الفزعه الفزعه الفزعه الفزعه [الأرشيف]

oJ9Jl

15-08-04, 04:12 AM

السلام عليكم
تكفا تهز اجبال ماهوب عاد ارجال اخوكم طايح بورطه هذا الله يحفظكم اختنا الغاليه عندها وحده من قريباتها تبي تتزوج هاليومين الله يوفقها ان شاء الله لكن المشكله وين قلتو وين ؟؟؟ محد قال وين اهرج ولاتكثر البربسه!!! طيب لاتدز !!!! المشكله ان اختنا الله يحفظها تبي تسوي لها هديه والهديه عباره عن درع او حاجه مثل هالشي المهم تبي تكتب فيه عبارات رومنسيه بمناسبة زواجها وطلبت مني ان اكتب وارتب لها الموضوع وانسقها واطلع الهرج بحكم اني اسعسع بالنت قالت شف لك كلام حلو وعطنياه المشكله اني لي يومين ساكن (بقوقل) ولا لقيت شي كلها بطاقات فاضيه واخوكم مثل منتم عارفين ماله بداحس والغبراء تصدقون اني بغيت اصدم عشر مرات اليوم كله قاعد اركب جمال عشان احطها بالدرع لكن عرضتها على واحد من اخوياي قال استح ياشيخ هذي مناسبة زواج ماهيب عزاء امسح الي انت كاتب (انواع التحطيم ) داخل على الله ثم عليكم واحد يزبط لنا كلام مرتب او قصيده او خاطره تكون بمحل المناسبه البنت الي تبي تعرس غاليه على اختي واختي غاليه علي وانا غالي عند اهلي ولا اقدر ارد لها طلب ياليت تفزعون لنا وتسدحون الي بخاطركم والي يستحي يكتبها هنا عادي يرسلها رساله خاصه على صندوق بريدنا الفاضي واكون لكم من الشاكرين
اخوكم الوله وهو ضايعة فيه الطاسه

أم أديم

15-08-04, 04:41 AM

أبشر وانا اختك

ولا عاش اللي يردك خايب

حنا اهل الفزعات

:rolleyes:

عطني مهلة اليوم بس وراح ابحث لك شي حلو

والله يقدرني يارب (qq)

مستغرب

15-08-04, 11:17 AM

شفت الوله اختك اخطأت خطأ كبير

تدري ليش لأنها استفزعت فيك ..... بهزر معاك

لكن والله من عيوني .... مع اني تارك الخواطر من زمان لكن عشان خاطرك تكرم مدينه

انشاء الله سوف ابذل قصارى جهدي للبحث

ارجوا من جميع الاخوان مسانده اخونا الوله ... لأني عارف انه لو يجلس سنه ما طلع خاطره

حبيبي الوله عطنا بعض التفاصيل لكي نوصلها لك بأجمل صورها

تقبل تحياتي ....

oJ9Jl

15-08-04, 03:14 PM

النص الأصلي مرسل من قبل قصيميه
أبشر وانا اختك

ولا عاش اللي يردك خايب

حنا اهل الفزعات

:rolleyes:

عطني مهلة اليوم بس وراح ابحث لك شي حلو

والله يقدرني يارب (qq)

قصيميه يابنت الرجاجيل انتي راعيتها وزين الي جت من بنت لانكم تعرفون مزاج بعض والله يانا بدعيلك دعاء بس عطيني الهرج الله يبرد على خاطرك ويبعد عنك كل هم وكل مستغرب يارب ويفتح لك باب رزق ويسعدك دنيا واخره ويدخل الفردوس الاعلى ويحفظك من كل مكروه ويسخر لك الله محبة الناس لك قول امين امين

ابوغــانم

15-08-04, 03:15 PM

النص الأصلي مرسل من قبل oJgJl
واخوكم مثل منتم عارفين ماله بداحس والغبراء تصدقون اني بغيت اصدم عشر مرات اليوم كله قاعد اركب جمال عشان احطها بالدرع

وين تركب البعارين ..بصندوق الهاااي .. هههههههههه ..

