المساعد الشخصي الرقمي

مشاهدة النسخة كاملة : فتــــــــــــــــاة الغـــــــــلاف


الــــجــحــوده
18-07-07, 05:40 AM
فتاة الغلاف (قصة مستوحاة من الادب القصيمي)



[I/http://up.graaam.com/p8ic/15d323d56a.jpg (http://www.graaam.com/)


ابطال قصتنا """


http://up.graaam.com/p8ic/d5871f0572.jpg (http://www.graaam.com/)


سلمى**بطلة قصتنا بنتن مهذبه وش حليله بس كانت صيوحه الله يهديه ع أي شي تفج الاثم وتصيح


http://up.graaam.com/p8ic/15315c2cf7.gif (http://www.graaam.com/)


هاذي هي ايام شبابه اندزلب لونه من كثر مطامره بالسطوح ودبتتسه بالقوايل


http://up.graaam.com/p8ic/da6ad10693.gif (http://www.graaam.com/)


اأبوسليمان ابوتس ياسلمى** رجلن صالح الله يكثر من امثالوه بس حار شوي عصبي يشب عليدزه بسرعه


http://up.graaam.com/p8ic/ab6437b798.jpg (http://www.graaam.com/)


هذا ابوتس ياسلمى وهو تسبير


http://up.graaam.com/p8ic/b1595ee2fe.jpg (http://www.graaam.com/)


اوم سليمان (مويضي) مرتن ولا كل الحريم الله يكثر من امثاله حشامه


Ihttp://up.graaam.com/p8ic/0e55a537d5.gif (http://www.graaam.com/)


(السلمي) ولدكم ياللي فوق ومعزرن باخيتوه الله يصلحوه


http://up.graaam.com/p8ic/fff13b499b.jpg (http://www.graaam.com/)


هذا هو بريعان شبابوه


http://up.graaam.com/p8ic/76bf02aff6.gif (http://www.graaam.com/)


(خنيش)صديق السلمي الروح بالروح


http://up.graaam.com/p8ic/76a9b9d26c.jpg (http://www.graaam.com/)


(ابو محمد) صديق ابو سليمان وتؤم روحه يحب الحريم وسالفته هن


http://up.graaam.com/p8ic/c293dc9411.jpg (http://www.graaam.com/)


(الدحمي) رجلتس يالسلمي مستقبلا


http://up.graaam.com/p8ic/0c5bdb9c84.jpg (http://www.graaam.com/)


(اوم سرور) الخرش لاعبن بوجهه لعب مضنيت حريم ودبش الحاره


http://up.graaam.com/p8ic/89783eb22b.jpg (http://www.graaam.com/)


وذولي حريم الحاره



سلمى بنت من عرض هالبنات عاشت طفوله عاديه يعني مهوب وقت اول ولا من بنات هالحين بين وبين

يعني ماطلعت على وقت باربي ولا فله,,,,,,,, اللهم العرايس اللي من قماش الي مطموستن ملامحهن وابوه كان شديدن بالحيل ومايحب هالآشياء ومكسفبهم كسافه وكل ماشافه تلعب بهالعرايس تطير بوه النيران

ويجيب مشذاب النخله وينحر العروس لانوه يقول به مظاهات لخلق الله( اللهم يرحم زماننا ليته بس ع الصور دشوش وبلاوي الله المستعان الا من رحم ربي)

وتبدا سلومه تمسكله زوايه وتجعر من الصياح ** الجعر=الشدة في البكاء**

لانه مثل باقي هالبزران يحبون يلعبون

<<< بالله اقالتس جبتي شي جديد هههههه

الموهيم البنيه من زود تعلقه بالعرايس كانت تجيب مصلى امه همن تلفه ايقاله بزر وتنومه

عنده وتسبحن عليه

هاكذا سارت طفولة بطلتنا سلمى

اما ام سلمى (مويضي) فكانت مرتن ولاكل الحريم سنعه راعيه بيت

وكان اخوه الصلحي يحبها لانوه ماعندوه الا هي ودايم كل ماسافر للمدينه يجيبله شي مهب بالقريه
همن موضي تشهقبوه
ومرتن جابله رادو خشبي

http://up.graaam.com/p8ic/7552e21439.jpg (http://www.graaam.com/)

وش ملحه طارت مويضي من الفرحه بس كانت تغبيه عن رجله لانه مايحب
ويقول هالروادو مفاتيح للشر
وكل ماطلع زوجه تفتحه وتتابع (( البيت السعيد)) حق مريم الغامدي
وسلمى كانت تحب ام حديجان اللي يجيبه عبد العزيز الهزاع

%%%%%%%مشهد متداول ودائم%%%%

ابو سليمان: يالله موضي ابروح لم ابو محمد عازمن على فنجال مر
ام سليمان : الله معك لاتنسى لاجيت جب معك كيسة صامولي عشان نغطه بالشاهي
ابو سليمان: طيببب بس هااااه لاوصيتس بالسلمي انتبهي عليه توه يحبي بس ياكل كل اللي قدامه
هاذا هو السلمي من هواياته طردي ورا الصوارير والخنافس وماغير يمسكهن ويقطع رجليهن
ويمصهن<< شايفن ابوه يسوي تسذا بالجراد يحسبهن صوارير خخخخخ
السلمي له مستقبل واعد هاذا ماسنعرفه لاحقاااااا

وهاذي حالة العائله الكريمه كل ماطلع ابوهم منا ولامناك ركضوا وقعدوا يتسمعون **

ومرتن من المرارير ومويضي مندمجتن مع ماما مريم الا وابو سليمان راجع مهب عوايده لان موضي موقته لروحته وجيته الا انوه نسى بشته لان ابومحمد جزم انه يعرس على مرتوه ومن الدجه ماعنده بشت
وكان بيعرس وعليه فروة فضحك عليه ابو سليمان وقاله : الله يفشلك بتعرس بفروة قروي وش خليتوا هههههههه&
فشل ابومحمد من طنزة خويه
الله يرحم ايامتس يام محمد كان هالداج المنتف دايم يعذربه ويقوله انتس ماتزينيلي
فقالتله: جبلي منظره وشلون اشوف كشرتي بجبهتك<< مهب سهله تعرف تذب
جبلي منظره = مرايه بس قديم تسمى منظره
وكان جوابه دايم باني منيلي ياحسره مامعي دراهم
عجز عن المنظره
وادرك حلال المره
وووووجعه لابغواا شي هالرجاجيل يمه منهم
الموهيم يوم رجع ولامويضي وبنته منجطلات عند الرادوا
تررررم ترررم ترررم تررررم
ويقرب لم الرادوا ويبزخبوه بالجدار لين بدت مريم الغامدي تصيح
رااااح صوته ياحرااااااام بعذره من البزخه
ويناظر موضي نظرات حادة:
والشرر طالعات من عيونه وخشمه يدخن من العصبيه:
قال من سمحلتس تدخلين شي لبيتي بدون اذني هاذي تربية حصوص<< يقصد امتس يامويضي
سبحان الله هاذولا هم الرجال لاصار شي حطوه بالاميميه المسيكينه
ردت عليه : هاو ياكافي وش سويت انا والله لو جايبتن احدن صدزي تراهم يحتسون من ورا اسلاك11
موضي اول مره تراااد رجله متعود عليه داايم سم ولبيه
حتى لو هو المخطي
قال والله خوووش علمتس هالسلقه اللي بالرادوا وشلون تردين ع زوجتس؟؟
ومسكه مع جدايله وسوابه مرووووحه لين داخت وهي تصرخ آآآآآآآ اتركن
همن صبخه بالجدار وطاحت بجنب الرادوا
ومن الرجه والدوخه حبت الرادوا وطاحت
وغمي عليه وجابت سلمى لمه فشقه بصله وشممته امه لين قامت



÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷



بعد مرور السنوات تتلوها الاعوااام

يوم تمت سلمى العشرين خريفا ابوه ناداه وقاله ابي قهوتن سنعه راحت سوتلوه القهوه اللي على الكيف
وتقعد بالدله تصب لأبيه وهي تصبله كان يناظره ويهوجسبه يقول البنت كبرت غدين ازوجه قبل لايهج القطار عنه
وكانت سلمى راعية قلطات << يعني تلعب بابيات الشعر
وهي تصب لأبوه انشاءت تقول << وش رايكم بانشاءت والله خطيره
وبدت تلعب بالابيات وتقول ...
أشرب من الدلة ولو هيلها سم
ماأهز فنجالي ولا اقول كافي ,,,
مادامها بيمناك وتقول لي سم
بسم الله أشرب وكل سم"عوافـــــي"
معزتك غذاء روحي مثل سايل الدم
أنا اعترف لك بالغلا وأنت (وافي)
ابوه ياعمري تعرفون شيب بدت الهواجيس تنقزبوه قال ماش البنت شكله تحب واحدن
من عوال عمه ولا شي لا وبدى يرجع مخه يقول من اللي اعرفهم اسمه وافي << ايقالوه جاب العيد
قال مالي الا الحق ع البنت وازوجه لاتجيبلنا الفضيحه ولاشي
وعلى قولتهم دور لبنتك ولا تدور لولدك)
ولان سلمى يالله ترفع من حظه شينه ومهنا زينن ينذكر الا انه كانت راعيه بيت وقرمه وذات دين
بوصفلكم شكله بشكل مختصر مختصر عشان تتخيلون الملاك هههههه
نبداء بالشعر اندومي حق هناء بوب الاندونسي الاصلي وتتمنى يصير شعره
ناعم وتنجن على شروق اللي بستار عشان شعره ناعم<< الطيور على اشكالها هع هع
وتسمع بالفرد والكوي مرة من المرارير رشت شعره زيت عافيه عشان يطلع لمعه
ومير تجمع شوشته وتحط الكوايه وتشششششش ودايم ياحول هالجيران يشمون
ريحة هالحسحسه يحسبون عندهم عزايم مايدرون انه شعرتس ياسلمى
وينحرق نص الشعر والباقي يصير واقف تقل قنفذ
والجبهه سبوره من كبره اخذه اكبر مساحه من الوجه
والعيون قبطن بالجبهه صغاااار تقل عبس ودايم تدعجهن كحل
اما الخشم افنس مفلطح كانه خشم فلبينيه وفتحة المناخر تقل بيت قعر من كبرهن
اما الخشه وما ادراك مالخشه تقل مطبات صناعيه لو تشترك بمزايين الابل كان تحصل
على كل الجوائز من هالبراطم
اما جسمه تقل حوقله او بالاحرى لقلق اطول مابه عصاقيله الى حد ما جسم
زيتونه
وامه من عمره خمس تعش وهي تدابتزبه من عرسن لعرس ومن حوالتن لحواله ( البعض يسمونه الرحيل)<<وهو اللي يصير بعد العرس





####فـــــــاصـــــــــــــل#####























الله على الفنجال مع هجعة الناس...

