~*¤®§(*§ الـزمن لاصـار ضدك §*)§®¤*~ˆ°

[قــلــب ابــوهــا]

ابيااااات عجبتني

وحبيت انقلها لكم

ويارب تعجبكم :)



الـزمن لاصـار ضدك واحتوى درب المصايب
لاتــحـاول تـنـكـسرله لاتــزيـد الـطـيـن طـيـنه

لـلزمن حـكمه غـريبه تـحكم بـدرب الصعايب
ويا كثر من ضيع الفرصه وهي فرصه ثمينه

عـز نـفسك فـي زمـانك لا تـقول الـحظ خـايب
وسـق عمرك للمعالى واكسر النفس الحزينه

والـطريق الـلى تـشوفه يـرسم الـدنيا عجايب
مــد يــدك فــي طـريـقه لـيـن مـاتمسك يـمينه

الرفيق ان طال وقـته لا تـشكك وكل غايب
حـجـته دايم معاه ولا تقول فلان وينه

ولا تـكابر بـالمصيبه لا حـكو باغلى الحبايب
قــول غـالـى وكــل غـالى تـكرم لـعينه مـدينه

والـبـلا واكـبـر مـصـيبه لا تـناسوك الـقرايب
وتـصبح الـدنيا ظـلام وتـصبح الـلحظه ثقيله

[عمار سوفت]

كلمات معبرة وخاطرة حساسة الله والله ابيات حلوة وموزنة صح.. دمت للمنتدى بابداعك يالغلا ونسينا نقول : ((صح لسانك))

[قــلــب ابــوهــا]

هلا وغلا اخوي عمار

نورت وعطرت صفحتي بوجودك

صح بدنك

ودمت بكل خير وسعاده

اختك قلب ابوها

[اللهم اني كنت من الظالمين]

صح لسااااااااااااااااااااااااااااااااااانك
ويعطيك العافيه وتسلمين
ولاتحرمينا من مشاركاتك يالغاليه

تقبلي مروري

[قــلــب ابــوهــا]

يسلموووو اخوي اعذروني

اسعدني تواجدك الرائع

دمت بكل ود

[MaGNo0o0NK]

يسلمو يااذوق عـ الموضووع الراايق


مشكوورهـ لاهنتي

[قــلــب ابــوهــا]

يسلمووو اخوي صعوق

على مرورك الذي اسعدني

تواجدك في صفحتى هو قمة الروعه

لا تحرمني مرورك

دمت بكل سعاده

[بدر المشعل]

مادام اعجيتك اكيد راح تعجبنا كلك ذوق اختي قلب ابوها

ابيات جدا رائعة وفيها حكم

لاعدمناك

[قــلــب ابــوهــا]

يسلمووو اخوي بدر ولاهنت وطال عمرك

الذوووق هو تشريفك وتنويرك صفحتي

دمت بكل ود

اختك قلب ابوها

[اليث الرهيص]

عـز نـفسك فـي زمـانك لا تـقول الـحظ خـايب
وسـق عمرك للمعالى واكسر النفس الحزينه
)
(
)
صح لسانك وسلمت يمناك يالغاليه

كل ما شفنا منك نقل رائع تفاجئينا باللي اروع منه

واسمحيلي ارد على ها البيتين في صفحك الرائعه

سيذكرني التاريــــخ حتمــــا ..... فاليس يخفي معالمنا التراب’
انا من شحذت النفس خلقــا ..... وجعلت المنايـا لهـــا ركـــاب
وجعلت بيني والرذائل مثلما ..... يأجـــوج والعالمين حجـــاب’
^
^
^
طبعا ها الرد في حال كنت المقصود بأبيات الشاعر
اعذريني قاعد اخربط في صفحتك

تحياااااااااااااتي

(الليث الرهيص)

[ـأمــيرـالذوقـ]

يسلمو الذوق والاختيار

[عبدالاله الشمري]

