الفية قصيمي نت // ابداع شعراء المنتدى

[بدر العطاوي]

السلام عليكم ورحمة الله وبركاته
اخواني الشعار اليوم جايب لكم لعبه حلوه وخاصه بكم
وهي صنع الفيه للمنتدى نسميها الفية قصيمي نت

هي فكره وجدتها في بعض منتديات الشعر
وطريقتها كل شاعر ياتي ويضيف بيت يبداه بالحرف الذي يلي الحرف الذي في المشاركه التي قبله
حتى تكتمل القصيده بنهاية الاحرف الابجديه
لاكن نحن بنغير فيها بعض التغييرات
وشروط اللعبه على النحو التالي

1= يكون تسلسل الاحرف حسب تسلسل الحروف الابجديه
2= يكون وزن البيت على وزن الابيات السابقه
3= يكون تنسيق القصيده على القاف الرباعي
4= تكون على نهج الشقر وهو نهاية كل شطر بنفس الكلمه مع اختلاف معناها
5= على كل من اراد المشاركه ان يقوم بنسخ ماسبق واضافة مشاركته عليها
6= كل مشاركه تخالف هذه الاشروط يتم حذفها من قبل المشرفين

وانا ابدى باول حرف وتكون القصيده على نفس الصيغه

الف اولف مـن حــروف ثماني .... احـروف والالحان شاعر ثم اني
العشر ضرب اثنين زايد ثماني .... شـيلـولي الـمـوال ياهـــيه تـكفون



لكم تحياتي


بدر العطاوي

[جاسم الديحاني]

السلام عليكم


فكره جميله

واتمنى من الكل المشاركه

وهنا بيوتك

=======================
(( الف اولف مـن حــروف ثماني .... احـروف والالحان شاعر ثم اني
العشر ضرب اثنين زايد ثماني .... شـيلـولي الـمـوال ياهـــيه تـكفون ))
=======================
وهنا ردي


=======================



بـــرقــا عــلــيهـا فـى ســمــاها وبرقا = لـــو كـــان رعــدن فى سـمــاها وبرقا
ورثــي عــزاهــا بـيــن روقـــن وبرقا = شــيـلـولــي المــوال يــاهـــيه تـكـفـون






اللى بعدي

[بدر العطاوي]

لرفع

[مجننتهم كالعادة]

بدر العطاوي ...مساء الجوري
هلا وغلا بطرحك لها الموضوع ابداع بافكارك
بس للأسف متذوقة وقارئة للشعرفقط..؟
حدي كتابة الخواطر القصيرة حبيت اهنيك ع الموضوع فقط
ملقوفة يارب تتقبل مرورى بصفحتك


لك تحياتي اختك
حفيدة الملوك

[المُهرة]

وعليكم السلام ورحمة الله وبركاته
فكرة حلوة أخوي بدر
ما شاء الله تبارك الرحمن قصيمي يزخر بالشعراء المبدعين
سجلوني متابعة لأبدعاتكم
الله يزيدكم من فضله وعلمه

:)

[جاسم الديحاني]

.....

[كاتم الونة]

فكرة رائعة شاعرنا الغالي/ بدر العطاوي

لكم المتابعة لاهنتوا..

لاهنت ولاهان غاليك

:)

[ŘǻŶąŅ~ •●∫]

كملوها :(

[وراق]

تعلى عليها في وطنها تعلى ///////////////////////////////////// مثل برقن في سماها تعلى
بيت شعري بعلمه تعلى ////////////////////////////////////////// شيلو الموال ياهيه تكفون



مدري صح والاخرجنا على النظام

[عبدالله المعزي]

مجمل ومشكور ايها الرائع فكره جميله من شخص مبدع


ثــــار الـــقــصــيــد بـــمــهـجتـي واستـهــلــى --------- يـــشـــبـه قـــمـــر وســط الــشــهــر يــوم هـلــى

مـــثـل الـــحـســام الـــحـضــرمـي يوم اسـلــــى -------- وشــــيلــــو لــــــي الـــمـــوال يـاهيـه تـــكـفـــون

تقبلو تحياتي

[عبدالله المقاطي]

والجيم جيبولي حبيبي معايــه = معدت اطيق البعد دامه دوايه
وان ما قدرتو سلمه الوصايـه = وشيلو لي الموال يا هيه تكفون

[جاسم الديحاني]

حنا ترى فى شعرنا اخوان لاخوان = ولا ظنتي من فينا حاقد وخوّان
مانرافق الكافر ولا سبيس واخوان = وشيلولي الموال ياهيه تكفون

[كبرياااااااااء]

اول شي انا شايفه الكثير منكم مالتزم بشروط الشقر واللي منكم حول الشقر اضعف المعنى ومفروض من بدر يحذف بعض المشاركات لاتنحرج ياخوي هذا فن وقوانين
على العموم هذي مشاركتي



خطيت من فوق السحاب وتعديت=وعلى حقوق اهل الوفا ماتعديت
واللي يبي أعد وقفات عديت=شلتم معي والا عسى ماتشيلون

[جاسم الديحاني]

دلـــوعتــن تـرمــى تـــــبــا تــصــيــّـد فــالــشــبــك /// ولــيــّا تــغــيــّب عــــن عــيــونــك .. يـــشـّـبـك
ولا غــــبــت عــنها مـاتـجـي تــقـول .. وشّ بـــــك /// شــيــلــوا لـــهـــا الــمـــوال يـــاهيـيـه تـكـفون




يشّبك = شبت النار

[كبرياااااااااء]

ذلحين مدري ليل والا انه نهار------- ياللي تضن ان الجبل طاح وانهار
فكري سحاب ودفتري سيل وانهار------شلتم معي والا عسى ماتشيلون

[النجديه]

تسلم ياخوي على هالفكره الرائعه

تسجيل حضور ومتابعه

تحياتي لكم .