المساعد الشخصي الرقمي

مشاهدة النسخة كاملة : ياما قلنا كثر السهر يجيب المغص<< وش دخله بالموضوع؟؟


قرقيز
13-07-07, 12:48 AM
بسم الله الرحمن الرحيم


السلام عليكم ورحمة الله وبركاته


كيف الحال انشاء الله تمام<< مايحتاج تنشدهم


حبايبي قبل لاتقرون الموضوع
لابد توفر المستلزمات التالية:

1- أم
2- خيال واسع
3- بطاطس تشيتوس حار وسفن
4- على القاريء أن يكون ملماً بأحداث المسلسل
الذي وسوس بي ((PRESON BREAK))

http://www.0sss0.com/up/uploader_files21/5La76505.jpg
)) الهروب من السجن))

==========================

ذاك اليوم كنت سهران مع الشباب وكان عندي مشوار ضروري للكلية
وانا من النوع اللي اذا نام ينام بضمير وينام بذمة واخلاص واحاول بقدر المستطاع أني اعطي نفسي أكبر قدر من ساعات النوم <<<< أقدر أقول نومي كثير وخلاص..... بس مشتهي أتفلسف

المهم ان أمي ))منيرة)) الله يحفظها لي يا رب كانت تدق علي كل شوي

أمي: آلووو
أنا: هلا والله سمي
أمي: يا وليدي خلاص يكفي سهر تعال نم يالله يمديك تقوم باتسر
أنا: ابشري هذاي ابشغّل (( قووووول <<<< خويي قرعوط منسجم مع البليستيشن وفضحنا )) السياره
أمي: يالله عجّل عشان تقوم بدري


وكملنا لعب الكورة وطبعا دايم افوز على قرعوط

وبينما نحنوا على هذا الحال<< يمديك على الفصيح


الا وأمي تدق علي مره ثانية


أمي: لا نم بالاستراحه احسن!!!!
أنا: يا حبيلتس يا يمه هذاي بقوم
أمي: من ساعتين وانت تقول هذاي بقوم هذاي بقوم...قام عليك جني يا ملا اللي مانيب قايله
قرعوط أمي تقول سلملي على امك >>> صرفها
أمي: قرعوط عندك؟؟ ايه اجتمعتوا يالمهابيل ...هذا انتم ,, ليلكم نهار ونهاركم ليل
أنا: ابشري ابشري هالحين بقولوه تامرين بشي ثاني
أمي: طس للبيت يالله


قرعوط: وشو اللي بتقوله لي الحين؟؟
أنا: ايه تقول رجع قدورنا لهن شهر وهن عندكم >>>> برضو صرفها

المهم اني رجعت للبيت الساعة 1 وطقطقت الكمبيوطر شوي ونمت

الموعد الساعه 9:00 صباحاً


يوم جت الساعه 8:00 باشرت امي بالعمل بالخطـــة A

الخطــــة A من اختراع أمي وتتألف من عدّة خطوات أهمها:

1- فتح باب غرفة النوم على مصرعيه حتى تستيقظ الضحية لإغلاقه

2- توليع أنوار الغرفه بالكامل >>>توليع الأنوار جايه من ولّع النور ...مالقيت كلمه بنفس المعنى غير توليع

واذا لم تستجب الضحية للهجمات السابقة تنتقل أمي للخطوة الأهم والأخطر

3- إيقاف تشغيل المكيف فوراً

واذا لم يكن هناك اي تجاوب من الضحيه أو أي علامات خضوع >> نادرا حدوث هذا

تنتقل أمي للخطـــة B

الخطـــة B بسيطة وفعّالة في نفس الوقت,, وبرضو من اختراع أمي وهذي الخطة اللي استعملتها عشان تصحيني ذاك اليوم

الخطـــة B :قامت أمي باستدعاء المبزرة اللي بالبيت كلهم وجمعهم بغرفتي وللأسف كانت في ذاك اليوم كانت قهوة الضحويه عندنا<< يعني مبزرة حريم الحارة كلهم متكين عندنا

بزراننا:
رنووش وفصيييييييييل<<< يغلب عليهم الهدوء ,,مو بالفطرة ولكنهم على علم بأني استطيع الثأر بمجرد ذهاب قوات المساندة <<اللي هي أمي


بزران جارتنا عليا:
اشواق و يزن <<<< خطرهم يكمن في ان اعمالهم لا تظهر نتائجها الا بعد برهة من الزمن مثل: يضيعون شاحن الجوال,, ياكلون العلوك اللي بالدرج,, يفشخون الريموت والا العاب اخواني