من يوم كتبت جمال بدل جمل وأنا عارف انك رايح فيها ..

وتأكدت انك رايح مع اختك وطي ...

أكيد انها مدرّسه .. يعني لابد من البخشيش الشهري لك خخخخخخخخخخ..

المهم ترا ماعندي ماعند مزنه ... لكن حبيت اسلم بس ..

لك القبل...

oJ9Jl

15-08-04, 03:19 PM

النص الأصلي مرسل من قبل مستغرب
شفت الوله اختك اخطأت خطأ كبير

تدري ليش لأنها استفزعت فيك ..... بهزر معاك

لكن والله من عيوني .... مع اني تارك الخواطر من زمان لكن عشان خاطرك تكرم مدينه

انشاء الله سوف ابذل قصارى جهدي للبحث

ارجوا من جميع الاخوان مسانده اخونا الوله ... لأني عارف انه لو يجلس سنه ما طلع خاطره

حبيبي الوله عطنا بعض التفاصيل لكي نوصلها لك بأجمل صورها

تقبل تحياتي ....

انا من يوم شفت توقيعك وانت تقول انك مستغرب اول ما تقوم من النوم عرفت ان ما بالحمض احد انت وخشتك الي رازها بالتوقيع اجل تارك الخواطر من زمان والله ماقاله قلبي انك تركب اربع اسطر ورى بعض ترى اختي مستفزعه برجل لكن اشكر لك دعوة الاخوان لمساعدتي فاني اغرق اغرق مستغرب حاول تعصر يمكن تطلع شي يقولون البارود العوجاء به رميه انا ما غثني الا انك كاتب بنفس لون خطي:o
يا بعد جداني انت لكن ولو طلعت اسنافي (يعني رجال ) مو الي بخاطرك يالدب لبيت الفزعه

تنبيه اي واحد يرد على الموضوع تراه رجل وراعي فزعات والي مايرد تراه ما حولك احد

oJ9Jl

15-08-04, 03:27 PM

النص الأصلي مرسل من قبل ابوغــانم

وين تركب البعارين ..بصندوق الهاااي .. هههههههههه ..

من يوم كتبت جمال بدل جمل وأنا عارف انك رايح فيها ..

وتأكدت انك رايح مع اختك وطي ...

أكيد انها مدرّسه .. يعني لابد من البخشيش الشهري لك خخخخخخخخخخ..

المهم ترا ماعندي ماعند مزنه ... لكن حبيت اسلم بس ..

لك القبل...

ابو غانم تصدق اول ما شفت اسمك متواجد بالحوار العام شرهت عليك قلت ورى النشي مارد علي بخاطره زينه واثرك ما حولك احد على طاري جمال هذي الله يحفظك من العجله قاتلها الله ومن جهة ان اختي مدرسه هذا ماهوب شغلك مانزوج شيبان يالشايب بس اعلمك لو هي مدرسه ما استفزعت بالهيس وابشرك ماهوب حنا الي نقلقس اخر الشهر الحال بنعمه يالله لك الحمد حنا نشري الي يقلقسون اخر الشهر لو تبيني اكد عليك لمدة سنتين كل يوم اجي اخذ منك ميه ما عندي مانع :o

بنت اهلي

15-08-04, 06:06 PM

احم احم
النت مليااااااااااااان بس كلهن مهب حلوات
عاد انا طقت براسي فووكره:o
بسرقلك بيتين من قصيدة اختي يوم زواجه
اممممممممم
وش رايك؟؟
هاه انفذ الخطه رقم 76850 ؟؟

musk_rose

15-08-04, 06:34 PM

اوكي الوله انت بس عطنا مهله اليوم
ولا تلقى الا اللي بيسرك>>>>>>اقصد اللي بيسر اختك

oJ9Jl

15-08-04, 08:23 PM

النص الأصلي مرسل من قبل بنت اهلي
احم احم
النت مليااااااااااااان بس كلهن مهب حلوات
عاد انا طقت براسي فووكره:o
بسرقلك بيتين من قصيدة اختي يوم زواجه
اممممممممم
وش رايك؟؟
هاه انفذ الخطه رقم 76850 ؟؟