بدلال نار مايبطل سناها

مع حمسة يملا بها كل محماس...

ويقلبه قرم يعرف استواها


:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::


ومرتن من المرارير وهم رايحين لزوارة اللطفي بنت عمة امه تصير خالة ابوه

الا هي تطمر وتكشخ وتلبس الكرته<< احسن فصطان عنده

وتحط بودر احمر وظل سماوي << يلعن اوم التنسيق هههههه

اخوه السلمي بعمر الزهور ابو ثمان تعش حتى هو ماهنا زينن ينذكر

اشين من اخته اكبر مابوه خشموه ودايم تعيره اختوه بشفاط النمل

بس امه دايم تقوله الرجال مايعيبه الا جيبه وهاذا اللي مخلي اكثر الشيون
واثقين باعمارهم وشايفينن انفسهم يعني (شين وقوي عين)
الموهيم ......

http://up.graaam.com/p8ic/c57f0a2658.gif (http://www.graaam.com/)

ابوه معطيه سيارة المزرعة ددسن غماره يحملونبه
العلف وايام الحصاد قرع وطماط وبديجان
مل من مشاوير اموه ومطايره بهالعروس والاجتماعات ولانه صديزوه (خنيش) مواعده بيباشر عليه من هرفي واموه خربت عليه وقالت الا تجي تودينا :
ودخل البيت وهو حمدز ومكتر قال الحين وشوله كل شي تروحن لموه تسانوه عشان سلملم<< ايقالوه يدلع اختوه هالسلوقي)) تراه مهب مخطوبه
من اللي بايعن عمروه ياخذه هي وكشرته اللي يشوف فلافه بيهج
سلمى كانت تحت الدرج تدور صندله ومير تسمع كلام اخوه السلمي ويضيق صدره

ركضت سلمى لحجرته وصكت دونه الباب وتقعد ترغي من كلمة اخوه اول مره يطلع قلبه
لان كان قبل مايهمه وبتله يعيره يالكشنه يالشيفه بس مايهمه تدلع لسانه وتقول
من زينك عاد ياللحجي يابو ظروس لان ماتبي تحطموه وتقوله ابو شظاف
<< احلفي هع هع
مددت ودمعتها على وجنتها تنسال كالماء الرقراق....
مددت وصوت نحيبها صافح الآفااااق....
<<<< وش رايكم بي اسجل بالمنتدى الادبي للشعر الفصيح
وينك عن ياحسن الهويمل
<<< وخري بس هق هق هق
وهي ممده عصادزيله عند المطرحه ومن كثر ماصاحت وشاهقت تعبت وجاه النوم
ونامت وهي دمعته على خده وتملخط ظله ونزل كحله وتداخلت الالوان لتكون لون الطيف السبعه هن سته ولا سبعه ماطري مشوه هالمره بس ..... ونخاريره واصلات اثمه( شي بديهي لاصاح الانسان يصير بوه
مثل الزكام ويبدى يناشق)
<<<< حرااااااام انتي يهمل استنتاجك
قامت الصبحيه على صوت ديتسهم توضت وصلت الفجر
وبدت تدعي ربه ان الله يرزقه ابن الحلال اللي يسعده
ومن زود المغثه بدت تدعي وتقول : يارب ترزقني بزوجن يعشقني ,, اهج ويلحقني
اضربوه ويضحكلي,,ازعلوه ويرضيني ,,,<<< مسختيه ياسلملم شكلتس تبين بنقالي هههههه
ياعمري من زود القهره اللي به وده باشياء مستحيلة الحصول
خاصه عند شعبنا الموقر
<<< بتجلدين بس اصطبري
انزلت مع الدرج بعد مافصخت فصطانه وشالت

مكياجه عاد وش هالمكياج اساسه (كلي) اللي بابو ريالين وماعنده بودره تجيب الطحين حق
المطازيز وتدعكوه بوجه ,,, ادري وش بتقولون طحين المطازيز اسمر هي سمعت ان الموضه
اللون البرونزاج سمعته بالصدفه بعد من بنت بحدا هالمناسبات الللي تدابتس لهن
وطبعا عشان مايقولون عنه قرويه
يوم نزلت لقت امه اممدده بالشميسه ومتعنقطتن بشوشة السلمي وتفليه لان بعيد عنكم بوه قملن يذر
( القمل)<< حيوانات صغيرة الحجم بحجم حبة الفصفص لها رجلين ولها ايدين
<< احلفي
قسم
تحب تعيش في رؤس الناس الطملين اللي ماعمرهم تنظفوا
وتمتص دم الراس ثم تجوزله الشوشه وتبداء عمليه التناسل لتولد عياله ويسمونهم
( الصيبان) هي تولد ولا تبيض اظنه تبيض
وولللأطلاع عليها اكثر شوفوهن بكتاب العلوم حق امتوسط عاد مادري أي سنه لاتزعجونن
***** ثبت علمياااا****
ان القمل يمنع الجلطه ويقضي على القشره
نرجع لمحور حديثنا ....
يوم شافه السلمي قال تعالي خوذي مكان امي تعبت من التقصيع
حشى بملعب تبديل اللعيبه ....
فماكان من سلومه الا انه اسفهتوه وعطتوه الخامس
استغرب !!!! متعود انه تحب التقصيع لان اظافره طوال ولا قصعت يطلع الصوت
موووت
<<<< مجربه ههههههههه
لا وبعض المرات تدخل القمله بظفره وتقعد تنخجره بعود لين تطلعه
<<<<<<< الحين وراه سالفتس القميل يالوسخه حومتي اتسبودناا وه بس
قال وراه(وفي روايه) لماذااااا؟!!!!!!
وتقوم من عندوه ولا عبرتوه ولا تسن احد يحتسي
ياقوييييييييييييييييييه ياسلمىىىىىىى
راحت للمطبخ تدور شين تاكله لقت ابوه شاريلهم فول وعدس وخبز حاار
وهاذي هي عادتوه كل جمعه بس
اخذتوه بتروح تاكلوه بالشميسه امر تشوف شابوره وتشهههههق وتخلي
الفول والعدس سلمىى عشقه الا ول والا خير للشوابير<< جمع شابوره
وتاخذ الشابوره وزمزمية الشاهي وتغط الشابوره بالشاهي
<<<<< جبتي شي جديد
وسلمى تبلع وتقصد ....
من عرفتك أشوفك في كل وقت قبالي
في غرفتي..
في المطبخ..
في مزرعتنا..
عند ددسن ابوي ..
في كل مكاااااااان
أعوذ بالله لك ميزاااات (( جنيه))

جاء ابوه ولاقهم قاعدين
يوم شاف بنيتوه ضاق صدروه وقال البنت بدت تقط خيط وخيط
وبدى يدعيله بسروه( في نفسه)

***************************************

وفي عصرية يومن من الايام

*************************************
أبو سليمان: موضي موضي << ام سليمان



















مويضي طاعونن يشقق تسلا تس

ياشين هالعجوز لابدت تغلى ايقاله ام خمسطعش


( انقول السلمي منيلوه هالحتسي على اختوه)

هذا االشبيل من ذاك الاسيد
موضي جت تهرف << كناية عن السرعه
سم سم يابو سليمان آمر ( تقوله وهي ترجد من الخوف)
أبو سليمان/: عساتس للسم اللي يسمتس من اليوم
تشقق حلقي اناديتس مير انا داري انتس توحين
بس ماتبين تردين تبين تأدبينن بس هين بعيدتن
عن خشمتس
( تفكير اغلب السعوديين )
موضي" افاااا يابعد حيي وميتي انت انا اسوي تسذا
لا والله اني قاعدتن ادهن شويشتي وماسمعتك
حقك علي يابو عيالي وقربت من ايدوه تبي تحبه
امر يبعد ابعد ايدوه وخري بس << والله من الخشونه والجفاسه
اقول لايكثر قرقتس هاذا انتم يالحريم لاعطيتوا وجهه تركبن الرجل ركب
اقول نسيتين اللي جاين علشانوه جعلتس تنسين الشهاده
( استغفر الله )
موضي: سم وش كنت جاين عشانوه؟؟
اسمعي ولمي بنتس اليوم جايه واحدن بيخطبه الله الله باللبس المحتشم
وخليه تهبط شويشته لا تهبل بالرجل همن يهووون
موضي : تشققت من الفرحه صدز يابو سليمان جاه عريس جاء لسلومه رجل
ابو سليمان بجفاسه: لا اتسذب لا قولي اني اتسذب هااااااه ونقزت عيونوه بعلباتوه
من الحراره ويبدااا بالهواااش
موضي متعوده المسيكينه على هالموال الشبه يومي
وماغير تدنق وتقول سم سم

