المساعد الشخصي الرقمي

مشاهدة النسخة كاملة : مال اول ايام زمان


عاشقة الحب
24-06-07, 12:41 AM
مواليد الستينات والسبعينات وبداية الثمانينات فقط

وطبعا مواليد الخمسينات داشين معانا بالحسبه




_ تذكرون لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك هاييج العضه اللي تصارخ منها .
‏ _ تذكرون لما كنا نصور فوري عند مصور الجمعية وطبعا غصبن عليك الخلفيه زرقه مب بكيفك ولازم تمشط شعرك بالمشط اللي عنده كله شعر وبعدين يغسلك الصورة بالآله اللي عنده ام ذراع والاطراف مشرشره يعني يكون حركه . ‏ويعطيك الصور بعد أسبوع
_ تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتــــــي فـــــــــــي تاتي والصفقه بصبعين بس .... ‏ . صدق كان منهج صعب
_ تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما يطيحون مع 6 ‏كشاكيل -
‏ _ تذكرون المعجون الصغير اللي ريحته تعور الراس ومعاه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي نفافيخ وطبعا ما تطلع النفاخة الين تطلع بلاعيمك وياها
‏ _ تذكرون لما كانوا الاولاد يلعبون مباريات كرة القدم بالفريج واذاكان واحد من الفريق ناقص لاعب بعد ما يباله قولجي دفاع هجوم ماشاءالله غرندايزر مب قولجي وطبعا كان اللعب الين اذان المغرب اللين ما يقول الله اكبر
_ تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونيلس ناكل مثله ويا البسكوت المالح خخخ.
_ تذكرون يوم الجمعة ... ‏ننش من الصبح علشان نسمع أغنية في قصص الشعوب قصائص لا تنتهي وعالم حلو بهي يسكن في القلوب في قصص الشعوب .
‏ _ تذكرون لما كانوا بالصيف يسبحونا من الطشت والمغرافه الزرقه او الحمره وانت تتنافض من البرد وتتريا متى يصبون عليك ماي اي بطل الدوش وفك عمرك....‏ياسلام على سياسة ترشيد المياه منذ القدم .
بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل _ تذكرون تيلفون والله يعينك لي بغيت تتصل مكالمه حق البشكاره تلاقي اصابيعك تون .....‏صدق كانت معاناة
‏ تذكرون لما كنا نربط الشرشف على رقبتنا مثل سوبرمان ونصعد فوق الكبت وانط على الدواشق واخر شي ناقز غلط ومنكسره ايدك....
_ تذكرون شريط الشلق الاحمر اللي اذا اخترب المسدس ماله ما يباله كلام حًول على كعب الوالده وكمل عليه بالكاشي والا على كاشي الباب اخر شي الوالده مكمله عليك بالكعب
‏ _ تذكرون لما كنا نحط بالفريزر العصير الطويل بونصين عشان يثلج وكل ماتروح تبي تاخذه تلاقي الوالده منزلته تحت وماثلج.....‏راحت الفرحه .
_تذكرون لما كان الاولاد يغسلون الحوي بالبروش والصابون قمة الوناسه يمسك المساحه يعني يكون بيساعد واخر شي طايحله سكيتنج على الكاشي والزوليه وفليل وارمه ريله.
_ تذكرون لما كنا نستقبل الحجاج من زود الفرحه واللهفه على الصوغه واخر شي كم مسواج وقحفيتين والكاميرا الحمره وسياده والبنات قطعه خام مالت هنود وساعه.
_ تذكرون لما كنا نشوف مسرحيات الأطفال مثل السندباد والزرزورر والف باء تاء اللي فيها عبدالرحمن العقل ولما الحرامي يكون وراه نصرخ من قمة راسنا ورااااااك وراااااااك وهو يقول وينه وينه يميييييين يميييييين....‏ياعيني على الاستهبال .
_ تذكرون عزايم قبل والصماط المفروش على كبر الصاله اللي على صورة ميوه ( ‏فواكه ) ‏وريحته لازم ريحة مطبخ وجالسين على المده اللي يوم تقوم تلاقي ريلك كلها شخوط من المده....‏يا خي شو هالزهد بس.
_ تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين على كل الكتاب وين الشي المهم مادري
_ تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الأهلي يعني كووول والمشط بالدرج اللي على قبضة يد سيارة الجاكسون وحاط بالمسجل فرقة الدانه ولا عبدالكريم .
تذكرون لما تطوروا الشباب بالطلعه عقب سوق مرشد ونايف قاموا يروحون مركز الغرير ويدشون محل محل) _‏ ويتطمشون رفيق هذا بكم وهذا بكم لين يطردهم راعي المحل لما يعرف ان المخبا مافيه الا ريالين حق الرده يا بالتاكسي ولا بالباص .
_ تذكرون اول ما يسرقون الأولاد سيارة أبوهم كانت الريل اليمين على البترول والريل اليسار على البريك من الثواره .... ‏ولازم طبعا يمر على الربع بالفريج يصيح ويلات عليهم....‏واديلوووووو بريك وبترول
_ تذكرون لما كانت جائزة البيبسي سياره بالمغاطي مالت الغراش كنا الظهر نسير ورا الدكان ونبطل السحاحير كلها وبعدين نرد نسكرهم اي كلام تشوف الغازات كلها طايره ومتبخره وصاير ماي مايوه .
‏ _تذكرون لمايقول الاستاد ان هذي الصفحات ملغيه ايوااااااااااا تعال شوف التشخبيط اللي على الصفحه من فوووووووووق اللين تحت ولا نطرها من الكتاب.....‏ليش هالحقد عاد ......
_ تذكرون لما نتضارب مع ولد الييران وتقوله وخرعن بيتنا وعن رصيفنا يقولك مب رصيفكم هذا رصيف الحكومه كلام منطقي الصراحه , ‏وييلس يحوص جدام البيت ويمر عدالك ويقولك ماجستك ما جستك خخخخخ.
_ تذكرون لما يروحون الأولاد السوق مع الوالد يشتري لهم قطع كنادير حق العيد ..‏اخر شي شاري طاقه كامله نفس اللون وتشوف باول يوم العيد من الوالد اللين الاخو الصغير نفس الكنادير ( ‏تقول فرقة عياله.)
_(تذكرون يوم يبغون الشباب يشلون حديد قبل يترسون قواطي النيدو اسمنت ويحطون بينهم بيب حديد وهووووووووبا واخر شي منكسر ه ظهورهم ....
‏ _ تذكرون المسجل الأسود مال استاد الانجليزي يوم يدش علينا فيه قمة الوناسه اليوم ما فيه شرح يعني مافي اسئله ونرووووح نشغل الراديو يوم يكون مشغول ويا الطلاب .....
تذكرون الدفتر العنابي اللي في صوره الشيخ زايد الله يرحمه من ورى ._
_ تذكرون لما نقلد رقص مايكل جاكسون ونسوي حركه الرجعه وحركه الايد اللي على الجامه ونغني بيييييييييييلييييييييييه بييييييييييلييييييييه شو بيله مادري.
ولا تنسون تلفونات أول الأنيس والجوال والقناص