بزران عمتي هيا:
عبودي,, بندوور,,حموودي <<< وهم الأخطر والأكثر ازعاجا وهم نقطة انكساري وانهزام صمودي

المهم اني قمت قبل الموعد بنص ساعة

وأغير ملابسي بسرعة واقعد ادور عقالي ساعة <<بركات أشواق ويزن
وانادي امي بسألها عن شماغي,وعقالي ولا لقيتها
استغربت
وما كنت اقدر اطول بالاستغراب لأني مستعجل
دبرت لي شماغ و عقال واحد من أخواني
المهم ركبت سيارتي ومشيت


مابقى على الموعد الا ربع ساعه وانا توني مسكت الخط السريع
والكلية بشمال جدة يعني من جد مشواااااااااااااااار


قلت مالي الا اسرع ,,وادعس بنزين ومن قوة الدعسة انكسرت رقبتي وطاح العقال ورا
والتفت ورا بدور العقال والقى فيه عرس يمشي وراي
انوار تعمي العين واصوات تفقع الراس
شي ازرق وشي احمر
وادقق واتمعن وبالاخير طلعت دورية

أنا: ياليييييييييييل ابو لمممممممممممبة انا ناقص بعد
الدورية: دحدر يا راعي البي أم <<< قال وش دراك انها نصبه قال من كبرها
أنا: موب غريبن علي هالصوت

وبدا ينزل العسكري من الدورية
في هذا الموقف صارت الحياة بالحركة البطيئة<< عود فيلم
نزل الرجل الاولى وطلعت تسني اعرفها
وتنزل الرجل الثانية ونفس الشي متأكد أني قد شفتها
ونزل العسكري وهو يناظر تحت

واعفط عويناتي ابشوف وجهه ماقدرت موب باين
ويقرب مني شوي شوي
والى الحين المشهد بالحركه البطيئة
ويدة تنزل بشوي شوي والوجه يبين شوي شوي
وكل ما طلع جزء من الوجه اقول لنفسي انا شايف هالخشة قبل كذا لين ما طلع الوجه كامل

ورجعت الحياة لسرعتها الطبيعية
وانا مندهش
ومستغرب
وكأني بعالم ثاني
وموب مصدق اللي أشوفه
واناظر اسم العسكري والقى اسم امي
منيرة بنت فلان الفلاني

أنا: أمي؟؟!!!وش السالفه؟؟!! متى صاروا الحريم يسوقون؟؟ ومتى قدمتي على الأمنية أصلا؟؟!!
أمي: أمك بالبيت موب هنا,, وبعدين انت جالس آخر سنتين من عمرك بالاستراحه ماغير بليستيشن وسهر وشلون تبي تعرف عن آخر الاخبار؟؟!!!
أنا: صصصصصصصصصصصح ياللومينا الجديدة <<<< دايم اذا جا طاري الاستراحه يصرف الموضوع
أمي: أقول الرخصة والاستمارة ولا يكثر
أنا: وشو؟؟!! وش دعوه؟؟!! يمه عندي موعد بالكلية الحين والا نسيتي
أمي: ما تفهم انت؟؟ امك في بيتكم موب هنا,, بتعطيني أوراقك والا اجيب سطحة تضفك انت وسيارتك
أنا: خخخخخخخخ أكيد تمزحين,, المهم ما ودي أطول تامرين بشي؟؟!!
أمي: أمزح معك؟؟ اعرفك أنا عشان أمزح معك؟؟!! الظاهر انت رايق على الصبح وتحسب الناس مثلك لحظه لحظه

وطلعت اللاسلكي وقامت تضغّط بهالأزرار


أمي: يا سين عشرة يا سين عشرة معك جيم سبع طعش حوّل
سين عشرة: معك سين عشرة حوّل
أمي: انا بموقع المناوبة 53 وعندي حالة14 تقسيم 522 حوّل
سين عشرة: استقبلت استقبلت والدورية بالطريق

أنا: وش السالفه؟؟!! وشي حالة 14 تقسيم 522 ذي؟؟ وأي دورية اللي بتجي وليش؟؟
أمي: حالة 14 هذي معناتها سرعة جنونية ولكاعة غير قانونية وتنكيت سامج
أنا: يعني بتعطيني مخالفة؟؟

أمي: خخخخ يا حليلك,,, المخالفه فيك فيك بس الظابط حجز لك غرفه خمس نجوم بعنبر 5
أنا: عنبر 5؟؟!! بأي فندق ذا؟؟!!
أمي: خخخخخ هذا فندق جديد اسمة سجن بريمان

