المساعد الشخصي الرقمي

مشاهدة النسخة كاملة : بداية فليسكو الزاحفة من الضحك


handsom
14-07-07, 01:04 PM
طبعا هذي قصة لفليسكو الحشاش وهي جدا مضحكة اتمنى انت تعجبكم
فليسكو .. هذا دب وقصير .. طبعا هو كااان اول طويل وجسمه حلوو
وكاان لاااعب سله في فريق شيكاغوو الامريكي .. بس صار له حاادث اليم ... هو اللي خلااه كذا .. لانه في مره من المراريراات مسكت مع ابووه غلط انه ينظف مكيفات بيتهم .. وأخذ ابوه المكيفاات كلها ورقااها فوق السطح عشاان ينظفها وكان عدد المكيفات عشره .. وكاان ابوه حااط المكيفاات على طرف السطح .. وكان فليسكو يتدرب في الحوش تمارين سويديه .. وفجأه زلقت المكيفات .. وطاخ طاخ طاخ طاخ طاخ طاخ طاخ طاخ طاخ .. تسع مكيفات طاحت على رااس فليسكو وهو في الحووش .. اللين سااوته بالارض .. ويوم رفع راسه بيشوف وش السالفه الا والمكيف العاشر مااحط على جبهتــه .. وهذا كاااان سبب معاناته ..
وبعدين اكتشف العالم الكبير جونسون بيرسون ..
(( منهو ذا !!؟؟ )) .. وهو عالم الاحيااء الدقيقه في الاتصالات اللاسلكيه
ان فليسكو هذا موو مولود مثل العالم .. لان اصله في الاسااس دمنــه بعير .. ... (( اللي ما يعرف وش معنى دمنه فاقول له هي ..!! والله اللي توهقت .. يعني دمنه احد ما يعرف الدمنه .. بس ترا هي غير اللي في كتاب كليله ودمنه .. !! )) ;1 المهم .. اقول اكتشف ان اصله دمنه بعير كانت في البر .. وجو ناس وخيمو جنب الدمنه .. وذبحو ذبيحتهم .. وجا شوي من دم الذبيحه على الدمنه ..واليوم الثاني جا مطر وعواصف .. وكبرت الدمنه مع الايام ومع عوااامل التعريه .. اللين صارت الدمنه كائن حي يسمى فليسكو .. ..
وهذا فليسكو عليه غبااء لو مزج بمااء البحر لخلااه كابتشينو .. لان العلماء يووم فحصوا رااسه مااالقوا مخ .. لقوا قووطي تووونه مفكووك ومنتهيه مدته ومآكوول نصه وجنب القووطي جثـة قطــو ..
ويقول نفس هالعالم .. ان اللي مثل فليسكو يتكاثرون بصوره رهيبه ..
ويتوقع انهم في عام 2010 رااح يكونون اكثر من البشــر ..
... ونجي هاللحين للسااالفه ...
في يووم من الاساابيع .. كنت جاالس عند فليسكو في بيتهم .. نتاابع فلم في القنااه الثاانيه عن الادغااال .. وطبعا الفلم مدته ثلااث سااعات
بس من كثر التقطيع صارت مدته خمس دقاايق .. لان الفلم عن ادغاال فرنسااا ... والحيوااانااات اللي فييه كلهم فاااصخين .. اجل بالله قد شفتوو حماار مطلع له اســـد في آخر الغااابه ... أثاااري الاســد طلع جنـس ثااالث الله لا يبلاااانا .... امحق ملك غااابه .... المهم .. وكنت انا جالس القرفصاء واتابع .. وكان فليسكو منسدح على جنبه كنه سحليه حامل .. ومتحمس مع الفلم ..