ايه يابنت الاجاويد طبقي خطة الطواري والامن الوقائي رقم 76850 هذي مسموح فيها في حالة الضروره القصوى وتنطبق على حالتي كل ما شافتني قالت هاه خلص موضوعنا (a16) اقول حط راسك بالدرج (q4) بس لا اوصيك جيبي القصيده كلها ماهوب بيتين تقل نشحذ منكم عشان قصيدك وقصيده قصيميه يطلع عندنا ثنتين اصلح وحده لختي تهديها والثانيه لمي تهديها بعد وتقل سمعت ام جيراننا تبي وحده بعد

oJ9Jl

15-08-04, 08:29 PM

النص الأصلي مرسل من قبل musk_rose
اوكي الوله انت بس عطنا مهله اليوم
ولا تلقى الا اللي بيسرك>>>>>>اقصد اللي بيسر اختك

اقول تقل اشوفك جادع ميانه ترى انا الي اهارجك ما هوب اختي تسرني انا لاني انا بسر اختي (qq174)
لك مهله اليوم وبكرى بس تعصر لنابشي يا حبيلكم والله انكم راعين فزعات اليوم اطلق يوم بس بسرعه جاء العرس وانا ماسويت شي (q103)

musk_rose

15-08-04, 09:29 PM

اخوي الوله وش فيك لاتعصب
انا بنت واعرف مزاج البنات على قولتك
وبالنهايه اختك بتصير مسروره
لقيت لك هذولي على الطاير هي ما تنفع تكتب على درع لكن انت اعطيها وهي ترتبهاوتضيف لها
الا ما قلتلي هي بتكتب على درع والا تبي تهنئه تكتبه على الهديه لازم تحدد لنا بالضبط علشان نقدر نجيب لها.....
هذا اللي قدرت احصله:
·هذي عروستنا يا ناشدين عن حلاها ** أخت القمر بالحسن ربي عطاها

·مبروك من قلب يحبك و يغليك ** بأحلى ليالي العمر والكل هنا

ألف هلا يا عروسة وألف مبروك ** جعل السعادة والهنا قدامها
كنك بدر في طلتك يوم زفوك ** حوريةٍ تلفت نظر من شافها

·ألف مبروك تحلق فوق هامات العروس ** والعبارات تنمق بعقود من ورود
كل قلبٍ صار يخفق بدعاءٍ في السجود ** رب بارك ووفق واجعل الآتي سعود

شيخة الكعبي

15-08-04, 10:47 PM

انا يووم قريت الموضوع خفت يكون فيه حريق او شي << دايم تنحط بهالمواقف :o

شوووووووووف الوله بما اني اكتب شعر ومرتن كاتبه شعر حق بطاقة دعوة للعرس بحاول اكتب لخويت اختك ( يعني افهموا ياناس تريني شاعرة )

بس قولي متى اخر مهلة عشان اعصر هالدميجة

ولنا عوووووووده

oJ9Jl

16-08-04, 01:49 AM

النص الأصلي مرسل من قبل musk_rose
اخوي الوله وش فيك لاتعصب
انا بنت واعرف مزاج البنات على قولتك
وبالنهايه اختك بتصير مسروره
لقيت لك هذولي على الطاير هي ما تنفع تكتب على درع لكن انت اعطيها وهي ترتبهاوتضيف لها
الا ما قلتلي هي بتكتب على درع والا تبي تهنئه تكتبه على الهديه لازم تحدد لنا بالضبط علشان نقدر نجيب لها.....
هذا اللي قدرت احصله:
·هذي عروستنا يا ناشدين عن حلاها ** أخت القمر بالحسن ربي عطاها