وفعلا جت الدورية <<<بعد ما صفقتني أمي وكلـبشتني كأني مجرم

وشالوني على قسم المرور

وقعدوني بكرسي حديد عند مكتب الظابط المستلم
قالولي انتظر ,, الظابط عنده قضية مهمة

باب الغرفة اللي فيها الظابط كان مطرّف >>>مفتوح شووووي

وكنت اسمع اطراف الحديث اللي جوا

الظابط: اعترف ..طرااااااااااااااخ,,, هذي رخصة مين<<< الصوت برضو موب غريب
المتهم: والله العظيم رخصتي والله
الظابط: طرررراااااااااااااخ <<< اقوى من الطراخ الأول
كذاب,,اذا فيه صورة واحد يشبه لك بالرخصة واسمه نفس اسمك موب معناته انها رخصتك ,,طررااااااخ اعترف

ومير ابلع العافية وعرفت إن هالظابط اقشر
وشوي وطلّعوا المتهم واناظر الا ابو الشباب ينزف ويعرج ويصيح من الالم ويقول والله رخصتي قسم بالله رخصتي


وبدت رجولي تنافض من الخوف
واسمع الظابط يصرخ اللي بعده يا عسكري
ويجي العسكري ويجرني وانا اقول لا لا لا مابي
ويسحب فيني تقل بزر
وانا اصيح واقول لا مابي مابي
خلاص اتوب اتوب


ودخلني بالقوة لمكتب الظابط

ويوم دخلت والا الظابط جالس على الكرسي الدوار ومعطينا ظهرة
الظابط: اجلس يا بندوور


ولف بالكرسي فجأة ,,واناظر وجهة وأقعد أضحك واتسدح من الضحك

أنا: خخخخخخخخخ خالتي عليا!!! حتى انتي بعد داخلتن الأمنية خخخخخخخخ بس شكلتس بالبدلة خطير خخخخخخ
خالتي عليا: بس ولا كلمة,, اذا جيتني بالحارة قلي خالتي عليا,,, هنا مكان عمل وزيك زي غيرك,, بلا بشكلكم حثالة مجتمع
أنا: وش دعوه قفلت الأخلاق!!
خالتي عليا: احد يشوف هالوجيه ما تقفل اخلاقه!!!! اسمع بس ,,انت قضيتك خطيرة
أنا: اي خطيرة ترا راس مالها مخالفه سرعة وينتهي الموضوع
خالتي عليا: مخالفة سرعة أجل!!! اللي مكتوب عندي بتقرير العسكري اللي مسكك يقول كلام ثاني
أنا: قصدك أمي
خالتي عليا: ايه قصدي أمك مالت عليك وعلى أمك
أنا: ريلاااااااكس ريلااااااكس هدي اعصابك,, كل هالعصبية عشان سرعة
خالتي عليا: ماتفهم انت؟؟ بقرة؟؟ اقولك الموضوع أكبر من سرعة
أنا: وشو طيب؟؟
خالتي عليا: مكتوب بالتقرير محاولة تفجير وزعزعة أمن الدولة
أنا: وشو؟؟؟؟!!!!زعزعة ايش؟؟؟
خالتي عليا: القضية لابستك لابستك وانا مابيدي شي بس عشانك ولدجارتي منيرة ما راح أحطك بحجز الحرامية والقتلة المأجورين أخاف يذبحونك والا شي ,,بحطك بعنبر5 بسجن النساء لين ما يحققون معك المباحث,, ياااااااااااعسكري انقل المتهم لعنبر 5 وحوّل ملفة للمباحث العامة


=========عنــــــبر 5 ========
منى: هلا بالحلوييييييين تعال جنبي تعال
أنا: حلو بعينك ما شفتي خشمي انتي ؟؟!!!
رشا (بصوت واطي): ماعليك منها ,,حاول انك ما تحتك فيها
أنا: ليش ؟؟!! وش قضيتها؟؟!!
رشا: خطف واغتصاب وقتل شاب في مقتبل العمر
أنا: اوف اوف كل هذا يطلع من هالعنز ذي؟؟!!! أنا وش اللي جابني عندتسن؟
رشا: واكثر من كذا بس انت لا تكلمها ولا تحتك فيها
أنا: طيب وانتي وش قضيتك؟؟!!
رشا: انا ما تهمني قضيتي,, أنا جايه هنا عشان شي واحد بس
أنا: وشو؟؟!!!
رشا: ما يصلح اقولك هنا,, تعال لزنزانتي وأعلمك
أنا: لا لا,, أخاف تسوين شي والا شي,,خاصه وان ابليس علاقته قويه معكم
رشا: اقول لا يكثر,, من زينك عشان اسوي لك شي ,,تعال وانت ساكت
المهم قامت رشا وددخلت زنزانتها وغطت المدخل بالشرشف وقمت ولحقتها
وأول ما دخلت والقاها فاتحتن ظهرها << انا غمضت عيوني على طول بس بعد ربع ساعة من النظره الاولى
أنا: شفتي ,,أنا قايل أنتس تبين تسوين لي شي وتضيعين مستقبلي,,بعدين مين يتزوجني أنا ,تهي تهي
رشا: تراك من جد ماخذ مقلب بنفسك,, ياثور انا حاطه وشم على ظهري
الوشم هذا فيه خريطة سجن بريمان

