المساعد الشخصي الرقمي

مشاهدة النسخة كاملة : اليوم الوطني...{ عيد الذكرى }

بوح القصيد
23-09-07, 03:49 AM
{ عيد الذكرى }




أي سـعـودي وافتـخـر بعـقـالـي..والـوطـن حـبـه هـنــا يهـنـالـي
اتـغـنــى بــــه وفــــي مــوالــي..الـعـب الـزيـفـان واهـتــف يالله

ديمـهـا فـرحــة عـلــى ديـرتـنـا...ديـــرة دسـتـورهــا مصـحـفـنـا
هــوه مرجعـنـا وهــو غيـرتـنـا...كتابنـا محـفـوظ مــن عـنـد الله
افرحـوا يالشعـب بعيـد الذكـرى...لمـا ابـو تركـي غزاهـا مسـرى
بأربعيـن مـن الـرجـال العـسـرا...وحـــد الــدولــه فـيـرحـمـه الله
بــأول المـيـزان ...ابــو تـركـي...اســس الـدولـه وزال الشـركـي
افـرحــي يـادولـتـي مـعـطـركـي..ســنــة مـحــمــد وكــتـــاب الله
واهتنـي فـي ظلـل رجـل حبيـب...رجل عنـد الشعـب قلـب رهيـب
كـــل هـمــه الـمـواطـن طــيــب...دعـوتـي يـانــاس يحـفـظـه الله
نــــزل الـمـيــدان وزاد بـحـبــه...وشاف كيف ان المعيشه صعبه
لله دره اعـتـنـى فــــي شـعـبــه....يـا حبيـب الشعـب يــا عـبـدالله
زود الـراتــب وقـــال ارتـاحــوا...وارخـص البنزيـن لمـا صاحـوا
صــار بلـسـم للعـنـا وجـراحـوا...وارتــقــى بـالـحــال قــــواه الله
واهتنيـنـا فــي رغـيـد العيـشـه...وقامـت قروشـي تزيـد قريـشـه
حتى جانا تاجـر ينفـض ريشـه...رفــع الأسـعــار يـــا وجـــه الله
يـابـو متـعـب يالعـزيـز الغـالـي...زادت الأسعـار وســاء الحـالـي
وانـقـلـب مـعـذوبـنـا غـربـالــي...حـلـهــا بـيـديــك يـنـصــرك الله
مـالــنــا بــعـــد الله الا فــالـــك...حـلـهـا يـــا جـمــل الله حــالــك
حـن عصـاتـك قـوتـك ورجـالـك..والـفـرج بأيـديـك ان شـــاء الله
يابو متعـب يـا عصابـة راسـي...ياحبـيـب الشـعـب يالقـرنـاسـي
نشـهـد انــك للفـخـر نومـاسـي...وللـوطـن حـاكــم وبـشــرع الله
يـابــلادي اهـتـنــي وارتــاحــي...دام ابـو متـعـب اعــز سـلاحـي
وابـو خـالـد بلسـمـي لجـراحـي...ســنــدك سـلـطــان يـاعـبــدالله


اخوكم
احمد المنتشري
بوح القصيد
ولـــــه
23-09-07, 06:04 AM
الله الله الله الله الله ..

رووووعه .. وتفووق الرووعه ..

صح لسانك وعلا شانك .. أخوي احمد ..

ودامـ .. عزكـ ..

دمت بخيــر ..:)
كبرياء سعوديه
23-09-07, 11:13 AM
أي سـعـودي وافتـخـر بعـقـالـي..والـوطـن حـبـه هـنــا يهـنـالـي

(a99)
بوح القصيد
صح لساانك وعلا شأنك
قمة بالوصف
خالص أحترامي
كبرياء سعوديه
غـربة الــروح
23-09-07, 05:07 PM
صح لسانك ملاييييييييييييين أخوي بوح القصيد..

أبيات تحمل في طياتها الكثير من المعاني الرائعه..

يعطيك الف عافيه لاهنت..
MaGNo0o0NK
23-09-07, 07:25 PM
رووووووعه

الله يعطيك العااافيه

\:)
غـربة الــروح
23-09-07, 10:59 PM
ابيات جدا رائعه ـــ الف شكر لك ــ
عبْث
23-09-07, 11:04 PM
صح لسانك احمد


وكلنا نفتخـــــــــر


وياسلامي عليكم يالسعوديـــه
&بنت الرياض&
24-09-07, 04:12 AM
صح لسانك اخوي ولاهنت
وكل عام وأنتم والشعب السعودي بخير
يعطيك العافيه على هذي الابيات الرائعه
دمت بود
أختك
بنت الرياض
اللهم اني كنت من الظالمين
24-09-07, 12:06 PM
تسلم اخوي ولا هنت صح لسانك
وكل عام والسعوديه بخير وعز
ومن عز الى عز

ارفع راسك يالسعودي

الله الله

اخـــــوكــــم
بــو خـــالـــد
صقر تميم
24-09-07, 05:24 PM
أخوي بوح القصيد المسلمين ما عندهم عيد غير عيد الفطر والأضحاء
عيد الوطن بدعه
بوح القصيد
25-09-07, 04:37 PM
الله الله الله الله الله ..

رووووعه .. وتفووق الرووعه ..

صح لسانك وعلا شانك .. أخوي احمد ..

ودامـ .. عزكـ ..

دمت بخيــر ..:)



ولــــه


ادام الله لنا وطننا وعزه... وقادتنا الذي انتهجوا من القران والسنه دستورا لهم فهنيئاً لنا بهم بدوله ورجال...

اشكر لك مرورك العذب ودمتي بود..


اخوك/بوح القصيد