أســــــــــــــــافر والا ماأســـــــــــــافر؟؟

[الحميراء]

السلام عليكم أعضاء هذا المنتدى الجميل
جت الاجازة وكلن يستعد للسفر او سافر
وكلن يعرف ان ما فيه أحد مايحب السفر فيه ترفيه للنفس وتغيير جو وبسطة ووناسة وووووو
القصة وما فيها اني ودي أسافر انا وزوجي وعيالي طبعا لاكن فيه أمر محيرني كثير وما أدري وش أسوي قلت أستشير أعضاء المنتدى علي ألقى عندهم اجابة شافية
آآآآآآآآآسفة طولت عليكم
انا ما أبغى أسافر وأم زوجي في البيت ماتروح وتنبسط زينا لأني أحبها وأقدرها كثير <<<مع العلم بأنها مستحيل تطلب السفر مع أحد حتى لو قلنا لها ما تطيع بالساهل الين تحس ان اللي قدامها جازم ووده من جد والا تنسحب <<<الى هنا مافيه اشكال صح؟؟
أنا ودي أسافر مع زوجي لحالي أريح لي وأحسن
لاكني مامنعت انها تروح طلبت من زوجي يروح واياها لحالهم أريح لها طبعا ثم أروح انا وياه بعدين
لاسيما ان أخوان زوجي يسوون هذي الطريقة وأم زوجي مبسوطة ومرتاحة لانها حساسة كثير ما تحب تحس انها نكدت على أحد
المشكلة ان زوجي مايبغى كذا يبغى نصير سوا والا نروح لحالنا
أنا ضايق صدري وما أتحمل بين خيارين
1ـ أروح واياها
2ـ ما أسافر لاأني مايهون علي اني اخذ ولدها وأتبسط وأترك المسكينة
أنا محــــــــــــــــــــــــــــــــــتارة كثير
أرشدوني الله يجزاكم بالجنة

[عالي الذوق]

تبين الصراحه

إذا روحتكم داخليه يعني مكه وماجاورها خوذيها وهي تبي تستانس بالحرم وانتي انبسطي بهالليول مع الهازبند لأنه هي تبي تنام وتقوم الفجر للحرم

وإذا رحلتكم خارجيه فمال أمها داعي روحتها
بأسلوب حلو حاولوا تتخلصون من الموقف

[مقراط]

البنفسجي

السلام عليكم ورحمه الله وبركاته

الله يسلمك ام زوجك احس انها ماهي مبسوطه من اللي يسونه اخوان زوجك

الله لايهينك العقل زين

ومايصح تتركون المسكينه الله يعظم اجرها فديتها

يا تأخذونها معك او تجلسون معها

عشان ماتنزل عليكم العقوبه

نصيحه

تبون الخير عليكم باحترام مشاعر المسكينه الله يرزقها الجنه

ومضه

الله يجعل يومي قبل يومك ياميمتي

[مقراط]

تبين الصراحه

إذا روحتكم داخليه يعني مكه وماجاورها خوذيها وهي تبي تستانس بالحرم وانتي انبسطي بهالليول مع الهازبند لأنه هي تبي تنام وتقوم الفجر للحرم

وإذا رحلتكم خارجيه فمال أمها داعي روحتها
بأسلوب حلو حاولوا تتخلصون من الموقف




الوفاء

السلام عليكم ورحمه الله وبركاته

الله يسلمك وش يفرق الجوله الداخليه عن الخارجيه

اخوي الزوج اللي ماياخذ امه مافيه خير

ياربي يوفقك
0.

[حسن خليل]

وعليكم السلام ورحمة الله وبركاته

من وجهة نظري الأفضل أن تأخذي برأي زوجكِ وتسافروا جميعاً.

[عالي الذوق]

الوفاء

السلام عليكم ورحمه الله وبركاته

الله يسلمك وش يفرق الجوله الداخليه عن الخارجيه

اخوي الزوج اللي ماياخذ امه مافيه خير

ياربي يوفقك
0.

