هذا ماصار لي بسورياا؟؟

[النايفه]

السلام عليكم ورحمة الله وبركاته
بصراحه توني اليوم اقرا الموضوع اللي كان عن ملكات جمال السعوديه فحبيت انقل اللي صارلي شخصياا بسوريا وهو كالتالي"
مسكني شاب سوري وعطاني كرت انا يوم شفته ماده لي تخرعت شوي بس يوم شفت فيه صور دريت انه اعلان فقط لاغير واخذته <<<لقاافه طبعاا بس
وكان مكتوب فيه عن حفل بيصير بعد يومين والحفل عن انتخاب ملكات جمال للحفل طبعا غير ملكة الجمال فيه انتخاب صاحبه اجمل عيون وصاحبة اجمل لبس وفيه بعد انتخاب للاطفال من جميع النواحي طبعا قلت لاخوي يسال عن هذا الحفل وقاله السوري انه خااااص فقط بالخليجيات؟؟؟
اخوي طير عيونه عالرجال وقاله يعني لازم يكشفون قاله اكيد تتزين وتجي اختك او قريباتك والدعوه للعائله بالكامل قال يعني حريم في حريم قاله لا اختك راح تطلع عند الكل ؟؟
يقول الرجال احنا سوينا الحفل هذا عشان العالم كله يعرفون جمال الخليجيات؟؟؟
تخيلوو الوقااحه شلون وصلت؟؟:(
الا يبون يخربونا غصب لكن
-
-
-
ابعد عليهم من الشمس انشالله

اختكم النايفه

[مستغرب]

أختي الكريمه النايفه

سوريا بلد مفتوح ... وربما هذه الاشياء تعتبر شئ عادي وجذب للسواح

لكن تقولي ان هذا بعيد عنهم

أختي اعتقد انهم سوف يجدون الكثير من الخليجيات التي سوف تغتص بهم صالة هذا الحفل

[الشوق]

اخى الكريم مستغرب فعلا كلامك صحيح وحقيقى والفتاة اينما كانت هى التى تحافظ على نفسها وعلى شرفها
والسياحة سواء داخلية او خارجية كانت لابد من التقيد بعادات وتعاليم الاسلام حتى ولو كانت بامريكا او روسيا
فلا نتخلى عن روح الاسلام فينا وما توجبه الشريعة الاسلامية فالحجاب والتستر واجب
ما كتبته الاخت النايفة هذا شئ قليل ما نشاهده ونسمعه عن ما يدور باللبنان وخاصة بمجمع الداون تاون ((السولادير )) هذا على ما اظن اسمه او ما يطلقه الخلجيين على هذا المجمع
فتيات دون محارم وبكامل زينتهن فلا رقيب او حسيب تفكر فقط كيف تشد انتباة الشباب بحركاتها ونظراتها
وطريقة المشى والتصرفات التى تحدث اثناء تحدثها مع بائع وطريقة الدلع والضحك بصوت مسموع !!!
هل هذا التصرف مقبول من فتاة مسلمة ؟بمكان عام الا تخاف الله اليس لديها المعرفة بأن صوتها عورة ؟؟؟؟
والمصيبة الكبرى
البعض منهن تحمل جهاز الجوال من نوع الباند وما يرسل من رسائل لمقاطع الفيديو المخجلة من بعض الشباب وبمساعدة الفتاة له على ارسالها وتبادل الرسائل

فلا نلؤم اهل اللبنان او سوريا او اى دولة بالعالم فاللؤم يقع على اهل ىالفتاة والفتاة نفسها
من سمح لهم بعمل دعاية للحفل لاختيار ملكة الجمال ؟؟؟!!
الجواب /هو ما شاهدوه من تصرفات الفتيات التى تحدث من البعض بالاسواق او بالاماكن العامة 000
اخيرا ارجو ان لا يغضب احد من هذة الكلمات
الزعل مرفوض فقط تعبير عن الراى لا اكثر

[oJ9Jl]

والله المواضيع تغث ليتك ماكتبتي الي شفتيه تبون الصراحه انا ببيع الجهاز ما به فايده ما اقدر اواصل بالنت اعلومه تحوم السبد وتضيق الصدر على بالي موسع صدري بالعطله ما فيه ولا واحد الا تهاوشت معه كلها بلاوي في بلاوي الحين يوم انا اهرج وش دخل هرجي بالموضوع مدري على العموم الي بيشتري الجهاز مقابل انه يسدد الفاتوره الله يحيه

[راقي قول وفعل]