وانا كاان غااااثني اخو فليسكو الصغير اللي عمره ثلاث سنين...صحيح ان عمرره ثلااث سنين بس انه يحلق دقنه كل يوم مرتيين ... لان هو عمررره ثلااااث سنين .. ووجهـه عمررره خمسه وسبعين سنــه ....
وكان هالبـزر مره يمحطني بنعال وينحاش .. ومره يتفل علي وينحاش .. اللين رفع ضغطي .. والمشكله ان البزر مبسووط على الآخر وهو يشوفوني معصب .. وطالع وجهه كنه وجه فار مآخذ الدكتوراااه .. بيطير من الفرحه .. وانا مرتفع ضغطي منه ومستحي اللحقه قدام خويي .. !! وانا اللي استعمل معه السياسه .. واقوله تعال حبيبي .. تعال عشان اعطيك حلاااوه .. ابيه يجي بس .. وربي لافقع جبهته بكف لو قرب .. بس انه طلع ذكي وجه الجراده ولا جاني .. !! وكل هذا وفليسكو خااش جو مع الفلم ولا جاب خبرنا .. وانا من القهر شوي واللحق اخووه الصغير جوا البيت .... المهم .. قمت انا وتخبيت ورا باب المجلس .. عشاان اذا جا البزر امسكه .. وشوي الا البزر خااش ومعه حديده وزنها طن يبي يرميها علي (( وش هالمزح شكله متربي مع صعايده .. نعن ابووه يبي يذبحني هالبزر));2 ;2 وانا اللي اخمه مع شعره وتوني بامحطه بكف .. الا والمنطعج يصييييح ..عبوووووووووووود ... وانا اللي انخرش من الخوف .. وقلت عز الله اللي رحنا غلطه وش يفكنا من فرس النهر هاللحين .. وانا الي افك البزر ..
وقال فليسكو .. عبووود عندي فكررررررره .... وانا اللي ارتاااح بوم شفته ما درى عن شي .. واقوله خييير وش عندك .. يالسحليه ..!!؟؟
قال .. وش رااايك نروووح الادغااال .. والله فله .. نتمشى هنااااك وننبسط ... قلت انا .. والله فرصه .. منها نتمشى ومنها تسلم على جماعتك اللي هناك .. خصوصا ان عمك التمسااح زعلان عليك مررره ... قال لي .. يالله رح جمع اغراضك بنمشي اليوووم .. قلت له .. قداااااام ياشيخ ....
وانا اللي اروح البيت ركضه .. واجمع اغرااضي .. وانا طالع بسرعه دعست على شي مدري وشهو .. واسمعه يون .. واناظر الا هو ابوي .. اثاريني دااعس على رجله وانا مادري .. وهو اللي يقوول لي .. ثووور انت .. ماشفتني ؟؟ .. قلت له .. الا والله شفتك .. بس وين ما ادري .. !!! وهو اللي يمسك راسه من القهر .. وقال .. لابارك الله فيك .. خبل انت .. اسمع انت ووجهك اللي كنه وجه ضااطور ممسوك في قضية دعاااره .. (( صار يذب ابووي .. ياحليله ..
حظه انه ابووي ولا كااان محطته على مقفااااه ..!! )) ;4 وقاال لي .. خذ هذي ريالين واشتر لنا بريال خبز وخل الباقي عشانك .. (( يلعن ابو الكرم ياشيخ .. )) ;5
قلت له .. انشالله .. احترني ... !! ... المهم
طلعت بسررعه لبيت فليسكوو .. واحصله يحتريني في الددســن التسعه وسبعين حقته .. وقال لي .. يالله نط .... قلت له .. لايكون قصدك بنرووح على هالسياره اللي كنها كرتون حق نعال ..!! .. قال ليش وش فيها ..!!
