يوم ان طلبت(وا )عيادت (و) الموت(ي)

[مــــس نيـــوتن]

هذه السالفه حدثت عندما كنتو في الصف الاول ثانوي(qq6) كنت سهرانتن كعادتي ولكني احسست بشيئن بسيطن من الملل يحاول بشتى الطرق ان يصل الئ قلبي من اثر الروتين اليومي_ (لاننا بالعطله ببويتنا والعالم فعاليات وحركات بس السراحه ابوي اقترح علينا اقتراح نروح باريس وانا رفضت قلت وه بس احد يترك العز هذا ويروح لباريس الحر ) _فقلت لنفسي يخسي الملل يا اموول دوري لتس شي والله لو تزعجين الخلق كلهم عاادي ألزم ماعلى الانسان نفسه (q41)
الموهم ادوري لي شين اصلحه مير مابوه وفي لحظتن من اللحظات الشريره نظرت بخبث الي الهاتف فقلت لنفسي لماذا لاتزعجين خلق الله وتدقدقين عليهم بس خفت يكون عندهم كاشف واتورط وعقلت
لكن الشيطان ظل يلاحقني يقول دقي يابنت ماحد بيموت قبل يومه قلت للشيطان بس هذي فيها قص رقاب قال ماعليتس منهم مير لاتخلين شين بنفسك سوي اللي تبين
قلت شورك وهداية الله (qq15)
اخذت التلفون وكانت عريفوه معي واخترت ادق على سنترال المستشفى<<اهون من غيروه
ودقيت ودقيت محد يرد كانت الساعه 7 والله واعلللق لين ردت وحده داعيتن عليها امها
المشكله كانت ماتعرف عربي انا وبسراحه قلت عز الطلب لاني في كلمه بنفسي من زماااان ودي استخدمها وخفت مع مرورو الزمن انساها
قلت :هلووووو
اللي داعيتن عليها امها :يس
انا :هاو ار يو
اللي داعيتن عليها امها:آم فاين
انا <<<بكشخ بالكلمه اللي منذ مبططططي ودي اقولها :ار يو سبيك اربك؟؟
هي :نو
انا<<من زود الذكاء المره تحسي عنقليزي : ار يو سبيك انقلش؟؟<<<بس عشان احلل الجمله
هي: يس
انا:اجل هوليني على قشم الاشنان نيههههههههاي
المسيكينه ماتدري شسالفه وانا ووخيتي عريفوه الشر نضحك
وهي : وااااات واااات هلووو
مير ماحولتس احد واسكر السماعه عشان والله فاطسه ضحك
والله واعجبتني السالفه(qq15) وفي صباح اليوم التالي واسنتر عالتلفون من 7
واددددق رن رن رن
انا: هلوووو<<ما اعرف غيرها
المسيكينه ردت وهي والله اني حاسه فيها مقهوره
المووهم واستهبل بالعربي واسكر(a14)
بعدها نمت وقررت اني اجهز محادثه طووويله عشان اهذر معها (qq15)
لكن للاسف كان بكره خميس الموهم جهزت المحادثه مع عريفه من كوووتاب عنقليزي
عشان يوم السبت (q83) <<<والله لو هي دراسه مافتحناه
وجهزنا وحاولنا نطولها قدر الامكان وبعد لازم تكون اجوبتها متوقعه عشان مانتوهق
كانت كالتالي
hiiiiiiiiiiii
how are u??
how many your hours please؟
i want the clinc ........<<<تركناه فاضي عشان كان مطلوب عيادة الولاده بالسعال واحنا نبي الاسنان ومانعرف معناها وياليتنا تركناه الولاده اهون(qq152)

والله واتدرب عليها قبل المكالمه
يوم جا الوقت
رن رن رن (qq15)
ماردت
رن رن رن(qq15)
ماردت
رن رن رن(qq15)
ردت خخخخخخ
انا: هلوووووو
هي<<<وتسنها عرفتني : هلوو ون منت بليز
انا: ايه عادي
شوي وتجي الطامه
الله ياخذها هي وياه >>>عطتني صقيقها
هو: هلوووو
انا <<<وبلعت العافيه : هلوووو<<<<<والله وتحدثني نفسي تقول صكي السماعه يمال الوجع
ويجي الشيطان ويقول لا لا بعد كل هالتعب تصكين
قلت والله انك صاز خليني اكمل
انا <<<والله منحاسه وادور التفتر واخذ المحادثه واحووس الدنيا بغيت اسأله سؤال الميانه حق ساعات شغله بس اشوا اني فاهمه هالسعال وطمرته وسعلت اللي بعده بس بدال ما انطق كلينك نطقتها بشدده ع اللام <<خبركم عارفه عنقليزي
هو قاعد يصلح الخطأ وينطقها صح
انا بنفسي<<<<لايكثر خلصنا
قمت عدت السعال من البدايه
والمشكله ان الفراغ اللي اناتاركته نسيت اكمله وادقر واسأل عريفووه
انا:عرررريفوه وش معنى الاسنان بالعنقليزي
هي <<<من بعيد : تيث
انا لقطتها ديث
واقول له
i want the clinc death?
هو:: وااااااااااااااااااات واااااااااااااااااات وات وات وات

