(( يابنت مرعيه ))

[مشعل الحريّص]

سلام الله على الساحة سلام الله علـى الجمهـور
سلامً من صميـم القلـب والنيـه علـى النيـه
بعد ماجيت في وسط السرا وامشي بحسب الدور
يقدمنـي قصيـدي مايبـي رشـوة وبرقـيـه
وانا ماجيت ادغدغ في مشاعر ناصر ومنصور
ولاهي وسط قاموسي من الواحـد الـى الميـه
على وضح النقا والقلب طاهـر والنوايـا نـور
واحاول مااجزي السيه ليا اضطريـت بالسيـه
طبيعه ما ابحث الخافي واخل الطابق المستـور
واخبر الداب وشجرته ولا اجهل لدغـة الحيـه
ولا عندي وماعندي على الزله سوى مشكـور
ولاهي حركت شعـره عشـان تحـرك يديـه
مادام إن العلم رفرف فانا مع وجهـة الطابـور
جنوبـيـه جنوبـيـه شمالـيـه شمـالـيـه
اعشق الشعر من صغري واحب الشاعر المشهور
ولا اهضم في حقوق النـاس والاوراق مطويـه
ولا يعجبني الاعـلام فالساحـة ولا الدستـور
عزاي ان القصايـد بيـن مسموعـه ومقريـه
عزايه يوم اغنـي واتغـزل فالعيـون الحـور
لاشاب القاف في ذيه وسمت القـاف فـي ذيـه
اهوبل لا ارتكى رمشه على خده ماهو مجبـور
واقول ارفق عليه شـوي حتـى يرفـق شويـه
يشوش القلب لامنه طرالـي والحشـا مسبـور
اخل الواقـع لناسـه واعيـش احـلام ورديـه
تغلغل في ضميري وانتشر في قلبـي المعـذور
وينبض بالغلا صدري من الطيـه الـى الطيـه
على شانه تعلمت العب المسحـوب والمشقـور
وعلى شانه وقفت اكتب مابين الشمـس والفيـه
وعلى فزعة قصيدي لا لفاني قلت لـه ماجـور
اغني لاطفشت من الزعل ( يابنـت مرعيـه )

[هلاليه وكلي فخر]

اخوي مشعل
صـح كلـك ولاهـنت
هطـول دااااايـم مبــدع
" ماشاء اللهـ "
اسـرفت ابـداعـًا واللهـ
دمـت فـوق هـام السحـب

[مشعل الحريّص]

هلا ليه وكلك فخر

صح بدنك ومشكووره طال عمرك على المرور والاطراء

[ولـــــه]

الله الله الله الله الله ..

رائــعه بروعتك .. أخوي مشعــل ..

صح لسانك وصح نبضك .. على هالابدااااع ..

وحياااااك الله ..

دمت بخيــر ..:)

[مشعل الحريّص]

وله اشكرك طال عمرك على مرورك واطرائك


وصح بدنك يالغاليه

[مشعل الحريّص]

وله اشكرك على مرورك واطرائك يالغاليه


وصح بدنك