الموسيــ 8 ــقار
30-09-07, 09:20 PM
كيف تصطادين المعرس دون اللجوء إلى الاساليب السقيمه من المغازلات والترقيم والتميلح والتلميح الي ماله سنع والترزز بالاسواق.....إلخ
أهم شي نـّشني على العجوز اللي حاطه عينك على ولدها ثم نفذي مايلي:
1_خليتس مع امتس ولاتروحين مع البنات وتتهيبلين اصبري عنهم كم شهر لين تتم العملية.
2_امشي وانتي حاطه راستس بين كتوفتس ولا ترفعينه ابد حتى لو عورتس خلي الفقس دايما بين ايديتس.
3_كلمه خاله خليها دايما على لسانتس خاصة لام المعرس عشان تحس بنوع من التميز عن باقي العجايز.
#ملاحظه .لامانع تنادين عجوز ثانية بخالة عشان اذا مانجحت الخطه مع العجوز نمبر "ون" تنجح مع نمبر "تو" الاحتياط واجب وانا خوكم .
4_اذا بدت امتس تتكلم انغزيها بكوعك عشان ادخلتس بالسالفة حتى لو مالتس داعي تطبيقا للمثل <كثر الدق يفك اللحام>داري المثل ماله داعي بس مالقيت غيره.
5_اخوانك الصغار لاحقيهم وطامري معهم وين مايروحون حتى لو ماهي من عوايدك بس تصرفي معهم كأنك امهم عشان العجوز تاخذ فكره انك حريصة على ذريتتس .
6_كل ما اكلت امتس من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي.
7_اذا جيتي بتمدين ايدك توجعي وخلي امتس تقول : قايلتلتس وانا امتس ماله داعي تنظفين جدران البيت الخارجية {اقول نظفي غرفتك اول الي تقولين ثايره فيها قنبلة ذرية}.
8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها{بس لاتكتمي نفسك مره اخاف تروحي فيها واصير قتلت نفس بغير حق}.
9_مهما كان موضوع الحوار حماسي لاتبدين رايتس خليتس مثل البكما ن لان اللقافه تجيب اجل الخطة.
10_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة.
11_اذا ادلت العجوز{ام المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.
#مثال:تقول العجوز:بوش متقهوي عندنا البارح
قوليلها:وليه ماعلمتينا ياخاله نجي نساعدكم؟!
12_في العروس اضغطي على نفسك واقضبي ارضتس ولاترقصين واعتبري الرقص عيب وشق جيب.
13_اذا جاء طاري السوق وهولازم يجي الطاري لانه ملح الجلسه عند الحريم خلي امتس تقول : بناتي مايحبون يطلعون السوق ابوهم يجيب اغراضهم.
=الحين العجوز بتكون وقعت فالفخ.
نروح للمعرس الحين.
1_اهجدي في بيت اهلك ولاعاد تطلعين واذا جا المعرس بيشوفك خلي ابوتس يقول : والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتون{ايه هين يالشايب والله لو بيدك إن تحط مكانها باسكال مشعلاني}
2_ قبل يجي اليوم الي بيشوفتس فيه بحوالي اسبوع او اكثر{حسب شين الوجه} طامري من مشغل لمشغل صبغ فرد تنظيف بشره..إلخ.
3_اذا جا المعرس خلي اخوتس يوقف جنبه عشان مايطيل التبحلق ويبان المستخبي وذلك تطبيق لنظرية {اللمحة ذبحه}.
4_في نهاية المشهد خلي ابوتس يقول : معليش وانا عمك ترى البنت شوي محيوسه{معليه يالشايب تنصب عالمسكين}.
وبهاللحظه الولد بينط على راس أبوك ويبوسه لين يشفط مخه ويقول متى العرس ياعم؟
{تحذير مهم}
#ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى.
(والله يوفقني وياك)
والله الهادي الى سواء السبيل ............
مع تحيات اخوكم اللي يخاف عليكم الموسيــ 8 ــقار(a26)
أهم شي نـّشني على العجوز اللي حاطه عينك على ولدها ثم نفذي مايلي:
1_خليتس مع امتس ولاتروحين مع البنات وتتهيبلين اصبري عنهم كم شهر لين تتم العملية.
2_امشي وانتي حاطه راستس بين كتوفتس ولا ترفعينه ابد حتى لو عورتس خلي الفقس دايما بين ايديتس.
3_كلمه خاله خليها دايما على لسانتس خاصة لام المعرس عشان تحس بنوع من التميز عن باقي العجايز.
#ملاحظه .لامانع تنادين عجوز ثانية بخالة عشان اذا مانجحت الخطه مع العجوز نمبر "ون" تنجح مع نمبر "تو" الاحتياط واجب وانا خوكم .
4_اذا بدت امتس تتكلم انغزيها بكوعك عشان ادخلتس بالسالفة حتى لو مالتس داعي تطبيقا للمثل <كثر الدق يفك اللحام>داري المثل ماله داعي بس مالقيت غيره.
5_اخوانك الصغار لاحقيهم وطامري معهم وين مايروحون حتى لو ماهي من عوايدك بس تصرفي معهم كأنك امهم عشان العجوز تاخذ فكره انك حريصة على ذريتتس .
6_كل ما اكلت امتس من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي.
7_اذا جيتي بتمدين ايدك توجعي وخلي امتس تقول : قايلتلتس وانا امتس ماله داعي تنظفين جدران البيت الخارجية {اقول نظفي غرفتك اول الي تقولين ثايره فيها قنبلة ذرية}.
8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها{بس لاتكتمي نفسك مره اخاف تروحي فيها واصير قتلت نفس بغير حق}.
9_مهما كان موضوع الحوار حماسي لاتبدين رايتس خليتس مثل البكما ن لان اللقافه تجيب اجل الخطة.
10_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة.
11_اذا ادلت العجوز{ام المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.
#مثال:تقول العجوز:بوش متقهوي عندنا البارح
قوليلها:وليه ماعلمتينا ياخاله نجي نساعدكم؟!
12_في العروس اضغطي على نفسك واقضبي ارضتس ولاترقصين واعتبري الرقص عيب وشق جيب.
13_اذا جاء طاري السوق وهولازم يجي الطاري لانه ملح الجلسه عند الحريم خلي امتس تقول : بناتي مايحبون يطلعون السوق ابوهم يجيب اغراضهم.
=الحين العجوز بتكون وقعت فالفخ.
نروح للمعرس الحين.
1_اهجدي في بيت اهلك ولاعاد تطلعين واذا جا المعرس بيشوفك خلي ابوتس يقول : والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتون{ايه هين يالشايب والله لو بيدك إن تحط مكانها باسكال مشعلاني}
2_ قبل يجي اليوم الي بيشوفتس فيه بحوالي اسبوع او اكثر{حسب شين الوجه} طامري من مشغل لمشغل صبغ فرد تنظيف بشره..إلخ.
3_اذا جا المعرس خلي اخوتس يوقف جنبه عشان مايطيل التبحلق ويبان المستخبي وذلك تطبيق لنظرية {اللمحة ذبحه}.
4_في نهاية المشهد خلي ابوتس يقول : معليش وانا عمك ترى البنت شوي محيوسه{معليه يالشايب تنصب عالمسكين}.
وبهاللحظه الولد بينط على راس أبوك ويبوسه لين يشفط مخه ويقول متى العرس ياعم؟
{تحذير مهم}
#ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى.
(والله يوفقني وياك)
والله الهادي الى سواء السبيل ............
مع تحيات اخوكم اللي يخاف عليكم الموسيــ 8 ــقار(a26)