الهضبي

[الهضبي]

انشدك عن عذرا مدامعها دفيق *** والدمع كله تلقفه ورعانها
اللي عشقها في هواها مايفيق *** وحدا طرحها والكريم احصانها
____________________________________

انشدك وش بنتين عوج مطاليق*** عيالهن عشرة بنات غذارا
من فاتها يمسي ويصبح على الريق *** لوكان ماله كثر مال التجارا

[الزعيم مش مش]

صح لسانك الهضبي
عندي رمعه للعوج المطاليق
(اليدين)

[ابو ماجد 2]

اخوي الهضبي
صح لسانك وليتك افردت كل لغز لوحده لتسهل المراميع
محاوله
الاول دلة القهوه والفناجيل ورعانها
تحيتي لك

[غربة قلم]

اخوي الهضبي
صح لسانك وليتك افردت كل لغز لوحده لتسهل المراميع
محاوله
الاول دلة القهوه والفناجيل ورعانها
تحيتي لك


أنا مع أخوي أبو ماجد
أذكر أني قرأت عن الشاعرالشريف الغالبي
على ماأعتقد
قال هذا اللغز مخاطبا والده

انشدك عن عذرا مدامعها دفيق


والدمع كله تلقفـه ورعانهـا


اللي عشقها في هواها ما يفيق


واحد طرحها والكريم حصانها


أجابه والده
غبوتك ياورعي وانا وسط الطريق
فالدلـة اللـي كسـروا فنجانهـا

انشدك وش بنتين عوج مطاليق*** عيالهن عشرة بنات غذارا
من فاتها يمسي ويصبح على الريق *** لوكان ماله كثر مال التجارا

أما اللغز الثاني فأنا بعد مع أخوي الزعيم الحل هو اليدين