الاخ الغالي oJgJl


والله انك صادق


وضحكتني يوم تقول مابقي احد الا تهاوشت معه




وسع صدرك


واعطيني مواصفات جهازك يمكن يناسبني واخذه(e)

[oJ9Jl]

راقي قول وفعل
انت تحاول تمسكني مع ايدي الي توجعني يعني يوم شفتني محتد جيت تبي تشتري الجهاز اذا كان على المواصفات الجهاز محترم وفل كامل جميع المواصفات تبي التفصيل ابشر شاشه وصندوق وكيبورد وماوس والي تحط تحت الماوس سرعته ماهيب صاحيه رايحين عليه للرياض بالهفايت مخلين الخط ساعتين << يسمع بسرعة الجهاز غير هذولي لا تسئلني عن شي معلمك فل كامل بس وين الي الشراي لا ومن زين المواصفات بعد معه اشتراك عشرين ساعه ياحظ الي يبي ياخذه

[زهرة نجد]

اصلا العالم كله مناااااااااااااهم ان السعوديه بالذات تصيع

والخليجيه عموما

يبووووووووون يصيرون بناتنا صايعات ضايعات

مثل بنااااااااتهم حسبي الله عليهم

[راقي قول وفعل]

الغالي


الوله


قلت لك وسع صدرك


ما احب اشوفك متضايق

ابتسم اضحك

انسدح من الضحك


لاااااااااتغضب
لاتغضب
لاتغضب


وعلفكرة ما قلت لي الجهاز اللي سافرتم عليه

غمارة ولا غمارتين؟:o

كم واحد ركبتم؟:o(e)(e)

[oJ9Jl]

يالنايفه ناسف على الازعاج بس جيت ارد على راقي
راقي الجهاز جديد هذ الي اعرفه وتران ببيع اخوك صادق طايبه نفسه واذا كنت ملزم انك تشتري بفتح موضوع جديد بكتب فيه مواصفات الجهاز لو اني لازم اخذه لمحل يشوف وش مقاسه بس هو ماهوب صاحي الجهاز عليه مواصفات ما تصدق فيه درجين لشرطان الكبيوتر فيه علوم تبين اريحك الي صانعه تاعب عليه ناسف مره ثانيه يالنايفه حسنا عليكم روحتكم لسوريا بس جيت اعطي الحبيب مواصفات الجهاز

[ابو الترحال]

للأسف الشديد فإن التصرفات اللامسؤولة من فتياتنا في الخارج هي التي جرَّ أت هذا وأمثاله للدعاية

لفسقهم وأمام الملأ أيضا ، ليتم المسخ على أكمل وجه ، ولست أقصدك هنا أختي الكريمة حاشاكِ ...

فماذا يُتوقع لأسر تركت الحبل على الغارب لأبنائها وبناتها مع قلة الوازع إلاّ هذا وأكثر !!

شكرا أختي النايفة

[المدمـــرة]

وهذا مايريدونه اختي النايفه

ان يخرجوا الفتيات الخليجيات كما خرجت باقي الفتيات المسلمات

للاسف اختي سيحدث هذا لو لم يتدارك الاهل والابناء حجم الكارثه التي ستحيق بنا كمجتمع خليجي

انا لله وانا اليه راجعون

[ولــد بريــدة]

راقي قول وفعل

والله ردودك ماله دخل

الصرحة جتني الصيحة من

الضحك

الله يرجك رج

[راقي قول وفعل]

ولد بريدة


مساء الخير


ردي كان في قولي للوله


والله انك صادق

يعني ايدته في كلامه



وبالنسبة للكلام الثاني اللي خارج عن الموضوع


كان رد للاخ الوله


حيث انه كان متكدرا جدا (وانا اعرف اسباب ذلك)

فاحببت ان اسليه واخفف عنه


وزين اني ضحكتك

اااااسف اذا قطعت عليك ضحكتك


كمل يا ابني (e)(e)

[oJ9Jl]

نرجع لموضوع النايفه
سوريا شينه وماتنفع خلوكم بدوركم راقي انت شفت خويك وش راد هذاالي تقول لطف الجوا على شانه ترى حومة سبدي

[حاكم]

اللهم أحفظ شباب المسلمين والامة العربية من مثل هزه الافكار الشيطانية الخبيثة
ابن النيل"حاكم"

[النايفه]

مشكورين عالمشاركه بموضوعي
وخذ راحتك اخوي وله الموضوع موضوعك انطح فالك بس :o
لكن من جد شي يضيق الصدر(g)(g)(g)



واخوي ابو الترحال كلامك صحيح البنات هم اللي زودو الطين بله




اختكم
النايفه

[watanomri]