قلت والله لو نرووح رجليه .. اصرف من سيارتك ..!!
قال .. نط يابن الحلااال ولا تشيل هم هذي المبرووكه بتوصلنا ...
قلت له .. طيب لو تحملت السيااره وش لون اقدر اتحمل وجهك المعفط اللي كنه منديل عجووز....!!;8
المهم .. ركبت معه وانطلقنا .. وهو جالس يقرق علي .. وانواع النصب .. ويقول ان ابوه يحبه .. وان ابوه باع الغنم عشان يصرف عليه ..
قلت له .. .. والله لو ابووك باعك عشان يصرف على الغنم انه احسن له ..!!
الوكاد .. انه وبينما حنا نمشي باقصى سرررعه للسياره وهي 20 كلم في اليوم .... ووصلنا اخيرا للادغاال بعد سبع شهور من المشي ... اخيرا وصلنا ... والله ان السجن ارحم من سيارته ... المهم .. فتحت الباب ونزلت .. الا اشوف نمر قداامي ..!! وانا اللي اتمغط واطقطق ظهري .. (( مابعد استوعب ان اللي قداامه نمر .. !!)) ;2 .. وينزل فليسكو ويشوووف النمر وهو اللي ينبسط ويستاااانس ... والنمر منهبل مو مصدق ..!! وياخذ فليسكو لووووح من سيااارته وينااادي النمر .. يقوله .... ت ت بوووسي بوووسي ت ت .. يبيه يقرب عشان يمحطه باللوووح على راااسه .. !!
وانا اللي اجي من ورى النمر ابي اسحبه مع ذيله وادووووور فيه اللين يدووووخ وامحط به في الارض .. (( نحسبه قطو .. ماقد شفنا نمر على الطبيعه .. !!)) .. المهم ان النمر
شك في نفسه وانحااش ويقول في نفسه .. وش هالمجانين ..!!
الوكاااد .. اني تمددت جنب السياره عشااان آخذلي غفوه .. وراااح فليسكو يدووور في الغابه .. وشوي الا واحد يصحيني .. واناظر الا حماااار الوحش ماااسك فليسكو ويقول لي .. انت ياهيه .. عقل خويك تراه ازعجنااا ..!! .. وقطه علي وراااح ....!! وانا اللي اقول لفليسكو .. تبيني ادوووس في بطنك هاللحين .. ورا ماتصير رجااال ... قال لي .. هم اللي عيو يلعبوني معاهم ..قلت له .. اسمع انت ووجهك اللي كنه وجه بعير واطي شوكه .. انا بانااام وانت رح دور لنا شي ناكله ..
المهم .. نمت انا وراح فليسكوو يدور في الغابه ...وبرضه ما امداااني انااام الا وفليسكو يصايح عبووووووووووود عبوووووووووووووود ..
وانا اللي انط من النوم كني مقروص .. واناظر الا فليسكو منحاش يمي
وورااه قبيلة افاارقه .. وطالع وجه فليسكو كنه وجه قطو يلحقونه البزرااان
وهو اللي ينط فوقي .. قال .. هالقبيله من آكلين لحوم البشر ويلحقوني ..
قلت له اجلس بس اذا وصلو انا بتفاهم معاهم .. المشكله ان القبليه نشوفهم
من بعيد بس ماندري هم رايحين ولا جايين من سوادهم .. وماتقدر تعرف هالشي الا من الغبااا ر .. اذا كان الغبااار وراهم تعرف انهم جايين .... واذا كان الغبااار قدامهم تعرف انهم رايحين .. والغبااار في هاللحظه كان ورااااهم .... يعني نستنتج من ذلك انه بيلعن ابو جدنا ..!!