اختيار راقي 00000000000 يدل على ذوق عالي
اختيار انيق 000000000000 وذائقه شعريه
سلمت الايادي الناقله 00000000 ياذوق

[وسيم وسيم]

صح لساااااااااااااااااااااااانك



على

هذا


الموضوع



الجميل


تقبلووووووووو


تحياااااااااااااااتي




اخوكم



وسيم وسيم

[وسيم وسيم]

ريما:بنت عمرها18 سنة بثاني علمي وحيدة امها اوبوها يعني المدلعة كانت مرة حلوة ونعومة
ابوها:فهــــــد وهو تاجر غني مدلع بنته دلع..
امها:سلمــى مديرة روضة ومرهـ اهتمامها بنفسه وبريما..
...............
عيال عم ريما:
نواف:عمرهـ 24يدرس هندسة كمبيوتر(كان يدرس بامريكا 5سنوات وكمل في الرياض)<<مزيون مرررررررة
محمد:عمرهـ 19 ثالث ثانوي علمي<مملوح بشكل!!
ابوهم:سعود وكان له شركات كبيرة في الرياض
امهم:ليلـــــى معلمة بس تركت التدريس وجلست بالبيت..
..............
عم ريما طــــــلال:
نوف بنته:عمرها 17 اول ثانوي وكانت مقربة لريما..
عبد الرحمن:اخوها وعمرهـ 18سنة
العم طلال: استاذ في الجامعه
زوجتة العنود: كان لها مشغل كبير في الرياض(بزنس وومن)
...............
عمت ريما:
فيصل:عمرهـ 24 وصديق نواف بالمرة مايفترقون عن بعض
الهنوف: عمرها18 صديقة ريما ونوف مرهـ اسراهم عند بعضم<<مملوحة
نورة:عمت ريما وكانت ربة بيت ماتشتغل..
..............
خوال ريما:
ندى: خالت ريما الصغيره وكانت بسنة ثاني كلية تخصصها "علم نفس" وتموت في شيء اسمه ريما وريما كذلك
تركي:خال ريما الصغير كان اكبر منها بسنة ويدرس طب سنه اولى..
جدتها اسمهـــــا:هيا..
..............
ريما من كانت صغيره وعمها سعود يحبها ودايماً يقول انها لولدهـ نواف كبرت ريما وكبر معها الحلم وكانت دايماًتفكر فيه..العم سعود يحب ريما حيل ولاسيما ان ماعندة بنات..ريماماكانت تعرف ولا شي عن نواف ولاتعرف شعوره..ولاتعرف حتى شكلةلانها مابعد يوم كانت صغيرة سافر نواف يدرس وبعدها رجع والبنت كبرت وصارت تتغطى عنه..وهو كذلك ماقــد شافها بس يسمع عنها..

الـــــــــــبداية:
الهنوف:الوو ريما كيفك؟
ريما:تمام وانتي شخبارك؟
الهنوف:بخير اقول ريما طفشانة وضايق صدري تكفين تعالي عندي
ريما:طيب نوف بتجي؟
الهنوف:ايه قلت لها وقالت لامها وافقت.
ريما:ياسلام وانا آخر وحدة ينقالها فيكم؟
الهنوف:يالله عاد بتدلعين علينا يعني؟
ريما:هههههههه لاخلاص بقول لابوي وارد لك.
الهنوف:اووكي!!

بعد دقايق رن جوال الهنوف
ريما:هنو<<اسم الدلع لهنوف
هنو راح اجيكم الليلة
الهنوف:حياك ربي يالله بنتظراك لاتتأخرين..
ريما:ابشري

