ابي طريقة البليلة والطرشي الاحمر

[zezo777]

ودي اسالكم عن طريق البليله؟ وطريقة الطرشي الاحمر......<<<<
ودي اسوي مثل بليلة جده .

[سعود بن عبد الله]

نقل من احد الطرق لها <<<<<<<<لطشه ونتي وضميرك وماني مسؤل عن شي ان حصل لك اي مغص لاسمح الله


تفضلي


تجيبي بليلة تلاقيها معلبة تتباع في البقايل ازا بدك تسويها بسرعة.
خل احمر و ملح و كمون
وخيار او قتة " دي حاجة زي الكوسة "<< مدري ازا تعرفوها ولا لا
صباغ احمر او شمندر << تقولوا ماتعرفوه مو شغلي اسمه كده

http://6fooosha.jeeran.com/ADD2.gif

اول شي تقطعي الخيار او القتة صغار وتحطيها في الزيدية وبعدين تجيبي الخل وتحلية
بموية وتحطيلوا الصباغ الاحمر وتحطية على الخيار او القتة الى قطعتيها واتركيهم على جنب .

وبعدين تجيبي البليلة وتصفيها من المرقة حقتها وازا تبغي تغسليها غسليها مو مشكلة
وتحطيها في زبدية وتحطي الخل والملح والموية وتقليبيهم وتحطيهم في زبادي صغار
وتحطي الطرشي الى سويتية قبل شوية وترشي عليها كمون ..

وممكن ازا تبغي تاكليها ساخنة تحطي البليلة والملح والخل والموية في قدر وتحطيها
على النار شوية بس . وبعدين تغرفية في الزبادي وتحطي عليها الطرشي وترشي
فوقها كمون وازا تبغوا شطة حطوا لها براحتكم بس انا ماحبها عشان كده ماكتبتها .

فيه طريقة تانية http://6fooosha.jeeran.com/ADDn.gif للبليلة بس تاخذ وقت

http://6fooosha.jeeran.com/ADD1.gif

تجيبي بليلة بالكيلو من عند اي محل ابازير << يعني عطار
خل احمر و ملح و كمون
ونفس المقادير الي حطيناها فوق من شوية

http://6fooosha.jeeran.com/ADD2.gif

غسلي البليلة كويس واتركيها تتنقع بموية يجي كده ساعة بموية حارة بعدين جيبي
قدر ضغط وحطي البليلة فيها كمان ساعة او ساعة ونص طبعا تحطي عليها الملح بس .

اكشفي القدر حتلاقي البليلة استوت ويمكن صارت دايبة بس حتكون لذيذة . وازا ماستوت
البليلة حطي لها شوية كربون على قولة ستي (9) الكربون يعني باكينج باودر وتلاقيها
تستوي عى طول .والباقي زي الي قلناه فوق وبس


هيا شفتو كيف سهلة البليلة قلت اقلكم هيا اعمل تواب للخايبين الى زي و بالعافية على معدتكم (146)

http://6fooosha.jeeran.com/ADDl.gif

[halabi2]

http://moseqar2002.jeeran.com/top10.gif

[امواج87]

جزاكم الله كل خير