المهم .... ان القبيله مرووا من جنبنا ولا سوولنا شي ولا عبرونا اصلا .. وانا وفليسكووو مستغربين من هالشي ..
قلت لفليسكو .. تدري ليش ما سوولنا شي ...!!
قال بحماس .. ليييييييش ؟؟؟
قلت لان هذوللي آكلين لحوم البشر .. وانا وانت مافيه شي يدل على اننا بشر
.. وهو اللي يبتسم من الفرحه .. وطالع وجهه كنه وجه فيل في الروضه ..
وفجأأأأه سمعنا صوت قووي من بعييد .. وكل شوي يقرب الصووت .. ويووم
ناظرنا الا وهو ديناصوور كبييير .. وانا من الخوف قامت ارجولي تصاقع وماعاد ادري وش اسوي توقف تفكيري ما ادري ابكي ولا اضحك ولا انحاش .. طالع كني هندي ماسكينه الجوازات .. اما فليسكوو فتسمررر في مكااانه كنه فيل مشلووول ...
والديناصور كل شوي يقرب .... وانا اللي اشيل فليسكو وانحاااش اناااا ويااااااه ... وطالع شكلي وانا شايله كني كنغر حاطه ولدها في جيبهاااا ..
وبعد ما مشينا مسااافة حوااالي اربعين لتر مربع .. وقفنا .. واغمى علينااا من التعب .. !!
وماصحيت الا على صوت ازعاااج حولي .. ويوم قمت وانا اللي اشوف قروود مجتمعه علي .. وادقق في النظر الا يطلعون نفس قبيلة آكلي لحوم البشر
وحاطيني في قدر كبير ومقطعين علي بصل وطماط .. لا ويتفننووون
بعد حاطين معي مكعبااات ماااجي ... وشابين تحت القدر ناااار ..
وانااا اللي اقوووم اصاااايح .. واحاااول اتفاااهم معاااهم بس هالعقااارب لغتهم غير لغتنا ..
وشوي الا اشوف فليسكو مجلسينه على عرشهم وجنبه واااحد وانواااع الاكل والدلع عنده .. !! ياولد وش السالفه .. واصيح عليه ابيه يساااعدني ..لكن ولا عبرني هالدب القطبي .. ولا مناداااة لمن حياااتي .. (( يقصد لاحيااة لمن تناادي.. بس الخوف لخبط تفكيره ..!! ))..
المهم .. يوم غثيتهم بصياااحي .. جاني واااحد منهم دب وديوده منسدحه على بطنه
اول ما شفته احسبه الباااص حق القبيله .. والله ياهو شين وقبيح .. متنفخ من كل مكان .. شكل امه متوحمه على خميررره .... واذا شفت وجهه تعرف ان الدنيااا مااافيها خير .. !!
وطلع هذا هو المترجم حق القبيله .. قال لي .. ماذا تريد ؟؟
قلت .. والله مااا اريد الا ان تخلووونني في حااالي ..
قال لي .. ولكنك طعامنا اليوم ..
فقلت له .. ولكنني لم اسوي لكم حاجه !! (( مسوي فيها لغه عربيه ..!! ))
قال لي .. اننا منذ مده كبيره لم نأكل .. فكيف تريد منا ان نخلي سبيلك .. !!
قلت له .. والذي يرحم وااالديك انكم تفكوونني .. فتالله ان لحم كلب مربينه هنووود اصرف من لحمي ..
باقي الجزء الثاني لان القصة تموت من الضحك وطويلة شوي

