثارت الفزعات ، لاتنتخـي بـه!
..................لانه يثور من(الطنا) دون فزعـات
الله خلقهـم للمصيبـه مصيـبـه
...................وللنار نار٠٠ وللمعالـي ريـادات
وللموت موت ٠٠وللهيبـه لهيبـه
..................وللطيب طيب٠٠وللمراجل سيادات
لكن : بهم حاجه ، ولاهي غريبـه
.................يمكن يخون بها الشعـر والعبـارات
اليا بطشوا: خلوا المضارب عطيبـه
..................واليا عطوا: ما مدوا الا الجزيـلات
ما ارفع مكانتهم بشعر(ن) اجيبـه
..................هم يرفعون حروف شعري مقامات
واخر ما اقول بالشعر وانتهـي بـه
..................بحطها بقوسين واربع علامـات !!!!
(الشمري ! عيبه ! وعيبه ! وعيبه !
....................اليا ارتكي للحمل شال الثقيلات )
.

[قــلــب ابــوهــا]

شمر ليا شان اللغى والدخـن ثـاع
روس الحـرار تعدهـا وتهبـدهـا
شمر ودايع نجد شمـر هـل البـاع
شمر هل النامـوس شمـر وحدهـا
شمر هل الـردات ياخليـف بتـاع
شمر حمول الخيـل شمـر سندهـا
شمر ليا قالوا زعيم العرب ضـاع
كل الدلايـل تاخـذه مـن ولدهـا
شمر هل الجولات يا صكت القـاع
شمر تعـدل المايلـه مـن سعدهـا
شمر طعونه تقصف العمر ووسـاع
يا جردت بسيوفهـا مـن غمدهـا
شمر على دور النبي ذكرهم شـاع
صالوا وجالوا واحتموا عـن بلدهـا
شمر ليا صكوا على القوم مطـلاع
كم من زعيـمٍ سابقـه مـن لكدهـا
شمر زهو زهيـد للمـوت قطـاع
شمر تمس مـن العـوارف عقدهـا
شمر تقود القوم مع كـل الأوسـاع
شمر تشـب بنارهـا مـن وقدهـا
شمر زحازيح الجبل مابـه اسـاع
شمر هل الجـولات يثبـت عددهـا
شمر خلف عقبان وصقور وسبـاع
شمـر تدلـه بالمعـادي كـردهـا
شمر طنايا طرفـة العمـر بيـاع
شمـر تخـز عقابهـا مـن لبدهـا
شمر ليا دكت علـى القـوم تنـزاع
شمـر سلايـل لابـةٍ مـا بعدهـا
شمر تعلـت يـوم شالـع وشـلاع
شمر تبـث زروعهـا وتحصدهـا
شمر ليا هاز الوطـن كـل طمـاع
شمر رواق البيـت شمـر عمدهـا
شمر هل الفزعة مغاويـر الإبـداع
شمر بها التاريـخ قـال وحمدهـا
شمر ليا منه غـدا السيـف لمـاع
والرمح والشلفـاء تـدور بجندهـا
يصير له بالقيض جنـة ومربـاع
وكنه تسـاوق بالسحايـب رعدهـا
شمر مكارمهم جزيـلات ووسـاع
شمر مقر الكيف لـه مـن شهدهـا
شمر خبرها الذيب والذيب ما جـاع
واللي ذبـح للذيـب وفّـا وعدهـا
هل الربـاع مزبنـة كـل مرتـاع
اللي تصون سلومهـا مـن جهدهـا
يا خليف شمر عايزيـنٍ بالأزمـاع
ياخليف شمر خاسـرٍ مـن نقدهـا
وإسلم سلمت من الملامه والأوجـاع
يا شاعرٍ روس المعالـي صعدهـا

[&بنت الرياض&]

http://www.21za.com/pic/decoration001_files/12.gif
حنآ بني تغلب من نسل وايــل من قديم شبوب الحرب منا
لاخذينا السلايل بالدبايل نعجب اللي غظاريفه تثنا
نشتهر بالدواسر من الاويل ابن كلثوم هو وكليب منا
قد حميناه من كل القبايل بالمخابيط وسيوف تحنا.