وظل يوتوت بعدين اطلق ضحكه كبيرررررررررررررره والله وماسكت
انا<<<محاوله للترقيع:وات يس نو بليز ثانكس ولكم واجيب كل اللي درسته
وعريفوووه النذله فااااااااااطسه ضحك وتهع هع هع تقولي طالبه عيادة الموت يالخبله
يمال الوجع تسان كتبتيها هالحين عندتس خميس وجمعه ماكفاتس الا تفشليني قدام هالفلبيني
وطوووول نقعني
انا وبكل براءه<<<لأني ماعاد سمعت صوته قلت بنفسي انه هون عن الضحك : هلووووو
السعودي <<وهومعصب : الو بس الو <<<ولسان حاله يقول فشلتينا قدام الاجانب يمال عربي ويخب .....
انا<<<<وتضيع علومي وانحاس وش جابه ولكن تمالكت نفسي ولملمت شتاتي وقلت: ابي عيادة الاصنان <<من زود الخرعه
هو وبكل نذاله : ماتفتح الا بعد8
انا<<ودميعاتي على خدي::شكرن
هو :عفون<<<ويمكن بعد ماقالها
واصك السماعه وانا متحطمه (qq79) (qq79)
وعريفوه مستمرتن بالضحك هع هع هع
وبعدها تووووبت هالحين بدال ما اطلب عيادة الاسنان طلبت عيادة المووت ليتني كنت تاركتها ع الولاده ارحم
وه بس ياعمري يا انا
والان اليكم كالعاده شرووط الرد:

1- يجب عدم تفشيلي لأن اللي حصل يكفي لفشلة عشر سنين قدام
2-لابد من ارسال ورقه وعليها توقيعكم لمدير المووووستشفى عشان يطردون هالفلبيني وصديقته اللي ضحكوا يمالهم للخالوع اللي يخلع هير مدري هز تيث
3-لو كان في اللي يدرسونا خير ماتفشلنا لذلك يجب على الطلاب الاضراب عن طراسة اللغه الانقليزيه والمطالبه بدراسة الفلبينيه
وختامن تقبلوا فاااااائق تفشيلاتي
اختكم امووول (qq15)

[الناااعسة]

محجوز

بقراة ورد

مشكورة مقدما

[الناااعسة]

أمول ياقلبي

برد بكرة

نعسانه مأشوف

[المارد الازرق]

الله يهديك يالناعسه

سبقتيني

اموول

اذا ما تحطيني الاول

والا ما برد على موضوعك

[غريب بدنيتي]

شكل موضوعك فله

بس المشكله

يبي له ترويقه (qq152)
بجيكم بكره اقراءه ولموا القهوه :)

[المارد الازرق]

لي عوده

[مــــس نيـــوتن]

أمول ياقلبي


برد بكرة


نعسانه مأشوف


نوم العوافي والله استعجلت فيه عشان دندوشه ورحيل قبل ينامون

[دندوشهـ]

نتقبل تفشيلاتس بروح رياضيه وننتظر الباقي..
وتصبحين على خير..

[$&رحيل&$]

أمول..
إلا باريس..
تراني مجربتها حررررررر موووووووووت..

[*أسيرة الذكرى*]

(qq166) (qq166) (qq166) (qq166) (qq166)

والله مادري وش اقوووووووووول >> ماتبينا نفشلتس(a14)

والله من الطرطعه بتس (a26)

يامال الثااانكيووو على القصـــــة(q30)

[بدر المشعل]

يتم تعين هالبنية في مستشفى قصيمي نت عاملة سنترال وذلك لاجادتها اللغة الانقليشية والاوردية


يعتمد تنفيذ امرنا هذا

والله الموفق

[$&رحيل&$]

أقول وين توقيعي الأول راح..؟؟

[سيف عبدالله]

والله ودى افشلس بس موضوعك حلو

اضحكنى يالموطرطعه

تسلمين على التنسيم الذى ليس له حدود 00

باريس هاه

[دندوشهـ]

أمووول نسيت اقول لي عوده باتسر..
تراني مجربتها حررررررر موووووووووت..
مجربتها يوم تروحين تدرسين فيها السنه الجايه..

[$&رحيل&$]

والله استعجلت فيه عشان دندوشه ورحيل قبل ينامون
يلوموني فيتس امول..

[مــــس نيـــوتن]

الله يهديك يالناعسه


سبقتيني
ماقلتلك دب دايمن نسبقك (a14)

اموول

اذا ما تحطيني الاول


والا ما برد على موضوعك


الأول مكرر(a26)

[مــــس نيـــوتن]

شكل موضوعك فله


بس المشكله

يبي له ترويقه (qq152)

بجيكم بكره اقراءه ولموا القهوه :)

خلاص لاتجي دام فيها قهوه (qq152)

[مــــس نيـــوتن]

لي عوده

خذ راحتك خيو:)



نتقبل تفشيلاتس بروح رياضيه وننتظر الباقي..


وتصبحين على خير..

