المساعد الشخصي الرقمي

مشاهدة النسخة كاملة : اعشق ضلالك


الــنــوخــذة
20-09-07, 01:32 AM
جلست اضمد جروحي.. وافكر..واسألك مقهور
واساير دمعتي واخفي معالمها من افعالك

أحاول أكشف المستور.. ولا أدري وش المستور
طفح كيلي أنا والله من اللي شفته قبالك

تزعلني تراضيني وأنا أرضى وأنا مجبور
مثل ماني أنا مجبور في حبك وغربالك

أذوق المر والحرمان وعن عيني يغيب النور
وطيفك لو يمر لحظة ينور ليلي الحالك

أحب احساسك وقلبك وبسمة وجهك المسرور
احبك انته ابكبرك.. من يمنيك إلى شمالك

احبك والهوى قطرة وتروي حبي المهجور
تصدق من كثر حبي عشقتك أنت..وظلالك


سؤال وودي أقوله..وباقوله وانا معذور
وابي منك تسامحني..اذا زعلني اهمالك!

متى بيحن قلبك لي.. واصير باول الطابور؟؟
متى أسكن أنا قلبك واحقق كل آمالك؟؟

أبيك تجاوب احساسي وتجمع حبي المنثور
وتاخذ قلبي المجنون.. في حلك وترحالك


عشان الأجوبة بصبر..دقايق..يوم.. حتى شهور
اضمد جرحي واساير دموعي واعشق ظلالك!!

عاشقة الشهاده
30-09-07, 03:53 PM
قصيده روعه .بس ليش بمنتدى حصاد النت.. من الاولى انه بقسم خاص بالاشعار..؟ الله يعين