بدر بن عبدالله الدخيل
07-09-07, 08:32 PM
في البداية أود أن أشكر الشاعر القدير / عبدالعزيز العنزي على دعوته لي للمشاركة بهذا المنتدى الكبير باعضائه وزواره
أضع بين أيديكم هذه المتواضعه علّها ترتقي لذائقتكم
يقول المولـّـع
يقول المولع والمولع أليا من قال=تزهّب يا نديم الشعر وأرخ أذنك لــ قيفانه
وأنا يوم أكتب المعنى فكر ما هي فضاوة بال=ولا حسّبت لعسام الحروف وثور دخّانة
أعرف أنه يبي ياصل على مَر الزمن لــ أجيال=تناقلة الشوارب واللحى تبقى له خزانة
والا يا زماني ويش عندك كفى ترحال=تعال أعطيك من صاف الوريد ونزف شريانة
أنا اللي ضامني شوقي أنا حزن وبقايا حال=أنا الضيقة .. أنا الحسرة .. أنا التابوت وأكفانه
ثقيل الحمل لا شاله قعودي ما درى الجمّال=خذى ينزف عَرَقه ولا سلم من ضرب عصيانه
عليل وعلتي سبّت هنوف(ن) يوم حضي مال=معه .. قامت تسَمّع كل شيطان(ن) وشيطانه
كلاب ولا لهم مبدا هدفهم بس قيل وقال=سمعت فلان .. قال فلان .. تدري قالت فلانه
تشاويش وحكي زايد سواة الاعور الدجال=ولا يا كم دجّال(ن) يبي من يقطع لسانه
زريف الطول منبوز الردايف ضامت البنطال=حسيبه ربنا ما ينثني من بين سيقانه
يزم الصدر مركوز النواهد ما تبي شيّال=كما طلع الكمثرى لا تدلى بــ أطرف أغصانه
خذوها غصب قدامي وزاد الضيم والغربال=امر البيت أشمه وأحضنه واحب جدرانه
قسم بالله يا لولا الكلام وهرجة العذّال=لقص الرجل لعيونه واعلّقها بــ بيبانه
عشان يحطْ في باله .. جفان أو عن طريقي مال=انا ما اميل لو روحي غدت من دون جثمانه
شكراً لكل من مر من هنا
الشاعر / بدر الدخيل
أضع بين أيديكم هذه المتواضعه علّها ترتقي لذائقتكم
يقول المولـّـع
يقول المولع والمولع أليا من قال=تزهّب يا نديم الشعر وأرخ أذنك لــ قيفانه
وأنا يوم أكتب المعنى فكر ما هي فضاوة بال=ولا حسّبت لعسام الحروف وثور دخّانة
أعرف أنه يبي ياصل على مَر الزمن لــ أجيال=تناقلة الشوارب واللحى تبقى له خزانة
والا يا زماني ويش عندك كفى ترحال=تعال أعطيك من صاف الوريد ونزف شريانة
أنا اللي ضامني شوقي أنا حزن وبقايا حال=أنا الضيقة .. أنا الحسرة .. أنا التابوت وأكفانه
ثقيل الحمل لا شاله قعودي ما درى الجمّال=خذى ينزف عَرَقه ولا سلم من ضرب عصيانه
عليل وعلتي سبّت هنوف(ن) يوم حضي مال=معه .. قامت تسَمّع كل شيطان(ن) وشيطانه
كلاب ولا لهم مبدا هدفهم بس قيل وقال=سمعت فلان .. قال فلان .. تدري قالت فلانه
تشاويش وحكي زايد سواة الاعور الدجال=ولا يا كم دجّال(ن) يبي من يقطع لسانه
زريف الطول منبوز الردايف ضامت البنطال=حسيبه ربنا ما ينثني من بين سيقانه
يزم الصدر مركوز النواهد ما تبي شيّال=كما طلع الكمثرى لا تدلى بــ أطرف أغصانه
خذوها غصب قدامي وزاد الضيم والغربال=امر البيت أشمه وأحضنه واحب جدرانه
قسم بالله يا لولا الكلام وهرجة العذّال=لقص الرجل لعيونه واعلّقها بــ بيبانه
عشان يحطْ في باله .. جفان أو عن طريقي مال=انا ما اميل لو روحي غدت من دون جثمانه
شكراً لكل من مر من هنا
الشاعر / بدر الدخيل