يابعد قلبي ولك بحبك
وانت من اهله :)
اموووووووووووووووووووووووح

[عريفة الفصل^-^]

وه بس ياعمري يا انا
والان اليكم كالعاده شرووط الرد:

1- يجب عدم تفشيلي لأن اللي حصل يكفي لفشلة عشر سنين قدام

تكفي عشرين سنه مو عشر (a14)
2-لابد من ارسال ورقه وعليها توقيعكم لمدير المووووستشفى عشان يطردون هالفلبيني وصديقته اللي ضحكوا يمالهم للخالوع اللي يخلع هير مدري هز تيث

اما ضحكة الفبيني شئ هههههه الشئ الوحيد الي فهمته منه
3-لو كان في اللي يدرسونا خير ماتفشلنا لذلك يجب على الطلاب الاضراب عن طراسة اللغه الانقليزيه والمطالبه بدراسة الفلبينيه

اي والله لو يحذفونها ابرك انا مافهمتها الا ثالث ثانوي اما قبله كنت دايخه فيها مره (qq1)
وختامن تقبلوا فاااااائق تفشيلاتي
اختكم امووول (qq15)

صز اختنا انتي
انا عن نفسي متبرية منتس عاد هم بكيفهم (a14)

[مــــس نيـــوتن]

أمول..

إلا باريس..

تراني مجربتها حررررررر موووووووووت..


لا وزااايده هاليومين موووووتن حمر(a14)
خخخخخخخخخخخخخخخخخخ

[مــــس نيـــوتن]

(qq166) (qq166) (qq166) (qq166) (qq166)


والله مادري وش اقوووووووووول >> ماتبينا نفشلتس(a14)

والله من الطرطعه بتس (a26)


يامال الثااانكيووو على القصـــــة(q30)


العفو
ياااااااااااااااااااانذله ناويه تفشليني (qq152)
اشوا اني كتبت الشروط (a14)

[smile]

قلت شورك وهداية الله (qq15)

اما شورك وهداية الله للشيطان وشلون جت

how are u??
how many your hours please؟

كخخخخخخخخخخخخخخخخخخخخ
وش جاب الاستفهام يسار

بلاوي

[مــــس نيـــوتن]

يتم تعين هالبنية في مستشفى قصيمي نت عاملة سنترال وذلك لاجادتها اللغة الانقليشية والاوردية
وسيتم تكفيخك ان شاء الله ووضعك على احد اسرة الموووستشفى
نعنبو ابليسك من دختورة عظام لسنترااااال (qq152)
يعتمد تنفيذ امرنا هذا

والله الموفق
يتم الغاء ماسبق والا سيتم تنفيذ ماسبق خخخخخخ(a14)

[مــــس نيـــوتن]

أقول وين توقيعي الأول راح..؟؟
بجيبي

[مــــس نيـــوتن]

والله ودى افشلس بس موضوعك حلو

اضحكنى يالموطرطعه

تسلمين على التنسيم الذى ليس له حدود 00

باريس هاه
اول مره يعجبك شي
بلى والله من نذااالتك(a26) <<<<ماينفع معي لو تحلس وتملس خخخخخخ(a14)

[@@ زهرة البراري @@]

بروق وارجع لك الله يقطع بليسك

هههههههههه

[غريب بدنيتي]

احس موضوعك دجه وانا ماقريته مدري ليه (a26)

<< حقد يبي القهوه (d)

[مــــس نيـــوتن]

أمووول نسيت اقول لي عوده باتسر..

عودي متى ماتبين البيت بيتي خخخخ

مجربتها يوم تروحين تدرسين فيها السنه الجايه..

السنه الجايه يؤ يؤ يؤ
شعرفك (qq152)
تسنك كنتي معنا (a26)

[بدر المشعل]

يتم الغاء ماسبق والا سيتم تنفيذ ماسبق خخخخخخ(a14)

تعديل وزاري

ينقل قسم السنترال الى مديرة قسم العظام وتتولى دختور العظام الاشراف على الوظيفتان ويحسب

لها راتب دختورة عظام وعاملة سنترال

والله الموفق

نحن بدر المشعل

اقول امانة لاترديني راتبين ياعبيطة

[غريب بدنيتي]

بروق وارجع لك الله يقطع بليسك

هههههههههه

الموضوع وش يتكلم عنه مالي نفس اقراءه كله الوان تدوخ (qq152)

[مــــس نيـــوتن]

يلوموني فيتس امول..

احررررررجتيني تالي الليل (وجه محمر )

[العنـــود]

هههههههههههههههههههههههههههههههههههههههههه
والله الفضاوة تصنع بلاوي
اغدين اجي عندك اذا فضيت

[همس الأزاهير]

وظل يوتوت


اقوووووول
متعوب عليها ظل ويوتوت



وات يس نو بليز ثانكس ولكم واجيب كل اللي درسته


تصدقين هونت ماراح ادور وظيفه
اخاف جهدي يروح هدر
عقب اللي قريته

i want the clinc death?