BRIMAN BREAK<<<<<


أنا: صدق!!! طيب وريني بشوف مره ثانيه <<<<< شف الخبيييث
رشا: انا اهم شي اني اطلع من هنا واطلع اختي,, اختي البريئه,, تهي تهي
أنا: طيب وش تحترين ؟؟وراتس ما طلعتي؟؟
رشا: احتاج واحد يدبرلنا سيارة ونيت تصير واقفة عند الشارع أول ما نطلع عشان تشيلنا
أنا: منهو ذا؟؟!!
رشا: انت يا لوح
أنا: ما اقدر؟؟ وشلون؟؟!!
رشا: تعرف أحد معه سيارة ونيت؟؟!!
أنا: ايه,, قرعوط
رشا: طيب تعال معي


ونروح لجهة باب العنبر


رشا: يااااااااااااااا عسسسسسسسسسسكري

العسكري: هاه وش تبين؟؟!!

رشا: امسك هذي طاحت منك

وتمد له ميتين ريال

العسكري: اخلصي وش تبين؟؟

رشا: ابد الله يطول بعمرك ما ابي الا بكتين احمر وجوال بكلم امي
العسكري: عشر دقايق وتصير الأغراض عندتس

أنا: والله منتب سهلة يا رشو
رشا: أشوفك بديت تمون!!!


وبعد عشر دقايق جت الأغراض ونادتني رشا ورحنا لغرفتها

رشا: كم رقم قرعوط؟؟!!
أنا:********05
رشا: الله ياخذوه أبن ال***
أنا: وش بتس؟؟سلامات؟؟
!!رشا: العسكري ابن ال*** جاب لي جوال مافيه رصيد
أنا: طيب ارسليه يجيب بطاقة شحن
رشا: ما أقدر,, مامعي فلوس,,أنت معك فلوس؟؟
أنا: لا,,طفران للجلدة
رشا: بسسسسسسسسس لقيتها
أنا: وش الحل؟؟!!
رشا: منى تعرف شباب كثير اكيد عندها بطاقات شحن
أنا: وتتوقعين منى بتعطيك البطاقة لسواد عيونك؟؟!!
رشا: لا,, لسواد عيونك انت
ودلتني رشا على غرفتها
ورحت لها ووقفت عند الباب وقعدت اقرا المعوذات وسميت بالله ودخلت

منى: هلا بأحلى خشم بالدنيا
أنا: ماشاء الله زنزانتك حلوة,,,بس ليش كل الصور لراشد الفارس؟؟!!!
منى: أموت بهالاسمراني هذا,,لو اشوفه يمكن اتهور,,موب يمكن الا اكيد
أنا: كل هالظلما واسمراني؟؟؟؟!!!!
منى: اتركنا من راشد الفارس وخلنا فيك
أنا: أنا؟؟!! وش بي أنا؟؟!!
منى: ما ودك اشيل صور راشد الفارس واحط بدالها صورك؟؟!!
أنا: امممممممممم يعني,, على حسب
ورحت لرشا وعطيتها بطاقة الشحن
ودقيت على قرعوط وقلتله عن الخطة

أنا: الحين وش نسوي؟؟
رشا: أكل الحبه هذي
أنا: وشي الحبة هذي؟؟
رشا: هذي حبة تجيب لك صداع في الركبة لازم ناكلها عشان يودوننا للعيادة اللي بالسجن
أنا: وليش نروح للعيادة؟؟!!