((في عصر ذلك اليوم))
بالتحديد في ملحق ابو السلمي
أبو سليمان : يالله حي من جانا يالله انك تحييهم
عبد الرحمن << العريس
الله يحييك ويبقيك ياخال
عبد الرحمنJ السيرة الشخصيه (شاب من عرض هالشباب مقطوع من نخله
ماتت اموه يوم ولدته منول لامستشفيات ولاشي
كانت اموه تعيبانه لانه تكد بالمزرعه وهي حاملتن بوه ومادريت الا
واللي يرافس يبي يطلع وهي توه بالشهر السابع راحت للبيت جت ام سرور الخرش<< الخرش اللي
يلعب بالوجه وهو مرض مثل العنقز
ام سرور معروفتن بالحارة تولد حريمهم حتى تولد البقر والنياق ماشاء
الله عليه عليه يد مهب صاحيه تبطح الناقه وتمعط حواره<< ولد الناقه
وتنظفه همن تعطيه اموه وتقوله يتربى بعزكم
ناداه ابو الدحمي تولد مرتوه
وهي تولد ام الدحمي الا انه تعسرت الولاده ام سرور حست بخطر الولاده
فراحت تسال ابو الدحمي قالتلوه اختار بين مرتك والا الولد
ابو الدحمي نذل مافكر ولا شي قال وش ابيبه ابي الولد اللي يشيل اسمي ويساعدن
والمره بداله الـــــــــــف مره<<< قليل الخاتمه
الدكتوره ام سرور حز بخاطره بس ماتقدر تقول شي لانوه رزقه
ولانه ماعنده ذمه ولاضمير سوت اللي طلب منه
طلع الدحمي واموه نزفت كثير وبعده ماااااتت) الله يرحمه
مرة الايام وابو الدحمي يمثل للناس انوه فاقدن زوجته وصياح
وكل من شافوه رحموه
ارحموه يقولون ياحول ماتت مرتوه ولازم احد
يربي هالولد وبدى كل ابو يهدي لوه بنتوه ومن تاثرهم صار حديث
المجالس وتقلنهم بحراج ابن قاسم كل واحد يزود له
ابو علي: اسمع يابو عبدالرحمن ترى كلنا معك
وتسان تبي حدا بنياتي تعال طب وتخير<< غنم هن يمال اللي...
ابو عبدالرحمن :تسلم يالحبيب خيرك سابق
بس ماودي اجيب مرتن تظلم الدحمي
ابوسعد: ابو عبد الرحمن لاتقول هالكلام بنت الناس الطيبين ماتظلم وخل
عنك هالظنون و ترا مرتك تنتظرك عند الباب
ابو عبد الرحمن: وشووووو!!!!!!
ابو ريم: اسمع ياولد الاجواد ترا مالي الا هالبنت وغاليتن عندي
تسان لك حاجتن به ماتقوم الصبح الا هي فوق راسك
ابوو الدحمي : تقاطرت سعبايله وبدى يطمع وسكت
وينتظر المزيد من العروض المغريه
دخل ابو صعفق: قال يابو عبد الرحمن قم شل مرتك عند الباب
وتراه معه كل شي لاتشيل هم
هيييييييييييييييييييييييييييييييه
وش دعوه لو هو فاتح القدس على غفلة
آآآآه بس لو يدرون يالسلتوح وش سويت ببنت الناس تسان ماحد يعطيك ولا شغالتوه
اخذ ابو الدحمي صالحه بنت ابو صعفق ولانه مهداه لوه بدى كل الطريق
يفكر بشكله ويقول الله يستر ان صارت شينه شكله بايره<< من البوار يقال
ارض بوار أي مهب زينه وغير صالحه للزراعه
ويقول بنفسوه(( ماعافه الطير وبه خير))
<<< قايلتلكم من الاول انوه نذل
دخل هي وياه للبيت وكان متلهف انوه يناظره ولا يلمح شي منه
وكانت محتشمه بقوووه دخله بغرفة النوم قاله يالله شيلي
هالغطاوي خل اشوف هالوجه الصبوح
شالت صالحه برقعه
كانت صالحه قطعتن من الجمال ماشاء الله
عليه وجه مثل فلقة القمر
وعيون من وسعهن تكل ساعه وناعسات يطيحن الطير من البحر
والا الشدوق تقل بيضة نعام
والوجه الصافي الابيض المشرب بحمره
ولا ذيك السنون اللي تكل صفة طابور بمدرسة حكوميه
ولا المدارس الاهليه انواع التسيب
(( اذا باتسر رفعوا علي قضيه تكفون اوقفوا معي ))
الله يستر ان ماصرتم مثل ابو الدحمي هههههههه
نكمل الوصف ولا عليه ذيك الشفه خاتم سليمان
ولونه توووت محلىىى
ولاذاك اللسان الاحمر ال....<<< هيه وش دخل اللسان
<<<مادري من الحماس
ولا عليه ذاك الجسم الي مهب دبن ولا نحيفن بينن بينن
يعني ماشاء الله كامله والكامل وجه الله
يوم شافه ابو الدحمي انخرششش
وهج اثموه وفكوه السفلي نزل لركبه مثل اللي بفلم
كرتون لاشافو شي مذهل
مذهـــــــــــــــــله
وبدى ابو الدحمي يهلوس من شين شافوه
واجد اهل الزين لكن في بهاك....
الجمال بكل معنى مختصر
خالقك سبحانه.... اختار وعطاك
كل كامل من تواصيف البشر
كان حور العين تشبهك بحلاك
هني اهل الخير في يوم الحشر
دامني حي ... فلا اطمع في سواك
وباستمرار ارجي لقا بعد القبر

مشت الايام تلو الايام وصالحه تربي الدحمي
جاء اليوم الموعود وحملت صالحه بعد ستة اشهر من
زواجه
ويوم تمكنت من ابو الدحمي وعرفت انوه منفتن به
بدت تنعكف وتحاول انه تكره الابو بولدوه
مهوب حبن بالابو بس لعانة تخاف
انوه مايحب عياله اللي تبيتجيبهم
تفكير سقيم منتس ياصالحه
حاولت تبلا الدحمي لين كرهت الابو بولدوه
قام الابو يضرب الدحمي ويطردوه من البيت
وكان للدحمي ولدجيران اسمه(سواح) هو اسمه سعد بس من حبوه
للسفر والمطاير بهالبلدان سموه سواح
وكان يشوف ظلم مرة ابوك يالدحمي ويرحمه ويدخله ببيتهم وينومه
بملحقهم
زادت قسوة صالحه على ابو الدحمي وكثرت طلباته بعد ماجابت
ولده البكر اللي طلب ابو الدحمي انه يسميه صنهات على جد ابوه لان الدحمي مسميه
على ابوه رفضت صالحه وقالت" مابقي الا هي تبي تعقد الولد
ابسميه لؤي << لؤي ذا عشيقه قبل ابو الدحمي
وكانت تطلع معه دايم يعني تخونك يابو الدحمي
ومرتن من المرارير قال ابو الدحمي ودي امر الديره اجيبلي
سماد وروث للمزرعة ورااح
راح للديره ولقى السماد مخلص واعدوه بعد اسبوع قال لا بروح
همن اجيكم بعد اسبوع
رجع وليته مارجع دخل لبيتوه وكان فيه اصوات ونونه وصرااخ خفيف
قال ايه ياعمري يالنعجه تثغي شكله بتولد
ياعمري يانت ياالدبشه
دخل لغرفتوه والا وش يشوف وضع مخل بالادب
والا يفز لؤي وصالحه ويخرب جوهم
<<<<<< هاذا اللي همتس ههههههه
ابو الدحمي بهاللحضه جته صدمة عصبيه
وكان يحبتس انتي ياصالحه
انعقد السانوه يعني جاوه شلل باللسان ونزيف
داخلي
ودخل بغيبوبه لمدة اسبوع
وبعده ماااااااااااااات
هذي مصيرك ياللي تسببت بموت
زوجتك
وعاش الدحمي لحاله بيت ابوه ورث الحلال والانعام
وبدى يحكر مهنة ابوه اللي هي البسطه بالجح
لين صار تاجر يشار اليه بالبنان بدل ماكان يبسط بالجح والقرع
ببساط ولابطانيتوه اللي ينام عليه قبال هالمساجد ولا الدوائر الحكوميه وان خربه حطهن بصندوق
الشاص)))
وبس هذي نبذة مختصرة عن حياة الدحمي

وافق ابو السلمي على الدحمي لانوه اسالوه الاسئلة المعتادة:

س% انت تصلي؟؟وونهوبه؟؟
ج% اكيد اصلي والحمدلله ماخلي ولا فرض
وانشدوا عن الامام والمصلين بمسجد ماضي
س% انت أتتن<< تشرب الزقائر؟
ثاني سؤال لاغلب العائلات السعوديه
ج% لا اعوذ بالله حد الله بيني وبينه
ابو السلمي الشوف شجر
قال للسلمي قم وشف براطمه تسانه زرقاء علمن
وحط اثمك بخشتوه تسان بوه ريحة تسبريت علمن
السلمي يبه وان صارت خشتوه صفراء وش يعني؟؟؟
والله مادلخ من الولد الا ابوه ههههههه






س% منهم ارفدازاك هل هم راعين شلل << جمع شله يعني منهم جلاسك

لايصير راعين سوء ؟؟

فقال الدحمي :

جليس السو ماهو صاحبن لي

انا ضده وهو خصمي وضدي

الى جا... قلت يقعد مثل غيره

والى اقفى قلت جعله مايردي














................. ابو السلمي : ايييه صح لسانك صدقت طيب
س%وراك جاين لحالك تحسب بنات الناس لعبه لاتصير

متهاوشن مع ابوك ولاشي؟؟


لا والله بس ابوي الله يرحمه ولا عندي لاعمومه ولا خوال

مثل ماقلتلكم مقطوووع

ابو السلمي فشل وطااح وجهه عقب ماظن بالولد

قال ايه والله انك تنشرى بميلان الدنيا هات اللي عندك وخذ مرتك

سلمى كانت مرتبكة وخايفه لانه ماتعودت انه تدخل على رجال حتى

عمومته تستحي منهم تسلم همن تطلع

دخلت وكانت شايله صينيه به توت من رمضان اللي لوه سبع شهور

دخلت وكانت مدنقه من الحياء يعني مستيحه( مستحيه)

وكانت لابسه تيور البلوزه بردقانيه والتنوره سوداء لانه كانت

معجبه با أحمد جميل وتتمنى يجيه رجل زيه
يوم شافه الدحمي فز وبداء قلبه يمشي مليوووون شوي ويطلع
موب حب الا خوف من شوشته ههههههه
دخلت عطتوه العصير بيده مادري الا ايده لامست ايدينه
حس بقعشريره مهب أعجاب الا انه ايده به مشق تكل جلد ضب
من الخشونه
فكر وفكر قال خلن اخذه احسن من اخذ جميله تشوف نفسه علي
او تخونن لانه تذكر زوجة ابوه
فاخذه وحطو العرس ببيت اهل سلمى وجو الناس
يباركون للعريسين
لاوابو سليمان اول مره يمدح زوجته نغر قاله الله الله وش هالزين
وهي تصفق لبنته وهي يقول:موضي موضي ..خده يوضي بين الحموري والصفوري
احلا ياشاعر زمانك الا مويضي تدنق من الحياء وتبسم






