والله شكلك رايحه فيها..
الله يرحم العنقليزي

موضوع خطير
ذكرتيني بسواااااالف كثيره

[مــــس نيـــوتن]

تعديل وزاري

ينقل قسم السنترال الى مديرة قسم العظام وتتولى دختور العظام الاشراف على الوظيفتان ويحسب

لها راتب دختورة عظام وعاملة سنترال

والله الموفق

نحن بدر المشعل

اقول امانة لاترديني راتبين ياعبيطة
خخخخخخخخخخ
ماعاش اللي يردك <<<<عشان الفلوس مو لسواد عيونك (a14)
بس الوظيفه حقت السنترال لحد يدري عنها عشان بريستيجي

[مــــس نيـــوتن]

غرررررررررريب
اقراه كله والا مافي كافي وتي

[مــــس نيـــوتن]

صز اختنا انتي
انا عن نفسي متبرية منتس عاد هم بكيفهم (a14)
مو بكيفتس تتبرين ولا بكيفهم (a14)

[بدر المشعل]

تعديل وزاري

ينقل قسم السنترال الى مديرة قسم العظام وتتولى دختور العظام الاشراف على الوظيفتان ويحسب

لها راتب دختورة عظام وعاملة سنترال ولا احد يدري عن راتب عاملة السنترال خوفا على برستيج ومكياج الدختورة

على جميع المدراء تنفيذ امرنا هذا ويعلق على لوحة الاوامر

والله الموفق

نحن بدر المشعل

[مــــس نيـــوتن]

بروق وارجع لك الله يقطع بليسك

هههههههههه
بعدي زهره مشكوره عالتفحيط





قلت شورك وهداية الله (qq15)

اما شورك وهداية الله للشيطان وشلون جت
كل شي يجي معي
تبي اعلمك (a26)

how are u??
how many your hours please؟

كخخخخخخخخخخخخخخخخخخخخ
وش جاب الاستفهام يسار


بلاوي


ايوالله بلاوي
هالحين عرفت كيف صرت بردقانه مو من فراغ بلاك من هالدقه اللي عليك يهـــــــــب <<<مانيب قايله مشالله لاتحاول (a14) خخخخخخ

[مــــس نيـــوتن]

احس موضوعك دجه وانا ماقريته مدري ليه (a26)

امممممممم

<< حقد يبي القهوه (d)

اقول مافي قهوه طس لأمك
عيال اخر زمن تالي الليل وتبي تقهوى
ياااااااااربي سترك(a26)

[smile]

how many your hours please؟

?وش معناه بالعربي

[مــــس نيـــوتن]

الموضوع وش يتكلم عنه مالي نفس اقراءه كله الوان تدوخ (qq152)

والله لو دريت كان حطيته باللون الاصفررررررررررررر(a26)

هههههههههههههههههههههههههههههههههههههههههه
والله الفضاوة تصنع بلاوي
اغدين اجي عندك اذا فضيت


كم تدفعين ؟؟(a26)



اقوووووول
متعوب عليها ظل ويوتوت

والله بلاتس ماسمعتي اللي انا سمعته والله ياانه وتوت (qq152)

تصدقين هونت ماراح ادور وظيفه
اخاف جهدي يروح هدر
عقب اللي قريته
ايه لاتدورين البيت احسنلك <<<<ورب المصحف مافهمت (qq152)


والله شكلك رايحه فيها..
الله يرحم العنقليزي
بذي معك حق (qq152)

موضوع خطير
ذكرتيني بسواااااالف كثيره


هههههههههههههههه ابي سالفه عالأقل(a26)

[مــــس نيـــوتن]

how many your hours please؟



?وش معناه بالعربي


مشكلة اللي مايعرفون عنقليزي زيي(a26)
هذي ان ماخاب ضني تعني كم عدد ساعات شغلك (qq152)

[مــــس نيـــوتن]

تعديل وزاري

ينقل قسم السنترال الى مديرة قسم العظام وتتولى دختور العظام الاشراف على الوظيفتان ويحسب

لها راتب دختورة عظام وعاملة سنترال ولا احد يدري عن راتب عاملة السنترال خوفا على برستيج ومكياج الدختورة

على جميع المدراء تنفيذ امرنا هذا ويعلق على لوحة الاوامر

والله الموفق

نحن بدر المشعل
للووووووووووووووووووووووووش
عليك نور ايوه كذا (a14)

[*أسيرة الذكرى*]

العفو
ياااااااااااااااااااانذله ناويه تفشليني (qq152)
اشوا اني كتبت الشروط (a14)
يمكن لو ماكتبتي الشروط .. كان كتبت نفس اللي كتبت << تضيع السالفة(a14)

[smile]

مشكلة اللي مايعرفون عنقليزي زيي(a26)
هذي ان ماخاب ضني تعني كم عدد ساعات شغلك (qq152)

احتمال يطلبونتس جامعة اكسفورد مطرجمتن عندهم
هذا اذا ما فتحو جامعة اكس ددسن عندنا وخلوتس عميدة(a26)

[الــــجــحــوده]

(a14) (a14) (a14) (a14) سوماطيا سوتتا اي لغه ياشيخه الي تبينه يحطونه بمناهجنا بدال العنقليزي
برفصورة يامنسمه لاعمرتس تصيرين فاضيه تحوسين اوم الدنيا
موضوع فنطاستك مثل راعيتوه (a14) (a14) (a14) (a14)

[العنـــود]

كم تدفعين ؟؟(a26)




ادفع
يكفي انه صارت لك واسطة مني
>> وجه مغتر

[..دبدوب الحبوب..]