الله يسلمك
لانختلف على حق الأم
قال الحبيب صلى الله عليه وسلم ( رغم انفه رغم انفه رغم انفه من أدرك أبواه أو أحدهما ولم يدخلاه الجنه )

وقال أيضآ ( خيركم خيركم لأهله وأنا خيركم لأهلي )

أمي لها حق وكذلك شريكتي

وياحظ اللي يقدر يرضيهن كلهن

[دفءالمشاعر]

لاتحرمني نفسك الاجر وخوذها البرسلف وهي اولا واخرا ام الغالي زوجك

[يتيم الحظ]

غررررررررررررررررريبة قصتك تحبين ام زوجك وباره فيها وتحترمينها معدنك ثمين
اكيد انتي من المريخ والا ان ام زوجك تكون اخت امك خالتك
نصيحة من اخ كبير لا تروحين اذا رحتي والا مارحتي كلها واحد اقسم بالله العظيم اذا رحتي ماراح تستانسين زي ماذكرتي في قصتك تفكيرك راح يكون في ام زوجك
ويمكن زوجك وده يروح لحاله وقالك كذا على شان يحطك بالامر الواقع على شان تهونين وتجلسين مع امه مالك الا حل واحد انك تلزمين على امه انها تروح معكم والا شلين من راسك السفر واجلسي معها
واذا انتي الذي ذكرتيه صحيح انك تبرين بام زوجك والله ماراح انساك من الدعاء ،،،
الله لا يسلمك من باب الجنه ولا من بر الوالدين

[الحميراء]

تبين الصراحه


إذا روحتكم داخليه يعني مكه وماجاورها خوذيها وهي تبي تستانس بالحرم وانتي انبسطي بهالليول مع الهازبند لأنه هي تبي تنام وتقوم الفجر للحرم

وإذا رحلتكم خارجيه فمال أمها داعي روحتها
بأسلوب حلو حاولوا تتخلصون من الموقف


رحلتنا داخلية
المشكلة اني انحرج بوجودها لاني ما أدري وش في نفسها

[الحميراء]

مقراط،،حسن خليل
أشكر لكم المرور الجميل والرأي السديد

[ساري بليل]

بإختصار قولي نفسي اروح انا وزوجي بروحنا ونفله لوحدنا

واذا كانت ام زوجك طيبة فخلاص

لا تلزمون عليه بالروحه

بعدين آجر لك خليها تروح معكم وخذوا فيها عمرة وخلوها تنبسط

دوري الأجر

[الحميراء]

لاتحرمني نفسك الاجر وخوذها البرسلف وهي اولا واخرا ام الغالي زوجك
درة
يسرني مرورك الجميل حبوبتي وأشكر لك نصحك وكلامك الجميل

[جارة القمر]

اختي روحي وخذيها معكم واحترميها وقدريها واحتسبي الاجر ترا وناسة الدنيا زايله وزوجك تقدرين تبسطين معه بسفرات جايه العمر قدامكم واهم شي راحتها اذا هي ترتاح انها تجلس لحالها خلوها اكرام النفس هواها يعني شوفو هي وش تحب وش تبي وش تفضل وسوه لها ...
تحياتي

[الحميراء]

غررررررررررررررررريبة قصتك تحبين ام زوجك وباره فيها وتحترمينها معدنك ثمين
اكيد انتي من المريخ والا ان ام زوجك تكون اخت امك خالتك
نصيحة من اخ كبير لا تروحين اذا رحتي والا مارحتي كلها واحد اقسم بالله العظيم اذا رحتي ماراح تستانسين زي ماذكرتي في قصتك تفكيرك راح يكون في ام زوجك
ويمكن زوجك وده يروح لحاله وقالك كذا على شان يحطك بالامر الواقع على شان تهونين وتجلسين مع امه مالك الا حل واحد انك تلزمين على امه انها تروح معكم والا شلين من راسك السفر واجلسي معها
واذا انتي الذي ذكرتيه صحيح انك تبرين بام زوجك والله ماراح انساك من الدعاء ،،،
الله لا يسلمك من باب الجنه ولا من بر الوالدين
وأنت الصادق مو انا اللي من المريخ الا ام زوجي
ما قد شفت مثلها بحياتي انسانة كافة ما عليها من أحد
يعلم الله اني ما أعرفها قبل لا آخذ ولدها
بعدين زوجي مايحب يسافر لحاله ولا مع زملاه
يا أما معنا يأما لا
أشكر لك مرورك وتوجيهك القيم
جزاك الله خير على الدعاء لاحرمك الله الاجر

