النقش على الحجر

[فلته]

بسم الله الرحمن الرحيم

السلام عليكم ورحمة الله وبركاته

هذا الموضوع هو تلبية لطلب الدبدوبه وأتمنى أن يحوز على رضى
الجميع وأن يكون درس ممتع ومفيد ولكن يجب التنويه أن الدرس
يحتاج إلى تركيز ومتابعة الخطوات بدقة كبيرة كي نحصل على
تطبيقات رائعة تحسسكم بالرضا وتذهب بتعب العمل بعيداً.

أول شي الدرس يرتكز على بناء ذلك الحجر الذي سوف ننقش عليه
ولكن طريقة البناء صعبة وتم تصنيفها للمحترفين فقط! وتأخذ وقت
أطول ولذلك سوف أختصر الموضوع وأعطيكم الحجر أو الصخرة
جاهزه وكل ما عليكم هو حفظها والبدء في الدرس

طبعاً يجب الضغط على الصورة لحفظ النسخة الكبيرة

http://www.qassimy.com/vb/uploaded/rocktexture1.jpg (http://www.qassimy.com/vb/uploaded/rocktexture.jpg)

بعد حفظ النسخة الكبيرة من الحجر أو الصخرة نفتحها في برنامج
Adobe Photoshop ونتبع الخطوات الموضحة بالصور

نذهب الآن إلى Channels وهي موجودة بجانب Layers
في الغالب في الجهة اليمنى من الشاشة

http://www.qassimy.com/vb/uploaded/rocktexture02.jpg

ونضغط عليها علشان تظهر لنا القنوات كلها

http://www.qassimy.com/vb/uploaded/rocktexture03.jpg

بعد كذا نشوف العيون اللي جنب كل قناة ونضغط على كل
وحده ونحاول الوصول إلى الصورة التي تكون داكنة وبدون
ألوان. في هذه الحالة قناة Red هي القناة المطلوب تفعيلها
لذلك نلغي جميع القنوات الأخرى ونخلي Red فقط.

http://www.qassimy.com/vb/uploaded/rocktexture04.jpg

الحين نبي نسوي حاجه جديدة من القناة هذي علشان كذا
نختارها ونضغط عليها بالفأرة اليمين وننسخها

http://www.qassimy.com/vb/uploaded/rocktexture05.jpg

على طول بيطلع لنا صندوق يسأل عن النسخة الجديده
نختار كما هو موضح في الصورة (أنا سميتها Faltah)

http://www.qassimy.com/vb/uploaded/rocktexture06.jpg

الحين النسخه هذي راح تكون هي لعبتنا لبعض الوقت
علشان كذا راح نختار Filter > Blur > Gussian Blur
ونضيف عليها القيمة 0.7 كما هو موضح في الصورة

http://www.qassimy.com/vb/uploaded/rocktexture07.jpg

الغرض من الحركه هذي عشان نخفف من حدة الصورة
في النهاية ويكون فيها شئ من السلاسه smooth يعني

نحفظ هذا العمل على صيغة PSD

http://www.qassimy.com/vb/uploaded/rocktexture08.jpg

ونقفلها خلاص لكن راجعين لها في بعد شوي

الآن نرجع إلى الصورة الأولى ونضغط على RGB
في خانة القنوات علشان نفعل القنوات الباقين
ونتأكد إنها كلها ملونه باللون الأزرق Highlited يعني

بعد كذا نرجع ونضغط على Layers اللي جنبها طبعاً
ونروح نكتب اللي نبيه على الصوره

http://www.qassimy.com/vb/uploaded/rocktexture010.jpg

ونرجع مره ثانيه عند Layers ونضغط زر الفأرة اليمين
ونختار Rasterize Layer

http://www.qassimy.com/vb/uploaded/rocktexture09.jpg

الحين نبغى نفتح الصورة اللي قفلناها لكن عن طريق
Filter > Distort > Displace

بيطلع لنا صندوق يسأل عن المعطيات ونخليه في
الغالب مثل ما هو لكن مايمنع إننا نقلل أو نزيد فيها
أنا على سبيل المثال إخترت 5% وليس 10%

http://www.qassimy.com/vb/uploaded/rocktexture011.jpg

بعد التأكد من المعطيات والموافقة راح يفتح لنا صندوق
ثاني وفيه الصورة اللي حفظناها بصيغة PSD

http://www.qassimy.com/vb/uploaded/rocktexture012.jpg

نختارها ونشوف وش اللي بيختلف بالصورة الأولى

http://www.qassimy.com/vb/uploaded/rocktexture013.jpg

الحين مابقى لنا إلا تعديلات بسيطه ونخلص إن شاء الله
على خير لأني عارف طولت عليكم لكن الدرس يستاهل

