المساعد الشخصي الرقمي

مشاهدة النسخة كاملة : كيف تتخلص من مخالفة الشرطة قبل ما يكتبها الشرطي ‎ !!


الباشــKsaــق
24-06-07, 01:52 PM
شد حيلك وسو مثله ‎


في أحد الطرق السريعة ، واحد مسرع فوق اللزوم وقفه الشرطي على جنب
نزل الشرطي ودار بينهم هالحديث ‎ :


الشرطي : ممكن رخصة السواقة؟ ‎

السائق : آسف رخصتي ملغية لأنها أنتهت ولا جددتها ‎


الشرطي : طيب أوراق ملكية السيارة؟ ‎

السائق : هذي ماهي سيارتي ، أنا سارقها ‎ .


الشرطي : تقول السيارة مسروقة ؟ ‎

السائق : أي نعم ، بس لحظة تذكرت ، أظن أني شفت أوراق ملكية السيارة
في درج السيارة لما حطيت مسدسي فيه ‎ .


الشرطي : معك في درج السيارة مسدس بعد ؟ ‎

السائق : أي نعم ، حطيته بعد ما قتلت به صاحب السيارة وحطيت جثته في صندوق السيارة ‎


الشرطي : وفيه جثة معك في السيارة بعد ؟ ‎

السائق : أي نعم ‎ .


المسكين الشرطي سمع ها الكلام قام على طول صوب المسدس على السائق

وقال له ولا حركة ، وكلم الضابط المناوب حقه وبلغه باللي سمع من
السائق وبسرعة جت سيارات الشرطة وحاصروا السيارة ، جاء الضابط وقرب
من عند السائق وقال أتأكد أول ‎ .


الضابط : ممكن أشوف رخصة السواقة ؟ ‎

السائق : أكيد ، تفضل ،وكانت الرخصة سليمة ‎ .


الضابط : سيارة مين هذي ؟ ‎

السائق : سيارتي، وهذي أوراق ملكيتها ‎ .


الضابط : لو سمحت تفتح الدرج بهدوء عشان أشوف إذا كان فيه مسدس؟ ‎

السائق : بكل تأكيد ، بس ترى ما فيه مسدس ، حتى شوف ما فيه أي شي في الدرج ‎ .


الضابط : طيب إذا سمحت تفتح صندوق السيارة أبلغوني أنك قلت أن فيه جثة ‎ .

السائق : ما فيه مشكلة ، الصندوق أنفتح ، ما فيه أي جثة ..؟؟ ‎


الضابط : شيء غريب
الشرطي اللي وقفك قال أنك قلت له أن ما معك رخصة
وسرقت السيارة ومعك في الدرج مسدس وفيه جثة في صندوق السيارة ‎ .

السائق : حسبي الله عليه .. .. الكذاب ، أكيد بعد قال لك أني مسرع

الـمـ فاروق ـلك
24-06-07, 02:09 PM
خخخخخخخخخخخخخخخخخخ

ليتك قائل لى قبل شوى
توى ما خذ قسيمة

الباشــKsaــق
24-06-07, 02:13 PM
أهلين العطا
مو مشكله .... هالمره الله يعينك تسدد المخالفه... بس الجايات شد حيلك ورينا شطارتك
مشكووووووور على مرورك الجميل

كنق محمد
24-06-07, 03:15 PM
انا توي شريت سياره وطلعت ورا الوالد يوم وصلنا نقطه التفتيش والله والوالد هو ينكبن ويروح ويخلين ولا رخصه ولا تصريح ولا شئ معي يوم وقفن الشرطي سويت نفسي ماسمع قال ثباتك قلت وشو قال ثباتك قلت ماسمع طول صوتك قال البطاقه ويشر على يده وانا اقالي توي افهمه وعطيته البطاقه وقال الرخصه يوم تورطت قلت الحين ماسمع صح قال وين رخصك قلت ماسمع يوم رن جوالي قلت والله دجيت واخذت اتكلم مع الشرطي قلت ماسمع طول صوتك قال شكلنا مطولين مع بعض رح الله يساعدك وقعد اضحك عليه لما قلت بس

الباشــKsaــق
24-06-07, 03:44 PM
لالا لا هذا خطأ
لا تتفاول على نفسك بالشر... تاخذ مخالفه ولا تقول مثل هالكلام

غرابيل
24-06-07, 03:48 PM
السائق : حسبي الله عليه .. .. الكذاب ، أكيد بعد قال لك أني مسرع



هههههههههههههه ذكـــي ..

يسلمووو *_*

<<تقول عقبال مانسووووووووووووووووووووووووووق..

سلطان بن عبدالعزيز
25-06-07, 01:44 AM
هههههههههههههههههههههههههههه

اي والله اللي انذبح الولد بهالنصيحه

يسلموووووو