ليـــــــــــــــش كـــــــــــــــــــــــــذا؟؟؟؟

[قصيمي موووووووت]

..... لـــــــــيـــــــــش كــــــــــــــــــــــذا .....

--------------------------------------------------------------------------------

هلاااا شبااااب ... هلاااا صباااايا


(( لـــــــــــــيـــــــــــــش كــــــــــــــذا ))


هو موضوع اعبر فيه عن انتقادات تحصل في حياتنا العامه

منها ما يخصنا ومنها ما يخص غيرنا .. وانا لا اعمم فيها

لكن قد تكون مائله الى خانة الاغلبية .. نشوفها مع بعض



ناس كثيره تنتقد غيرها في المبالغة في التكاليف الزائده في عزايمهم وزواجاتهم
واذا جت العزيمه عند واحد منهم تعال تفرج على انواع التكاليف اللي يحزن لها القلب قبل العين.
لـــــــــــــيــــــــــش كـــــــــــــــذا ..





رجال المرور ( الله يعطيهم الصحة والعافية ) يحسبون انفسهم دايم على صواب وان المواطن
هو اللي يغلط بس .. واذا غلط ياخذ جزاه ولازم يجلس يترجاه ويعتذر ..
لكن اذا غلطوا هم يمشون الموضوع ولا كان شي صار وبدون حتى اعتذار بعد .
لـــــــــــــيــــــــش كـــــــــــــــذا ..




جلست اسولف مع واحد من الشباب عن القصه البرجسية .. وكان الرجال زعلان على
السماح لجوال الباندا وامثاله بالدخول والانتشار دون حسيب او رقيب .. لان طلعت
مشاكله اكثر من وفوائده شوي ودق جواله .. بس ما رد عليه .. ودق مره ثانيه ولا رد ..
طبعا الرجال حاط الجوال في جيبه بس النغمة نغمة الباندا .. وهو استحى يرد قدامي
لانه بينكشف انه من انصار هالجوالات وهذا معناتها انه جالس يقول كلام ويسوي عكسه
لـــــــــــيــــــــش كـــــــــــــــذا ..




واحد من الشباب متزوج من خمس سنوات تقريباً سالته : هل حياتك الان وكلامك
وتصرفاتك مع زوجتك هي نفسها اللي كان خلال شهر العسل ( مثل ما يسمونه ) ؟؟
قال : طبعاً لا اختلفت .. سالته : ليش طيب ؟ قال : الظروف اختلفت
قلت له : والله ما اختلف الا راسك .. المفروض تكون حياتك كلها شهر عسل
لــــــــيــــــــــش كــــــــــــذا ..




ليش الشركات اللي ما يهمها الا استغلال عملائها وتنظيف جيوبهم .. اول ما تشوف
شركات جديده منافسه نازله السوق تبدأ في تقديم العروض والتخفيضات وعمل كل
شي من اجل كسب رضاء العملاء واستعطافهم بعكس ايااام زماااان ..
لــــــــــيـــــــــش كــــــــــــذا ..




الوحده اذا كانت معزومه في زواج اوعند صديقاتها او حتى طالعه للسوق
تحصلها حاطه اللوان قوس قزح في خشتها .. ولبسها فيه جميع انواااع الاغراااء
والعطور حدث ولا حرج .. لكن تعال تفرج عليها في بيت زوجها ..
تصدقون ان بعض الازواج احيانا ما يفرق بين زوجته والشغال .
لـــــــــيــــــــش كـــــــــــــــذا ..




بعض الشباب تحصله طول يومه وهو في هالاستراحه .. وما عنده غير تقليب في
هالقنوات ولعب البلوت والمعسل شغال صح تقول كان فيه حريقه من كثر الدخان ..
وسعة صدر حتى الصباح لكن اذا جاء وقت الصلاه تحصله اما نااايم او مطنش
ولا كانه سمع الاذان .
لــــــــــــيـــــــــش كــــــــــــــذا ..




شخص متفوق في دراسته بجميع مراحلها ( ابتدائي ـ متوسط ـ ثانوي ـ جامعه ) يعنى
الرجال شاد حيله طول حياته .. وكل طموحه انه يحصله وظيفه تكون هي بداية الاستقرار
الفعلي في الحياه وبعد البحث والتعب حصل الوظيفه وقدم عليها .. لكن للاسف ما كانت
من نصيبه وراحت لشخص ثاني يتمتع بحصانه اسمها ( واسطه ) رغم ان التوفق
في جهه وهو في جهه .
لــــــــــــيـــــــــــــش كـــــــــــــذا ..




بعض القنوات اشوفها شاده حيلها في زيادة سطور وخانات شات الرسايل والسواليف
اللي فيها وطبعاً انا ما الومها حتى لو صارت الشاشه كلها شات
دام فيه ناس متخلفه همها الاول والاخير هالشي .
لـــــــــــــيـــــــــــــــش كـــــــــــذا ..




فيه مجموعه من الناس تحصلها تسافر وتوسع صدورها وتغير جو ويصرف بدون حساب
وانا مو ضد هالفكره .. لكن المشكله انه في ديرته اذا شاف واحد محتاج او اعلان خيري
صد عنه ولا كانه شاف شي .
لــــــــــيــــــــــــش كــــــــــــــذا ..


وللجميع تحياتي

[ابو الترحال]

سلمت يمينك أخي قصيمي موت (والليشات كثيرة جدا:() الله يعيننا على أنفسنا .

[فجر]

كلامك على العين والراس.... بس ما يمشي بعالمنا الحين ويعتبرة البعض خيالي يعني انت المفروض تسمي نفسك أفلاطون والمدينة الفاضلة هي بريدة !!!!!!!!

[شيخة الكعبي]

والله صدقت ياخوي قصيمي كلامك مية مية

لكن من يسمع عاد ..

[الغامض]

الباندا

هبل

في
عقول الناس

[النايفه]

كلامك سليم وصحيح


بس ماباليد حيييييله



اهم شي ان كل واحد يحاسب نفسه عدل ولايتكلم وانا اايد كلامك ياخوي قصيمي مووت


والله يعين


اختكم
النايفه

[سيف العداله]

تسلم يا بعدي