(وبعد شهرين من الزواج )

اعجبك ايه اعجبك

لما احط الروميل الليلكي

عندما اتوشح فصطاني الاحمري

قل ماعجبك غصبن عليك اعجبك

بهذا الكلمات الركيكه كانت سلمى تشدو بها لزوجها في اجمل الليالي الحمراء عندما يطلب منها ان تغني له وتطربه

كان الدحمي دايم الدوم يقول لها غنيلي (اطبطب وادلع )

وكانت سلمى تنقهر من زوجها لانها تغار من تلك الفلبينيه

الموهييم صارت حياة سلمى والدحمي اشبه بالجحيم لانه تغار عليه من النسمه <<< مهوب الفشار النسمه النسمه اللي بالجو

وكل دايم كل مارحوا لسوق ولا شي الا هو فاغر اعيناتوه وامقززهن على هالبنات وهي بس تغلي وتحتمي

ومايرجعون للبيت الا نقره ونقير

ملت سلمى من حركات زوجه الصبيانيه راحت لبيت اهله تشكي لاميمته فقالتله امه شكله بدى يمل منتس مالتس
الا تجيبيلوه ولدن ولا بنت غديه يلهى عنتس شوي
بدى الدحمي يدق عليه ببيت اهله مهب جود بس مايدري وين صرواله ولافنيلتوه ويدق بيسأله
بس هي ماترد عليه معطتوه اشكل << ماتلعب حليمه بولند ههههه
ايه نسيت اقولكم ان هدية عرسه منوه جوال
(الكتل)

http://up.graaam.com/p8ic/4e88f4fc1b.jpg (http://www.graaam.com/)

اللي اكبر مافيه اريله طبعا مميز بالنسبه لسلمى وانبسطت عليه دايم تلعب الثعبان اللي فيه
المهم مل من حياة العزوبيه عقب ماتعود عليتس ياسلومه قال خل
اترجاه بس عشان تطبخلي وتغسلي يعني موب حب له
ثم ارسله
:: كيف اوضحلك...
وكيف افهمك ...
واشرح لك ....
كيف احسسك ..
وأكد لك...
إني !!!!!
أحـــــــــــــــــــــــــــــــــــــــــبــــــ ــــــــــــــــــــــــــــــــــــــــــــــــــ ــــــــــــــــــــــــك
قرت سلمى الرساله وكانت مقهوره منه فردت
حبــك اللي تدعـــي هو حب ذاتك..
ومن يحب الذات مايخلص لغيره..
غرنــي فيــك ظـــاهـــر صفاتــك..
غــلطــتي ياللأسف كانت كبيـره..
مات حبك والبقيه في حياتك..
في حنايا خافقي لاقي مصيره..
خذ مع الجثمان باقي ذكرياتك..
تجربه حبي معك كانت مريره .. «®°·.¸.•°°·.¸¸.•°°·.¸.•°®»

قطب جبينه<< وشلون تجي؟؟؟ شكله قطب حواجبه
<<<< ياشين اللي مايعرفون يحتسون ههههههه
المهم انوه رد عليه وقال:
إن كان رغبتك في فرقاي
فكل(ن) ولد ناس يالغالي
وإن غبت عني فانا رجواي
في واحد(ن) بالسما عالي
يهديك لي يارغبتي ومناي
ويبدل الحال باحوالي

(هاذي من وارد المحبوب)
سهجته سلمى وماردت عليه فأرسل..
التغافل عن بعض الاخطاء في حقك الشخصي يديم الالفه
وقد قال الله تعالى(( عرف بعضه وأعرض عن بعض))
وقال علي رضي الله عنه .. من لم يتغافل تنغصت عيشته
وقال الامام احمد بن حنبل: تسع اعشار العافيه في التغافل
فسامحيني إن اخطأت بحقك****
كلام سليم كلام عسل,,,,,,,,
يوم قرته سلمى رحمته وقال خلاص وشوله اطول الزغاغيل<< كنايه عن كثرة الكلام
فارسلت
تسمع اذا قالوا رفيق دربي ؟
اخو دنياي
أغلى ناسي
انت ولا واحد فيهم؟!!!

انت اللي اعجز اسميك اذا اسألوني من تكون؟؟!!
احتار....
كيف اشرح بسمتك .. وكلامك.....وقلبك الحنون....
ودي وشلون يفهمون
(( انك أغلى من غلا كل الكون))
وكتبت تحته احــــبك
والله لايهينك تعال خذن من بيت اهلي

رجعت لبيته قاله الدحمي هاه بشري وش عبتتس امتس من البلاوي انتن يالحريم ماتقعدن الا على شر
دنقت سلمى
وقالت تقول امي: احشميه وحطيه فوق راستس وهنتس تزعلينه
قال ايه كفو هاذي الام الصدزيه
وبعد مرور ايام بالسطح لانهم كانوا ينامون بالسطح
يحب النفاهه الدحمي الا ان سلمى بدت تحوم تسبده وتقلب
ويبدا به الصداع وتستانس وراحت علمت الدحمي
بس ماش تقل ماستانس لانه خايف النسل يصير ماش
يعني يطلعون عياله مهب ذاك الشين وبس الا ضفادع
قاله سقطيه قالتله حرام لانه نفس حيه قال انا مابي بزارين الحين
ودي نستمتع بحياتنا اهبوا يالرجال لابغوا شي وهو كل النهار دشره برا البيت
استانست الضعيفه تحسبه صتز يبيه ماتدري انه مايبي منه شي
وبس ماغير يشيله اكياس الرز والسكر
عشان يطيح هاللي بطنه بس هالولد ناشب مايبي يطيح
استسلم الدحمي ورضى باللي كاتبه ربي
مر شهر على حمل سلمى وبدا الفرث يلعبه
الفرث= الوحام = اللي تشتهيه المره بحمله ولازم تاكله
عشان مايصير بالجنين شي
توحمت سلمى (بتراب) ادري بتقولون تراااب قولوا الله لايبلانا
<<<<<<<< تسذبت التسذبه وصدقته ههههههه
اييييييييه وبداية اكتشافه انه متوحمه بالتراب
انه لاطلعت بحوش بيته تقعد تشمشم الارض لين تلقى جخر نمله
همن تاخذ التراب حق النمل وبدن النمل يتأففن منه ويعصبن عليه ويدخلن للبيت ويلهمن
كل السكر انتقام من سلمى
حتى سلمى
ماش ماعجبه تبي كثير يوم قالت للدحمي قال بسسسسسسسسسسس تششششششششش مير<<<كنايه عن سخافة الطلب وبساطته
ماكثر الله الا التربات ويشيله ويطيربه للطرفيه وماغير تطب وتلهم من هالتربات
لين صارت الطرفيه والدائري وعسيلان سح ولانقطة تراااب
وكان فيه جيوب يطعسن وفوق النفود مادرن الا هن طابت على ارض قاحله
ومات كل اللي يطعسون لانه اكلت التراب من تحت النفود واحدث زي الهزه مما ادى
باالكثبان الرمليه الا الانهيار ثم الاختفاء
البلدية انبسطت لانه منعت زحف الرمال على المناطق السكانيه
بس هالشي اثار حنق البدو ورعاة البقر<< بقر قصدي غنم
راحت سلمى لبيت اهله بتزورهم لقت اهله متجمعين بالمزرعه ومير تلهم كل رمل وتراب
المزرعه فصارت النخل عاريات من التراب وبداء الماء يمشي لحالوه خخخخخخخخ
فقام ابوه وطرده من البيت وقاله لاعمرتس تجين ابدن ابدن وقعد يصيح على التراب اللي راح
وذوت الخضره اللي زارعه له سنين ومنين

انتشرت بالصحف والتلفزيونات قصة اختفاء التراب على سطح المعموره ولايدرون وشو السبب؟؟!!
وعقب ماكان هناك نقص بالماء صار نقص بالتراب والسبه فرثتس ياسلمى بلا هالحمل ههههه
بعد التحقيق المطول وفرق جنائيه وبحث فدرالي وتتبع للجره<< هالطريقه كانت قديمه مثل تتبع الاثار ب
بوقتنا وصارت الطرق كله توصل لبيت الدحمي وزوجته الحامل
عرف الجيران وكتب بالصحف العربيه والعالميه
وبثت ايمان تنوره خبر عاجل
لاول مره تحدث في تاريخ البشريه ؟؟
قيام امراءة بالتهام كميات من التراب ولا يعرف سبب هذه الحادثه
الغريبه من نوعها هل هي اسباب نفسيه ام وراثيه
وش دراتس يابنوره انتي عن الوحام وخري بس
وبدت العربيه والاخباريه تجيب دكاتره نفسيين وفيلسوفين<< وش دخلهم >> مادري
اللهم كلهم يطمحون انه يفسرون هالحاله النادر حدوثه والمخالفه للفطرة السويه والنفسيه
والفسللوجيه والانتروجيكـــ<<< اقول اخلصي
خلاص
بدت الشركات تقدم عروضه ومن بينهن شركة انتر فاكس الروسيه
بالتعاون مع مزارع فقيه في انهم يحولون الربع الخالي الى ربع مزدهر
ولان المعدات عجزت وتعبت من محاولات انهم يخلصون جميع رمل الربع الخالي
فاستعانوا بسلمى عشان تلهم لهم التراب
طلبوه بمليونين ولاكن الدحمي رفض مما ادى الى حنق وغضب ابو السلمي والام
وشفاط النمل السلمي
وماكان جواب الدحمي الا ان قالهم(( مالكم دخل هاذي مرتي وانا حر))
كفو ياذيبان توه تصير مرتك
جت الشركة دبلت السعر الدحمي صرح بالصحف المحلية والعالميه
طبعا كل تصريح بمليون آلا والله اللي داعيتلك امك يالدحمي طحت على كنز ههههه
قال انا ماراح اوافق الا بخمسين مليون
وافقت الشركه لانه ماراح تخسر واللي بتجنيه بيكون اكثر
انبسطت سلمى لانه بتروي عطشه وجوعه من هالتربات
\ومير تطب بالتربه وماغير (لهم) وياما قالت جيبوا شاهي عشان اذوب التراب
وياما قالت جيبوا ترمس حليب يعني تشهواى على كيفه والدحمي عنده ومن الكسل قاعد يسوي
بيوت طين ومايقضي الا وسلومه جيتن وشافطته ههههه
لين صار الربع الخالي صدز فــــــــــــــــــــــاضي