وش بنا اجل مدبتسين على سوريا ومصر ولبنان وتركيا
بلاه من هبالنا
الله يخلف علينا بناتنا وعيالنا الا من هدى الله
اخيتي الخافي اعظم
اللله يلطف بنا ويسترنا
روحي برى وشوفي في سوريا ولبنان ومصر وتركيا وغيرها وش يسوون بعض البنات والمصيبه مايقال هذي فلانه يقال عنها سعوديه و حتى بعض الخليجيات اللي تعبانات يقولن حنا سعوديات -- تخيلي ان اللبنانيين والسوريين والمصريين بالسعوديه يتحرشون باي سعوديه على بالهم انهن كلهن نفس الطبع والنوع لانهم احكمو عليهن من خلال تصرفات البعض اللي الله ياخذ اعمارهن او يهديهن للحق يمشن ويدورن اي اجنبي ويتحرشن به
حسبنا الله ونعم الوكيل
مآسي ومصايب
اسالك اللهم ان تهدي ضالنا وتحفظ غايبنا وتستر عوراتنا وتكفينا شر من به شر
لك كل التقدير
وطن عمري
بنت الوطن

[سيف العداله]

الله يستر من الجاي
البلاوي كل مالها تزيد
وهذا ما تريده امريكا

[تبايس]

والله االعيب مو في السوريين العيب في بعض بناتنا _هداهم الله_والله شوف عيني في الارض السعيده (التعيسه )في دمشق البنات الخليجيات يرقصون على المسرح بعباياتهم المخصره لاجل اجمل عيو ن و اجمل رقصه والشباب الاخليجي كت في الفلوس على هالبنات لصالح طبعا الفرقة (ملاحظه)أنا لااذهب الى هذه الاماكن ولكن كنت داخلة بصلي ودخلت بالغلط حسبي الله عليهم حاطين المسجد جنب المسرح)

[الحكمة]

ذولا يبي ينتقمون من الخليجيين .

[الوافي3]

والله المواضيع تغث ليتك ماكتبتي الي شفتيه تبون الصراحه انا ببيع الجهاز ما به فايده ما اقدر اواصل بالنت اعلومه تحوم السبد وتضيق الصدر على بالي موسع صدري بالعطله ما فيه ولا واحد الا تهاوشت معه كلها بلاوي في بلاوي الحين يوم انا اهرج وش دخل هرجي بالموضوع مدري على العموم الي بيشتري الجهاز مقابل انه يسدد الفاتوره الله يحيه

أنا أبي أشتري جهازك
بس قللي وين أنت فيه(ekaj)
نبي نسمع صوتك
بلاش صوتك نبي نشوف سوالفك(hjh)
اللي وحشتنا

[** عابر سبيل **]

ليش الخليجيين مقصد الكل في كل مكان ؟
بس ما أقول الا كلن خلاصة برأسة اللي يبي يشارك يشارك واللي ما يبي يشارك لايشارك ((على قولتهم >> حرية ))

[متعب ابو عبدالله]

كلن ينظر للناس بعين طبعه هم كذا بسوريا الاكثريه للاسف لا تعرف لهم ملة واضحة
وبالنسبة لبعض الخليجيين للاسف آخر عهدهم بالحياء عند الحدود اما في الخارج فهم اكثر اهل الارض فسادا
فهذا الموضوع وغيره غير مستغرب هناك

[أبو ولاء]

لماذا هذا الحقد والكره للخليجيين ؟!

[سنام الاسلام]

السلام عليكم ورحمة الله وبركاته
يا اخوان :
لا نعمم الحكم ...........

فلا علاقة للشعب الخليجي با الأمر صان الله حجاب نسائه
وللشعب السوري بالأمر صان الله حجاب نسائه .....

لا نعمم الأمر بتاتا ...........
حالة فردية تحدث هنا وحالة فردية تحدث هناك ........
هل الخليج العربي تحديدا خالي من الفسوق ؟؟؟
حاله كحال الامة العربية جمعاء .........

ولكن الأغلبية ولله الحمد والمنة من الشعوب الاسلامية ملتزمة بالحجاب والحشمة ..........

لا يوجد في العالم الاسلامي أشد من تركيا بالعلمنة والانفلات الخلقي .............
لو خرجنا خارج العاصمة أنقرة للأرياف وهم السكان الأصليين لتركيا لرأينا العجب العجاب من الحشمة وحسن الخلق ...........
فلا نعمم على الجميع .............

وتحياتي

الله أكبر....الله أكبر.....والعزة لله ولرسوله وللذين آمنوا
( ابو الهمام الأردني)