(بنات لحد يتلقف ) فقط للتماسيح هام جدا جدا جدا

[بنت اهلي]

السلام عليكم جميعا ..
وش اخباركم ؟

المهم السالفه ومافيها انه صار في نقاش بيني وبين عتيجه (كويتيه ) عن ..

بس أنا متعجبة على عيالكم وايد يحبونكم ويقدسون الحياة الزوجية وهذي إشاعة منتشرة عندنا في الكويت ترى كلنا نتشابة الكويتيات والسعوديات ومستويات الجمال وحدة بس في سؤال محيرنا أحنا يالكويتيات !!!!
ليش السعوديين معجبين ببناتهم ؟زرت السعودية وايد ودايم ألاحظ هالشي ؟
أراقب المجمعات وأشوف كل زوج مبتحل معاة زوجتة وأولادة رجلة على رجل زوجتة ؟
وتعالى شوفي مجمعاتنا كل زوجة مبتحلة بعيالها تنقلهم من مكان إلى مكان ؟؟
وهو ماخذ راحتة على الآخر ! طبعا الكويتية ماينقصها شي جمال وكشخة وأناقة وفلوس وسيارة تروح فيها أي مكان ؟ يعني ما يودي ولا يجيب !! ومع هذا مومقصرة وشايلة بيتها وأولادها نرجع للسؤال ليش رجاجيلكم معجبين فيكم اكثر من ريايلنا ؟؟؟
أرجو الرد يابنت أهلك من قبل عتيجه

عاد انا مسكت قلمي ودفتري ورحت اسأل وادور عن الاجابه اللي محيره بنات الكويت سألت
ابو سعود ( اخوي المحترم ) بس رده مدري وش يبي مادخل مزاجي ونفس الشي خالي يقولون ان هذا شي بالفطره واننا ندري انه محد مقدرنا غيركم ومن هالكلام
قلت انا نشوف ارائكم م م م
يالله كل واحد يجاوب
ت.ح.ي.ا.ت.ي

[شيخة الكعبي]

يااااااااااي حلو الموضوووووع عاد انا من قريت بنات لحد يتلقف قلت بتلقف غصب :o

الله يخلي الازواج لزوجاتهم خصوصا السعوديين عاد الحمدلله دين واخلاق وكل شي والحرمة محشومة ولله الحمد .


يلا ننتظر رد التماسيح لا تبطووون

[بنت اهلي]

احزانوووه وش تسوين هنا ؟؟(mm)
تماسيح بس بس بس
يالله خل نطلع

[المذهل]

شكرا بنت اهلي
اذا تزوجة انشاء الله لي رجعه للموضوع

[بنت اهلي]

يؤ مهب لازم اذا تزوجت
الحين جاوب عيب تفلشنا مع البنت
جاوب احسن لك

[نانا]

خواتي المحترمات لما شفت العنوان قلت اشوف شو الموضوع طالما ولارجل دخل وأعطى رأيه

وأعتقدهذاالموضوع مو بس بالكويت احنا كمان بالاردن الست عندنا محبوبه من زوجها ومحترمه وطلباتها مستجابه


لكن شوفي الرجال لما ياخذوا زوجاتهم رحلات يا سلام على اللي يصير هم عليهم يقعدوا ويرتاحوا والاولاد مش مسؤوليتهم ولما يروحوا السوق مع زوجاتهم اذا راحو بحجة انه ما إلهم طولة بال على مناقشة البياعين وان الزوجه اقدر على جلط البياعين وإنتزاع مرارتهم بمجادلتهم على الاسعار ---لكن اذا راحو السوق يتجهم وجه الواحد منهم وينبأبقدوم مصيبه عاجله على رأس زوجته ويحكيلها :(يا مره طولتي وزهقتيني انشاء الله تطلبي مني ثاني مره اروح معك على السوق وإن هي دخلت محل يكون سابقها بعشره متر وطول الطريق اختصري خلصيني وينتهي المشوار بكارثه

لكن جاوبوني يا رجال ماإلكم طولة بال على مرافقة الزوجه وكيف إلكم طولة بال على مرافقة غيرها أمركم عجيب


غريب وحتي اذا راحو زياره عليها تبلش بالاولاد من الكبير للصغير لانه من وجهة نظره عيب هويتدخل عليه يظل قاعد وكل ما تحرك ولد يجحر زوجته بعيونه وعليها انها تفهم النظره وتمارس رياضه الجري وراء الاولاد ليخربواشيء ببيت الناس عيب

[ناوي ابعاد]

بس أنا متعجبة على عيالكم وايد يحبونكم ويقدسون الحياة الزوجية وهذي إشاعة منتشرة عندنا في الكويت ترى كلنا نتشابة الكويتيات والسعوديات ومستويات الجمال وحدة بس في سؤال محيرنا أحنا يالكويتيات !!!!
ليش السعوديين معجبين ببناتهم ؟زرت السعودية وايد ودايم ألاحظ هالشي ؟
أراقب المجمعات وأشوف كل زوج مبتحل معاة زوجتة وأولادة رجلة على رجل زوجتة ؟
وتعالى شوفي مجمعاتنا كل زوجة مبتحلة بعيالها تنقلهم من مكان إلى مكان ؟؟
وهو ماخذ راحتة على الآخر ! طبعا الكويتية ماينقصها شي جمال وكشخة وأناقة وفلوس وسيارة تروح فيها أي مكان ؟ يعني ما يودي ولا يجيب !! ومع هذا مومقصرة وشايلة بيتها وأولادها نرجع للسؤال ليش رجاجيلكم معجبين فيكم اكثر من ريايلنا ؟؟؟
أرجو الرد يابنت أهلك

