دعوة للنقاش@@ ليش السعودي الى يشتغل بكاشير ب هيبر بندة,كارفور,جيان,العثيم شايف نفسه

[غامد الصالحي]

كذا موقف صار معي و عمري ما دخلت سوق وشفت احد الكاشيرات السعوديين الا بغرور و شوفه نفس.

الموقف الاول

* العثيم بعد ما حاسبت قلت للاخ وش رايك تكيس الاغراض بعد ما اخذ الفلوس الاخ ماله نفس يكيسهم قال مو شغلي انا كاشير مو عامل قلت له ما راح تطور مادام انك بها عقليه لين جاء العامل وكيسهم

الموقف الثاني

* كارفور اندنوسي حاسب مقاضي بيت كفيله وطلب البرنت حق الحساب من حقه قام الكاشير السعودي برميها في وجهه راح الاندنونسي وقال شكرا قلت والله من ثوراتك تقول شكرا. يوم جيت احاسب عند الكاشير عطاني البرنت عطيته نظره ولا اخذت منه البرنت حق الفاتورة رداً على حركته معا الى قبلي.

* هيبر بندة جيت احاسب على عرض كلوركس معا منظف دهون سئلته قلت تاكد منه قال انتم ماتجون الا عشان العروض قلت له لازم عشان ندبر راتبك انت و اخوياك لا تتوهقون بعدين



عموما روح محلات المكياج

مكياجي شوي و الاخ يبي يلصق جسمة بالبنات بالمحل ويقول لها ما زيان المكياج الا معك

يعني بالمختصر المفيد غرور و شوفة نفس و قله ادب من ناحية التعامل

[بنــت حمــوله. . .]

ماهو غرور يا اخي والله انهم يكسرون الخاطر ممكن انه في هاليوم قابل له خوي من زمان عنه وشافة

بهالوضع وانحرج !

والله ما يلامون ان صارت نفوسهم خايسة كافي روتين وظيفتهم <<ملل ,احراج ,نظرات استغراب , دلاخة بعض

المُشترين , وغيرة كثير من الأمور اللي تخلية نفيسة . .

بالعكس المفروض يكون تعامل الشاري مع هذهـ النوعية من السعودين غير ويعطية حافز ويمدحه ويثني على عملة

كافي انهم تجرعو الألم وحدتهم ظروفهم لوظيفة كهذهـ دون المستوى ,,

:
/
:
/

[مارية البكيراوية]

اذا نظرة الناس للكاشيرات اللي في الاسواق المذكورة زي نظرتك لهم .. الصراحة ماينلامون اذا صارت نفسياتهم نعال....بعدين انت كيف تبيهم يتعاملون معك؟؟؟؟ يعني اذا انت قاعد تقوله كيسلي الاغراض وش تتوقع بتكون ردة فعله؟؟؟ ياخي ليه ماتكيسهم انت هذي اغراضك مو اغراضه هو.... فعلا شعب اتكالي حتى في وضع اغراضنا بالكيس!!!!!!
بعدين هذولا قاعدين يتعرضون لظغط نفسي من المجتمع ومن العمل فاتوقع علشان كذا يكونون يشتغلون وهم منظغطين واعصابهم مشدودة .. وغير كذا غالبا مايكونون صغار في السن ولا عندهم دورات تدريبية تعلمهم طريقة التعامل مع الزبائن ...
اتمنى نشجع هالشباب ومانتصيد اخطائهم .. مو احسن من اللي قاعدين يدورون بهالشوارع والمقاهي لا شغل ولا مشغلة ؟؟؟؟؟

[غامد الصالحي]

اجل الهنود الي قبل ليش يكيسون اجل بكرة العثيم بكبره صاحب تكييس الاغراض# عشان يشجع السعودة# راح يسفر الهنود عشان يوفر و كيسهم بنفسك و بعدين مو مشكلة حنا بنكيسهم بس يكتبون لوحه الخدمة ذاتية او كيس اغراضك بنفسك

لان جيو تقولون حنا اتكاليين قصدكم والله ما ضيعنا الا حنيتنا يالسعوديين وبعدين هاذي من مهام شغله ياما رحنا اسواق عالمية برا السعودية اذا مافيه عامل يكيس الاغراض تحصل الكاشير يكيسهم ولا يسرق الهلل الباقي عشان يطلع 100 او 200 ريال باليوم لا وفوق كذا يبتسم ولا شايف نفسه. هين الهلل الله يحللهم بس يكملون شغلهم بانفسهم


اجل استحقراهم للبنقال و الاندنوسيين هذا برضو يعذرون عليه ولو جاهم ابو خشة صفر و شعر اشقر امريكي او اوروبي يتشققون ابتسامات


خلكم منطقيين احنا نبي نعكس طريقه تعالمنا للناس مو نذلهم بفلوسهم
انا الى الان مساكة بقلبي يوم يرمي الفتورة بوجه الاندونوسي

[ســـــووولآفـــــ]

قبل اي شي انت قعدت على الكاشير تحملت مسؤليه تحصيل مال الغير~و~عنده اوقات ذروه العالم فوق بعض ولازم يكون دقيق ومايغلط بالحساب ~وبعدين مو وظيفته يكيس اغراضك ~انت اللى فيك شوفت النفس
وفوق كل هذا الراتب طفسه~ وفيه ناس زيك يضنون هذا الموظف عبد لخدمتهم ~
الله يوفق شبابنا في عملهم

[o 0 o e o 0 o]

ياخي غريبة

المشكلة انك جايب اسامي شركات كبار يعني انواع الخدمة

ياخي انا كنت شغال كاشير في مجمع الراشد قبل خمس سنوات واذكر ان الزبون على حق حتى لو غلطان

يعني بكلمة وحدة للمدير او لو رفعت صوتك في المحل علية يجلة لفت نضر وانذار

نخاف من الزبون زي مانخاف من المدير

والكاشير الي ماكيسلك هذي قوية الا اذا كان انت الي شايف نفسك تلاقية قاعد يحاسب زباين ثانين وانت تقول كيسلي وعندة زحمة

اما اذا كان مثل ماتقول فمعليك حق لانك ماشكيتة بلا سعودي بلا دلع زايد

[الــ فهد ــحزن]

الله يكون في عونهم

--------------------------------------------------------
ومن هذا الموضوع

انا اوجه لهم رسالة

تشجيع على مايقومون به من كفاح واجتهاد

وتضحية


كل ذلك في سبيل اعتمادهم على انفسهم وليس على الغير



للتغلب على ظروف متطلبات العيش في هذه الحياة


مني لكم
الف الف الف الف الف الف الف الف الف الف الف الف الف الف
الف الف الف الف الف الف الف الف الف الف الف الف
الف الف الف الف الف الف الف الف الف الف
الف الف الف الف الف الف الف الف
الف الف الف الف الف الف
الف الف الف الف
الف الف الف
الف الف
الف

تحية وتقدير واحترام

لعزة وكرامة انفسكم

7
7
7
7
7

في زمن ( اقترضت) فية العزة وكرامة الانفس


--------------------------

ويكفي انكم
http://www.okaz.com.sa/okaz/myfiles/2006/08/14/k50-small.jpg

وماعليكم دامكم
في ظل ابو متعب

http://tkfiles.storage.msn.com/x1pc_jqddVOWRnUaEIkHOowxxOHCuNvrxz2Qp7FCH84aYQXzKJ 4cugl7Vs5I_NX_s1c51hxffTQeQI71i65bhG-p9A7MQ-YLUh8bTyBiteJqahi8E0REsoPQIG4EhyGNS8L1Xei058Yz_4

http://www.r15r.com/data/media/160/saudi9_L.jpg
http://www.moeforum.net/vb1/uploaded/22094_1147720070gif



وهذه مني
للجميع

http://www.alamuae.com/gallery/data/media/123/0084.gif

[بندر الايداء]

اقول احمد ربك انك ماسويت هالسالفه الا في هالاماكن
ترى مختارين الين وارق شباب فيها
وانتبه لاعاد تغلط وتقول هالكلام في كل مكان
ترى فيه شباب يمكن بيفرغون علب العصيرات على راسك بسبب هالكلام

اقول اخوي الكريم
هالشباب ماتقدر تراعي ضروفهم
يعني عشان الله انعم عليك تتبطر وتتكبر على خلق الله
عجزان تشيل اغراضك بنفسك
لاحول ولاقوة الا بالله العلي العظيم

[الوافي3]

بالعكس عمري ماتعاملت مع كاشير سعودي إلا ووجدته قمه في الأخلاق والتعامل

[ندى الزهر]

اصلا من الدايه غلللللللللللللط سعوديين يشتغلون في الكاشيرات

يا ناااااااااااااس احنا ثانني اغنى دوله في العالم من ناحيه النفط شباب الدوله المفروض يكونون مرفهين مو شغالين في الكاشيرات والليموزينااااااااااااات ( حسبي الله ونعم الكيل)
لا والحين جاء ذا الدب ( غازي القصيبي) وكملها يبي بناتها يشتغلن خدامات في البيوت؟؟؟؟؟؟؟؟؟؟؟؟؟؟؟؟؟؟؟

يارب رحمتك من هالزمن؟؟؟؟؟؟

[ألحضرمي]

هل زرتم محلات (دبنهامز) اللي في غرناطه زوروها وشوفوا (الشوفيريه) كيف مسوين تحس انك داخل صالة عرض ازياء قصات شعر ونعومه وليونه واحمر شفايف طبعا الشعر اشقر واكيد عرفتوهم .. متل ما بدك