_ تتذكرون يوم نتريا الساعه تستوي أربع ونشغل التلفزيون ونسمع القرآن ونسع حديث الداعوق

عشان نشوف عدنان ولينا وطمطم هايدي وكاليميرو وساسوكي والرجل الحديدي

ايام التلفزيون يفتح الساعه 10 ويبند الساعه 2 والفتره المسائيه يفتح الساعه 4ويبند الساعه 12ونتسابق علشان المكان وطبعن احسن مكان في النص
_ وتذكرون بابا ياسين ما نفوته بعد صلاة الجمعه من كل اسبوع
_ وتذكرون يوم البنات يلعبو مع الاولاد في الشوارع وما شي خوف ولا عيب
والشربت لاتنسونه اشكال الوانوطعمه غير الحين
" _ تتذكرون في بعض ايام الجمع يوم انقوم الصبح عشان الرسوم و يطلع حاطين سباق الهجن وحيو الهجن المظمراتي" واحنا نتريا بالساعتين والثلاث على أمل ان السباق يخلص و يحطون الرسوم.
ولا يوم نتريا العصر بعد الصلاة راعي العسكريم (الايس كريم اللي ايي على سيكل و جدامه بوكس (صندوق ثلاجه) و نشتري اسكريم الكوره (على شكل كرة قدم صغيرة) بو غطا زرقا.
ولا بعد يوم نشوف الاخبار اللي كان ايي على قناة بوظبي بعد المغرب و المذيعات لابسات الشيله الشفافه اللي كل شوي تصير زرقا من الجرافيكس. ههههههه كله كوم و موسيقي الاخبار كانت كوم. يدي الله يرحمه كان يعلي الصوت عالاخير و احنا في الحوي نسمع الميوزك و نرقص باستهبال عليها
وذكرتوني بفرشاة البسكوت ومعجون الكاكاو يميمي وذكرتوني... وذكرتوني...._
_ تذكرون بعد ايس كريم البيبسي والثاني الحليب
والفيمتو الثلج اللي قرطاسته بيضه الله روعه
، _ وتذكرون كانوا في المدرسة يفتشون شعرنا لو فيها قمل ويعطونا شامبو ازرق عليه صورة ولد ويغسلون فيها شعورنا في المدرسة
_ وتذكرون كل ما نلعب في المدرسة نركض الا السروال المخور -الخلق- يبين واحنا مستانسين
يوم كنا نعلب الجحف مع بنات الفريج كلنا نتجمع ونلعب ونتضارب مع الأولاد
وكنا العصر نتجمع ورح كلنا الدكان ونشتري لبن مثلج والشربت والبفك والداغوس
وان خبل في راعي الدكان شوية
_ولا التلفزيون يوم يخترب روووح وحيييس الاريل العادي
واذا كانصييف تنحرق في الشمس وتتصلخ يديك
_ اتذكر لبن اب نثلجه ونتم نتريا الين يثلج ونتحمس لرسوم العصر ونشوف بسمه وعبدو وعدنان ولينا ومسلسلات خالد العبيد وبالذات شركان شركون له اربع اعيون خخخخخخ عاد احنا اكشن ورعب حليلنا صدق مال اول مب ام اعيال هالوقت مايخوفهم شي ويضحكون والحين يوم انخبرهم عن ماضينا يتمون يستعبطونا ويضحكون علي سوالفنا
ولا الصيف يوم تطلع النتايج الفريج كله يرتبش ويقومون يوزعون البيبسي الغرش ونستانس لا يطلبون منا لاتعقون الغرش عسب ايردونها للدكان علشان يرد التامين خخخخخخخخ ماااااااااااال اول
ونااااااااااااااااااااسه يوم تطلع النتايج وقبل انسير ندرس في الدينيه يا سلام بس عسب ناخذ 600 درهم واتشوفون البنات والاولاد الكل ايسير محد ايقول عيز ومافي داعي وملل بالعكس كان تغير عن روتين المدرسه




