المساعد الشخصي الرقمي

مشاهدة النسخة كاملة : ابو المواقف يعود بموقف العمرة ولبس الإحرام{{ كامل }}


الذيب الخايف
28-06-07, 12:07 AM
بـــــــــــســــــــــم الله الرحمن الرحيم
{قصة العمرة}


كنت في الصف الثاني متوسط كان عمري


تقريبا 12قال ابوي نبي نعتمر صراحة


انا نقزت من الفرحة مانمت ذيك الليلة


وراح ابوي يشيك على السيارة وجاء


الوقت المنتظر وفي ظهر يوم25من رمضان


مشينا لمكة انا وإخواني اثنين وخواتي


ثنتين وجدتي وعمتي وصديق ابوي وحرمته


{كل العالم معنا طافيين}وصلنا الميقات


وهناك بدت المواقف كيف لبس الحرام


طبعنا الشناط مليانة كأنهم بيعيشون



سنة في مكة انا متبيزع على بالي سهل



لبسه وطلعت من الحمام وأحس بالبراد من



ورا وصلت لابوي ثم رجعت إلا القش كله



طالع كأنه ثوب ممثلة مصرية ورقع



يامرقع مشابك وبلاوي ابر وغيرهـ ،اخوي


الصغير حط الحرام فوق كتوفه والباقي


كشف {يبي البراد ابو الشباب}عدَت ذيك


الليلة على خير {واضح}وصانا للحرم كان


الوقت الصبح بدينا بالطواف ابوي اخذ


جدتي بالكرسي المتحرك وخلا الحريم


نشبةبحلوقنا بس ما تقدر تقول شي لانه ابوك،


الرجال هو وحرمته يطوفون وداخلين


جورومانسي، وانا والحريم ملاعن {يمين الله


يعميك ،انت ماتشوف اختك ياثور ،ومن


هالكلام}انا صراحة تحمست مع الطواف


وأقول ليت كل عمرة كذا، لكن حصل مالم


يحدث بالحسبان{معجبتني مالم يحدث بالحسبان


لي 7سنين احفظها}كانت قدامي مصرية دبة


{عريضة شوي}كنت وراها وقفت فجأة وحصل


ارتطام عنيف {انا على نياتي} تأسفت


كأني انا المخطئ، لكن قالت لزوجها بص


ياحمادة دا الولد ضرب مراتك


انا {ياغافل لك الله}


ويلتفت علي هالغوريلا هذا كبر يده


ويعطيني ضربة على العلبامن ورا صارت


تدور فوق راسي عصافير {رسوم متحركة}


ويعطيني قرنوع نسيت اسمي ياشيخ من قوته


{طلع براسي برج ايفل (مادري وشو


ايفل)}قلت انا اللي هذا اوله ينعاف


تالية خلاص بطلت مابي اعتمر {شغل


بزران}من القهر بغيت افصخ الحرام في


الحرم الحين جاي اعتمر وتاليتها تطلع


هوشة ابتدائية، اكلت تبن وبلعتها



كملنا الطواف وبدينا بالسعي {اول شوط


،ثاني شوط،تعبت ،قلت ابي تبديل ياحكم


ماهي حالة ياخوي }وصلنا العلم الأخضر


واحط رجلي وانسى اهلي أثر ابوي يشوفني


قال لي :ارجع رجع عليك وايت يادلخ،وجهي


طلع الوان فصل السنة قدام الناس


{إحراج}وان امشي وتعباااااااااان كنت


امشي اثري وطيت افريقي على جنب المسعى


مادريت ويقوم الأفريقي يزبد قلت والله


اللي رحنا فيها قال :انت مالك أيون


{يعني :مالك عيون}قلت:لا لي بوتاسيوم


{احسبه يتفلسف بالكيمياء } قال :اسمع


ياعبدالله ،قلت :لحظة لحظة.. اسمي صعفق


{ابغى اخليه يبلش }قال :اسمع ياصفكا


انت في بيت الله وسوف اسمح لك من اجل


النسوة اللاتي معك {انا ابي فرقاه


اخاف يعطيني طراق ياشيخ ان تناثر


ضروسي ولاشي بيده}كملت السعي وقضيت


انا والحريم ورحنا للشقة ............