[غامد الصالحي]

اقسم بالله العظيم انكم فهمتوني غلط انا مفيني شوفه ونفس ولاتبطر طيب انا احكي لكم بشوفه عيني انا ما اقول كلهم بل اغلبهم مثل سالفه الاندنونسي الى يبي الفاتورة ليش رماها في وجهه معا انها مالها دخل بالتكييس و اقسم بالله انا بعضهم اول ما تخلص من الحساب يروح و يخليك من زو الفضاوة و اذا قلت كيس يقول مو بشغلي اروح انا اكيسهم ابلعها طيب وين زمان اول ابو فلب و ابو هنود يكيس لك اغراضك


اقسم بالله ما مريت من سعودي الا اقول له بيض الله وجهك و ادعي له و ابتسم له


نقاشي كان عن ليش بعضهم شايف نفسه و يعاملك من راس خشمة هذا السوال


وبعدين حقين دبنهالمز هذولا ناس منخدعين باسم المحل و احيانا اذا جاني احد يتميلح عند بنت واشوفها ما تبيه اقول له اخوي ممكن تتفضل وتروح مكانك اذا نادتك الاخت تعال يمها و يسانلي قريبتك هي اقول ايه و يروح وان جيت للجد اقسم بالله انا ما عرفها و لا تقرب لي بس خوفا عليها من الاخ الى شوي بيلصق فيها

لانك تحس من عيونه انها فريسه و صادها واكبر دليل يدقق بعينها و صدرها ومركز على العين

[غامد الصالحي]

طيب موقف ثاني بالعثيم قبل اسبوع نزلت الساعه 11 ابشتري نعناع بريال ويوم جيت احاسب تدري وش قال لي الموظف " الحين ماسك سراء وجاي العثيم عشان ريال قلت له فضاوة وقال لي الا من زود خوفك على القرش قلت جزاك الله خير وسمعني المشرف السوداني وقال وش المشكلة قلت هذا ولد عمي ونمزح معا بعض بس لا اوصيك فيه قال ابشر ما عليك



فيه فرق من تعامل لتعامل انا تعرف على واحد حربي محترم ببندة المصيف القديمة انسان جنتل لدرجة انى اكيس اغراضي تومتيك معاه وتعرفت عليه و نطلع كوفي شوب و صارت بيننا صداقة



انا اخبر احد المشرفين سعودي بالعثيم طويل القامة لابس نظرات عمري ما دخلت الا و جواله بيده يبلتث و يكزكز النسوان



اصابع اليد مو سواء بس اننا ننكر الاخطاء لا بس نحاول نصلحها مو تاخذنا العاطفه

[شـ قٍ ـآوة إحـ سٍ ـآس]

كذا موقف صار معي و عمري ما دخلت سوق وشفت احد الكاشيرات السعوديين الا بغرور و شوفه نفس.

الموقف الاول

* العثيم بعد ما حاسبت قلت للاخ وش رايك تكيس الاغراض بعد ما اخذ الفلوس الاخ ماله نفس يكيسهم قال مو شغلي انا كاشير مو عامل قلت له ما راح تطور مادام انك بها عقليه لين جاء العامل وكيسهم


انت بعد الله يهدي قليبك ..يمكن الرجال توه قايم من النوم ولاش ..كل واحد ولوه ضروفوه ..صح ..


الموقف الثاني

* كارفور اندنوسي حاسب مقاضي بيت كفيله وطلب البرنت حق الحساب من حقه قام الكاشير السعودي برميها في وجهه راح الاندنونسي وقال شكرا قلت والله من ثوراتك تقول شكرا. يوم جيت احاسب عند الكاشير عطاني البرنت عطيته نظره ولا اخذت منه البرنت حق الفاتورة رداً على حركته معا الى قبلي.

يمكن هنا بعد مانتبه صح ..انا مادافع عنهم بس يمكن ناسي او مشغول او اي شئ ثاني ..والدليل انه يوم جاء يعطيك اياها عطاك اياها وله نفس مهوب رماها عليك سوات الاندنوسي ..صح ,., >>ترا الى اللحين ما دافع ,.,

* هيبر بندة جيت احاسب على عرض كلوركس معا منظف دهون سئلته قلت تاكد منه قال انتم ماتجون الا عشان العروض قلت له لازم عشان ندبر راتبك انت و اخوياك لا تتوهقون بعدين

^^
يعني فرحان انك رديت عليه ..:) طيب ..وان يكن قال ماتجون الا للعروض ..وهو صادق اغلب الي يتسوقون يجون للعروض ..والدليل ليه كل يوم صبح تفتح باب بيتك يله تفتحوه من خمام ورق الدعيات ..صح ..:) ولو ان ها العروض الموجوده بها الدعيات ماتجلب المتسوقين كان محد كلف نفسوه يدسس ببيوت الخلايق ها القراطيس ..يعني الرجال ماقال ها الشئ الا بعد ماعرف ان كثير من المتسوقين مايجون الا للعروض ..وللأسف عمم ها النظره وحسبك واحد منهم ..



عموما روح محلات المكياج

مكياجي شوي و الاخ يبي يلصق جسمة بالبنات بالمحل ويقول لها ما زيان المكياج الا معك

يعني بالمختصر المفيد غرور و شوفة نفس و قله ادب من ناحية التعامل

اخوي هذا ماهو غرور ..هذا قلة حياء ..للأسف صار يتخلى عن مبادئه وعداته وغدى يتلصق ببنات خلق الله بس عشان يروج لسلعته ..هذاني من كم يوم بمكياجي ..قسم بله بغيت ابلعوه النعله ((والقارئين بكرامه )) وش قال ..قال هاتي يدك جربي ها العطر (z) >>ماكئن فيه كروت لتجريب العطر ..
طيب ..خلنا من العطر ..نجي يوم بغيت اشتري المسكره ..نعن ابوه يدقها سالفه بس عشان يرد بكم سعرها ..خلاص سئلتك عن سعرها رد بكم ..مهوب تقص قصت حياتك.,

مشكور ماتقصر ..اتمنى اكون وفيت بلتفاعل مع الموضوع .,واسترو ماوجهتو ..

[سيمار]

غامد مدري كيف صاير موضوعك
يعني اذا على شوفة النفس فهذا يرجع لطبيعة الشخص مو عمله
ولا مستكثر عليهم يعني ..!!!
رجااااال والله بمعنى الكلمة
وانا ماقد مريت من سعودي الا وادعي له من قلبي ان الله يرزقة ويغنية من يسر وحلال
يكفي نظرتك انك واشكالك لهم
وبعدين تعال<<تحمست
انت تشوف الشوام بالمحلات ؟؟
وربي انهم يخلون الوحده ماتقدر تتكلم من حلاوة السنهم ولعانتهم
رح لفيسز اللي بخريص وصحارى وشف وشلون يتلصقون بالحريم
ولا عاد ابو يمن هههههههههههههه
يعني لا تحط المجهر على السعودي وخله بهمه تكفى



فهد الحزين
ياسلام عليك
ر

[zeze]

السلام عليكم ورحمة الله وبركاته
بداية الصورة الي رسمتها لنا عن موظفين الكاشير لم يسبق وان مررت بها اطلاقاً لا في ( الهايبر بنده - جيان - بنده - كارفور- وطني - المخازن الكبرى ) اطلاقاً .
بالعكس احس البعض منهم يعمل وهو لا يرى من يمر من امامه من كثر تركيزه على الحساب والاسعار والخوف من الوقوع في الغلط .
ومسألة التكييس انا مررت لاكثر من مره بمواقف حين نأتي للحساب ونجد العامل الباكستاني المسئول عن دف العربات والتكييس ليس موجود يقوم الموظف بالتكييس واحياناً اذا كان هنالك ضغط نحن نقوم بذلك العمل فليس عيب او حرام لانها اغراظنا ، اما ان يترك العالم ورائه ويأتي ليكيس لك الاغراض فهذا استبداد والله وليس عمله وليس مكلف بفعل ذلك الامر .
يكفي ان دوامهم اوقاته طويلة ومتعب ودقيق ، ونحن نأتي لنشتري ونمشي بدون تعب او كلافه ، فهل يصعب علينا التكييس او نحوه وتكليفهم به ومن ثم ذمهم عليه !!!!!
تحياتي لك

[الهنـوف]

مقدر احكم عليه ..
ماعمري تعاملت معهم ..
وشكرا ً على الموضوع..