يلق مثل الرخام

http://up.graaam.com/p8ic/6645c8e6df.jpg (http://www.graaam.com/)












قامت شركة فوكس سنتر باعطاء سلمى درع تذكاري ودخلوه لموسوعه


قينس للارقام القياسيه على المعجزه اللي سوته

الشركه بنت بالربع الخالي الفاضي مدينة العاب تضاهي ديزني والحكير

وبنت الفنادق فيه وحطت مدينه سياحيه كامله وسمته(( سلامينو))

مشتق من سلمى ونو وهي نو يعني لا اداة تعجب << احلفي

سلمى مانست اهله شرة لاهله الهدايا وبيت جديد وشرت
ربع لاخوه لانه كان يموت بجيب الربع
وشرت لابوه مزرعة بدال اللي لهمت ترابه بس هالمزرعه مابه تراب
بدال التراب قطن
الدحمي استانس بالفلوس وتمنى انه ماتولد ابد
اشتروا فله جديده وحطوا خدم وحشم << مادري وش معناته بس عن قولة ماقلتيه ههههه
واشترى الدحمي تشارجر اللي كان قبل مايلمس اسطباته هع هع هع سبحان مغير الاحوال
بدت العروض المغريه تنهال عليهم من كل حدب وصوب
(بيل جيتس) الغى استقالته من شركة ميكرسوفت يوم عرف بالخبر لان كان حلمه الوحيد
انه ينشئ شركه حول سواحل كليفورنيا بس الرمل اللي ناشب حول الساحل
هو العائق امام تحقيق حلمه
دق بيل جيتس بنفسه على الدحمي وطلب منه يجي هو وزوجته لبلد العم سام
وطق صدره وقال تكاليف السفر والفندق علي بس انت انجز وتعال
<<<< انتي متاكده انوه جيتس موب علي المدفع اجل انجز
شالو قشهم وسافروا
سلمى: الدحمي
هاااااااااااااه
صادز انت بنسافر بالطياره
لا على بعير .... ايييه اجل وشلون نوصل للعالميه<<مصدق عمره نجم الشباك
لا هونت والله لو تموت ماروح
هو وشلون اجل بتاكلين تربات
ماعليه تعرف مشروع جبل عمر هماو بوه جبالات<< جاهله ماتعرف مفرد جبل
اييييييييييييييييييييييييييييه وشو؟؟؟
ابروح افتت الحصى لين يصير رمل همن الهمه
يامهبوله الحين جايتس عرض وش زينه ويكسب ملاييين وتبين تروحين لمكه وماراح يعطوننا
نص اللي بيعطينا هالسنافي بيلو<<< اقالك تدلع
وتفج سسلمى كشرته وصيااااااح لا مابي مابي اخاااااف
وش تخافين منوه
اخااااااف من التياره<<< ايقاله ناعمه هق هق هق
اقول وخري بس تخافين وانا معتس افاااا بس يالذروقه
وبعدين وش زينه الطياره يقولون عندهم تلفزيونات وكل القنوات<<< هاذا همه القروي
سلمى: لا اخاف من المرتفعات انا لارقيت لسطحنا اخاف وبصرعه انزل
الدحمي: من زين سطحكم عاد بعذرتس تخافين مالوه جدران
يالله بس توكلي على ربتس وامشي
استسلمت سلمى وارضخت لاوامر زوجه وهي كارهه بالاصح خايفه
يوم راحوا للمطار وشافت الطياره بالطبيعه عقب ماكانت تشوفه بالتلفزيون بغى يغمى عليه
ورجعت همن مسكه الدحمي وقال بلا لعب بزارين يالله تلقين بوش ينتظرنا بمطار شياغو
ركبوا الطياره وهي متعنقطتن بيدين الدحمي تخاف تطيح وقعده على الكرسي المخصص لها
وجلس جنبه وطارت الطياره وهي بس تشهد اشهد ان لا الله الا الله اشهد ان الموت حق
ياويل عينتس ويلاه ياسلومه
الا الدحمي يهديبه لين اقلعت التياره
يوم صاروا بالجو بدت لعانه الدحمي تشتغل قرب لسلمى وقاله تدرين
ان اكثر الحوادث بالدنيا هي حوادث الطيارات
سلمى عيونه لازقتن بالارض ودهن يطلعن من الخوف
خلاص تكفىىىى اسكت
وراه اسكت لا ولا طاحت الطياره اول مايطيحن العيون وينشبن بالاسفلت
سلمىى بخوف: وانااااا
وشو انتي تصيرين رمل مثل هاللي تلهمينوه مايعرفتس ولا ابن ابوه الا بالحمض النووي
سلمى وتفك الحزاااام وتصرخ نزلون مابي اروح هونت ابي امي ابي ابوي امبييييييييييييييه
وهالسلوقي ماسكن بطنوه ويضحك
لين جاهم مطب جوي خلى الدحمي يصك بالدريشه ويتدروخ احسن
المضيفه جت تهدي سلمى وقالتله لاتخافي مافي اشي من هالحكي
وشو ماخاف انا جان تطريش واسهال والسبه طيرتكم لابارك الله فيكم
ههههههه حطت حرته بهالمسيكينه
المضيفه : ماعليه شو بدك تشربي مدام؟؟
سلمى وعيونه طايره على المضيفه وهندامه الذوق
ابي ابي ابي توت
لانه متعوده اذاا طلبت شي غالي تقول توت
اما الدحمي فكان نايم عقب الصبخه المعتبره وماشاف شي وسلمى حمدة ربه

كانوا على الدرجه الاولى تعليمات السيد قيتس حاولت سلومه تنام










ماقدرت لين وصلوا

نزلوا لمطار هيثرو<< نخبره بلندن


ايييييييييه تخبرونه انقلوه

شافوا اصناف من البشر احمر اخضر اسود جميع الالوان

الدحمي يمشي وسلمى طايرتن بوهته بجمال التصاميم والنوافير وبهالرجال وحالاوتهم

وتناظر برقعه ولاوه منتلي سعابيل وتروح تعصره همن تلبسه ثانيه

اما الدحمي فسعابيله واصلات الركب ماتسد شاف حريم زي تسذا
امنول حدوه يروح للقبه ويشوف الحريم من وراء العبايات
الحين لا شاف لحم ابيض صدزي
راحوا للفندق اللي اخذه لهم قيتس وعجزوا ينامون من شين شافوه
لا واللي زاد الطين بله اللي حولهم يحتفلون ومسوين ازعاج ابواق وموسيقى
ازعاااج بمعنى الكلمه
صار الصبح راحوا لموقع العمل<< حلوه صح
يوم وصلوا الساحل ولا الناس متبطحين عند البحر اللي عريان
واللي تتشمس واللي داخلين بالبحر يتسبحون
يعني حركات بركااااااااات
جاء المهندس قال لسلمى يالله شوفي شغلتس الهمي هالرمل لاننا كل ماحاولنا
نشيل الرمل تكسرت المعدات والشيولات من صعب الرمل
قالت ماعليه ازهله بس وشلون افتش وهالرجاجيل يشوفونن
قاله عادي ايزي
قالتله عساك للطواعين اللي تشقق اتسلاك
وش العيزي
الدحمي من زود الخرشه وشوفته لهاالحريم المتبطحات قاله عادي
حبيبتي شيلي هالبرقع اللي اصنق عليتس حنا بمغيكا بلد الحريه
سلمى حقدت وقالت هونت خلاص مانب بالعه التراب يالله انا انسحب
بدى المهندس يترجاه ويحاولبه
قالت ابيكم تخلون المكان لي مافي احد
الدحمي قعد يضحك عليه قال تخيل يطلعون كل هالناس علشانتس
ههههههههههههههههههههههههههه
حز بنفس سلملم
المهندس قاله حاضر يامدام وبظرف ساعه مابقي الاسلمى والدحمي اللي انغث عشان راحن
البنات اللي يكحل عيونه بهن
وقعدت سلمى تلهم لين خلصت الرمل وبصعوبه والتهب السانه صاربوه زلق وطلعبوه جروح
ورجعت للفندق وهي متضايقه من تصرفات الدحمي
وطلبت له غرفه لحاله
ماجاه النوم وراحت لغرفة زوجه ولقت معوه بنت وهم بوضع مخل بالادب
انصدمت سلمى وانقهرت وصفقت الباب دونه دري الدحمي انه درت
وجاء بصرعه ويطق عليه وعيت تفتح ويحاول ويحلف له انه زله وماراح يعيده
بس سلمى قاعده تراغي وتصيح بقوه وسفهتوه
دق عليه بالجوال بس ماترد
قرب من الباب وقاله:::::::
حبيبتي انا آآآآآآآآسف والله انه زله وسولي الشيطان
الحين ابروح انام
رجع لغرفته وهو ندمان على عملته السوداء المنيله بستين نيله
قاموا الصبح قاله انا عازمتس على احسن المطاعم يبي يضيع اللي سواه
وكان شاريله خاتم الماس وقدمه عربون اعتذار
وقعد يترجاه انه تشيل البرقع وتتحجب بس هي ولا يمكن
قاله طيب تلثمي فشلتينا الحين حنا صرنا مشهورين تخيلي يصورونتس
وانتي بالبرقع المحلي<< كناية عن القدم والوساخه
مسك زقاير وهو اول مره يتتن بحياته بس يوم شاف الناس حتى حريمهم
قال خلن اجرب وصار مايشرب الا
Davi doff) ) ولاكنت
حاولت سلمى انه تبعد زوجه عن هالاشياء ولانه حامل فأكيد بيضر البيبي
ولعنة الساعه اللي صاروا به مشهورين
طال النقاش بينهم فقاله الدحمي اصلا انتي بنت فقر وشينه وانا اخذتس
عشان ادخل الجنه بسبتس
حز بنفس سلمى وبدت تقول هالابيات وهي مقهوره ....
اناااا بنت نعمه وشايفه خير **ومتربيه على عزي
ولي شيمه ..
ولي قيمه..
واعز النفس واكرمها _احب الصعب والكايد
والله ميسرن امري وعلى عناادي احب اني اساير نفسي واطربهاا
واحب الطيب..
واحب الجود..
واحب اتلذذ بصبري
ولادنيت انا نفسي على الدنياا وبلاويهاا (وهي تناظره وتقصده)
عزيزه نفسي واطباعي على ابوي وعلى جدي**شموخي بكلمتي وفعلي والكلمه ماثنيهاا

ولا تذلني دنيـا عـلى الغالييـن متعـذره..