الأمل
14-07-07, 08:32 PM
وااااااااااااو اول وحدة ارد
يالله ابقرا الموضوع مابعد قريتة::هههههه

handsom
15-07-07, 09:31 AM
تسلمي على المرور واوعدك بالمزيد المضحك

handsom
17-07-07, 11:00 AM
الجزء الثاني

وهو اللي يضحك ضحكه قام جسمه يتهزهز وديوووده تنطط على بطنه .. وجلس ساااعه يختض بطنه .. والله هالدب لو يدخل العسكريه انه ليتجااازا كل يوم .. لانه لو جااااه ضابط وقااال له ..ثابت ياعسكري .. بيتوهق الضعيف ببطنه وش بيثبته بيجلس يهتز ساااعه ..

وسألني المترجم .. اذن ما الذي جااء بك عندنااا ..؟؟ ..
قلت له .. والله امي ارسلتني اشترري دخااان .. ويووم رحت البقاااله ومالقيت برتقااال .. وصفولي بقااله عندكم تبيع بيــض ...!! (( والله من الخووف ماعاااد لقيت الا هالتصريفه .. هي اللي جت على لسااااني .. بس تصدقوون شكله غبي وصدقني ..!! ))

المهم .. اني سألته .. قلت له .. بالله ياهذا .. ليش تكرمون صديقي هاللي كنهو تيس معصب .. وانا تأكلونني ..
فقال لي .. لان ملكتنااا اعجبت فيه .. وقررت ان تتخذه زوجااا لهااا .. فقلت له .. واين الملكه .. ؟؟!!
فقال لي .. انها جالسة بجانبه ..
فقلت اهذه انثى .. !!!! (( والله انك ما تفرق بين رجاجيلهم وحريمهم من الشين اللي فيهم .. وتلقى عندهم مافيه شي اسمه حب .. !! لان كلهم شيووون .. يعني تلقى الوااحد يحب شجره ولا حصاااة على الاقل اصرف من وجيههم ..!! ))
المهم .. انه قال لي .. نعم انهاا انثى .. فإذا رأيت العظمه التي فوق رأس الشخص بيضاء فهو رجل .. وان كانت حمراء
فهي انثى ....
وانا اللي اناظر فوق رااس المترجم واللقى العضمه صفراء ..
فقلت له .. ولكن العظمة التي فوق رأسك صفرااء فهل هذا يدل على انك جنس ثااالث ياهذا ..!!!
وقال لي.. لا فانا من قبيله اخرى ونظامنا غير نظامهم ..!!
قلت له .. اذن ماذا افعل لكي تسيبوونني في حالي .. ؟؟
فقال .. هنااك حل وااحد ولكنه صعب جدا جدا ..
فقلت له .. والله مافيه اصعب من وجهك هاللي كنه وجه ضفـدع طاقته البكووه .. بس ماهو الحل بسرعه ..
وهو اللي يعصب وقال لي .. أتحشني انت ووجهك الذي كنه وجه حماار يحتضر .. .. (( ياجماااااعه صااادني .. احسبه مايفهم هالبهيمه ..!!))
قلت له .. لا تغضب انما كنت اهزر معااااك .. (( راسب في القواعد والرياضه والتاريخ والفسحه وحصة النشاااط بعد ..!! ))..

فقال لي .. المهم .. خياارك الوحيد ان تقتل الدينااصور او تكون طعاما لنا ..!!
قلت له .. لا والله ان مقابل الديناصور احسن من مقابل وجهك هاللي كنه وجه عنز مطلقه ..
فقال لي .. اذن سوف اكلم لك الملكه لكي تطلق سرااحك من اجل ان تواجه الديناصور ..!!
المهم .. راح المترجم يكلم الملكه وفليسكوو رااز بطنه جنبهم ويهز رااسه مسوي نفسه يفهم وش يقولوون .. طاالع شكلهم كنهم غوريلتين بينهم سالفه ووحيد القرن قااط وجهه معااهم في السااالفه...



المهم ... رجع لي المترررجم ووجه بيتشقق من الفرحه كن وجهه وجه وااحد يقوول .. صح انا رهيييييييييب ..!! ... وقال لي .. ابشر ياهذا فإن الملكه وافقت على طلبك ..
فقلت له .. ويحــك ... من جدك انت ..!! (( يحسب .. ويحك ..مدحــه ..!! )) ;2
وقال لي .. ان الدينااصوور يأتينا في الليل .. ولذلك استعد فهذه الليله ليلتك ....
قلت له .. تالله لأمرغن وجهه بالتراااب واجعلنه يحط رجله منحاااشا ... !!
وهو اللي ينبسط المترجم هالدب من كلاامي وثقتي وقاام يتبسم اللين اختفت عيوونه ورا خدوووده ..والله اذا ضحك هالمترجم وغطت خدووده على عيوونه كنك تشووف منظر الغرووب في البر اذا اختفت الشمس ورى الطعووووووس .... !!

المهم .. يوووم قرب المغرررب فكوووني
وتجمعووو حووولي افراااد القبيله وقاااموا يرقصووووون رقصتهم المخيييسه .. تحس وانت تشوووفهم مجتمعين ويرقصووون ان موسم تزاااوج العقااارب بدا .....
وفليسكو .. ولا كني خووويه .. جاالس جنب الملكه يتميلح عندها .. والمشكله ان وجهه مايساااعد على التميلــح .. وجهه كنه وجه خروووف قاطينه عياله في دار العجزه..

الوكااد .. يوم اظلمت الدنيااا .. ولاا عااد شفت احد فيهم .. وانا اللي اقووم اصيييح .. وينكم يالانذااال .. انحشتوا وخليتووني .. وانا اللي احس بذيك المحطه على مقفاااي .. والا واااحد يقووول .. خييييير ماذا دهاااك ؟؟ وانا اللي اسمي بالرحمن .. واقوول .. يوووه جن بعد .. نفتك من هالقروود ونطيح بجن .. !!
قاال .. ياااثوور انا المتررجم ... !! .. والله ياجماعة النااس .. انه من سواادهم ماعااد شفتهم.. مافييه الا عيوونهم منووره تقوول عيوون قطااوه ترااقب فاار في الظلااااام ...

