كيكة الجلكسي.. رهييييبه

[بنت السليم]

السلام عليكم ورحمة الله وبركاته

تصدقون قاعده اكتب الطريقه الحين وانا قاعده ابلعها:o

والله تجنـــــــن

بس فيه خطأ انا سويته :md: .. بقول لكم اياه اذا خلصنا



المقاديــــــــــــــــــــر

ثلاث بيضات ... كاس وربع سكر

ثلاث ملاعق حليب نيدو(جاف) ... ثلاث ارباع كاس زيت

نص ملعقه صغيره فانيلا ... كاس حليب سايل

ثلاث ملاعق كبيره كاكاو بودره



نخلطهم مع بعض بالخلاط ..

بعدين ناخذ كاس من الخلطه ونحطه على جنب

والباقي نحط عليه كاس ونص دقيق ( طحين ) ابيض وملعقه كبيره ونص بكينق بودر

وندخله بالفرن...

واذا خلصت نصب عليها الكاس اللي حطيناه على جنب

ونبشر عليها جلكسي

<<< اللي قاهرني مسمينها كيكة الجلكسي والجلكسي اللي فيها ما يسوى نسمي طبخه عشانه

...

الحين بعد ما خلصنا بقول لكم وشو الخطأ اللي سويته

بعد ما سويت الخلطه وخذت كاس منها

حطيت الطحين والبكنق بودر وشفت ان الخلطه خفيفه يعني السوائل كثيره

وزدت ملعقتين طحين وليتني ما زدت لانها خربت كل شي :cl:

يعني اذا شفتوا الخلطه خفيفه لا تتلقفون مثلي وتزيدون طحين



وسلامتكون







.

[طموح]

أسما شكلها حلللللللللللوه إن شالله بسويها

[شيخة الكعبي]

ماابي اتعقد بالكيك خلاااااااااص يكفي تجاربي السابقة <<< وحده متحطمة نفسيا

انا مادري ليش كل مااسوي كيكة ماتنتفخ ليش ليش ليش << نقز لها عرق

مع اني احط بيكنج باودر كثيرر .. شو هالحالة

:o

[بنت السليم]

طموح

أسما شكلها حلللللللللللوه إن شالله بسويها
اكيد حلوه .. مهب انا اللي حاطتها:o


..............

احزان


وين كنتِ غاطسه الفتره اللي راحت انت ووجهتس:eek:

<<< شانت الاخلاق


اقولتس ليه ما تنتفخ

يمكن تدخلينها الفرن وهو بارد , يعني قبل ما تجهزين المقادير

ولعي الفرن عشان يصير حار

او انتس ما تخلطينها مع بعض زين , يعني خليها من ثمان الا عشر دقايق وهي تخلط

او انتس تفتحين عليها الفرن في العشر الدقايق الاولى

وبعدين ترى مهب زين تكثرين البكنق بودر يصير طعمها مر شوي:md:

[شيخة الكعبي]

والله اني توهقت مع هالكيكه ، واعده ناس اسوي لهم كيكه وللحين ماارسلتها صار على السالفة الحين شهرين مدري ثلاثة والسبب الكيكة

لا اقووولك اذكر ذاك اليوم مسوية كيكه بالتوفي وفرحانه مررة لانها طالعه حلوة صح مو منتفخة لهناك بس شكلها مشهي واروووح اوري اهلي الكيكة خخخخخخخخخ شوي الا تتقطع عني والله من رداة الحظ وانا وخيتس ومن ذاك اليوم حرمت اسوي كيك :o


عموما تسلمين لو اني تقريبا اسوي هالاشياء ماعدا الفتح بين العشر دقايق مرة انا ومرة اخواني عاد تعرفيين التماسيح مايصدقون حد يسوي اكله الا يهجموووون عليها (e)


تحياتي لتس

[نجم سهيل]

وااااااااااااااااا ياويلي ماعندي احد يزينه لي ام العيال ورايحة لمكه ....

مير انحصل تكزينلنا منه شوي يااسماء ......

ولا ابروح اشري من البقاله كيك الجلكسي ويسد ......