http://www.21za.com/pic/decoration001_files/10.gif
حنآ بني تغلب لا سلت عنا كاسبين النفايل من الآوايل
المهلهل وإبن كلثوم منا وسالم الزير وكليب الأوائل
الدواسر لقبنا منه كنا وجدنا وايل ماضي الفعايل
~~لآد الحبيبيً مثل سيل طمآ فوٍق الديارٍ ~~

http://www.21za.com/pic/flower006_files/51.gif
http://www.21za.com/pic/thankyou002_files/8.gif

[اليث الرهيص]

((( شـــــــــــمـــــــــــــــــر )))

الشمس غابت وكلن دور سراجه
والشوق جمر ما أحر الشوق لا جمر
دام اتجاهك شمال مودعك حاجه
سلم على حايل وسلم على شمر
قدامك الخافق اللي ينشد علاجه
كنه معلق على برزان ومسمر
وانت تعرف يا بعد حيي من تواجه
بيضان الأفعال لا من الزمن سمر
إن ضاقوا أعنف من البحر ومن أمواجه
وإن راقوا أركد من الخرمان لا عمر
كم صيت بيت عتق في الباب مزلاجه
وكم شيخ أماره قبل تعيينه مؤمر
كم حاتمي تكفى فلة حجاجه
وشلون للضيف لو عن ساعده شمر
وإن مر تاريخ هم متلبس تاجه
كم عاشق كيَّف وكم حاسد زمر
في جو أغلى على الردلي إلى داجه
من ديرة السادس ومن ديرة معمر
كنه إلى أهدى له البراق ثجاجه
طلت غرير ضحك ومن الخجل حمر
توارثوا حرثه وتمتير ديباجه
ركابة الجيب من ركابة الظمر
الود إلى غرس بدري صعب مخراجه
والله ولا ألَّذ وأحلى منه لا ثمر
ادخل على اللي تطوف البيت حجاجه
من ناقص عند مدح الغير يتذمر
والمدح لو كان في الرديان عصاجه
ويقال عمر بلد بالعون ما عمر
والذم لو زاد في الطيب تولاجه
أحرق ولا أغرق ولا عمَّر ولا دمر
ما نيب متحسب بشعري على حاجه
إلا إني أروح ما غنيت في شمر

[&بنت الرياض&]

http://www.21za.com/pic/decoration001_files/3.gif

بسم الدواسر كلهم دون نقصان ***يامرحبا أعداد ماطايرِِِ طار
يا اللي لفونا يالمناعير ضيفان *** الضيف له حشمه وقيمه ومقدار
ترحيبة يآهل الوفاء شانها شان **يامرحبا أعداد همال الامطار
حنا هل الطالات في كل ميدان *** حنا الدواسر منبع العز والكار
للجود منباع وللطيب عنوان **أهل الشيم والعز حمايه الجار
يشهد لنا بالطيب من ماضٍ الازمان ** تشهد لنا العربان شيبان وصغار
شجعان لا من ثار فالجو دخان ** عدونا نلهده ونسقيه الامرار


http://www.21za.com/pic/flower001_files/4.gif

[اللهم اني كنت من الظالمين]

يشهد لنا بالطيب من ماضٍ الازمان ** تشهد لنا العربان شيبان وصغار


هلا وغلا بدواسر والله ونعم

[اللهم اني كنت من الظالمين]

الله يحي شمر والله ونعم ربعي وحبايب قلبي

[اليث الرهيص]

الليله.. هذي.. غير عن.. كل ليله
........................................... ودي أولعها.. قصيد.. ومثايل


بسوق شعري ..وأمتدح لي قبيله
.................................... شمر هل الطولات ..وأهل.. الفعايل


ياربعي ..اللي صيتكم.. ينثي له
.............. ........................هذا الدهر ..وإن مر.. ذكر القبايل