المهم .. قال المترجم .. من الآن بدا عليك الخووف .. اذن احلق شنبي اذا قدرت للديناصور ..!!
قلت له .. شرهتك على اللي شاااف شنبك .. والله ما ادري وين شنبك من برااطمك .. نعن ابوو داارك انت كلك على بعضك شنب ...
قال لي .. ماتعقل انت ووجهك اللي كنه وجه قرد في دااار الايتااام ... (( خرررب المترجم .. صاار يذب ..!! ))
قلت له .. لا عليك .. سوف اريك ماذا سأصنع بالدينااصووور ..
الوكاااد
ما امداااني اكمل كلاامي .. الا اسمـــع صووت ارجوووول كنه صقع طيراااااان ..
وانحاااش المترجم .. نعن ابووهم حتى عيوونهم ماعااد شفتهااا .. اثااري الديناااصور قااااادم ..


ويووم وصل الديناااصور وانا اللي انط قداامه .. وهو اللي يمشي ولا عبرني .. وانا اللي اللحقه .. وهو ولا كأن فيه موااطن شرييف قدااامه ابد كمل مشيه كأني قووطي واطيته تريله قداامه .. ياخي شككني في نفسي .. حسيت اني ماني رجااال
واني حقييير .. (( ماجبت جديـــد طيب ..!! ))

وانا اللي اقرب منه واللكمــه في بطنه

ونكمل الجزء الثاني فيما بعد علشان ما اطول عليكم بالقصة

قصيمي.net
17-07-07, 05:01 PM
بدايات رائعة يا فليسكو
.................
شكراً

بدر المشعل
17-07-07, 06:16 PM
رووووووووووووووووووووووعة وابداع

بارك الله فيك

بشر
20-07-07, 07:55 PM
قصه روعه

بس نبي الكماله

سيف عبدالله
20-07-07, 08:28 PM
القصه رووووووعه تحمست اابى اعرف وش سوا مع الدينصور

تسلم اخوى 00 عجزت اقرا اسمك

handsom
21-07-07, 02:00 PM
الجزء الثالث

وهو اللي يلتفت علي بحقــد .. وانا اللي اقووم ادغدغه في بطنه واقول له ماشالله عليك ماتضحك .. !! (( على باالي باصرفها يوم شفته عصــب .. !! )) (qq152)
وهو اللي يلمخني على وجهي هااك الكف اللي خلااني الف في مكااني عشر لفاات احدااهن في التراااب ... ويووم شفت الدعووه جد قلت علي وعلى اعداائي .. واجيه مااشي الف واشووته مع ........ ظهره !! (( حلووه التصريفه ..!!))
وهو اللي يقاابلني وجه لوجه .. (( اوووه ..اللحين حسيت اني رجااال ..!! )) (z)
وينااظر فيني بغضب طالع وجهه كنه وجه بزر ماخذين من يده ريااال ..!!(a14)
وانا اللي اناظر فيه وكني ما اهتميت ..وانا من جوا ودي ابكي ووجهي طالع كنه وجه بزر مسويهاا على نفسه ولا يبي امه تدررري..!! (qq152)

المهم تشاابكناا بالايدي .. بس الدينااصور توهق لان ماعنده الا ثلااث اصاابع بس عشاان كذا عفطت اصاابعه وانا اللي اشووته بين ارجوووله على ........ ظهره برررضـه..!! (( والله يانت من جنبها في التصرريف .. وش ذا الظهر اللي بين ارجووله ..!! بنمشيهاا لك هالمرره يالغبي ..!! )) (d)

الوكاااد ان الدينااصور قاام يتلوى مكااانهلي اجي من ورااه واسويله سوفلكس خلفي .. (( اخسس يالحانوتي ..!!))(q81)
ويعصب الديناااصور وهو اللي يطلع من جيبه سكيــــن ...!! .. (( لااا عاااد هذي مااافيه امل نمشيهااا .. ديناااصور هذا ولا من عراااابجة جدة ..!! ))
(a14)
المهم يوووم شفته طلع السكين .. وانا اللي اسحب لي اقرب ماصووووره ..!! (( اشووفك بديت في النصب .. انتوو جاالسين في غاابه ولا في تشليـح سياارات ..!! )) (a26)

الوكاااد انه جاااني يررركض ولحطني بذيله على جبهتي (qq15) وطااارت مني المااصووره وحسيت بدوووخه .. ((مبروك حامل ..!! ))
وجلست على ركبي من الضربه ومعطي الدينااصور ظهري ورااسي ناازل في الارض ...