[ساري بليل]

شوفي كل الحريم هنا ينصحونك تاخذين خالتك معك (a28)

لكن انا متاكد انه ولا وحده تاخذ خالته معه (h)

[الحميراء]

بإختصار قولي نفسي اروح انا وزوجي بروحنا ونفله لوحدنا

واذا كانت ام زوجك طيبة فخلاص

لا تلزمون عليه بالروحه

بعدين آجر لك خليها تروح معكم وخذوا فيها عمرة وخلوها تنبسط

دوري الأجر
والله كنك تدري مشتهية السفرة بدونها
بس أحس بالذنب لو رحت بدونها
مافيه غير الاحتساب وأخذها معانا
مشكور وما قصرت اخوي ساري بلبل تشرفت بمرورك كثيرا

[الحميراء]

شوفي كل الحريم هنا ينصحونك تاخذين خالتك معك (a28)

لكن انا متاكد انه ولا وحده تاخذ خالته معه (h)
ههههههههههههه
الله أعلم مانقدر نحكم(gfp)

[الحميراء]

اختي روحي وخذيها معكم واحترميها وقدريها واحتسبي الاجر ترا وناسة الدنيا زايله وزوجك تقدرين تبسطين معه بسفرات جايه العمر قدامكم واهم شي راحتها اذا هي ترتاح انها تجلس لحالها خلوها اكرام النفس هواها يعني شوفو هي وش تحب وش تبي وش تفضل وسوه لها ...
تحياتي
يعني من رآيك لو خدتها معانا هالمرة المرة الثانية ماأشيل هم؟
الصيف قبل الماضي راحت معانا والصراحة ما انبسطت احسي مشدودة
والصيف الماضي رحنا بدونها الصراحة أريح وأحسن
من رآيك لو خذناها معنا هالصيفية متى تروح مرة ثانية؟؟الله يحيينا ويلحقنا خير
شكرا لمرورك حبوبتي جارة القمر

[ولد ضلمى]

اذا الوضع يسمح اقسمو السفره جزئين روحو
اللحين لمكه يومين ثلاث وخوذوها معكم عمره,
وبعد مده سافرو كام يوم انتي وزوجك وفلوه...
تقبلي تقديري....

[الحميراء]

اقتراح جميل
لكني لا أعتقد ان زوجي ممكن يسافر بنا سفرتين في هالاجازة
شكر لمرورك

[همسة شوووق]

اهلين ..
شوفي ياوخيتي ..
اذا كانت سفرتك لمكة او المدينه خذيها معك تكسبين فيها الأجر وتفرحي قلبها .. والله يعينك عليها ..
واذا كانت سفرتك لمناطق ثانيه غير مكه والمدينه والله روحي انتي وزوجك لحالكم وانبسطوا .. لإن ام زوجك كبيره على اللعب والصيفه ..
ورتبي في سفراتك .. انك سنة تأخذيها معك وسنه او سنتين تروحين انتي وزوجك لحالكم ..

هذا رايي ..
تشاااااااااااااااااااو

[الخزامــــــــــــــــى]

الله لا يبلانا

[الحميراء]

مشكورة حبيبتي همسة شووق على الرأي الجميل
هون الله عليك حملك وأقر عينك بذرية صالحة

[الحميراء]

الله لايبلانا؟؟؟؟؟؟؟؟؟
وش قصدك يالغالية ليــــــــــان مافهمت؟؟؟