·مبروك من قلب يحبك و يغليك ** بأحلى ليالي العمر والكل هنا

ألف هلا يا عروسة وألف مبروك ** جعل السعادة والهنا قدامها
كنك بدر في طلتك يوم زفوك ** حوريةٍ تلفت نظر من شافها

·ألف مبروك تحلق فوق هامات العروس ** والعبارات تنمق بعقود من ورود
كل قلبٍ صار يخفق بدعاءٍ في السجود ** رب بارك ووفق واجعل الآتي سعود

اثرك بنت وانا معطيك القاز ياخي اسمك اسم ولد ايقالي فاهم الاسم والله لو تقول انطقه مدري وشو لكن ارجع واقول سلمت يمناك يابنت الرجاجيل عز الله انك جبتيها الله يرزقك ابن الحلال الي يسعدك قولي امين امين الحين قطعنا نصف المشوار بقى كم وحده عسى الله يامر الربع ينزلون الي عندهم

مازلنا نستقبل التبرعات على هذه الصفحه

oJ9Jl

16-08-04, 01:54 AM

النص الأصلي مرسل من قبل احزان قلب
انا يووم قريت الموضوع خفت يكون فيه حريق او شي << دايم تنحط بهالمواقف :o

شوووووووووف الوله بما اني اكتب شعر ومرتن كاتبه شعر حق بطاقة دعوة للعرس بحاول اكتب لخويت اختك ( يعني افهموا ياناس تريني شاعرة )

بس قولي متى اخر مهلة عشان اعصر هالدميجة

ولنا عوووووووده

دامك تكتبين شعر وش تحترين اكتبي لي اخر مهله بكرى لان زواج قريبتها قرب والكلام بيكون بالدرع وبيكون كلام ثاني بكرت خارجي والله مسوين شغل بس عساها يملا عينها القزما العريسه انتي يالي تشتغلين بسنترال المطافي ان كن انتي شاعره او مستشعره عطيني الي عندك ترى ابو غانم الشايب مفضح فيني انا ودرعي خلوني ابعلمه ان اهل الفزعات واجد وعلى طاري اهل الفزعات محد منكم شاف قصيميه تراها موعدتنا بخير

بنت اهلي

16-08-04, 02:09 AM

انا جييييييت
ذي قصيده كامله بس تراه حقت زفه مش حالك :o
.................................................. .............................
مبروك ياالورده اللي كايدٍ عطرها ... ماكن به غيرها فوق البسيطه ورود
الشمس من كفها والليل من شعرها ... والحسن كله تناظم في نحرها عقود
تبسم الكون يوم انه اضفى نورها ... البحر لعيون فلانه والكواكب شهود
اشوفها كامله بالحسن من صغرها ... واشوفها مهرةٍ عربيه عنود
جمال كل البنات مايجي عشرها ... ياربي انك تسلمها من عين الحسود
تزود في وصفها وتزود في طهرها ... متفرده والحلا فيها تعدى الحدود
يارب تحفظ لنا فلانه وتتم امرها ... وقر عين فلان بها واجعل زمنهم سعود
مبروك يالورده اللي كايدٍ عطرها ... ماكن به غيرها فوق البسيطه ورود
.................................................. .............................
انقز قره اختك واذا مامشى الحال
جاري البحث
ت.ح.ي.ا.ت.ي

فريق أول

16-08-04, 02:22 AM

هلا أخوي الوله ،،،

أكتب

كل الوله كلهم ،، الله لا يفرق شملهم (aqwa)

<< اطلع برا :)

الوله ،، اللي اقدر اقوله

مبروك والله يجمع بينهم بخير (j)

وعقبال العزابية
:)

