زوج مدمن ممارسه الرياضه بشكل يومي

[عذب الرياض]

طبعا تعرف ان البنات الان مو مثل اول
الان البنات يحبون الروحات والجيات مع ازواجهم ويبحثون عن زوج يحب يطلع ويحب يتمشى
طيب ماهي نظره الفتيات للشاب الذي يحب ان يذهب للنادي الرياضي يوميا من الساعه عشر الليل ولا يرجع الاالساعه 12 الليل
هل تتوقعون ان فيه فتاه ترضى بزوج زي كذا
وطبعا دوامه ينتهي الساعه 3 العصر يعني فتره العصر يقضيها بالنوم
هل يمكن تتاقلم الزوجه مع زوج كذا وهل ترضى فيه
نترك الاجابه لكم

[مطنشه]

طبعا تعرف ان البنات الان مو مثل اول
الان البنات يحبون الروحات والجيات مع ازواجهم ويبحثون عن زوج يحب يطلع ويحب يتمشى
طيب ماهي نظره الفتيات للشاب الذي يحب ان يذهب للنادي الرياضي يوميا من الساعه عشر الليل ولا يرجع الاالساعه 12 الليل
هل تتوقعون ان فيه فتاه ترضى بزوج زي كذا
وطبعا دوامه ينتهي الساعه 3 العصر يعني فتره العصر يقضيها بالنوم
هل يمكن تتاقلم الزوجه مع زوج كذا وهل ترضى فيه
نترك الاجابه لكم

بعض البنات يتمنون ريحة رجال ويحبون يدهم مقلوبه بعد :)

انا بالنسبه لي احسن لو يروح كل يوم بس على شرط يحطني عند اميمتي اسولف و استانس معها

ولو صار عندنا شغل ذاك اليوم مو لازم يروح للنادي والله لوه فرض صلاة !!!

[نص ونص]

بقولك شي
انا كل يوم اطلع ونظامي زي نظام زوج خويتك يعني اطلع من الشغل الساعه ثلاث وا العصرنايم والمغرب اتقهوى مع الوالد الله يحفظه وبعد العشاء في الاستراحه الين الساعه 11
وبعدين اخر اليل مع الزوجه المصون اجلس معها
بعد الواحد لين صار ناشب عند زوجته مو زين اهم شي اني افرغ لها وقت يكون خاص فيها

[ولد لطيفة]

كل يوم او يومين اروح النادي ساعه الا ساعتين

و ذا تزوجت بستمر على هالوضع انشاء الله

و مو من حقها تقول لأ

هي لها حق من وقتك صح .... بس حتى انت لك حق من وقتك

[روضة]

اشدعوة امصورين الزواجين على انه سجن للزوج والزوج كل امجابل زوجتة خلة يطلع اوفية وقت يقدر يجلس فيه مع زوجته حتى المراءة بتمل منه اذا امجابلها (( ولا يامن شرى لة من حلالة علة ))

[الرجل الرومنسي]

عادي جداً

بس أنتم تبون تسوون مشكله من لاشي

أنا متزوج ودوامي شفتات يعني ورديات

وأروح للنادي وأتمرن على حسب جدول عملي

وأقعد مع أهلي وأقعد مع زوجتي

يعني لازم أظل مقابلها طول الوقت

وإلا أهج من البيت ولايشوفوني إلا عقب الشين

هونو الدعوه ترى الأمور بسيطه جدا

رجاءً بدون تعقيد

ترى الحياه حلوه بس نفهمها

تحياتي

[الكر]

عذب
والله ابتلشنا مع الحريم
ان صار الرجال دب والا له كرش قلتوا وعع
وانا راح يتمرن بنادي قلتوا راح وخلنا

وش الحل بنظرك
دب ومقابلك والا جسم حلو ويبعد ساعتين باليوم

[مقراط]

السلام عليكم ورحمه الله وبركاته

الله يسلمكم ودي اقولكم بصراحه الزوج اللي دائما

يترك اهله مافيه خير

ومضه

اللي مافيه خير لاهله مافيه خير للناس

[الهنـوف]

http://www.we3rb.net/uploads/be0da8974b.gif




مو من العدل انه كل يوم بالنادي ..!!

عليه حقوق امام الله لزوجته ..!!

لابد له ان يخصص ايام للطلعات ..!!

ولابد لها ايضا ان تراعي ظروفه ..


http://www.we3rb.net/uploads/be0da8974b.gif

[@ملكة الورود@]

عادي وانا اختك

احسن خليه يروح النادي الرياضه حلوه جسديا ونفسيا يعني لو متزم لاسماح الله يطلع حريته في الرياضه ماهو فيك هههههه

وبعدين حلو التغير مايصير مقابلك طول الوقت بتجين تتشتكين بعد احسن شئ الحل الوسط اهو له وقته الخاص فيه وانتي بعد لتس وقتك

واخر اليوم ترجعون مشتاقين لبعض لان كثر المقابله ماهي زينه تصيب بالملل بعد

واتفقي معه ان كان عندك شئ ضروري تبينه يطلعك في ذاك اليوم اظن ماراح يعارض ان شا ءالله

وانتي بعد ادخلي النادي ترى ماهو لازم تكوني دبه الرياضه حلوه للجميع

ياليت اقدر ادخلها كان بس ماقدر والحمدلله على كل حال
واسفه على الاطاله