[غامد الصالحي]

سيمار حبيبي انا لاجيت اتعامل معا شخص اتعامل معاه على طريقة تعامله اذا رافع خشمة على اكسره له واذا والله طفشان ولا زهقان اشجعه و ادعي له وهو يسمع واما اذا يضحك ازيده ضحك و وناسه بعدين الله يكرمك لاتجيب لي طاري الشوام لان ضغطي مرتفع منهم و ودي العن سلسبيلهم واحد وراء الثاني

[zeze]

سيمار حبيبي انا لاجيت اتعامل معا شخص اتعامل معاه على طريقة تعامله اذا رافع خشمة على اكسره له واذا والله طفشان ولا زهقان اشجعه و ادعي له وهو يسمع واما اذا يضحك ازيده ضحك و وناسه بعدين الله يكرمك لاتجيب لي طاري الشوام لان ضغطي مرتفع منهم و ودي العن سلسبيلهم واحد وراء الثاني

(a14) سلسبيلهم !!! (a14)

[عالية المقام]

والله الحمد رغم ان الدولة ماهي مقصرة بالوظايف وفتح الفرص


لاكن نقول القليل من السعوديين حدتهم ظروفهم على هالشغلة اما حظة بالدراسة تعثر او الواسطة مالعبة دورها معاه

ياخي اذا انتم متخلفين ونظرتكم لسعوديه بهالشغلة تقل من قدرة ترى كم متخلفين انتم يالمشترين

شف كيف تعاملك من ينم عن حقدك لشخص حط نفسك مكانه والله الا تضرب من تعدى عليك

يا اخي يمكن هو اطيب منك واشجع منك لاكن ما الله وفقه
بعدين ليش تطلب منه يكيس لك اليس هذه اهانه منك انت متعمدها معه
التكييس ماهي شغلته

خلوا تعاملكم تعامل راقي وليس تتعاملون بدونية والاحتكار الرجل طالب رزقه بالحلال احسن والا يسرق او ينحرف ياخي شجعوا الشغل مهما كانت اشكوا لله

[غريب الماضي]

لان جيو تقولون حنا اتكاليين قصدكم والله ما ضيعنا الا حنيتنا يالسعوديين وبعدين هاذي من مهام شغله ياما رحنا اسواق عالمية برا السعودية اذا مافيه عامل يكيس الاغراض تحصل الكاشير يكيسهم ولا يسرق الهلل الباقي عشان يطلع 100 او 200 ريال باليوم لا وفوق كذا يبتسم ولا شايف نفسه. هين الهلل الله يحللهم بس يكملون شغلهم بانفسهم


طيب يومك ماتبي ( الاتكالية ) ليش أنت أتكالي
وتنتظر من غيرك يكيس حاجاتك وأغراضك ليش ما كيستهم أنت
ياخوي السعودي اشتغل بهذه الشغلة غصب عنه ماهو بكيفه
ولا هو مرتاح نفسياً ويحاول يقاوم نفسه ويجاهد حتى يصبر
ويبقى وأنت تجي وتحطمه بكلامك ليش يعني يكيس أغراضك
هو حده يقولك المبلغ المستحق عليه ويحاسبك وهو غير ملزم
بتكيس اغراضك الخاصه .
اذا انت كسعودي ماتتعاون مع أخوك السعودي الآخر وتشجعه
على الصمود في عمل غير متعود عليه وغير مألوف إن يكون
سعودي فيه والجميع يعلم إنه يتصارع نفسيا ً في البقاء أو
ترك العمل وانت تعلم إن أي كلمه مثل هذه تعتبر بمجتمعنا أهانه
وتقليل من شأن الشخص السعودي المقابل لك .

[ألحضرمي]

الشهاده لله عمري ما واجهتني اي مشكله مع اي كاشير وحتى مره من المراريت قمت احط اغراضي داخل الاكياس والاخ الكاشير ترك مكانه وراح يبحث عن عامل من عمالهم ليساعدني والله هذه حصلت معي والله يوفقهم ان شاء الله


وبعدين هل هي مشكله ان اقوم بتكييس بضاعتي أوليست لي؟ بالعكس انا اكيسها بنفسي افضل من ان يكيسها العامل لاني كذا مره افقد بعض الاغراض مثل مواد تموينيه وغيرها يكون العامل ما شافها وهو مستعجل في التكييس او تطيح او او ..وكذلك من الاستعجال قد تجد بعضها تلخبط مع بعض يعني مثلا المنظفات تجده يضعها مع الاطعمه وهكذا بالرغم من اني احرص دائما على ارشاده على وضعها مستقله في اكياس ..حتى مره لقيت سائل فيري يسيل على الجبن والخضار عندما وصلت الى المنزل !!!

بس اللي يقهرني فعلا شغله وحده واعتقد الجميع معي في هذا الرأي وهي انك عندما تمسك سرا وتصل الى الكاشير محملا بالبضائع ويقولك الكاشير اسف الشبكه عطلانه هنا القهر حتى احد الاشخاص مره شفته يصرخ على الكاشير ويقوله ياخي حطوا لوحه للناس بدل ما تلطعوننا كذا !!! والطامه الاكبر اذا وجدت الصراف الالكتروني اللي جنب الهايبر عطلان !!!

هذه النقطه السيئه لدى الكاشيرات

[أبي الإسلام]

أي وظيفه فيها مقابلة للجمهور

إن كان في وزارة أو باع أو أو جميع الوظائف الخاصه بمقابلة الجمهور

فلن تجد الشخص كل يومه مبسوط

يا أخي في ناس ترفع الضغط

همهم في الحياة أنه يجي ينكد على الشخص

فيجب أن نلتمس لهم الأعذار

[ألحضرمي]

رمضان على الابواب

اربطوا الاحزمه
واربطوا صواميل اعصابكم

وكل عام وانتم بخير

[الراصــد]

بسم الله الرحمن الرحيم
الاخ غامد الصالحي السلام عليكم ورحم الله وبركاته
امابعد ............
نحن ابناء البلد ونعرف ملنا وما علينا بس ابك تعرف اش الضغوطات التي يوجهااااااا الشاب السعودي في هذه الاعمال ذات الدخل البسيط
1/ الاجازات خلل ايام الاسبوع (اوقات الدوم يعني ) وهو ابن البلد
2/ المجتمع ينظر الية بنظرة ازدراء وهو ابن البلد
3/ تحكم الاجانب فية واضح وجلي وطبعا وهو ابن البلد
4/ يوجة بعض الاحراجات وخصوصا من اصدقائة وخصوصا اذا رؤة في هذا المكان وهو ابن البلد
5/ ضغط العمل طبعا فهو يتحمل اي خطأ سواء في الحساب او في المعامله او في الانضباط وهو ابن البلد
6 / الراتب لا يتجوز 2000 ريال وقابل للخصم في اي وقت وهو ابن البلد
**فبأي نفسية تريدة ان يقابلك وهو يوجه ضغط كبير وخصوصا من المجتمع الله يكون في عونه **
ممكن انه فهم الاندنوسي انه شكك في نزاهتة وقد يخفاك ذلك
لكن كونك انت تقول له كيسلي اغراضي فقد احسسته بلأحراج والمهونه **
فأذا ارت ان توظف الشباب في مثل هذه الاماكن فيجب عليك ان تطور نظرة المجتمع قبل ان تجني على الشباب ..
.....> كان الله في عون شبابنا اذا كان امثلكم يفكر بهذا الطريقة <.....

**اما بنسبة للأخ غريب الماضي كونك سافرة الى البلاد الاجنبية هذا لا يعني اننا مثلهم فمجتمعنا يختلف عن هذه المجتمعات اختلاف جذري فلا تقارن مجتمعنا السعودي على الخصوص والخليجي على العموم بهذه المجتمعات سواء من الناحية التربوية والاجتماعية والاخلاقية واهم شئ الاقتصادية فنحن ولدنا احرار ولا نقبل الاهانه **

**واريد منكما غامد الصالحي وغريب الماضي ان تجربو هذه الوظيفة لمدة اسبوع وتكتبوا انطباعتكم عنها**


مع فائق احترامي
اخوكم الراصــــــد

[غابت الشمس]

عموما روح محلات المكياج

مكياجي شوي و الاخ يبي يلصق جسمة بالبنات بالمحل ويقول لها ما زيان المكياج الا معك

يعني بالمختصر المفيد غرور و شوفة نفس و قله ادب من ناحية التعامل[/quote]


لا روح انت قزاز وانت تشوف تصرفات غير السعودين من لبناني ومصر وسوري ووو تبغى اوصفلك اماكن مندوبين غير سعوديين بل تجد السعودي بينهم مستحي وخجووووول

على كل حال


المــــــــــــــــــــــــــضوع اشــــــــــــــــــــــــم فيه حقد على الشاب السعـــــــــــــــــــــــــــــــودي



اخي من اسلوبك وطريقة كتابتك اقول لك انك متحامل على الشباب السعودي الذي يعمل واثبت للعالم انه في اكبر دولة مصدرة للنفط ومع ذلك لم ينم مثل دول خليجية اخرى فالشعب السعودي ترك النوم وعدم المسؤلية

منذ عام 1994 بدأت ظاهرة العامل السعودي وفتح معاهد تدريبة كثيرة وماضية السعودة ماضية حتى ينقلع اخر سلوقي غير سعودي



ايضاً يجب عليك ان تميز بين السعودي صاحب العائلة وما تحتوي من مشكلات عائليه تعكس على عمله وبين اجنبي عزوبي لا ينقل هم الا وقت الاجازة



كما ان الســـــــــــــــــــــــعودي كاشير يعني محاسب فقط وليس عامل وانت جاي شبعان نوم والرجال واقف على ارجوله وما يرفع راسه زين والله انه يرد عليك وعلى بعض الملاكيف ايش تبي من هالمساكين احمد الله انك فاضي وتكتب بالنت غيرك مارفع راسه الا بفراشه من كثر الكرف


مع تحية طيبة لك وللموضوع الذي كتبت وتحمل الرد بروح طيبة وخلك احسن من الكاشير (a14)

[الوافي3]

والله الحمد رغم ان الدولة ماهي مقصرة بالوظايف وفتح الفرص


واحده من أثنتين ياعالية المقام
إما أنا أعيش خارج نطاق هموم الشعب السعودي وأتخيل البطاله في أزدياد
والوظائف في تقلص وإتجاهها إلى ذوي المحسوبيه ومن يملكون حرف (( و))

