طلب من بنــــــــــــــات القصيم السنعـــات

[ميـاس]

السلام عليكم ورحمة الله وبركاته

اخواتي بنات القصيم والرياض طالبتكم طلبة لاتردوني
انا دوخت وانا ادور على مسمنة الجريش وماحصلتها عندنا
بمكة وانا سمعت ان اهل القصيم يسوونها واهل الرياض فياليت اللي تقدر توفرها لي
عن طريق الشحن او تعرف احد جاي على مكة ترسلها معاه
واكون شاكرة لكم.

[ميـاس]

up

[ميـاس]

معقولة 33 مشاهدة ولاوحدة تقدر تساعدني .

[ღ الفـيَـصـل ღ]

ان شاء الله اقدر افيدك بإذن الله

بس مالها اسم ثاني ؟

[ميـاس]

انا اللي اقصدها هي المسمنة ( اي البهارات اللي تنحط مع البصل على وجه الجريش اللي يسوونها حريم القصيم وتنباع باكياس)...........................فهمت علي .

[النجديه]

8
8
مياسه توني افهم عليك يوم قلتي بهارات هههههههه

شوفي مياس انتي تقدرين تجمعين اغراض البهارات وتطحنينها عند العطار اسهل لك من الشحن او احد يرسلها لك

اذا تبغيت مقاديرها قولي لي عشان اعطيك اياها بالضبط

[ميـاس]

ايه والله يااخت النجدية ياليت تعطيني مقاديرها حبيبتي وشاكرة لك ردك على الموضوع.

[النجديه]

كيلو كزبره محموس ( يفضل انتي تحمسينه في البيت عشان ما يحرقونه لك احمسيه شوي )

نصف كيلو كمون

نصف كيلو دارسين ( قرفه )

7 حبات ليمون اسود

ربع كيلو فلفل اسود

هذا هي المقادير يالغلا ..

واذا بغيتي البهارات يصير لونها اصفر حطي على المقادير السابقه نص كيلو كركم واذا تبغينا سوداء خليها مثل ماهي

عاد اذا جمعتي كل هالاشياء وديها لم العطار يطحنها وانتبهي ترى دايم يطحنون البهارات عقب الحلبه عاد ترجع لك الريحه ياسلام ههههههههههه

تحياتي لك ..

[سيمار]

8

8

نجديه هي ماينحط معها شوي سكر؟؟
اشوف امي تحط معها والله؟؟
<<تتكلم جد

[النمر2006]

والله ما اعرفها

[النجديه]

8

8

نجديه هي ماينحط معها شوي سكر؟؟
اشوف امي تحط معها والله؟؟
<<تتكلم جد


سكر + بهارات = سيمار وش تطلع هذي احس طعمها يتغير بالمره :)

والله ما ادري يا اختي يمكن الوالده الله يحفظها تحب الحلى شوي .. بس احنا ما نحط فيها سكر