أنا بنت الرجـال اللي فخـرهم ينحـني لأصله..وانا بنت الشيوخ اللي قدرهم ما مثل قـدره
ما يـذلني رجـال على الارض وطت رجـلـه..
وقامت وخلت له المكان ...
وهي قاعده تهوجس وفاتحه التلفزيون شافت برنامج(( يخلى التكرونيه قطعت جمال))
فقررت انه تشترك لمدة شهر بعد الولادة
لان جورج بوش الصن( الابن) حلف عليهم مايولد سلمى غير داكترة البيت الابيض
وعشان يحملون الجنسيه الامريكانيه
ولدت سلمى طبعا على ايدي خبراء ومتخصصين بحيث انه ماحست بألام الولاده
وكان الدحمي لاهي ببنات الليل وحقات البارات سهرات وفلة حجاج
جابت ولد وش حليله تقل كومة حصاة من كبره بعذره من لهمه لهالحصيان والتربات
بس هاذا مامنع انه طلعة شامه بخدوه اليمين على شكل حبة رمل ولونه ازررق لان الولد
اسود ماوضحت كثير هههههههه
يوم خلصت الاربعين مدة نفاسه جاء لمه الدحمي وعطاه غوايش بمناسبة الطلاعه يعني طلعت من
الماجب اللي هو الاربعين فبدت سلمى تشكروه يالله تعافيه
يالله تخليه لنا فماكان رد الدحمي الا ان قال: اقول بلاكثر تلحس وتلوحس كثير والله لو تحبين نجوم السماء
مالتس الاهالغوايش ... والله من الجفاسه











يوم المهمة المستحيلة.. Mission imposible


بدت سلمى تبدء بالبرنامج ياما عدلو خشمه ياما وسعوا عيونه تقل بورشه حشى

كان اصعب شي للمختصين اللي سووا العمليات هو شعره اللي كل ماحاولو يفردونه

شقص وصار شوك يبطط فما لقوا حل الا يحلقونه زيرو000 وينبتون من جديد يعني زراعه

طبعا لان حالة سلمى مستعصيه فاخذ البرنامج معه حوالي ال6شهور

وكان الدحمي مايدري عنه يحسبه لاهية بولده اللي سماوه ابوه بوش مصدق الدحمي يسمع
بالتقرب للحكام يحسبوه بالخليج والله مادري عنك بوش ولاجورج
المهم بعد هالمدة طلعت تطق بزينب العسكري ونجمات هوليود
لا ونجمات ستار اكاديمي
يعني سوولها سمكره كامله وطلعت بالبرنامج كل المشاهدين انهبلوا وطاحت سعابيلهم
من قبل وبعد
الخشم المسلول والشعر الطويل الاسوود اللي يتهلهل
والا البياض يعني وش اقول وش اخلي
رجعت للفندق لقت الدحمي مشوتينه برى الفندق مطرود بعد ان قعب ثلاث ارباع قوارير الكازينو
يحسبه ببريدة متروبع على صحن مطبق ويقعب من سفن أب دايت
هو مادرى ان هالملاك هي سلمى فقال له: عطنا وجه يالغزال الشارد
قالت: ابعد عن يالحمار الداشر
ويوم دخلت الا والانظار كلهم عليه وكان فيه المخرج جان جبريل فانبهر عليه
وطلبه انه تمثل في احد افلامه وكان البطل بالفلم توم كروز وبن افلك
وتاركان ومايكل دوغلاس يعني كان يضم اوسم المشاهير
وطبعا الفيلم رومانسي ممزوج بالمغامره بحيث هالابطال كلهم يحاولون يحصلون
على ملكة جمال العالم اللي بتمثله سلمى
طبعا سلمى رفضت هالعرض المغري لانه فيه مشاهد ساخنه
ورفضت <<< احلا ياحنان ترك
بعد يومين نزلت في بهو الفندق فلقت شخصيه مرموقه من شكله بدي قردات حوله
جلست يوم شافه انخرش وجاء عنده
قال انا : سيد سونسان تاشيو<<< واضح من الاسم صيني
وهاذا يملك اكبر مجلات نروروك وساق فيقاس ولوس انقلس
يعني مكوش ع الكل ولانه شاف ملامحه عربيه اعجبه لانهم مفتقدين
لهالشي وطلب منه انه تكون $$فتــــــــــــاة الغلاف$$
لهالشهر
طبعا رفضت مبدائيا لانه قالت ماحب اكون سلعه رخيصه بايديكم
حاول معه بس ماش وعلمتوه انه رافضه اكبر الافلام اللي بميزانيته راح
يكسر التيتانك والعميل السري
باضعاف
فعرض عليه انه تكون شراكة معه بمسك جميع المجلات اللي تصدر
فماكان الا انه قبلت وطاحت سعابيله لانه بتكون مليارديه ومشهوره بعد

جلست على كرسي رئاسه التحرير وبدت تنهال عليه العروض والحفلات
وصارت من الشفاحه بكل المجلات تحط صورته بالغلاف
وصاروا الناس يشرونه بس عشان يشوفون صورته طبعا غيرت اسمه لانه صارت
مشهوره واسم سلمى مايليق عليه راحت ذبحت خروف وغيرت اسمه<<< والله للحين بتس خير
حطت اسمه( سنسوداين) << مهب تكل اسم معجون اسنان هههههه
وصار سعر المجله ب50 دولار

[http://up.graaam.com/p8ic/1f486b9c4b.jpg (http://www.graaam.com/)










الله يرحم فواصل يوم حطوه ب15 ريال انهبلنا ههههههه

وكان السلمي هو وخنيش مارين جنب ميد فشافوا مجلات السلمي يوم


شاف اخته انغصه قلبه حس انه اخته الدم واحد قال شكلي حبيته

او شكلي اعرفه خويه خنيش مسك الفلبيني ومسكوا بطونهم وتسدح بالمحل وضحك عليه

فشل وطلع

الدحمي مل ودوه يشوف ولده راح للفندق لقى الولد معه مربيه زنجيه

هو يحسبه سلمى لانه من زمان عنه قال وشخبار الولد والزنجيه تجاوبه بانقليزي
وهو الي يضحك يقول زين فلحتي بشي واخذتي لغه
وهو يضحك الا سلمى اوسنسوداين واقفه عند الباب انخرش
الاهي تضحك وهو يعرف ضحكته تقل ضحكة رجال وهالشي اللي ماقدروا يغيرونه
قال انتي سلمى قالت ايه الا شوي يجيه واحد يمسكه مع ايده ويقوله كم هير
انهبل الدحمي وحاول يضربه فنادت الحراس اللي معه ومسكوه
قالت من اليوم وطالع مالك شغل بي انا vip فيري امبورتنت بيرسون
وتسان تبي ولدك خذه
وتسان تبيه معي فانا بدخله باحسن المدارس اللي هنا
انصدم الدحمي ان سلمى العاقله اللي متمسكه بعاداته وتقاليده وقبل هاذا
دينه انه تسوي تسذا
ولان اغلب الرجال يبون كل شي يسونه ومايهم مشاعر اي احد فذا الحرمه سوة هالشي قامت القيامه
وبدة محاولة ترجيع الحسابات والفوقان من الصدمه
قاله خلينا بس نرجع لديرتنا ونعيش حياتنا يكفي ماعصينا ربنا
امشي معي رفضت وقالت: انت اللي بعتن ببنات الليل خلك
ذق ربع ماذقت
ثم قالت:
ماني ثوب من ثيابك تبدله متى ما بغيت
صحيح احبك بس عزتي تمنعهــا
ما اوطي الرأس قد ماانت وطيت
وكرامتي يالغالي اشيلها وارفعها
وادوس قلبي برجلي وعن حبك نهيت
رجع الدحمي لارض الوطن سالما غانما ومعه ولدوه
بس رجع محطم خلاص راحت منه زوجته بسبب اهماله وركضه وراء شهواته
والمال
اما سلمى فطلبت الخلع من الدحمي وتزوجت الصيني لانه اعجبه وجابت منوه بنت وولد
بس مايدرون منهو الولد من البنت لانهم شكل بعض
ارجو انه تعجبكم حتى وان كانت نهايته حزينه

(جميع الحفوظ محقوقه لصالح شركه الجحاده المتحده)
.................................................. .................................................. ....................

المتحد
18-07-07, 06:23 AM
حجز

ياطول الموضوع
حصاد سنه بيوم انفجار

يبيله جلسه نرجع ان شاء الله

وينك اول الليل

هالحين صفره وشموس
.