يا إما أنك أنت تعيشين خارج حدود المواطن العادي في هذا البلاد

شكرا لك

[سيمار]

(a14) سلسبيلهم !!! (a14)


شفتي عاد (a26) ترى من زينهم ههههه
زيزي لك وحشه (a14)

[أنوثتي..طاغية]

ليش السعودي الى يشتغل كاشير شايف نفسه
:Sugarwa07 :Sugarwa07 :Sugarwa07 :Sugarwa07 :Sugarwa07
شايف نفسه!!!!
على ايه ياحسره

[zeze]

شفتي عاد (a26) ترى من زينهم ههههه
زيزي لك وحشه (a14)

تركتي لب الموضوع ولم ينال اهتمامكي الى اقتباسي (q81)
على كل حال ما يوحشك وحش (a14)

[** عابر سبيل **]

بسم الله الرحمن الرحيم
يا أخي يمكن مو شايف نفسة على قولتك بس الرجال يمكن درس وتعب وما كتب الله نصيب غير ذا الوظيفة يعني وش رايك وش بتكون النفسية بعدين يا أخي نظام السعودة ما تطبق الا من قريب يعني الشاب السعودي يبيلة تأهيل ودورات توصلة للمستوى
اللي نطمح لة وان شاء الله بعد فترة ما نلقى ولا أجنبي بيننا (( أمين ))
تقبلواااااااا تحياااتي

[غامد الصالحي]

عن المسخرة ولعب البزران ترا في ملاهي و زحاليق ( جمع زحليقة ) للي ما يعطون اهميه للموضوع وبعدين اذا وحشتو بعض روحو اكتبو بينكم مو تلوثون مقالى


الرجاء اخذ الموضوع بجد و ترك التنكيت و المسخرة و التميلح


اذا عندك رد زي الناس حطه واذا ما عندك اقراء وبس واشرب حلاب وكل باض ونم انتم توحون

[غامد الصالحي]

عابر سبيل


امين الله يسمع منك

[سيمار]

عن المسخرة ولعب البزران ترا في ملاهي و زحاليق ( جمع زحليقة ) للي ما يعطون اهميه للموضوع وبعدين اذا وحشتو بعض روحو اكتبو بينكم مو تلوثون مقالى


الرجاء اخذ الموضوع بجد و ترك التنكيت و المسخرة و التميلح


اذا عندك رد زي الناس حطه واذا ما عندك اقراء وبس واشرب حلاب وكل باض ونم انتم توحون


له له يازلمه
شدعوى ياخوي
ترى مقالك محشوم وماقلنا شي يستاهل التعصيب
الله يعينك على نفسك بصراحة
وتقول الكاشير ومدري ايه خخخخ

[إيماان]

اولاً الموضوع جداً حلو بعدين شوي شوي على الرجال حرام عليكم اكلتوه بقشوره ترى انا فاهمه وجهة نظره بس انتم على طول صفيتوا مع المحاسبين السعوديين بدافع التعاطف والاخ غامد ماقال حاجه تسيئ لهم هو تكلم عن سلوكيات معينه صدرت منهم وبمواقف هو بنفسه عاشها وانا شايفه ان كلامه فيه شي من الصحه لاني انا بنفسي شايفه كثير من الكاشيريه منهم المغرور ومنهم المتعاون والخلوق بس موضوع تكييس الاغراض انا ماني معكم لما قلتو ان المشتري اذا ماكيس اغراضه فهو يعتبر اتكالي يعني بسألكم لو هالمشتري مره وواقفه قدامه بيقولها كيسي اغراضك ماني مسؤول عنهم او بيخليها المسكينه واقفه تستنى قدام الله وخلقه لحد مايجي الهندي انا اتفهم ان تكييس الاغراض ماهو شغله صح هالكلام بس والله بعيني شايفه بعضهم يكيس بكل طيب خاطر بس احس ان الاخ غامد جرحه بالكلمه لما امره انه يحط الاغراض بالكيس ولو هالكاشير عنده شوية ذكاء ماكان حط نفسه بهالموقف من الاساس اللي ممكن كان يتطور ويتسبب بفصله ابسط شي كان اول ماخلص من الحساب قال للمشتري لحظه شوي لحد مايجي العامل ونادى عليه حتى لو هو بعيد وراح يطول على بال مايجي بس على الاقل بهالحاله يكون كسب ثقة العميل غير كذا المفروض بعد العميل يراعي نقطة انهم شباب مواطنين ولازم يكون لهم تعامل خاص يعني الكلام اللي ينقال عادي للعمال المفروض ماينقال لهم خصوصاً انهم مااختاروا هالوضع وهالوظايف بكامل ارادتهم بس الظروف هي اللي حدتهم يعني ببساطه حط نفسك مكان واحد منهم تكون سعودي وبمجتمع كله مظاهر وفشخره وغيرك يمكن معه نفسك شهادة الثانويه ويشتغل بمكتب مكيف ولااحد يامر عليه وبراتب عالي بس لانه يملك واسطه او مدعوم لدرجة ان بعض هالشباب تلقاه صغير توه طالع من المدرسه وجايب جيدجداً ولا لقى قبول بأي كليه وعيال العزتلقى الواحد يشتري الشهادة من مدرسه اهليه وياليته يجيب نسبه زي العالم والناس وبالأخير واسطته تخليه ينقبل بأحسن قسم وفي أسوأ الظروف يقدر يروح يشتري هالشهادة من جامعه خاصة داخليه او حتى من جامعه دوليه زي مااشترى شهادة الثانويه المهم انتم عارفين وضعهم اكيد بيكون صعب وبيكونون شوي حاقدين على المجتمع والظروف وبعضهم بسم الله عليه تلقاه قانع برزقه وراضي والله انا شايفه بعضهم قمة في الذوق والادب والخجل وبعضهم من اللي يحسون بعقدة النقص تلقاه يعامل بتعالي وغرور عشان يخبي ضعفه اما عن موضوع قلة الادب فمره كنت رايحه لجيان وعطيت الكاشير بطاقة الصراف لاني مامعي كاش المهم دخلت البطاقه والرقم السري ولما تمت العمليه تخيلوا بكل وقاحة يشيلها ويقعد يطالع فيها بيقرا الاسم عيني عينك قمة الحشريه والتلصص ومره اختي الصغيره كانت رايحه لبنده تقول طول الوقت تجيني بلوتوثات وانا ماحولي الا كم هندي ومصري مع زوجته يشترون وبالاخير طلع المحاسب مخبي جواله تحت الطاوله ويرسل رقمه بالبلوتوث يعني نقدر نقول ان التعميم اكبر غلط هالمحاسبين مثل كل الناس فيهم الزين والشين

[غامد الصالحي]

له له يازلمه
شدعوى ياخوي
ترى مقالك محشوم وماقلنا شي يستاهل التعصيب
الله يعينك على نفسك بصراحة
وتقول الكاشير ومدري ايه خخخخ

شو يا ام شكيم المودوع هاد للسعوديين مش للزلمات شو شو بدك الله يعينا على هلنهار اوليك


بعد شوي و اقلب الدعشري

[شبيـه الريـح]

كاشير مو طبيب وإلا مهندس لاتلومه أخوي مستوى التعليم يلعب دور كبير

[غامد الصالحي]

ياليت الناس تفهم وبس

حنا عيبنا العاطفة الزايدة اجل لاجاء يغازل بنات خلق الله بالسوق اروح اقول خلوه حرام عليكم مالقاء وظيفه تليق بمقتمه خلوه يوسع عن صدره شوي لانه سعودي .


سبحان الله معا كثر تعاملي معهم الا اني اميز الصالح من الطالح بتقول كيف

اذا شفت الجل تقول الاخ حاط ملمع صابون بشعره هذا * ناقص تحط اطفالك يزحلقون على شعره لين تخلص تسوق* لا تحاسب عنده لانه جاي يكحل عينه واذا جاك واحد يدقق في الكاشير*الجهاز اعرف انه جاي يشتغل واذا لاحظت انه صغير سن وخر عنه لانه بيغثك بثر ( اجل جاي العثيم عشان ريال وماسك سرا عشان ربطة نعناع * مثل موقفي) والطامة الكبرى اذا جاك واحد كل شوي مسوي سكان يبي يلقط بنت هذا وش تتوقع منه بالله يحسب بنات الناس بنات شوراع. واذا جاك واحد يوزع ابتسامات ابتسم له وعطه الحساب بس لاتطول معه* اجل بالله موظف كاشير يقول لخويه بكاونتر 2 وهو بكاونتر 7 شف الخال الى دخل ما كانه عبيد الدوسري وبصوت عالى هذا في بندة المصيف القديمة معا العلم انه كان شغال بكارفور غرناطة. ماخذها فله الاخ وجالسين يتيرقون علانا


على فكرة انا اشيد بمشرفي العثيم فرعي المروج وطريق الملك عبدالله بقرب سيتي بلازا * لكثرة ترددي لهما وهما سودانيين اذا شافو الموظف ما عنده عامل اقسم بالله انهم يجيون و يكيسون الاغراض بانفسهم ولا حد يقول لهم لانه عارف قيمة القرش حقة ومصدر رزقه <وين ماقال انا مشرف ولا اكيس المفروض العامل ولا الكاشير<




انا ابي شي واحد وبس

الى احاسبانا عنده ياخذ الحساب و يتواجد العامل عشان يكيس الاغراض العامل موجود مو موجود مو مشكلتي مشكلة السوق الى ما وفر عمال الحين يالله اطلع الاغراض الشقة عشان اتحمل اغلاط الغير