كمان نرجع عند Layers ونختار من الخانه اللي فوقها
Overlay وهي موضحة بالصورة أكيد

http://www.qassimy.com/vb/uploaded/rocktexture014.jpg

بعد إختيارها نلاحظ أن الصورة طلع شكلها قريب للحقيقه
مو مثل أول! الحين باقي اللمسات السحرية هههه :p

ننسخ الشفيفه هذي Doublicate Layer

http://www.qassimy.com/vb/uploaded/rocktexture015.jpg

ونلاحظ أن الخط صار أوضح من أول وبإمكاننا التحكم
في حدته لو ضغطنا على الأرقام من 1 إلى 9 في الكيبورد
وبهذا نكون خلصنا الدرس على خير والحمد لله رب العالمين

والصورة في الأخير تطلع مثل الصورة اللي تحت

http://www.qassimy.com/vb/uploaded/rocktexture016.jpg

[الشعبــي]

الله يعطيك العافيه

شغل ميه ميه:)

يسلم لي ها الابداع والله يامبدع:)

[سيف العداله]

تشكرات كثيرات على موضوعك الجميل :)

[الدبــدوبه]

وعليكم السلام ورحمة الله ..

مشكوووور اخوي فلته تسلم يدينك على هالدرس :) ..

مافصرررت والله يجزااك الف خيير ..

جهد جبااااااار قسم بالله .. الله يحفظك ويخلييك ..

حبيت اشكرك قبل مااطبق الدرس لاني اليوم ماقدر اجلس على الفوتوشوب ..

لكن لي رجعه قريبه باذن الله ..

شكرا فلته ماقصرت وربي ..

تحياتي لك ..

[الدبــدوبه]

هههههههههههه <<< تضحك والله من الفشيله :o ..

تصدق يوم ارد عليك يوم الخميس ماضغطت على الصور وشفت اسمي منوور الدرس :o ..!!

ياربييييه يافلته شكرا شكرا شكراااا ..

على فكره انا بديت اسويه وكالعاده مستحيل يمشي الدرس معي من اول مره (kk) ..!!

يوم اني حفظت عندي صورة الحجر مااااااطلع لي زي اللي بالدرس وش المشكله ..؟؟

وبعدين حجمها مرره صغنوووون ..!!

بانتظارك استاذ فلته :) ..

*_*_*

خلاااااااص لقيت المشكله شكل اسم الصوره غير يوم شلت رقم 1 طلعت لي بحجم كبير ..

اوكي قاعده اسوي الدرس واشوف اي مشاكل ثانيه وارجع :o ..



تحياتي ..

[الدبــدوبه]

تصدق عاد الدرس بـأسلووبك سهل مررررررررره ..

والله العظيم ماواجهني شيء كل شيء وااضح مره ..

الله يعطيك العافيه اخوي فلته بصراحه جهد راائع ..

واشكرك للمالانهايه على تلبية طلبي بكل هذي السرعه :) ..

شكرا اخوي فلته وربي ما أدري وشلون اردها لك لكن ان شاء الله بالافراح :o ..

الله يعطيك العافيه وتسلم ايدينك والله يخليك لنا ولا يحرمنا من هالدرووس الرائعه والذوق ..

وهذا تطبيقي عالسريع وباقعد بعد اتفنن شوي واوريك :p ..

[المذهل]

مشكور اخوي المبدع فلته
والله يعطيك العافيه
ويخليك لعين ترجيك

موضوع حلو وشيق
لكن المشكلة هل المرة مقدرة اطبق لن اكثر الكلمات بلنجليزي والفوتوشوب اللي عندي عربي

وحاولات كم مرة بس ماقدرت

ومشاء الله على دبدوبة تطبيقك روعه

[الشعبــي]

الدبدوبه

يسلمو يدينك


الغالى فلته

فيه عدة نقاط ما فهمتها من الشرح:o

وبإمكاننا التحكم
في حدته لو ضغطنا على الأرقام من 1 إلى 9 في الكيبورد

بس حاولت بطريقه اخرى وطلع معي بالشكل اللى تشوف

طبعا غيرت فى معطيات Displace

ان شاء الله يجي التطبيق حلو(qq)

http://www.qassimy.com/vb/uploaded/Untitled-31011.jpg

[فلته]