هزيتوا ..الكون الرحيب ..وهويله
........................................فيما سبق.. يامسويين ..الهوايل


والغيم طاريكم.. غصب.. ينحني له
....................................ينزل معاه.. سهيل.. بالكف ..شايل


مدة يديكم ..دوم.. ماهي.. بخيله
......................................كن الصخا.. رجال.. وانتم.. سلايل


انتم معارك حرب.. ياهي.. طويله
............................................. انتم سوالف عز.. انتم جمايل


انتم نبات الطيب ..انتم حصيله
........................................انتم ..يامكثركم بوقت ..الصمايل


انتم.. على من عال ..نار وفتيله
.........................................انتم حكايا مجد.. ترقى الطوايل


انتم زمان ٍ ..ماحصل فيه.. ميله
...........................................مافيكم سنافي.. زمانه.. تمايل


تاريخكم باللي مضى ..من يشيله؟
...............................................ثقي ل.. لكن غير كل.. الثقايل


منهو جهلكم ..يالطنايا ..هبيله!!
......................................وشلون يجهل ..في ..عيال الحمايل


ولو قيل نعم ونعم ..والله قليله
..........................................في واحد ٍ ربعه.. سناعيس حايل


لبيه.. ياحايل.. ومن ينتمي.. له
...........................................ياارض ٍ ..غلاها ملتوي بالنحايل


كل ٍ سمع فيه.. وتمنى.. يجي له
........................................متشوق.. لسلمى ..واجا.. والنفايل


وكل شمري..بااطرافها ..ينعي له
...............................................يكف يك لاجيته ..وشفت الدلايل


قبل الصياني ..ينطحك حب.. هيله
..............................................ماصك بابه ..بالمسا.. والقوايل


يعطيك قبل انك تجي ..وتحكي له
.................................................ع مايله.. تاج بروس.. العمايل


أنا اشهد ان الجود ..نعمه فضيله
.......................................وحنا كسبنا الجود.. وزين الخصايل


لكن قبل ماانهي ..القصيد وجزيله!!
.........................................شوفوا بااخر بيت.. وش كنت قايل:


شمر قبيله؟؟.. إيييييييييه.. شمر قبيله
.................................مثل القبايل؟؟.. لا.. لا.. غيررررر القبايل

[اللهم اني كنت من الظالمين]

قصيدة عبدالرحمن الخالدي في قبيلة عنزه :


كعبة الحجاج مكه .. وكعبة الطيب عنزة
................... وان سئلت الطيب شاصلك ؟ جاوب الطيب : عنزي

هم هل الطيب وصفاته والفخر هم مركزه
.................. كـنهـم للطـيب والنـومـاس بـنـكٍ مـركـزي

هم سنام المجد هم اهل الفعول المنجزه
................. هم ذرى المظيوم هم ستر الضــعيف المـــعتزي

لا تعزوا الوايلي ثم شال سيفه وابرزه
........................... اتمايل ارضنا ثم تنتحب مــثل الرزي

لاحصل زلزال في اليابان وصاحت الاجهزة
......................... قالوا ان هذا عنزي بنخوااات وااايل يعتزي

من يعادي الواايلي بالرمح والسيف إلكزه
...................... ومــــن طباع الوااايلي ان يْغزي ولا ينغزي

هم عمى الظالم وميدان الوغى هم مفرزه
............................. منهّم مشعان وابن مهيد سلطان الغزي

ومنهم الشعلان والطيار طيبه عززه
............................. ومنهم الايدا وابن سْمير رمحه يركزي

وجه محلف ذكرههم ما اظن عاااقل يلمزه
..................... كم غزوا معنا ... وكم كنا معاهم إنغزي

كعبة الحجاج مكه .. وكعبة الطيب عنزة
................... وان سئلت الطيب شاصلك ؟ جاوب الطيب : عنزي



ورد على عبدالرحمن الخالدي جاره محمد ابو نواف وهو ينتمي لقبيلة عنزة بهذه القصيده :