[غامد الصالحي]

شبية الريح ومن قال ان الطبيب اخلاقة كويسة

اذا وزير بكبر راسة ويقول والله غيرو اكلكم لاكل اقل جودة عشان دراهمكم لا تبيح

واذا جاك طبيب ويكلم المرضي من راس خشمة تقول عبيد عندة

انا اعرف فراش يستلم 2850 ريال والله لو تمزعه طراقات انه يبتسم بوجهك الكلام يا بيي على التربية

تعال ورح سوق واذا مريت تسلم على احد يناظرك تقول سارقه

الكلام على التربية

[غامد الصالحي]

وبعدين انا تلاعنت انا وظابط على 998 استقبال البلاغات

اتصلت عليهم الساعه 3 الفجر وايام برد شديد اقول انا ابرجع البيت والمفتاح الى وراء الباب بالعرض ما اقدر المفتاح و زوجتي حامل ودوبني جاي من المستشفي رفض الفرد ويقول اذا احد محتجز نخدمك تقول انا محتجز برا البيت ورفض قلت اكلم مشرفك وحولني عليه وقلت له انت المشرف قال انت ما تكلم الاتصالات او البلدية معا النقيب قلت له على عيني وراسي كلكم واحد لخدمتنا قال لا فيه فرق قلت كلكم بو متعب حاطكم لخدمتنا سواء فراش او ضابط او جندي كلكم لخدمة الوطن قال وش عندك شرحت له المشكة ما امداني من اوصف للموقع و3 دقايق و الدفاع المدني فتح باب الشقة وتاكد من هويتي بالبيت و مشو

عيبنا اننا ما نعرف مهام شغلنا و اننا وضعنا هنا ل لفرض القوانين الشخصية على العباد

[أنوثتي..طاغية]

والله انا بقولكم الصدق انا ماقد صادفت كاشير شايف نفسه بالعكس مرّه ذوق واخلاق ويخدموني برحابه صدر بكل الاسواق اللي ذكرتها ........بس انا ضحكت على العنوان كاشير شايف نفسه

[غامد الصالحي]

يا انوثة طاغية لازم يصير ذوق و اخلاق ويخدمونك برحابة لانك والله على النية الله يحفظتس بس من الاشرار

[غابت الشمس]

كذا موقف صار معي و عمري ما دخلت سوق وشفت احد الكاشيرات السعوديين الا بغرور و شوفه نفس.

الموقف الاول

* العثيم بعد ما حاسبت قلت للاخ وش رايك تكيس الاغراض بعد ما اخذ الفلوس الاخ ماله نفس يكيسهم قال مو شغلي انا كاشير مو عامل قلت له ما راح تطور مادام انك بها عقليه لين جاء العامل وكيسهم

الموقف الثاني

* كارفور اندنوسي حاسب مقاضي بيت كفيله وطلب البرنت حق الحساب من حقه قام الكاشير السعودي برميها في وجهه راح الاندنونسي وقال شكرا قلت والله من ثوراتك تقول شكرا. يوم جيت احاسب عند الكاشير عطاني البرنت عطيته نظره ولا اخذت منه البرنت حق الفاتورة رداً على حركته معا الى قبلي.

* هيبر بندة جيت احاسب على عرض كلوركس معا منظف دهون سئلته قلت تاكد منه قال انتم ماتجون الا عشان العروض قلت له لازم عشان ندبر راتبك انت و اخوياك لا تتوهقون بعدين

عموما روح محلات المكياج

مكياجي شوي و الاخ يبي يلصق جسمة بالبنات بالمحل ويقول لها ما زيان المكياج الا معك

يعني بالمختصر المفيد غرور و شوفة نفس و قله ادب من ناحية التعامل

واخر خطين من موضوعك عن المكياج تركت اللبناني والفلسطيني والمصري وتهجمت على السعودي ؟؟؟؟


انت واحد حاقد اقل ما يقال عنك القافلة تسير والكلاب تنبح

السعودي الان مفتح وستغادرون بلادنا عاجل غير آجل ان شاءالله
وموضوعك يبين حقدك

وهذه ردودك ايضاً تبين حقدك

اقسم بالله العظيم انكم فهمتوني غلط انا مفيني شوفه ونفس ولاتبطر طيب انا احكي لكم بشوفه عيني انا ما اقول كلهم بل اغلبهم مثل سالفه الاندنونسي الى يبي الفاتورة ليش رماها في وجهه معا انها مالها دخل بالتكييس و اقسم بالله انا بعضهم اول ما تخلص من الحساب يروح و يخليك من زو الفضاوة و اذا قلت كيس يقول مو بشغلي اروح انا اكيسهم ابلعها طيب وين زمان اول ابو فلب و ابو هنود يكيس لك اغراضك


اقسم بالله ما مريت من سعودي الا اقول له بيض الله وجهك و ادعي له و ابتسم له


نقاشي كان عن ليش بعضهم شايف نفسه و يعاملك من راس خشمة هذا السوال


وبعدين حقين دبنهالمز هذولا ناس منخدعين باسم المحل و احيانا اذا جاني احد يتميلح عند بنت واشوفها ما تبيه اقول له اخوي ممكن تتفضل وتروح مكانك اذا نادتك الاخت تعال يمها و يسانلي قريبتك هي اقول ايه و يروح وان جيت للجد اقسم بالله انا ما عرفها و لا تقرب لي بس خوفا عليها من الاخ الى شوي بيلصق فيها

لانك تحس من عيونه انها فريسه و صادها واكبر دليل يدقق بعينها و صدرها ومركز على العين




ـــــــــــــــــــــــــــــــ
طيب موقف ثاني بالعثيم قبل اسبوع نزلت الساعه 11 ابشتري نعناع بريال ويوم جيت احاسب تدري وش قال لي الموظف " الحين ماسك سراء وجاي العثيم عشان ريال قلت له فضاوة وقال لي الا من زود خوفك على القرش قلت جزاك الله خير وسمعني المشرف السوداني وقال وش المشكلة قلت هذا ولد عمي ونمزح معا بعض بس لا اوصيك فيه قال ابشر ما عليك



فيه فرق من تعامل لتعامل انا تعرف على واحد حربي محترم ببندة المصيف القديمة انسان جنتل لدرجة انى اكيس اغراضي تومتيك معاه وتعرفت عليه و نطلع كوفي شوب و صارت بيننا صداقة



انا اخبر احد المشرفين سعودي بالعثيم طويل القامة لابس نظرات عمري ما دخلت الا و جواله بيده يبلتث و يكزكز النسوان

المشرف السعودي سربوت ها ها والسوداني يخدم الناس وكيس للزباين حاقد

اصابع اليد مو سواء بس اننا ننكر الاخطاء لا بس نحاول نصلحها مو تاخذنا العاطفه

ـــــــــــــــــــــــــ

سيمار حبيبي انا لاجيت اتعامل معا شخص اتعامل معاه على طريقة تعامله اذا رافع خشمة على اكسره له واذا والله طفشان ولا زهقان اشجعه و ادعي له وهو يسمع واما اذا يضحك ازيده ضحك و وناسه بعدين الله يكرمك لاتجيب لي طاري الشوام لان ضغطي مرتفع منهم و ودي العن سلسبيلهم واحد وراء الثاني

ـــــــــــــــــــــــــــــ

عن المسخرة ولعب البزران ترا في ملاهي و زحاليق ( جمع زحليقة ) للي ما يعطون اهميه للموضوع وبعدين اذا وحشتو بعض روحو اكتبو بينكم مو تلوثون مقالى


الرجاء اخذ الموضوع بجد و ترك التنكيت و المسخرة و التميلح


اذا عندك رد زي الناس حطه واذا ما عندك اقراء وبس واشرب حلاب وكل باض ونم انتم توحون

ـــــــــــــــــ
ياليت الناس تفهم وبس

حنا عيبنا العاطفة الزايدة اجل لاجاء يغازل بنات خلق الله بالسوق اروح اقول خلوه حرام عليكم مالقاء وظيفه تليق بمقتمه خلوه يوسع عن صدره شوي لانه سعودي .