الشعبي

أشكرك على تواجدك وعلى رفعك لمعنوياتي
الله لايحرمنا منك ومن وجودك :rolleyes:

سيف العداله

أسعدني تواجدك وهذا من حسن ذوقك :rolleyes:

دباديبو

إن كنت أنا فلته فأنتي "شعله" ماشاء الله عليك
دائماً حريصه على تعلم كل ماهو جديد وحماسك
هذا راح يرفعك فوق في الدنيا والآخره بإذن الله.
أشكرك على التطبيق الأكثر من رائع :) لكن
لاتوقفي عند هذا الحد. طبقي الدرس مره ومرتين
وثلاث حتى يرسخ في ذهنك وتقدري بعدها تطلعي
تصاميم على ذوقك الحلو :rolleyes:

المذهل

والله ياخوي ماعندي عربي والا كان ترجمته كله
لعيونك لكن أتمنى من اللي يقدر يترجم أن لايبخل.
مشكور على الرد يا مذهلنا :)

مع أرق التحية لكلم جميعاً ولكل من زار هذا الموضوع (j)

اخوكم
فـلـتـه

[فلته]

تسلم يدينك على التطبيق يالشعبي والله جاي حلو
بالنسبة للنقطه اللي ما فهمتها أنا أقول لك عنها.

أنا كنت أقصد بعد مانسوي النسخ الخط راح يكون
حاد وقوي وهي مسألة ذوق وبهارات مثل مايقولون
يعني إذا تبي تسويها على حسب ذوقك والا هي زينه.

بإمكانك تخفيف حدة الوضوح من خلال الضغط على
الأرقام من 1 إلى 0 وذلك بعد ماتلصق النسخه!
أنا أتكلم على Opacity اللي هي عكس الوضوح

إن شاء الله قدرت أبين لك وما ضيعتك معي ههه :cl:

[الشعبــي]

الله يرجك الحين ضعت بزود:o

ماقصرت على التوضيح :)

اخوي المذهل

بالنسبه للعربي

اول شي تحول النص الى مشهد الشفافيه بالضغط على حرف T من قائمه اللير وتختار الامر من القائمة المنسدله

ثم تذهب الى اضافات وتختارتشويه ثم تشتييت وتختار الصورة اللى حفظت بنفس ماكان موضح بالشرح

وتختار اخير من الخصائص تغشيه وهي تقابل الامرOverlay فى النسخه الانجليزيه

ان شاء الله تكون وضحت لك

[فريق أول]

ألف شكر يالغالي ع الدرس المفيد ،،

والله يعطيك العافيه ،،

تحياتي

الفريق أول

[فلته]

أنا عارف يالشعبي لأني أنا ضعت بعد ههه (hjh)
ومشكور على توضيحك لاعدمناك

اخوي فريق أول

تسلم على كلامك وتشجيعك لنا وأسعدنا تواجدك :rolleyes:

[المذهل]

تسلم يابعد عمري فلوته على الدرس الحلو المزكرش
وكمان احلى سلام وتحية لبو الفزعات شعوبي بعد البي
على التوضيح

وهذا تطبيقي لدرس ولتمنى ان يكون على الوجه المطلوب
وشكرا ودمتم سالمين
http://www.qassimy.com/vb/uploaded/852.gif

[فلته]

شغل وردي يالمذهل وأحييك على إصرارك وهذا
إن دل على شي إنما يدل على قوة إرادتك وهذا واضح
ولله الحمد عند كل من الشعبي ودباديبو وأنا بدوري
أشكركم على تواجدكم المستمر وعلى دعمكم الدائم.

بارك الله فيكم جميعاً وأعانني على طرح المزيد مما
فيه الفائدة لي ولكم ولباقي الأعضاء والزوار الكرام

اخوكم
فـلـتـه

[الواهبي]

مشكور أخوي بس ترى مافهمت لأنه حضي دايم كذا ماطلع لي مربع اللي حفظت الشغل فيه تدرون وشرايكم تسونه لي اللي بيتبرع يكتب تعلم معنا لأنه ماراح يصلح عندي عارفه حظي

[شبيـه الريـح]

"أبدعت" بيض الله وجهك أخوي (ash)

[محب قصيمي نت]

http://www.qassimy.com/vb/upk/mo7bqassimy.gif