للطيب معجزه


لك سلاما من قلب يحمـل كـل طيـب عنـزى
من قلب شمالي يفز للنخوه في صـدر عنـزي

من قلب يشوف علـو شأنـك وعلـو مركـزه
من هناك لامن هنا استغفـرالله.... لا مركـزي

من قلب يحمل لك كل طيـب و غـلا ومعـزى
الجار اللي بعيني دايم عـزه والله مـن عـزي

واللي مثلـك يالغالـي ادري ابـد مـا تهـزه
كل اعداء النجاج لوتحاول ....... مـا تهـزي

ولا جاء لك سفيه يتكلم يبي في شعرك يستهزى
تخليه للشعر عبره وفيـه القوافـي تستهـزي

ما يدري الجبل مثلك يالقـرم وش يستفـزى *
لو يحاول او يقول حتى شعـره مـا استفـزي

ولابغيت انك تلعـب تأخـذ السيـف وتركـزه
في صدورا مظلمـه وفـي الصميـم يركـزي

من طيب اصلك ومعدنـك الكـل فيـك ارتـزه
كيف وانت يالغالي افلـح مـن فيـك يرتـزي

من اصلك الطيب لين جيـت قامـوا لـك فـزه
من علو قدرك حتـى (الشايـب) لـك يفـزي

اذا احنا كعبه الطيـب انتـم للطيـب معجـزه
في قبيلة بنـي خالـد كـل القصيـد يعجـزي

تاريخا يشهد ويقول بالماضي وليـن هالحـزه
لان قلوبكم بيضه مـا تعـرف ردى اورجـزي

في خالد بن الوليد براهين يوم نـوى واعـزى
يفتح ديار الشـرك و برايـه الاسـلام يغـزي

وادري كلامي يعجز وما يكفـي لـو تتجـزى
بس تأ كد اني اغليكم لو على موتـي اعـزي

جارك وهو يعاني ولـو الشمـال كـان يخـزه
ما يترك ناسا طيبه ولا يسـوي فعـلا مخـزي

جارك اللي لـو الزمـان يحـاول مـره يلـزه
ابد ما يترك الطيب لوعلى موتـه .....يلـزي

جارك ربحان بالدنيا مدام شـرواك ابـد كنـزه
في زمن الضيق والله نعم الرفيق غدى كنـزي

وما بقى للي غيرسلاما كانت انفاسي تحجـزى
ميرخفوق القلب عي من كبره شأنـه يحجـزي

في نعم الجاروالله كله عساه بكل الخير يجـزى
الله يرحم ابوك ....وان شاء بالجنـه مجـزي

عسى سلامي يوصلك ويوصلك كـل المغـزى
فيه تحياتي وتقديري وكلاما يا دوبـه يجـزي

اذا احنا كعبه الطيـب انتـم للطيـب معجـزه
في قبيلة بني خالد كـل ((القصيـد)) يعجـزي





ورد الشاعر السعودي سطام الصعب العنزي بهذه القصيده :

هذا وقتك يا قصيدي قوم وقّف وارتجل
...........................// وبدع بوصف الاكارم ونتهج قافٍ جديد

وسحب من الما طهوره وبلل الاوراق بل
...........................// من صفا قلب الخوالد طهّر ابيات القصيد

اشهد انّي ماعرفتك يالسنافي من قبل
...........................// بس احس انّي عرفتك من قريب ومن بعيد
ياخوالد ياخوالد ياخوالد لاملل
...........................// اسمكم .. ياخي اسمكم صار للعزّه نشيد

ياخوالد لو بدوّر في صغيّركم خلل
...........................// القى اصغر شخص فيكم يمتلك رايٍ سديد

جيت لك وانا عنزي قلت عنزيٍ يابطل
...........................// لانوى ضرب الاعادي صارت ايدينه حديد

وجيت لك اوانا عنزي قلت عنزيٍ يافحل
...........................// لانوى مدح الاصايل مامدح شخصٍ بليد

اي كتبت القاف هذا في طفاقه او عجل
...........................// لنْ قافك شد فكري يا عسى عمرك مديد

ومنتم بحاجه لقافي يالخوالد بالاصل
...........................// دام جد الجد فيكم اسمه الخالد وليد

:)



والله بعد قلبي انا العنوز حبايبنا
أفـــــــداهـــم أنـــا

[..سحر الابتســامـة..]