سبحان الله معا كثر تعاملي معهم الا اني اميز الصالح من الطالح بتقول كيف

اذا شفت الجل تقول الاخ حاط ملمع صابون بشعره هذا * ناقص تحط اطفالك يزحلقون على شعره لين تخلص تسوق* لا تحاسب عنده لانه جاي يكحل عينه واذا جاك واحد يدقق في الكاشير*الجهاز اعرف انه جاي يشتغل واذا لاحظت انه صغير سن وخر عنه لانه بيغثك بثر ( اجل جاي العثيم عشان ريال وماسك سرا عشان ربطة نعناع * مثل موقفي) والطامة الكبرى اذا جاك واحد كل شوي مسوي سكان يبي يلقط بنت هذا وش تتوقع منه بالله يحسب بنات الناس بنات شوراع. واذا جاك واحد يوزع ابتسامات ابتسم له وعطه الحساب بس لاتطول معه* اجل بالله موظف كاشير يقول لخويه بكاونتر 2 وهو بكاونتر 7 شف الخال الى دخل ما كانه عبيد الدوسري وبصوت عالى هذا في بندة المصيف القديمة معا العلم انه كان شغال بكارفور غرناطة. ماخذها فله الاخ وجالسين يتيرقون علانا


على فكرة انا اشيد بمشرفي العثيم فرعي المروج وطريق الملك عبدالله بقرب سيتي بلازا * لكثرة ترددي لهما وهما سودانيين اذا شافو الموظف ما عنده عامل اقسم بالله انهم يجيون و يكيسون الاغراض بانفسهم ولا حد يقول لهم لانه عارف قيمة القرش حقة ومصدر رزقه <وين ماقال انا مشرف ولا اكيس المفروض العامل ولا الكاشير<
تلميع للسودانيين والمشرف السعودي يبلتث تف عليك




انا ابي شي واحد وبس

الى احاسبانا عنده ياخذ الحساب و يتواجد العامل عشان يكيس الاغراض العامل موجود مو موجود مو مشكلتي مشكلة السوق الى ما وفر عمال الحين يالله اطلع الاغراض الشقة عشان اتحمل اغلاط الغير

ــــــــــــــــــــــــ

وبعدين انا تلاعنت انا وظابط على 998 استقبال البلاغات

اتصلت عليهم الساعه 3 الفجر وايام برد شديد اقول انا ابرجع البيت والمفتاح الى وراء الباب بالعرض ما اقدر المفتاح و زوجتي حامل ودوبني جاي من المستشفي رفض الفرد ويقول اذا احد محتجز نخدمك تقول انا محتجز برا البيت ورفض قلت اكلم مشرفك وحولني عليه وقلت له انت المشرف قال انت ما تكلم الاتصالات او البلدية معا النقيب قلت له على عيني وراسي كلكم واحد لخدمتنا قال لا فيه فرق قلت كلكم بو متعب حاطكم لخدمتنا سواء فراش او ضابط او جندي كلكم لخدمة الوطن قال وش عندك شرحت له المشكة ما امداني من اوصف للموقع و3 دقايق و الدفاع المدني فتح باب الشقة وتاكد من هويتي بالبيت و مشو

عيبنا اننا ما نعرف مهام شغلنا و اننا وضعنا هنا ل لفرض القوانين الشخصية على العباد

ـــــــــــــــــــــ

يا انوثة طاغية لازم يصير ذوق و اخلاق ويخدمونك برحابة لانك والله على النية الله يحفظتس بس من الاشرار

والله ياخي شكلك ماعندك شغلة الا تتسكع بالسواق شفلك شغله غير التهجم على الشباب السعودي

واكثر الردود على الجنس الناعم



اقـــــــــــــــــــــــــــول ياخسارة ردي عليك لو شفت ردودك قبل ما ارد على موضوعك لاكتفيت بهذا الرد

[الراصــد]

بسم الله الرحمن الرحيم

شف يا اخواني واخواتي السلام عليكم ورحمة الله وبركاته


الاخ غامد الصالحي

من الناحية النفسية انا رأيت فيك كثرة الكلام على موضوع المغازل وانك حامل لولاء الفضيلة والاخلاق العالية وخصوصا في المغازل والتحرش بي الجنس الناعم

** من الناحية النفسية ** : اما ان تكون نفسك ان تتعامل مع نساء ودفعك لأثارة هذا الموضوع انك لا تستطيع فعل مايفعله الكاشير او المحاسب في محلات التجميل ...
اما من الناحية الاجتماعية ** : انت لا تستطيع التعامل مع نساء وهو واضح وجلي في جميع ردودك وهذا مادفعك الى اثارة هذا الموضوع حيث اجد في الكثير من ردودك تتبلور حول التعمل مع النساء في محلات التجميل وبعدين انت اش عندك في محلات التجميل ولماذا هذا الظن الخبيث المسموم في شبابنا السعودي وعلى قول غابت الشمس من الوضح حقدك وتزمرك على شبابنا السعودي وما يدرك انه يدقق على الصدر والعيون حقيقة موضوعك غريب وردودك اغرب

لكن باقلك شي اذا كان هذي نظرتك وخصوصا في التعامل مع النساء في محلات التجميل وانت تلاحظ طبعا ان المحاسب يدقق في صدر المراءة واعينها هههههههههههههههههههههههه
وعلى قول الحكمة ( ياظنك فألناس ياظنك في نفسك)
واقول لك بلفم المليان

انت متحامل جدا على الشباب السعودي وتنظر الى المحاسبين (الكاشير ) بنظرة احتقار ..

فحاول ان تطور فكرك وترقى به فنحنا نرتقي بفكرنا ليس بوظائفنااااااااااااا


مع فائق احترامي
اخوك الراصـــــــــــــــــد

[غامد الصالحي]

غابت الشمس اول شي تف عليك و على اشكالك

وانت يالراصد مو شغلك كثر كلام مو كثر كلام

وبعدين ثقافة انه ينتقد لانه ما حصل يتعامل معا بنت * هذا اسلوبك اسلوب الشوارع*

والشخص يجي على تربيته اذا كان راعي بنات او لا


معني كلامك ان الهيئة ماقد تعالمو معا بنات وهم ودهم او انهم ما عرفو يشبكونهم

يا حبيبي الامر بالمعروف والنهي عن واجب على الصغير والكبير

[غامد الصالحي]

وانت يالي تفتخر بالسعوديين خش على هالموضوع وتعرف ان اغلب السعوديين ما اشتغلو عشان شغل لا عشان قلة الحياء

http://www.qassimy.com/vb/showthread.php?t=146466

[الراصــد]

وانت يالراصد مو شغلك كثر كلام مو كثر كلام

وبعدين ثقافة انه ينتقد لانه ما حصل يتعامل معا بنت * هذا اسلوبك اسلوب الشوارع*
على العموم جزاك الله خير والحق مهو عليك الحق على الي شارك في موضوعك
اما بنسبة لتربيتي فهي التي لا تمكنني من الرد عليك

[بنــت حمــوله. . .]

يــؤ يـــؤ يـــؤ


شبـــاب ريلاكــس , ,


بــلا حكي خارج نطــاق التغطية !!


كلكم أخوان ويجمعكم مُنتـدى واحــد هي دعوة للنقاش وليــس للخنــاق !!


أتمنى أن تتسع صــدوركــم لبعض


وليكُــن مــبدأ الاحــترام سِمــتُـنا . .
:

/

:

/

[عالية المقام]

[/COLOR][/SIZE][/B][/COLOR][/SIZE]


واحده من أثنتين ياعالية المقام
إما أنا أعيش خارج نطاق هموم الشعب السعودي وأتخيل البطاله في أزدياد
والوظائف في تقلص وإتجاهها إلى ذوي المحسوبيه ومن يملكون حرف (( و))

يا إما أنك أنت تعيشين خارج حدود المواطن العادي في هذا البلاد

شكرا لك

اخوي الوافي بالعكس انا اعيش داخل حدود المواطن العادي في هذا البلاد

والدولة ماقصرة تصرف لمن لاعمل له راتب شهري

الارملة والمطلقة والعاجز

لاكن على قولة المثل القوي ماخلا لضعيف شئ

القوي كل شئ تلاعب فيه بسبب الواسطه وتسيل الاجرات والضعيف عشان ماله واسطه امورة متدهورة من حيث الوظيفة

او ادارة امورة

اعرف نااااااااااس مخدومين ببيوتهم وكل شئ يسنع لهم بالتليفون من دون ان يتعب بشئ

حتى الوظايف

واعرف نااااااااااس من اعرق واشجع القبائل وحظه شئ من ناحية العمل فتلاقي خمس شباب بالبيت لايعملون ومن الملل يعمل كاشير


اخي الوافي الدولة لم تقصر ولن تقصر ابدا

انت انظر لمسؤليتك ولبيتك كما الملك هل ترضي زوجتك وابنائك با انهم لايقصرهم شئ

ولو فرضنا انك لم تقصر على اولادك فهل تجد زوجتك قايمة باكمل وجهة بالمصروف اللي تعطيه اعيالك
انت تبي تقول كامل ولاكن من تحتك بيكون مو كامل وتبي تقولك الاولاد مانقصهم شئ

واللبيبي بالاشارة يفهم

هذه الحقيقة

[ليغاسي 2002]

يا أخي هذا احتقار ماله داعي والله انا من الناس اللي كنت في محلهم يوم من الأيام ومن حقهم تكون أخلاقهم زفت من تهكم اكثر الزباين

أنا كنت شغال في مطاعم هرفي والله قرف وكرف أنا اللي آخذ طلب الزبون وأجهز أكله وأسلمه اياه واعبيله بيبسي ولا يكون مايبي بيبسي يبي مرندا ويالله غيرله وقبل مايروح يقول حط كتشب ومايونيز اقله ماادقر احطلك اكثر يقوم ينفخ ويقول حط اعبيله كرتون كتشب ومايونيز لا يرمي اكثرها بالزبالة الله يعز النعمة واللي يجيك سكران وسبك ويغلط عليك وعلى كذا لازم تكون مبتسم
وراتب يالله لك الحمد المفروض على كل ها الشغل استلم بالقليل 25 ريال للساعة بدل 9 ريال

فوق هذا وتبي نفسيتي واخلاقي تناسب سموك ههههههههههههههههههههههههههههه

الحمد لله على العقل والدين امثالك خلو اللي في ها النوع من الوظايف يتعطل وما يكمل

[ليغاسي 2002]

ونسيت اقلك الواحد يشوف الناس بعين طبعه

[غريب الماضي]