خخخخخخخخ
مالقيتي تلعبين غير على السنترال خخ
بس خبال صدق وناس فاضيه

[مسويه زحمه والشارع فاضي]

i want the clinc death?

ههههههههههههههههههههه

منسمه يااموووووووووووووول

اجل ماينلام يوم يوت وت

[¨°я» بنت عـآدية «я°¨]

هههههههههههههههههههههههههههههه
هههههههههههههههههههههههههههههه
امووووووووووول الله يرج ابليسك
الحين دامك مو قد الانقلش تقربين منه ليه؟؟؟
تبين تتسلين وهالمسكينة فاضيتلك؟؟؟
يسلو عالموقف التحفة ههههههه

[أبونديم]

واقول وراه اللي بالمستشفيات انفسهم شينه اثركم مذينهم

خبله يالبررفسور عسى الله لايسلطتس على صديق

خخخخخخخخخخخخخخخخخ

[الـمـ فاروق ـلك]

(qq152)
خخخخخخخخخخخخخخخخخ
يامال الصلاح ايو الله
مالقيتى الا ذا الفلبينى
يابعدى هـو
على الصبح
واستهبال من ،،،،،،،،،،،،،،،
لكن الله يعينه
المفروض
عطوه بدل ازعااااااااااااااااج

-- نهاية الكلام موضوع رائق
لو دارى كان صدق ماجل العشاء
خخخخخخخخخخخخخخخخخخخ
- -
بس عندى كلمة للاستاذة حقت الانجليزى
حلووووووو ديث
خخخخخخخخخخخخخخخ
كلنك متعوب عليها ذى !!!! مع التشديد

بصراحة يضاف لموضوع المسابقة
يرجع كفتك زووووووود
ياما العافية يامووووووول
والله يكثر من المواقف الحلووووووة

[الـمـ فاروق ـلك]

2-لابد من ارسال ورقه وعليها توقيعكم لمدير المووووستشفى عشان يطردون هالفلبيني وصديقته اللي ضحكوا يمالهم للخالوع اللي يخلع هير مدري هز تيث


بالنسبة لى مثل ماقلت سابقا
ارسلت برقية
مكافأة ذا المسكين
والحمد الله ادارة المشفى ماقصرت
خلوه بالاستقبال
لاجيتى تفتح ملف
يعرف صوتك
ويحولك للقسم اللائــق .....!!!!!

[مــــس نيـــوتن]

احتمال يطلبونتس جامعة اكسفورد مطرجمتن عندهم
هذا اذا ما فتحو جامعة اكس ددسن عندنا وخلوتس عميدة(a26)


عززززززز الطلب هذا اللي يصلحلي بس ترى بيحطونك مدير الجامعه (a26)

[مــــس نيـــوتن]

يمكن لو ماكتبتي الشروط .. كان كتبت نفس اللي كتبت << تضيع السالفة(a14)
ايه ادري بك طيبه وتهبلين
الا ماعندي شك بتكتبين مالذ وطاب (a26)

(a14) (a14) (a14) (a14) سوماطيا سوتتا اي لغه ياشيخه الي تبينه يحطونه بمناهجنا بدال العنقليزي

برفصورة يامنسمه لاعمرتس تصيرين فاضيه تحوسين اوم الدنيا

موضوع فنطاستك مثل راعيتوه (a14) (a14) (a14) (a14)

ههههههههههههههههههاي ما اقولس منتي بعيدتن عني(a14)
وانتي مرورك بنطلون (qq152)

[مــــس نيـــوتن]

ادفع

يكفي انه صارت لك واسطة مني

>> وجه مغتر


اجل مدفعتني بموضوعك عشان طلبتك تصيرين صقيقتي بهجد الترفيهي وماتبيني ادفعك (qq152)
وشي واسطته بتخليني مدير المستشفى (a14) <<<<ترى من جد تلبق لي الوظيفه خخخخ

[مــــس نيـــوتن]

خخخخخخخخ

مالقيتي تلعبين غير على السنترال خخ

بس خبال صدق وناس فاضيه

احلىىىىىىىىىىىىىىى يامشغول
انا متوكده محد داخلن هنا الا ابو الفضاوه :)
عمومن شكرن عالمرور شكلك ماقريت شروط الرد مسموح هالمره لانك جديد بس لاعاد تعودها (a14)
ههههههههههههههههههههه

منسمه يااموووووووووووووول

اجل ماينلام يوم يوت وت

هههههههههههههههه
لا ابد ماينلام
كيف حالك ؟؟:)

[أبو حديده]

يا امووووووووووووووووووول

وين واصل العقل ذاك اليوم مخررررررش

ليه ما دقيتي على البلديه مرره وحده وقدمتي على ارض خخخخخ

[مــــس نيـــوتن]

هههههههههههههههههههههههههههههه
هههههههههههههههههههههههههههههه
امووووووووووول الله يرج ابليسك
الحين دامك مو قد الانقلش تقربين منه ليه؟؟؟
تبين تتسلين وهالمسكينة فاضيتلك؟؟؟
يسلو عالموقف التحفة ههههههه
ههههههه والله من قالها تشتغل هنا
الله يسلمك خيتو