تحياتي

الفريق أول

oJ9Jl

16-08-04, 02:34 AM

النص الأصلي مرسل من قبل بنت اهلي
انا جييييييت
ذي قصيده كامله بس تراه حقت زفه مش حالك :o
.................................................. .............................
مبروك ياالورده اللي كايدٍ عطرها ... ماكن به غيرها فوق البسيطه ورود
الشمس من كفها والليل من شعرها ... والحسن كله تناظم في نحرها عقود
تبسم الكون يوم انه اضفى نورها ... البحر لعيون فلانه والكواكب شهود
اشوفها كامله بالحسن من صغرها ... واشوفها مهرةٍ عربيه عنود
جمال كل البنات مايجي عشرها ... ياربي انك تسلمها من عين الحسود
تزود في وصفها وتزود في طهرها ... متفرده والحلا فيها تعدى الحدود
يارب تحفظ لنا فلانه وتتم امرها ... وقر عين فلان بها واجعل زمنهم سعود
مبروك يالورده اللي كايدٍ عطرها ... ماكن به غيرها فوق البسيطه ورود
.................................................. .............................
انقز قره اختك واذا مامشى الحال
جاري البحث
ت.ح.ي.ا.ت.ي

والله انك بنت ارجال هذا الهرج الي ياصلك انتي وفيتي وكفتي
تسلم عليك اختي كثير السلام وتقول قل الله يعطيكي العافيه وتارني ممنونة لها بالحيل الله والعالم ان القصيد دخل مزاجها عرض اكيد بيدخل عرض جاي من بنت اهلي لكن الله يسلمك وماقصرتي يالوفيه

الوله يسلم عليكم ويقول الي عنده شي لا يخلينا ما زلنا نستقبل التبرعات
وينك يابو غانم تشوفني وانا مستانس :o

oJ9Jl

16-08-04, 02:38 AM

النص الأصلي مرسل من قبل فريق أول

هلا أخوي الوله ،،،
أكتب
كل الوله كلهم ،، الله لا يفرق شملهم (aqwa)
<< اطلع برا :)
الوله ،، اللي اقدر اقوله
مبروك والله يجمع بينهم بخير (j)

وعقبال العزابية
:)

تحياتي

الفريق أول

يا حبي لك بعد هذولا الوله كلهم الله لا يفرق شملهم
وهذا الفريق بينهم كنه ما شاء الله عليه يا خلف جداني ما قصرت اهم شي انك شاركتني الشعور بالتعب وين ابو غانم يشوفن وانا ارد عليكم مانيب ملحق

شيخة الكعبي

16-08-04, 03:29 AM

حلوة التبرعااات اتخيلك شايل صندووق ويمروون عليك هههههههههههههههههههههههههه :o

ابشر بسعدك ان شالله بحاول اكتب اذا مااكتفيك بقصايد بنت اهلي بس رد علينا لا تخليني اكتب وماتاخذهم ترا اسوي حريقة هناااا (e)

oJ9Jl

16-08-04, 03:38 AM

النص الأصلي مرسل من قبل احزان قلب
حلوة التبرعااات اتخيلك شايل صندووق ويمروون عليك هههههههههههههههههههههههههه :o

ابشر بسعدك ان شالله بحاول اكتب اذا مااكتفيك بقصايد بنت اهلي بس رد علينا لا تخليني اكتب وماتاخذهم ترا اسوي حريقة هناااا (e)

وينك احزان قلب الله يهديك ابطيتي علينا عطينا الي عندك الجماعه جاز لهم الشغل يحسبون اني انا الي متكلف بالهرج عاد ما صدقوو خبر جت العائله كلها تبي اسويلهم ادروع واكتب لهم كلام افزعو افزعو تراني ما اقدر الحق عليهم