**اما بنسبة للأخ غريب الماضي كونك سافرة الى البلاد الاجنبية هذا لا يعني اننا مثلهم فمجتمعنا يختلف عن هذه المجتمعات اختلاف جذري فلا تقارن مجتمعنا السعودي على الخصوص والخليجي على العموم بهذه المجتمعات سواء من الناحية التربوية والاجتماعية والاخلاقية واهم شئ الاقتصادية فنحن ولدنا احرار ولا نقبل الاهانه **

**واريد منكما غامد الصالحي وغريب الماضي ان تجربو هذه الوظيفة لمدة اسبوع وتكتبوا انطباعتكم عنها**


مع فائق احترامي
اخوكم الراصــــــد


الاخ الحبيب / الراصد ، باركـ الله فيكـ
يبدوا أنكـ لم تقرأ مشاركتي جيدا ً أو لم تفهم ما أرمي إليه
وألتبست الامور لديكـ .. أخي أنا لا ألوم أي أنسان سعودي
يعمل بوظيفة كهذه في ردة فعله أيا ً كانت ولم أتفق مع أخي
الكريم / غامد ، فيما قاله بحق هذا الشاب السعودي أعلم علم
اليقين إن الشاب السعودي لا يقبل بعمل بوظيفة كهذه وإن عمل
فالحاجة الماسة والظروف الخانقه هي من أضطرته لتقبل هذا العمل
ومع هذا فهو يصارع نفسيا ً في البقاء بالعمل أو تركه وأنا شاب سعودي
وأشعر بالحرقه والآلم لتآلم أي شاب سعودي آخر فالحميه في ضمائرنا
موجودة ومشتعله فنحن كالبنيان المرصوص ، والاخ / غامد من قرأتي لموضوعه
يرمي ويقول كون إن الشاب السعودي قبل إن يعمل بهذه الوظيفة يجب إن يتقبلها
ويسلك الطريق الذي كانوا يسلكونه من كانوا قبله أي العماله الآخر في الهدوء
وخدمة الزبائن وهذا خطأ واضح وصريح فنحن سعوديون لدينا عزة نفس ولدينا حساسية
مفرطه في أسلوب الحديث سيما كلمة ( الامر ) فنحن لانقبل بإن نؤتمر من غيرنا مهما يكن
سيما في إن نقوم بخدمة غيرنا .

[غابت الشمس]

غابت الشمس اول شي تف عليك و على اشكالك

وانت يالراصد مو شغلك كثر كلام مو كثر كلام

وبعدين ثقافة انه ينتقد لانه ما حصل يتعامل معا بنت * هذا اسلوبك اسلوب الشوارع*

والشخص يجي على تربيته اذا كان راعي بنات او لا


معني كلامك ان الهيئة ماقد تعالمو معا بنات وهم ودهم او انهم ما عرفو يشبكونهم

يا حبيبي الامر بالمعروف والنهي عن واجب على الصغير والكبير

تف علي وعلى اشكالي وراك معصب(a26) (a26) (a26)
بالله ياخوان شوفو رده والطريقة التي يرد بها وهذا عنوانه بالموضوع (a14) (a14)

دعوة للنقاش@@ ليش السعودي الى يشتغل بكاشير ب هيبر بندة,كارفور,جيان,العثيم شايف نفسه

اي نقاش الي تتكلم عليه وبعدين ما تكبر مخيخك شوي جايب رابط ومن هذا الرابط حكمت على ملايين ( ان لم تستح فاصنع ما تشاء

[sgar]

اولا اقول يا اخي المبارك : ان الناس كما هو معلوم عند الجميع ليسوا على درجة واحدة .
ثانيا كونه يتطاول على الاندونيسي وعلى غيره . انت لا تعلم ثقافات الناس ومدى تربيتهم وتعليمهم . ربما لم يأخذ شهادة الثانوي . لانه وبلا شك ان التعليم له دوره في التعامل .
ثالثا : احيانا تصدر تلك بسبب من الذي امامه
فلو تعومل معه بإحترام وتقدير لبادلك ذالك وبالتأكيد .
فكيف بإن تحتقره وتزدريه وتبين ان عمله دنيء فبلا شك انه سوف يخرج عن وضعه الطبيعي .
علما ان عمله شريف ولا يعمل ذالك العمل الا انسان يطلق عليه مكافح وعصامي .
لانه حينما احتاج للمال عرف كيف يكتسبه ولا مجال لديه في التفكير في السرقه .
واخيرا يكون هناك مما تقول .لانه لا يعرف يتعامل مع الاخرين وخاصه اذا كان لم يأخذ دورات تدريبية .وهولاء قله الان .
وربما يكون هناك ممن يعتليهم الكبر في بداية عملهم واعجابا بأنفسهم هذا ( باعتقاده هو ) طبعا هذا احتمال ضعيف فإن وجد فهو قليل
فأنا ذكرت تلك الاسباب .
وبعدين انت قلت يا اخي كل السعوديين؟؟؟؟؟؟؟
ولم تذكر الا ثلاث حالات ؟؟ الا اذا كانوا عددهم ثلاثه فمعك حق .
يعني الا ترى ان هناك منهم في قمه الاخلاق الحميدة قد ظلمتهم ؟؟؟
شكرا لك

[cardiac]

نقطة نظام ..

بالنسبة لكاتب الموضوع ارى ان اسلوب الشدة الذي انتهجته في كتابتك انعكس عليك بحيث قابلك الاعضاء بنفس الاسلوب ..

ثانيا اسلوب الجمع دائما أدعوا الى تركه فقد نظلم اناس من حيث لا ندري .

ثالثا استغرب ردود بعض الشباب الذين يقولون ان هذا الكاشير قاعد غصب عليه ولولا انه مو لا شغله ثانية ...... الخ . سبحان الله بالعقل شخص

لا يحمل شهادة ثانوي ايش بيشتغل يعني مدير او وكيل او مهندس ؟؟ ارى ان شغله كاشير في بندة فرصة لا تعوض حيث مكان نظيف وراتب جيد افضل من ان يشتغل مندوب او حارس او غيره .

اذا لا تلعنو الحظ العاثر في كل الحالات ولكن انظروا الى مؤهل هؤلاء الشباب ووقتها ستعلمون انهم في المكان المناسب لهم .

[zeze]

غابت الشمس اول شي تف عليك و على اشكالك

وانت يالراصد مو شغلك كثر كلام مو كثر كلام

وبعدين ثقافة انه ينتقد لانه ما حصل يتعامل معا بنت * هذا اسلوبك اسلوب الشوارع*

والشخص يجي على تربيته اذا كان راعي بنات او لا


معني كلامك ان الهيئة ماقد تعالمو معا بنات وهم ودهم او انهم ما عرفو يشبكونهم

يا حبيبي الامر بالمعروف والنهي عن واجب على الصغير والكبير



what is this ??

(z) (z) (z) (z) (z) (z) (z) (z) (z) (z) (z) (z) (z) (z)

[سيمار]

what is this ??


(z) (z) (z) (z) (z) (z) (z) (z) (z) (z) (z) (z) (z) (z)


اطلعي منها بس
ترى يبي يقلبون عليك الربع
وشكل غامد مرضعته لحجيه (a14)

[zeze]

اطلعي منها بس
ترى يبي يقلبون عليك الربع
وشكل غامد مرضعته لحجيه (a14)

يقطع ابليسك يا سيمار ما تتركين الاقتباسات حقتك والتعليقات التحفه (a14)
لا تشيلين همي ترى اختك ما تخاف ولله الحمد ما همني حب احد عشان يهمني قلبتهم :)

[غامد الصالحي]

سيمار وش فيهم اللحجيات ما كان يشيلك و يرضعكم انت و اخواتك واخوانك وامك وابوك الا هم وبعدين لاتنكر معروفهم فيكم

لاتحسباً كل لحجيةً مرضعتاً---------- لاحداً الا لسيمار و اهلهُ

[سيمار]

واهلهُ
صح لسانك ههههههههههههه

[الــ فهد ــحزن]

هل زرتم محلات (دبنهامز) اللي في غرناطه زوروها وشوفوا (الشوفيريه) كيف مسوين تحس انك داخل صالة عرض ازياء قصات شعر ونعومه وليونه واحمر شفايف طبعا الشعر اشقر واكيد عرفتوهم .. متل ما بدك


قالو السعوديين اصل ومنشا يالغالي !!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!! وثاني مرة ماااااااااااااااااااااااااعليش

والله يستر من شوارع البطحا رح وشف اللي يلمعون الجنوط ويمسحون القزاز !!!
والا ....... اقول ...... استغفر الله بس

http://www.wathakker.com/photo/كفارة-المجلس.gif

[غامد الصالحي]

ولا رح لحقين ايكيا اذا حطيت اغراضك الكيس على السير يقول فضيها @@ مسزي عزه نفس الله لا يبلانا@@

[الريم2008]

الشغل مو عيب كلمة دااايما نقولها لكن مستحيل انطبقها من قنااعة
ياخي هو موشايف نفسة قد ماهو قرفتن من شغلتة تلقاة متخرج ومعاة شهادة ياسلام لكن الشكووة لله
احمد ربك ولا تستقوي على هالضعيفين

[غامد الصالحي]

مشكلتنا اننا اذا جينا ننتقد يقولون لا تتكبر طيب انا الخدمه احصل عليها ناقصه و ش اسوي

[غامد الصالحي]

يرفع

[AbduLraHmN]

انت حاقد على كل ماهو سعودي لانك مجنس ولست من ابناء البلد ياخي خل ابناء البلد في حالهم

كل شي قالوا سعودي

والسعودي ياخي يمكن انت قليل حياء وقليت حياك معهم

ويمكنك تكذب عشان كل موضوع يحط فيه سعودي او ادنى امر يمت لاهل هذا البلد يكثر عليه طلب

فارق بس انت وخشتك

وفرحان بالموضوع كل شوي يرفع فيه

[نكهه القهوه]

انقلاب مدمر لصاحب الموضوع

انت جاي تطالب الكاشير انه يكمل شغله ويكيس اغراضك

وانت بنص موضوعك

( غابت الشمس اول شي تف عليك و على اشكالك)


والله ها جمله تطلع من المراقبين ما نزعل من الاعضاء
يالله اشبعوا بها الرقي

بعدين وراك عن الدانوب ما صفيته معهم
والسدحان والسيفوي ولازعلان منهم
وكان اكتفيت وقلت كاشير في الهايبر ماركت او سوبر ماركت
الي تبي بدل دعايات

عطونا كلنكس الارض تزلق(a26)

[النجلاء ~]

كذا موقف صار معي و عمري ما دخلت سوق وشفت احد الكاشيرات السعوديين الا بغرور و شوفه نفس.