واقول وراه اللي بالمستشفيات انفسهم شينه اثركم مذينهم

خبله يالبررفسور عسى الله لايسلطتس على صديق

خخخخخخخخخخخخخخخخخ


يانعنبو ابليس بقرك ماتسني قايلتن يمنع منعن باتن التفشيل(qq152)
يماااااااااااااااال الرفسه من بقرك (a14)

[مــــس نيـــوتن]

(qq152)

خخخخخخخخخخخخخخخخخ
يامال الصلاح ايو الله
مالقيتى الا ذا الفلبينى
يابعدى هـو
على الصبح
واستهبال من ،،،،،،،،،،،،،،،
لكن الله يعينه
المفروض
عطوه بدل ازعااااااااااااااااج
لاوالله مايستاهل الله ياخذه كفايه ضحكه
المفروض يعطونه اوووووووووووت(a14)

-- نهاية الكلام موضوع رائق
لو دارى كان صدق ماجل العشاء
خخخخخخخخخخخخخخخخخخخ
- -
اي عشا الساعه 2 خخخخخخخ
بس عندى كلمة للاستاذة حقت الانجليزى
حلووووووو ديث
خخخخخخخخخخخخخخخ
كلنك متعوب عليها ذى !!!! مع التشديد

بصراحة يضاف لموضوع المسابقة
يرجع كفتك زووووووود
ياما العافية يامووووووول
والله يكثر من المواقف الحلووووووة

شوووووكرن عط عط عالمرور




بالنسبة لى مثل ماقلت سابقا
ارسلت برقية
مكافأة ذا المسكين
اقول اعقل وش برقيته اقولك يبيله طرررد (a14)
والحمد الله ادارة المشفى ماقصرت
خلوه بالاستقبال
لاجيتى تفتح ملف
يعرف صوتك

ويحولك للقسم اللائــق .....!!!!!


هههههههههههههههههههاي
وش تقصد
يمااال اللي مانيب قايله (a14)

[مــــس نيـــوتن]

يا امووووووووووووووووووول


وين واصل العقل ذاك اليوم مخررررررش


ليه ما دقيتي على البلديه مرره وحده وقدمتي على ارض خخخخخ


ياقهررررررررررررررررر
راحت علي(qq152)
المره الجايه البلديه واللي تبون بس اكتبوا اقتراحتكم خخخخخخ(a14)

[أبو حديده]

ياقهررررررررررررررررر
راحت علي(qq152)
المره الجايه البلديه واللي تبون بس اكتبوا اقتراحتكم خخخخخخ(a14)

(a14) نبي ارض على ثلاث شوارع

وبجنها حديقه وملاهي للاطفال

والشمالي جيبوا له هايلكس الله يرده سالم غانم

[مــــس نيـــوتن]

(a14) نبي ارض على ثلاث شوارع

وبجنها حديقه وملاهي للاطفال


والشمالي جيبوا له هايلكس الله يرده سالم غانم


ماطلبت شي من عنوني خخخخ(a14)
الا صز وين طس الشمالي<<ملقوفه (qq152)

[أبو حديده]

ماطلبت شي من عنوني خخخخ(a14)
الا صز وين طس الشمالي<<ملقوفه (qq152)


سافر وما اخذني معه (qq152)

والله الحاره فضت عقبه (a14)

[مــــس نيـــوتن]

سافر وما اخذني معه (qq152)


والله الحاره فضت عقبه (a14)


ههههههههه تستاهل يخاف تفشله مع حديدتك (a14)

[الدبة المملوحة]

خخخخخخخخخخخخخخخخخخخخخخخخ
اموووله المفروض يسمونتس المصرقعة امول موب البوفسورة (a14)

[المارد الازرق]

امووول

يعطيك العافيه على الموضوع

وتعجبني فيك شجاعتك :)

والا من يقدر يعترف بها الفضايح الي سويتها

فشلتينا الله يفشلك < قلبنا (a14)

موضوعك يوسع الصدر

الله يوسع صدرك

مشكوره و لا تحرمينا من مثل هالمواضيع (a26)

.................................

برجع للتعليق والحوس (d)

[الـمـ فاروق ـلك]

شوووووكرن عط عط عالمرور



هههههههههههههههههههاي
وش تقصد
يمااال اللي مانيب قايله (a14)


يقولون ماتفهمين زين فهمتى
خخخخخخخخخخخخخخخخخخخ

[ّζ♂كـــــMisSـــــرزهـ ♂ζّ]

اموول كاتبه الموضوع اكيد بيكون ناااايس:)
1- يجب عدم تفشيلي لأن اللي حصل يكفي لفشلة عشر سنين قدام

خسارة يعني نستنى عشر سنين عشان تفشلين مرة ثانيه لابعيده امووول نبي تفشيلة اخرى >>حلاوة هي(a14)

2-لابد من ارسال ورقه وعليها توقيعكم لمدير المووووستشفى عشان يطردون هالفلبيني وصديقته اللي ضحكوا يمالهم للخالوع اللي يخلع هير مدري هز تيث
اكسيكيوزمي لاتزعلين الفلبينين تراهم صدقاني وياحليلهم بس انتي طلعتيهم عن طورهم تستاهلين ماجاك >حششت(d)
3-لو كان في اللي يدرسونا خير ماتفشلنا لذلك يجب على الطلاب الاضراب عن طراسة اللغه الانقليزيه والمطالبه بدراسة الفلبينيه
لافض برطمك
صدقتي بس مانبي ندرس الفلبينية ندرس اوردو
مرة وحده ازين(a14)
مع كامل كركراتي(a14)

