المساعد الشخصي الرقمي

مشاهدة النسخة كاملة : حديث الأجداد هل تذكرونه ؟


عبدالعزيز 95
30-09-07, 10:00 AM
السلام عليكم ورحمة الله وبركاته

هل تعرفون معنى هذه الكلمات ؟
إنها لغة اجدادنا من صميم اللغة العربية ومن قلب الجزيرة العربية


ساضع بعض الكلمات الآن وعند الانتهاء من حلها
اضع كلمات أخرى

نبتدي بسم الله


1 ــ بهنس ( البهنسة ) .
2 ــ أم خنور

3 ــ الخريطة .

4 ــ الجهبل .

5 ــ رفلاء .

6 ــ الهجار .

7 الهلباج .

ندعان .

منجوم .

نشوف مين الشاطر ويعرف معناهم

الــــدفشـــه
30-09-07, 11:10 AM
هلا يا خوي

خوش فكره على الاقل افهم اللي حولي << دايم يقصون عليها وهي ما تفهم

بقول لك اللي عرفتهم


بهنس ( البهنسة ) .

ماره علي بس ما احط بذمتي << ما اعرف
2 ــ أم خنور

عشاني طااف << بعد ما تعرفها

3 ــ الخريطة .

هذي عاد عندي << جيس كيس << يوضع فيه الحاجات

4 ــ الجهبل .

بسأل عنها
5 ــ رفلاء .

اعرفها بعد << يعني كسوله بكل شي << تراني ماني رفله كلش ملش

6 ــ الهجار .

اسمح لي بعد ما اعرف

7 الهلباج .

شنو هذا !! اتوقع اسم ناقه :)

ندعان .

مدري بعد

منجوم

هذي اعرفها << يعني مضيّع << صح

ما اقول شفته وشفت البيض يتلنه ... اقول شفته وشفت الشمس منجومه :).



الدفشه

على وضح النقا
30-09-07, 02:08 PM
ــ بهنس ( البهنسة ) .

هاااه

2 ــ أم خنور

أم خشم <<< يمكن ادخل على الله


3 ــ الخريطة .

كيس<< هذي دايم اقولها

4 ــ الجهبل .

مادري

5 ــ رفلاء .

يعني داجه ماتعرف شي <<وفي روايه رمه

6 ــ الهجار
.

ادخل على الله ماعمري سمعت فيها


7 الهلباج .

قد سمعت فيه بس مدري وش معناه يقولك

النوم للتسلاب والهلباج والمره<<< مثل شعبي مشهور

ندعان .

زي عرهان بعد سمعت فيه بس ما اعرفه <<<الوكاد انها مسبه الله العالم

منجوم .

يعني منداش ومضيع ومستديرن راسه

عبدالعزيز 95
01-10-07, 09:10 AM
3 ــ الخريطة .

هذي عاد عندي << جيس كيس << يوضع فيه الحاجات

4
5 ــ رفلاء .

اعرفها بعد << يعني كسوله بكل شي << تراني ماني رفله كلش ملش



7

منجوم

هذي اعرفها << يعني مضيّع << صح

ما اقول شفته وشفت البيض يتلنه ... اقول شفته وشفت الشمس منجومه .


صح شاطرة الدفشة 3 من 10

ومنجوم : ضائع الراي وسقيم

عبدالعزيز 95
01-10-07, 09:12 AM
على وضح النقا
مثل الدفشة

يالله الحين نشوف مين الشاطر يعرف الباقي

sham
02-10-07, 01:21 AM
وانا بساعد عبد العزيز واكتب ليكم بعض المعاني
حتى ماحد يقص عليكم مثل مايقصون على الدفشه .

1 ــ بهنس ( البهنسة ) :البهنسة بطىء الحركة في المشي أو العمل ويقال مثلا : ( لماذا تبهنس وقد رحل رفاقك )
2 ــ أم خنور :

4 ــ الجهبل : الرجل عظيم الجسم قليل الرأي .

6 ــ الهجار : حبل يعقد في يد البعير ورجله فيمنعه من السير السريع .

7 الهلباج : الرجل الذي لاعمل له ، يأكل وينام مثال : يقول الرجل لإبنه عندما يراه نائما الى الضحى : قم يالهلباج .

ندعان : ندع المتاع ، يندعه ندعا أي سرقه وهرب به . والندعان هو اللص تخلى عن كل فضيلة .

.....................................
واترك لكم كلمة
منجوم
و

هربد
مامعناهما
دمتم بخير