غريب كلامك.. بالعكس والله محترمين حيييييل
وحتى ان كان العامل مو موجود يقعد بنفسه
يشيل الاغراض ويحطها بالاكياس

[النجلاء ~]

مشكلتنا اننا اذا جينا ننتقد يقولون لا تتكبر طيب انا الخدمه احصل عليها ناقصه و ش اسوي

يمكن .. اقول يمكن انت من النوع اللي يستفز الشباب بالكاشير
اوقات اشوف رجال وهم قله جدا .. يتلفظ بكلام غير مقبول ع الشباب (qq167)
ويطالبهم بالاحترام !!
ومع ذلك ما اشوفهم الا يحاولون يتجاوبون معه بكل احترام وهدوء
:)

[بسمة الروح]

ماقريت الموضوع رحت من الأخر >>>> واضح من العنوان >>> سودانيه (a14)

اذا تدلعوا فهم يبون يخففون من هالنقص الي عايشين بوه (qq1)

او لأنهم عارفين ان بعض هالبنات تقزقزهم قز ... قالوا نتدلع (qq152)


بس لو يخففون من هالزيت الي يرطغ فوق روسهم شوي (a14)

[النجلاء ~]

بس لو يخففون من هالزيت الي يرطغ فوق روسهم شوي (a14)



:SmileyBunny:
ذكرتيني بواحد بالسدحان قبل كم سنه اسمررر ونحيف بالحيل
وفارقن شعره بالنص وراطغه زيت (a14)
شكله يضحك شين ونحيف واسمر وراطغن شعره زيت >> تخيليه (a14)
الله يلطف بحالهم يمشون مع الموضه على غير سنع

[بسمة الروح]

:SmileyBunny:

ذكرتيني بواحد بالسدحان قبل كم سنه اسمررر ونحيف بالحيل
وفارقن شعره بالنص وراطغه زيت (a14)
شكله يضحك شين ونحيف واسمر وراطغن شعره زيت >> تخيليه (a14)

الله يلطف بحالهم يمشون مع الموضه على غير سنع



:SmileyBunny:


المشكله لابدا وجهه يبلص من الزيت >>> خوذي وخلي من اللهجات :SmileyBunny:

مامعنى يرطغ ... ويبلص :SmileyBunny:

الحين يبي يدخل واحد حجازي ولا عربي .. ويبي يدوره بالقاموس يحسبه يبي يلقى تفسير :SmileyBunny: :danc854:

[صعوبة الدنيا]

مالك حق تفتح موضوع بهذه الطريقه

وتناقش شيء حصل لك شخصيا

تناقشه وكأنها ظاهره وان السعوديين الكاشيرات بهذا التصرفات

يمكن انك تستحق ماحصل لك


شاايف نفسك وماتبي احد يشوف نفسه عليك

والهنود والاندنوسيين بعضهم لولا الحاجه وقلة الحيله ماجوك هنا يشتغلون وينذلون من بعض الناس

وينهانون وينظلمون وصابرين

وتبي السعودي يكون بنفس الطريقه وهو ببلده !!

الله يقويهم ويصبرهم على امثالك بالتفكير

ويرزقهم من اوسع ابوابه

[ديـما]

لا تأمن الأيام لايجي لك يوم وتصير أنت الكاشير وهو موظف أحسن من وظيفتك "

[فآرق عنـي !]

لو أنا مكانه كان بعلبة تونه مع جبهتك ثم أكيس راسك يالكمخه
مقطوعة يدك ما تحط حاجاتك بالكيس يانونو

[انثى حره]

انت اللي شايف نفسك مو هم


بالعكس اشوفهم جدا محترمين وذوق ياخي خاف الله

ما يجي في هذا المكان الا المحتاج الضعيف على ايه

بيشوف نفسه معالي الوزير والا وكيل وزاره عشان تقول شايف نفسه

[سليــــــــــــــــمان]

لازم يشتغلون شغل ناجح والدولة اصلا عندةةةةةةةةةةةةةةةةةةةةةة ملييننننن
تشغل الشباب اعمال اتمن مستقبل

[تفـــاصيل]

الله يكون بعونهم بس

والله إن أعصابهم حديديه

اللي قادرين يتحملون نوعيات ونفسيات عجيبه من البشر

والله ماشفنا منهم الا كل ذوق وإحترام وإبتسامه بوجه الزباين

الله يوفقهم ويرزقهم

[مذهله]

* هيبر بندة جيت احاسب على عرض كلوركس معا منظف دهون سئلته قلت تاكد منه قال انتم ماتجون الا عشان العروض قلت له لازم عشان ندبر راتبك انت و اخوياك لا تتوهقون بعدين


ردك استفزازي وما تبغاه يزعل

[مواطن اكس لارج]

ماهو غرور يا اخي والله انهم يكسرون الخاطر ممكن انه في هاليوم قابل له خوي من زمان عنه وشافة


بهالوضع وانحرج !

والله ما يلامون ان صارت نفوسهم خايسة كافي روتين وظيفتهم <<ملل ,احراج ,نظرات استغراب , دلاخة بعض

المُشترين , وغيرة كثير من الأمور اللي تخلية نفيسة . .

بالعكس المفروض يكون تعامل الشاري مع هذهـ النوعية من السعودين غير ويعطية حافز ويمدحه ويثني على عملة

كافي انهم تجرعو الألم وحدتهم ظروفهم لوظيفة كهذهـ دون المستوى ,,

:
/
:

/




يا بنت حمولة


استحي على نفسك والله ماحطم مستقبل شبابنا غير اشكالك



الشغل مهو عيب والي يتحرج من الشغل يقعد عند امه يرضع ديد


كفانا كذب وغرور وتكبير المكاوي بخرق

[غامد الصالحي]

انت حاقد على كل ماهو سعودي لانك مجنس ولست من ابناء البلد ياخي خل ابناء البلد في حالهم



كل شي قالوا سعودي

والسعودي ياخي يمكن انت قليل حياء وقليت حياك معهم

ويمكنك تكذب عشان كل موضوع يحط فيه سعودي او ادنى امر يمت لاهل هذا البلد يكثر عليه طلب

فارق بس انت وخشتك


وفرحان بالموضوع كل شوي يرفع فيه


الحمد لله التجنيس ما عرفناه الا منك

عموما انا كنت اعتقد اول ان هذا جزء من عمل الكاشير و بعد سؤالى لكذا مول اتضح ان هذا عمل الحمال و صرت انتظر لين يجي الحمال و يحط الاغراض بالكيس و لا يجبرني الكاشير ان احطها بالكيس ويضطر يقفل لين يجي الحنال اذا كانت كثيره معا اني كثر ما اتسوق برا السعودية يجي الكاشير وهو بنفسه يحط الاغراض بالكيس وكل انسان له طريقته في التعامل مو شرط امشي على كيفك ولا يصير انك تمشي على كيفي

[بنت الهيلا]

تحية سلام لكل من يعمل بعرق جبينه ولا ينحد لاحد

[AbduLraHmN]

الحمد لله التجنيس ما عرفناه الا منك

عموما انا كنت اعتقد اول ان هذا جزء من عمل الكاشير و بعد سؤالى لكذا مول اتضح ان هذا عمل الحمال و صرت انتظر لين يجي الحمال و يحط الاغراض بالكيس و لا يجبرني الكاشير ان احطها بالكيس ويضطر يقفل لين يجي الحنال اذا كانت كثيره معا اني كثر ما اتسوق برا السعودية يجي الكاشير وهو بنفسه يحط الاغراض بالكيس وكل انسان له طريقته في التعامل مو شرط امشي على كيفك ولا يصير انك تمشي على كيفي

من وين جاي الاخ ....توك تعرف ان الكاشير يحاسب ...والحمال يشيل :SmileyBunny:

ياخي بنتهي الدنيا يوم تحط اغراضك في الكيس ...والله احيانا انا احطها في الكيس مافيها اي شي (q81)

واحيانا يوم اشيلها يقولي الكاشير السعودي ابن بلدي وفقه الله

خله عنك يجيك ويشيلها ...واحيانا يجلس يزهم عليه باعلى صوت

يزهم= ينادي

عشان تعرف انهم ناس غلابة وعلى قد حالهم قال مغرورين

[غريب الماضي]

الله يهديك بعد 3 سنوات جاي ترد على المشاركين بموضوعك يا غامد

الموضوع مغلق