حنا عنزة فعلنا يذكر..ماتنطفي نارنا حيه
يحق لنا نظهر ونفخر..قم قصة عنا مروية..

مشكوور عموما قال الرسول صلى الله عليه..(دعوها فانها منتنة)...

[كبرياااااااااء]

اعذروني طرح رائع من مبدع مثلك يعرف اين يضع الكلمه الف شكررر علي كسر الروتين والف شكررر علي البادره الرااائعه

ونتمى من الكل التفاااعل ونعم بجميع القبااااايل



تقبل مروري



كبريااااااااااااااااااااااااااء

[اللهم اني كنت من الظالمين]

حنا عنزة فعلنا يذكر..ماتنطفي نارنا حيه
يحق لنا نظهر ونفخر..قم قصة عنا مروية..

مشكوور عموما قال الرسول صلى الله عليه..(دعوها فانها منتنة)...



هلا بك سحر الابتسامه ويعطيك العافيه على مرورك اسعدني تواجدك بصفحتي
وسبق قلت لاخوي الراسي
مو القصد شي القصد طيب

ونبي نعطي كل ذي حق حقه وبس
ويعطيك العافيه وجزاكم الله الف خير

[اللهم اني كنت من الظالمين]

اعذروني طرح رائع من مبدع مثلك يعرف اين يضع الكلمه الف شكررر علي كسر الروتين والف شكررر علي البادره الرااائعه

ونتمى من الكل التفاااعل ونعم بجميع القبااااايل



تقبل مروري



كبريااااااااااااااااااااااااااء



كبرياااااااااء هلا وغلا بك

نورتي وعطرتي صفحتي

يعطيك العافيه وهذا من ذوووقك

بس ياكبريااااء نبي قصيده كذا حلوه منك

كذا اعطر فيها صفحتي

ومشكوووووووووووووره على مرررورك

ولاتحرميني منه

اخوك
إعذروني
صاحب الليل

[اللهم اني كنت من الظالمين]

الــــتــــاريـــــخ


يـا جـاهلـن تاريخنـا جهلـك بنـا ما ضـرنـا
وعلمك بنـا مـا سرنـا محدن سواك اللي خسـر

حنا الخوالـد مـا نهـاب فوق الملا مثل السحـاب
ما ضرنا نبـح الكـلاب ناطى على راس الضرر

اللـي يعادينـا يـهـان واللـي يسالمنـا يعـان
في ديارنا عرضه يصان يجي لنا ودربـه خضـر

انفوسـنـا والله كـبـار وعيوننـا للضيـف دار
وخرابنا يصبـح عمـار للضيف لا منـه حضـر

حنا هل العرض المصون وكل القبايـل يشهـدون
وصغيرنـا ليـث فتـون لا صار عرضه في خطر

صنا اعراض المسلميـن يـوم القبايـل غافلـيـن
جو فارضنا المستعمريـن ولقو بها المـوت الحمـر

لقو بهـا البـاس الشديـد لقو بها ضـرب الحديـد
فري الكلى قطع الوريـد يا كيف نمهل مـن كفـر

اديارنـا هـاك الزمـان امن الكويت الـى عمـان
اللي بهـا صـار بأمـان حتى الحباري في الشجر

واليوم في عهد ال سعود الامن في الديـره يسـود
لا بارك الله في الحسـود اللي يحسـب انـه مكـر

وحنـا ترانـا وآلمـيـن مـع القبايـل اجمعـيـن
وعلى اليهـود موجْهِيـن لا بـد يومـن ننتصـر

وناطى على روس اليهود وفي القدس يهنانا السجود
ونلغي الفوارق والحـدود ومن جد في سعيه ضفر






الى حبي بني خالد