ويجي الدينااصوور يركض من ورااي والسكين في يده يبي يذبحني .. ويوووم قرررب السكين من ظهرري .. وينط فليسكو قدااام السكييين ... وهو اللي ينشق بطنه .. ويطلع منه فيله صغااار قاامو يدورون على فليسكو يقولون .. ماما ماما ... !! (a14)

وانا يووم شفت خويي فليسكو كذااا .. وانا اللي التفت للدينااصور وانااا معـصـب ادور الشررر (qq167) .. وغاادي وجهي كنه وجه مدررس يقوول .. من اللي ماحل الوااجب ؟؟!! (qq11)
والدينااصور يوووم شااافني كذا وهو اللي تجيه ام الركب ويدور النحشه .. وانا اللي القطه مع اذنه واسحبه على وجهه .. (( ياخووي تأكد هو ديناصور ولا خروووف ..!! )) ..(q69)
واسدح الديناااصووور جنب فليسكوو .. وامسك رااسه وامصعه بيدي .. !! (( لا لا لا .. لا دينااصور ولا خرووف .. طلع عصفووور ...!! ياخووي انت تسوولف على محششين ..!! )) ..
(q31)
وماااات الديناااصور .. وشووي الا الصبح طلع ...
لا لا لحظه موو الصبح اللي طلع .. هذوللي القبيله يتبسمووون ..!!

وتجي الملكه تصيح عند فليسكوو وتقول .. موقا شواقو فيقا بوق ماقا فاق حاقو لوقو فكاكاشيك لاق هوبو هبابا ماقوبا رقوقابا حابوق ليقبا ..... قصدها تسأل .. هو مات ؟؟؟؟؟؟؟؟
قلت اصبري انتي ووجهك اللي كنه وجه قرده متوفي زوجها .. المهم .. رحت جبت لزقه حقت الفلووس من السيااره .. ولزقت بطن فليسكوو .. وهو اللي يقوووم على طوول ...
ويجمع الفيله الصغاار ويرجعهم في بطنــه ......!!

وصااار في القبيله افراااح بمووت الديناااصور .. وسوو حفلاااات(gfp) .. وجاني المترجم
وقال لي .. ان الملكه تشكرك شكرا جزيلا لما فعلته ..
قلت له .. لا عليك ياوجه الاستبنه .. فانا وااحد منكم .. واللي يرشكم بالمااااء ارشـه بالكلب .....!! (( ما قلت لكم انه سااقط في الرياضيااات ..!! ))

وتزووج فليسكوو من الملكه (qq92) .. وعااشت الغاابه في فررح وسرووور .. (( ياااشبخ صفقنـي اذا ما كنت ساارق هالسالفه من اخووك الصغير .. لان هذي مستحيل تكوون سواالف رجااال ..!! )
وكااان فليسكوو فرحااان انه لقى بنت تعطيه وجه حتى لوكااانت هالقرده .. لان طووول حياااته يتمنى يتعرف على بنت .. بس وجهه ما يأهل وجهه كنه واااحد يقووول .. وش السااااالفه شباااااب ..!! ..
المهم ان فليسكوو قرر يعيش مع القبيله ولاا يبي يرررجع (( ماااصدق احد عبررره هااالدب ..!!)) وأخذت انا سيااارة فليسكوو(qq153) .. ورجعت لديرتي بعد مامشيت سبع شهووور ثااانيه ...

واول ما وصلت رحت طقيت على بيت فليسكوو .. وطلع لي اخوووه الصغييير ...
وانا اللي اللزقه في الجدااار وامحطه بكف على وجهه(q43) ..لانه قاااهرني من بدااية الساااالفه .. (( والله يانت بعير بعد .. نعن ابوك ماتنسى انت .. كل هذا حقد ..!! )) ويوم ريحت ضميري وطقيت هالبزر .. رحت شريت خبز وتوجهت للبيــت وانا
ما اشووف من التعب ..