رشا: عشان اختي هناك وعشان طريق الهروب يبدأ من هناك

وأكلنا الحبوب وودونا للعيادة

أنا (مسوي نفسي مغمن علي): وين انا؟؟ وانتوا مين؟؟ ووش جابني هنا؟؟
وحنا ليش؟؟ <<<آخر سؤال صعب وغبي بنفس الوقت

الدكتورة: أنا الدكتورة نوف وانت بالعيادة عشان ركبتك خربانه شوي

أنا: هلا والله بالدكتورة نوف,,,خلاص انا من شفتك احس اني طبت

نوف: طبت مين يابو الشباب,,اقولك ركبتك مخبّطة

أنا: وش فيها ؟؟!!
نوف: تطلع اصوات وتكربن,, وفيها حذفة يمين
أنا: يؤ يؤ يؤ,,غريبه,, مع اني ما اعبيها الا95 << يسمع بالبنزين الجديد ولا يدري وشو


نوف: ثواني اجيب الميكانيكي يشيك عليها

رشا: هييييييه,,, يــــا بندوووووووووووور
أنا: هلا انتي هنا بالسرير اللي بجنبي وما دريت عنتس,, ومنهي اللي معتس ذي؟؟
رشا: لا يكثر هرجك,, هذي اختي
أنا: تشرفنا يالبريئة <<< مسوي فيها يمون
رشا: أنت ودك تهج والا بتقعد تتميلح؟؟
أنا: طيب ونوف؟؟!!
رشا: وش فيها نوف؟؟؟!!
أنا: مانيب ماشي الا وهي معي
رشا: بتمشي ورجلك فوق رقبتك يالله قدامي


وفعلا مشيت بدون نوف ,,بعد ما تركت لها دميه سويتها من ورق على شكل ركبة


ودخلنا بممرات وحفر وانبيب لييييييييييين ما طلعنا من سجن بريمان
ولقيت ددسن قرعوط بنفس المكان تنتظرنا
وركضنا بسرعه للسيارة وركبت ورا وانا فرحااااااان
وما امدانا نمشي شوي الا والددسن موقفة

أنا: قرعوط؟؟!!! وش فيك وقفت؟؟!! خبل انت؟؟ تبي تورطنا؟؟؟


واناظر بالمراية حقت السواق وأدقق بالعيون

العيون موب عيون قرعوط بس برضو موب غريبة علي هالعيون
قد شفت هالعيون قبل كذا,,, وبالتحديد اليوم شايفها

ومادريت الا وباب السواق ينفتح فجأة وينزل السواق بسرعه ويركض لجهة بابي
وفتح الباب بقوة وطحت بالأرض
وارفع راسي فوق ابي اعرف منهو

أنا: أمي؟؟!!! لا لا لا
أمي: قم يا ثور طرااااااااااااخ
أنا : لا لا خلاص والله ما اسوق بسرعه
أمي: ساقوك الجن يا ملا اللي مانيب قايله,,قم عندك موعد بالكلية
وأقوم بسرعه وانا خايف مرعوب
والقى نفسي بسريري والمبزرة يلعبون بالكمبيوطر
واغراضي مشوته في كل مكان
واكتشفت اني كنت أحلم لأني قبل ما أنام كنت أتفرج على بيرزون بريك
والله ياهو معجبني ذا المسلسل

==========================


ما يستفاد من القصة:

1- لاتسرع,,,فأمك أسرع

2- اذا قررت انك تتابع بريزون بريك,,, حاول انك ما تفرج على الحلقة الا مرة وحدة ولا تشوف الاعادة
3- اذا تخرجت وحبيت تقدم على الأمنية وسألت امك اذا هي تعرف واسطه وقالت لك لا,,,تراها تكذب عليك



ملاحظة:
قد تكون الشخصيات واقعية أما الأحداث فهي خيال في خيال


أتمنى ان تعجبكم القصة
للأمانه القصة لقيتها عند واحد من الشباب وتم التعديل في الكثير منها
والله اخذت من وقتي الشي الكثيييييييييييير
أخوكم قرقيز

غرابيل
13-07-07, 01:18 AM
<<حلم عمرها تصير اول وحده ترد ههههه

اسمه الهروب الكبير والا الهروب من السجن <<توها منزلته بس ماشافتووهـ

غرابيل
13-07-07, 01:20 AM
8
8
8
مااصدق تحقق الحلم ..
بقرا موضوعك شكله جوونااااان ..

الخزامــــــــــــــــى
13-07-07, 01:23 AM
اووووووووووووووووووووووووووووووووووووووووووووووووو و
تصدق اي مشوار يوم الثلاثاء يتكنسل عندي ......

عشان خاطر سكوفيلد....

ياهو مسلسل ....

