أسئلة عن البهاق الله يشفيكم ويبعده عنكم!

[جيوكاندا]

السلام عليكم ورحمة الله وبركاته
تحية طيبه لكم جميعا
وأتمنى من الله الشفاء العاجل لنا ولكم

ماأبي أطول عليكم... لكن عندي بعض الاستفسارات عن البهاق الله يبعدكم عنه

أخوي مصاب بمرض البهاق من فترة طويله يعني أكثر من 10 سنين...
جرب الأشعة والأدوية وللأسف البهاق زاد...
وغسلنا يديننا من المستشفيات والأطباء

وألحين أملنا بعد الله بالطب الشعبي...
لكن المشكلة زي ماانتوا عارفين إن النصابين كثار وعلى أفا من يشيل!! ومافيه رادع لهم....
فودي أسألكم سؤالين...

فيه أحد جرب علاج الدكتور رضا الشمري... وهذا موقعه
http://www.dr-ksa.com/
يقول يعالج البهاق بكم يوم!!!
أنا ماأحب سالفة "كم يوم" ذي.. أحس فيها مبالغة وأخاف فيها نصب لكن ماودي أظلمه وأنا ماجربت

سؤالي الثاني وهو الأهم.....
مانتائح تجاربكم مع العلاج الشعبي....
يعني وش رايكم بالاطمنطا مثلا؟؟ أنصح اخوي به وإلا لا؟؟

اخوي مضيع الطير (أو أي أحد غيره) هل انت جربت زيت الضب؟؟ نفع وإلا مثل غيره ضيع الوقت على الفاضي؟؟وعصير الجزر وش رايكم فيه؟
وعلاج خالد اللي هنا
http://www.qassimy.com/vb/showthread.php?t=114080
هل تنصحوني أقول لأخوي عنه؟؟

سؤال ثالث... أدري قايله اثنين بس تحملوني شوي...
مامدى فعالية المكياج الطبي مثل كوفر مارك أو كفر ديرم في إخفاء البهاق اللي بظاهر اليد بالنسبة للرجال أقصد؟؟
يعني إذا شراه أخوي يدهن كل يده وإلا بس المنطقة المصابه؟؟
وأيهم أفضل الكريمات وإلا البخاخات حقات الرجلين لو يستخدمنهن ليده؟؟

أدري طولت عليكم وكلفت عليكم بعد
الله يشفيكم عاجلا غير آجل
الله يبعد عنكم كل الأمراض ويجعل ماأصابكم تكفير لذنوبكم ورفع لدرجاتكم بالجنة
قولوا آمين

[خلود$]

مرحبا اختي تقصدين علاج الاطمنطا الي من مصر.؟
اذا كان هذا فأنا جربته من 15 سنه الحق مافادني بشي..... اما بالنسبه للمك اب فأختي سعبوله تمدح نوع بخاخ وذكرت رقم الهاتف في احد المواضيع الحديثه........
الله يكتب الشفاء لأخوك يارب

[رزينة حكيمة]

هلا أختي
استخدمت كثير من ادوية الطب الشعبي وأغلبها عسل وكريم ومرة طلبت من دبي نفس السالفة من مركز مشهور عسل ومحلول أحطه مع التعرض للشمس مع سفوف أعشاب للبطن
وأتوقع كلهم نفس السالفة عسل وكريم حتى مرة دفعت مبلغ ويوم وصلني وفتحت الكريم بغيت أصيح وربي نيفيا ومفرغينه في علبة ثانية بس اللوشن
وماأتذكر أسماءهم بس مواللي ذكرت فوق
وكمان عندي البهاق في الأطراف ولكن في النهاية لجأت للتبييض والحمدلله على كل حال ولو كان عنده منتشر في داخل جسمه كلميه عن التبييض

وأما بالنسبة للكريم كوفر مارك ماناسبني مع ان العبوة فيها 3 درجات
وأحسن شي ناسبني هو من المركز الوطني للبهاق وكنت أحطه على البقع فقط ومسحة خفيفة على باقي اليد والحمدلله اسعفني في كثير من الاوقات ومن معزتي له محتفظة بالعلبة إلى الأن

دعواتي لأخيك بالشفااااااااااااااااء العاجل
وأي استفسار حنا والإخوة حاضرين

أما بالنسبة للكريم

[_كلي ألم_]

السلام عليكم ورحمة الله وبركاته

فيه أحد جرب علاج الدكتور رضا الشمري... وهذا موقعه
http://www.dr-ksa.com/
يقول يعالج البهاق بكم يوم!!!
أنا ماأحب سالفة "كم يوم" ذي.. أحس فيها مبالغة وأخاف فيها نصب لكن ماودي أظلمه وأنا ماجربت