السـاعة خمس العصر..
كانوا البنات مجتمعات عند الهنوف وفالينها وناسة سوالف وحالتهم حالة البنات كانوا في الحديقة..فيصل فتح الباب البنات ارتبكوا على طول تغطوا بعبايتهم وطراحهم
الهنوف:ياهوة عيب عليك فيه ناس جالسين هنا
فيصل:اوووه آسف حقك علي بس لاتزعلين<يتريق عليها
الهنوف:لاوالله <طفشت منه
فيصل:اقول وراك ماتغطين ترى نواف بينزل يتقهوى معي
الهنوف:نووواف احلف معك<علشان ريما تشوفه البنت متحمسة
فيصل:انتي وش دخلك معي ولا مو معي
الهنوف:هاه بس لانه ماقد جانا من سفرته<اتربكت
فيصل:اقول نسيتني الولدفي السيارة
نواف:احم احم<علشان بيدخل
دخل نواف وفيصل الحديقة اللي كانوا البنات جالسين فيها مع العمة نورة دخل نواف علشان يسلم على عمتة نورة وكانت ريما اللي جالسة جنب عمتها على طول دقات قلبها تضرب بقوة والهنوف ونوف اعيونهم عليها



نواف:مساء الخير ياعمتي
العمة نورة:ياهلا والله بولدي شلونك؟وشلون ابوك وامك؟
نواف:بخير يسلمون عليك
العمة نورة:اخيراً زرتنا
نواف:والله تعرفين مشاغل
العمة نورة:نواف هذولي بنات عمك سلم عليهم
نواف من بعيد:شخباركم بنات..
البنات:الحمد لله..
فيصل:ياللله بسرعة خلينا نروح للمجلس.
نواف:عن اذنكم..
العمة نورة:حتى انا بروح ابي اشوف الاخبار
نوف:واااااي يهبل وش ذا انسان ولا ملاك يابختك ياريما
الهنوف: روعة يجنن بمعنى الكلمة
ريما كانت ساكتة وتفكر ياترى يدري فيني يعرفني آآه لو تدري يانواف اش قد احبك واموت فيك
الهنوف:من شاف احبابه نسي اصحابه
ريما:هاه لا بس ماسمعتكم
نوف:اكيد من شفتي ذا الزين عقلك معاه
ريما:اقول انتي وياه اسكتوا انا بروح للبيت
الهنوف:وين تو الناس.؟
ريما كانت متضايقة ان نواف ماعبرهم ولا بكلمة ولااعطاهم وجهه
ريما:لا بس حاسة نفسي تعبانة
نوف:خلاص هنو لاتضغطين عليها خليها براحتها<نوف حست فيها
راحت ريما بعد نص ساعة جاها السواق والشغالة..
وبعدها كانت الهنوف بتروح للمطبخ بتشرب ماء الا مروا من عندها فيصل ونواف وماكان معاه جلال ولا اي شيء تتغطى فيه..نواف اعجبته من اول نظرة وطات عيونه فيها

فيصل:هنوف يالله روحي الولد بيطلع
الهنوف على طول طلعت وهي تجري من الخوف

في بيت ريما دخلت عليهم وكانت امها جالسة بالصالة وابوها يتابع التلفزيون
ريما:السلام عليكم
الكل:وعليكم السلام
ابو ريما:ياهلا وغلا توة ينور البيت يالغلا
ريما:تسلم يالله انا بروح فوق لغرفتي ابي انام تصبحون على خير
ام ريما:وش فيك حبيبتي ماهي عادتك بالعادة تجين من هنوف والابستامة شاقة وجهك
ريما :لابس تعرفين هنوف ونوف راسي صدع منهم ومن صراخهم وسواليفهم
ابو ريما:خليها ياسلمى يمكن البنت دايخة
ريما:يالله تصبحون على خير
الكل:وانتي من اهله

ريما من دخلت غرفتها وطاحت على السرير وجلست تصيح بصوت واطي علشان مايحسون فيها اهلها
ياربي انا ليش حظي كذا من وعيت على الدنيا وانا احبك يانواف وانت مو حاس فيني ولا معبرني..ليش كذا..آهـ يانواف لو تدري بحبي لك من 7 سنين وانا احبك حرام اللي جالس تسويه فيني