جننننننننننننننننننننننننننننننننننننننننننننننننن ننننننننننننننننننننننننننننان

غرابيل
13-07-07, 01:44 AM
ههههههههههههههههه

ياهوو مأثرررررر فيـــك الفيلم ..

حلم خنفشــاري ..

ببدا اشوفه اليوم قبل لا يحترق الفيلم علي ..<<تووهـا تكتمل السيديات عندهـا ..

يستــاهل النجووووووووووووم ..

سيف عبدالله
13-07-07, 02:06 AM
هههههههههههههههاى اغرب حلم قريتوه فى حياتى

تسلم اخوى قرقيز على هيك خيال صح انه ملطوش ولا كن

الفكره ممتازه وسرد الموضوع جميل

دمت بود

الناااعسة
13-07-07, 02:12 AM
ما يستفاد من القصة:

1- لاتسرع,,,فأمك أسرع
***********************************
جدا رائعه القصه ياقرقيز

ياولد منيرة الله يخليها لك

بس امك اسرع شي <<تضحك بقوة

قرقيز
13-07-07, 02:17 AM
<<حلم عمرها تصير اول وحده ترد ههههه

اسمه الهروب الكبير والا الهروب من السجن <<توها منزلته بس ماشافتووهـ

منووره يالخاله

لا وانتي الصادزه
الهروب من السجن
تراه ما يتفوتش
جونااان

مدرعمه
13-07-07, 02:17 AM
والله يالعنوان يصلح للموضوع بالحيل

وانت الصادز كثر السهر يجيب الكوااااابيييييييييييييس والجاااااثوم خخخخخخخخخخخخخخخ...

قرقيز
13-07-07, 02:19 AM
8
8
8
مااصدق تحقق الحلم ..
بقرا موضوعك شكله جوونااااان ..

(d) (d) (d) (d) (d)

قرقيز
13-07-07, 02:23 AM
ههههههههههههههههه

ياهوو مأثرررررر فيـــك الفيلم ..


وبعنف
حلم خنفشــاري ..

ببدا اشوفه اليوم قبل لا يحترق الفيلم علي ..<<تووهـا تكتمل السيديات عندهـا ..

ان بغيتي رايي لاتفوتينه
تراااه جونااااااااااا.... الخ ااان

يستــاهل النجووووووووووووم ..

النجوم غصبن عنتس مو برضاتس<<< يبي يخربها (vv)
وانا صادز مو من مخباتس ما أخذت من حلالتس شي<<< حرية التعبير لها اثر(qq171) (qq171)

مشكووورة يالغاليه

قرقيز
13-07-07, 02:27 AM
هههههههههههههههاى اغرب حلم قريتوه فى حياتى

تسلم اخوى قرقيز على هيك خيال صح انه ملطوش ولا كن


ياخي لازم تكتب هالسطر تسان سكت(vv) الفكره ممتازه وسرد الموضوع جميل

دمت بود

دمت بفجر<< ود أخت فجر هع هع()

قرقيز
13-07-07, 02:30 AM
ما يستفاد من القصة:

1- لاتسرع,,,فأمك أسرع
***********************************
جدا رائعه القصه ياقرقيز


الله مير يسلمتس ويسمنتس
ياولد منيرة الله يخليها لك


آآآآآآآآآآآآآآآمين<<< أمي صدز أسمها منيرة والله ومليووووووونين والنعم
بس امك اسرع شي <<تضحك بقوة



أنشاءالله دوم مو يوم
خخخخخخخخخ<<< يضحك وبشدة

الناااعسة
13-07-07, 02:35 AM
أنشاءالله دوم مو يوم

خخخخخخخخخ<<< يضحك وبشدة



قرقيز مابي اسمن (qq79)

غير الدعوة

خلها ينحفج

<<تبكي بشده(qq79)

قرقيز
13-07-07, 02:35 AM
(d) والله يالعنوان يصلح للموضوع بالحيل

وانت الصادز كثر السهر يجيب الكوااااابيييييييييييييس والجاااااثوم خخخخخخخخخخخخخخخ...

هلا وغلا منوووووووووره يالشهباء

وين انتي غاديتن بوة؟
لتس مدة غاطسه مدري وين تروحين

منووورة الموضوع

أخبارتس واخبار السحليات الثانيات بنات خالاتس

أنشاء الله كلتسن طيبات

تقهوي(d)

قرقيز
13-07-07, 02:38 AM
قرقيز مابي اسمن (qq79)

غير الدعوة

خلها ينحفج

<<تبكي بشده(qq79)

ياجعلتس تنحفين اللين تصيرين عصلا

قولي امين

هع هع << يبتسم وبعنف!!!