[رومانيا]

ههههههههههههههههههههه
ههههههههههههههههههههه
موضوع روعه ورايق يا امووووووووووووول
امووووووول ابيتس ترجمين لي با انقليزي (a14)

[مــــس نيـــوتن]

خخخخخخخخخخخخخخخخخخخخخخخخ
اموووله المفروض يسمونتس المصرقعة امول موب البوفسورة (a14)

(qq152) ليش
فترة مووووراهقه وعدت خخخخخ<<<ترقع

[مــــس نيـــوتن]

امووول


يعطيك العافيه على الموضوع

وتعجبني فيك شجاعتك :)

والا من يقدر يعترف بها الفضايح الي سويتها

فشلتينا الله يفشلك < قلبنا (a14)
ادري مالك صاحب

موضوعك يوسع الصدر

الله يوسع صدرك

مشكوره و لا تحرمينا من مثل هالمواضيع (a26)

.................................


برجع للتعليق والحوس (d)

لاترجع يكفي اللي حسته (qq152)

[مــــس نيـــوتن]

يقولون ماتفهمين زين فهمتى

خخخخخخخخخخخخخخخخخخخ


انا افهم حسب مزاجي متى ما اشتهيت افهم فهمت
يعني
اوووووووووعك تغلط (a26)

[مــــس نيـــوتن]

اموول كاتبه الموضوع اكيد بيكون ناااايس:)

1
بعدي انتي اللي نااايس :)
خسارة يعني نستنى عشر سنين عشان تفشلين مرة ثانيه لابعيده امووول نبي تفشيلة اخرى >>حلاوة هي(a14)

ههههههههههه ايوالله هالحين ماكفاتس الفلبيني (qq152)
اكسيكيوزمي لاتزعلين الفلبينين تراهم صدقاني وياحليلهم بس انتي طلعتيهم عن طورهم تستاهلين ماجاك >حششت(d)

لافض برطمك
لله دووووووووووووركي
صدقتي بس مانبي ندرس الفلبينية ندرس اوردو
مرة وحده ازين(a14)

مع كامل كركراتي(a14)

ايوالله تسان درسنا اوردو ع الاقل لها فايده نتفاهم مع الاندنوسيات
تقبلت كركره ونص<<احمدي ربتس الطمع شين(a14)

[أبونديم]

ههههههههههه
مشكلة الانقليزي
كان اتصلتي على 999
ثقافتهم كنديه ويمكن يفهمون عليك(a14)

[مــــس نيـــوتن]

ههههههههههههههههههههه
ههههههههههههههههههههه
موضوع روعه ورايق يا امووووووووووووول
امووووووول ابيتس ترجمين لي با انقليزي (a14)
ايه ان فهمت (qq152)

[مــــس نيـــوتن]

ههههههههههه
مشكلة الانقليزي
كان اتصلتي على 999
ثقافتهم كنديه ويمكن يفهمون عليك(a14)

يمه انت اشرررر من الفلبيني(qq152)

[أبونديم]

يمه انت اشرررر من الفلبيني(qq152)
اكيد اصير اشر من الفلبيني
لأن عيوني طايره وهو عيونه فتحت حصاله (a14)

[إكليل الزهور]

أموووووووووووووووول ريامال اللي وراتس ماعلمتين بالخطه عشان أسوي مثلتس
تراي ميه بالميه بالعنقليزي
لو بغيتين أرطن باليوم 28ساعه بالعنقليزي أرطن وبدون أي خطأ
هع هع
أقوووووووول بس ياأموووووووووول
واااافشيلتاااااااااااااااااااااه
أثرنا مصادقين وحده ماعنده سنع بالعنقليزي
وووووووووه بس منتس يالبروفصوره الداجه
خخخخخخخخخخخخخخخخخخخخخخ

[مــــس نيـــوتن]

اكيد اصير اشر من الفلبيني
لأن عيوني طايره وهو عيونه فتحت حصاله (a14)
(a14) اشك انك السعودي اللي رد علي خخخخخ

[مــــس نيـــوتن]

أموووووووووووووووول ريامال اللي وراتس ماعلمتين بالخطه عشان أسوي مثلتس
تراي ميه بالميه بالعنقليزي
عادي بكره اسوي شوراي خخخ
لو بغيتين أرطن باليوم 28ساعه بالعنقليزي أرطن وبدون أي خطأ
(z) (z) (z) (z) (z) (z)
هع هع
أقوووووووول بس ياأموووووووووول
واااافشيلتاااااااااااااااااااااه
أثرنا مصادقين وحده ماعنده سنع بالعنقليزي
العنقليزي مو اهم شي الموهم الاخلاق خخخخخخ
وووووووووه بس منتس يالبروفصوره الداجه
خخخخخخخخخخخخخخخخخخخخخخ
الظاهر صايرتلك مواقف مع روس(a26) <<<<اجل كيف تفسرين هالنذاله وماكني قايلتن لاتفشليني وهذا وانتي صقيقتي خخخخ