جاء الصبح ويرن جوال ريما
ريما:الووو؟
نوف:هلا وغلا بريما
ريما:هههه وش عندك على الصبح؟
نوف:عندي خبر انا ايه عجيييب!!
ريما:الله يستر منك ومن اخبارك ههههههه
نوف:افااااااا طيب يالله مع السلامة
ريما:استني امزح عليك والله
نوف:هههه عارفة بس حبيت اتغلى غليك
ريما:هاه وش الخبر
نوف:اليوم اتصل علينا عمي سعود يقول بنطلع للبر بكرى كلنا من الصبح الى الليل وبنشوي ونستانس هاه وش رايك؟
ريما:الكل بيطلع<تقصد العيال
نوف:كلهم
ريماخلاص ان شاء الله بنطلع وياكم اكيد قالوا لامي وابوي
نوف:خلاص اجل اشوفك بكرى باي
ريما:باي
....................
يطق باب غرفة ريما طق طق!
ريما:مييييين؟
ندى(خالتها):انا ريوم قومي وجع افتحي الباب
ريما:خالتي هنا يامرحبا
ندى:حرام عليك لي ساعة وانا اصعد درجكم وراهـ اللفت خربان؟
ريما:مدري امس تعطل على حظك يالعجوز هههههه
ندى:هاه بتفتحين الباب ولا شلون؟
ريما وتفتح الباب..وكانت تسمع اغنية محمد عبدة (سير علينا ياهواك سير علينا مشتاق لعيونك تعال سير علينا..سير وش اللي جرى قي غيبتك حالي برى..النوم من عيني سرى وانا انتظر منك الوصال..سير علينا يهواك سير علينا.)
ندى:اكيد لي الاغنية لاني من زمان ماجيتكم<اثقة
ريما:ياعني ع الواثقين
ندى:ريوم وش رايك نطلع نتغداء في الفيصلية انا وانتي !!
ريما:ياليت ضايق صدري
ندى:ياحياتي وش فيك!
ريما:ابد سلامتك وتبستم ابتسامة صفرا
ندى:يالله لبسي عباتك خلينا نروح استأذنت لك من امك
ريما:دقايق وانزل لك.

وصــــــــلوا الفيصلية..
وراحوا يتمشون فيها وبعدين صعدوا يتغدون المفاجأة كان هناك فيصل ونواف ومحمد اخو نواف جالسين يتقهوون..

ريما:وتضرب كتف خالتها
ندى:اااااااااااااااي وجع وش فيك؟
ريما:خالتي شوفي هذولي الشباب
ندى:عيييب عليك وش فيك تطالعينهم<بتقهرها
ريما:لا بس عيال عمي سعود
ندى:وينهم ابي اشوفهم تكفين وين نواف اللي يقولون تحفة
ريما:انت وش عرفك في نواف؟
ندى:بس اذكر وهو صغير حليووووو
ريما:شوفي ذاك اللي لابس بنطلون جينز وتيشرت اسود
ندى:رووووووعة ماشاء الله انا اقول وش فيهم البنات يحمون حولهم
ريما:ايو الله شوفي كيف يطالعون للعيال بنات آخر زمن
ندى:تكفين ريوم روحي سلمي عليهم
ريما:لاعيوني والله لو فيها عمري ماروح..يالله قومي خلينا نتغدى تراني جوعانة
تغدوا وكانت ريما واقفة تطالع نواف وتحسر على حظها

جــــــــاء من بكرى الكل الصباح كان مستعد للطلعة البر

ام ريما:ريماااا يالله فشلة تأخرنا عليهم قومي بسرعة
ريما:حرام عليكم احد يطلع للثمامة الصبح حر!!
ام ريما:يالله شوفي هنوف من الصبح وهو تتصل علينا تقول قوموها بسرعة


اتمنى ان الجزء عجبكمـ ...