وعليكم السلااام

هلا ياقمررر

أنا جربت حق رضا الشمري لمدة 4 شهور ع الفاضي <<سالفة كم يوم بكش في بكش

هو عباره عن كريم وعسل فيه أعشاب طعمها يدوخ >>أعطاني كبسولات أعشاب بدل هدا العسل

والله ياقلبي مررره مانفعني بشي يمكن الكريم بعد كم شهر يجيب نتايج حلووه بس

من أول ماوقفته رجع اللون ولا كأني استفدت شي كمان في منطقتين صغيره مرره برجلي صارت

مجعده ومكرمشه <<لاتدققي بأسلووبي (a14)

ع العمووم امكن اللي مافاد معايا يفيد مع أخوكي (qq1)

أهم شي خليه يستخير قبل مايجرب أي علاج وربي حيكون معاه


أدري طولت عليكم وكلفت عليكم بعد
الله يشفيكم عاجلا غير آجل
الله يبعد عنكم كل الأمراض ويجعل ماأصابكم تكفير لذنوبكم ورفع لدرجاتكم بالجنة
قولوا آمين


ولا كلفه ولاحاجه ياعسل<<<نحنوووو برسم الخدمه :)

آآمين يارب وياكم

[@نقطة سعبول @]

مرحبا اختي تقصدين علاج الاطمنطا الي من مصر.؟
اذا كان هذا فأنا جربته من 15 سنه الحق مافادني بشي..... اما بالنسبه للمك اب فأختي سعبوله تمدح نوع بخاخ وذكرت رقم الهاتف في احد المواضيع الحديثه........
الله يكتب الشفاء لأخوك يارب
هههههههههههه ضحكتيني والله سعبوله ههههههه صحيح انه البخاخ مثالي بس رفعوا سعره الجشعين الله لا يهنيهم ههه

[جيوكاندا]

هلابكم كلكم.....

خلود:
هلا بك يالغالية.. تصدقين ماتوقعت إن الاطمنطا ماتنفع... أشوف د.جابر القحطاني يمدحها قلت أكيد زينه!!!
الله يشفيك عاجل غير آجل..ويرفع درجاتك ويعز مقدارك دنيا وآخره

أحلى المنى:
مشكوووورة على وضع تجاربك.... انت مثل أخوي والله يشفيكم كلكم عاجلا غير آجل
جرب علاج من الملحم اللي بالرياض مع إنهم يمدحونه مره... وهو قال إنه جتني حالات بهاق وعالجته..
لكن بصراحه العيب ماكان بالعلاج... اخوي ماكان مستمر يعني الكريم المفروض 3 مرات وهو يحطه مره وحده وساعات مايحطه
اللي يعجبني بالملحم مصداقيته.... يعني حتى الأعشاب مكتوب عليهن أسمائهن... يعني مو لازم تشترين منه بس خوذي أسماء الأعشاب...
والعلاج من 50 إلى 100 يوم تقريباً... بس للأسف أخوي زي ماذكرت مل وطفش وتركه... مع إني كنت متفائلة بالعلاج

الله يفكه ويفككم من تعب العلاجات

كلي ألم:
الله يبعدك عن الألم...ويشفيك ويسعدك...
تصدقين... أنا مااعجبتني سالفة كم يوم... بس الغريق يتعلق بقشه
وأنا ماقلت لاخوي شي
لأنه بصراحه كذا مره أعطيه طريقه من النت وأعطيه أمل وآخر شي مافيه فايده والشافي الله
ألف شكر لك على طرح تجربتك

نقطة سعبولة
هلا بالغلا.... ألف شكر على تجاوبك
أنا قريت تقريبا نص المواضيع اللي بالمنتدى وقريت كلامك عن البخاخ....
بس تتوقعين ينفع للرجال؟؟؟
طيب يحطه بكل يده؟؟
انت تقصدين هذا صح؟
http://www.mstaml.com/imagesData/254636-736.jpg

لقيت سعره بـ 75 ريال.... كان قبل أرخص؟
وش رايك فيه.... أقصد للرجل... وأي درجه ناسبتك؟؟ لأن اخوي أبيض شوي وماودي آخذ له الفاتح يصير واضح إنه حاط مكياج
محتاره مررره
خاصة إنه لازم أطلبه طلب... يعني ماأقدر أجربه بيدي قبل!!!


الله يشفيكم كلكم عاجلاً غير آجل
الله يسعد كل من قرأ أو رد على هذا الموضوع ويجعل ماأصابه تكفير لذنوبه ورفع لدرجته بالجنه
بالتوفيق...
وفي انتظار الباقين

[جيوكاندا]

انتظرك يانقطة سعبوله...............
تكفين ردي علي