واول ما دخلت الصاااله دعست على شي مدري وشهو .. واسمعه يووون ..!! وطلع ابووي منسدح في الصاااله ..
قلت له .. يااخي انت وش ساالفتك .. منسدح في هالصاله
اربع ساعه وعشرين دااايم .. شكلك تشتغل مطب في الصااله ... (( الا والله من هالبلااوي اللي يشوفها هالشاايب في التلفزيوون ماعااد قااام ..!! )) :confident
المهم ان ابووي قال لي ..وانت وينك يالداااشر كل هذا تشترري خبز ..!!
قلت له .. والله رحت للخبااز ولقيته مقفل .. وما حبيت ارررجع وانااا مااا اشترررريت .. عشاااان كــذا جلست احترريه اللين فتح وشريت خبز وجيت ... (( يلعن ام التصريف اللي تعرفه ..!! .. لكن شوووف .. فيييه وااحد منكــم محشـش .. يااا انت يااا ابوووك ..!!)) (qq145)
قال لي .. يالله رح عطه امك بسررعه انت ووجهك اللي كنه وجه قطو مضيع امه ...
قلت له .. ابشر طال عمرك انت ووجهك اللي كنه وجه كابرس 79 مكسوور اسطبهااا .!!
طبعا الاخيره قلتها في نفسي لانه عيب احش ابوووي في وجهه ..!! (( سلـم لــي على الاخلاااق اللي تعرفهااا ياشيخ ..!! ))


وهذه النهاية الزاحفة (q30)

اتمنى انها اعجبتكم واسف على الاطالة في القصة (ern)

وترقبوا ملاحظات دونها حشاش او مفكرة حشاش

بشر
21-07-07, 10:32 PM
فللللللللللللللللللللللللللللللللللللللللللللللللل لللللللللللللللللللللللله

قصه إبدااااااااااااااااااااااااااااااع روعه

وننتظر المفكره

*أسيرة الذكرى*
22-07-07, 03:44 AM
:D:D:D:D:D:D:D:D:D:D:D

قصـــه حلووووووووووووووووة

بارك الله فيييييييييك

:)

handsom
23-07-07, 09:46 AM
ارجوا انها اعجبتكم واشكركم على المرور

handsom
29-07-07, 01:05 PM
ترقبوا مفكارت حشاش بس نبي ردود دسمة ولا يهينون الي ردوا على اشكر الجميع

handsom
05-08-07, 12:17 PM
وترقبوا المزيد

قرقيز
05-08-07, 02:14 PM
هع هع هع هع


مشكوووووووووووووووووور يالغالي

ليش ما تبدل اسمك وتخليه فليسكو

انتظر مذكرات الحشاش
خخخخخخخخخخخخخ


تقبل مروري يالغالي

تصير صقيقي؟؟

أبوتمام
05-08-07, 02:17 PM
أوووووووووووووووووووووووه جميلة



اطلالتك آسف بالفصحى جيتك ..!!!!!

handsom
06-08-07, 12:32 PM
اشكركم على الاطلالة الجميلة

مصررررقع
08-08-07, 12:11 PM
ياخي فعلا الزحف يبغى حرافة شوي

بعدين والله طلع سري من الضحك يوم شافة ابوي قالي اقول انا وين ضيع ازارير الكنب حق المجلس اثرك قاعد تركبها بسرك مايدري انها خلقة طالع عليه

الله يجعل ايامك سعيده

بعدي ياخوي وين الموضوع الي انت وعدتنا فيه

handsom
11-08-07, 12:02 PM
انا على اللمسات الاخيره فيه

بعدين وش رايكم احطه اجزاء كل جزء في موضوع ولا اسرده كله في موضوع واحد انتظر الردود

اشكركم على المرور

handsom
13-08-07, 10:39 AM
ياجماعة ماقلتولي وش رايكم

وليد 1
13-08-07, 11:36 AM
ياجماعة ماقلتولي وش رايكم



ما أمدنا نقراء

handsom
15-08-07, 10:52 AM
نزلت الموضوع ارجوا ان يعجبكم