{مواقف الشقة بيوم ثاني نقولها}



سلااااااااااااااااااااااام
تقبلوا تحياتي اخوكم الذيـــب

سمو الفكر
28-06-07, 01:20 AM
ههههههههههههههههههههههههه
هههههههههههههههههههه (qq166)
(qq166)
ماادري وش اقتبس الحرام , والا المصريه , والا الافريقي , كل سالفه اقوى من الثانيه
الله يوسع صدرك بالعافيه اخوي الذيب الخايف
بس تعال , شلون ذيب ويخايف (qq1)

الذيب الخايف
28-06-07, 01:28 AM
انت لاتدقق على الاسم لكن اقوى موقف، موقف المصرية بصراحة القرنوع يسوى من جد غوريلا

مهاجرة بإحساس
28-06-07, 09:58 AM
لووول ذكرتني بمواقف واااايد.... تموت من الضحك و خاصة أنها وياّ المصريين -الله يستر عليهم -ما نبا كفته فيهم لووول
^_^

*أسيرة الذكرى*
28-06-07, 09:58 AM
(qq166) (qq166) (qq166)
ههههههههههههههههههههههههههههههههههه


احس ان ياعليك شكلللللللل ... رايح فيها ....


اما المصريـــه خخخخخخخخخخ منه بس .... <<< حمقت عليها


يسلمووو على الموقف الحلوووووووhttp://www.alsltanh.com/vb/images/ehdaa_smilies/eh_s(7).gif


تشكرااااااااااااااااااااااااااااات

الذيب الخايف
28-06-07, 02:13 PM
اشكرك على مرورك يامهاجرة
واشكرك ياأسيرة الذكرى على المرورلكن الحمدلله اللي فكني من الافريقي
يسلمووووووووووووووووووا

كنق محمد
28-06-07, 02:43 PM
ههههههههههههه والله مواقف يسلموا

ابويسور
28-06-07, 02:46 PM
على طاري لباس الاحرام واحد ذكر لي موقف محرج للغااااية اثناء لبسه للاحـرام
باختصار انه و عندالميقات واثناء خروجه من دورات المياه توجه للسيارة لكن اتضح
له ان الاحرام لم يضبط ولكن كيف يحتاج للرجوع لدورات المياه ولكنها بعــيده فقـرر
ابوالشباب ان يدور مكان بعيد عن الانظار والدعوى ما تستاهل تلفت شاف سيارتين
جمس وفان جوار بعض ومظلا لات دخل بينهن وعلى السريع شال الايزار والرداء
وبداء يعدل000 وما ان انتهى حتى تفاجأ ان سيارة الفان مليئة بالركاب من العوائل
ولاتسأل عن صاحبنا ماحصل له بعد ذلك000

الذيب الخايف
28-06-07, 11:16 PM
مشكور ياكنق محمد على المرور ،لكن موقفك يابو يسور يسوى من جد {نزله موضوع على الساحة}

زمن التيه
29-06-07, 03:16 AM
أبو الشباب اعتمر كل سنة وهات مواقف عسل ياأبو العسل
لاتغيب ياغالي سلملي على الربع

الوافي3
29-06-07, 03:55 AM
مسكين يالذيب مواقف محرجه :(

لكن قصة المصريه غير :)

ياما كانت لنا مواقف محرجة خاصةً بالحج
شكراَ لك

ّζ♂كـــــMisSـــــرزهـ ♂ζّ
29-06-07, 08:51 AM
ههههههههههههههههههههههه

عاد كله ولا انك تطيح في لسان مصرية ويد مصري الله يخلف على امك
هههههههههههههه اضحك الله سنك

الذيب الخايف
29-06-07, 02:42 PM
اشكركم على المرور ياحبايب ابغى مواقفكم اللي في الحرم خلونا نضحك عليكم

غرابيل
29-06-07, 03:17 PM
ههههههههههههههههه

تعيش وتاخذ غيرها مع علباتك ..

الذيب الخايف
14-08-07, 05:54 PM
ههههههههههههههههه

تعيش وتاخذ غيرها مع علباتك ..




لا خلاص يكفيني اللي جاني من الغوريلا