_ تذكرون يوم نشتري المسطرة اللي تتحرك الالوان فيها ومن وراها جدولالظرب عسب انغش منها خخخخخ

ولايوم اتمر سيار الفليت يا سلام واحنا وراها مطاردة من سكه لسكه حشا مب بنات الادوريه شرطه بس عسب ندخل في الدخان اااااااااااااااااااااااااااااة ياقلبي شوهالحاله كله اندور الاكشن والوناسه والريول يحرم عليها النعال اونه اسرع للركضوالغبار عليها طن شو يخوزة غير كاز

أبونديم
24-06-07, 01:02 AM
تذكرون لما نقلد رقص مايكل جاكسون ونسوي حركه الرجعه وحركه الايد اللي على الجامه ونغني بيييييييييييلييييييييييه بييييييييييلييييييييه شو بيله مادري.


ماعرف الا العرضه ارفع ايدي واومي بها وانا مادري وش السالفة
شفت الشيخ ترقص قلت هم ابخص خلك مثلهم
ايام الطفولة شي
واذكر اذا حطيت توت في اكياس انتظره يثلج لأنه ماكان عندنا ابونص
والا ارواح لأم الجيران اخذ اربع بريال >> ايام العز والرخص
الله يرجع ذيك الايام كان كل شي له طعم

الـمـ فاروق ـلك
24-06-07, 01:27 AM
الله على الزمن الجميل

انا ما اذكر الا البسطـــه

مهاجرة بإحساس
24-06-07, 01:41 AM
_ وتذكرون يوم البنات يلعبو مع الاولاد في الشوارع وما شي خوف ولا عيب

أتذكر هذاك الأمان الي كنا عايشين فيه ..طفوله بريئه ..لوووووول ..الله يستر من يهّال هالأيام ..الواحد منهم يسكّت الكبير ..لوووووووووووول ملاقيف ما ينخاف عليهم ..لوووووول

الخزامــــــــــــــــى
24-06-07, 04:52 AM
الله عليك رديتنا لقبل................

كان للدنيا طعم ...............
والحين ..........

كل شي فيها تبدل....

غرابيل
24-06-07, 12:33 PM
تذكرون المعجون الصغير اللي ريحته تعور الراس ومعاه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي نفافيخ وطبعا ما تطلع النفاخة الين تطلع بلاعيمك وياها

ههههههههههههه انا اتذكره يؤؤؤؤؤؤؤ قديمــــــه وانت تنفخ تطقطق اذانك شوي بتنفقع الطبله ههههههههههه

تذكرون لمايقول الاستاد ان هذي الصفحات ملغيه ايوااااااااااا تعال شوف التشخبيط اللي على الصفحه من فوووووووووق اللين تحت ولا نطرها من الكتاب.....‏ليش هالحقد عاد ......

هاذي موجوده معاي للحين لو تخذف الدكتوره نص كلمه انواع المأساه بكتابي ..

_ تذكرون لما كنا نحط بالفريزر العصير الطويل بونصين عشان يثلج وكل ماتروح تبي تاخذه تلاقي الوالده منزلته تحت وماثلج.....‏راحت الفرحه .

ههههههههه بعد هاذا موجود للحين ..

بس شكلكم انتم قديمين مرهـ ..على ايام بيوت الطين ...

ايـــام حلووووهـ .

عاشقة الحب
22-09-07, 05:07 AM
اسعدني مروركم