ليت السحالي ام اركب سود يقدرن الشي هذا ويعرفن ان السعودي معطيها اكثر من حقها لكن يقولون اذا اكرمة الكريم ملكته واذا اكرمة الائيم تمرد
صوره بدون تحيه لحزب السحالي الاشرار

[نانا]

ناوي ابعاد لافي احزاب ولا غيره ولغاية اللحظه لايوجد رجل اعطى المرأه حقها ومحبة الزوج لزوجته ماإلها علاقه بجنسية الزوج سعودي أوسوري أو اردني هذه الامور راجعه لنشئته وطيب اصله وأخلاقه

[المتحد]

صوره مع التحيه لبنت بلادي

[sherry]

والله يا نانا كلامك صحيح طبعاً لا يشمل الجميع علشان ما حد يزعل لكن سبحان الله لما تكون الشغلة بيد الإنسان بيتبطر عليها ولما تكون بعيدة بيصير يركض وراها وكل ممنوع مرغوب


الله يستر؟؟

[نانا]

sherry quote (q36)

[القصمنجي]

تحية طيبة للجمــــــــــــــــــــــــــيع



بما اني تمساح صغير بشارك بالموضوع (oo)


بأختصار





الزوجة هي السبب بتخلي زوجها عنها وعن عيالها لانها تحمل نفسها فوق طاقتها وتحب تثبت وجودها

خصوصا في البحرين والكويت والامارات اشاهد الزوجه هي اللي تقوم بواجبات المنزل وهي اللي توصل اطفالها للمدارس

واهي اللي تشتري الاغراض للمنزل وأعرف زوجة بالامارات هي اللي توصل زوجها للعمل .

ومن هذا المنطلق يستغل الزوج طيبة الزوجة ويحملها المسؤولية ويتفرغ هو للسهرات مع ربعه .


اما هنا في السعودية فالزوجة لاتمتلك سيارة ولايحق لها بالقيادة كذالك اغلب الزوجات عاطلات لذلك يقوم الزوج

بواجبات المنزل رغم انفه .


## كلمة اخيرة ##

بالاضافة الى هذا أن الراحة النفسية والتوافق والانسجام بين الزوجين من مقومات السعادة الزوجية












يالله يارب أنك تزوجني وحده مثل اللي بالبرتقالة ههههههههههههههاااااااااااااااااااااااايييييييييييي ي



وتكفيني شر البيدجانات اللي عندنا (oo) (oo)












محبــــــــــــــــــــكم / خالـــــــــــــــــــد

[بنت اهلي]

يعطيييييكم العافيه
شاكرره لكم مروركم ومشاركتكم
.................................................. .......
عتيجه
ان شاء الله اقتنعتي ولقيتي جواب لسؤالك
.................................................. .......
قصمنجي
مرتن ثانيه جبلي طاري البرتقاله اوريك
<<عسبت
وجع ع ع ع ع
.................................................. ......
لاتحرمونا مروركم
ت.ح.ي.ا.ت.ي

[راجي]

بالفعل ... اوافق اخي القصمنجي في كلامه ... واحب اضيف ..

ان طبع الرجال واحد .. في كل مكان ...فهم يتمذمرون ويشعرون

بالملل من القيام بالمهام والامور الروتينيه البسيطه .. ومنها طلبات

البيت ومرافقة الاسره ... وهذا يعود لنواحي اخرى غير مسألة

الاعجاب او فقدانه ... ربما لعدم وجود تفاهم او تنظيم كافي بين الزوجين ..

يراعي فيه احدهم ضروف الاخر ومكاناته .. ويقدر وضعه واحتياجاته ..

الا ان طبيعتنا وظروفنا في السعوديه - وليس طبعنا - بما في تلك

الطبيعة والظروف من نظرة ناقده ... من المحتمل انها

اضهرتنا باننا اكثر اخلاص او اعجاب او

تقديس للحياة الزوجيه من غيرنا .... بدرجه ان بعضنا يقوم بنفسه

بدلا من الخادمه برمي واخراج الزباله - تكرمون - خشيه اتهامه

بالاهمال والتقصير ...

ولكن بعض الحالات ... وبالرغم من وجود الاعجاب .. يبدو عليها

عدم تقديس الحياة الزوجيه .. اذا كانت تقاس من ناحيتكم بمدى

التزام الزوج بمصاحبة

الزوج ومرافقه لعائلته في كل مكان ... لأن بعضهم لديه سائق

خاص يعتمد عليه جميع افراد الاسره في مشاويرهم وتلبية طلباتهم ..

وبعض النساء ربما تفضل وتستحسن الذهاب بدون

زوجها تظرا لانشغاله اوانفعالاته .. اما مع قريب لها اخ اصغر

او ابن اخت او مع شقيقاتها ..

او الذهاب بواسطة النقل العام .. او بأي وسيلة مطمئنة تعفي الزوج

من مهامه الممله والتي يحكم في كل مره انه وجوده غير مهم او

مجدي فيها .... والاهم انها تضمن له عدم نظرة الانتقاد النابعة

من طبيعتنا ... التي تبين مدى اهمال تقويه عوامل الفضيله في

المجتمع .. بما نتخذه من احتياطات شخصية كلا بطريقته .. ومنها

وجوب مصاحبة الاسره في كل مكان ..