مالك دخل

[ابودانه الحايلي]

بسم الله الرحمن الرحيم
اخواني اخواتي :
السلام عليكم ورحمة الله وبركاته...
موضوع ابي رأي العموم فيه ولو ان واحد منكم مكان هذا الشخص ماهي ردة فعله .
الموضوع : انسان راح بيخطب ويوم قالوا الله يحييك استانس واتفقوا على يوم الملكة.. المهم يوم جاء يوم الملكة جاء المملك وملكوا ويوم قال المملك وش فيه شروط قال ابو البنت:
1_مالك دخل في وظيفتها.
2_مالك دخل في راتبها ان شاء الله تحرقه.
طبعا المملوحة موظفه.
يا اخواني لن اترك جوانبا مهمة في هذا الموضوع منها:
ان الزوج اساسا ليس بحاجة لراتبها..ايضا لن يطمع فيها يوما ابد.
احبابي :هل تتوقعون ان هذه الشروط طبيعية او ان هناك اجحافا في حق الزوج..وان هذه الشروط لن تكون عائقا بينهم ومالها من سلبيات على الزوج هذا اذا قبل المسيكين.
انا اللي اشوفه طبعا يوم عرضت علي هذه القصه ان الزوج اصبح كاالاطرش و ان ابو البنت كأنه يقول (شف ياحبيبي بنتي هذي في بيتك بس اما باقي امورها مالك دخل فيها تبي ولا مع السلامه).
وش رايكم ولو انه واحد منكم بكل امانه وش بيسوي.
والله انه شيء محزن.
تحياتي لكم...
ابو دانه الحــــايلي..

[فتاةمن زمن الحب]

اذا جيت للصراحة الزوج مالوا دخل براتب الزوجة يعني فلوسها اما الوظيفة اذا كان زوجها مو عايزها تشتغل لازم يقولها بس على ما اظن انو هالاشياء تخص الزوجين لوحدها وما كان على الاب التدخل في مثل هاته الامور يعني يشوف اخلاق الرجل فقط.
وللزوجين حرية التصرف في امورهما الخاصة.
وجهة نظري(qq115)

[مطنشه]

اللي اوله شرط آخره نوووور

[أمير الرومانسيه]

الشرط الاول معقووول تحفظ فيه حقوق الزوجه....لها وللزمن

أما الشرط الثاني : لوإني مكان الزوج كان رديت عليه.....لأن ماله حق....نهائيآ.

[المتيم بجمالها]

انا من رايي ليبتعدهذا الخاطب عن هذه الفتاة.فهي لا تصلح لان تكون زوجة.
هذه بنت ابيها ابوها مسيطر عايها سيطرة تامة وليس لديها اي قرار بيدها.
اخي الخاطب سيتزوج اباها وليس البنت لان قراراتها كلها ستمر على السيد الوزير.الاب.

[عالي المستوى]

اخوي الغالي / ابو الدانه

كيفك عساك بخير والاموره دانه وشلونها ياويلك مني لو تزعلها ترا والله حبيتها من ابوها

شف يالغالي

بالنسبه للموضوع اعلاه

يقول الرسول صلى الله عليه وسلم ( المؤمنون على شروطهم )

قبلت فبها ونعم رفضت الحمدلله يؤتي الله كل من سعته

دايما يالغالي تكون فيه شروط في العقد ولكن بعد الزواج والعشره الطيبه بين الازواج تتغير اشياء كثيرة اذا كان هناك شرط في العقد يتم عليه الاتفاق بين الزوجين والعمل بعكسه وليس لاحد دخل فيما يفعل الازواج بينهم

دمت يالغالي
بحفظ الله

[أنوثتي..طاغية]

شوف في الزمن هذا معاها حق انو تحط هذي الشروط لانو الرجل في هذا الوقت ماصار يصرف على زوجته ويطلب منها الصرف على البيت اكثر منه وفلوسه هو يحطها قطه بالاستراحات
فمن حق اي وحده انها تحط الشروط اللي تبي

[اساير الوقت]

هلا وغلا اخوي أبو دانه كيف الحال أن شاء الله بخير

أنا صراحه رأيي من رأي اخوي عااااااالي

ولك أطيب تحيه

[ولد لطيفة]

شروطه معقوله..
بس المفروض انها تطلع من البنت مو من ابوها و
بعدين كيف مالي دخل بوضيفتها ......... اذا كان قصده الراتب مو مشكله..
اما اذا كان قصده تطلع متى ما تبي و تروح وين ما تبي و تشتغل وين ما تبي ...........طبعا لأ.