أبو حديده
18-07-07, 07:11 AM
http://up.graaam.com/p8ic/da6ad10693.gif (http://www.graaam.com/)

شباب زقرتيه خخخخخخخخخخخخخخخخخخ

موضوع مهستر يعطيتس العافيه يالجحوده بس ما قريته كله

يبيله وقت ورواقه خخخخخخ اصلن من يدخل وما يروق هع هع

لي عوده بس ترى ابغى هالصوره اعجبتن ههههههه

أبو بتال
18-07-07, 07:17 AM
قصه جدا رائعة والأروع نهايتها
تصلح مسلسل مكسيكي
تفقعت عيوني وانا اقرا
الله يعطيك العافية
ملاحظة..
تصلحين كاتبة روايات

*أسيرة الذكرى*
18-07-07, 09:09 AM
http://up.graaam.com/p8ic/15315c2cf7.gif (http://www.graaam.com/)


(a14) (a14) (a14) (a14)

¨°я» بنت عـآدية «я°¨
18-07-07, 12:29 PM
هههههههههه اجل مسك جدايل مرته
ودار فيهم كنها مروحة هههه خطيرة
يسلمووووو جحودتي عالقصة
اكثر من روعة بس مرررررة
طويلة قريت الربع وباقي ثلاث ارباع
بس باين انها مرة حلوة واحلى مافيها
اشكال الشخصيات تخررررررررررع
برجعلها .....

الناااعسة
18-07-07, 12:35 PM
ههههههههههههههههههه
الله يرج العدو

وش ذا الزين

بس مت ضحك على اسم

http://up.graaam.com/p8ic/76bf02aff6.gif (http://www.graaam.com/)


(خنيش)صديق السلمي الروح بالروح

لي عودة للقرأة جيدا

تسلمين جحجح << ندلعس ياخيه يعنى جحودة

يسلموووووووووو

بدر المشعل
18-07-07, 03:16 PM
تنقل المؤلفة والرواية الى طاش ما طاش


ابداع يالجحودة اثاريك ما انتي بهينه

أبونديم
18-07-07, 03:36 PM
وينحرق نص الشعر والباقي يصير واقف تقل قنفذ

خخخخخخخخخخخخخخخخ

هذي غرابيل والا سلمى القنفذ

الــــجــحــوده
19-07-07, 01:43 AM
حجز
(a14) على اي رحله

ياطول الموضوع
حصاد سنه بيوم انفجار

يبيله جلسه نرجع ان شاء الله
خذ راحتك يالوكاله
وينك اول الليل
ماعندنا بنات يطلعن بالليول(q81)
هالحين صفره وشموس
انا عارفه ان الشوف شجر ياخال عشان تسذا حطيته بالنهار(a26)
.
الوكاله مرورك اسعدني الاسعد شي

الــــجــحــوده
19-07-07, 01:49 AM
http://up.graaam.com/p8ic/da6ad10693.gif (http://www.graaam.com/)


شباب زقرتيه خخخخخخخخخخخخخخخخخخ

موضوع مهستر يعطيتس العافيه يالجحوده بس ما قريته كله

يبيله وقت ورواقه خخخخخخ اصلن من يدخل وما يروق هع هع


لي عوده بس ترى ابغى هالصوره اعجبتن ههههههه

يعافيك يابو خشيبه
الصورة لازم نستاذن ابو السلمي اخاف مايطيع (a14)
ابو خشيبه مرورك اسعدني الاسعد شي

الــــجــحــوده
19-07-07, 01:55 AM
قصه جدا رائعة والأروع نهايتها

الاروع تواجدك
تصلح مسلسل مكسيكي
مشفره (a14)
تفقعت عيوني وانا اقرا
الله يعطيك العافية
يعافيك ربي
ملاحظة..

تصلحين كاتبة روايات

شهادة اعتز بها بس تهقا اصير مثل اجاثا كريسبي<<
<< ياشين اللي يحطلتس ملاحظات
ابو بنتال مرورك اسعدني الاسعد شي

الــــجــحــوده
19-07-07, 01:58 AM
http://up.graaam.com/p8ic/15315c2cf7.gif (http://www.graaam.com/)




(a14) (a14) (a14) (a14)


هلووو اصيره تسيف احوالتس اعجبتس سلومه :)
اصيره شوكرن لمرورتس

الــــجــحــوده
19-07-07, 02:03 AM
هههههههههه اجل مسك جدايل مرته
ودار فيهم كنها مروحة هههه خطيرة
يسلمووووو جحودتي عالقصة
يسلمتس ربي يالدبيه
<< طاقتن الميانه معه
اكثر من روعة بس مرررررة
طويلة قريت الربع وباقي ثلاث ارباع
بس باين انها مرة حلوة واحلى مافيها
اشكال الشخصيات تخررررررررررع
برجعلها .....
عارفه انها طويله وانتم تحبون المختصر بس كل ماحاولت اختصر ماقدرت
اما تخررع اقالتس ماتشبهين سلومه (a14)
احلام مرورتس اسعدني الاسعد شي

الــــجــحــوده
19-07-07, 02:08 AM
ههههههههههههههههههه

الله يرج العدو

وش ذا الزين

بس مت ضحك على اسم

http://up.graaam.com/p8ic/76bf02aff6.gif (http://www.graaam.com/)


(خنيش)صديق السلمي الروح بالروح

لي عودة للقرأة جيدا

تسلمين جحجح << ندلعس ياخيه يعنى جحودة


يسلموووووووووو

(a14) هلووووووو الناعصه تيسف حالتس تبين اخلي اوم عبسي تزوجتس خنيش شكلوه معجبتس(a14)
جحجح<< مشوار
لا دلعين التكرونيه(a26)
<< والله من الخشونه
ناعستون مرورتس اسعدني الاسعد شي

الــــجــحــوده
19-07-07, 02:13 AM
تنقل المؤلفة والرواية الى طاش ما طاش


ابداع يالجحودة اثاريك ما انتي بهينه
ماحب طاش احب 7 نجوم
<< تشرط بعد
وشلون منب هينه يازوج التنتين
<< ياشين اللي يكتب عندتس شي (a14)
بدير مرورك اسعدني الاسعد شي

الــــجــحــوده
19-07-07, 02:17 AM
خخخخخخخخخخخخخخخخ

هذي غرابيل والا سلمى القنفذ
خاخات العافيه
غرابيل طقاقه مهب فتاة غلاف(a26)
راعي السوادزي مرورك اسعدني الاسعد شي

7
7
ايه ذي الصورة اللي نبيه(a14)
7
7

بدر المشعل
19-07-07, 02:22 AM
ماحب طاش احب 7 نجوم

<< تشرط بعد
وشلون منب هينه يازوج التنتين
<< ياشين اللي يكتب عندتس شي (a14)

بدير مرورك اسعدني الاسعد شي


الا اقول يازينك لو يحطونك وكالة اخبار اول باول تفضحين كل شي(a14)

¨°я» بنت عـآدية «я°¨
19-07-07, 11:48 AM
عارفه انها طويله وانتم تحبون المختصر بس كل ماحاولت اختصر ماقدرت

اما تخررع اقالتس ماتشبهين سلومه (a14)
لامااشبهها

احلام مرورتس اسعدني الاسعد شي

بعدين من قلك اني دبا والله مو دبا

الــــجــحــوده
20-07-07, 05:25 AM
الا اقول يازينك لو يحطونك وكالة اخبار اول باول تفضحين كل شي(a14)

مهب شينه بعدين انا مافضحت انت قلته قدااااااام كول الحته (a26)

الــــجــحــوده
21-07-07, 06:58 AM
بعدين من قلك اني دبا والله مو دبا
(a14) (a14) انا كل اللي امون عليهم اسمهيم دوبا يعني تعبير مجازي مب صتز(a26)

¨°я» بنت عـآدية «я°¨
21-07-07, 12:38 PM
(a14) (a14) انا كل اللي امون عليهم اسمهيم دوبا يعني تعبير مجازي مب صتز(a26)

اهاااااااااااا
اذا كذا معليش تمونين يالغالية

الناااعسة
21-07-07, 12:48 PM
(a14) هلووووووو الناعصه تيسف حالتس تبين اخلي اوم عبسي تزوجتس خنيش شكلوه معجبتس(a14)

جحجح<< مشوار
لا دلعين التكرونيه(a26)
<< والله من الخشونه

ناعستون مرورتس اسعدني الاسعد شي

لا يخيه مابية (qq152)
ماعجبني ابد (qq152)

يالله ان تحيي التكرونية <<والله ماتصلح لس

بس خلينا على جحجح احسن

بنوتهـ دلع
21-07-07, 07:22 PM
يعطيك العافيه

مــــس نيـــوتن
21-07-07, 10:38 PM
انا بذبحك وش ذا طووووووويل مره
اقووول يمكن اطبعه عشان اقراه وانا منسددددحه مافيني حيل

*أسيرة الذكرى*
22-07-07, 04:54 AM
هلووو اصيره تسيف احوالتس اعجبتس سلومه :)


اصيره شوكرن لمرورتس

هلا بتس
احوالي مثل خشت سلومه ,, تهبلللللللل(a14)
وشخباااااريييتس ؟؟
عفووووووااااااننننننننننننننن

رزنامه
22-07-07, 09:35 PM
خخخخخخخخخخخخخخخخخخخخخخ
يا مال الزين يا ويكلة البنز
ابنكس المشكله وقتي مو بيدي
لو هو بيدي جيتتس بالكرته وشيلة المنيخل
بس انشاء الله ابنكس لو على قتتي
والخط بكبره<<وجه مفتشل
بس مو علشانك علشان اريـّح عويناتي وانا اقرا
خخخخخخخخخخخخخخخخخ

رزنامه
22-07-07, 10:26 PM
جحوده وش انتي كاتبه
بحل يا معلقات النابغة
عجزت فيه ابيه يكبر بمقاس 5
يقول تعدت الحروف 70000حرف
قلت طيب مو مشكله كبره مقاس 4
قال ماش شكل رفيقتس ناقلتن شي من الموشحات
ماهنا إلا مقاس 3 وزين مشيناه لكم

ودي يا بعدي اني كبرته بس ما فيه امل

الـمـ فاروق ـلك
22-07-07, 10:40 PM
بينى وبينك ابطبع الموضوع وابقرأه وبعدين ابرد
موضوع رائق ومتعوب عليه بس يبى له وقت
وابوزع على الشلة كل واحد
ورقة يقرأ ويعلمنا وش به
بس ترى الكل هنا يكركر

أبونديم
23-07-07, 04:08 AM
يوم تمت سلمى العشرين خريفا ابوه ناداه وقاله ابي قهوتن سنعه راحت سوتلوه القهوه اللي على الكيف

