نادت علي

[تسونامي الشعراء]

نادت علي وقلت لبيــــــه لبيــــــــــــه = يا بعد عمري يا مناي وهناتــــي
يا ساحر روحي بجنة تغليـــــــــــــــه = يا مشاركتني في بقية حياتـــــي
يا مطرب سمعي بقول نطق فيــــــــه = يا عالمي يا رحمتي يا غناتـــــــي
أنتي على كلي سعادة معاليـــــــــه = وأنتي من همومي وسيلة نجاتــي
أنتي لحالك يبهج القلب طاريــــــــــه = يا مالكة كل الدلع والحلاتـــــــــي
الزين عندك وقفت به شواطيـــــــــــه = تحوين يا عمري جميل الصفاتــــي
تمطر على قلبي غلاتك وتسقيــــــــه = يا السيدة يا الكايدة للبناتــــــــي
إن كان عندك هم عطني وأنا أشريه = وأحميك من حزنك وكل الآهاتـــي
أصيح بأعلى الصوت وأصرخ وأناديه = يا حاكمة من يلبسن العباتـــــــي
يا مملكة قلبـــــــــــي وبدر سطع فيه = يا بحري الأحمر ونيلي وفراتـــي
أقسم برب البيت غيـــــــــــرك محاتيه = في كل وقت من الصبح للمباتــي
لو عشت ميـــــــــــــة عام والله لأوفيه = وإن مت ذكره باقي في رفاتـي
الشعر لعيــــــونــــــــك أسخر قوافيه = لا قلت شعري فيك تفرح شفاتي
لبا قصيد تسمعينــــــــه وتقريــــــــــه = ولباك يا وردة وسكر نباتـــــــي
العشق وأهـــــــل العشق يفدا مواطيه = يا جعل ينساه القدر في المماتي

[هلاليه وكلي فخر]

اخوي تسونامي الشعراء
قصائدك لها بصمة تميزك..!!
عندما تحضر يكون الشعر متواجد بكثافة..!!
عودتنا على عذوبة نظمك....!!

صح بوحك.

[تسونامي الشعراء]

دمتي وسلمتي

تحياتي لك

[ولـــــه]

الله الله الله .. عليك .. أخوي تسونامي ..

مبــدع بمعنــى الكلمه ..

ماشاء الله تباركـ الله ..

يعطيك العافيه .. ع البوح الرائــع ..

دمـت مبــدعـ ..:)

[نمرالعتيبي]

تسونامي الشعراء


يسعد مسااااك ويسلم راااسك ولله درك على هالرااااائعه
والله راااااائعه صح لساااانك مليااارت


اخوك نمر العتيبي

[تسونامي الشعراء]

وله أشكرك على مرورك المتميز

[تسونامي الشعراء]

نمر الله يمسيك بالخير

وصح بدنك آلاف المليارات

وسلمت على مرورك

[دلــوعــة الهيـــلا]

صح لسانك ياتسونامي


على القصيده الرائــعه ’’



لاهنت على ذا الشامخه

كفيت ووفيت


صح لسانك ووجدانك


لكـ التحيــه , مع الشكـــر ,,

[تسونامي الشعراء]

صح بدنك

الله لا يهينك على مرورك الذي يزيد القصيدة اشراقا