بشر
13-07-07, 02:43 AM
المسلسل المعروف عنه بالمنتديات الهروب الكبير بس الترجمه الحرفيه الهروب من السجن

قرقيز موضوع رائع جدا وزين إني ما فوته (((((((((((( كان ناوي يسحب على الموضوع

قرقيز
13-07-07, 02:47 AM
8
8
8
حايك الله يالبشر<<< أنت تمساح والا سحليه؟؟

والله يالبشر انا كتبته بالترجمة الحرفية


منور/ة الموضوع

بشر
13-07-07, 02:56 AM
أحرجتني يا قرقيز

أنا تمساح

ّζ♂كـــــMisSـــــرزهـ ♂ζّ
13-07-07, 06:48 AM
ههههههههههههههههههههههههههههههههه

ياني ضحكت من بطني <<<اش دخلها في الموضوع(qq168)

يازين بزارينكم يقربون للي عندنا:ro258es:

اما خطة امك Bخاطري اطبقها على اختي ياسلااااااااااااااااااااااااااااام(vv) (vv)

موضوع مفحط على هالصبح يسلمووو(ghqv)

عريفة الفصل^-^
13-07-07, 09:37 AM
رهييييييييييييييييييييييييييييييييبة الأحداث قريتها ومامليت صانكيو مان شكل هوايتك الكتابة على الجدران قصدي الكتابة بس :)

مــــس نيـــوتن
13-07-07, 11:35 AM
والله موووووبدع ياقرقيز
القصه توووهبل وتوووجنن(q41)
بعد اذنك بشلح القصه منك وامثلها انا والحلو توووم ابن كروز (qq15) <<<مع انه بالأربعين بس يله اسمه مشهور(q30)

¨°я» بنت عـآدية «я°¨
13-07-07, 01:28 PM
اووووووووووه وش ذا القصة خطييييييييييييرة
حركات والله فلم مو قصة
ماشالله ابداع x بداع
خيال وااااااااااسع
مشكور

مدرعمه
13-07-07, 06:52 PM
(d)

هلا وغلا منوووووووووره يالشهباء

النور نوركم يالاشهب(vv)

وين انتي غاديتن بوة؟
لتس مدة غاطسه مدري وين تروحين

اييييه جتن حاااله مااحب ادخل الله لايعيد هالحاله هع

منووورة الموضوع

أخبارتس واخبار السحليات الثانيات بنات خالاتس

أنشاء الله كلتسن طيبات

الحمدالله كلنا بخير نزقح وننطح(vv)


تقهوي(d)


يالله من عليه القدوع<<سيكو...

المتحد
13-07-07, 07:09 PM
ياهلا بقرقيز
خبري فيك يوم موضوع البقاله حقتك
السهر أقشر يابعدي
ماتسد جربت تواصل
والشمس صكت بوجهك
وتشوف الدنيا عصافير
.

قرقيز
14-07-07, 01:38 AM
أحرجتني يا قرقيز

أنا تمساح

حياك الله يا أخ تمساح(qq152)
معاك أخوك قرقيز(q83)
هع هع هع

قرقيز
14-07-07, 01:50 AM
ههههههههههههههههههههههههههههههههه

خخخخخخخخخخخخخخخخخخخخخخخخخخخخ

ياني ضحكت من بطني <<<اش دخلها في الموضوع(qq168)


مطري؟؟

يازين بزارينكم يقربون للي عندنا:ro258es:

لا ابشرتس
أخوي وبنته الصغيرة وصلوا امس
وأختي وولدها فصيييييل <<< ياهو شقي الولد ذا
وصلوا معه
يعني يجيب الله مطر

اما خطة امك Bخاطري اطبقها على اختي ياسلااااااااااااااااااااااااااااام(vv) (vv)

لاتنسين خطة الهروووب << أهم شي(qq171)

موضوع مفحط على هالصبح يسلمووو(ghqv)


يادفع البلاء
لا لا لا
أنا ما أحب التفحيط واللي يفحطوون

تقهوي(ask)

قرقيز
14-07-07, 01:57 AM
رهييييييييييييييييييييييييييييييييبة الأحداث قريتها ومامليت صانكيو مان شكل هوايتك الكتابة على الجدران قصدي الكتابة بس :)

حياتس الله الأخت جندي منتف<<< ما حولتس ترقيه؟(a21)

والكتابه هوايتي من يومني في بطن امي(vv)
ومو انا بالحالي العايله كلها تسذا
حتى أخوي الاصغر مني
يقول يومني في بطن أمي لقيت مكتوب في بطن امي
ذكريات بندووور(qq152)
وذكريات معاند جروحة(qq152) <<< هذا أخوي التسبير