[بنت السليم]

احزان

ههههههههههههه الله يرج بليستس وراتس كذا:o

عندي لتس فكره حلوه ( اذا كنت بتودين كيكه لناس)

شوفي احنا اذا جونا ناس فجأه يعني ما استعديت لهم

ادق عالمخبز اللي حولنا وأقوله يسوي كيكه بالبرتقال وتكون عاديه

يعني مافيها لا كريمه ولا زينه ولا شي ( كنها حقت بيت)

واذا جابوها اقطعها حلقات وازينها يقشر البرتقال

وأحطها ويحسبوني أنا مسويتها(e)

صدقيني هالفكره روعه :rolleyes:

بس مهب تاخذينها حلا كل ما جوكم ناس سويتيها


......................
نجم سهيل

يباع في البقالات كيك الجلكسي(tt)

وبعدين ورى ما تسويها انت يامال الصلاح

هذي المقادير والطريقه قدامك سوها ومنتب خسران شي

[شيخة الكعبي]

لأ يعني لأ

مابي اجيب كيك من المخبز انا ابسويها كلها عشان يمدحونن خخخخخخخخ يقولون والله وتعرف تطبخ وراني كذا صدز :o

طيب مشكوورة

[أم أديم]

مشكورة اسماء لا عدمناكِ



:rolleyes:

[بنت السليم]

أحزان

يعني مسويه فيها طباخه .. الله يخلف على امن جابتس

هذا جزاي اعلمتس هالفكره

على كولن اذا ضبطت الكيكه معتس علميــــــــن


............


قصيمية

مشكورة اسماء لا عدمناكِ

معفوة قصيمية لا عدمناتس

[بنت نجد]

بسم الله الرحمن الرحيم

السلام عليكم ورحمة الله وبركاته

سمسومه حبيبتي ... وشذا الكيكة السنعة .. ماشاء الله عليك

تسلم والله اصابعك اللي كتبتها لنا ...

الله لايحرمك الأجر ياغالية

حفظكِ الله

محبتكِ

بنت نجد

(qq140) تستاهلين هالوردة

[سيف العداله]

تشكرات كثيرات (qq40)

[بنت السليم]

بنت نجد...

سمسومه حبيبتي ... وشذا الكيكة السنعة .. ماشاء الله عليك

وشو سمسومه!! دلعي عمشا الله لا يهينتس(q91)

واكيد الكيكه بتكون سنعه .. لاني انا حاطتها(q84)

عارفه ودتس بطابوقه على راسي

وتسلمين عالورده بس لو كانت صفرا ومنقطه بالخضر والازرق كان صارت ازين:cl:



سيف العدالة...

تعفوات اكثر:)

[تحلى الدنيا]

ول شئ تسلمى على كيله الحلوه
شئ ثانى ياختى خفيفى لسانك ما سبتى احد جيتى خبر
شئ رابع عندى سوال؟
ممكن نضيف اوصال شكولاته؟
والله يعطيك العافيه
تشكرات كثير

[بنت السليم]

اهلا وسهلا بكِ اختِ الكريمة

اصدقك القول يا حورية اني لم افهم مرادك من هذه العبارة

شئ ثانى ياختى خفيفى لسانك ما سبتى احد جيتى خبر
ما فهمته منها (ان لساني طويل ) نعم صدقتِ بهذه

ولكن ما معنى (ما سبتى احد جيتى خبر)<< رجاء وضحيها

شئ رابع عندى سوال؟
قصدكِ شئ ثالث

ولكن يا عزيزتي ماهي ( اوصال شوكولاته ) لم اسمع بها من قبل!!

اتمنى منكِ شاكره ايضاحها

ثم اين توضع هل في الخلطه ام لـ الزينه

والله مير يسلمتس <<< وراتس خربتيها في النهايه

[هبه]

ههههههههههههههههههههههه

أسماء الله يغربل بليسك

جلست اقرا ردودك واضحك ونسيت الكيكه

يسلمو اسماء على الطريقه

من اول بدخل بس مادري وش رادني

[بنت السليم]

هبه يا الدبيه قاعده تقرين الردود وناسيه الكيكه

يا بنت الحلال جاملي وقولي الكيكه تهبـــــل :o


يسلمو اسماء على الطريقه
خخخخخخخخخخخخخخخ

مشي حالتس يا مره

[دلع عيني دلع]

ياحبيلك يا اسماء

مت من الضحك عليك انتي وحوريه هههههههههههه (qq67)

ويسلمووو على الكيكه

لك ارق تحياتي

[مناير]

(qq42)

يسلمووووووووووووووواكيد لذيذه كلك ذووووووق

[بنت السليم]

دلع عيني دلع

تدرين ازين مافي ردتس البنت اللي جنب اسمتس(e)
وقلبوووووس تهبل

لالا امزح لا تصدقين يالدبيه(q83)




مت من الضحك عليك انتي وحوريه هههههههههههه
يابنت الحلال وش اسوي عجزت افهم عليها



ويسلمووو على الكيكه

عارفه انتس تمشين حالتس

ولك اجفــــس تحياتي يا قشطه


...............

مناير

عارفه اني ذروووق(wtg)

يؤ يؤ يؤ اقصد ذووووق:md:

تسلمين حًَُبي على المرور