مازلنا نستقبل التبرعات على هذه الصفحه

للمعلوميه ترى اي قصيده كتبت هنا تم الاستفاده منها ولله الحمد تكللت العمليه بالنجاح وما زلنا بنتظار الجديد ونشكر بنت اهلي والثانيه الي اسمها انجليزي اثركم راعين فزعات وانا مستهين فيكم
وينك يابو غانم تشوفني وانا ما غير اصلح بالدروع وانت تتريق علي بموضوع عرسك الي انت مستانس به

أم أديم

18-08-04, 03:14 AM

اخوي الوله

راجع الخاص

سويت لك خاطرة

وانا ماني واثقة من الخواطر اللي اكتبها والا كان

كتبتها هنا :)

شيخة الكعبي

18-08-04, 03:17 AM

وانا يالوله اسفة انشغلت ماقدرت اكتب قصيد هالايام

وبيني وبينك ياخوي شكلي ابودع الشعر <<< تمسح دموعها

تحياتي لكم

oJ9Jl

18-08-04, 03:30 AM

على العموم لكل من سدح الي بخاطره لكم الشكر والعرفان من الاعماق ودمعتي تسبقني من الفرح لهذا التبرح الكريم << نصاب ما دمعت اعيونه طيب لا تفضح والله بصراحه ان عاجز عن الشكر ولكم مني كل المحبه والتقدير اخوكم الوله مقدر لما فعلتم

musk_rose

19-08-04, 04:04 AM

اهلين اخوي الوله بصراحه ماأدري الى الان تستقبل التبرعات والا لا
على العموم لقيت هذولي وقلت احطها اذا كنت تبغاها والا يمكن غيرك يحتاجها

لو قلت مبروووك قد قالها الناس قبلي ..
ودّي بكلمة تعجز الناس عنها ..
او
ألف هلا يا عروسة وألف مبروك ** جعل السعادة والهنا قدامها
كنك بدر في طلتك يوم زفوك ** حوريةٍ تلفت نظر من شافها
الغالية ( اسمها ) ....
تزاحمت العبارات في خاطري لتهنئك فلم أجد أروع ولا أجمل من تبريك المصطفى e
فبارك الله لكما وبارك عليكما وجمع بينكما بخير، وأسأل الله أن يجعل زواجكما نواةً
لبيتٍ تؤسسه التقوى ، وتظلله المودة والمحبة ، وهو بإذن الله كذلك ما عمـرته
طاعة الله واجتنبت محارمه .
ومني لكِ خالص دعواتي بحياة إيمانية سعيدة ،
او
مبارك( اسمها ) .. ليهناك اليوم بيننا عروساً تُزفين إلى رفيق الدرب
..تبنيان معاً عشكما الجديد .. دعواتي بحياةٍ ملؤها السعادة والتقوى

ابوغــانم

19-08-04, 08:59 AM

وينك احزان قلب الله يهديك ابطيتي علينا عطينا الي عندك الجماعه جاز لهم الشغل يحسبون اني انا الي متكلف بالهرج عاد ما صدقوو خبر جت العائله كلها تبي اسويلهم ادروع واكتب لهم كلام افزعو افزعو تراني ما اقدر الحق عليهم

مازلنا نستقبل التبرعات على هذه الصفحه

للمعلوميه ترى اي قصيده كتبت هنا تم الاستفاده منها ولله الحمد تكللت العمليه بالنجاح وما زلنا بنتظار الجديد ونشكر بنت اهلي والثانيه الي اسمها انجليزي اثركم راعين فزعات وانا مستهين فيكم
وينك يابو غانم تشوفني وانا ما غير اصلح بالدروع وانت تتريق علي بموضوع عرسك الي انت مستانس به

ههههههههههههههههههههههه

صراااااااااحه مادريت إن لك شعبيه الى هالدرجه ...

لكن رووووووووووح الله يوفقك تستاهل يابعدي ..

لو المنتدى فيه (2) مثلك ومثلي ..كان يصير المنتدى قووووووود فري قووووود << بلشن بلنقليزي

بس تراك ماقلت لي وش وظيفة البنت اللي تبي تعرس