على العموم اذا كان اسلوبه بهذا الشكل و هذه العنجهيه صراحه ماراح اكمل و بعيد النظر لان اسلوبه مره دفش..
المفروض يشرط بأسلوب احسن و قبل يوم المكله و يقول له ترى بكتبها في العقد مو.... قدام الشيخ و يصدم الرجال بكلامه.

[قدرومقام وقار]

والله محد ماكله الموضفه ولااب ماله حق يتشرط والرسول عليه الصلاة والسلام قال زوجوهم واعينو عاليهم

[xnaifx]

شوف ياعزيزي سوا شروطة والا ماشرطوة راتبها لها تسوي به الي تبي
تاكله تحرقه تعطيه احد من اهلها شيء راجع لها
الشخص لما يتزوج يكون عارف انه تزوج انسانه بتكون زوجته وبيكون مسئول عنها في كل شيء
مصرف ملبس مماكل كل مصاريفها هو الي بيدفعها ... اما واحد يتزوج ويقول هي بتصرف على نفسها وانا بصرف على نفسي؟ ماتوقع احد بيفكر هالتفكير
اذا هي تبي تصرف شيء من راتبها بمزاجها في بيتها وعلى نفسها وعلى عيالها هذي شيء راجع لها لكن مانيب ملزمهم
وبالنسبة للوظيفه وشرطها انها تواصل فيها ... فالي اوله شرط اخره نور .. ماوافقت على الشرط الا انت رجال بتكون قد كلمتك وبتخليها تتكمل في شغله

[منذ مبطي]

مرحبا اخوي الحايلي......................
أنا أشوف شروط الأب طبيعية وما تنقص من قدر الرجال إذا كان واثق من نفسه وهالأشياء فعلا ما تهمه ............... يعني هو يوم يخطبها أكيد عارف وين في هي متوظفه يعني ما عنده خلاف على مكان وظيفتها وبرضو ما اعتقد انه متزوج موظفه عشان ياخذ من راتبها يعني برضو ما راح يهمه لو انه الأب قاله مالك دخل في راتبها ............... نرجع للأب يمكن انه سمع عن رجال قليلين مروه ويخلون حريمهم يكدون عليهم من رواتبهم وهذي النماذج موجودة للأسف في مجتمعنا بنسبه لابأس بها فحب انه يوضح الأمور من أولها واللي أوله شرط آخره نور سبحان الله اذا كان الرجال حاط العين على فلوس المره ولا شي يصرف نظر ........... وفي رجال اذا عيت المره تعطيهم شي من راتبها طلعها من وظيفتها يقول اذا انا ماني مستفيد من راتبها ليش تروح تشتغل حركة نحاسة يعني........................... وخلاصة الكلام أنا أشوف أن الأب ما شرط شي ماهو من حقه أو شي ينقص من رجولة الرجال بل بالعكس جزاه الله خير ماهو من الآباء اللي يكسر ظهر الرجل بالطلبات .....................
آسفه على الإطاله

[ابودانه الحايلي]

الاخوان الاعضاء :
السلام عليكم ورحمة الله وبركاته..
اولا اشكر الجميع على المرور واحترامي لكل رأي في هذا الموضوع.
انا ماريد التعليق والوصول اليه اليكم معكم اعزائي هو ان التعامل مع الاخرين فن لايتقنه كل الناس وانا هنا لا الغي الشروط في هذه العقود ابدا وهي شريطة المتعاقدين على اي حال.
رسول الهدى صلى الله عليه وسلم كان يأخذ الامور بالحكمة وليس بالقوة او بالتكريه.
اخواني اعلموا ان التعامل مع الاخرين هو فن التأثير فيهم بطريقة حكيمة وجميلة ومقنعه.
اشكر الجميع على اضافاتهم الرائعة ..
احترامي للجميع...
ابو دانه الحـــــايلي..

[يتيم الحظ]

انت بس قل ايه موافق بس يتم الزواج ويصير خير (q14)

[(بلاحدود)]

الحايلي ربي يسعد ايامك !
الله يصلحهم ، طالما انه ليس بحاجه لراتبها ، ليش يتزوجها !
وأعوذ بالله من المعطي المنان سواء من ابوها او منها ،
الله يبعدنا عن هذه النوعيات ولايحيجنا لهم ، بنته تطلع مثله اكيد ايش يبغى يبغى فيهم !

[سعودي في المريخ]

الشرط الاول من حق المراءه ولا يحق للرجل المطالبه به
اما الشرط الثاني 100% من حق الرجل

وتقبلو مروري