[الــــجــحــوده]

ههههههههههههههههههاي ما اقولس منتي بعيدتن عني(a14)
وانتي مرورك بنطلون (qq152)
بسم الله علي انا اعقل منتس انتي قاضيه (a26)
وشو بنطلون (a14) (a14) انا مالبس الا خط البلدة << يارب ان المبراات مايحذفه ازعجنا هو وتقشيعوه(a14) (a14)

[مــــس نيـــوتن]

بسم الله علي انا اعقل منتس انتي قاضيه (a26)
وشو بنطلون (a14) (a14) انا مالبس الا خط البلدة << يارب ان المبراات مايحذفه ازعجنا هو وتقشيعوه(a14) (a14)
اولن: وش معنى خط البلده؟؟
ثانين:وش المبرات؟؟
عاشرن:ان فسرتي كلامك زي طريقة اللي فسر الماء بهفك بالفاره يمكن تعقلين وتغدين زيي (a14) <<مافيه امل

[سلسبيل]

أمووول

خلينا مع صيفنا مع أهلنا أحلى ^_^

بلا باريس بلا حر

[مــــس نيـــوتن]

أمووول


خلينا مع صيفنا مع أهلنا أحلى ^_^

بلا باريس بلا حر



وانا اقول كذا منذ مبطي(qq152) <<<كذوب والله لو حصلي كان ماقعدت دقيقه هنا خخخخخ

[الـمـ فاروق ـلك]

وانا اقول كذا منذ مبطي(qq152) <<<كذوب والله لو حصلي كان ماقعدت دقيقه هنا خخخخخ


افا بس وتخلين ديرتك واهلك وربعك

[البرنسيسة الناعمة]

مشكووووووووووووووووورة

.......................

بصراحه مدري كيف صرتي برفسور ؟

لكن شكلك بعد الفشيلة درستي لغات العالم
ههههههههههههههههههههههههه

...........
اكتشفت ياامووووووووووول
انك وااااااااااثقه
لو انا مكانك راح اسكر السماعه على طووووووول

........................................
........................................
........................................

[مــــس نيـــوتن]

مشكووووووووووووووووورة
العفوووووووووووو

.......................

بصراحه مدري كيف صرتي برفسور ؟

لكن شكلك بعد الفشيلة درستي لغات العالم
ههههههههههههههههههههههههه
من جد ودي اسطرك ليش تفشليني انا من غير شي طايح وجهي خخخخخخخ

...........
اكتشفت ياامووووووووووول
انك وااااااااااثقه
لو انا مكانك راح اسكر السماعه على طووووووول
مو واثقه بس فاضيه ورايقه خخخخ

........................................
........................................
........................................

يابعدي دلوعه مشكوره عالتفحيط (a26)

[أبوتمام]

اوه وأوه أوه موضوعك حلو قوه











يسلمووووووووووووووووووووووووووووووووو

[مــــس نيـــوتن]

افا بس وتخلين ديرتك واهلك وربعك

لا مايهون علي

[مــــس نيـــوتن]

اوه وأوه أوه موضوعك حلو قوه












يسلمووووووووووووووووووووووووووووووووو






شووووكرن ياخوي عالمرور

[العنـــود]

امول ضايق خلقي والمستشفى مايرد وخ>>>>> اعدتها امول

[عريفة الفصل^-^]

دقي على الشرطه يردون

[الشمـ ـ ـالـ ـي]

خخخخخخخخخخخخخخخخخخخخخخخخخخخخخخخخ
اشوى اللي ما تعرفين رقم بيتنا والا تزعجيننا
بس فيه كلمات تبي مترجم خخ اقول كم رقم المستشفى احس بضيقه
ابي اكرك مع السسترره

[nawaf777]

يطردون الفلبينى عشانه ضحك عليك
من الى قالك روح دقي على خلق الله
لاشغل ولا مشغله وتهبلتي عليهم
المساكين

[مــــس نيـــوتن]

امول ضايق خلقي والمستشفى مايرد وخ>>>>> اعدتها امول


هههههههههههههه
من جد اعديتك

خخخخخخخخخخخخخخخخخخخخخخخخخخخخخخخخ

اشوى اللي ما تعرفين رقم بيتنا والا تزعجيننا
بس فيه كلمات تبي مترجم خخ اقول كم رقم المستشفى احس بضيقه
ابي اكرك مع السسترره



ههههههههه
لا اذا انت كلمتها بتستقيل وبتحط رجلها لديرتها خخخخخخ

يطردون الفلبينى عشانه ضحك عليك
من الى قالك روح دقي على خلق الله
لاشغل ولا مشغله وتهبلتي عليهم
المساكين
مو بس الفلبيني ابي يطردون الفلبيني وصقيقته انا جايه اهبل فيهم مو ألعب خخخخخخخ

[الشمـ ـ ـالـ ـي]

امووووووووووول وجعن يمصع التسرعان السمر

وش هالكساله جامعتنن ردود الشعب كلهن سوى

فرقى كلن عاى حده خخخخخخخ