يوم صار عمره عشرين خريفاً سوت القهوة
هذي متى تبي تسوي مرقوق اذا وصلت الستين

الــــجــحــوده
24-07-07, 12:58 AM
اهاااااااااااا
اذا كذا معليش تمونين يالغالية
http://www.cheesebuerger.de/images/more/bigs/a056.GIFخوذي هالتوت حق ارمضان الفايت عشان يصير بيننا ملحن وعيش

الــــجــحــوده
26-07-07, 05:28 AM
لا يخيه مابية (qq152)

ماعجبني ابد (qq152)
عاد هو اللي مايتن عليتس لاتسبينه تراي أعزوه
لاكتبت قصة أعز كل شخصياته
<< منتب عادزله ياحياة عبد المولى<< كاتبه جزائريه اعرفتس دجه(a14) (a14)
يالله ان تحيي التكرونية <<والله ماتصلح لس
الا تصلح انتي وش عرفتس بالذوووق(a14) (a14)

بس خلينا على جحجح احسن

وش خليتي للدبا أجل

sgar
26-07-07, 05:35 AM
شكرا لك الجحودة

قرأت نصفها ودمعن عيوني
وبعدين أكمل انشاله

متعوبن عليه يالمبدعة

رومانيا
26-07-07, 05:35 AM
http://up.graaam.com/p8ic/b1595ee2fe.jpg (http://www.graaam.com/)
ههههههههههههههههه
عليها سنون
ومشكوره يالجحوده

أبونديم
26-07-07, 05:37 AM
الجحود

بي شر تعالي للديوانيه انتلازخ انا وياتس

خخخخخخخخخخخخخخخخخخخخخخخخ

ّζ♂كـــــMisSـــــرزهـ ♂ζّ
26-07-07, 06:55 AM
بغني ياصبح مااطولك
قبل لااقراه ولاروايات اغاثاكريستي
وانا نعيسانه بعد في مسكل
فيه ان شاء الله بكرة تجي >> هذا جزات اللي كثر كلام مع الاندونيسيات

الــــجــحــوده
28-07-07, 12:32 AM
هلا بتس

احوالي مثل خشت سلومه ,, تهبلللللللل(a14)
وشخباااااريييتس ؟؟

عفووووووااااااننننننننننننننن

انا عم بزئح (a14) لاتحطمين سديقتي سلومه (qq152)

رزنامه
28-07-07, 03:40 AM
(a11) (a11) (a11) (a11)
(a11) (a11) (a11) (a11) (a11)

هيه هيه
كملت الرواية يا الجحودة

بس خذي علمن جاتس وتعداتس
يا ان كتبتي مثل هالسالفة
وبهالخط
لأزلجها مو بمزلاجن واحد إلا بمزلاجين
ذبحتي عويناتنا لا بارك الله بالعدو (a23)

لكن ما ينقص من جودة السالفة
خاصة لهم سلمى للتربات
وضعيفة بها رومنسية بس ماحد حس فيها
والنهاية مأساااويه
الله يهديدتس وش ضرتس لو خليتي
النهاية سعيدة(r70yty)

هذا الكتـّاب يا قشرهم ما يهناهم يخلوننا ننبسط بالنهاية
وهي راس مالها شخبطة قلم (vv)

قصتن تحوي حكم يا وكيلة البنز
تسلمين وتسلم شخبطة يمينتس
ترا مدري تكتبين باليسار ولا باليمين(d)

فديت الامارات
28-07-07, 03:45 AM
يسلمووووووووووووووو

الــــجــحــوده
28-07-07, 04:53 PM
خخخخخخخخخخخخخخخخخخخخخخ

يا مال الزين يا ويكلة البنز
ابنكس المشكله وقتي مو بيدي
لو هو بيدي جيتتس بالكرته وشيلة المنيخل
بس انشاء الله ابنكس لو على قتتي
والخط بكبره<<وجه مفتشل
بس مو علشانك علشان اريـّح عويناتي وانا اقرا

خخخخخخخخخخخخخخخخخ

طيب يالصبابه(a14) ايه منتب فاضيتلنا ماشي سوقتس بالصيف عروس وفاجيلتس بيدتس(a14)

الــــجــحــوده
28-07-07, 05:11 PM
بينى وبينك ابطبع الموضوع وابقرأه وبعدين ابرد
الله يقويك

موضوع رائق ومتعوب عليه بس يبى له وقت
الله يسمنك
وابوزع على الشلة كل واحد
وزعه ع عيال الحاره بعد(a14)
ورقة يقرأ ويعلمنا وش به
لا يقراه اللي اقل من 18 سنه
بس ترى الكل هنا يكركر


كركرات العافيه يابش مهندس مرورك اسعدني الاسعد شي

الــــجــحــوده
28-07-07, 05:16 PM
شكرا لك الجحودة

عفون لك
قرأت نصفها ودمعن عيوني
وبعدين أكمل انشاله
(qq152) (qq152)

متعوبن عليه يالمبدعة
الابداع مرورك يالعصفور مغسيووو كتير

الــــجــحــوده
28-07-07, 05:19 PM
يوم صار عمره عشرين خريفاً سوت القهوة
هذي متى تبي تسوي مرقوق اذا وصلت الستين
هلا بمعزبنا (a14) لاتسب سديقتي (qq152)

الــــجــحــوده
28-07-07, 05:32 PM
(a11) (a11) (a11) (a11)

(a11) (a11) (a11) (a11) (a11)

هيه هيه
وهـ أخيرن(qq152)
كملت الرواية يا الجحودة
ياسعدتس(a14)
بس خذي علمن جاتس وتعداتس
يا ان كتبتي مثل هالسالفة
وبهالخط
لأزلجها مو بمزلاجن واحد إلا بمزلاجين
ذبحتي عويناتنا لا بارك الله بالعدو (a23)
(a14) (a14) صبابه وتهاوش
تبين اقصلتس مظارات ع حساب شجون (a14)

لكن ما ينقص من جودة السالفة
خاصة لهم سلمى للتربات
وضعيفة بها رومنسية بس ماحد حس فيها
إيه بالحيل ذابحته الرومانصيه
والنهاية مأساااويه
الله يهديدتس وش ضرتس لو خليتي
النهاية سعيدة(r70yty)
أحتجي بيدتس ورجلتس قضت السالفه(a14)

هذا الكتـّاب يا قشرهم ما يهناهم يخلوننا ننبسط بالنهاية
وهي راس مالها شخبطة قلم (vv)
شخبوت تعال شف مزون تحشبك(a14)

قصتن تحوي حكم يا وكيلة البنز
ماعليتس زود
تسلمين وتسلم شخبطة يمينتس
ترا مدري تكتبين باليسار ولا باليمين(d)

لا انا شدفا(a14) ياحبيلنا بس اجل تعبتي من الخط اصلن منب كاتبه زي تسذا كلهم يقولون تسثيره ماعندهم وقت هالمهمين(a14)

يتيم الحظ
28-07-07, 05:57 PM
وهـ تعبت وانا اقرا الموضوع ياطول نفتس

الشمـ ـ ـالـ ـي
28-07-07, 06:23 PM
ياطول الموضوع طولاه خخخخخخخخخخخخخ

قريت نصه ونصصته خخ

والنص الثاني لبكره ...>> احلف

دووووووق دق دق دق >> ركب الهايلكس

الــــجــحــوده
28-07-07, 06:33 PM
وهـ تعبت وانا اقرا الموضوع ياطول نفتس
وهـ منك ياشيخ البندر (a14)
<< توه عارفتن اسموه وطافه
وبعدينن هلل وشو ياطول نفستس(z) ياربيه الحين بيصكن عين راعي البتسيريه(z)

الــــجــحــوده
28-07-07, 07:10 PM
(q81)

يجـــيب الله مــطر
30-07-07, 07:22 PM
صدز شكل القصه طـــويله الا ياطول نفستس ع قولت اخوي التمساحوي
بس من الصور شكله زينه ابنخله نخل واعود

من ضحايا الكراث
30-07-07, 10:28 PM
شوفي يالجحه ابقرا موضوعتس بس بشرط توقعين لي شيك بتكلفة عملية ليزك عند مغربي ولا كولي تبن ولا عاد تكتبين مواضيع طوال

والله يا هو فيلم هندي بحليه يا مواضيعي ايام من اول خخخخخخخخخخخخخخخخخخخخخخخخ

انا اقترح تحطين خلاصة للموضوع عشان ننصب عليتس كاننا قرينا الموضوع خخخخخخخخخخخخخخخخخخ

جدن غير

رحمالوف
30-07-07, 11:08 PM
http://up.graaam.com/p8ic/15315c2cf7.gif (http://www.graaam.com/)


والله ياهي طللللللللللللقة (qq152)

وينحرق نص الشعر والباقي يصير واقف تقل قنفذ
والجبهه سبوره من كبره اخذه اكبر مساحه من الوجه
والعيون قبطن بالجبهه صغاااار تقل عبس ودايم تدعجهن كحل
اما الخشم افنس مفلطح كانه خشم فلبينيه وفتحة المناخر تقل بيت قعر من كبرهن
اما الخشه وما ادراك مالخشه تقل مطبات صناعيه لو تشترك بمزايين الابل كان تحصل
على كل الجوائز من هالبراطم
اما جسمه تقل حوقله او بالاحرى لقلق اطول مابه عصاقيله الى حد ما جسم
زيتونه
والله يانا ضحكت لين قلت بس على هالتوصيف ... الله يرجك ..



مر شهر على حمل سلمى وبدا الفرث يلعبه
الفرث= الوحام = اللي تشتهيه المره بحمله ولازم تاكله
عشان مايصير بالجنين شي
توحمت سلمى (بتراب)

أمي قبل تجيب أخوي الكبير توحمت على تفاحه .. والحين فيه تفاحه صغيره حمرا وش حليلها على جبهة اخوي بس من جنب يعني من عند اذنه ..
يعني إذا قال (مزااااج وحط اصبعه على راسه يضغط عيها . هاه عرفتوا مكانها الحين ؟ صارت سالفة هالتفاحة الظاهر بنزل عنها موضوع ..(a14) ...



بصراااااحة موضوع شيق وبعنف بعد ...