تقبلوووووووووووووووووو


تحياااااااااااااااااتي



اخوكم





وسيم وسيم

[L.O.S.T~R]

يامال العافيه اختي

[وسيم وسيم]

يسلمووووووووووووووووووووو

على


الموضوع

الحلو

الجميل


مع تحياتي
لكم


اخوكم


وسيم وسيم

[وسيم وسيم]

البارحة يوم الخلايق نياما ...بيحت من كثر البكا كل مكنون

قمت اتوجد وانثر الماء على ما ...من موق عين دمعها كان مخزون

ولى ونة من سمعها مايناما ...كني صويب بين الأضلاع مطعون

وإلا كما ونت كسير السلاما ...خلوه ربعة للمعادين مديون

في ساعة قل الرجا والمحاما... في ما يطالع يومهم عنه يقفون

وإلا كما ونت راعبية حماما... غاد ذكرها والقوانيص يرمون

تسمع لها بين الجرايد حطاما... من نوحها تدعي المواليف يبكون

وإلا خلوج سايبة للهياما ...على حوار ضايع في ضحى الكون

وإلا حوار نشقوله شماما ...وهي تطالع يوم جروه بعيون

يردون مثله والظوامي سياما... ترزموا معها وقامو يحنون

وإلا رضيع جرعوه الفطاما... توفت امه قبل اربعينه يتمون

عليك يا شارب لكاس الحماما... صرف بتقدير من الله مأذون

جاه القضاء من بعد شهر الصياما... صافي الجبين بثاني العيد مدفون

كسوه من بيض الخرق ثوب خاما... وقاموا عليه من الترايب يهلون

راحوا بها حروة صلاة الاماما ...عند الدفن قاموا لها الله يدعون

برضاه والجنة وحسن الختام... ودموع عيني فوق خدي يهلون

حطوه في قبر غطاه الهداما... في مهمة من عرب الامات مسكون

يا حفرة يسقي ثراك الغماما ...مزن من الرحمة عليها يصبون

جعل البخري والنفل والخزاما ...ينبت على قبر به العذب مدفون

مرحوم يالي ما مشي بالملاما... جيران بيته راح ما منه يشكون

يا وسع عذري وأن هجرت المناما... ورافقت من عقب العقل كل مجنون

أخذت أنا وياه سبعة اعواما ...مع مثلهن في كيف مالها لون

والله كنة يا عرب صرف عاما ...يا عونة الله صرف الأيام وشلون

وأكبر اهمومي من بزور يتاما... وإن شفتهم قدام وجهي يصيحون

وأن قلت لا تبكون قالوا علاما... نبكي ويبكي مثلنا كل محزون

لاقلت وش تبكون ؟ قالو يتاما... قلت اليتيم اياي وانتم تسجون

قمت اتشكا عند ربع اعداماما ...وجوني على فرقا خليلي يعزون

قالوا تجوز وانس لامه بلاما ...ترى العذارى عن بعضهم يسلون

قلت إنها لي وفقت بالولاما ...ولو حمعتم نصفهن ما يسدون

ما ظنتي تلقون مثله حراما ...ايضا ولا فيهن على السر مامون

وأخاف أنا من عاديات الذماما ...اللي على ضيم الدهر ما يتاقون

أوخبلة ما عقلها بالتماما... تضحك وهي تلذغ على الكبد بالهون

توذي عيالي بالنهر والكلاما ...وانا تجر عني من المر بصحون

والله لولا هالصغار اليتاما ...وخايف عليهم من الدجه يضيعون

لقول كل البيض عقبة حراما ...واصبر كما يصبر على الحبس مسجون

عليه مني كل يوم سلاما... عدة حجيج البيت واللي يطوفون

وصـــــلّـوا على سيد جميع الاناما... على النبي يللى حضرتوا تصلون

مع توقيع


اخوكم


وسيم وسيم

[MaGNo0o0NK]

الله يعطيك العافيه ياذوق

نقل ولا اروع الحقيقه


يسلمو

تحيااتي

صعـــوق

[وسيم وسيم]

تسلم

يااخي

صعوق
على

كلامك الحلو


اخوك وسيم وسيم