عريفة أعربي ما تحته خط؟

قرقيز
14-07-07, 02:00 AM
والله موووووبدع ياقرقيز

(wtg) (wtg) (wtg) (wtg)
القصه توووهبل وتوووجنن(q41)

ما عليتس زود(qq15)
بعد اذنك بشلح القصه منك وامثلها انا والحلو توووم ابن كروز (qq15) <<<مع انه بالأربعين بس يله اسمه مشهور(q30)

ازين
ترا الدعوه تشليح بتشليح وأنا خيتس(qq15)

قرقيز
14-07-07, 02:04 AM
اووووووووووه وش ذا القصة خطييييييييييييرة
حركات والله فلم مو قصة
ماشالله ابداع x بداع
خيال وااااااااااسع
مشكور

الله يسلمتس ويسمنتس<< منب بمغير الدعوة لو ويش(qq171)

ايه خيالي وسيع شوية
بروح لم الخياط يضيق فيه شوية(qq10)

حياتس الله يابنت التماتيك<<< ما يحب يسوق العادي هع

قرقيز
14-07-07, 02:07 AM
يالله من عليه القدوع<<سيكو...

عند البروفوسورة<< كم واو فيها؟؟(vv)
ما عندي غير قهوة ما عندي قدوع
هع هع

قرقيز
14-07-07, 02:09 AM
ياهلا بقرقيز
خبري فيك يوم موضوع البقاله حقتك
السهر أقشر يابعدي
ماتسد جربت تواصل
والشمس صكت بوجهك
وتشوف الدنيا عصافير
.

يا هلا وغلا يالمتحد

ياجعلي ما ابتسيك

وين انت يالغالي
منوور والله
والسهر والله انه بلا ومرض
الله يكفيني الشر ويا جعلي ما أسهر<<<كم الساعة اللحين؟؟

بدر المشعل
14-07-07, 02:21 AM
هههههههههههههههههههههههههه

روعة ياامير


ورى مانشوف لك روايات بالمكتبات بصراحة خيالك واسع وعندك مقدرة على الابداع

اتمنى لك من كل قلبي التوفيق

قرقيز
14-07-07, 02:29 AM
هههههههههههههههههههههههههه

روعة ياامير

ورى مانشوف لك روايات بالمكتبات بصراحة خيالك واسع وعندك مقدرة على الابداع

اتمنى لك من كل قلبي التوفيق

(qq18)

هلا؟ أنت تكلمني؟؟<< أنتفخ راسه

بكرة بمر الخياط اضيق فيه

بدر المشعل
14-07-07, 02:37 AM
(qq18)


هلا؟ أنت تكلمني؟؟<< أنتفخ راسه


بكرة بمر الخياط اضيق فيه


صدقني تستاهل اكثر

وانا مستعد اتبناك فنيا واتكفل بنشر رواياتك

بس العقد مدته عشر سنوات


ماهو اذا غديت مشهور تنساني

قرقيز
14-07-07, 02:52 AM
صدقني تستاهل اكثر

يؤيؤيؤيؤ<< صدق؟
وانا مستعد اتبناك فنيا واتكفل بنشر رواياتك

بس العقد مدته عشر سنوات


ماهو اذا غديت مشهور تنساني

موافدز

المارد الازرق
14-07-07, 02:05 PM
من يكتب موضوع جميل نقول له : أبدعت

ولكن من تعودنا منه الابداع ماذا نقول له ؟

كعادتك يا قرقيز

يعطيك العافيه

موضوع يوسع الصدر

سلطان بن عبدالعزيز
14-07-07, 11:37 PM
ههههههههههههههههههههه

يسلمووووو

قرقيز
15-07-07, 12:30 AM
من يكتب موضوع جميل نقول له : أبدعت


ولكن من تعودنا منه الابداع ماذا نقول له ؟

كعادتك يا قرقيز

يعطيك العافيه


موضوع يوسع الصدر



(gfp) (gfp)(q62) (gfp) (gfp)(q62) (gfp) (gfp)(q62) (gfp) (gfp)

أحرجتن
يسلم قلبك يا جنيني<<< ما يقلد ابو شدز<< هو وينه طاس؟

قرقيز
15-07-07, 12:33 AM
ههههههههههههههههههههه

يسلمووووو
منور يا سمو الامير
الله يحفظك ويطول عمرك
شرفتنا ياسموك الكريم<<< كل يوم تعال